(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន មានអារម្មណ៍ក្តុកក្តួលយ៉ាងខ្លាំង ខណៈរំលឹកដល់ការលំបាក និងបញ្ហាប្រឈមរបស់ស្រ្តីកម្ពុជារាប់លាននាក់ ដែលបានលះបង់កម្លាំងកាយ កម្លាំងចិត្ត និងជម្នះនូវរាល់ ឧបសគ្គ ដើម្បីការពារប្រជាពលរដ្ឋកម្ពុជា ការពារកូនៗ និងក្រុមគ្រួសារ ដើម្បីរួមចំណែកក្នុងការអភិវឌ្ឍជាតិមាតុភូមិ ។ ការថ្លែងកោតសរសើរ និងដឹងគុណជូនចំពោះថ្នាក់ដឹកនាំស្រ្តី មន្រ្តីរាជការជាស្រ្តីនៃក្រសួងបរិស្ថាន និងស្រ្តីគ្រប់រូបដែលជាម្តាយ ជាបងស្រី និងជាប្អូនស្រី របស់ឯកឧត្តមរដ្ឋមន្រ្តី បានធ្វើឡើងនៅក្នុងពិធីអបអរសាទរខួបលើកទី១១៤ ទិវាអន្តរជាតិនារី ៨មីនា ឆ្នាំ២០២៥ ក្រោមប្រធានបទ «សិទ្ធិ សមភាព និងភាពអង់អាច ចំពោះស្រ្តី និងក្មេងស្រីគ្រប់រូប» នាថ្ងៃទី ៦ ខែកុម្ភៈ ឆ្នាំ២០២៥ នៅទីស្តីការក្រសួងបរិស្ថាន។ នៅពីក្រោយមូលហេតុនៃភាពក្តុកក្តួលនេះ គឺការរំលឹកនឹកគុណទៅដល់អ្នកម្តាយរបស់ឯកឧត្តមរដ្ឋមន្រ្តី ដែលលោកបានលះបង់នូវកម្លាំងកាយ ពុះពារតស៊ូគ្រប់ឧបសគ្គ ដើម្បីចិញ្ចឹមបីបាច់កូនទាំង៥តែម្នាក់ឯង រហូតកូនប្រុសបន្ទាប់ពៅ គឺឯកឧត្តមបណ្ឌិត អ៊ាង សុផល្លែត ទទួលបានតួនាទី ជារដ្ឋមន្រ្តីក្រសួងបរិស្ថាន ដែលនេះហើយ ជាសមិទ្ធផលកើតចេញពីកម្លាំងរបស់ស្រ្តី និងអ្នកម្តាយជាស្រ្តីម៉េម៉ាយ ដោយរបបអាវខ្មៅ ប៉ុលពត។…

(ភ្នំពេញ)៖ អភិបាល នៃគណៈអភិបាលរាជធានីភ្នំពេញ ឯកឧត្តម ឃួង ស្រេង បានថ្លែងកោតសរសើរដល់បងប្អូននារី ក្នុងរដ្ឋបាលរាជធានីភ្នំពេញដែលបានលះបង់កំលាំងកាយចិត្តក្នុងការបំពេញភារកិច្ចជូនជាតិ និងប្រជាជននៅគ្រប់កិច្ចការសង្គម សហគមន៍ និងការងាគ្រួសារ ។ ឯកឧត្ដម ឃួង ស្រេង សបញ្ជាក់ អំពីសារៈសំខាន់នៃការទទួលបាននិងអនុវត្តសិទ្ធិ នៃការលើកកម្ពស់សមភាព និងការពង្រីកភាពអង់អាច ចំពោះស្ត្រី និងក្មេងស្រីគ្រប់រូប នៅកម្ពុជា រួមទាំងការពិនិត្យឡើងវិញ នូវវឌ្ឍនភាពដែលសម្រេចបាន ព្រមទាំងបញ្ហាប្រឈមដែលនៅសេសសល់ លើការងារអនុវត្តសេចក្តីថ្លែងការណ៍ របស់អង្គការសហប្រជាជាតិឆ្លើយតបទៅនឹងចក្ខុវិស័យ ដែលបានចង្អុលបង្ហាញនៅក្នុងក្របខណ្ឌគោលនយោបាយ ក្នុងការលើកកម្ពស់សមភាពយេនឌ័រនិងយុទ្ធសាស្រ្តបញ្ញកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភាយ៉ាងពិតប្រាកដ ។ ឯកឧត្តម ឃួង ស្រេង បានថ្លែងបែបនេះ នារសៀលថ្ងៃទី៧ មិនាឆ្នាំ២០២៥ ក្នុងពីធីសំណេះសំណាលជាមួយបងប្អូននារីក្រោមឱវាទរដ្ឋបាលរាជធានីភ្នំពេញក្រោមអធិបតីភាព ឯកឧត្តមម៉ប់ សារិន ប្រធានក្រុមប្រឹក្សារាជធានីភ្នំពេញ។ ពិធីសំណេះសំណាលជាមួយបងប្អូននារីក្នុងរដ្ឋបាលរាជធានីភ្នំពេញក្នុងន័យចូលរូមអបអរសាទរទិវាអន្តរជាតិនារី ៨មិនា ឆ្នាំ២០២៥ ក្រោមប្រធានបទ ៖ សិទ្ធ សមភាព និងភាពអង់អាចចំពោះស្រី្ត និងក្មេងស្រីគ្រប់រូប ក្នុងន័យលើកតម្កើងសិទ្ធនារីដែលមិនអាចខ្វះបានជាដៃគូជាមួយបុរសក្នុងគ្រប់កិច្ចកាសង្គម និងអភិវឌ្ឍន៍…

ឧត្តរមានជ័យ៖នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ បានអញ្ជើញចុះសួរសុខទុក្ខ​កងទ័ពជួរ​មុខនៅប្រាសាទតាមាន់ធំ ជិតព្រំដែនកម្ពុជា-ថៃ ។វត្តមានកាល​ពីថ្ងៃទី៦ ខែមីនា ឆ្នាំ២០២៥ ក៏បាននាំយក​អំណោយទៅជូននាយ​ទាហាន នាយទាហានរង និងពលទាហាន នៅមុនពិធីបុណ្យចូលឆ្នាំថ្មី ប្រពៃណីជាតិ​ខ្មែរនឹងឈាន​ចូលមកដល់នៅខែមេសា ខាងមុខ។ ពិធីសំណេះសំណាលដែលបានរៀបចំនៅបញ្ជាការវរសេនាតូចលេខ៤២២ ចំណុះកងពលតូចថ្មើជើងលេខ៤២ នៅទិស​យោធភូមិភាគទី៤» និង​យោធភូមិភាគទី៥ នៅភូមិតាមាន់សែនជ័យ ឃុំគោកមន ស្រុក​បន្ទាយ​អំពិល ខេត្តឧត្តរមានជ័យ នាយឧត្តមសេនីយ៍ ទៀ សីហា បាននាំ​ប្រសាសន៍​ផ្តាំផ្ញើសាកសួរសុខទុក្ខដោយក្តីនឹករលឹកពីសម្តេចតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និង​លោកជំទាវបណ្ឌិតដែលជានិច្ចជាកាលតែងបានគិតគូរយកចិត្តទុកដាក់ជាប្រចាំ និងគ្រប់កាលៈទេសៈពីសុខទុក្ខ និងជីវភាពរបស់កងទ័ព និងក្រុម​គ្រួសារ​កងទ័ព ទាំងនៅជួរមុខ និងនៅជួរក្រោយ។ នាយឧត្តមសេនីយ៍ ទៀ សីហា បានថ្លែងកោតសរសើរ និងវាយ​តម្លៃ​ខ្ពស់ចំពោះនាយទាហាន នាយទាហានរង និងពល​ទាហានទាំងអស់ ដែលបានលះបង់គ្រប់បែបយ៉ាង ដើម្បីការពារជាតិ សាសនា…

កំពង់ធំ៖សិក្ខាសាលាផ្សព្វផ្សាយស្តីពីនីតិវិធីនៃការទទួល និងដោះ​ស្រាយ បណ្ដឹងធានារ៉ាប់រង ដែលរៀបចំឡើងដោយ​រដ្ឋបាល​ខេត្ត​កំពង់ធំ​ បានប្រព្រឹត្តទៅនៅសណ្ឋាគារគ្លរៀស ហូថែល និងស្ប៉ាខេត្ត​កំពង់ធំ កាលពីរសៀលថ្ងៃទី០៦ ខែមីនា ឆ្នាំ២០២៥។ ពិធីនេះមានការអញ្ជើញពីលោក វ៉ា វិជ្ជា ប្រធាននាយកដ្ឋានគ្រប់​គ្រងអាជ្ញាបណ្ណ និងកិច្ចការគតិយុត្តនៃនិយ័តករ​ធានារ៉ាប់​រង​កម្ពុជា​(ន.ធ.ក)តំណាងឯកឧត្តម ប៊ូ ច័ន្ទនីរូ អគ្គនាយកនៃ ន.ធ.ក លោក ស ប៉ាហូ នាយករង​រដ្ឋបាល​សាលាខេត្ត លោក ហុក ហៀង តំណាង​ប្រធានមន្ទីរអប់រំ យុវជន និងកីឡាខេត្ត សិស្សានុសិស្ស និស្សិត និងសាធារណជន សមាជិក​សមាជិកា ។ លោក វ៉ា វិជ្ជា បានបញ្ជាក់ថា ការរៀបចំសិក្ខាសាលាផ្សព្វផ្សាយ​ស្តីពី​នីតិវិធីនៃការទទួល និងដោះស្រាយបណ្ដឹងជានារ៉ាប់រង ក្នុង​គោល​បំណង​បញ្ជ្រាបការយល់ដឹងបន្ថែមជូនដល់សាធារណជន អំពីសារ​ប្រយោជន៍ការធានារ៉ាប់រង សញ្ញាណទូទៅ​នៃការធានារ៉ាប់រង ប្រភេទ​នៃ​បណ្តឹងធានារ៉ាប់រងនីតិវិធីនៃការដាក់ពាក្យបណ្ដឹងធានារ៉ាប់រង និងយន្តការនៃការ​ដោះស្រាយ​បណ្ដឹងធានារ៉ាប់រង ក្នុងគោលដៅលើក​កម្ពស់ កិច្ចការពារអ្នកប្រើប្រាស់សេវាធានារ៉ាប់រង។ ថ្លែងក្នុងកម្មវិធីនេះលោក ស ប៉ាហូ បានលើកឡើងថា ការយល់ដឹង​លើការធានារ៉ាប់រង និងសិទ្ធិរបស់ប្រជាពលរដ្ឋក្នុង​ការ​ដាក់ពាក្យ​បណ្ដឹងធានារ៉ាប់រង មកនិយ័តករធានារ៉ាប់រងកម្ពុជា ក្នុងប្រទេស​កម្ពុជានៅមានលក្ខណៈចង្អៀតនៅឡើយ…

កំពង់ធំ៖នៅសាលប្រជុំសាលាខេត្តកំពង់ធំកាលពីថ្ងៃទី៦ ខែមីនា​មាន​រៀបចំពិធីចុះហត្ថលេខាខណ្ឌរដ្ឋបាលព្រៃឈើកំពង់ធំ និងគណៈ​កម្មការ​គ្រប់គ្រងសហគមន៍ព្រៃឈើ ដើម្បីបន្តកិច្ចព្រមព្រៀងព្រៃ​សហគមន៍អាណត្តិទី២ ដោយមានការអញ្ជើញចូលរួមពី​លោក ព្រឹម រដ្ឋា អភិបាលខេត្តកំពង់ធំ លោក ឡុង រតនៈកុមា នាយករងនាយក​ដ្ឋានព្រៃឈើនៃ​សហគមន៍​ព្រៃឈើ លោកស្រី អ៊ឹម ម៉ារ៉ាឌី ប្រធាន​ការិយាល័យសហគមន៍ព្រៃឈើនៃខណ្ឌរដ្ឋបាលព្រៃឈើ លោក ប៊ុន សុធី នាយខណ្ឌ​រដ្ឋបាល​ព្រៃឈើខេត្តកំពង់ធំ លោក ហេង ដា ប្រធានប្រតិបត្តិការទីវាលរបស់អង្គការ រីខូហ្វ លោក ញឹម ស៊ីញន នាយក​កម្មវិធីរបស់អង្គការសកម្មភាពដើម្បីអភិវឌ្ឍន៍ (AFD) និងមន្ត្រីរាជការ ស្រុក ឃុំ ព្រមទាំងសហគមន៍ព្រៃឈើ​ទាំង៣៤ ព្រមទាំងអង្គការដៃគូ ។ ថ្លែងនៅក្នុងកម្មវិធីនេះលោក ព្រឹម រដ្ឋា បានលើកឡើងពីសារសំខាន់​នៃព្រៃឈើនិងការការពារធនធានធម្មជាតិដ៏មានតម្លៃ​មហាសាល​សម្រាប់មនុស្ស សត្វ និងបរិស្ថានជាសកល។លោកបន្តថា ការបង្កើតសហគមន៍ព្រៃឈើគឺជាយុទ្ធសាស្ត្រនៃការ​គ្រប់គ្រងព្រៃឈើ​ដោយនិរន្តរភាពដូចមាន​ចែងនៅ​ក្នុង​កម្មវិធី ព្រៃឈើជាតិ និងស្ថិតក្នុងបរិបទនៃកំណែទម្រង់វិស័យព្រៃឈើ​របស់រាជរដ្ឋាភិបាលកម្ពុជា សំដៅជំរុញសម្រេច​គោល​ដៅក្នុង​កិច្ចការពារ បរិស្ថាន ជីវៈចម្រុះ ការកាត់បន្ថយភាពក្រីក្រ និងការពង្រឹងអភិបាលកិច្ចល្អដល់ស្ថាប័ន ដូចមានចែងក្នុង កម្មវិធីនយោបាយរបស់រាជរដ្ឋាភិបាលកម្ពុជា ស្តីពីវិស័យព្រៃឈើ និងផែនការអភិវឌ្ឍន៍សេដ្ឋកិច្ចសង្គម។ លោក…

ភ្នំពេញ៖ខណៈកំពុងបំពេញទស្សនកិច្ចការងារនៅសាធារណរដ្ឋកូរ៉េ ឯកឧត្តម នួន ផារ័ត្ន អភិបាលខេត្តកំពង់ធំ បានដឹក​នាំគណៈប្រតិភូ​ខេត្ត​កំពង់ធំ ជួបពិភាក្សាការងារជាមួយឯកឧត្តម អូ សេហ៊ូន (OH Se-hoon) អភិបាលរដ្ឋធានីសេអ៊ូល នៃសាធារណរដ្ឋកូរ៉េខាងត្បូង នៅសាលាក្រុងសេអ៊ូល កាលពីទី៦ ខែមីនា ឆ្នាំ២០២៥ ។ ក្នុងជំនួបនោះ ឯកឧត្តម នួន ផារ័ត្ន បាននាំប្រសាសន៍ផ្តាំផ្ញើសាកសួរ​សុខទុក្ខពី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ​ព្រះរាជាណាចក្រកម្ពុជា ជូនចំពោះ ឯកឧត្តមអភិបាលរដ្ឋធានី​សេអ៊ូល។ ឯកឧត្តមអភិបាលរដ្ឋធានីសេអ៊ូល និងឯកឧត្តមអភិបាលខេត្តកំពង់ធំ បានលើកឡើងអំពីស្ថានភាព​ដូចគ្នានៃភូមិសាស្ត្រ​រដ្ឋធានី និងខេត្ត​ទាំងពីរ ដែលមានទន្លេហាន និងស្ទឹងសែន ឆ្លងកាត់ និងដែលផ្តល់ផល​យ៉ាងល្អប្រសើរ​ដល់ការរស់នៅ​របស់ប្រជាពលរដ្ឋ ហើយក្នុងនោះ រដ្ឋធានីសេអ៊ូលបានរៀបចំកែលម្អដងទន្លេហាន បានយ៉ាងល្អប្រសើរ។ ក្នុងឱកាសនេះអភិបាលរដ្ឋធានីសេអ៊ូលបានឯកភាពជាគោលការណ៍លើគម្រោងជំនួយបច្ចេកទេស ដើម្បីនាំយកបទ​ពិសោធន៍​ដ៏ល្អរបស់​រដ្ឋធានីសេអ៊ូល មកអនុវត្តតាមបែបផែនកម្ពុជា ពិសេសនៅតាមដង​ស្ទឹងសែន របស់ខេត្តកំពង់ធំផ​ងដែរ។ ក្នុងឱកាសនោះដែរឯកឧត្តម នួន ផារ័ត្ន អភិបាលខេត្តកំពង់ធំបាន​អញ្ជើញ ឯកឧត្តម អូ សេហ៊ូន អភិបាលរដ្ឋធានីសេអ៊ូល មក​បំពេញ​ទស្សនកិច្ចនៅព្រះរាជាណាចក្រកម្ពុជា និងបានស្នើសុំ​អាហារូបករណ៍​ជូនមន្ត្រីរាជការខេត្តកំពង់ធំ…

(ភ្នំពេញ)៖ ឆ្លៀតក្នុងឱកាសនៃពិធីអបអបរសាទរទិវានារីអន្តរជាតិ ៨មីនា ខួបលើកទី១១៤ ឆ្នាំ២០២៥ នេះ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងលោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានអញ្ជើញទស្សនាបន្ទប់ទារកដ្ឋានដែលស្ថិតនៅក្នុងទីស្តីការក្រសួងប្រៃសណីយ៍និងទូរគមនាគមន៍ ហើយត្រូវបានដាក់សម្ពោធក្រោមអធិបតីភាពដ៏ខ្ពង់ខ្ពស់របស់ឯកឧត្តមរដ្ឋមន្ត្រី និងលោជំទាវកិត្តិបណ្ឌិតរដ្ឋមន្ត្រី ដោយផ្ទាល់កាលពីថ្ងៃទី៧ ខែមីនា ឆ្នាំ២០២៤។ នាពេលបច្ចុប្បន្ន ក្រោមការយកចិត្តទុកដាក់ពីថ្នាក់ដឹកនាំក្រសួងប្រៃសណីយ៍ និងទូរគមនាគមន៍ ទារកដ្ឋាននេះបានដំណើរការយ៉ាងរលូន និងបានដើរតួនាទីយ៉ាងសំខាន់ ដែលជាកន្លែងមេីលថែកុមារតូចជាកូនមន្រ្តីរាជការប្រកបដោយភាពយកចិត្តទុក ព្រមទាំងជាកន្លែងបណ្តុះបណ្តាលដំបូងដល់កុមារតូច ពីសំណាក់គ្រូៗដែលមានបទពិសោធផងដែរ។ ទារកដ្ឋានរបស់ក្រសួងពិតជាបានផ្តល់ឱកាសដល់មន្ត្រីរាជការជាស្រ្តីដែលមានកូនតូចអាចបំពេញការងារបានដោយចិត្តស្ងប់ និងបង្កើតផលិតភាពការងារជូនអង្គភាពថែមទៀតផង។ ការកសាងទារកដ្ឋាននេះឡើងគឺស្របនឹងអនុសាសន៍ដ៏ថ្លៃថ្លារបស់លោកជំទាវបណ្ឌិត ពេជ ចន្ទមុនី ហ៊ុនម៉ាណែត ដោយចាត់ទុកកន្លែងថែទាំងទារកនិងកុមារគឺពិតជាមានភាពចាំបាច់ ក្នុងការជួយសម្រាលបន្ទុកដល់មន្ត្រីជាស្ត្រី ដែលមានកូនតូចនៅក្នុងបន្ទុក ហើយម្តាយអាចវិលត្រលប់មកបំពេញការងារបានក្រោយពេលសម្រាលកូនរួច ព្រមទាំងអាចធ្វើការជូនស្ថាប័នដោយមិនមានការបារម្ភពីកូនតូច៕ ដោយ ៖ ង៉ាន់ ទិត្យ

អបអរសាទរទិវាអន្តរជាតិនារី ៨មីនា ខួបលើកទី១១៤ ឆ្នាំ២០២៥ ក្រោមប្រធានបទ “សិទ្ធិ សមភាព និង ភាពអង់អាចចំពោះស្ត្រីនិងក្មេងស្រីគ្រប់រូប” (ភ្នំពេញ)៖ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងលោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានអញ្ជើញជាអធិបតីក្នុងពិធីអបអរសាទរទិវាអន្តរជាតិនារី ៨មីនា ខួបលើកទី១១៤ ឆ្នាំ២០២៥ ក្រោមប្រធានបទ “សិទ្ធិ សមភាព និង ភាពអង់អាចចំពោះស្ត្រីនិងក្មេងស្រីគ្រប់រូប” នៅទីស្តីការក្រសួងប្រៃសណីយ៍និងទូរគមនាគមន៍។ ពិធីនេះធ្វើឡើងនៅព្រឹកថ្ងៃទី៧ ខែមីនា ឆ្នាំ២០២៥ មានការអញ្ជើញចូលរួមពីថ្នាក់ដឹកនាំនិងមន្ត្រីរាជការជានារីនៃក្រសួងប្រៃសណីយ៍និងទូរគមនាគមន៍ និងមន្ទីរ ប.ទ.ខេត្ត សរុបប្រមាណ ៣៨០នាក់។ លោកជំទាវកិត្តិបណ្ឌិត អ៊ឹង កន្ថាផាវី បានមានប្រសាសន៍ថា ការប្រារព្ធទិវាអន្តរជាតិនារី ៨មីនា ឆ្នាំ២០២៥នេះ ក្រសួងកិច្ចការនារី បានជ្រើសរើសយកប្រធានបទ « សិទ្ធិ សមភាព និងភាពអង់អាច ចំពោះស្ត្រីនិងក្មេងស្រីគ្រប់រូប » ក្នុងគោលបំណងរំលេចនូវសក្តានុពល និងភាពចាំបាច់នៃការលើកកម្ពស់ការចូលរួម និងភាពជាតំណាងរបស់ស្រ្តីនិងក្មេងស្រី នៅលើគ្រប់វិស័យ…

(ភ្នំពេញ)៖ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ស្នើឱ្យអាជ្ញាធររាជធានីភ្នំពេញនិងកងកម្លាំងទាំងអស់យកចិត្តទុកដាក់ឱ្យបានខ្ពស់បំផុតលើកិច្ចការពារសន្តិសុខ សុវត្ថិភាពជូនគណៈប្រតិភូក្រសួងការបរទេសថៃនិងប្រតិភូ កីឡាករថៃ ក្នុងព្រឹត្តិការណ៍កីឡាបាល់ទាត់មិត្តភាពកម្ពុជា-ថៃ ដែលនឹងធ្វើឡើងនាថ្ងៃទី០៨ មិនាខាងមុខនេះ ដោយត្រូវការពារចាប់តាំងពីព្រលានយន្តហោះអន្តរជាតិភ្នំពេញរហូតដល់សណ្ឋាគារស្នាក់នៅ និងដល់ទីតាំងពហុកីឡដ្ឋានជាតិអូឡាំពិក ។ ការស្នើឡើងបែបនេះរបស់ឯកឧត្តមសន្តិបណ្ឌិត នេត សាវឿន ក្នុងកិច្ចប្រជុំត្រួតពិនិត្យលើការរៀបចំព្រឹត្តិការណ៍កីឡាបាល់ទាត់មិត្តភាពកម្ពុជា-ថៃ ដើម្បីអបអរសាទរខួបអនុស្សាវរីយ៍ លើកទី៧៥ នៃការបង្កើតទំនាក់ទំនងការទូតរវាងព្រះរាជាណាចក្រកម្ពុជា និងព្រះរាជាណាចក្រថៃ ក្រោមការចូលពីជាអធិបតីពីឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកបណ្ឌិត ស៊ីផាឆៃ វីរៈភូជុង នាយកប្រតិបត្តិនៃទូរទស្សន៍ប៉ុស្តិ៍លេខ៥ និងជាអ្នកជួយសម្របសម្រួលការងារជាមួយភាគីថៃ នៅសាលារាជធានីភ្នំពេញ នារសៀល ថ្ងៃទី០៦ ខែមិនានេះ ។ ឯកឧត្តមសន្តិបណ្ឌិត នេត សាវឿន មានប្រសាសន៍ថា៖ ចំពោះគម្រោងនៃការរៀបចំរបស់រដ្ឋបាលរាជធានីភ្នំពេញ ទាំងការរៀបចំសន្តិសុខសណ្តាប់ធ្នាប់ខាងក្នុង និងខាងក្រៅពហុកីឡដ្ឋានជាតិអូឡាំពិក មានលក្ខណៈល្អប្រសើរហើយ។ តែស្នើបន្ថែមការយកចិត្តទុកដាក់ មើលស្ថានភាពនយោបាយ ដែលអាចបង្កឡើងពីក្រុមជ្រុលនិយមរបស់ថៃនិងក្រុមជ្រុលនិយមរបស់កម្ពុជា យើងត្រូវបង្ការទប់ស្កាត់ក្រុមទាំងនេះឱ្យបាន។ ត្រូវផ្សព្វផ្សាយដល់អ្នកគាំទ្រ កីឡាករបាល់ទាត់ឱ្យយល់ពីខ្លឹមសារ នៃការប្រកួតនេះជៀសវាងកុំឱ្យមានបញ្ហា ។ ឯកឧត្តមសន្តិបណ្ឌិត នេត…