(ភ្នំពេញ)៖ បច្ចុប្បន្ននេះនៅកម្ពុជាមានហេដ្ឋារចនាសម្ព័ន្ធធារាសាស្ត្រខ្នាតតូចមធ្យម និងធំ សរុបចំនួន ២៣៥២ ប្រព័ន្ធ ដែលអាចបម្រើដល់ការស្រោចស្រពលើផ្ទៃដីកសិកម្មជិត ២លានហិកតាព្រមជាមួយនឹងអាងទឹកខ្នាតតូច មធ្យម និងធំ ប្រមាណ ១៥០០អាង ដែលមានលទ្ធភាពស្តុកទឹកទុកសម្រាប់ប្រើប្រាស់ក្នុងរដូវប្រាំងសរុប ចំនួនជាង ៤ពាន់លានម៉ែតគូប។ បញ្ជាក់នៅក្នុងជំនួបជាមួយអ្នកសារព័ត៌មាន នាថ្មីៗមកនេះ ឯកឧត្តម ថោ ជេដ្ឋា រដ្ឋមន្ត្រី ក្រសួងធនធានទឹក និងឧតុនិយមបានឱ្យដឹងថាចាប់តាំងពីក្រសួងធនធានទឹក និងឧតុនិយម ត្រូវបានបង្កើតឡើងនៅក្នុងរាជរដ្ឋាភិបាលនីតិកាលទី២ នៃរដ្ឋសភា នាចុងឆ្នាំ១៩៩៩ មកទល់នឹងពេលបច្ចុប្បន្ន ហើយតាមរយៈសមិទ្ធផលទាំងនេះដែរ បានធ្វើឱ្យការងារបង្កបង្កើនផល ជាពិសេសស្រូវប្រាំងរបស់បងប្អូនប្រជាកសិករមានការកើនឡើងពីមួយឆ្នាំទៅមួយឆ្នាំ។ ជាក់ស្ដែង នៅក្នុងរដូវប្រាំងនាឆ្នាំ១៩៩៩-២០០០ នៅកម្ពុជាមានការដាំដុះស្រូវប្រាំងប្រមាណ ១០ម៉ឺនហិកតា ប៉ុន្តែចូលមកដល់រដូវប្រាំងឆ្នាំ២០២៤-២០២៥នេះ ការដាំដុះស្រូវប្រាំងនៅកម្ពុជាបានកើនឡើងរហូតដល់ទៅជាង ៩០ម៉ឺនហិកតា ដែលនៅក្នុងនោះមានទីតាំងខ្លះបានដាំដុះមួយដង ទីតាំងមួយចំនួនមានការដាំដុះស្រូវប្រាំងលើកទីពីរ និងមួយចំនួនទៀតឈានទៅការដាំដុះស្រូវប្រាំងលើកទីបីផងដែរ។ ឯកឧត្តមបានបញ្ជាក់បន្ថែមថា ៖”បើពិនិត្យឃើញការដាំដុះស្រូវប្រាំងមានការកើនឡើងជាបន្តបន្ទាប់ ទន្ទឹមនឹងប្រភពទឹកដែលយើងបានរក្សាទុកកាលពីចុងរដូវវស្សាប្រមាណ ៤ពាន់លានម៉ែត្រគូបត្រូវបានប្រើប្រាស់ស្ទើរអស់ ដោយរក្សាទុក១០ភាគរយសម្រាប់ប្រើប្រាស់ក្នុងជីវភាពប្រចាំថ្ងៃនារដូវប្រាំងនេះ”។ ជាមួយគ្នានេះ ឯកឧត្តមរដ្ឋមន្ត្រី ក៏បានផ្ញើសារអំពាវនាវទៅដល់បងប្អូនប្រជាកសិករសុំឱ្យមានការប្រើប្រាស់ទឹកមានការសន្សំសំចៃ ហើយកុំបន្តបង្កបង្កើនផលស្រូវប្រាំងបន្ថែមទៀត ព្រោះអាចនាំឱ្យមានការប្រឈមទៅនឹងការខូចខាត។ ចំពោះសេចក្តីអំពាវនាវនេះដែរគឺធ្វើឡើងក្នុងគោលបំណង ដើម្បីជួយទប់ស្កាត់ការខូចខាតរបស់បងប្អូនប្រជាពលរដ្ឋ តែបែរជាត្រូវបានវិទ្យុនៅឯបរទេសមួយយកទៅបំភ្លៃក្នុងចេតនាទុច្ចរិត បំភាន់មតិសាធារណៈ…

បាត់ដំបង៖ជាមោទកភាពមួយថ្មីទៀតសម្រាប់ខេត្តបាត់ដំបង បន្ទាប់ពី​ខេត្តប្រកបដោយ​សក្តានុពល​សេដ្ឋកិច្ចនិងទេស​ចរណ៍​មួយ​​នេះ ​ត្រូវបាន​ប្រកាស​ទទួលស្គាល់ និងប្រគល់ពានជ័យលាភី”បញ្ចប់ការបន្ទោបង់​ពាសវាលពាសកាល “(ODF)ដល់រដ្ឋបាលខេត្តដោយឯកឧត្តម ឆាយ ប្ញទ្ធីសែន រដ្ឋមន្រ្តីក្រសួងអភិវឌ្ឍន៍ជនបទ។ ជ័យលាភីនេះ បានដំឡើង​ថ្នាក់ខេត្ត​បាត់ដំបង ក្លាយ​ជា​ខេត្តទី១៧ ក្នុងចំណោម​រាជធានី ខេត្តចំនួន​២៥​របស់ព្រះរាជា​ណាចក្រ​កម្ពុជា​ជាខេត្ត”បញ្ចប់ការបន្ទោ​បង់​ពាសវាល​ពាសកាល” ។ ក្នុងពិធីប្រកាសជ័យលាភី”បញ្ចប់ការបន្ទោបង់ពាសវាលពាសកាល “ឬហៅកាត់ថា អូឌីអេហ្វ (ODF)ដែលប្រារព្ធនៅសួនយុវ័ន នៃ​ក្រុងបាត់ដំបង ដោយមានអ្នកចូលរួមរាប់ពាន់នាក់ និងមានការដង្ហែក្បួន​អបអរផងនោះ ចំពោះវត្តមាន ឯកឧត្តម​ ឆាយ ឫទ្ធិសែន រដ្ឋមន្ត្រី​ក្រសួងអភិវឌ្ឍន៍ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាល​ខេត្តបាត់ដំបងបានប្រកាសដោយអំណរថា នេះជា​សមិទ្ធផល​រួម ជាកិត្តិយស កេរ្តិ៍របស់អ្នកខេត្តបាត់ដំបង​ទាំងមូល មិនមែន​ជាសមិទ្ធិដោយឡែករបស់អ្នកណាមួយឡើយ។ ប្រសិនជាពុំមានការចូល​រួម​សស្រោកសស្រាំរបស់ប្រជាពលរដ្ឋទូទាំងខេត្តទេ ជាខេត្តបញ្ចប់ការ​បន្ទោបង់ពាសវាលពាសកាល ក៏ពុំអាចសម្រេចបានដែរ ។ បន្ថែមលើសពីស្នាដៃនៃការខិតខំរបស់រដ្ឋបាលខេត្តបាត់ដំបង ឯកឧត្ដម​រដ្ឋមន្រ្ដីក្រសួងអភិវឌ្ឍន៍ជនបទ ឆាយ ប្ញទ្ធីសែន បានគូសរំលេចថា គុណបំណាច់នៃ “សុខសន្តិភាព” ដែលកើតចេញពីការលះបង់ដ៏ធំធេង និងការខិតខំប្រឹងប្រែង​ឥតឈប់​ឈរដើម្បីជាតិ និងប្រជាជនដោយយក​ជីវិត​ធ្វើជាដើមទុនរបស់សម្តេចតេជោ ហ៊ុនសែន ” ជាបិតាសន្តិភាព…

(ខេត្តពោធិ៍សាត់)៖ រុក្ខជាតិម្យ៉ាង មានលក្ខណជាបញ្ញើក្អែក​ហើយ​ដុះ​នៅតំបន់ភ្នំត្រូវបានអ្នកស្រុករស់នៅសហគមន៍ភ្នំព្រះ​ដែលស្ថិតនៅឃុំថ្មដា ស្រុក វាលវែង ខេត្តពោធិ៍សាត់ បាននាំ​យក​មកធ្វើជាសម្ល ម្ជូរ ដែលមានរសជាតិឈ្ងុយឆ្ងាញ់​ប្រចាំ​​តំបន់​មួយនេះ ហើយអ្នកទេសចរជាច្រើនតែងកោតសរសើ ពីរស​ជាតិរបស់វាមិនដាច់ពីមាត់ទេ។ ស្លឹករុក្ខជាតិដែលអ្នកស្រុកតែងបេះយកមកធ្វើមុខម្ហូបនេះមានរសជាតិជូរ ដូចគ្នានឹងស្លឹកថ្នឹង និងស្លឹករុក្ខជាតិដទៃទៀតផងដែរ គ្រាន់តែរសជាតិជូររបស់វាខុសគ្នាប៉ុណ្ណោះ។ លោក សាវ ធីម ប្រធានក្រុមអ្នកនាំផ្លូវ សហគមន៍ភ្នំព្រះបាន​ប្រាប់​ឱ្យដឹងថា ស្លឹករុក្ខជាតិនេះត្រូវបានអ្នកស្រុកតំបន់នេះឱ្យ​ឈ្មោះថាស្លឹកល្មម។សម្រាប់រុក្ខជាតិប្រភេទនេះមាន​អ្នកស្រុក​តិចតួចដែរទេដែលបានស្គាល់ ហើយចេះកែច្នៃវាមកធ្វើជា​សម្លម្ជូរ។ស្លឹកនេះគេប្រើធ្វើជាម្ជូរជាមួយសាច់មាន់ សាច់ទា​គឺឆ្ងាញ់ជាតិសាច់ជ្រូកឬសាច់ទា។ ប្រធានក្រុមអ្នកនាំផ្លូវដើម្បីទៅកម្សាន្តលើភ្នំព្រះរូបនេះបានប្រាប់ដែរថារុក្ខជាតិនេះសម្បូរដុះច្រើនតែលើខ្នងភ្នំព្រះ ហើយវាដុះ​តាំង​តែ​ពីជើងភ្នំរហូតដល់កំពូលភ្នំ។ស្លឹករុក្ខជាតិនេះជូរល្មម ម្ល៉ោះ​ហើយអ្នកស្រុកទើបដាក់ឈ្មោះឱ្យថា”ម្ជូរល្មម”តែម្តងទៅ។ក្រៅពីធ្វើជាសម្លម្ជូរគេនៅអាចនាំយកទៅធ្វើជាបន្លែសម្រាប់ទ្រាប់ប្រហុកបរិភោគ ប្រើធ្វើជាទ្រាប់ជ្រលក់ទឹកគ្រឿង​ក៏មាន​រស់ជាតិឆ្ងាញ់ពិសារដូចគ្នា។ លោកថា”រុក្ខជាតិនេះដុះលក្ខណៈជាបញ្ញើក្អែក ដោយវាតែងដុះ​ជាមួយដើមឈើដទៃ និងខ្លះទៀតដុះលើថ្ម។វាមើលទៅពាក់​កណ្តាលជាវល្លិ៍ និងពាក់កណ្តាលទៀតជាដើមឈើ។ រុក្ខជាតិ​នេះ​មានពេញៗមួយឆ្នាំ​ ពោលគឺបើយើងចង់យកមកធ្វើម្ហូបនៅ​ខែណាក៏មានដែរឥតខ្វះទេ” ។ លោក សាវ ធីម​ បានប្រាប់ឱ្យដឹងដែរថាតាមពិតរុក្ខជាតិ​ប្រភេទ​នេះមានដុះតាមតំបន់មួយចំនួននៅប្រទេសកម្ពុជាផងដែរ គ្រាន់​តែតំបន់ខ្លះគេមិនបានដឹងពីប្រយោជន៍វាសម្រាប់ធ្វើជាម្ហូបប៉ុណ្ណោះ ។ សម្រាប់ស្លឹកវាគេអាចប្រើបានទាំងស្លឹកខ្ចី និងស្លឹក​ចាស់​យកមកធ្វើម្ហូបបានដូចគ្នា។ សម្រាប់វិធីធ្វើម្ជូរល្មមវិញត្រូវបានប្រធានក្រុមអ្នកនាំផ្លូវរូបនេះបា្រប់​ថា មុនដាក់ស្លរគេហាន់វាជាចំណិតតូចៗល្មមដូចគ្នា​នឹង​ស្លឹកថ្នឹងដែរ។ដោយឡែកវិធីធ្វើសម្លម្ជូរវិញគឺធ្វើដូចគ្នា​នឹងការធ្វើ​សម្លម្ជូរដទៃទៀតដែរ ក្នុងនេះមានប្រើស្លឹកគ្រៃ ម្តេង ម្ទេស ស្លឹក​ក្រូច​សើចជាដើម។ បើតាម លោក សាវ ធីម បានប្រាប់ឱ្យដឹងថាសម្រាប់ភ្ញៀវ​ទេស​ចរ​​ដែលឡើងមកលើភ្នំខ្នងព្រះនេះ​លោកតែង​ធ្វើ​សម្លម្ជូរល្មមឱ្យ​បានបរិភោគស្ទើរគ្រប់គ្នា ពីព្រោះថាវាជាអាហារ​តំបន់ ហើយ​មាន​រសជាតិប្លែកដែលតំបន់ដទៃទៀតគ្មាននោះឡើយ។…

សៀមរាប​៖ រដ្ឋបាលខេត្តសៀមរាបដែលមានឯកឧត្តម ប្រាក់ សោភ័ណ អភិបាលខេត្តសៀមរាប និងឯកឧត្តម ជិន ម៉ាលីន រដ្ឋលេខាធិការ​ក្រសួងយុត្តិធម៌ និងជាប្រធានប្រចាំការនៃអាជ្ញាធរជាតិ​ដោះស្រាយ​វិវាទក្រៅប្រព័ន្ធតុលាការ(អ.ដ.ក)កាលពីព្រឹកថ្ងៃទី៣ ខែមីនា ឆ្នាំ២០២៥ បានចុះហត្ថលេខាលើអនុស្សរណៈនៃការយោគយល់គ្នា ពីកិច្ចសហប្រតិបត្តការ សម្រុះ​សម្រួល ផ្សះផ្សាវិវាទ សំដៅលើក​កម្ពស់គុណភាព ប្រសិទ្ធភាព តម្លាភាព និងភាពឆាប់រហ័សនៃការ​ដោះស្រាយវិវាទ​តាមរយៈការសម្រុះសម្រួល ផ្សះផ្សាក្រៅប្រព័ន្ធ​តុលាការនៅកម្ពុជា ឯកឧត្តម ប្រាក់ សោភ័ណ អភិបាលខេត្ត បានពណ៌នាលើអនុស្សរណៈ​នេះថា​ ជាយន្តការមួយទៀត​ដើម្បី​បំពេញបន្ថែម​ឱ្យប្រព័ន្ធដោះ​ស្រាយ​វិវាទ​ក្រៅប្រព័ន្ធតុលាការបច្ចុប្បន្នក្នុងខេត្តសៀមរាប និងចូលរួមអនុវត្ត​តាមគោលនយោ​បាយកែទម្រង់​វិស័យយុត្តិធម៌របស់រាជរដ្ឋាភិបាល​នីតិកាលទី៧ និងការលើកកម្ពស់ និងពង្រឹងប្រសិទ្ធភាពនៃ​ការ​ដោះស្រាយ​វិវាទ​ក្រៅ​ប្រព័ន្ធតុលាការជូនប្រជាពលរដ្ឋ ដើម្បីធានាបាន​សុខដុមរមនាក្នុងសង្គមជាតិ ពិសេសសម្រាប់ជាប្រយោជន៍របស់​ប្រជា​ពលរដ្ឋ​នៃខេត្តសៀមរាប។ ចំណែកឯកឧត្តមបណ្ឌិត ជិន ម៉ាលីន បានបញ្ជាក់ថា អាជ្ញាធរជាតិ​ដោះស្រាយវិវាទក្រៅប្រព័ន្ធតុលាការ គឺជាយន្តការ​សម្រប​សម្រួល​បន្ថែមទៅលើប្រព័ន្ធដោះស្រាយវិវាទដែលមានស្រាប់។ ជាការ​ជួយឱ្យ​ប្រជាពលរដ្ឋមានជម្រើស​​សម្រាប់​ការ​ដោះស្រាយវិវាទក្នុងសហគមន៍ ដោយផ្អែកលើគោលការណ៍ឈ្នះ-ឈ្នះ ជៀសវាងការចំណាយ​ពេលវេលា។អនុស្សរណៈក៏ជាផ្នែកមួយនៃការអនុវត្តទិសដៅនិង​ចក្ខុវិស័យនៃការកែទម្រង់ប្រព័ន្ធយុត្តិធម៌ ក្រោមការដឹកនាំ​របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា៕ដោយ៖ប៊ុន រដ្ឋា

កំពង់ឆ្នាំង៖ឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តិ​ការសឹករងកំពង់ឆ្នាំង និងជាប្រធានសមាគមអតីតយុទ្ធជន​កម្ពុជាខេត្ត កាលពីព្រឹកថ្ងៃទី៣ ខែមីនា ឆ្នាំ២០២៥ និងក្រុមការងារ ព្រមទាំង​អាជ្ញាធរ​មូលដ្ឋាន​បានរៀបចំពិធី​ប្រគល់​ថវិកាបេឡាមរណៈ​សង្គ្រោះ​ចំនួន ៣២លានរៀល លិខិតចូលរួមរំលែកមរណទុក្ខ រួមនិងអំណោយ​ដ៏ថ្លៃថ្លា​របស់សម្តេច​មហាបវរធិបតី ហ៊ុន ម៉ាណែត និងលោកជំទាវ​បណ្ឌិត ពេជ ចន្ទមុន្នី ហ៊ុន ម៉ាណែត ជូនដល់គ្រួសារសពសមាជិក សមាគមអតីតយុទ្ធជនកម្ពុជាចំនួន៨គ្រួសារ ក្នុងនោះមកពី ក្រុងកំពង់​ឆ្នាំង៣គ្រួសារ, ស្រុករលាប្អៀរ ៤គ្រួសារ​និងស្រុកទឹកផុសមួយគ្រួសារ ។អំណោយមាន អង្ករ មី ត្រីខ ទឹកត្រី និងទឹកស៊ីអ៊ីវ។ ក្នុងឱកាសនេះឯកឧត្តមប្រធានសមាគមអតីតយុទ្ធជនកម្ពុជាខេត្តកំពង់ឆ្នាំង បានសម្តែងការសោកស្តាយ និង ចូលរួមរំលែកមរណទុក្ខ ជាមួយក្រុមគ្រួសារសពអតីតយុទ្ធជនទាំង៨គ្រួសារ ៕ដោយ៖សុខ គឹមសៀន

កែប៖នៅសាលាបឋមសិក្សា ប៊ុន រ៉ានី ហ៊ុន សែន ដំណាក់ចង្ហើរ  សង្កាត់ព្រៃធំ  ក្រុងកែប ខេត្តកែបនាថ្ងៃទី២ ខែមីនា ឆ្នាំ២០២៥ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុនម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និង​ជាប្រធានសហភាពសហព័ន្ធ​យុវជនកម្ពុជា​ បានចុះពិនិត្យ ព្យាបាលជំងឺ​ជូនប្រជាពលរដ្ឋដោយ​ឥត​គិតថ្លៃក្រោម​វត្តមាន​ឯកឧត្តម លេង ផាលី រដ្ឋលេខាធិការក្រសួង​ផែនការ ជាសមាជិកគណៈ​ចិន្ត្រៃយ៍គណៈ​កម្មាធិការ​កណ្ដាលសហ​ភាព​​សហព័ន្ធយុវជនកម្ពុជា និងជាប្រធានប្រតិបត្តិក្រុមការងារ​គ្រូពេទ្យស្ម័គ្រចិត្តឯកឧត្តម ហ៊ុន ម៉ានី លោក ប៊ុន យោង អភិបាល​​រងខេត្តតំណាងឯកឧត្តមបណ្ឌិត សោម ពិសិដ្ឋ អភិបាលខេត្តកែប ។ ក្នុងឱកាសនេះលោក ប៊ុន យោង អភិបាលរងខេត្តបានថ្លែងអំណគុណ​ដល់ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលបានចុះ​ពិនិត្យព្យាបាលជំងឺជូនប្រជាពលរដ្ឋដោយឥតគិតថ្លៃនាឱកាសពេលនេះ។ លោកថា នេះគឺជាការយក​ចិត្តទុកដាក់យ៉ាងធំធេងរបស់​រាជរដ្ឋាភិបាល ថ្នាក់ដឹកនាំសហភាពសហព័ន្ធយុវជនកម្ពុជា​ ដែល​លោកតែងតែគិតគូរពី​សុខទុក្ខ​របស់ប្រជាពលរដ្ឋ ក្នុងនោះ វិស័យ​សុខាភិបាលក៏ត្រូវបានពង្រឹង និងយកចិត្តទុកដាក់ខ្លាំងពីថ្នាក់ដឹកនាំ​ផងដែរ។ ឯកឧត្តម លេង ផាលី រដ្ឋលេខាធិកាបានមានប្រសាសន៍លើកឡើងថា សកម្មភាពមនុស្សធម៌នាពេលនេះ គឺកើតចេញ​ពីការឧបត្ថម្ភគាំទ្រ…

កំពង់ធំ​៖ឯកឧត្តម នួន ផារ័ត្ន អភិបាលខេត្តកំពង់ធំ និងលោកជំទាវ កាលពីព្រឹ​កថ្ងៃទី៣ ខែមីនា ឆ្នាំ២០២៥ បានអញ្ជើញ​ចូលរួមពិធីអប​អរសាទរខួបលើកទី ១១៤ នៃទិវាអន្តរជាតិនារី ៨ មីនា ក្រោមប្រធាន​បទ “សិទ្ធិ សមភាព និងភាពអង់អាច​ចំពោះស្ត្រី និងក្មេងស្រីគ្រប់រូប” នៅសាលប្រជុំសាលាខេត្តកំពង់ធំ។ បន្ទាប់ពីលោកស្រី ស៊ិន ស៊ីផាន ប្រធានមន្ទីរកិច្ចការនារីខេត្តកំពង់ធំ បានអានប្រវត្តិទិវាអន្តរជាតិនារី ៨ មីនា ជូនអង្គពិធី។ឯកឧត្តម នួន ផារ័ត្ន បានលើកឡើងថា រដ្ឋាភិបាលនីតិកាលទី ៧ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយក​រដ្ឋមន្ត្រី​នៃព្រះរាជាណាចក្រកម្ពុជា បានដាក់សមភាពយេនឌ័រ និងការ​បង្កើន​ភាព​អង់អាចស្ត្រី និងក្មេងស្រី ជាអាទិភាពក្នុងគោលនយោបាយ និងយុទ្ធសាស្ត្របញ្ចកោណដំណាក់កាលទី ១។ ឯកឧត្តមអភិបាលខេត្តបានផ្ដាំផ្ញើដល់អាជ្ញាធរដែនដីគ្រប់​លំដាប់ថ្នាក់ និងអង្គការសង្គមស៊ីវិល ឱ្យយកចិត្តទុក​ដាក់ការងារបញ្ជៀសយេនឌ័រ ដែលបានកំណត់ក្នុងផែនការយុទ្ធសាស្ត្រនារីរតនៈទី ៦។ នៅក្នុង​នេះរួមមាន​ការលើក​កម្ពស់សមភាពយេនឌ័រ ក្នុងវិស័យទាំង ៦ ដូចជា​១. ការបង្កើនភាពអង់អាចផ្នែកសេដ្ឋកិច្ចរបស់ស្ត្រី,២. ការលើកកម្ពស់​សីលធម៌សង្គម តម្លៃស្ត្រី និងគ្រួសារខ្មែរ,៣.…

បន្ទាយមានជ័យ៖វគ្គបំប៉នសណ្តាប់ធ្នាប់ជួរទ័ពប្រចាំឆ្នាំ២០២៥បាន​ប្រារព្ធបើកកាលពីព្រឹកថ្ងៃទី៣ ខែមីនា ឆ្នាំ២០២៥ នៅបញ្ជាការដ្ឋាន​កងរាជអាវុធហត្ថខេត្តបន្ទាយមានជ័យក្រោមអធិបតីភាពឧត្តមសេនីយ៍ត្រី ស៊ុន សម្បត្តិ មេបញ្ជាការ​រង​កងរាជអាវុធហត្ថខេត្តបន្ទាយមានជ័យ ទទួលការងារកសាងកម្លាំង តំណាងលោកឧត្តមសេនីយ៍ត្រី បោន ប៊ិន មេបញ្ជាការ​កងអាវុធហត្ថខេត្តបន្ទាយមានជ័យ។ អនុសេនីយ៍ឯក កែម ចាន់រស្មី ជាយោធាចារ្យក្នុងវគ្គហ្វឺកហ្វឺន​បានឱ្យ​ដឹងថា វគ្គនេះមានរយៈពេល៤៧ថ្ងៃ ចាប់ថ្ងៃទី៣ ខែ​មីនា ដល់ថ្ងៃទី១៦ ខែឧសភា ឆ្នាំ២០២៥ (មិនបូកបញ្ចូលថ្ងៃសៅរ៍ ថ្ងៃអាទិត្យ និងថ្ងៃ​បុណ្យ)​ស្មើ២៨២ម៉ោងដោយ​មាន​សិក្ខាកាមចំនួន៨១នាក់ និងយោធា​ចារ្យ​ចំនួន៤នាក់​។ខ្លឹមសារមេរៀនមានចំនួនបី រួមមាន៖ ១.សណ្តាប់​ធ្នាប់​​ជួរទ័ព, ២.​ឈរ​កាយវិការប្រុង និង ជូនពរស្រែកជ័យឃោស និង៣.ដើរព្យុហយាត្រានិង ស្តាំ ឆ្វេងគោរព។ ក្នុងឱកាសនេះឧត្តមសេនីយ៍ត្រី ស៊ុន សម្បត្តិ បានណែនាំទៅដល់​សិក្ខាកាម ដែលជាកងកម្លាំងកងរាជអាវុធហត្ថ ត្រូវខិត​ខំប្រឹងប្រែង​ហ្វឹកហាត់ យកចិត្តទុកដាក់គោរពវិន័យ បទបញ្ជាផ្ទៃក្នុង របស់កងរាជ​អាវុធហត្ថ ពិសេសគឺត្រូវខិតខំ​យកចិត្ត​ទុកដាក់ស្តាប់ការពន្យល់ របស់​យោធាចារ្យ និងការបង្ហាត់ បង្ហាញគ្រប់ខ្លឹមសារមេរៀននីមួយៗ​ឱ្យបាន​ច្បាស់លាស់។ ពិភាក្សា ផ្លាស់ប្តូរយោបល់ ផ្តល់បទពិសោធន៍ ឱ្យគ្នា​ទៅវិញ​ទៅមករវាងទ្រឹស្តី និងការអនុវត្តជាក់ស្តែង៕ដោយ៖ឃិន គន្ធា

បន្ទាយមានជ័យ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ​បាន​ទទួលការសម្ដែងការគួរសម និងពិភាក្សាការងារ​ជាមួយ​ឯកឧត្តម លាវ ចុងយី (LIU Zhongyl)ឧបការីរដ្ឋមន្ត្រីក្រសួងសន្តិសុខ នៃ​សាធារណ​រដ្ឋប្រជាមានិតចិន នៅសាល​ប្រជុំសាលាខេត្ត។ មន្រ្តីចូលរួមក្នុងកម្មវិធីបានបញ្ជាក់ឱ្យដឹងថា ក្នុងជំនួបកាលពីថ្ងៃទី២ ខែមីនា ឆ្នាំ២០២៥ ឯកឧត្តម លាវ ចុងយី បានជម្រាប​ជូន​ឯកឧត្តម​អភិបាលខេត្តបន្ទាយមានជ័យនូវការងារចំនួនបីចំណុច​ ។ក្នុងនេះទី១. សំណើរបន្តកិច្ចសហប្រតិបត្តិការ​លើការ​ងារសន្តិសុខអន្តរជាតិក្នុង​ការទប់ស្កាត់បង្ក្រាបបទល្មើសឆ្លងដែន ក្នុងនោះជាពិសេសការឆបោក​តាមប្រព័ន្ធអនឡាញជាមួយ​បទឧក្រិដ្ឋកម្ម ,ទី២.ការបង្កើនលើការវិនិ​យោគសេដ្ឋកិច្ចក្នុងប្រទេសកម្ពុជា និងទី៣. រួមគ្នាប្រឆាំងទប់ស្កាត់រាល់​ពត៌មានក្លែង​ក្លាយលើបទឧក្រិដ្ឋកម្មឆ្លងដែន ។ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានបញ្ជាក់ថា ភាគី​កម្ពុជា ក្នុងនោះ​រដ្ឋបាលខេត្តបន្ទាយមានជ័យ​មាន​កិច្ចសហ​ប្រតិបត្តិការ​ល្អលើការងារសន្តិសុខអន្តរជាតិក្នុងការទប់ស្កាត់បង្ក្រាបបទល្មើសឆ្លងដែន ជាពិសេសការឆបោកតាម​ប្រព័ន្ធអនឡាញជាមួយបទ​ឧក្រិដ្ឋកម្ម​ឆ្លង​ដែន ។រដ្ឋបាលខេត្តអនុវត្តគោលនយោបាយភូមិ ឃុំ មានសុវត្ថិភាព រក្សាបាន​នូវសន្តិសុខ សណ្ដាប់ធ្នាប់ និងបន្តទទួលបាន​នូវការវិនិយោគ​ក្នុងខេត្ត ពីវិនិយោគិនបរទេស ។ជុំវិញព័ត៌មានក្លែងក្លាយ ឯកឧត្តម​អភិបាលខេត្តបញ្ជាក់ថា រដ្ឋបាលខេត្តបានបន្សាបទប់ស្កាត់​ជាបន្ត​បន្ទាប់ ដ្បិត​បណ្ដាញផ្សព្វផ្សាយបរទេសខ្លះ​យកកម្ពុជាជាលេសជុំវិញ​បទឧក្រិដ្ឋឆ្លងដែននេះដែរ។ បញ្ជាក់ជាថ្មីឯកឧត្តមឧបការីរដ្ឋមន្ត្រីក្រសួងសន្តិសុខប្រទេសចិន បាន​អរគុណដល់ រដ្ឋបាលខេត្ត​និងកម្លាំងមានសមត្ថកិច្ច​ពាក់ព័ន្ធ​ខេត្តបន្ទាយ​មានជ័យ ពិសេសប្រមុខថ្នាក់ដឹកនាំរាជរដ្ឋាភិបាល តាមរយៈ​ក្រសួងមហាផ្ទៃ ដែលបាន​យកចិត្ត​ទុក​ដាក់ខ្ពស់ លើកិច្ចសហ​ប្រតិបត្តិការអន្តរជាតិ ក្នុងការទប់ស្កាត់បង្ក្រាបរាល់​បទល្មើសឧក្រិដ្ឋកម្ម​ឆ្លងដែន ហើយធានា​បាន​សណ្ដាប់ធ្នាប់សន្តិសុខជាតិ។ក្នុងនាមក្រសួង​សន្តិសុខ…