តាកែវ៖បុណ្យផ្កាប្រាក់សាមគ្គីបានដង្ហែទៅវេរប្រគេនព្រះសង្ឃ គង់នៅវត្តតុំ ក្រុងដូនកែវ ខេត្តតាកែវ ក្នុងចំណោមវត្តទាំងប្រាំ បានប្រព្រឹត្តទៅកាលពី​ព្រឹកថ្ងៃទី២ ខែមីនា ឆ្នាំ២០២៥ ក្រោមការ​ចូលរួមពីរដ្ឋបាលខេត្ត ស្រុក ប្រជាពលរដ្ឋជាពុទ្ធបរិស័ទ លោកគ្រូ អ្នកគ្រូ និងយុវជនទូទាំងយ៉ាងច្រើន​កុះករនិង ចូលរួមដោយផ្ទាល់ពី​ឯកឧត្តម​កិត្តិសង្គហបណ្ឌិត ហ៊ីង ប៊ុនហៀង សមាជិកគណៈអចិន្ត្រៃយ៍​គណៈកម្មាធិការ​កេណ្តាលគណបក្ស ប្រជាជនកម្ពុជា និងជានាយករងខុទ្ទ​កាល័យសម្តេច​ធិបតីនាយករដ្ឋមន្ត្រីកម្ពុជា និងលោកជំទាវ ប៉ែន ចន្ទី ។ អញ្ជើញចូលរួមក្នុងពិធីបែបសាសនាមួយនេះ ឯកឧត្តមកិត្តិសង្គហបណ្ឌិត ហ៊ីង ប៊ុនហៀងបានគូសរំលេចថាសាសនាពិតជាបានដើរតួនាទីយ៉ាងសំខាន់​នៅក្នុង​សង្គមជាតិ ហើយដើម្បីរក្សានូវតួនាទីដ៏សំខាន់នេះ ទោះស្ថិតក្នុងតម្លៃ​ណាក៏​ដោយ​យើងត្រូវថែរក្សា សន្តិភាពនិងការអភិវឌ្ឍឱ្យបាន។ ឯកឧត្តម ហ៊ីង ប៊ុនហៀង បានពន្យល់អំពីតម្លៃសន្តិភាព និងកាតព្វកិច្ចរបស់​ប្រជាពលរដ្ឋម្នាក់ៗក្នុងការចូលរួមថែរក្សាការពារសុខសន្តិភាព រាជរដ្ឋាភិបាល​ដឹកនាំ​ដោយសម្ដេចធិបតី ហ៊ុន ម៉ាណែត និងបន្តគាំទ្រអ្នកមានគុណស្ថាបនិក​ឯកនៃសន្តិភាព គឺសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ប្រធានព្រឹទ្ធសភា ។ ក្នុងឱកាសនោះឯកឧត្តមកិត្តិសង្គហបណ្ឌិត ហ៊ីង ប៊ុនហៀង និងលោកជំទាវ​បានវេរប្រគេនបច្ច័យអង្គផ្កាប្រាក់មានចំនួន ៥វត្ត ក្នុងនេះមាន វត្តតុំ​វត្តសូរ្យច័ន្ទ នៃក្រុងដូនកែវ, វត្តភ្នំខ្លែង…

(ភ្នំពេញ)៖ នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង មេបញ្ជាការកងទ័ពជើងគោក អមដំណើរដោយ ឧត្តមសេនីយ៍ឯក ហួត ឈាង មេបញ្ជាការរង នាយសេនាធិការកងទ័ពជើងគោក ព្រមទាំងថ្នាក់ដឹកនាំបញ្ជាការដ្ឋានកងទ័ពជើងគោក បានអញ្ជើញត្រួតពិនិត្យវឌ្ឍនភាពការងារ និងសាកសួរសុខទុក្ខកងទ័ពឈរជើងប្រចាំទិសទី១ និងទិសទី២ តាមខ្សែបន្ទាត់ព្រំដែន កម្ពុជា-ថៃ ចាប់ពីថ្ងៃទី២៥ ខែកុម្ភៈ ដល់ថ្ងៃទី០២ ខែមីនា ឆ្នាំ២០២៥។ ឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោក មេបញ្ជាការកងពលធំអន្តរាគមន៍លេខ៣, ឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤, ឧត្តមសេនីយ៍ត្រី នាក់ វង្ស មេបញ្ជាការកងពលតូចថ្មើរជើងលេខ៤២ ទទួលទិស ប្រាសាទតាមាន់ និងប្រាសាទតាក្របី ព្រមទាំងមេបញ្ជាការគ្រប់បណ្តាកងឯកភាព ឈរជើងតាមខ្សែបន្ទាត់ព្រំដែន កម្ពុជា-ថៃ បានសម្តែងការស្វាគមន៍ចំពោះ នាយឧត្តមសេនីយ៍ មេបញ្ជាការកងទ័ពជើងគោក ដែលបានអញ្ជើញមកត្រួតពិនិត្យការងារ និងសាកសួរសុខទុក្ខ បងប្អូនកងទ័ព ដែលកំពុងឈរជើងការពារបូរណភាពទឹកដី នៅតាមខ្សែបន្ទាត់ព្រំដែន នាឱកាសនេះ។ នាយឧត្តមសេនីយ៍ ម៉ៅ សុផាន់…

ភ្នំពេញ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា មានផ្លូវ មានសង្ឈឹម ។ លើបណ្ដាញសង្គមហ្វេសប៊ុកនាព្រឹកថ្ងៃទី២ ខែមីនា ឆ្នាំ២០២៥ សម្ដេចបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជាបានគូសបញ្ជាក់ ថា ផ្លូវតាបែន-ស្វាយដំណាក់ ជាផ្លូវក្រាលកៅស៊ូពីរជាន់ប្រភេទកៅស៊ូពីរជាន់( DBST) និងក្រាលបេតុង ប្រវែង ៤ គីឡូម៉ែត្រ កម្រាលបេតុងប្រវែង ០,៤០គីឡូម៉ែត្រ និងកម្រាលក្រួសក្រហម ប្រវែង ១,៥៧គីឡូម៉ែត្រតភ្ជាប់ពីភូមិព្រែកតាបែន ឃុំព្រះប្រសប់ ទៅដល់ ភូមិស្វាយដំណាក់ ឃុំកោះចូរ៉ាម ស្រុកខ្សាច់កណ្តាល ខេត្តកណ្តាល ដែលអាចឱ្យប្រជាជនសរុប ចំនួន ៤ ៦៩៣ គ្រួសារ ស្មើនឹង ២១ ៥៤៨ នាក់ នាក់ ស្រី ១១ ១៣១ នាក់ ធ្វើការអាស្រ័យផលពីផ្លូវមួយនេះ ក្នុងការរស់នៅនិងប្រកបការងារជាប្រចាំថ្ងៃរបស់ពួកគាត់។ សម្ដេចបវរធិបតីបានបន្តថា ផ្លូវនេះជាគម្រោងគាំទ្រនិរន្តរភាពហេដ្ឋារចនាសម្ព័ន្ធជនបទដើម្បីទីផ្សារកសិករ និងពាណិជ្ជូបនីយកម្មកសិកម្ម អភិវឌ្ឍន៍ដោយក្រសួងអភិវឌ្ឍន៍ជនបទ ក្នុងគោលបំណងបង្កើននិរន្តរភាពផលិតកម្មនៅតាមតំបន់ជនបទ…

កណ្តាល ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន សមាជិកគណៈ​អចិន្រ្តៃយ៍គណៈកម្មាធិការកណ្ដាលគណបក្សប្រជាជន កម្ពុជាបានណែនាំ​ដល់ថ្នាក់ដឹកនាំក្រុមការងារគណបក្សប្រជាជនកម្ពុជា ចុះមូលដ្ឋានខេត្ត​កណ្ដាលគ្រប់លំដាប់ថ្នាក់, ក្រុង ស្រុក ឃុំសង្កាត់ទាំងអស់ ឱ្យបន្ដសហការគ្នា និងយកចិត្តទុកដាក់លើការងារសំខាន់ៗមួយចំនួនពាក់ព័ន្ធនឹងគោលនយោបាយនិងកម្មវិធីនយោបាយរបស់គណបក្សជាពិសេសការបន្តសាមគ្គីភាពនិងឯកភាពផ្ទៃក្នុងបក្ស,ការពង្រឹងនិងពង្រីករចនាសម្ព័ន្ធអង្គការចាត់តាំងបក្សនៅគ្រប់កម្រិត, ការផ្សាភ្ជាប់ជាមួយប្រជាជន ជួយជ្រោមជ្រែងប្រជាជន និងធ្វើជាខ្នង​បង្អែកដ៏រឹងមាំរបស់ប្រជាជន, ខិតខំដោះស្រាយសំណូមពរនិងបញ្ហាប្រឈម​នានានៅតាមមូលដ្ឋានតាមរយៈការរៀបចំវេទិកាសាធារណៈជាដើម ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានក្រុមការងារគណបក្ស​ចុះមូលដ្ឋានខេត្តកណ្តាល និង ជាប្រធានក្រុមការងារគណបក្សចុះមូលដ្ឋាន ក្រុងអរិយក្សត្រ ស្រុកខ្សាច់កណ្តាល ស្រុកល្វាឯម ស្រុកកៀនស្វាយ ស្រុកមុខកំពូល និងស្រុកពញាឮ បានថ្លែងបែបនេះក្នុងពិធីសម្ពោធដាក់ឱ្យ​ប្រើប្រាស់ជាផ្លូវការ នូវអគារទីស្នាក់ការគណបក្ស និងសមិទ្ធផលនានា​ក្នុងបរិវេណទីស្នាក់ការគណបក្សប្រជាជនកម្ពុជាស្រុកកៀនស្វាយ ស្ថិតក្នុងភូមិស្ដៅកន្លែង៥ ឃុំដីឥដ្ឋ ស្រុកកៀនស្វាយ ខេត្តកណ្ដាល កាលពីថ្ងៃទី១ ខែមីនា ឆ្នាំ២០២៥ ដោយមានការចូលរួមពីឯកឧត្តមបណ្ឌិត គុណ ញឹម សមាជិកគណៈកម្មាធិការកណ្តាល និងជាអនុប្រធានអចិន្ដ្រៃយ៍​ក្រុមការងារគណបក្សចុះមូលដ្ឋានស្រុកកៀនស្វាយ, ព្រមទាំងក្រុមការងារ​ពាក់ព័ន្ធ​យ៉ាងច្រើនកុះករ។ ក្នុងឱកាសនេះដែរឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានកោត​សរសើរចំពោះគណបក្សខេត្តកណ្ដាល, ក្រុមការងារគណបក្សចុះមូលដ្ឋាន​ស្រុកកៀនស្វាយ និងក្រុមការងារគណបក្សគ្រប់លំដាប់ថ្នាក់ទូទាំងស្រុក​កៀនស្វាយ, ជាពិសេស ឯកឧត្តមបណ្ឌិត គុណ…

ភ្នំពេញ៖ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ​នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យ នឹងស្តេចយាងទៅទីក្រុងប៉េកាំង​សាធារណរដ្ឋ​ប្រជាមានិតចិន ដើម្បីពិនិត្យព្រះរាជសុខភាព នៅព្រឹកថ្ងៃទី៣ ខែមីនា ឆ្នាំ២០២៥ ។ ក្នុងព្រះរាជសារ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សូមព្រះអនុញ្ញាត និងអនុញ្ញាតពីសម្តេចព្រះមហាសង្ឃរាជ ទាំងពីរគណៈ និងព្រះថេរានុត្ថេរៈគ្រប់ព្រះអង្គ សម្តេច ឯកឧត្តម លោកជំទាវ លោក លោកស្រី លោកតា លោកយាយ មាមីង បងប្អូន ក្មួយៗជនរួមជាតិទាំងអស់ អវត្តមានពីមាតុប្រទេស ចាប់ពី ថ្ងៃទី៣ ខែមីនា ឆ្នាំ២០២៥តទៅ ធ្វើដំណើរទៅទីក្រុងប៉េកាំង នៃសាធារណរដ្ឋប្រជាមានិតចិន ដើម្បីពិនិត្យព្រះរាជសុខភាព ។ នៅក្នុងឱកាសអវត្តមានរបស់ព្រះករុណាព្រះមហាក្សត្រ ខាងលើនេះ សម្តេចអគ្គមហា សេនាបតីតេជោ ហ៊ុន សែន ប្រធានព្រឹទ្ធសភា នឹងទទួលជួយក្នុងព្រះបរមនាមព្រះអង្គ ជាប្រមុខរដ្ឋស្តីទី នៃព្រះរាជាណាចក្រកម្ពុជា ៕ ដោយ៖…

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាតាម​រយៈបណ្ដាញសង្គមហ្វេសប៊ុកផ្លូវការនាព្រឹកថ្ងៃទី២ ខែមីនា ឆ្នាំ២០២៥ បានបង្ហាញរូបថតប៉ុន្មានសន្លឹកដែលថតនៅថ្ងៃទី១៩ កុម្ភៈឆ្នាំ ២០១១ នៅច្រកព្រំដែនជាំ-ស្រង៉ាំ ខេត្តឧត្តរមានជ័យ ជាមួយនឹងសាររំលឹក​ថា”គ្មាន​អ្វីចំណេញពីសង្គ្រាមនិងការប្រយុទ្ធគ្នានោះទេ”។សម្ដេចបវ​រធិបតីបន្ថែម​ថា”បទពិសោធន៍ដែលទើបតែ កើតមានជាងមួយទសវត្សរ៍កន្លងទៅនេះ គឺជាការដាស់តឿនសម្រាប់ប្រជាពលរដ្ឋទាំងពីរប្រទេសឱ្យប្រយ័ត្ននៅក្នុងការធ្វើសកម្មភាព អ្វីមួយត្រូវគិតគូរឱ្យបានគ្រប់ជ្រុងជ្រោយដើម្បី​ជៀសវាងនូវ​សកម្មភាពជ្រុលនិយមទាំងឡាយណាដែលអាចឈានទៅបង្កើតអំពើហិង្សា ដូចបានកើតឡើងនៅចន្លោះឆ្នាំ២០០៨-២០១១។ សម្ដេចបវរធិបតីបានពណ៌នាលើរូបថតដែលសម្ដេចបានបង្ហាញថា “រូបទាំង​នេះបង្ហាញអំពីការចរចារវាងភាគីកម្ពុជាដែលដឹកនាំដោយ រូបខ្ញុំ ក្នុងនាម​ជាមេបញ្ជាការរងកងទ័ពជើងគោក (ដោយមានការចូលរួមពីឯកឧត្តម ជា ម៉នអតីតមេបញ្ជាការយោធភូមិភាគទី៤និង ឯកឧត្តម ស្រី ឌឹក មេបញ្ជាការ​កងពលធំលេខ៣) ជាមួយភាគីកងទ័ពថៃដែលដឹកនាំដោយនាយសេនាធិកា កងទ័ពជើងគោកថៃ ក្នុងគោលដៅឈានទៅរកការផ្អាកការឈប់បាញ់គ្នា​រវាង​កងទ័ពកម្ពុជានិងកងទ័ពថៃ ដែលបានផ្ទុះឡើងនៅឆ្នាំ ២០០៨នៅទិស​ប្រាសាទ ព្រះវិហារ និងរាលដាលដល់ទិសប្រាសាទតាមាន់ និងប្រាសាទតា​ក្របី​​នៅឆ្នាំ ២០១១។ សម្ដេចបវរធិបតីបានបន្តថា ការប្រយុទ្ធគ្នាពេលនោះ គឺមិនមែនផ្ដើមដោយ​កងទ័ព ឬរាជរដ្ឋាភិបាលនៃប្រទេសណាមួយនោះទេ។ ប៉ុន្តែវាចាប់ផ្ដើម​ឡើងដោយអ្នកនយោបាយជាតិនិយមជ្រុលថៃប៉ុន្មាននាក់ប៉ុណ្ណោះ ដែលបាន​ធ្វើសកម្មភាពក្រោមផ្លាកស្នេហាជាតិ ហើយរំលោភចូលមកកាន់កាប់វត្តកែវ សិក្ខាគីរីស្វារៈ ដែលស្ថិតនៅក្នុងដែនអធិបតេយ្យភាពរបស់កម្ពុជានៅថ្ងៃទី១៥ កក្កដា ឆ្នាំ២០០៨។ សកម្មភាពដែលផ្ដើមឡើងដោយមនុស្សប៉ុន្មាននាក់នេះ បានរាលដាល រហូត​ដល់​មានការប៉ះទង្គិចប្រដាប់អាវុធរវាងកងទ័ពនៃប្រទេស ទាំងពីរអស់​រយៈពេល​ជាង៣ឆ្នាំ ចាប់ពីតំបន់ប្រាសាទព្រះវិហាររហូតដល់​តំបន់​ប្រាសាទតា​មាន់ ប្រាសាទតាក្របីដោយបានបង្កឱ្យកងទ័ព ទាំងពីរប្រទេសរងរបួស…

កំពង់ឆ្នាំង៖ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុ​ប្រធានទី១ គណៈកម្មាធិការជាតិគ្រប់គ្រង គ្រោះមហន្ត រាយ និងជាអគ្គលេខាធិការសមាគមអតីតយុទ្ធជនកម្ពុជា កាលពីថ្ងៃទី២៨ ខែកុម្ភៈ បានអញ្ជើញសួរសុខទុក្ខ និងចែក​អំណោយ​​ជូនអតីតយុទ្ធជន​ចំនួន ៦៥គ្រួសារនិង​អញ្ជើញពិនិត្យអគារស្នាក់ការសមាគមអតីត​យុទ្ធជន​កម្ពុជាខេត្តកំពង់ឆ្នាំង។ ក្នុងឱកាសនេះឯកឧត្តម គន់ គីម បានលើកឡើងគុណបំណាច់​យ៉ាងធំធេងដោយលះបង់សាច់ស្រស់ឈាមស្រស់ ជាមួយ​ថ្នាក់ដឹកនាំ ដើម្បីការពារបូរណភាពទឹកដី រហូតប្រទេសជាតិមានសុខសន្តិភាព។ឯកឧត្តមបន្តថា សម្តេចតេជោ ហ៊ុន សែន ប្រធានសមាគមអតីត​យុទ្ធជនកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្ត្រីតែង​តែយកចិត្តទុកដាក់ មិនបោះបង់​ចោលនរណាម្នាក់ ថែមទាំងផ្តល់​នូវភាពកក់ក្តៅជានិច្ច ដោយបានមើលថែ ទំនុកបំរុង ជាពិសេស​បានចែក​ជូននូវដីលំនៅ​ដ្ឋាន ដីកសិកម្ម ផ្ទះ និងសម្ភារៈផ្សេងៗទៀត។ ឯកឧត្តមក៏បានផ្តាំផ្ញើរដ្ឋបាលខេត្តកំពង់ឆ្នាំង បន្តយកចិត្តទុកដាក់ មើលថែអតីតយុទ្ធជន និងគ្រប់គ្រងដីសម្បទានសម្រាប់​អតីតយុទ្ធជន​ឱ្យ​​បានល្អ ដើម្បីទុកសម្រាប់ដោះស្រាយជូនអតីតយុទ្ធជនជា​បន្ត​ទៀត៕ដោយ៖ សុខ គឹមសៀន

(ខេត្តកណ្តាល)៖ កងកម្លាំងប្រដាប់អាវុធ និងកម្លាំងតំបន់ប្រតិបត្តិការសឹករងកណ្តាល ដែលបានបំពេញកាតព្វកិច្ចយ៉ាងស្វាហាប់ ដែលអាចចាត់ទុកថា ជាកងទ័ពគំរូដ៏ល្អ ក្នុងជួរកងយោធពលខេមរភូមិន្ទ ក្នុងការសហការ ការពារធានាសុវត្ថិភាពជូនថ្នាក់ដឹកនាំជាន់ខ្ពស់គ្រប់លំដាប់ថ្នាក់ និងចូលរួមយ៉ាងសកម្មក្នុងការរក្សាសន្តិសុខ សណ្តាប់ធ្នាប់សាធារណៈ នៅមូលដ្ឋាន ដោយអនុវត្តយ៉ាងខ្ជាប់ខ្ជួនតាមគោលនយោបាយ ភូមិ-ឃុំ-សង្កាត់ មានសុវត្ថិភាព ៧ចំណុច របស់រាជរដ្ឋាភិបាល និងបានចូលរួមក្នុងការងារសង្គមជាច្រើនទៀត។ លើសពីនេះ យោធិននៅក្នុងអង្គភាពមានការគោរពវិន័យ និងការចាត់តាំងបានល្អប្រសើរ ដោយ ទូទាំងអង្គភាពមិនមានយោធិនណាម្នាក់ប្រព្រឹត្តបទល្មើស ដែលនាំឱ្យប៉ះពាល់ដល់សង្គមជាតិ ដូចជាការជួញដូរ ឬប្រើប្រាស់គ្រឿងញៀន និងការលេងល្បែងស៊ីសងឡើយ ។ ឯកឧត្តម គួច ចំរើន បានលើកឡើងបែបនេះ កាលពីថ្ងៃទី២៨ ខែកុម្ភៈ ឆ្នាំ២០២៥ នៅតំបន់ប្រតិបត្តិការសឹករងកណ្ដាល បានរៀបចំពិធីផ្សព្វផ្សាយរបាយការណ៍បូកសរុបលទ្ធផលការងារយោធាសន្តិសុខ ឆ្នាំ២០២៤ និងទិសដៅអនុវត្តបន្ត ឆ្នាំ២០២៥ ។ ឯកឧត្ដមអភិបាលខេត្ត បន្តថា តំបន់ប្រតិបត្តិការសឹករងកណ្ដាល បន្តរក្សាការប្រមូលផ្តុំកម្លាំងត្រៀមប្រយុទ្ធយូរអង្វែងអោយខ្ជាប់ខ្ជួន ដើម្បីធ្វើអន្តរាគមន៍ នៅពេលមានសភាពការណ៍កើតឡើងដោយចៃដន្យ ត្រៀមទប់ស្កាត់ និងបង្ក្រាបរាល់សកម្មភាពក្រុមជ្រុលនិយម ព្រមទាំងការពារសុខសន្តិភាពរបស់ប្រទេសជាតិពីការធ្លាក់ក្នុងគ្រោះមហន្តរាយ តាមរយៈការប៉ុនប៉ងធ្វើបដិវត្តពណ៌ ឬការញុះញង់គ្រប់រូបភាព ដើម្បីផ្តួលរំលំរាជរដ្ឋាភិបាល ស្របច្បាប់ដែលកើតឡើងពីការបោះឆ្នោត ។…

(ខេត្តតាកែវ)៖ រាជរដ្ឋាភិបាលដឹកនាំដោយគណបក្សប្រជាជនកម្ពុជាដែលជាមូលដ្ឋានគ្រឹះនៃការកសាងសេដ្ឋកិច្ច-សង្គម ដើម្បីធានាភាពសុខុដុមរមនារបស់ប្រជាជនកម្ពុជាទាំងមូល ហើយរាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា បានខិតខំប្រឹងប្រែងពង្រឹងការការពារអធិបតេយ្យភាព និងបូរណៈភាពទឹកដីរបស់កម្ពុជាមិនឱ្យបរទេសណារំលោភបំពានបានឡើយ។ នេះប្រសាសន៍លើកឡើងរបស់ ឯកឧត្តម បណ្ឌិត ជា វ៉ាន់ដេត ប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ ក្នុងកិច្ចប្រជុំផ្សព្វផ្សាយលទ្ធផលនៃសន្និបាតគណៈកម្មាធិការកណ្តាលលើកទី៤៥ គណបក្សប្រជាជនកម្ពុជា នៅមន្ទីរគណបក្សខេត្តតាកែវ កាលពីព្រឹកថ្ងៃទី១ ខែមីនា ឆ្នាំ២០២៥ ។ ឯកឧត្តមបណ្ឌិ ជា វ៉ាន់ដេត បន្ថែមថា ទាក់ទងទៅនិងទំនាក់ទំនងអន្តរជាតិ រាជរដ្ឋាភិបាលបានប្រកាន់យកនូវផលប្រយោជន៍ជាតិជាធំ ប៉ុន្តែមានភាពទន់ភ្លន់ ឈ្លាសវៃ ដោយយកបាវចនាថា កែទម្រង់ខាងក្នុង កសាងគ្រឹះខាងក្រៅ ដោយឈរលើស្មារតីឯករាជ មិនរណបប្រទេសណាមួយនោះទេ។ ត្រង់ចំណុចនេះ ឯកឧត្តម បណ្ឌិតជា វ៉ាន់ ដេត បានសង្កត់ធ្ងន់ថា «កម្ពុជា ជាប្រទេសមួយឯករាជ្យពេញលេញ ធ្វើការសម្រេចចិត្តដោយខ្លួនឯង » នយោបាយកម្ពុជា ដាក់ចេញដោយសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងជាប្រធានព្រឹទ្ធសភាព បានដាក់ចេញ កម្ពុជាប្រកាន់យកនូវ ឯករាជ្យភាព អព្យាក្រឹត្យភាពមិនចូលបក្សសម្ព័ន្ធ ។ ឯកឧត្តម បន្ថែម…

ឯកឧត្តម ឧបនាយករដ្ឋមន្រ្តីបន្ថេមថា នៅក្នុងអភិក្រមស្របគ្នានេះ រចនាសម្ព័ន្ធកម្លាំងពលកម្មកម្ពុជា ទទួលបានវឌ្ឍនភាពគួរឱ្យកត់សម្គាល់ ពោលគឺកំណើនកម្លាំងពលកម្មសម្រាប់វិស័យឧស្សាហកម្ម បានកើនពី ៨,២% ក្នុងឆ្នាំ២០០០ ដល់ ៣០,៥% ក្នុងឆ្នាំ២០២៤។ កម្លាំងពលកម្មក្នុងវិស័យសេវាកម្មមានសមាមាត្រ ២០% ក្នុងឆ្នាំ២០០០ កើនដល់៤១,៨% ក្នុងឆ្នាំ២០២៤ រីឯកម្លាំងពលកម្មវិស័យកសិកម្ម បានថយចុះពី ៧១,៨% មកដល់ ២៩%។ (ភ្នំពេញ)៖ ឯកឧត្តមបណ្ឌិតសភាចារ្យ ហង់ជួន ណារ៉ុន បានលើកឡើថា រយៈពេល ២ឆ្នាំចុងក្រោយនេះ រចនាសម្ព័ន្ធសេដ្ឋកិច្ចរបស់ប្រទេសកម្ពុជា បានធ្វើពិពិធកម្មចេញពីការពឹងផ្អែកចម្បងលើវិស័យកសិកម្ម មកពឹងផ្អែកលើវិស័យឧស្សាហកម្មជាចម្បងវិញ។ ក្នុងឆ្នាំ២០២៣ ផលិតផលក្នុងស្រុកសរុប របស់កម្ពុជា ត្រូវបានរួមចំណែកយ៉ាងរឹងមាំពីវិស័យឧស្សាហកម្មក្នុងសមាមាត្រ ៣៨,៧% ចំណែកឯ វិស័យសេវាកម្ម និងកសិកម្ម មានសមាមាត្រ ៣៧,៨% និង២៣,៦% ។ ការលើកឡើងរបស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តី ក្រសួងអប់រំ យុវជន និងកីឡា តំណាងដ៏ខ្ពង់ខ្ពស់របស់ សម្តេចមហាបវរធិបតី…