បន្ទាយមានជ័យ៖វគ្គបំប៉នសណ្តាប់ធ្នាប់ជួរទ័ពប្រចាំឆ្នាំ២០២៥បាន​ប្រារព្ធបើកកាលពីព្រឹកថ្ងៃទី៣ ខែមីនា ឆ្នាំ២០២៥ នៅបញ្ជាការដ្ឋាន​កងរាជអាវុធហត្ថខេត្តបន្ទាយមានជ័យក្រោមអធិបតីភាពឧត្តមសេនីយ៍ត្រី ស៊ុន សម្បត្តិ មេបញ្ជាការ​រង​កងរាជអាវុធហត្ថខេត្តបន្ទាយមានជ័យ ទទួលការងារកសាងកម្លាំង តំណាងលោកឧត្តមសេនីយ៍ត្រី បោន ប៊ិន មេបញ្ជាការ​កងអាវុធហត្ថខេត្តបន្ទាយមានជ័យ។ អនុសេនីយ៍ឯក កែម ចាន់រស្មី ជាយោធាចារ្យក្នុងវគ្គហ្វឺកហ្វឺន​បានឱ្យ​ដឹងថា វគ្គនេះមានរយៈពេល៤៧ថ្ងៃ ចាប់ថ្ងៃទី៣ ខែ​មីនា ដល់ថ្ងៃទី១៦ ខែឧសភា ឆ្នាំ២០២៥ (មិនបូកបញ្ចូលថ្ងៃសៅរ៍ ថ្ងៃអាទិត្យ និងថ្ងៃ​បុណ្យ)​ស្មើ២៨២ម៉ោងដោយ​មាន​សិក្ខាកាមចំនួន៨១នាក់ និងយោធា​ចារ្យ​ចំនួន៤នាក់​។ខ្លឹមសារមេរៀនមានចំនួនបី រួមមាន៖ ១.សណ្តាប់​ធ្នាប់​​ជួរទ័ព, ២.​ឈរ​កាយវិការប្រុង និង ជូនពរស្រែកជ័យឃោស និង៣.ដើរព្យុហយាត្រានិង ស្តាំ ឆ្វេងគោរព។ ក្នុងឱកាសនេះឧត្តមសេនីយ៍ត្រី ស៊ុន សម្បត្តិ បានណែនាំទៅដល់​សិក្ខាកាម ដែលជាកងកម្លាំងកងរាជអាវុធហត្ថ ត្រូវខិត​ខំប្រឹងប្រែង​ហ្វឹកហាត់ យកចិត្តទុកដាក់គោរពវិន័យ បទបញ្ជាផ្ទៃក្នុង របស់កងរាជ​អាវុធហត្ថ ពិសេសគឺត្រូវខិតខំ​យកចិត្ត​ទុកដាក់ស្តាប់ការពន្យល់ របស់​យោធាចារ្យ និងការបង្ហាត់ បង្ហាញគ្រប់ខ្លឹមសារមេរៀននីមួយៗ​ឱ្យបាន​ច្បាស់លាស់។ ពិភាក្សា ផ្លាស់ប្តូរយោបល់ ផ្តល់បទពិសោធន៍ ឱ្យគ្នា​ទៅវិញ​ទៅមករវាងទ្រឹស្តី និងការអនុវត្តជាក់ស្តែង៕ដោយ៖ឃិន គន្ធា

បន្ទាយមានជ័យ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ​បាន​ទទួលការសម្ដែងការគួរសម និងពិភាក្សាការងារ​ជាមួយ​ឯកឧត្តម លាវ ចុងយី (LIU Zhongyl)ឧបការីរដ្ឋមន្ត្រីក្រសួងសន្តិសុខ នៃ​សាធារណ​រដ្ឋប្រជាមានិតចិន នៅសាល​ប្រជុំសាលាខេត្ត។ មន្រ្តីចូលរួមក្នុងកម្មវិធីបានបញ្ជាក់ឱ្យដឹងថា ក្នុងជំនួបកាលពីថ្ងៃទី២ ខែមីនា ឆ្នាំ២០២៥ ឯកឧត្តម លាវ ចុងយី បានជម្រាប​ជូន​ឯកឧត្តម​អភិបាលខេត្តបន្ទាយមានជ័យនូវការងារចំនួនបីចំណុច​ ។ក្នុងនេះទី១. សំណើរបន្តកិច្ចសហប្រតិបត្តិការ​លើការ​ងារសន្តិសុខអន្តរជាតិក្នុង​ការទប់ស្កាត់បង្ក្រាបបទល្មើសឆ្លងដែន ក្នុងនោះជាពិសេសការឆបោក​តាមប្រព័ន្ធអនឡាញជាមួយ​បទឧក្រិដ្ឋកម្ម ,ទី២.ការបង្កើនលើការវិនិ​យោគសេដ្ឋកិច្ចក្នុងប្រទេសកម្ពុជា និងទី៣. រួមគ្នាប្រឆាំងទប់ស្កាត់រាល់​ពត៌មានក្លែង​ក្លាយលើបទឧក្រិដ្ឋកម្មឆ្លងដែន ។ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានបញ្ជាក់ថា ភាគី​កម្ពុជា ក្នុងនោះ​រដ្ឋបាលខេត្តបន្ទាយមានជ័យ​មាន​កិច្ចសហ​ប្រតិបត្តិការ​ល្អលើការងារសន្តិសុខអន្តរជាតិក្នុងការទប់ស្កាត់បង្ក្រាបបទល្មើសឆ្លងដែន ជាពិសេសការឆបោកតាម​ប្រព័ន្ធអនឡាញជាមួយបទ​ឧក្រិដ្ឋកម្ម​ឆ្លង​ដែន ។រដ្ឋបាលខេត្តអនុវត្តគោលនយោបាយភូមិ ឃុំ មានសុវត្ថិភាព រក្សាបាន​នូវសន្តិសុខ សណ្ដាប់ធ្នាប់ និងបន្តទទួលបាន​នូវការវិនិយោគ​ក្នុងខេត្ត ពីវិនិយោគិនបរទេស ។ជុំវិញព័ត៌មានក្លែងក្លាយ ឯកឧត្តម​អភិបាលខេត្តបញ្ជាក់ថា រដ្ឋបាលខេត្តបានបន្សាបទប់ស្កាត់​ជាបន្ត​បន្ទាប់ ដ្បិត​បណ្ដាញផ្សព្វផ្សាយបរទេសខ្លះ​យកកម្ពុជាជាលេសជុំវិញ​បទឧក្រិដ្ឋឆ្លងដែននេះដែរ។ បញ្ជាក់ជាថ្មីឯកឧត្តមឧបការីរដ្ឋមន្ត្រីក្រសួងសន្តិសុខប្រទេសចិន បាន​អរគុណដល់ រដ្ឋបាលខេត្ត​និងកម្លាំងមានសមត្ថកិច្ច​ពាក់ព័ន្ធ​ខេត្តបន្ទាយ​មានជ័យ ពិសេសប្រមុខថ្នាក់ដឹកនាំរាជរដ្ឋាភិបាល តាមរយៈ​ក្រសួងមហាផ្ទៃ ដែលបាន​យកចិត្ត​ទុក​ដាក់ខ្ពស់ លើកិច្ចសហ​ប្រតិបត្តិការអន្តរជាតិ ក្នុងការទប់ស្កាត់បង្ក្រាបរាល់​បទល្មើសឧក្រិដ្ឋកម្ម​ឆ្លងដែន ហើយធានា​បាន​សណ្ដាប់ធ្នាប់សន្តិសុខជាតិ។ក្នុងនាមក្រសួង​សន្តិសុខ…

ស្វាយរៀង៖ក្នុងសិក្ខាសាលាផ្សព្វផ្សាយស្តីពី “អត្ថប្រយោជន៍នៃ​ផលិត​ផលធានារ៉ាប់រងអាយុជីវិត”លោក សុខ រស់ អភិបាលរងខេត្តស្វាយ​រៀង​បានលើកទឹកចិត្ត និងស្នើដល់និយ័តករធានារ៉ាប់រងកម្ពុជា ពិនិត្យ​លទ្ធភាព និងសម្របសម្រួល​ឱ្យមានការបើកសាខារបស់ក្រុមហ៊ុន​ធានា​រ៉ាប់រង ឬក្រុមហ៊ុនអន្តរការីធានារ៉ាប់រង​នៅ​ខេត្តស្វាយរៀង ដើម្បីបង្កើត​នូវ​ឱកាស​ការងារជូនដល់ប្រជាពលរដ្ឋក្នុងខេត្ត ក៏ដូចជាកាត់បន្ថយ​ហានិភ័យហិរញ្ញវត្ថុផងដែរ។ លោកសុខ រស់ ថ្លែងបែបនេះក្នុងឱកាសដែលនិយ័តករធានារ៉ាប់រង​កម្ពុជា​បើកសិក្ខាសាលា​ដើម្បីផ្សព្វផ្សាយអំពី​អត្ថប្រយោ​ជន៍​នៃផលិតផលធានារ៉ាប់រងអាយុជីវិតនៅខេត្តស្វាយរៀងនារសៀលថ្ងៃទី៣ ខែមីនាឆ្នាំ២០២៥ ដោយមានការចូលរួម​លោក ទូច ម៉េងឡេង ប្រធាននាយកដ្ឋានអភិវឌ្ឍន៍ទីផ្សារ តំណាងលោក ប៊ូ ច័ន្ទគីរូ អគ្គនាយកនៃ ន.ច.ក.។ លោកអភិបាលខេត្តបានលើកទ្បើងថាសិក្ខាសាលានេះពិតជាមានសារសំខាន់ណាស់ជាពិសេសនៅក្នុងបរិការណ៍នៃការថមថយវិបត្តិកូវីដ១៩ កន្លងទៅនេះក្នុងន័យរួមចំណែកដល់ការជំរុញនិងលើកកម្ពស់ផ្នែកសេដ្ឋកិច្ច និងផ្នែកសង្គមកិច្ច។ លោក សុខ រស់ បានបន្តថា ស្របតាមនិន្នាការនៃទិសដៅអភិវឌ្ឍ និងសក្តានុពលសេដ្ឋកិច្ចសំខាន់ៗរបស់ខេត្តស្វាយរៀង យើងសង្កេតឃើញថានេះជាពេលវេលាសមស្របមួយដែលប្រជាពលរដ្ឋនៃខេត្តស្វាយរៀងគួរងាកមកគិតពីការទទួលយកសេវាកម្មធានារ៉ាប់រង ជាពិសេសការធានារ៉ាប់រងអាយុជីវិត ដើម្បីទទួលបាននូវសុខសុវត្ថិភាពផ្លូវចិត្ត និងការការពារផ្នែក​ហិរញ្ញ​វត្ថុរបស់គ្រួសារនៅពេលមានហានិភ័យណាមួយកើតទ្បើង។ លោកអភិបាលរងបានកត់សម្គាល់ថា មកដល់ពេលនេះ មិនទាន់មានគ្រឹះស្ថានធានារ៉ាប់រងឯកជនណាមួយ​បានមក​បោះទីតាំង និងធ្វើអាជីវកម្មផ្តល់សេវាធានារ៉ាប់រងដោយផ្ទាល់នៅក្នុងទឹកដីខេត្តស្វាយរៀងនៅទ្បើយទេ។លោកសូម​លើកទឹកចិត្ត និងសំណូមពរដល់និយ័តករធានារ៉ាប់រងកម្ពុជា ពិនិត្យលទ្ធភាព និងសម្របសម្រួលធ្វើយ៉ាងណាឱ្យ​មានការ​បើកសាខានៅខេត្តស្វាយរៀងនាពេលខាងមុខ៕ដោយ៖នុត នាង

ភ្នំពេញ៖ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សហការជាមួយថ្នាលស្រាវជ្រាវ នវានុវត្តន៍ និង​បច្ចេកវិទ្យាអាហារ (FTRIP) បានរៀបចំគោលការណ៍ណែនាំសន្ទស្សន៍នវានុវត្តន៍​សហគ្រាស​​កម្ពុជា ជាឧបករណ៍​យុទ្ធសាស្ត្រ សម្រាប់បង្កើន​សមត្ថភាព​នវានុវត្តន៍របស់ធុរកិច្ច ពង្រឹងភាពប្រកួតប្រជែង និងជំរុញកំណើន​សេដ្ឋកិច្ច។ នៅក្នុងសុន្ទរកថាបើកសិក្ខាសាលាស្តីពីគោលការណ៍ណែនាំសន្ទស្សន៍នវានុវត្តន៍សហគ្រាសកម្ពុជា ដែលធ្វើឡើងនៅថ្ងៃទី៣ ខែមីនា ឆ្នាំ២០២៥ ឯកឧត្តមរដ្ឋមន្ត្រី ហែម វណ្ណឌី បានលើកឡើងថា៖ «ការពង្រឹងសមត្ថភាពនវានុវត្តន៍របស់សហគ្រាស គឺជាកាលានុវត្តភាព​ដ៏​សំខាន់ថ្មីមួយដែលមិនអាចខ្វះបាន ក្នុងការលើកកម្ពស់កិត្យានុភាព​ជាតិ ដោយធ្វើឱ្យប្រសើរឡើង​នូវលំដាប់​ពិន្ទុ​របស់កម្ពុជាក្នុងសន្ទស្សន៍​នវានុវត្តន៍សកល។ វឌ្ឍនភាពនេះនឹងផ្តល់ជាឧត្តមប្រយោជន៍សម្រាប់​ការ​រីកចម្រើន​សង្គម-សេដ្ឋកិច្ចប្រកបដោយចីរភាព និងបរិយាបន្ន សម្រាប់ដំណើរឆ្ពោះទៅរកការអភិវឌ្ឍដែលជំរុញដោយនវានុវត្តន៍។»​ នវានុវត្តន៍ជាស្នូលនៃនិម្មាបនកម្មបៃតង ក្នុងការបង្កើនប្រសិទ្ធភាព​ធនធាន និងកាត់បន្ថយការប្រើប្រាស់ធនធាន​កម្រផ្សេងៗ។ វាក៏ដើរតួនាទីយ៉ាងសំខាន់ក្នុងការអភិវឌ្ឍមូលធនមនុស្ស លើក​កម្ពស់ផលិតភាព និងបង្កើតប្រាក់ចំណូល​ផងដែរ។ ឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុបប្រចាំ​ព្រះរាជា​ណាចក្រកម្ពុជាបានលើកឡើងថា៖ «កម្ពុជា​មានសក្តា​នុពលក្នុងការប្រែក្លាយជាសេដ្ឋកិច្ចដែលជំរុញដោយនវានុវត្តន៍ ដែលគាំទ្រដោយប្រជាជនវ័យក្មេង និងស្វាហាប់ កំណើនយ៉ាងឆាប់​រហ័សនៃការតភ្ជាប់ផ្នែកឌីជីថល និងលទ្ធភាពក្នុងការចាប់យកបច្ចេក​វិទ្យា ដែលបង្កើតបានជាមូលដ្ឋាន​គ្រឹះដ៏​​រឹងមាំសម្រាប់បរិវត្តកម្ម​សេដ្ឋកិច្ច។» គោលការណ៍ណែនាំសន្ទស្សន៍នវានុវត្តន៍សហគ្រាសកម្ពុជាត្រូវបានរៀបចំឡើង ក្រោមការគាំទ្រពីគម្រោង CAPFISH-Capture ដែលផ្តល់​មូលនិធិដោយសហភាពអឺរ៉ុប និងអនុវត្តដោយអង្គការអភិវឌ្ឍន៍​ឧស្សាហកម្មរបស់អង្គការសហប្រជាជាតិ (UNIDO) ។ គោលការណ៍ណែនាំនេះត្រូវបានអនុម័តដោយក្រុមប្រឹក្សាជាតិវិទ្យាសាស្ត្រ បច្ចេកវិទ្យា និងនវានុវត្តន៍កាលពី​ខែសីហា ឆ្នាំ២០២៤…

(ភ្នំពេញ)៖ ក្នុងពេលចុះទៅមើលការថែទាំកូនដំរីឈ្មោះ«លំផាត់» នៅសួនសត្វភ្នំតាម៉ៅ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានបង្ហាញសេចក្តីរីករាយ ពេលបានឃើញសត្វដំរី«លំផាត់»ត្រូវបានជួយសង្គ្រោះ និងបានទាញសមានចិត្តពីប្រជាពលរដ្ឋ ហើយបានធ្វើឱ្យឃើញកាន់តែច្បាស់ពីគ្រោះថ្នាក់ដោយសារអន្ទាក់គ្រប់ប្រភេទដែលចាំបាច់ត្រូវបន្តកិច្ចខិតខំប្រឹងប្រែងក្នុងការផ្តល់សុវត្ថិភាពដល់សត្វព្រៃ។ ជាមួយគ្នា ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានកិត្តិយសនៃសមាគមមូលនិធិអភិរក្សដំរីអៃរាវត្តាខ្មែរ ដែលបានដឹកនាំសមាជិកសមាជិកាដែលជាសមាជិកក្រុមប្រឹក្សាភិបាល សមាជិកសមាជិកាកិត្តិយស ទូតសុឆន្ទៈ សមាជិកសមាជិកាប្រតិបត្តិនិងក្រុមអ្នកស្ម័គ្រចិត្តទៅមើលការថែទាំកូនដំរីឈ្មោះ«លំផាត់» នៅសួនសត្វភ្នំតាម៉ៅនេះដែរ គឺដើម្បីបង្ហាញនូវក្តីស្រឡាញ់ចំពោះសត្វព្រៃ និងការចូលរួមការពារថែរក្សាអភិរក្សសត្វព្រៃគ្រប់ប្រភេទ និងការនាំយកនូវថវិកាដើម្បីចូលរួមទ្រទ្រង់លើការទិញចំណីជាពិសេសទឹកដោះគោបំបៅកូនដំរីនេះ។ គួរបញ្ជាក់ថាកូនដំរីតូចអាយុប្រមាណ ៥ ខែដែលបែកពីមេរបស់វាដោយសារតែជាប់អន្ទាក់របស់ព្រានព្រៃ ហើយត្រូវបានជួយសង្រ្គោះ នេះ ត្រូវ បានដឹក យក ទៅ ព្យាបាល របួស និងមើល ថែបន្ត នៅមជ្ឈមណ្ឌលថែរក្សាសត្វព្រៃភ្នំ តាម៉ៅខេត្តតាកែវ កាលពីយប់ថ្ងៃទី៩ ខែធ្នូ ឆ្នាំ២០២៤។ កូនដំរីកម្សត់នេះទទួលបានឈ្មោះថ្មីថា « សំណាង លំផាត់»។ វាត្រូវបានបញ្ជូនដល់មជ្ឈមណ្ឌលថែរក្សាសត្វព្រៃភ្នំតាម៉ៅ នៅខេត្តតាកែវ កាលពីថ្ងៃទី១០ ខែធ្នូ ឆ្នាំ២០២៤។ កូនដំរីព្រៃ”សំណាង លំផាត់”មានអាយុ ប្រមាណ ៥ខែ…

ភ្នំពេញ៖ ឯកឧត្តម ហ៊ុន ម៉ានិត អគ្គនាយកនៃអគ្គនាយកដ្ឋានស្រាវជ្រាវ​ចារកិច្ចនៃក្រសួងការពារជាតិនិងជាមេបញ្ជាការរង កងទ័ពជើងគោកនៃកង​យោធពលខេមរភូមិន្ទកាលពីព្រឹកថ្ងៃទី២ ខែមីនា ឆ្នាំ២០២៥ បានអញ្ជើញ​ចូលរួមក្នុងពិធីបុណ្យ កាន់អង្គនិងឆ្លងសមិទ្ធផលនានានៅវត្ត គិរីសោភ័ណ​ភ្នំទែតក្នុង នៃឃុំបុសខ្នុរ ស្រុកចំការលើ ខេត្តកំពង់ចាម។ លើបណ្ដាញសង្គមហ្វេសប៊ុកផ្លូវការឯកឧត្តម ហ៊ុន ម៉ានិត បានបញ្ជាក់ថា សមិទ្ធផលនានាដែលសម្ពោធឆ្លង រួមមាន មហាកុដិ សាលាសំណាក់ រូបសំណាក និងផ្លូវបេតុង។ បើតាមឯកឧត្តម ហ៊ុន ម៉ានិត រំលឹកថា វត្តនេះមានប្រវត្តិសាស្រ្ត យូរលង់​ណាស់មកហើយ ចាប់តាំងពីឆ្នាំ ១៩០៩។ ក្នុងរបបខ្មែរក្រហម វត្តនេះត្រូវ​បានគេប្រែក្លាយជាឃ្លាំងស្តុកជី ហើយព្រះវិហារ ត្រូវបានរុះរើធ្វើជាសរសរស្ពាន និងទំនប់ស្ទឹង។ ឯកឧត្តមបន្តថា ក្នុងពេលប្រទេសយើងស្ថិតក្នុងសង្គ្រាម គ្មានសុខសន្តិភាព និងស្ថិរភាពនយោបាយប្រទេសយើងទទួល រងនូវការបំផ្លិចបំផ្លាញ សិទ្ធិ​សេរីភាព និងជំនឿសាសនា ត្រូវបានបាត់បង់ទាំងស្រុង ហើយគ្មានការអភិវឌ្ឍ​វិស័យពុទ្ធចក្រ និងអាណាចក្រនោះទេ។ ការតស៊ូរបស់សម្តេចតេជោ ហ៊ុន សែន និងថ្នាក់ដឹកនាំគណបក្សប្រជាជន​កម្ពុជាយើងបានរំដោះកម្ពុជា ចេញពីរបបខ្មៅងងឹត ហើយស្វែងរកសន្តិភាព​ពេញលេញជូនជាតិ។ វត្តអារាមត្រូវបានរៀបចំឡើងវិញនិងបន្តអភិវឌ្ឍជា​បន្តបន្ទាប់រហូតមកដល់បច្ចុប្បន្ន។ ឯកឧត្តម…

កំពត៖”បុណ្យថៅកុង”ឮតែឈ្មោះនេះក៏យើងដឹងដែរថានេះពុំមែនជាបុណ្យប្រពៃណីខ្មែរដែរ។ពិធីនេះត្រូវបានរៀបចំធ្វើកាលពីព្រឹកថ្ងៃទី១ ខែមីនា ឆ្នាំ២០២៥នៅទីតាំង ថៅកុង ក្នុងស្រុកកំពង់ត្រាច ខេត្តកំពត។ពិធីនេះគេមានជំនឿថា ឱ្យជួយឱពួកគេរកស៊ីមានបាន។ បុណ្យថៅកុងត្រូវបានរៀបចំធ្វើឡើងដោយសមាគមចិន ខ្មែរនៅកម្ពុជាជារៀងរាល់ឆ្នាំ ។ក្នុងមួយឆ្នាំគេប្រារព្ធម្តង ព្រោះនេះជាជំនឿ តាំងពីដូនតាកុងម៉ា ។អ្នកមានសែស្រឡាយចិនបាននាំគ្នា ធ្វើដោយមិនបានខានមួយឆ្នាំណាឡើយ។ពិធីបែបទំនៀមទម្លាប់ នេះមាន ការសែនព្រេន ម្ហូបអាហារ ផ្លែឈើគ្រប់មុខ ,មានលោតម៉ុងសាយ ថ្វាយលោកថៅកុងផង។ ក្រោយការសែនព្រែនរួចរាល់ក៏មានការបរិភោគអាហារជុំគ្នាយ៉ាងសប្បាយ។មានការទស្សនាកំសាន្តសិល្ប:តន្ត្រីសម័យខ្មែរ ចិន ប្រគំយ៉ាងពិរោះរណ្ដំ ឧកញ៉ា លី គឹមវុន ប្រធានសមាគមចិន ខ្មែរ នៅខេត្តកំពត បានថ្លែងអំណអរគុណយ៉ាងជ្រាលជ្រៅដល់បងប្អូនទាំងអស់ដែល បានចូលរួមក្នុងពិធីបុណ្យថៅកុង របស់សមាគមចិន ខ្មែរ ។ឧកញ៉ាក៍បានសំណូមពរដល់អ្នកបន្តវេនទាំងអស់ សូមចូលរួម សហការ ធ្វើយ៉ាងណា ដើម្បីអភិវឌ្ឍសមាគមនឱ្យកាន់តែល្អប្រសើរ បន្ថែមទៀត និងបន្តប្រារព្ធពិធីថៅកុងឱ្យបានជាប់លាប់៕ដោយ៖ សិលា សារិន

ភ្នំពេញ៖បើទោះបីជាយកបញ្ហាកោះគុតធ្វើជានុយក៏ដោយក៏បាតុកម្មនៅ​កូរ៉េខាងត្បូងដែលបំផុសបំផុលដោយក្រុមប្រឆាំងជ្រុលនិយម ក៏មិនអាច​ប្រមូលផ្តុំមនុស្សឱ្យចូលរួមច្រើនបាននោះឡើយ។ក្រុមប្រឆាំងជ្រុល​និយម​ដែលដឹកនាំដោយលោកស្រី មូរ សុខហួរបានប្រឹង ប្រែងប្រកូកប្រកាស ប៉ុន្តែគ្មានអ្នកចូលរួមទេក្រៅពីសកម្មជនរបស់ខ្លួននោះ។ លោក សំ សឿន អ្នកឃ្លាំមើលសង្គម និងនយោបាយបានគូសបញ្ជាក់ថា ចំនួនចូលរួមក្នុងរង្វង់តិចតួចប្រមាណ២០០នាក់ប៉ុណ្ណោះ ហើយចំនួននេះ​មិនអាចចាត់ទុកជាតំណាងឱ្យពលរដ្ឋខ្មែរ៦ម៉ឺននាក់ដែលកំពុងស្នាក់នៅ ធ្វើការ នៅប្រទេសកូរ៉េខាងត្បូងបាននោះទេ។ លោក អះអាងថា៖« ផែនការបាតុកម្ម គឺជាក្រុមជ្រុលនិយម និងជាដៃជើង​រចនាសម្ព័ន្ធក្រុមប្រឆាំងខុសច្បាប់ប៉ុណ្ណោះដែលមិនតំណាងឱ្យឆន្ទៈ​របស់​ពលរដ្ឋខ្មែរដែលកំពុងរស់នៅកូរ៉េខាងត្បូងនោះទេ»។ បើតាមអ្នកតាមដានសង្គមរូបនេះដដែលការប្រឹងប្រែងកៀរគរពលរដ្ឋខ្មែរបង្កចលាចលនៅលើទឹកដីបរទេសជាការបង្កការរំខានការ បំពេញការងាររបស់​ពលករ និងសិស្សនិស្សិត និងជាការធ្វើឱ្យខូចកិត្តិយសជាតិខ្មែរនៅលើឆាក​អន្តរជាតិនិងធ្វើឱ្យជាតិសាសន៍ដទៃ មើលងាយជាតិសាសន៍ខ្មែរ។ ដោយឡែក លោក អ៊ុន ដារ៉ា ដែលជាអ្នកតាមដានសង្គមនយោបាយនៅកម្ពុជា​បានកត់សម្គាល់ពីមូលហេតុដែលក្រុមប្រឆាំងបរាជ័យ ជាបន្តបន្ទាប់លើការ​ប្រមូលពលរដ្ឋធ្វើបាតុកម្ម គឺដោយសារពលរដ្ឋនៅកូរ៉េអស់ជំនឿព្រោះ​តែជា​បាតុកម្មដែលប្រមូលលុយ និងគ្រាន់តែជាបាតុកម្មជំនួញនយោបាយដែល​មិនឆ្លុះ​បញ្ចាំងពីប្រយោជន៍ជាតិពិតប្រាកដ។ លោកបញ្ជាក់ថា៖ “ក្រុមប្រឆាំងតែងតែធ្វើបាតុកម្មដើម្បីតែប្រមូលលុយ​ដើម្បីតែប្រយោជន៍ខ្លួន ហើយពលរដ្ឋក៏គេលែងជឿទៀតដែរ ព្រោះមិនដែល​ឃើញបានស្អីផង”។ លោកបានកត់សម្គាល់ថាប្រជាពលរដ្ឋខ្មែរក្នុងនិងក្រៅប្រទេសបានបន្តភាពជឿជាក់មកលើរាជរដ្ឋាភិបាលដែលដឹកនាំដោយគណបក្សប្រជាជនដែលមានសម្តេចតេជោ និងសម្តេចធិបតីទាំងការការពារបូរណភាពទឹកដីជាមួយប្រទេស​ជិតខាង និងការអភិវឌ្ឍរបស់កម្ពុជា។ទន្ទឹមនឹងនេះ លោក សំ សឿន អ្នកតាមដានសង្គមនយោបាយបាន​អំពាវនាវឱ្យ​ពល​រដ្ឋខ្មែរគ្រប់ទិសទីនិងនៅទឹកដីកូរ៉េខាងត្បូងសូមបន្ត​ជឿជាក់មកលើរាជរដ្ឋាភិបាលកម្ពុជាដើម្បីអធិបតេយ្យភាពជាតិ និងការអភិវឌ្ឍ៕ដោយ៖ង៉ាន់ ទិត្យ

(ភ្នំពេញ)៖ ការប្រឡងថ្នាក់ជាតិ ចូលរៀនថ្នាក់ឆ្នាំសិក្សាមូលដ្ឋាន សម្រាប់កម្រិតបរិញ្ញាបត្រ នៅតាម គ្រឹះស្ថានបណ្តុះបណ្តាលក្នុងវិស័យសុខាភិបាល ឆ្នាំសិក្សា ២០២៤-២០២៥ ត្រូវបានរៀបចំឡើងរយៈពេល ២ថ្ងៃ ដោយមានការសម្រិតសម្រាំងដើម្បីជ្រើសរើស សិស្ស-និស្សិត ពូកែមាន សមត្ថភាពខ្ពស់ចូលរៀនក្នុងវិស័យសុខាភិបាលដែលជាវិស័យសំខាន់មួយ សម្រាប់ធនធានធមនុស្សនៅកម្ពុជា។ ទាក់ទិនក្នុងរឿងនេះ ឯកឧត្តម សុខ ផេង រដ្ឋលេខាធិការនៃទីស្តីការគណៈរដ្ឋមន្រ្តី និងជាប្រធានគណៈកម្មាធិការប្រឡងថ្នាក់ជាតិសម្រាប់បណ្តុះបណ្តាលក្នុងវិស័យសុខាភិបាល បានបញ្ជាក់ថា ៖ វិញ្ញាសា ប្រឡងត្រូវបានរៀបចំយ៉ាងសម្ងាត់ ដែលគ្មាននរណាម្នាក់បានដឹងមុនទេ ក្រៅអំពីអ្នកចេញវិញ្ញាសា ចំនួន២ទៅ៣នាក់ ប៉ុណ្ណោះ។ ឯកឧត្តម បន្តថា ឆ្នាំនេះគណៈកម្មធិការប្រឡងបានធ្វើទំនើបកម្មមួយគឺការប្រឡងបានទទួលពាក្យបេក្ខជនតាមរយៈអនឡាញ ដែលនេះគឺជាការកាត់បន្ថយនីតិវិធី និងពេលវេលាដល់ សិស្ស-និស្សិតមកប្រឡងដោយមិនបាច់ចំណាយពេលច្រើនពិសេសតាមបណ្តាខេត្តមិនចាំបាច់ធ្វើដំណើរឆ្ងាយមកទិញពាក្យនោះឡើយ ពោលគឺខេត្តឆ្ងាយៗដូចជា រតនគិរី មណ្ឌលគិរី ឬបណ្តាខេត្តដទៃទៀតក៏អាចចូលរួមប្រឡងបានដូចគ្នាដែរ។ ឯកឧត្តម សុខ ផេង បានលើកឡើងដោយបញ្ជាក់ដែរថា៖ការប្រឡងថ្នាក់ជាតិចូលរៀនថ្នាក់ឆ្នាំសិក្សាមូលដ្ឋាន សម្រាប់កម្រិតបរិញ្ញាបត្រ និងថ្នាក់ឆ្នាំទី១ សម្រាប់កម្រិតបរិញ្ញាបត្ររង នៅតាមគ្រឹះស្ថានបណ្តុះបណ្តាលក្នុងវិស័យសុខាភិបាល ឆ្នាំសិក្សា២០២៤-២០២៥ មានបេក្ខជនចំនួន ១០ ៥៦៩នាក់ បានដាក់ពាក្យចូលរួមប្រឡង ក្រោយពីបានពិនិត្យលើឯកសារពាក្យសុំរបស់ បេក្ខជន គណៈកម្មាធិការប្រឡងថ្នាក់ជាតិសម្រេចឱ្យបេក្ខជនចំនួន…

ភ្នំពេញ៖សមិទ្ធផលនានាក្នុងវត្តអូរព័ទ្ធ ស្ថិតនៅភូមិស្រមោចហែ ឃុំចំបក់ ស្រុកបាទី​​ខេត្តតាកែវ បានប្រារព្ធពិធីសម្ពោធឆ្លងកាល ពីព្រឹកថ្ងៃទី២ ខែមីនា ឆ្នាំ២០២៥ ក្រោមអធិបតីភាពឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្រ្តី​ក្រសួងមុខងារសាធារណៈ តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង មានការនិមន្ត ការអញ្ជើញ​ចូលរួមពីព្រះ​មេគណខេត្តតាកែវទាំងពីរគណៈ សមាជិកព្រឹទ្ធសភា រដ្ឋសភា ក្រុមការងារ​រាជរដ្ឋាភិបាល ចុះជួយមូលដ្ឋាននិង និងប្រជាពលរដ្ឋ​យ៉ាងច្រើនកុះករ។ ក្នុងឱកាសនេះជាមួយនឹងការអបអរសាទរ វាយតម្លៃខ្ពស់ចំពោះសមិទ្ធផល​ដែលកើតចេញពីកម្លាំងសាមគ្គី កម្លាំងនៃសទ្ធាជ្រះថ្លាពីគ្រប់ទិស​ទីក្នុង​និងក្រៅប្រទេស ឯកឧត្តមឧបនាយករដ្ឋមន្រ្តី ហ៊ុន ម៉ានី ក៏បានរំលឹកថា ក្នុងដំណើរបំពេញព្រះរាជបូជនីយកិច្ចរបស់«ព្រះមហា វីរបុរសជាតិ-ព្រះបិតាឯករាជ្យជាតិ» ព្រះបរមរតនកោដ្ឋដែលព្រះអង្គទ្រង់បានបំពេញ​ដោយទឹកព្រះទ័យស្នេហាជាតិ និងប្រជារាស្ត្រ ដែលជាកូនចៅចៅទួត​របស់ព្រះអង្គ។ព្រះបរមរតនកោដ្ឋបានសន្យាជាឱឡារឹកថានឹង​បំពេញព្រះ​រាជបូជនីយកិច្ចទាមទារឯករាជ្យពេញលេញ ជូនមាតុភូមិឱ្យខានតែបាន។ ឯកឧត្តមបានបន្តថា ក្រោមស្នាព្រះហស្ថដ៏ឧត្តុង្គឧត្តមរបស់ព្រះអង្គ ទើបធ្វើឱ្យព្រះរាជាណាចក្រកម្ពុជា ទទួលបានឯករាជ្យទាំងស្រុង​ពីបារាំងនៅថ្ងៃទី៩ ខែវិច្ជិកា ឆ្នាំ១៩៥៣ ៕ដោយ៖ ង៉ាន់ ទិត្យ