អបអរសាទរចំពោះមោទនភាពថ្មីសម្រាប់ផលិតផលខ្មែរ ដែលក្រុមហ៊ុន វឌ្ឍនៈ នាំយកមេដាយមាសច្រើនរហូតដល់ ២១ ព្រមទាំងពានពេជ្រចំនួន ៤ សម្រាប់ផលិតផលឈ្នះមេដាយមាស៣ឆ្នាំជាប់ៗគ្នា ដែលនេះគឺជាចំនួនដ៏ច្រើនមិនធ្លាប់មានទាំងក្នុងប្រវត្តិសាស្រ្តប្រទេសកម្ពុជា និងក្នុងប្រវត្តិសាស្ត្រស្ថាប័ន Monde Selection ផ្ទាល់។ ត្រឹមរយៈពេលជាង ៤ឆ្នាំ នៃប្រតិបត្តិការ ក្រុមហ៊ុន វឌ្ឍនៈ ទទួលបានការគាំទ្រ និងមានភាពលេចធ្លោទាំងរសជាតិ និងគុណភាពផលិតផល ដោយឈ្នះមេដាយមាសសរុបចំនួនរហូតដល់ ៥៦ ពានរង្វាន់ពេជ្រចំនួន ១០ និងជាប់ក្នុងបេក្ខភាព Prize of the Jury ស្រាបៀរល្អផ្ដាច់គេក្នុងចំណោមស្រាបៀរកំពូលទាំង៥ (TOP 5) ទូទាំងពិភពលោកពីស្ថាប័ន Monde Selection។ បន្ថែមពីនោះផលិតផលក្រុមហ៊ុន វឌ្ឍនៈ ក៏ត្រូវបានទទួលស្គាល់ពីគុណភាព និងទទួលបានពានមាសពីស្ថាប័ន World Beer Award ចំនួន ១៨ គិតត្រឹមឆ្នាំ២០២៥។ ទោះមានវត្តមានក្នុងទីផ្សារត្រឹមរយៈពេលខ្លី ក្រុមហ៊ុន វឌ្ឍនៈ តែងផ្តល់តម្លៃ និងយកចិត្តទុកដាក់ខ្ពស់បំផុតលើកត្តាគុណភាព សុវត្ថិភាពជាចម្បង ហើយថ្មីៗនេះ ក្រុមហ៊ុន វឌ្ឍនៈ…

ភ្នំពេញ៖ឯកឧត្តមឧបនាយករដ្ឋមន្រ្តី ហ៊ុន ម៉ានី រដ្ឋមន្រ្តីក្រសួងមុខងារ​សាធារណៈ​តែងតែខ្វល់ខ្វាយយកចិត្តទុកដាក់ ដល់សុខទុក្ខ​របស់​មន្រ្តីរាជការទាំងអស់ដែលបម្រើការងារនៅ​ក្រោមចំណុះក្រសួង​ ។ទន្ទឹមនេះឯកឧត្តមបានផ្តួចផ្តើមឱ្យ មានក្រុមការងារទទួល​បន្ទុកអនុវត្ត​គម្រោងគិតគូរលើសុខុមាលភាពមន្រ្តីនៃ​ក្រសួង​មុខងារសាធារណៈ ដែលហៅកាត់ថា អឹមស៊ីអេស អេច ផ្លឺស(MCS H+)។ តាមរយៈសេចក្តីរាយការណ៍បានឱ្យដឹងថា កន្លងមកក្រុមការងារ MCS H+ បានចុះសាកសួរសុខទុក្ខ និងនាំយកនូវកាដូ​អនុស្សាវរីយ៍ ក៏ដូចជាថវិកាចូលរួមគាំទ្រទៅដល់សុខុមាលភាព និងការរំលែក​ទុក្ខផ្សេងៗជូនទៅដល់ថ្នាក់ដឹកនាំ និងមន្រ្តីរាជការ​ប្រមាណជាង​១០០ករណី រួចមកហើយ។ មន្រ្តីរាជការនៃក្រសួងមុខងារសាធារណៈទាំងអស់ត្រូវបានផ្តល់ឱកាសឱ្យមានការពិនិត្យសុខភាពប្រចាំ​ឆ្នាំជូនជាទៀងទាត់។ ក្នុងកម្មវិធីពិនិត្យសុខភាពប្រចាំ​ឆ្នាំជូនដល់ថ្នាក់ដឹកនាំ និងមន្រ្តីរាជការ​ចំណុះក្រសួងមុខងារសាធារណៈ កាលពីថ្ងៃទី២៥ ខែមេសា ឆ្នាំ២០២៦ ឯកឧត្តមឧបនាយករដ្ឋមន្រ្តី ហ៊ុន ម៉ានី បានថ្លែងថា ការងារជោគជ័យ​អាស្រ័យលើមន្រ្តីមាន «សុខភាពល្អ»។ឯកឧត្តមក៏បានអរគុណ​ដល់មន្រ្តីនៃ​ក្រសួងមុខងារ​សាធារណៈគ្រប់ជាន់​ថ្នាក់​ដែលបានខិតខំ​ប្រឹងប្រែងបំពេញភារកិច្ចដោយ​អស់​ពីកម្លាំងកាយចិត្តទោះក្នុង​កាលៈទេសៈ​សុខភាពយ៉ាងណាក៏ដោយ ក៏នៅតែ​ខិតខំបំពេញ​កាតព្វកិច្ចរបស់ខ្លួនឱ្យទទួលបាន​សមិទ្ធផល​យ៉ាងច្រើន និងថ្មីៗជូន​ដល់ក្រសួង។ ឯកឧត្តមបានបន្ថែមថា ក្នុងវេលានេះជាការគិតគូររួមចំណែក និង​ការតបស្នងដល់ការខិតខំប្រឹងប្រែងរបស់មន្រ្តីរាជការ​នៃក្រសួង​មុខងារសាធារណៈទាំងអស់ គឺខ្ញុំមានតែការផ្តល់ជូននូវការយកចិត្ត​ទុកដាក់លើការថែទាំ ពិនិត្យតាមដានសុខភាព និងការ​ព្យាបាល​ជូនដល់មន្រ្តីទាំងអស់។ សូមជម្រាបថា កម្មវិធីពិនិត្យសុខភាពប្រចាំឆ្នាំនេះមានការចូលរួមគាំទ្រ ដំណើរប្រតិបត្តិការដោយសម្ព័ន្ធគ្រូពេទ្យសហភាព​សហព័ន្ធ​យុវជន​កម្ពុជា(DA-UYFC) ដែលប្រព្រឹត្តទៅរយៈពេលមួយថ្ងៃពេញ នៅ​សាលាភូមិន្ទរដ្ឋបាល ៕ដោយ៖ វណ្ណលុក

ត្បូងឃ្មុំ៖សម្ដេចតេជោ ហ៊ុន សែន នាឱកាសជួបសំណេះសំណាល ជាមួយមន្ត្រីក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ ដឹកនាំមន្ទីរ អង្គភាពនានាជុំវិញ ខេត្តត្បូងឃ្មុំ ដែលជាខេត្តមានច្រកព្រំដែន ជាមួយប្រទេសវៀតណាមផងនោះ សម្ដេច​បានលើក​ឡើងពីការគាំទ្រ ដល់ការប្រមូលប្រាក់ចំណូលទាំងផ្នែកពន្ធគយ និងបានណែនាំមន្ត្រី រួមគ្នាទប់ស្កាត់ការរកស៊ីមិនបង់ពន្ធ ឬរត់គេចពន្ធជាដើម ។ មានប្រសាសន៍កាលព្រឹកថ្ងៃអាទិត្យទី២៦ ខែមេសា ឆ្នាំ២០២៦ នៅខេត្តត្បូងឃ្មុំសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីបានបង្ហាញនូវក្តីរីករាយដែលបានវិលមកជួបជាមួយមន្ត្រីក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹក​នាំមន្ទីរអង្គភាពនានា ក្នុងខេត្តត្បូងឃ្មុំនេះសារជាថ្មី ។ សម្តេចតេជោ បានវាយតម្លៃខ្ពស់ចំពោះមន្ត្រីរាជការ នៅខេត្តត្បូងឃ្មុំ ទាំងអស់ ដែលបានខិតខំបំពេញការងារ បម្រើសេវាសាធារណៈជូនដល់ប្រជាពលរដ្ឋនៅពេលកន្លងមក ជាពិសេស ការរួមគ្នា​រក្សាឱ្យបាននូវសន្តិសុខសណ្តាប់ធ្នាប់ និងរបៀបរៀបរយក្នុងសង្គម ទប់ស្កាត់បាននូវទង្វើបង្កចលាចលនានាក្នុងសង្គម ។ ជាខេត្តមានច្រកព្រំដែនជាមួយប្រទេសវៀតណាមផងនោះ សម្ដេច​បានលើក​ឡើងពីការគាំទ្រ ដល់ការប្រមូលប្រាក់ចំណូល​ទាំងផ្នែកពន្ធគយ និងបានណែនាំដល់មន្ត្រីឱ្យរួមគ្នាទប់ស្កាត់ការរកស៊ីមិនបង់ពន្ធ ឬរត់គេចពន្ធជាដើម ។ជាមួយនេះ សម្តេច ក៏បានណែនាំឱ្យខិតខំគ្រប់គ្រងម៉ាក្រូសេដ្ឋកិច្ច ជាពិសេស…

ភ្នំពេញ៖ឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា និងជាប្រធានក្រុមការងាររាជរដ្ឋាភិបាលចុះ​មូលដ្ឋាន​ស្រុកគាស់ក្រឡ ខេត្តបាត់ដំបង នៅថ្ងៃសៅរ៍ទី២៥ ខែមេសា បានអញ្ជើញសួរសុខទុក្ខ និងនាំយកអំណោយចែកជូន​ប្រជាពលរដ្ឋដែលរងផលប៉ះពាល់ដោយខ្យល់កន្ត្រាក់ចំនួន៩៩គ្រួសារ នៅស្រុកគាស់ក្រឡ ។ ក្នុងឱកាសនេះដែរឯកឧត្តមទេសរដ្ឋមន្ត្រី បានកោតសរសើរចំពោះការយក​ចិត្តទុកដាក់របស់ថ្នាក់ដឹកនាំ និងមន្ត្រីទាំងអស់នៃ​រដ្ឋបាល​ស្រុកគាសក្រឡដែលបានឆ្លើយតប និងបំពេញការងារប្រកបដោយប្រសិទ្ធភាព និងទាន់ពេលវេលា ដោយមិនប្រកាន់​និន្នាការនយោបាយ ឬរើសអើងចំពោះប្រជាពលរដ្ឋណាមួយឡើយ។ ឯកឧត្តមទេសរដ្ឋមន្ត្រី ក៏បានបង្ហាញពីកិច្ចខិតខំប្រឹងប្រែង និងយកចិត្តទុកដាក់ពីសំណាក់រាជរដ្ឋាភិបាលចំពោះស្ថាន​ភាពរស់​នៅរបស់ប្រជាពលរដ្ឋ ក្នុងស្ថានភាពដ៏លំបាកក្នុងពេលបច្ចុប្បន្ន ដូចជាគ្រោះធម្មជាតិ, ផលប៉ះពាល់កើតចេញពីជម្លោះ​នៅតាម​តំបន់ព្រំដែនកម្ពុជា-ថៃ និងមជ្ឈិមបូព៌ាជាដើម។ ឯកឧត្តមទេសរដ្ឋមន្រ្តីបានផ្តាំផ្ញើ និងលើកទឹកចិត្តចំពោះប្រជាពលរដ្ឋក្នុងស្រុកគាស់ក្រឡ ឱ្យចូលរួមកសាងសាមគ្គីភាព និងសហការល្អជាមួយអាជ្ញាធរគ្រប់លំដាប់ថ្នាក់ ដើម្បីជាកម្លាំងក្នុងការចូលរួមអភិវឌ្ឍប្រទេសជាតិឱ្យកាន់តែរីកចម្រើន។ ក្នុងឱកាសនេះឯកឧត្តមទេសរដ្ឋមន្ត្រី កែវ រ៉េមី និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកគាស់ក្រឡ និងឯកឧត្តម ប៊ុន ហុន ប្រធានក្រុមការងារគណបក្សចុះមូលដ្ឋានស្រុកគាស់ក្រឡ បានឧបត្ថម្ភជាថវិកាចំនួនជាង១២លានរៀល​សម្រាប់​ទិញជាស្បៀងអាហារចែកជូន​ប្រជាពលរដ្ឋដែលរងគ្រោះដោយខ្យល់កន្ត្រាក់ចំនួន ៩៩គ្រួសារ៕ដោយ៖ គ្រី សម្បត្តិ

ភ្នំពេញ៖ កម្លាំងចម្រុះនៃគណៈបញ្ជាការឯកភាពរាជធានីភ្នំពេញ បានបើកប្រតិបត្តិការចុះបង្ក្រាបទីតាំងឆបោក​តាមប្រព័ន្ធ​បច្ចេកវិទ្យា​(Online Scam) មួយកន្លែងស្ថិតក្នុងបុរីជារីផ្ទះលេខ ០៦J ផ្លូវលេខ ០៧ ភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ ប្រតិបត្តិការនេះសមត្ថកិច្ចបានឃាត់ខ្លួនជនជាតិ​បង់ក្លាដែស ចំនួន ១២នាក់ និងដកហូត​កុំព្យូទ័រ All-in-One ចំនួន ២៦គ្រឿង, ម៉ូនីទ័រ ១៣គ្រឿង, ធុង CPU ១១គ្រឿង និងលិខិតឆ្លងដែន​ចំនួន ១៤ក្បាល។ ប្រភពលេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.)ឱ្យដឹងថា ប្រតិបត្តិការ​​បង្ក្រាប​បានធ្វើឡើងកាលពីល្ងាចថ្ងៃទី២៤ ខែមេសា ឆ្នាំ២០២៦។យោងតាម​ការស៊ើបអង្កេត និងពិនិត្យកោសល្យ​វិច្ច័យលើឧបករណ៍អេឡិចត្រូនិក សមត្ថកិច្ចបានរកឃើញថា ក្រុមជនសង្ស័យបានប្រើប្រាស់ទីតាំង​ខាងលើ ដើម្បីធ្វើសកម្មភាព​ប្រព្រឹត្ត​បទល្មើស ឆបោកតាមប្រព័ន្ធ​អនឡាញ ក្រោមរូបភាពក្លែងបន្លំជាក្រុមហ៊ុនលក់កញ្ចប់ទេស​ចរណ៍ក្លែងក្លាយ ដែលមាន​គោលដៅទៅប្រទេសបង់ក្លាដែស និងប្រទេសផ្សេងទៀត ។ គួររំលឹកថា ក្នុងកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃ ទី២៣ ខែមេសា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បទ​បញ្ជា​យ៉ាងម៉ឺងម៉ាត់បំផុតឱ្យសមត្ថកិច្ច និង កងកម្លាំងពាក់ព័ន្ធទាំងអស់ បន្តការបង្ក្រាបបទល្មើសនេះដោយគ្មានបង្អង់ដៃឡើយ។ សម្តេចធិបតី…