ភ្នំពេញ៖ ឯកឧត្តម ឌិត ទីណា រដ្ឋលេខាធិការក្រសួងរ៉ែ និងថាមពល ត្រូវបានរាជរដ្ឋាភិបាល ស្នើរដ្ឋសភា ដើម្បីបោះឆ្នោតផ្តល់សេចក្តីទុកចិត្ត ធ្វើជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជំនួស ឯកឧត្តម វេង សាខុន ដែលត្រូវបានបញ្ចប់តំណែង។

ខេត្តកំពង់ធំ៖ បន្ទាប់ពីបញ្ចប់ការចុះត្រួតពិនិត្យដោយផ្ទាល់លើស្ថានភាពប៉ះពាល់ ផលដំណាំដោយសារជំនន់ទឹកភ្លៀងនៅក្នុងខេត្តកំពង់ធំ សៀមរាប និងបន្ទាយមានជ័យ នៅថ្ងៃទី១០ ខែតុលា ឆ្នាំ២០២២ ទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានបន្តដំណើរទៅកាន់ខេត្តពោធិ៍សាត់ ដើម្បីពិនិត្យដោយផ្ទាល់ពីផលប៉ះពាល់ និងការលិចលង់ផលដំណាំរបស់ប្រជាពលរដ្ឋ។

ភ្នំពេញ៖ខ្សែភាពយន្ត «Return to Seoul ត្រឡប់ទៅសេអ៊ូល» របស់សមិទ្ធករភាពយន្តកូនកាត់បារាំងខ្មែរ លោក ជូ ដាវី ទទួលបាន ពានរង្វាន់មាសជា «ភាពយន្តល្អបំផុត» ពីមហោស្រពភាពយន្ត អន្ដរជាតិ ទីក្រុងអាថែន ប្រទេសក្រិក លើកទី២៨។

ព្រះសីហនុ៖ កំណើនភ្ញៀវទេសចរទៅកម្សាន្តនៅខេត្តព្រះសីហនុនា មួយរយៈចុងក្រោយនេះ មានការកើនឡើងជាគំហុក។ កំណើន នៃភ្ញៀវទេសចរ ត្រូវបានគេកត់សម្គាល់ថា ដោយសារការប្រើប្រាស់ ផ្លូវលឿនលឿន ដែលប្រជាពលរដ្ឋចំណាយពេលធ្វើដំណើរ ពី ភ្នំពេញទៅខេត្តព្រះសីហនុ ក្នុងរយៈពេលតែពីរម៉ោង។

ខេត្តកំពង់ធំ៖ ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ អញ្ចើញចុះប្រគល់ខ្នងផ្ទះទី២១៥ អមដោយអាជ្ញាធរ និងជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា និងសម្តេចកិត្តិព្រឹទ្ឋបណ្ឌិត ប៊ុន រ៉ានីហ៊ុនសែន ជូនគ្រួសារអតីតយុទ្ធជនពលីនៅភូមិសាលាវិស័យ ឃុំសាលាវិស័យ ស្រុកប្រាសាទបល្ល័ង្ក ខេត្ត នៅរសៀលថ្ងៃទី១០ ខែតុលា ឆ្នាំ២០២២ ។

បន្ទាយមានជ័យ៖ មន្ត្រីអាជ្ញាធរ សមត្ថកិច្ចកងកម្លាំង ជំនាញបច្ចេកទេស និងពលរដ្ឋភាគច្រើននៅខេត្តបន្ទាយមានជ័យមានឆន្ទៈចូលរួមកិច្ចការពារ ថែរក្សា លើកកម្ពស់បរិស្ថាន ហើយក៏មានការគាំទ្រពីថ្នាក់លើដែរ នេះជាការលើកឡើង របស់លោក ប្រាក់ ប៉ូលី អភិបាលរងខេត្តបន្ទាយមានជ័យក្នុងសិក្ខាសាលាពិគ្រោះយោបល់និងផ្សព្វផ្សាយស្ដីពីដំណើការកំណត់តំបន់បេតិកភ័ណ្ឌធម្មជាតិ និងលទ្ធផលការសិក្សាផូស៊ីលក្នុងភូមិសាស្ត្រខេត្តនាថ្ងៃទី ១០ សីហា ២០២២ ។

ភ្នំពេញ៖ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួង សាធារណការ និងដឹកជញ្ជូន បានប្រាប់ក្រុមអ្នកសារព័ត៌មាន បារាំង ដែលមកធ្វើទស្សនកិច្ចសារព័ត៌មានសេដ្ឋកិច្ចនិងធុរកិច្ចនៅកម្ពុជាថា ប្រទេសកម្ពុជាមិនរើសអើងពាក់ព័ន្ធនឹងប្រភពនៃការផ្ដល់ហិរញ្ញប្បទានលើការសាងសង់ហេដ្ឋារចនាសម្ព័ន្ធទេ។

ខេត្តពោធិ៍សាត់៖ ថ្ងៃទី០៩ខែតុលាឆ្នាំ២០២២ ឯកឧត្តម ហ៊ុន ម៉ានី តំណាងដ៍ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាននាំយកអាវរងានិងគ្រឿងឧបភោគបរិភោគមួយចំនួន មកចែកជូនដល់កងកម្លាំងប្រដាប់អាវុធនៅអង្គភាពកងពលតូចអន្តរាគមន៍លេខ១៤ ដែលឈរជើងនៅភ្នំបាយឃ្លះស្ថិតក្នុងឃុំអន្លង់ត្នោតស្រុកក្រគរខេត្តពោធិ៍សាត់។

ភ្នំពេញ៖ បន្ទាប់ពីមានបទបញ្ជារបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា ជុំវិញការស្តារដំណាំស្រូវដែលខូចខាត ដោយ ទឹកជំនន់រួចមក ឯកឧត្តមទេសរដ្ឋមន្រ្តី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយបានចាប់ផ្ដើមចុះជួបប្រជុំជាមួយអាជ្ញាធរនិងមន្ទីរជំនាញពីខេត្តសៀមរាបនិងកំពង់ធំនៅថ្ងៃទី៩ ខែតុលា ឆ្នាំ២០២២ ។

បន្ទាយមានជ័យ៖ អំណោយសម្តេចតេជោនិងសម្តេចកិត្តិព្រឹទ្ធបណ្ឌិតផ្ដល់ជូនបងប្អូនប្រជាពលរដ្ឋចំនួន ៣៨៧គ្រួសារទៀតដែលជាអ្នករងផលប៉ះពាល់ពីទឹកជំនន់ នៅសង្កាត់ទឹកថ្លា អូរំបិល ព្រះពន្លា កោះពងសត្វ ភ្នៀត និងកំពង់ស្វាយ នាថ្ងៃទិ០៩ខែតុលាឆ្នាំ២០២២ បានទទួលស្បៀងអាហារ សម្ភារៈ ថ្នាំពេទ្យជាអំណោយសម្តេចតេជោនិងសម្តេចកិត្តិព្រឹទ្ធបណ្ឌិត។