ប៊ែរឡាំង ៖ ប្រទេសអាល្លឺម៉ង់បានសម្រេចផ្តល់មូលនិធិជាង ១០៣ លានដុល្លារ ដើម្បីទិញយន្តហោះយន្តហោះគ្មានមនុស្សបើកប្រយុទ្ធចំនួន ៥០.០០០ គ្រឿង ឱ្យទៅប្រទេសអ៊ុយក្រែន ។ បើតាម Straits times ចេញផ្សាយថ្ងៃ អាទិត្យ, មូលនិធិទិញដ្រូននេះ គឺជាការទិញដូរយន្តហោះគ្មានមនុស្សបើកដ៏ធំបំផុតមួយរបស់ប្រទេសលោកខាងលិច ដើម្បីជួយគាំទ្រដល់អ៊ុយក្រែនទប់ទល់នឹងកងទ័ពរុស្ស៊ី ។ ការបញ្ជាទិញនេះ ផ្តោតលើដ្រូនពិឃាតធុនស្រាលម៉ូដែល Shrike ផលិតដោយក្រុមហ៊ុន SkyFall របស់អ៊ុយក្រែន ។ ដ្រូននេះ ត្រូវបានបំពាក់ដោយ Software របស់ក្រុមហ៊ុនបច្ចេកវិទ្យា Auterion របស់សហរដ្ឋអាមេរិក ដែលមានសមត្ថភាពអាចតាមដាន និងវាយប្រហារគោលដៅចល័តដោយស្វ័យប្រវត្តិ ។ Shrike ជាដ្រូនមានតម្លៃសមរម្យ និងត្រូវបានដាក់ពង្រាយនៅអ៊ុយក្រែនតាំងពីឆ្នាំ ២០២៣កន្លងមក ហើយថ្មីៗនេះ ទទួលបានភាពល្បីល្បាញយ៉ាងខ្លាំងនៅក្រៅប្រទេស ។ យោងតាមការលើកឡើងរបស់នាយកប្រតិបត្តិក្រុមហ៊ុន Auterion លោក Lorenz Meier, យន្តហោះដ្រូនមួយចំនួនត្រូវបានប្រគល់ឱ្យអ៊ុយក្រែនរួចរាល់ហើយ ខណៈចំនួនដែលនៅសល់នឹងបញ្ជូនទៅឱ្យអស់ក្នុងឆ្នាំនេះ ។ ក្រៅពីអាល្លឺម៉ង់, កាលពីខែមុន ចក្រភពអង់គ្លេសក៏បានប្រកាសនឹងផ្តល់ដ្រូនចំនួន ១៥០.០០០ គ្រឿងដល់អ៊ុយក្រែននៅក្នុងឆ្នាំនេះផងដែរ…

តូក្យូ ៖ ទីភ្នាក់ងារអវកាសជប៉ុន នៅថ្ងៃ សៅរ៍ សប្តាហ៍មុន ប្រកាសទទួលបានជោគជ័យជាលើកដំបូង ក្រោយបញ្ចប់ការបាញ់បង្ហោះ និងចុះចតរ៉ុក្តែតអាចប្រើប្រាស់ឡើងវិញបានគំរូដើម ។ ភាពជោគជ័យនេះ គឺជាការបោះជំហានមួយឆ្ពោះទៅមុខ នៅក្នុងបច្ចេកវិទ្យាកាត់បន្ថយការចំណាយ ដែលកំពុងក្តោបក្តាប់ដោយក្រុមអវកាសឯកជន SpaceX របស់មហាសេដ្ឋីពិភពលោក Elon Musk ។ រ៉ុក្តែតគំរូដើមនេះ ត្រូវបានបាញ់បង្ហោះចេញពីទីតាំងសាកល្បងរបស់ទីភ្នាក់ងាររុករកអវកាសជប៉ុន ហៅកាត់ JAXA ក្នុងទីក្រុង Noshiro នៃតំបន់ Akita ។ យោងតាមទីភ្នាក់ងារ JAXA, រ៉ុក្តែតនេះ បានហោះឡើងដល់កម្ពស់ប្រហែល ១០ម៉ែត្រ ហើយបន្ទាប់មកបានចុះចតដោយជោគជ័យ ក្រោយចំណាយពេលសំកាំងខ្លួនលើអាកាសប្រមាណ ៤០វិនាទី ។ លោក Takashi Ito មកពីទីភ្នាក់ងារ JAXA ដែលដឹកនាំការបាញ់បង្ហោះនេះ បានប្រាប់អ្នកសារព័ត៌មានថា ទីភ្នាក់ងារនឹងពិនិត្យទិន្នន័យ ដើម្បីកំណត់យ៉ាងពេញលេញ អំពីភាពជោគជ័យនៃការសាកល្បងនេះ ប៉ុន្តែលោកមានទំនុកចិត្តថា វាទទួលបានទិន្នន័យដែលមានប្រយោជន៍ខ្លាំងណាស់ ។ យោងតាម CNA, រ៉ុក្កែតភាគច្រើនត្រូវបានរចនាឡើងសម្រាប់ការប្រើប្រាស់តែម្តងប៉ុណ្ណោះ ដោយសមាសធាតុពួកវា ត្រូវធ្លាក់ចូលទៅក្នុងសមុទ្រ…

កៀវ ៖ ប្រធានាធិបតីអ៊ុយក្រែន លោក ហ្ស៊េលែនស្គី កាលពីថ្ងៃអាទិត្យ បានបញ្ជាឱ្យមានការរុះរើ សមាជិករដ្ឋាភិបាលឡើងវិញ រួមទាំង ការផ្លាស់ប្តូរ នាយករដ្ឋមន្ត្រី។ លោក Volodymyr Zelenskyy បានប្រកាសពីការរុះរើរដ្ឋាភិបាលដ៏សំខាន់មួយ កាលពីថ្ងៃទី១២ ខែកក្កដា ដោយស្នើឱ្យមានការជំនួស នាយករដ្ឋមន្ត្រី លោកស្រី Yulia Svyrydenko និង ប្រធានស្ថាប័នអនុវត្តច្បាប់មួយចំនួន។ លោក Zelenskyy មិនបាននិយាយថា អ្នកណានឹងជំនួសលោកស្រី Svyrydenko ឬ ពន្យល់លម្អិតអំពីមូលហេតុ នៃការផ្លាស់ប្តូរនោះទេ។ លោក Zelenskyy បានតែងតាំង លោកស្រី Svyrydenko ឱ្យកាន់តំណែងជានាយករដ្ឋមន្ត្រី កាលពីឆ្នាំមុន។ លោក Zelenskyy បានមានប្រសាសន៍ថា «ខ្ញុំសូមថ្លែងអំណរគុណដល់ Svyrydenko ចំពោះការងារដ៏ច្បាស់លាស់ ស្ថិរភាព និង មានប្រសិទ្ធភាពរបស់គាត់ ក្នុងនាមជានាយករដ្ឋមន្ត្រី សម្រាប់ការបម្រើការងារប្រកបដោយផលិតភាពជាច្រើនឆ្នាំ នៅអ៊ុយក្រែន ហើយខ្ញុំបានផ្តល់ឱកាសឱ្យគាត់ដឹកនាំវិស័យទំនាក់ទំនងថ្មី និងជាមួយដៃគូសំខាន់មួយ»។ លោក Zelenskyy…

អាមេរិក ៖ បញ្ជាការកណ្តាលសហរដ្ឋអាមេរិក កាលពីថ្ងៃអាទិត្យ បានប្រកាសបិទបញ្ចប់ការវាយប្រហារជុំថ្មីលើអ៊ីរ៉ង់ ពោលគឺបន្ទាប់ពីកំណត់គោលដៅវាយលើទីតាំងយោធារាប់សិបកន្លែង របស់ទីក្រុងតេហេរ៉ង់។ បើតាម Anadolu, បញ្ជាការកណ្តាលសហរដ្ឋអាមេរិក ហៅកាត់ CENTCOM បានចេញសេចក្តីថ្លែងការណ៍មួយ បញ្ជាក់ថា «ប្រតិបត្តិការបានបញ្ចប់ ដោយការវាយប្រហារ គោលដៅជាច្រើន រួមមាន ប្រព័ន្ធការពារដែនអាកាស, ទីតាំងរ៉ាដាឆ្នេរសមុទ្រ, សមត្ថភាពមីស៊ីល, យន្តហោះគ្មានមនុស្សបើក និង ទូកតូចៗ របស់អ៊ីរ៉ង់»។ CENTCOM បាននិយាយថា «Hormuz គឺជាច្រកសមុទ្រដ៏សំខាន់សម្រាប់ពាណិជ្ជកម្មសកល ដូច្នេះ អ៊ីរ៉ង់មិនអាចគ្រប់គ្រងទេ»។ បញ្ជាការបានបន្ថែមថា «កងកម្លាំងអាមេរិក ត្រូវបានដាក់ទីតាំង និងត្រៀមខ្លួនរួចជាស្រេច ដើម្បីធានាថា សេរីភាពនៃការធ្វើនាវាចរណ៍ នៅតែមាន សម្រាប់ការដឹកជញ្ជូនពាណិជ្ជកម្ម ទោះបីជាមានការឈ្លានពាន, ការយាយី, ការគំរាមកំហែង និង ការប្រកាសតាមអំពើចិត្ត របស់អ៊ីរ៉ង់ ក៏ដោយ»។ គូជម្លោះទាំងពីរ បានផ្ទុះអាវុធដាក់គ្នាជាថ្មី កាលពីសប្តាហ៍មុន ធ្វើឲ្យរង្គោះរង្គើដល់ MOU ប៉ុនប៉ងបញ្ចប់សង្គ្រាមមជ្ឈិមបូព៌ា។ អាមេរិកជាអ្នកដែលបានផ្តើមមុន ដោយចោទថា អ៊ីរ៉ង់…

តេហេរ៉ង់ ៖ កាសែតអភិរក្សនិយមមួយរបស់អ៊ីរ៉ង់ បានចុះផ្សាយបញ្ជីរាយនាមបុគ្គល ដែលត្រូវកំណត់ជាគោលដៅធ្វើឃាត ដើម្បីសងសឹកចំពោះការសម្លាប់អតីតមេដឹកនាំកំពូលអ៊ីរ៉ង់ លោក Ayatollah Ali Khamenei ។ បើតាម AFP ចេញផ្សាយថ្ងៃ អាទិត្យ, ក្នុងចំណោមបុគ្គលទាំងនោះ រួមមានទាំងមេដឹកនាំសហរដ្ឋអាមេរិក អ៊ីស្រាអែល និងបណ្តាប្រទេសនៅប្លុកអឺរ៉ុប ។ កាសែតផ្លូវការរបស់អ៊ីរ៉ង់ Hamshahri បានបង្ហោះរូបភាពក្រាហ្វិកមួយ ដោយចាត់ទុកលោកប្រធានាធិបតីសហរដ្ឋអាមេរិក Donald Trump រួមទាំងមេដឹកនាំកំពូលៗរបស់អឺរ៉ុប និងអ៊ីស្រាអែលសរុបចំនួន ១៣ រូប ជាគោលដៅសងសឹកផ្ដាច់ជីវិត ។ ក្រាហ្វិករបស់កាសែតអ៊ីរ៉ង់នេះ បានកែច្នៃរូបភាពមេដឹកនាំទាំងនោះ ឱ្យស្លៀកសម្លៀកបំពាក់អ្នកទោសពណ៌ទឹកក្រូច និងមានគូសសញ្ញាផ្ទាំងស៊ីបនៅលើថ្ងាសរបស់លោក Trump និងលោក Netanyahu ទៀតផង ។ បើតាម The Standard, អ៊ីរ៉ង់បានចោទប្រកាន់មេដឹកនាំនៅអឺរ៉ុបទាំងនោះថា ជាអ្នកផ្សំគំនិត ក្នុងការវាយប្រហារលើទឹកដីរបស់ខ្លួន និងថា ប្រទេសអឺរ៉ុបទាំងនេះមិនត្រឹមតែមិនថ្កោលទោសការវាយប្រហាររបស់អាមេរិក-អ៊ីស្រាអែលប៉ុណ្ណោះទេ ប៉ុន្តែថែមទាំងបានអនុញ្ញាតឱ្យយន្តហោះយោធាអាមេរិក ហោះកាត់ដែនអាកាសរបស់ពួកគេថែមទៀតផង ។ ការចុះផ្សាយនេះធ្វើឡើងបន្ទាប់ពីមេដឹកនាំកំពូលថ្មីរបស់អ៊ីរ៉ង់ គឺលោក Ayatollah Mojtaba Khamenei បានប្រកាសប្ដេជ្ញាសងសឹកចំពោះការធ្វើឃាតឪពុករបស់លោក គឺលោក Ali…

ញូវយ៉ក ៖ អគ្គលេខាធិការអង្គការសហប្រជាជាតិ លោក Antonio Guterres នៅថ្ងៃ អាទិត្យ បានអំពាវនាវឲ្យបញ្ឈប់ការវាយប្រហារនៅតំបន់ឈូងសមុទ្រជាបន្ទាន់ ព្រមទាំងជំរុញឲ្យអ៊ីរ៉ង់ និងសហរដ្ឋអាមេរិក វិលត្រឡប់មកដោះស្រាយបញ្ហាតាមផ្លូវការទូតវិញ ដើម្បីបង្ការគ្រោះមហន្តរាយដល់សន្តិសុខភិភពលោក និងសេដ្ឋកិច្ចសកល ។ ការអំពាវនាវនេះ ធ្វើឡើងស្របពេលដែលសហគមន៍អន្តរជាតិ រួមទាំងចក្រភពអង់គ្លេស សហភាពអឺរ៉ុប ចិន និងរុស្ស៊ី បានសម្តែងការគាំទ្រ និងជំរុញឱ្យមានកិច្ចចរចាសន្តិភាពជាបន្ទាន់ ដើម្បីបញ្ចៀសសង្រ្គាមទ្រង់ទ្រាយធំក្នុងតំបន់មជ្ឈិមបូព៌ា ។ អ្នកនាំពាក្យអគ្គលេខាធិការអង្គការសហប្រជាជាតិ លោក Stephane Dujarric បាននិយាយនៅក្នុងសេចក្តីថ្លែងការណ៍មួយថា លោកប្រមុខយូអិន Guterres មាន “ការព្រួយបារម្ភយ៉ាងខ្លាំង” ចំពោះការប្រឈមមុខដាក់គ្នាសាជាថ្មី រវាងសហរដ្ឋអាមេរិក និងអ៊ីរ៉ង់ ។ លោកថា ក្នុងនោះរួមមានការវាយប្រហាររបស់អ៊ីរ៉ង់ទៅលើនាវានៅច្រកសមុទ្រ ហ័រមូស ការវាយប្រហាររបស់សហរដ្ឋអាមេរិកប្រឆាំងអ៊ីរ៉ង់ និងការវាយប្រហាររបស់អ៊ីរ៉ងលើគោលដៅនានាក្នុងប្រទេសជិតខាង ។ បើតាមសេចក្តីថ្លែងការណ៍, លោក Guterres បានសង្កត់ធ្ងន់ថា ការវាយប្រហារទាំងនេះ ត្រូវតែបញ្ឈប់ទាំងអស់ និងបានទទូចដល់គ្រប់ភាគីជម្លោះឲ្យមានការអត់ធ្មត់ខ្ពស់បំផុត ជៀសវាងបង្កើនភាពតានតឹងថែមទៀត និងត្រូវចាត់វិធានការជាបន្ទាន់ ដើម្បីបន្ធូរបន្ថយកំដៅហិង្សា ។…

វ៉ាស៊ីនតោន ៖ សហរដ្ឋអាមេរិក កាលពីថ្ងៃអាទិត្យ បានប្រកាសធានាអំពីការធ្វើនាវាចរណ៍ដោយសេរី នៅច្រកសមុទ្រហ័រមូស ចំពេលស្ថានការណ៍ឡើងកម្តៅឡើងវិញ រវាងប្រទេសគូជម្លោះ ទីក្រុងវ៉ាស៊ីនតោន និង អ៊ីរ៉ង់។ បញ្ជាការកណ្តាលសហរដ្ឋអាមេរិក ហៅកាត់ CENTCOM បានរៀបរាប់ នៅលើបណ្តាញសង្គម X ថា «ច្រកសមុទ្រហ័រមូសបើកចំហ សម្រាប់នាវាទាំងអស់ ដោយកងកម្លាំងសហរដ្ឋអាមេរិក កំពុងត្រៀមខ្លួនដើម្បីធានាបាននូវការធ្វើនាវាចរណ៍ដោយសេរី តាមបណ្តោយផ្លូវទឹកនេះ»។ ប្រភពបន្តថា «កងកម្លាំងអាមេរិកត្រូវបានដាក់ទីតាំង និងត្រៀមខ្លួនដើម្បីធានាថា សេរីភាពនៃការធ្វើនាវាចរណ៍នៅតែមាន ទោះបីជាមានការឈ្លានពាន, ការយាយី, ការគំរាមកំហែង និងការប្រកាសតាមអំពើចិត្តរបស់អ៊ីរ៉ង់ក៏ដោយ»។ ប្រភពបន្ថែមថា «អ៊ីរ៉ង់មិនអាចគ្រប់គ្រងច្រកសមុទ្រនេះទេ ខណៈចរាចរណ៍កំពុងដំណើរការ» ដោយបានបន្ថែមថា នាវាជាង ១៤០ គ្រឿងបានឆ្លងកាត់ច្រកសមុទ្រ ក្នុងរយៈពេល៧ថ្ងៃកន្លងមក។ យ៉ាងណា កងឆ្មាំបដិវត្តន៍អ៊ីស្លាម IRGC បានបាញ់ព្រមានទៅលើនាវា ដែលកំពុងព្យាយាមឆ្លងកាត់ច្រកសមុទ្រហ័រមូស តាមបណ្តោយផ្លូវ ដែលគ្មានការអនុញ្ញាត ហើយប្រកាសថា ច្រកសមុទ្រនេះ ត្រូវបានបិទ រហូតដល់មានការជូនដំណឹងបន្ថែម នេះបើតាម Tass។ ការប្រកាសនេះ ធ្វើឡើង បន្ទាប់ពីគូជម្លោះទាំងពីរ…

បាងកក ៖ មនុស្ស យ៉ាងតិច២៧នាក់ បានស្លាប់ ក្នុងគ្រោះអគ្គិភ័យឆាបឆេះបារមួយកន្លែង នៅទីក្រុងបាងកក ប្រទេសថៃ កាលពីយប់ថ្ងៃអាទិត្យ។ នេះបើតាមការបញ្ជាក់ផ្ទាល់ពីសំណាក់ លោកនាយករដ្ឋមន្ត្រី អនុទីន ឆានវីរៈគុល។ លោក អនុទីន ថ្លែងពីកន្លែងកើតហេតុថា សាកសពចំនួន ២៧នាក់ ត្រូវបានដឹកចេញ ខណៈមនុស្សខ្លះទៀត ត្រូវបានបញ្ជូនទៅមន្ទីរពេទ្យ។ «យើងកំពុងពិនិត្យមើលស្ថានភាព… តន្ត្រីករបានពិពណ៌នាអំពី ផ្សែងចេញពីឧបករណ៍បំបែកសៀគ្វី នៅជិតឆាក… បន្ទាប់មក អគ្គិសនីក៏ដាច់ ហើយមានការផ្ទុះតែម្តង»។ លោក អនុទីន បានប្រាប់អ្នកយកព័ត៌មានទៀតថា «ជនរងគ្រោះភាគច្រើនបានរត់ទៅខាងក្រោយ នៅបន្ទប់ទឹក ដែលគ្មានច្រកចេញ ហើយ វាអាចបណ្តាលមកពីការភ័យស្លន់ស្លោ ព្រោះមានអគ្គីភ័យ និងផ្សែង នៅក្នុងបារ»។ អំឡុងការបង្ហោះតាមប្រព័ន្ធផ្សព្វផ្សាយសង្គម នៅម៉ោងប្រហែល ២ អធ្រាត ឈានចូលដល់ព្រឹកថ្ងៃច័ន្ទនេះ, ប៉ូលីសជាតិថៃបាននិយាយថា អគ្គីភ័យត្រូវបានគ្រប់គ្រងវិញ។ បើតាម AFP, វិធីសាស្រ្តធូររលុងរបស់ប្រទេសថៃ ចំពោះបទប្បញ្ញត្តិសុខភាព និងសុវត្ថិភាព ជាពិសេសនៅក្នុងបារ និងក្លឹបរាត្រីរបស់ខ្លួន បានបង្កើនការព្រួយបារម្ភជាយូរមកហើយ។ ជាក់ស្តែង…