-
ក្រៅពីឈ្លានពានទឹកដី ថៃប៉ុនប៉ងដណ្ដើមភាពជាម្ចាស់លើអារ្យធម៌ខ្មែរ
ក្នុងពេលដែលកម្ពុជាកំពុងយកចិត្តទុកដាក់ខ្ពស់លើបញ្ហាព្រំដែន ភាពតានតឹងមួយទៀតបានកើតឡើងក្នុងវិស័យវប្បធម៌។ ពលរដ្ឋខ្មែរមានការព្រួយបារម្ភចំពោះសកម្មភាពរបស់ថៃ ដែលបានយកទម្រង់អក្សរខ្មែរបុរាណ រួមទាំងប្រពៃណីមួយចំនួនទៅប្រើប្រាស់ក្នុងកម្មវិធីសិក្សា និងសកម្មភាពជាតិរបស់ខ្លួន ដែលនាំឱ្យមានការមន្ទិលសង្ស័យអំពីចេតនារបស់ថៃក្នុងការដណ្តើមយកភាពជាម្ចាស់លើអារ្យធម៌ខ្មែរ។ អ្នកជំនាញយល់ថា ការដែលថៃដាក់បញ្ចូលទម្រង់អក្សរខ្មែរបុរាណទៅក្នុងកម្មវិធីសិក្សា ត្រូវបានមើលឃើញថាជាការទទួលស្គាល់ និងការលើកកម្ពស់តម្លៃនៃអក្សរដើម ដែលមានឥទ្ធិពលយ៉ាងខ្លាំងក្នុងតំបន់។ បញ្ហាមិនមែនស្ថិតនៅលើការរៀនសូត្រនោះទេ ប៉ុន្តែស្ថិតនៅលើការបំប្លែង ឬលួចចម្លងវប្បធម៌ខ្មែរ ធ្វើជាកម្មសិទ្ធិរបស់ខ្លួនឯង ដែលនាំឱ្យបាត់បង់អត្តសញ្ញាណដើមនៃមរតកវប្បធម៌ខ្មែរ។ លោកបណ្ឌិត យង់ ពៅ អ្នកជំនាញភូមិសាស្ត្រនយោបាយកម្ពុជា បានដាស់ស្មារតីប្រជាពលរដ្ឋខ្មែរ ឱ្យបង្កើនការយកចិត្តទុកដាក់ និងរៀនសម្លឹងមើលឱ្យបានវែងឆ្ងាយជាងបញ្ហាទឹកដី។ ការលើកឡើងបែបនេះ បានធ្វើឡើងបន្ទាប់ពីលោកសង្កេតឃើញថា ប្រទេសថៃបានកំពុងបន្តក្លែងបន្លំប្រវត្តិសាស្រ្ត។ បើតាមអ្នកជំនាញរូបនេះ ជំហរផ្លូវការរបស់ភាគីថៃ ដែលស្តែងចេញតាមរយៈការលើកឡើងជារឿយៗរបស់លោក ស៊ីហាស័ក្តិ ភួងកេតកែវ រដ្ឋមន្ត្រីការបរទេសថៃ បានបង្ហាញយ៉ាងច្បាស់ថា ថៃតែងតែព្យាយាមបកស្រាយថាអារ្យធម៌ខ្មែរមិនមែនជាកម្មសិទ្ធិផ្តាច់មុខសម្រាប់តែកម្ពុជានោះឡើយ។ អ្នកជំនាញដដែលសង្កត់ធ្ងន់ថា នេះគឺជាការប៉ុនប៉ងបង្ហាញទៅកាន់ពិភពលោកថា ភាពជាម្ចាស់លើអារ្យធម៌ដ៏ថ្កុំថ្កើងរបស់ខ្មែរ គឺមានចំណែករបស់ប្រទេសថៃដែរ។ ជាងនេះទៅទៀត មហិច្ឆតានៃការទាមទារភាពជាម្ចាស់លើអារ្យធម៌ខ្មែរនេះ គឺគ្របដណ្តប់ទៅលើវប្បធម៌ខ្មែរទាំងមូល មិនមែនត្រឹមតែទឹកដីមួយភាគតូច ឬស្ថិតក្នុងរង្វង់ទីតាំងប្រាសាទបុរាណដែលធ្លាប់មានជម្លោះនោះទេ ហើយថៃក៏ចង់បញ្ជាក់ផងដែរថា អ្វីដែលពួកគេកំពុងធ្វើសព្វថ្ងៃ គឺជាសង្គ្រាមដើម្បីការពារអារ្យធម៌។ លោកបណ្ឌិត យង់ ពៅ បានសង្កត់ធ្ងន់ថា កម្ពុជា មិនត្រូវគិតត្រឹមតែផែនការរយៈពេលខ្លី ៥ ឆ្នាំខាងមុខនោះទេ…
-
ក្រុមហ៊ុនកម្ពុជា-បារាំងចាប់ផ្ដើមសិក្សាគម្រោងអភិវឌ្ឍន៍ផ្សារបោះដុំផលិតផលស្រស់ភ្នំពេញ
ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ថា ការប្តេជ្ញាចិត្ត និងកិច្ចសហការរួមគ្នាយ៉ាងជិតស្និទ្ធរវាងវិស័យឯកជនកម្ពុជា និងបារាំង ស្តែងចេញជាគំរូល្អមួយសំដៅលើកកម្ពស់ជីវភាពប្រជាពលរដ្ឋ និរន្តរភាពសេដ្ឋកិច្ច ធានាបាននូវសន្តិសុខស្បៀង និងចូលរួមចំណែកអភិវឌ្ឍន៍សេដ្ឋកិច្ចជាតិ។ ឯកឧត្តមរដ្ឋមន្រ្តីបានមានប្រសាសន៍ដូចនេះ នៅក្នុងឱកាសអញ្ជើញជាអធិបតីភាពក្នុងពិធីចុះហត្ថលេខាលើកិច្ចព្រមព្រៀងសេវាកម្មសិក្សាសមិទ្ធលទ្ធភាពគម្រោង«ផ្សារបោះដុំផលិតផលស្រស់ភ្នំពេញ» រវាងក្រុមហ៊ុន WorldBridge Group និងក្រុមហ៊ុន SEMMARIS (សែមម៉ារីស) លពីថ្ងៃទី១០ ខែកក្កដា ឆ្នាំ២០២៦ នៅសណ្ឋាគារ សាងគ្រីឡា ភ្នំពេញ។ ពិធីនេះក៏មានការអញ្ជើញចូលរួមពីឯកឧត្តម នីកូឡា ហ្វ័ររីស្យេ(Nicolas FORISSIER) រដ្ឋមន្រ្តីប្រតិភូអមក្រសួងអឺរ៉ុប និងការបរទេស ទទួលបន្ទុកពាណិជ្ជកម្មបរទេស និងការទាក់ទាញវិនិយោគ នៃប្រទេសបារាំង ផងដែរ។ ឯកឧត្តមរដ្ឋមន្ត្រី បានសម្តែងសេចក្តីសោមនស្សចំពោះពិធីដ៏មានសារៈសំខាន់សម្រាប់វិស័យកសិកម្មនេះ ជាពិសេសការរួមគ្នាក្នុងការប្រែក្លាយចក្ខុវិស័យរួមមួយឱ្យលេចចេញជារូបរាង នោះគឺគម្រោងបង្កើត «ផ្សារបោះដុំផលិតផលស្រស់ភ្នំពេញ» ដែលជាមជ្ឈមណ្ឌលតភ្ជាប់ដ៏មានសុវត្ថិភាពពីកសិដ្ឋានទៅកាន់តុអាហារ។ ឯកឧត្តម ឌិត ទីណា បន្ថែមថា ក្រសួងនឹងផ្តល់ការគាំទ្រ លើការសម្របសម្រួលបច្ចេកទេស ដើម្បីធានាថាដំណើរការសិក្សាសមិទ្ធិលទ្ធភាពនេះ ប្រព្រឹត្តទៅដោយរលូន ត្រឹមត្រូវតាមបទដ្ឋានបច្ចេកទេស និងសម្រេចបានតាមផែនការគ្រោងទុក៕ ប្រភព៖ក្រសួងកសិកម្ម
-
អាស៊ាន-ឥណ្ឌាសហការជំរុញភាពជាអ្នកដឹកនាំរបស់ស្ត្រីក្នុងវិស័យវិទ្យាសាស្ត្រ ក្នុងសន្និសីទនៅភ្នំពេញ
សន្និសីទអ្នកវិទ្យាសាស្ត្រស្ត្រី អាស៊ាន-ឥណ្ឌា លើកទី២ បានបិទបញ្ចប់ដោយជោគជ័យនៅរាជធានីភ្នំពេញ ដោយបង្ហាញការប្តេជ្ញាចិត្តរួមរបស់អាស៊ាន និងឥណ្ឌា ក្នុងការពង្រឹងកិច្ចសហប្រតិបត្តិការដើម្បីលើកកម្ពស់ភាពជាអ្នកដឹកនាំរបស់ស្ត្រីក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍។ សន្និសីទរយៈពេល៣ថ្ងៃ ក្រោមប្រធានបទ «ការកសាងសហគមន៍វិទ្យាសាស្ត្រ បច្ចេកវិទ្យា និងនវានុវត្តន៍ប្រកបដោយបរិយាបន្ន» បានប្រមូលផ្តុំប្រតិភូចំនួន ១៣៥ រូប ក្នុងនោះមានស្ត្រីជាអ្នកវិទ្យាសាស្ត្រ និងអ្នកស្រាវជ្រាវចំនួន ៩០រូប មកពីប្រទេសឥណ្ឌា និងបណ្តាប្រទេសសមាជិកអាស៊ាន ដោយផ្តោតសំខាន់លើកិច្ចសហប្រតិបត្តិការផ្នែកវិទ្យាសាស្ត្រ និងការលើកកម្ពស់ការចូលរួមរបស់ស្ត្រីក្នុងវិស័យ STEM។ ថ្លែងក្នុងពិធីបិទសន្និសីទ កាលពី ថ្ងៃទី១០ ខែកក្កដា ឆ្នាំ២០២៦ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសង្កត់ធ្ងន់ថា ការវិនិយោគលើស្ត្រីមានសារសំខាន់ណាស់សម្រាប់កសាងអនាគតដែលកាន់តែមានភាពធន់ និងនវានុវត្តន៍។ ឯកឧត្តមបានលើកឡើងថា៖ “ស្ត្រីគឺជាគ្រូដំបូង និងជាអ្នកណែនាំដ៏មានឥទ្ធិពលបំផុតសម្រាប់កូនៗ។ ដូច្នេះ ការផ្តល់ភាពអង់អាចដល់ស្ត្រីនឹងនាំមកនូវអត្ថប្រយោជន៍យូរអង្វែងសម្រាប់ក្រុមគ្រួសារ និងសង្គមជាតិ។ នៅពេលសង្គមទទួលបានសក្តានុពលរបស់ស្ត្រីក្នុងវិស័យ STEM និងវិស័យវិទ្យាសាស្រ្ត បច្ចេកវិទ្យា និងនវានុវត្តន៍ យើងមិនត្រឹមតែពង្រឹងបុគ្គលប៉ុណ្ណោះទេ ប៉ុន្តែយើងកំពុងតែឲផ្ដល់ដំណោះស្រាយចំពោះបញ្ហាប្រឈមធំៗដែលមនុស្សជាតិកំពុងជួបប្រទះ។” ចំណែកឯកឧត្តម Vanlalvawna…
-
អ៊ីរ៉ង់ ចាត់ទុកច្រកសមុទ្រ ហ័រមូស ជា “អាវុធមាស” អាចគំរាម អាមេរិក
អ៊ីរ៉ង់បានចាត់ទុកច្រកសមុទ្រ ហ័រមូស ជា “អាវុធមាស” ដ៏មានតម្លៃបំផុត ពោលគឺសំខាន់ជាងកម្មវិធីនុយក្លេអ៊ែររបស់ខ្លួនទៅទៀត ហើយប្តេជ្ញាការពារសិទ្ធិគ្រប់គ្រងទាំងស្រុង លើផ្លូវទឹកយុទ្ធសាស្រ្តរបស់ពិភពលោកមួយនេះ ទោះបីត្រូវប្រឈមមុខនឹងការបង្កាត់ភ្លើងសង្រ្គាមសារជាថ្មីជាមួយសហរដ្ឋអាមេរិកក៏ដោយ ។ “អាវុធមាស” នេះ មានភាពសំខាន់ជាពិសេស សម្រាប់យុទ្ធសាស្ត្ររបស់អ៊ីរ៉ង់ រហូតដល់ថ្នាក់នាវាទាំងឡាយណា ដែលហ៊ានឆ្លងកាត់ច្រកសមុទ្រ ហ័រមូស ដោយគ្មានការអនុញ្ញាតពីអ៊ីរ៉ង់ នឹងរងការបាញ់ប្រហារនៅសប្តាហ៍នេះ ។ ការវាយប្រហារនោះ បានក្លាយជាដើមចងដុតបញ្ឆេះភ្លើងជម្លោះសារជាថ្មីជាមួយសហរដ្ឋអាមេរិក ហើយការប៉ះទង្គិចគ្នាចុងក្រោយនេះ ក៏កំពុងតែគំរាមកំហែងដល់កិច្ចព្រមព្រៀងសន្តិភាពបណ្តោះអាសន្នកាលពីខែមុនផងដែរ ។ ជាមួយគ្នានេះ មេដឹកនាំអ៊ីរ៉ង់ ដែលធ្លាប់តែស្ទាក់ស្ទើររាប់ឆ្នាំ ក្នុងការបិទផ្លូវផ្គត់ផ្គង់ថាមពលសកលចំនួនមួយភាគប្រាំ ដែលឆ្លងកាត់ច្រកសមុទ្រ ហ័រមូស នោះ ពេលនេះបែរជាមើលឃើញថា វាគឺជាសន្លឹកបៀដ៏មានឥទ្ធិពលបំផុតរបស់ពួកគេនៅក្នុងជម្លោះជាមួយលោកខាងលិច និងជាហេតុផលដែលសហរដ្ឋអាមេរិកបញ្ចប់សង្រ្គាម ។ ការផ្លាស់ប្តូរទស្សនៈរបស់មេដឹកនាំអ៊ីរ៉ង់ ក្នុងការទាញយកផលប្រយោជន៍ពីច្រកសមុទ្រ ហ័រមូស កើតឡើងក្រោយកើនឡើងភាពមិនទុកចិត្តគ្នាយ៉ាងខ្លាំង ចំពោះអាមេរិក ជាពិសេសបន្ទាប់ពីលោកប្រធានាធិបតី ដូណាល់ ត្រាំ បានដកទីក្រុងវ៉ាស៊ីនតោនចេញពីកិច្ចព្រមព្រៀងនុយក្លេអ៊ែរកាលពីឆ្នាំ ២០១៨ និងការបើកយុទ្ធនាការយោធាប្រឆាំងនឹងអ៊ីរ៉ង់ ។ បើតាម New York Post, កិច្ចព្រមព្រៀងឈប់បាញ់បណ្តោះអាសន្ន មានការចែងថា អ៊ីរ៉ង់នឹងប្រឹងប្រែងឱ្យអស់ពីសមត្ថភាព…
-
អ៊ុយក្រែន ចង់ចាប់ដៃ ជប៉ុន ផលិតមីស៊ីលសម្រាប់សំណាញ់មេឃ Patriot ខណៈអ្នកជំនាញថា ២ ឆ្នាំទើបផលិតបាន
កៀវ ៖ ប្រធានាធិបតីអ៊ុយក្រែន លោក Volodymyr Zelensky កាលពីថ្ងៃព្រហស្បតិ៍ បានបង្ហាញបំណងចាប់ដៃគូសហការជាមួយក្រុមហ៊ុនជប៉ុនដើម្បីប្រកៀកស្មារគ្នាផលិតមីស៊ីលសម្រាប់សំណាញ់មេឃ Patriot ។ បើតាម NHK, ក្រុមហ៊ុនជប៉ុននោះ ទំនងជាក្រុមហ៊ុនបច្ចេកវិទ្យាយក្ស Mitsubishi Heavy Industries ។ បំណងរបស់លោក Zelensky ត្រូវបានធ្វើឡើង បន្ទាប់ពីលោកប្រធានាធិបតីអាមេរិក Donald Trump ប្រាប់ថា សហរដ្ឋអាមេរិកនឹងផ្តល់អាជ្ញាប័ណ្ណដល់អ៊ុយក្រែនឱ្យផលិតមីស៊ីលសម្រាប់ប្រព័ន្ធការពារដែនអាកាស Patriot ។ សំណាញ់មេឃ Patriot គឺជាប្រព័ន្ធខែលប្រឆាំងមីស៊ីល ដែលបាញ់ចេញពីផ្ទៃដីទៅអាកាសដ៏ទំនើបបំផុតរបស់សហរដ្ឋអាមេរិក ។ ប្រព័ន្ធរ៉ាដារបស់ Patriot គ្របដណ្ដប់លើរយៈចម្ងាយ ១៥០ គីឡូម៉ែត្រ និងបំពាក់ដោយមីស៊ីលដ៏មានអនុភាពចំនួន ២ ប្រភេទ ។ ក្នុងនោះមីស៊ីលស្ទាក់ចាប់ PAC-2 របស់ប្រព័ន្ធ Patriot អាចបាញ់បានចម្ងាយលើស ១០០ គីឡូម៉ែត្រ និងមីស៊ីលស្ទាក់ចាប់ PAC-3 បាញ់បានចម្ងាយអតិបរមា ៦៩ គីឡូម៉ែត្រ ។…
-
ឯកឧត្ដម រដ្ឋមន្ត្រី ជា វ៉ាន់ដេត ចូលរួមវេទិកាកិច្ចប្រជុំកំពូលពិភពលោកស្ដីពីសង្គមព័ត៌មាន និងកិច្ចប្រជុំកំពូល ពិភពលោកស្ដីពីបញ្ញាសិប្បនិម្មិត សម្រាប់ មនុស្សជាតិ និងជួបជាមួយតំណាងប្រទេសដែលចូលរួម
ហ្សឺណែវ៖ នាថ្ងៃទី ៨និងទី៩ ខែកក្កដា ឆ្នាំ ២០២៦ តំណាងបណ្ដាប្រទេស និងអង្គការ អន្តរជាតិបានបន្តទៅចូលរួមវេទិកាកិច្ចប្រជុំកំពូលពិភពលោកស្ដីពីសង្គមព័ត៌មាន (WSIS) ឆ្នាំ២០២៦ និងកិច្ចប្រជុំកំពូលពិភពលោកស្ដីពីបញ្ញាសិប្បនិម្មិត សម្រាប់ មនុស្សជាតិ។ តាមរយៈវេទិកា និងកិច្ចប្រជុំនេះ បណ្ដាប្រទេស និងស្ថាប័នទទួលបន្ទុកបានបន្តជំរុញកិច្ចការតភ្ជាប់ឌីជីថល និងបរិវត្តកម្មឌីជីថល តាមវិស័យព្រមទាំងរួមគ្នាអនុវត្តកិច្ចការសំខាន់ថ្មីៗ រួមមាន បញ្ញាសិប្បនិម្មិតនិងអភិបាលកិច្ចទិន្នន័យស្របតាមការសម្រេចរបស់មហាសន្និបាតអង្គការ សហប្រជាជាតិ កាលពីខែធ្នូ ឆ្នាំ២០២៥។ ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍បានចូលរួមពិធីបើកនៃវេទិកានេះ ដែលមានការចូលរួម ពីប្រមុខរដ្ឋ ប្រមុខរដ្ឋាភិបាល រដ្ឋមន្ត្រី និង តំណាងប្រទេសនានា ព្រមទាំងអង្គការអន្តរជាតិជាច្រើនព្រមទាំងបានចូលរួម កិច្ចពិភាក្សា តុមូលចង្អៀត ថ្នាក់រដ្ឋមន្ត្រី (Closed-Door Ministerial Roundtable) និង ចូលរួមជាវាគ្មិនក្នុងកិច្ចពិភាក្សា ជាក្រុម (Leaders’ Talk) ដោយផ្ដោតលើបរិវត្តកម្មឌីជីថល ។ ឯកឧត្ដម រដ្ឋមន្ត្រីបានចែករំលែកបទពិសោធកម្ពុជាក្នុងការប្រើប្រាស់ ហេដ្ឋារចនាសម្ព័ន្ធសាធារណៈឌីជីថល (Digital Public Infrastructure…
-
ជនបរទេសស្ថិតក្នុងចំណោមមនុស្សស្លាប់១២នាក់ អំឡុងភ្លើងឆេះព្រៃអេស្ប៉ាញ
ម៉ាឌ្រីដ ៖ អាជ្ញាធរបាននិយាយ កាលពីថ្ងៃសុក្រថា ភ្លើងឆេះព្រៃដែលកំពុងរាលដាលយ៉ាងលឿននៅភាគខាងត្បូង ប្រទេសអេស្ប៉ាញ បានសម្លាប់មនុស្ស ១២ នាក់ ដែលមានសញ្ជាតិផ្សេងៗគ្នា បន្ទាប់ពីពួកគេជាប់នៅក្នុងយានយន្ត ហើយអ្នកខ្លះ ព្យាយាមរត់គេចខ្លួន ដោយការថ្មើរជើង។ អគ្គីភ័យ ដែលបានចាប់ផ្តើម នៅថ្ងៃព្រហស្បតិ៍ នៅក្នុងតំបន់ជ្រោះជ្រៅមួយ បានបំផ្លាញព្រៃឈើ និងដីព្រៃជាច្រើន នៅតំបន់ Los Gallardos ភាគអាគ្នេយ៍នៃសហគមន៍ Andalusia ដែលជាជម្រករបស់ជនបរទេសជាច្រើន។ ចំនួនអ្នកស្លាប់ដ៏ខ្ពស់បំផុតមួយ ក្នុងប្រវត្តិសាស្ត្រភ្លើងឆេះព្រៃរបស់អេស្ប៉ាញលើកនេះ អាចនឹងកើនឡើងបន្ថែមទៀត ខណៈដែលអាជ្ញាធរបាននិយាយថា មនុស្ស២៣នាក់ នៅតែបាត់ខ្លួន។ រដ្ឋមន្ត្រីក្រសួងមហាផ្ទៃ លោក Fernando Grande-Marlaska បានបញ្ជាក់ថា មនុស្សដែលមាន សញ្ជាតិផ្សេងៗគ្នា ស្ថិតក្នុងចំណោមអ្នកស្លាប់ ដោយមិនបានលើកឡើងពីប្រទេសជាក់លាក់ណាមួយឡើយ។ លោក Juan Manuel Moreno Bonilla ប្រធានរដ្ឋាភិបាលតំបន់ Andalusia បាននិយាយថា ជនរងគ្រោះដែលបានបាត់បង់ជីវិតទាំង១២នាក់ បានរលាកខ្លួនយ៉ាងធ្ងន់ធ្ងរ មិនអាចស្គាល់មុខបាន៕ ប្រភព ៖ AFP…
-
លោក ត្រាំ ថា ព្រមបន្តចរចាជាមួយអ៊ីរ៉ង់ តែបញ្ជាក់ថា បទឈប់បាញ់ពិតជាបញ្ចប់
វ៉ាស៊ីនតោន ៖ ប្រធានាធិបតីអាមេរិក លោក Donald Trump បានអះអាង កាលពីថ្ងៃសុក្រថា លោកយល់ព្រមចរចាជាមួយអ៊ីរ៉ង់បន្ថែមទៀត ប៉ុន្តែ លោកទទូចថា បទឈប់បាញ់ គឺពិតជាបានបញ្ចប់ហើយ។ ការអះអាងនេះ ខណៈដែលប្រព័ន្ធផ្សព្វផ្សាយអ៊ីរ៉ង់បានរាយការណ៍ថា គណៈប្រតិភូមួយក្រុមមកពីប្រទេសសម្របសម្រួលកាតា បានទៅដល់ទីក្រុងតេហេរ៉ង់ បន្ទាប់ពីភាគីគូជម្លោះទាំងពីរ បានផ្លាស់ប្តូរការវាយប្រហារគ្នាម្តងទៀត នៅសប្តាហ៍នេះ។ លោក Trump បានបង្ហោះ នៅលើវេទិកា Truth Social របស់លោកថា «សាធារណរដ្ឋអ៊ីស្លាមអ៊ីរ៉ង់បានស្នើសុំឱ្យយើងបន្តការចរចា…យើងក៏បានយល់ព្រមធ្វើដូច្នេះ ប៉ុន្តែ សហរដ្ឋអាមេរិកបានបញ្ជាក់ទៅកាន់ពួកគេ ដោយមិនមានភាពមិនប្រាកដប្រជាថា បទឈប់បាញ់បានបញ្ចប់ហើយ»។ កាលពីដើមសប្តាហ៍នេះ នៅឯកិច្ចប្រជុំកំពូល NATO, លោក Trump បានប្រកាសពីបទឈប់បាញ់ដែលឈានដល់ទីបញ្ចប់ ដោយនិយាយអំពីទីក្រុងតេហេរ៉ង់ថា «វាគ្រាន់តែជាការខ្ជះខ្ជាយពេលវេលា ក្នុងការចរចាដោះស្រាយបញ្ហា ជាមួយពួកគេ»។ បើតាម CNA, គណៈប្រតិភូសហរដ្ឋអាមេរិក និងអ៊ីរ៉ង់ បានធ្វើកិច្ចចរចាដោយផ្ទាល់មួយជុំ នៅប្រទេសស្វីស ចាប់តាំងពីការចុះហត្ថលេខា លើអនុស្សរណៈនៃការយោគយល់គ្នារបស់ពួកគេ ក៏ដូចជា ការចរចាដោយប្រយោល នៅប្រទេសកាតា ប៉ុន្តែ មិនមានសញ្ញានៃវឌ្ឍនភាពការទូត…
-
អ៊ីរ៉ង់ ថា ទោះណាតូជួយអាមេរិកនិងអ៊ីស្រាអែល ខ្លួននៅតែអាចកម្ទេចសត្រូវ ដូចដែល រុស្ស៊ី ធ្វើបាន ក្នុងសង្គ្រាមអ៊ុយក្រែន
តេហេរ៉ង់ ៖ អ៊ីរ៉ង់ នៅតែអាចវាយកម្ទេច សត្រូវសហរដ្ឋអាមេរិក និង អ៊ីស្រាអែលបាន ទោះបីជាមានការចូលរួមពីណាតូ ក្នុងជម្លោះនេះក៏ដោយ ពោលគឺអាចមានសមត្ថភាព ដូចការធ្វើបានរបស់រុស្ស៊ី នៅក្នុងសង្គ្រាមអ៊ុយក្រែនផងដែរ នេះបើតាមការអះអាងរបស់សមាជិកសភាអ៊ីរ៉ង់។ លោក Alaeddin Boroujerdi សមាជិកគណៈកម្មាធិការសន្តិសុខជាតិ និង គោលនយោបាយការបរទេសនៃសភាអ៊ីរ៉ង់ បានប្រាប់ TASS កាលពីថ្ងៃព្រហស្បតិ៍ថា «រុស្ស៊ីត្រូវបានប្រឈមមុខនឹងការញុះញង់ដោយសហរដ្ឋអាមេរិក និងបណ្តាប្រទេសលោកខាងលិច ក្នុងសង្គ្រាមអ៊ុយក្រែន ជាយូរមកហើយ ។ អាមេរិកយល់ឃើញថា វាជាគោលដៅរបស់ពួកគេ ក្នុងការជ្រៀតជ្រែកក្នុងកិច្ចការរបស់ប្រទេសឯករាជ្យនីមួយៗ និងនាំមកនូវសង្គ្រាម»។ លោកបញ្ជាក់ថា «ពួកគេបានធ្វើរឿង ស្រដៀងគ្នានេះ នៅក្នុងប្រទេសអ៊ីរ៉ង់ ប៉ុន្តែ ប្រជាជនអ៊ីរ៉ង់ និងកងកម្លាំងប្រដាប់អាវុធរបស់យើង បានវាយកម្ទេចសហរដ្ឋអាមេរិក ទោះបីជាពួកគេមាន អ៊ីស្រាអែល និង បានប្រើប្រាស់សក្តានុពលពេញលេញ របស់ ណាតូ ក៏ដោយ»។ ការលើកឡើងនេះ ចំពេលដែលសហរដ្ឋអាមេរិក និងអ៊ីរ៉ង់ បានវាយប្រហារគ្នា ទៅវិញទៅមក ប៉ុន្មានថ្ងៃមកនេះ ដោយមានទាំងការប្រយុទ្ធគ្នា នៅចំណុចច្រកសមុទ្រយុទ្ធសាស្ត្រ Hormuz…
-
អាមេរិក ប្រើមនុស្សយន្តចូលវះកាត់ជាលើកដំបូងនៅក្នុងពិភពលោក
អាមេរិក ៖ ក្រុមគ្រូពេទ្យនៅសាកលវិទ្យាល័យ California San Diego របស់សហរដ្ឋអាមេរិកបានចាប់ផ្ដើមប្រើប្រាស់មនុស្សយន្ត ពិសោធន៍ការវះកាត់ជាលើកដំបូងមិនធ្លាប់មាននៅលើពិភពលោក ។ បើតាម Independent ចេញផ្សាយកាលពីថ្ងៃព្រហស្បតិ៍បានឲ្យដឹងថា មនុស្សយន្តនេះមានឈ្មោះហៅក្រៅថា «Surgie» បញ្ជាដោយក្រុមគ្រូពេទ្យវះកាត់ ដែលបានទទួលការបណ្តុះបណ្តាល ។ វាត្រូវបានដាក់ឲ្យចូលវះកាត់ចំនួន ២ ដងដើម្បីកាត់យកថង់ទឹកប្រមាត់ចេញពីក្នុងខ្លួនថនិកសត្វ ហើយជាលទ្ធផលដំណើរការវះកាត់ទទួលបានជោគជ័យទាំងពីរដង ។ លោកវេជ្ជបណ្ឌិត Michael Yip សមាជិកម្នាក់នៃក្រុមគ្រូពេទ្យវះកាត់របស់សាកលវិទ្យាល័យ California San Diego និយាយថា វាគឺជាជោគជ័យមួយក្នុងវិស័យវះកាត់ដែលមនុស្សយន្តអាចធ្វើបានស្រដៀងនឹងមនុស្សពិត ។ លោកថា ជោគជ័យនេះនឹងអាចជួយដោះស្រាយវិបត្តិថែទាំសុខភាព មិនត្រឹមតែនៅសហរដ្ឋអាមេរិក ប៉ុណ្ណោះទេ ប៉ុន្តែ ថែមទាំងនៅទូទាំងពិភពលោក ផងដែរ ។ ចំណែកលោកវេជ្ជបណ្ឌិត Shannglei Liu សាស្ត្រាចារ្យរង ផ្នែកវះកាត់នៅសាកលវិទ្យាល័យ California San Diego លើកឡើងដែរថា ទៅថ្ងៃអនាគតយើងនឹងមានភាពងាយស្រួល ក្នុងការដាក់ពង្រាយមនុស្សយន្តគ្រប់ទីកន្លែង រាប់ចាប់ពីតំបន់ជនបទ រហូតដល់សមរភូមិសង្គ្រាម និង សូម្បីតែទៅកាន់លំហអាកាសដើម្បីធ្វើការវះកាត់…