អ.ស.ប ៖ អង្គការសហប្រជាជាតិ ហៅកាត់ UN បានព្រមាននៅថ្ងៃ ពុធ នេះថា ពិភពលោកត្រូវប្រឈមមុខនឹងការពិត ដែលថា សីតុណ្ហភាពសកលកំពុងឈានឆ្ពោះទៅរកការកើនឡើងកម្ដៅលើស ១.៥ អង្សាសេ ហើយសហគមន៍អន្តរជាតិត្រូវតែត្រៀមខ្លួនសម្រាប់ការគ្រប់គ្រងស្ថានការណ៍នេះបន្ទាន់។ បើតាម CNA, របាយការណ៍ថ្មីរបស់កម្មវិធីបរិស្ថានអង្គការសហប្រជាជាតិ ហៅកាត់ UNEP បានព្រមានថា ការឆ្លងកាត់ការកើនឡើងកម្តៅលើស ១.៥ អង្សាសេ អាចកើតឡើងក្នុងរយៈពេលប៉ុន្មានឆ្នាំខាងមុខ។ ដូច្នេះ បញ្ហាប្រឈមមិនមែនមានត្រឹមការព្យាយាមជៀសវាងការកើនឡើងកម្តៅលើសកម្រិតនេះទៀតទេ ប៉ុន្តែត្រូវរៀនពីរបៀបកាត់បន្ថយរយៈពេល និងផលប៉ះពាល់នៃការកើនឡើងកម្តៅលើស ១.៥ អង្សាសេ។ ជាមួយគ្នានេះ អ្នកវិទ្យាសាស្ត្រក៏បានទទួលស្គាល់ដែរថា ការកើនឡើងកម្ដៅផែនដីលើស ១.៥ អង្សាសេ នឹងបង្កើនហានិភ័យផ្នែកអាកាសធាតុធ្ងន់ធ្ងរ ។ ក្នុងនោះរួមមាន រលកកម្ដៅ ទឹកជំនន់ និងគ្រោះរាំងស្ងួត ព្រមទាំងអាចរុញច្រានប្រព័ន្ធធម្មជាតិមួយចំនួនឱ្យឈានដល់ “ចំណុចវិលត្រឡប់មិនបាន” រួមមានការរលាយផ្ទាំងទឹកកក និងការកើនឡើងកម្ពស់ទឹកសមុទ្រ។ លោក Richard Betts អ្នកវិទ្យាសាស្ត្រ និងជាសហអ្នកនិពន្ធរបាយការណ៍ថ្មីនេះ បានចាត់ទុកការវាយតម្លៃនេះថា ជាការដាស់តឿនឱ្យមើលឃើញការពិត ប៉ុន្តែបានសង្កត់ធ្ងន់ថា មនុស្សជាតិនៅតែអាចធ្វើអ្វីៗជាច្រើន ដើម្បីកាត់បន្ថយការកើនឡើងកម្ដៅលើស…

កៀវ ៖ លោកប្រធានាធិបតី Volodymyr Zelensky បានចេញការព្រមានកាលពីថ្ងៃអង្គារថា រាល់យន្តហោះដឹកអ្នកដំណើរទាំងអស់ អាចនឹងត្រូវគ្រាប់មីស៊ីល និង រងការវាយប្រហារពីយន្តហោះដ្រូន អ៊ុយក្រែន នៅពេលហោះដល់ដែនអាកាសរុស្ស៊ី ព្រោះផ្ទៃមេឃទាំងមូលរបស់ប្រទេសមួយនេះបានក្លាយជាតំបន់ដែលមានគ្រោះថ្នាក់បំផុតនាពេលបច្ចុប្បន្ន ។ បើតាម anadolu, លោក Zelensky បានបញ្ជាក់តាមរយៈវីដេអូដែលបង្ហោះលើបណ្តាញសង្គម Telegram ថា ទោះបីជាអាជ្ញាធររុស្ស៊ីមិនបានជូនដំណឹងត្រឹមត្រូវដល់ប្រជាជនរបស់ខ្លួនអំពីរឿងនេះក៏ដោយ ប៉ុន្តែលំហអាកាសរុស្ស៊ីនឹងត្រូវបិទជាស្វ័យប្រវត្តិ ព្រោះថាសង្គ្រាមដែលបង្កឡើងដោយរុស្ស៊ី គឺ កំពុងបិទផ្ទៃមេឃរបស់ខ្លួនឯង ។ យ៉ាងណា លោក Zelensky បញ្ជាក់ថា ទីក្រុងកៀវ មិនដែលតម្រង់ទិសដៅ វាយប្រហារលើអាកាសចរណ៍ស៊ីវិល ឬ យន្តហោះដឹកអ្នកដំណើរធម្មតានោះទេ ។ ប៉ុន្តែលោកបានព្រមានថា វត្តមានដ្រូន និងមីស៊ីលរបស់អ៊ុយក្រែនដែលត្រូវបានបាញ់ជាប្រចាំនៅលំហអាកាសរុស្ស៊ី ក្នុងគោលបំណងការពារខ្លួននោះ កំពុងបង្កើនហានិភ័យកាន់តែខ្លាំង ។ លោកបន្ថែមថា កន្លងមក អ៊ុយក្រែន ធ្លាប់បានយល់ព្រមផ្អាកការវាយប្រហារដោយដ្រូនជាបណ្តោះអាសន្ន តាមការស្នើសុំពីដៃគូអន្តរជាតិ ដើម្បីបង្ហាញពីការគាំទ្រកិច្ចខិតខំប្រឹងប្រែងផ្នែកការទូត ប៉ុនប៉ងបញ្ចប់សង្គ្រាម។ ជាក់ស្តែង នៅពេលដែលអាមេរិកបានស្នើឲ្យផ្អាកការវាយប្រហារលើក្រុងម៉ូស្គូ និង ទីក្រុង St.…

តេហេរ៉ង់ ៖ ប្រធានាធិបតីអ៊ីរ៉ង់ កាលពីថ្ងៃអង្គារ បានស្នើសុំដោយផ្ទាល់ ទៅដល់ លោក វ្ល៉ាឌីមៀ ពូទីន ប្រធានាធិបតីរុស្ស៊ី ឲ្យរួមដៃគ្នាកាច់បំបាក់ឥទ្ធិពលទណ្ឌកម្ម សេដ្ឋកិច្ចរបស់អាមេរិក ។ បើតាម The Washington Post, សំណើនេះត្រូវបានធ្វើឡើង ក្នុងជំនួបរវាងមេដឹកនាំទាំងពីរ នៅក្រៅកិច្ចប្រជុំកំពូលនៃអង្គការសហប្រតិបត្តិការស៊ាងហៃ ក្នុងប្រទេសកៀហ្ស៊ីស៊ីស្ថាន។ ក្នុងពេលជួបតទល់មុខគ្នាដ៏កម្រ, ប្រធានាធិបតីអ៊ីរ៉ង់ លោក Masoud Pezeshkian បានរះគន់យ៉ាងខ្លាំងចំពោះទណ្ឌកម្មដែលធ្លាក់លើប្រទេសរបស់លោក ដោយប្រៀបធៀប សំពាធសេដ្ឋកិច្ចនេះ ទៅនឹងទណ្ឌកម្មដែលត្រូវបានដាក់លើរុស្ស៊ី ជុំវិញសង្គ្រាមអ៊ុយក្រែន។ ក្នុងន័យនេះ មេដឹកនាំអ៊ីរ៉ង់ បានជំរុញឱ្យប្រទេសទាំងពីរធ្វើការរួមគ្នា ដើម្បីបំបាក់ឥទ្ធិពលនៃទណ្ឌកម្មទាំងនោះ។ លោក Pezeshkian បានប្រាប់ទៅកាន់លោក ពូទីន ថា «អាមេរិកគ្មានសិទ្ធិដាក់ទណ្ឌកម្មតាមចិត្ត ចាប់បង្ខំឱ្យបំពានច្បាប់អន្តរជាតិ និង ប្រព្រឹត្តអំពើឈ្លានពាននោះឡើយ»។ ជាការឆ្លើយតប, ប្រធានាធិបតីរុស្ស៊ី លោក ពូទីន បានប្តេជ្ញាគាំទ្រ ប្រទេសអ៊ីរ៉ង់ ប្រឈមមុខទប់ទល់នឹងទណ្ឌកម្មរបស់សហរដ្ឋអាមេរិក ដើម្បីប្រកួតប្រជែងឥទ្ធិពលពិភពលោក ជាមួយអាមេរិក។ បើតាមវិមានក្រឹមឡាំង, លោក…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក Donald Trump កាលពីថ្ងៃ ចន្ទ បានធ្វើការបដិសេធយ៉ាងដាច់អហង្ការ ចំពោះលទ្ធភាពដែលទីក្រុងវ៉ាស៊ីនតោន នឹងអូសអាវុធនុយក្លេអ៊ែរពីឃ្លាំងយកទៅវាយប្រហារប្រឆាំងនឹងប្រទេសអ៊ីរ៉ង់ ទោះបីជាការចរចាបញ្ចប់សង្គ្រាមជាប់គាំងក៏ដោយ។ នៅពេលត្រូវបានអ្នកកាសែតសួរនាំថាតើលោកនឹងបដិសេធប្រើប្រាស់អាវុធនុយក្លេអ៊ែរប្រឆាំងអ៊ីរ៉ង់ដែរឬអត់? មេដឹកនាំសហរដ្ឋអាមេរិករូបនេះឆ្លើយតបថា ពួកគេ (សំដៅលើកងកម្លាំងអ៊ីរ៉ង់) ត្រូវបានយោធាអាមេរិកវាយបំបាក់ទាំងស្រុងហើយ… ខ្ញុំពិតជាបានផ្តួលរលំពួកគេ ហើយឥឡូវនេះ តើខ្ញុំគួរតែប្រើអាវុធនុយក្លេអ៊ែរវាយសំពងពីលើពួកគេថែមទៀតឬ? នេះជាសំណួរឆោតល្ងង់ណាស់។ បើតាម Jerusalem Post, លោក Trump បញ្ជាក់ថា លោកធ្លាប់និយាយកាលពីខែមេសាកន្លងទៅថា នឹងមិនប្រើអាវុធនុយក្លេអ៊ែរប្រឆាំងនឹងអ៊ីរ៉ង់ឡើយ ហើយក៏បានធ្លាប់និយាយថា អាវុធនុយក្លេអ៊ែរមិនគួរត្រូវបានអនុញ្ញាតឱ្យប្រើដោយប្រទេស ឬបុគ្គលណាមួយដែរ។ លោក Trump ដែលមានវ័យ៨០ឆ្នាំរូបនេះ បានអះអាងសារជាថ្មីថា ការទប់ស្កាត់អ៊ីរ៉ង់មិនឱ្យទទួលបានអាវុធនុយក្លេអ៊ែរ នៅតែជាគោលដៅសំខាន់បំផុតរបស់សហរដ្ឋអាមេរិក។ លោកថា អ៊ីរ៉ង់នឹងមិនអាចមានអាវុធនុយក្លេអ៊ែរក្នុងដៃជាដាច់ខាត នោះហើយជារឿងសំខាន់បំផុត។ ប្រធានាធិបតីអាមេរិករូបនេះ បានសង្កត់ធ្ងន់ទៀតថា ប្រសិនបើអ៊ីរ៉ង់មានអាវុធនុយក្លេអ៊ែរ… វានឹងអាចបង្កការគំរាមកំហែងធ្ងន់ធ្ងរ មិនត្រឹមតែអ៊ីស្រាអែល និងតំបន់មជ្ឈិមបូព៌ាទាំងមូលនោះទេ តែថែមទាំងទីក្រុងនានារបស់សហរដ្ឋអាមេរិកផងដែរ៕ ប្រភព ៖ Jerusalem Post ប្រែសម្រួល ៖ ឈឹម…