ប្រាសាទមង្គលាថ៍ គឺជាទីតាំងប្រវត្តិសាស្ត្រដ៏សំខាន់មួយដែល លាក់បាំងនូវរឿងរ៉ាវអតីតកាលយ៉ាងស៊ីជម្រៅ នៅក្នុងក្រុងអង្គរធំ ខេត្តសៀមរាប។ ស្ថិតនៅកណ្តាលទ្រូងព្រៃដ៏ស្ងប់ស្ងាត់ ក្នុងក្រុងអង្គរធំ ប្រាសាទ «មង្គលាថ៍» ឬ ដែលអ្នកស្រុកស្គាល់ទូទៅថា «ប្រាសាទតុប​ខាងកើត» គឺជាមរតកប្រវត្តិសាស្ត្រ ពេញដោយរឿងរ៉ាវនាពេលអតីតកាលជា ច្រើន។ ប្រាសាទនេះមានទីតាំងស្ថិតនៅក្នុង​ភូមិស្រះស្រង់ខាងត្បូង សង្កាត់នគរធំ ក្រុងសៀមរាប ។ តាមកំណត់ត្រាឆ្នាំ១៩១៨ របស់លោក Henri Marchal អ្នកស្រុកអង្គរ តែងហៅទីនេះថា «ប្រាសាទតុប» ដោយសារទម្រង់រាង «កន្តុប»។ ប៉ុន្តែតាមរយៈសិលាចារឹក ប្រាសាទនេះមានឈ្មោះដើមផ្លូវការថា «មង្គលាថ៍»។ ដោយសារតែមានប្រាសាទតូចៗ​ពីរក្នុងក្រុងអង្គរធំដែល អ្នកស្រុកហៅថា «តុប» ដូចគ្នា អ្នកស្រាវជ្រាវបានបន្ថែមទិសខាងកើត និងខាងលិច ដើម្បីចៀសវាងការ​ច្រឡំ ព្រោះសំណង់ទាំងពីរនេះ មាន ប្រវត្តិកាលសម័យ និងស្ថាបត្យកម្មខុសគ្នាស្រឡះ។ ស្ថាបត្យកម្ម ប្រាសាទមង្គលាថ៍ត្រូវបានសង់អំពីថ្មភក់នៅលើខឿន ពីរជាន់ មានប្លង់ជារាងកាកបាទ ដោយមានទ្វារចូលនៅ​ទិសខាងកើត និងទ្វារបញ្ឆោតនៅទិសខាងលិច ខាងត្បូង និងខាងជើង។ ភាគច្រើន នៃចម្លាក់ផ្តែរ ហោជាង និងចម្លាក់គោល រៀបរាប់អំពីទេវកថាសំខាន់ៗ…

មនុស្ស ១៣០ នាក់បានបាត់បង់ជីវិតក្នុងគ្រោះថ្នាក់ចរាចរណ៍នៅខែសីហាកន្លងទៅថ្មីៗនេះ  ខណៈរដ្ឋាភិបាលប្រកាសរឹតបន្តឹងច្បាប់ចាប់ពីថ្ងៃទី១ កញ្ញា តទៅ។ បញ្ហាគ្រោះថ្នាក់ចរាចរណ៍នៅតែជាក្តីកង្វល់ដ៏ធំសម្រាប់សង្គមជាតិ ដោយគ្រាន់តែក្នុងមួយខែសីហា ឆ្នាំ២០២៦នេះ នៅទូទាំងប្រទេសមានករណីគ្រោះថ្នាក់ចរាចរណ៍កើតឡើងសរុប ២០៨ករណី។ គ្រោះថ្នាក់ទាំងនេះ បានបណ្តាលឱ្យអ្នកដំណើរ ១៣០នាក់ស្លាប់បាត់បង់ជីវិត និង ២៥១នាក់ទៀតរងរបួសធ្ងន់និងស្រាល។ នេះបើយោងតាមរបាយការណ៍របស់ក្រសួងមហាផ្ទៃ។ ប្រភពដដែលបញ្ជាក់ថា ក្នុងរយៈពេល ៨ខែដើមឆ្នាំ២០២៦ ចំនួនសរុបនៃគ្រោះថ្នាក់ចរាចរណ៍បានផ្តាច់ជីវិតមនុស្សរហូតដល់ ១.០៤៧នាក់ និងបណ្តាលឱ្យមនុស្សរងរបួសសរុប ២.៤៤០នាក់។ យោងតាមរបាយការណ៍របស់ក្រសួងមហាផ្ទៃ មូលហេតុចម្បងដែលនាំឱ្យកើតមានគ្រោះថ្នាក់ញឹកញាប់ជាងគេគឺ ការបើកបរលើសល្បឿនកំណត់ ដែលបន្តឈរនៅលំដាប់ថ្នាក់លេខមួយ រួមទាំងករណីបើកបរក្រោមឥទ្ធិពលគ្រឿងស្រវឹង ការមិនគោរពសិទ្ធិអាទិភាព ការបើកបរមិនប្រកាន់ស្តាំ ការវ៉ាជែង និងបត់ក្នុងស្ថានភាពប្រឈមគ្រោះថ្នាក់ ការមិនគោរពភ្លើងសញ្ញាចរាចរណ៍ និងបញ្ហាបច្ចេកទេសយានយន្តជាដើម។ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានឯកភាពតាមសំណើរបស់ ឯកឧត្តម ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក ដោយអនុញ្ញាតឱ្យមន្ត្រីនគរបាលចរាចរណ៍រឹតបន្តឹងការអនុវត្តច្បាប់ឱ្យបានម៉ឺងម៉ាត់ឡើងវិញ ចាប់ពីថ្ងៃទី១ ខែកញ្ញា ឆ្នាំ២០២៦ នេះតទៅ ដើម្បីទប់ស្កាត់ និងកាត់បន្ថយអត្រាគ្រោះថ្នាក់នេះ ។ ក្រសួងមហាផ្ទៃសង្កត់ធ្ងន់ថា…

ក្នុងកិច្ចប្រជុំថ្នាក់រដ្ឋមន្ត្រីនៃក្រុមប្រទេសអភិវឌ្ឍន៍តិចតួចស្តីពីការប្រែប្រួលអាកាសធាតុ នៅប្រទេសទីម័រឡេស្តេ ប្រតិភូកម្ពុជានឹងថ្លែងសារពីការប្តេជ្ញាចិត្តរបស់កម្ពុជា ក្នុងការកាត់បន្ថយការភាយឧស្ម័នផ្ទះកញ្ចក់រហូតដល់៥៥%ត្រឹមឆ្នាំ២០៣៥។ ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន នាល្ងាច ថ្ងៃទី១ ខែកញ្ញា ឆ្នាំ២០២៦ បានអញ្ជើញដឹកនាំគណៈប្រតិភូកម្ពុជា ទៅចូលរួមកិច្ចប្រជុំថ្នាក់រដ្ឋមន្ត្រី នៃក្រុមប្រទេសអភិវឌ្ឍន៍តិចតួច (LDC) ស្តីពីការប្រែប្រួលអាកាសធាតុ នៅប្រទេសទីម័រឡេស្តេ។ នៅក្នុងអំឡុងពេលបំពេញការងារ ឯកឧត្តមនឹងថ្លែងសុន្ទរកថាគន្លឹះ អំពីអាទិភាពរបស់ក្រុមប្រទេសអភិវឌ្ឍន៍តិចតួច ដែលត្រូវជំរុញឱ្យកាន់តែខ្លាំងក្លា និងភាពងាយស្រួលជាងមុន លើហិរញ្ញវត្ថុអាកាសធាតុ និងការគាំទ្រជាក់ស្តែង សម្រាប់ប្រទេសដែលងាយរងគ្រោះ ព្រមទាំងអាទិភាពជាយុទ្ធសាស្ត្រសម្រាប់កិច្ចប្រជុំកំពូល COP 31។ ឯកឧត្តមរដ្ឋមន្រ្តី គ្រោងនឹងថ្លែងទៅកាន់សហគមន៍អន្តរជាតិជាថ្មីពីការប្តេជ្ញាចិត្តរបស់កម្ពុជា ដែលបានកំណត់គោលដៅកាត់បន្ថយការភាយឧស្ម័នផ្ទះកញ្ចក់រហូតដល់ ៥៥ ភាគរយ ត្រឹមឆ្នាំ២០៣៥ និងការឆ្ពោះទៅគោលដៅកម្ពុជាជាប្រទេសអព្យាក្រឹតកាបូនត្រឹមឆ្នាំ២០៥០។ កម្ពុជានៅតែជំរុញឱ្យមានការរក្សាសីតុណ្ហភាពត្រឹម ១,៥ អង្សាសេ ដែលនៅតែជាកត្តាចាំបាច់បំផុត ក្នុងការការពារជីវិតរស់នៅ ការថែរក្សាប្រព័ន្ធអេកូឡូស៊ី និងការសម្រេចបានការអភិវឌ្ឍប្រតកបដោយចីរភាព។ សូមបញ្ជាក់ថា កិច្ចប្រជុំថ្នាក់រដ្ឋមន្ត្រីនៃក្រុមប្រទេសអភិវឌ្ឍន៍តិចតួច ស្តីពីការប្រែប្រួលអាកាសធាតុ ដែលនឹងប្រព្រឹត្តទៅចាប់ពីថ្ងៃទី១ ដល់ថ្ងៃទី៤ ខែកញ្ញា ឆ្នាំ២០២៦ នៅរដ្ឋធានី ឌីលី (Dili) ប្រទេសប្រទេសទីម័រឡេស្តេ ។…

ក្រុមប្រឹក្សាជាតិប្រាក់ឈ្នួលអប្បបរមាបានបើកកិច្ចប្រជុំត្រីភាគីលើកដំបូងដើម្បីពិភាក្សានិងចរចាប្រាក់ឈ្នួលអប្បបរមាផ្នែកកាត់ដេរសម្លៀកបំពាក់ស្បែកជើងនិងផលិតផលធ្វើដំណើរ សម្រាប់ឆ្នាំ២០២៧។ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា បានបើកកិច្ចប្រជុំ ដើម្បីពិភាក្សាកំណត់ប្រាក់ឈ្នួលអប្បបរមា របស់កម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៧។ ការប្រជុំនេះធ្វើឡើងនារសៀលថ្ងៃទី១ ខែកញ្ញា ឆ្នាំ២០២៦ នៅទីស្ដីការក្រសួងការងារ ដោយមានការចូលរួមពីសមាជិកក្រុមប្រឹក្សាជាតិប្រាក់ឈ្នួលអប្បបរមាសរុបចំនួន ៥១រូប ដែលមានសមាសភាពស្មើៗគ្នា ពីតំណាងភាគីរាជរដ្ឋាភិបាល តំណាងភាគីកម្មករនិយោជិត និងតំណាងភាគីនិយោជក។ នៅក្នុងកិច្ចប្រជុំ លោកអគ្គលេខាធិការដ្ឋាននៃក្រុមប្រឹក្សាជាតិប្រាក់ឈ្នួលអប្បបរមា បានធ្វើបទបង្ហាញ និងពន្យល់លម្អិតអំពីតួលេខ និងបម្រែបម្រួលនៃលក្ខណៈវិនិច្ឆ័យទាំង ៧ ជូនដល់តំណាងភាគីរាជរដ្ឋាភិបាល ភាគីនិយោជក និងភាគីតំណាងកម្មករនិយោជិត (ដែលជាសហជីព) ដើម្បីយកទៅធ្វើជាមូលដ្ឋានក្នុងការពិភាក្សាផ្ទៃក្នុងរៀងៗខ្លួន។ បញ្ជាក់ប្រាប់អ្នកសារព័ត៌មាននៅក្រោយកិច្ចប្រជុំ ឯកឧត្តម ហេង សួរ គូសបញ្ជាក់ថា នៅក្នុងកិច្ចប្រជុំលើកទី១ នេះ ភាគីនីមួយៗមិនទាន់បានដាក់ចេញនូវគោលជំហរ ឬតួលេខស្នើសុំដំឡើងប្រាក់ឈ្នួលណាមួយនៅឡើយទេ។ ភាគីទាំងអស់បានឯកភាពគ្នាប្រើប្រាស់ទិន្នន័យផ្លូវការរបស់អគ្គលេខាធិការដ្ឋាន ដែលជាទិន្នន័យមានប្រភពច្បាស់លាស់ពីស្ថាប័នជំនាញ ដើម្បីយកទៅសិក្សាស្រាវជ្រាវ និងសំយោគបន្ថែម ជាជាងការប្រើប្រាស់ទិន្នន័យគ្មានប្រភពត្រឹមត្រូវ។ ឯកឧត្តម រដ្ឋមន្រ្តីក្រសួងការងារបន្ថែមថា ចំពោះបម្រែបម្រួលលក្ខណៈវិនិច្ឆ័យទាំង ៧ ត្រូវបានគូសបញ្ជាក់ថា…