ហ្សឺណែវ៖ នា​ថ្ងៃទី៧ ខែកក្កដា ឆ្នាំ២០២៦ ដែលជាថ្ងៃទីពីរ​នៃ​ “​កិច្ចសន្ទនាសកលស្ដីពីអភិបាលកិច្ច​បញ្ញាសិប្បនិម្មិត” ឯកឧត្ដម​ ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍​​បានជួប​ពិភាក្សា​ការងារ​ជាមួយ​ស្ថាប័ន​និង​ប្រទេស​ជាច្រើន ដើម្បី​ពង្រឹង​ទំនាក់ទំនង​វិស័យ​ឌីជីថល​កម្ពុជា។​ ឯកឧត្ដម​រដ្ឋមន្ត្រី​ បាន​ពិភាក្សា​ការងារ​ជាមួយ​ ឯកឧត្ដម Amandeep Singh Gill អគ្គលេខាធិការ​រង​និង​ជា​ប្រេសិតពិសេស​អង្គការ​សហប្រជាជាតិ​ ទទួល​បន្ទុក​បច្ចេកវិទ្យា​ឌីជីថល​និង​បច្ចេកវិទ្យា​ឈានមុខ និង​បាន​ជម្រាប​ឯកឧត្ដម​អំពី​កិច្ចខិតខំប្រឹងប្រែងរបស់រាជរដ្ឋាភិបាល​កម្ពុជា​ ក្នុង​ការ​លើកកម្ពស់សមត្ថភាព​ឌីជីថល​របស់​ប្រជាពលរដ្ឋ​នៅគ្រប់កម្រិត តាមរយៈកម្មវិធី​​ដូចជាអាហារូបករណ៍​ទេពកោសល្យ​ឌីជីថល​តេជោ ​មជ្ឈមណ្ឌល​បច្ចេកវិទ្យា​សហគមន៍ និងគម្រោង​​បន្ទប់កុំព្យូទ័រ​នៅ​សាលាបឋមសិក្សា​គោលដៅ ព្រមទាំង​ការ​វិនិយោគ​លើ​ហេដ្ឋារចនាសម្ព័ន្ធ​ឌីជីថល​សាធារណៈ ដូចជា​ថ្នាល verify.gov.kh ជាដើម​។ ឯកឧត្ដមប្រេសិតពិសេស​បានកោតសរសើរចំពោះ​ការ​ប្ដេជ្ញាចិត្តរបស់កម្ពុជា និង​ជោគជ័យរបស់ថ្នាល verify.gov.kh ព្រមទាំង​បាន​អញ្ជើញកម្ពុជា​ផ្សព្វផ្សាយ​ថ្នាល​នេះលើ​ UN Digital Cooperation Portal និង​អញ្ជើញ​កម្ពុជា​ធ្វើ​ជា​សហប្រធាន​កម្មវិធី UN Open Source Week នា​ឆ្នាំ​២០២៧ផងដែរ។ លើសពីនេះ ​ឯកឧត្ដម​រដ្ឋមន្ត្រី​បាន​ជួបជាមួយរដ្ឋមន្រ្តីក្រសួងឌីជីថល រួមមាន​ (១) ឯកឧត្ដមរដ្ឋមន្រ្តី Mark-Alexandre Doumba ប្រទេសហ្កាបុង (២) ឯកឧត្ដមរដ្ឋមន្រ្តី Haliki Mahamat ប្រទេសឆាដ…

ក្រសួងទេសចរណ៍បានប្រកាសកែសម្រួលអភិក្រម«ការនាំកង្កែបចេញពីអណ្តូង» បន្ទាប់ពីមានការរិះគន់ និងមតិយោបល់ខុសៗគ្នាជាច្រើនពីមហាជនកាលពីពេលថ្មីៗនេះ។ អភិក្រមនេះត្រូវបានឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ប្រកាសនៅក្នុងកិច្ចសម្ភាសជាមួយអ្នកសារព័ត៌មានក្នុងស្រុកកាលពីសប្តាហ៍មុន។ តាមរយៈការប្រើប្រាស់ឃ្លាធៀប «ការនាំកង្កែបចេញពីអណ្តូង» ក្រសួងទេសចរណ៍មានបំណងជំរុញការផ្សព្វផ្សាយសក្តានុពលទេសចរណ៍វប្បធម៌ និងធម្មជាតិរបស់កម្ពុជាទៅកាន់ពិភពលោកឱ្យបានទូលំទូលាយ។ ការប្រើប្រាស់ឃ្លានេះបានទទួលការចាប់អារម្មណ៍យ៉ាងខ្លាំងពីសាធារណជន ប៉ុន្តែក៏មានការបកស្រាយ និងយល់ន័យផ្សេងៗគ្នាពីគោលបំណងដើមពិតប្រាកដផងដែរ។ ដោយស្តាប់មតិយោបល់ស្ថាបនាពីគ្រប់មជ្ឈដ្ឋាន ក្រសួងទេសចរណ៍ប្រកាសនៅថ្ងៃទី៨កក្កដានេះថា នឹងកែសម្រួលការប្រើប្រាស់អភិក្រមខាងលើឱ្យបានកាន់តែសមស្រប និងមានភាពគ្រប់ជ្រុងជ្រោយជាងមុន ដើម្បីឆ្លុះបញ្ចាំងពីស្មារតីរួមគិត រួមធ្វើ និងរួមទទួលខុសត្រូវ, ព្រមទាំងលើកកម្ពស់កិត្តិនាមកម្ពុជាលើឆាកអន្តរជាតិ ទាក់ទាញភ្ញៀវទេសចរ និងវិនិយោគិនអន្តរជាតិមកកម្ពុជាកាន់តែច្រើន។ ទោះបីយ៉ាងណា ក្រសួងទេសចរណ៍បានថ្លែងអំណរគុណគ្រប់ភាគីពាក់ព័ន្ធទាំងអស់ ដែលកន្លងមកបានចូលរួមយ៉ាងសកម្មនៅក្នុងការផ្សព្វផ្សាយអំពីសក្តានុពលទេសចរណ៍ និងលើកកម្ពស់វិស័យទេសចរណ៍កម្ពុជា។ក្រសួងមានជំនឿយ៉ាងមុតមាំថា ការបន្តរូបរួមសាមគ្គីជាធ្លុងមួយរបស់បងប្អូនជនរួមជាតិទាំងអស់ នឹងក្លាយជាកម្លាំងចលកររុញច្រានវិស័យទេសចរណ៍កម្ពុជាឱ្យសម្រេចបាននូវជោគជ័យថ្មីៗបន្ថែមទៀត ដើម្បីឧត្តមប្រយោជន៍ជាតិ និងប្រជាពលរដ្ឋគ្រប់រូប៕ សៅ សុខអេង

ឯកឧត្តម Wang Wenbin ឯកអគ្គរដ្ឋទូតចិនប្រចាំកម្ពុជា បានអះអាងថា ប្រទេ​ស​ចិននឹងបន្តគាំទ្រយ៉ាងមុតមាំចំពោះប្រតិបត្តិការបោសសម្អាតមីននៅកម្ពុជា និងជួយកម្ពុជាសម្រេចបាននូវគោ​លដៅគ្មានមីនឱ្យបានឆាប់រហ័ស។ការអះអាងនេះធ្វើឡើងបន្ទាប់ពីបានចូលរួមពិធីបិទបញ្ចប់គម្រោងសហប្រតិបត្តិការបោសសម្អាតមីនឡានឆាង-មេគង្គ នៅខេត្តស្វាយរៀងជាមួយឯកឧត្តមបណ្ឌិត លី ធុជ ទេសរដ្ឋមន្ត្រី និងជាអនុប្រធានទី១ អាជ្ញាធរមីន នៅថ្ងៃទី៨ ខែកក្កដា ឆ្នាំ២០២៦នេះ។ បើតាមឯកឧត្តម Wang Wenbin ចាប់តាំងពីឆ្នាំ២០១៨មក ភាគីចិនបានជួយកម្ពុជាក្នុងការបោសសម្អាត​មីន និងតំបន់ដែលរងការបំពុលដោយយុទ្ធភណ្ឌមិនទាន់ផ្ទុះប្រមាណ ១៩០គីឡូម៉ែត្រការ៉េ ដោយបានរកឃើញនិងបំផ្លាញមីន និងយុទ្ធភណ្ឌមិនទាន់ផ្ទុះចំនួន ១០ម៉ឺ៤ពាន់គ្រាប់ ដែលផ្តល់អត្ថប្រយោជន៍ទៅដល់មនុស្សជាង ១លាន ៤សែននាក់។ ដោយឡែក ឧត្តម​ លី ធុជ បានមានប្រសាសន៍ថា គម្រោងសហប្រតិបត្តិការបោសសម្អាតមីន ឡានឆាង-មេគង្គនេះ បានជួយបោសសម្អាតផ្ទៃដីរងផលប៉ះពាល់ជាង ៣លានម៉ែត្រការ៉េ ដើម្បីប្រគល់ជូនប្រជាពលរដ្ឋប្រើប្រាស់ និងបង្កបង្កើនផលដោយសុវត្ថិភាព​។ គម្រោងនេះបានរួមចំណែកការពារអា​យុជីវិតប្រជាពលរដ្ឋ ​លើកកម្ពស់ការយល់ដឹងអំពីហានិភ័យគ្រាប់មីន និងកសាងបរិយាកាសរស់នៅប្រ​កបដោយសុវត្ថិភាពសម្រាប់សហគមន៍។ ជាងនេះទៀត អនុប្រធានទី១នៃអាជ្ញាធរមីនបានគូសបញ្ជាក់ថា ការគាំទ្រជាបន្តបន្ទាប់របស់ប្រទេសចិន មិនត្រឹមតែជាសក្ខីភាពនៃចំណងមិត្តភាព​ដែកថែប​ និង​ទំនាក់ទំនង​ជា​ប្រវត្តិសាស្ត្រ​ប៉ុណ្ណោះទេ ប៉ុន្តែថែមទាំងជាកម្លាំង​ចលករដ៏សំខាន់ក្នុងការពង្រឹងសន្តិភាព ជំរុញការអភិវឌ្ឍ និងកសាងសហគមន៍ជោគវាសនារួមកម្ពុជា​-ចិនឱ្យកាន់តែរឹងមាំផងដែរ៕ សេង បារាំង AMS

សហព័ន្ធអង្ករកម្ពុជា (CRF) បានរាយការណ៍នៅថ្ងៃពុធថា កម្ពុជាបាននាំចេញអង្ករចំនួន ៦៣ម៉ឺនតោននៅឆមាសទី១ នៃឆ្នាំ២០២៦នេះ ដោយទទួលចំណូលជាង ៣៦៧លានដុល្លារអាមេរិក កើនឡើង ៦៣ភាគរយ បើធៀបនឹងរយៈពេលដូចគ្នាកាលពីឆ្នាំមុន។ របាយការណ៍ដដែលបញ្ជាក់ថា ក្រុមហ៊ុនក្នុងស្រុកចំនួន ៦០ បានដឹកជញ្ជូនអង្ករទៅកាន់ប្រទេស និងតំបន់ចំនួន៦៤ ក្នុងនោះ អាស៊ាន ចិន និងសហភាពអឺរ៉ុប នៅតែជាទីផ្សារនាំចេញអង្ករចម្បងរបស់កម្ពុជា។ យោងតាមសហព័ន្ធអង្ករកម្ពុជា អង្ករក្រអូបបានគ្របដណ្ដប់ទីផ្សារនាំចេញចំនួន ៦០ភាគរយ តាមពីក្រោយដោយ អង្ករសចំនួន២២ភាគរយ អង្ករបាក់១៤ភាគរយ ព្រមទាំងអង្ករចំហុយ និងអង្ករសរីរាង្គ ៤ភាគរយ។ ឯកឧត្តម ប៉ែន សុវិជាតិ អ្នកនាំពាក្យក្រសួងពាណិជ្ជកម្ម បានកត់សម្គាល់ពីកំណើនយ៉ាងខ្លាំងនៃការនាំចេញអង្កររបស់កម្ពុជា នៅឆមាសទី១ឆ្នាំ២០២៦នេះ ដោយសារភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងកិច្ចព្រមព្រៀងពាណិជ្ជកម្មសេរីកម្ពុជា-ចិន។ ក្រៅពីការនាំចេញអង្ករ កម្ពុជាក៏បាននាំចេញស្រូវជាង ៣លានតោនផងដែរ ទៅកាន់ប្រទេសជិតខាង ដែលអាចទទួលចំណូលបានជាង ៧១៣លានដុល្លារអាមេរិក នៅក្នុងឆមាសទី១ ឆ្នាំ២០២៦នេះ៕ ខន ណារី AMS

ក្នុងពេលចុះទៅខេត្តរតនគិរី សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា បានបន្តជំរុញឱ្យអាជ្ញាមូលដ្ឋានត្រូវបង្កើនកិច្ចសហប្រតិបត្តិការតាមព្រំដែនជាមួយវៀតណាម និងឡាវ ធ្វើឱ្យព្រំដែននៃប្រទេសទាំងបីនៅតែជាព្រំដែនសន្តិភាព និងសហប្រតិបត្តិការ ដើម្បីជំរុញសេដ្ឋកិច្ច ពាណិជ្ជកម្ម របស់ប្រទេសទាំងបីឲ្យកាន់តែល្អប្រសើរ។ ការលើកឡើងរបស់សម្ដេចតេជោ ហ៊ុន សែន ដូច្នេះ បានធ្វើឡើងក្នុងឱកាសសម្តេចអញ្ជើញចុះជួបសំណេះសំណាល​ជាមួយជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្តរតនគិរី នៅថ្ងៃទី៨ ខែកក្កដា ឆ្នាំ២០២៦។ ឯកឧត្តម ជា ធីរិទ្ធ អ្នកនាំពាក្យសម្ដេចតេជោ បានឱ្យដឹងថា ក្នុងឱកាសនេះ សម្តេចតេជោ ហ៊ុន សែន បានមានប្រសាសន៍ថា ខេត្តនៅតំបន់ភូមិភាគឦសាននេះ នឹងក្លាយទៅជាប៉ូលសេដ្ឋកិច្ចទី៤ ដ៏សំខាន់របស់កម្ពុជា ដែលផ្ដោតសំខាន់ទៅលើវិស័យកសិឧស្សាហកម្ម និងធនធានរ៉ែ។  ប៉ូលសេដ្ឋកិច្ចទី៤ នេះនឹងរួមចំណែកក្នុងការជំរុញកំណើនសេដ្ឋកិច្ច និងសម្រេចតាមចក្ខុវិស័យរបស់កម្ពុជា​ ជាប្រទេសដែលមានប្រាក់ចំណូលខ្ពស់នៅឆ្នាំ២០៥០។ ខេត្តរតនគិរីមានព្រំប្រទល់ខាងកើតជាប់ប្រទេសវៀតណាម​ ហើយខាងជើង​ជាប់ប្រទេសឡាវ។ ខេត្តនេះ មានច្រកទ្វារព្រំដែនអន្តរជាតិមួយកន្លែង គឺច្រកទ្វារត្រួតពិនិត្យព្រំដែន​អន្តរជាតិ​អូរយ៉ាដាវ។ ស្ថិតនៅភាគឦសានក៏ពិតមែន ប៉ុន្តែខេត្ត​នេះមានការអភិវឌ្ឍរីកចម្រើនជាបន្តបន្ទាប់។ បច្ចុប្បន្ន ខេត្តរតនគិរី មានក្រុមហ៊ុនសម្បទានដីសេដ្ឋកិច្ច ចំនួន ២៧ក្រុមហ៊ុន រួមមាន៖ ក្រុមហ៊ុន​វៀត​ណាមចំនួន១៣ ក្រុមហ៊ុនចិនចំនួន៣ក្រុមហ៊ុនសិង្ហបុរី…

មន្ត្រីនៃរដ្ឋលេខាធិការដ្ឋានកិច្ចការព្រំដែន បានបញ្ជាក់សាជាថ្មីថា ប្រាសាទខ្នារ និងប្រាសាទតាមាន់ធំ ក្នុងខេត្តឧត្តរមានជ័យ ដែលបច្ចុប្បន្នត្រូវបានយោធាថៃកាន់កាប់ដោយខុសច្បាប់ គឺស្ថិតនៅក្នុងទឹកដីកម្ពុជាយ៉ាងពិតប្រាកដ។ ក្នុងបទសម្ភាសជាមួយទូរទស្សន៍ជាតិកម្ពុជា ឯកឧត្តម អ៊ិត សុត្ថា រដ្ឋលេខាធិការប្រចាំការនៃរដ្ឋលេខាធិការដ្ឋានកិច្ចការព្រំដែន បានបញ្ជាក់ថា បើផ្អែកតាមផែនទីមាត្រដ្ឋាន ១លើ២០០ពាន់ កំណត់ហេតុបោះបង្គោលរបស់គណៈកម្មការឥណ្ឌូចិន-សៀម ឆ្នាំ១៩០៨ និង ១៩១៩ ព្រមទាំងតាមផែនទីខ្នាត១លើ៥០ពាន់ដែលថៃគូសដោយឯកតោភាគី គឺបង្ហាញយ៉ាងច្បាស់ថា ប្រាសាទខ្នារ និងប្រាសាទតាមាន់ធំ ស្ថិតនៅក្នុងទឹកដីកម្ពុជាពិតប្រាកដមែន។ ឯកឧត្តម អ៊ិត សុត្ថា បន្ថែមថ្វីត្បិតតែបច្ចុប្បន្នយោធាថៃកំពុងតែព្យាយាមគូសវាសខ្សែព្រំដែនថ្មី ដើម្បីដាក់បញ្ចូលទីតាំងដែលខ្លួនឈ្លានពាន និងកាន់កាប់ដោយខុសច្បាប់ ទៅក្នុងទឹកដីរបស់ខ្លួនក៏ដោយ ក៏ផែនទីទាំងនោះមិនមានតម្លៃ និងអានុភាពតាមផ្លូវច្បាប់ឡើយ។ ឯកឧត្តម ស្រ៊ី បូរ៉ា អគ្គនាយកកិច្ចការបច្ចេកទេសព្រំដែន បានបញ្ជាក់កន្លងមកថា គ្មានបុគ្គលណាមួយ គ្មានកងកម្លាំងប្រដាប់អាវុធថៃ ឬអាជ្ញាធរថៃណាមួយ អាចមកចង្អុលបង្ហាញថាខ្សែព្រំដែនត្រូវនៅកន្លែងនេះ ថាបង្គោលព្រំដែនត្រូវនៅកន្លែងនោះ ហើយចូលមកធ្វើសកម្មភាពស្រេចតែអំពើចិត្តដោយឯកតោភាគីនោះទេ។ ទង្វើទាំងនេះគឺមិនត្រឹមត្រូវតាមផ្លូវច្បាប់នោះឡើយ៕ សៅ សុខអេង

មេសិទ្ធិមនុស្សកម្ពុជាបានប្រាប់តំណាងសិទ្ធិមនុស្សអង្គការសហប្រជាជាតិ អំពីសកម្មភាពព្រៃផ្សៃរបស់ភាគីថៃ និងស្ថានភាពជាក់ស្តែងនៅតាមតំបន់ព្រំដែន កម្ពុជា-ថៃ ជាពិសេសការរំលោភច្បាប់សិទ្ធិមនុស្ស និងច្បាប់មនុស្សធម៌អន្តរជាតិរបស់ថៃ ក៏ដូចជាការរំលោភយ៉ាងធ្ងន់ធ្ងរលើច្បាប់អន្តរជាតិ។ នេះបើយោងតាមសេចក្តីប្រកាសព័ត៌មានរបស់គណៈកម្មាធិការសិទ្ធិមនុស្សកម្ពុជា បន្ទាប់ពីជំនួបកាលពីថ្ងៃទី៧កក្កដា រវាង​ឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា និងលោកស្រី Matilda Bogner តំណាងការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា។ ជាក់ស្តែង ​ឯកឧត្តម កែវ រ៉េមី បានគូសបញ្ជាក់ពីការរើសអើងចំពោះពលករទេសន្តរប្រវេសន៍កម្ពុជា ដែលធ្វើការ និងរស់នៅក្នុងប្រទេសថៃ និងការចាប់រំលោភបំពានលើពលការិនីខ្មែរចំណាកស្រុកម្នាក់ ពីសំណាក់យោធាថៃ នៅពេលត្រឡប់ពីប្រទេសថៃ មកប្រទេសកម្ពុជាវិញ។ មិនត្រឹមតែប៉ុណ្ណោះ ប្រទេសថៃ បានបើកការវាយប្រហារដោយមិនរើសគោលដៅចូលជ្រៅមកលើដែនអធិបតេយ្យភាពរបស់កម្ពុជា ដោយប្រើប្រាស់អាវុធធុនធ្ងន់ គ្រាប់បែកចង្កោម ផ្សែងពុល និងយន្តហោះចម្បាំង បណ្តាលឱ្យខូចខាតទ្រព្យសម្បត្តិឯកជន និងសាធារណៈ រួមទាំង ប្រាសាទព្រះវិហារ ដែលជាសម្បត្តិបេតិកភណ្ឌពិភពលោក ហើយបង្កឱ្យមានជនភៀសសឹកជាង ៦៤ម៉ឺននាក់។ មេសិទ្ធមនុស្សកម្ពុជា បានបញ្ជាក់ថា កម្ពុជានៅតែបន្តការទាមទាររកយុត្តិធម៌ ជុំវិញការឈ្លានពានរបស់ប្រទេសថៃមកលើប្រទេសកម្ពុជា ជាពិសេសបន្តការទាមទារទឹកដីដែលគ្រប់គ្រងដោយខុសច្បាប់ពីប្រទេសថៃត្រឡប់មកវិញ។ ចំណែកតំណាងអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាវិញ បានប្ដេជ្ញាចិត្តក្នុងការចូលរួមគាំទ្រនូវគំនិតផ្តួចផ្ដើម និងរាល់សកម្មភាពណា ដែលអាចជាដំណោះស្រាយជុំវិញជម្លោះរវាងកម្ពុជា-ថៃ។ នេះបើតាមលោក ស៊្រាង ចិន្តា អ្នកនាំពាក្យគណៈកម្មាធិការសិទ្ធិមនុស្សកម្ពុជា ប្រាប់បណ្ដាញសារព័ត៌មាន AMS នៅថ្ងៃទី៨ ខែកក្កដានេះ។  បន្ថែមលើនេះ លោកជំទាវ…

តបតាមការ​អញ្ជើញរបស់ឯកឧត្ដមអគ្គលេខាធិការ​អង្គការ​សហប្រជាជាតិ ឯកឧត្ដម​ ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ ​បាន​អញ្ជើញ​ជា​តំណាង​ដ៏ខ្ពង់ខ្ពស់​របស់សម្ដេច​បវរធិបតី ហ៊ុន ម៉ាណែត ​ក្នុង​“​កិច្ចសន្ទនាសកលស្ដីពីអភិបាលកិច្ច​បញ្ញាសិប្បនិម្មិត” ដែល​ប្រព្រឹត្ត​ទៅទីក្រុងហ្សឺណែវ។ ឯកឧត្តមបានអំពាវនាវឲ្យមានការរៀបចំអភិបាលកិច្ច AI ដែល​ជំរុញនវានុវត្តន៍ កសាងទំនុកចិត្ត និងចែករំលែកអត្ថប្រយោជន៍ដល់មនុស្សគ្រប់គ្នា។ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍កម្ពុជា បានលើកឡើងថា បញ្ញាសិប្បនិម្មិត (AI) មានសក្តានុពលក្នុងការផ្លាស់ប្តូរសេដ្ឋកិច្ច លើកកម្ពស់គុណភាពសេវាសាធារណៈ និងជំរុញការអភិវឌ្ឍប្រកបដោយចីរភាព។ ដូច្នេះ ការរៀបចំអភិបាលកិច្ច AI គួរតែផ្តោតលើការបង្កើតបរិយាកាសដែលលើកទឹកចិត្តដល់នវានុវត្តន៍ ពង្រីកលទ្ធភាពប្រើប្រាស់ កសាងទំនុកចិត្ត និងធានាឱ្យអត្ថប្រយោជន៍ពីបច្ចេកវិទ្យានេះបានទៅដល់ប្រជាពលរដ្ឋគ្រប់រូប មិនមែនជាការដាក់កំហិតលើការអភិវឌ្ឍនោះទេ។ ការលើកឡើងនេះ ធ្វើឡើងនៅក្នុង“​កិច្ចសន្ទនាសកលស្ដីពីអភិបាលកិច្ច​បញ្ញាសិប្បនិម្មិត” ដែលរៀបចំឡើងដោយ​អង្គការសហប្រជាជាតិ កាលពី​ថ្ងៃទី​៦ និងទី៧ ខែកក្កដា ឆ្នាំ​២០២៦ នៅទីក្រុងហ្សឺណែវ ប្រទេសស្វីស ដោយមានការចូលរួមពីប្រមុខរដ្ឋ ប្រមុខរដ្ឋាភិបាល រដ្ឋមន្ត្រីទទួលបន្ទុកវិស័យ​ឌីជីថល និង​តំណាងមក​ពី ​១៧០ប្រទេស និង​​អង្គការ​អន្តរជាតិនានា​ ប្រមាណ​ ៤ ០០០នាក់។ ស្របពេលដែលបញ្ញាសិប្បនិម្មិតកំពុង​អភិវឌ្ឍលឿន​ជាង​សមត្ថភាព​គ្រប់គ្រង​ ​ឯកឧត្តម ជា វ៉ាន់ដេត បានបញ្ជាក់ថា សម្រាប់កម្ពុជា…