គិតត្រឹមម៉ោង៣រសៀលថ្ងៃទី ២៣ ខែកក្កដា ឆ្នាំ ២០១៨នេះ ទឹកទន្លេសេសាន ក្នុងខេត្តរតនគិរី បានបន្តកើនឡើងដល់កម្ពស់៨,១០ ម គឺលើសកម្រិតកម្ពស់ប្រកាសឱ្យប្រុងប្រយ័ត្ន ០,១០ ម ហើយ គឺកើនឡើង១០សង់ទីម៉ែត្រ ក្នុងរយៈពេល១ម៉ោង និង៣០នាទី។ ពេលនេះ ទឹកទន្លេបានបន្តជន់លិចចូលតំបន់ទំនាបមួយចំនួន នៅក្នុងស្រុកអណ្តូងមាស តាវែង វ៉ឺនសៃ និងស្រុកអូរយ៉ាងដាវ៕

ប្រធានគណៈពង្រឹងមូលដ្ឋានស្រុកខ្សាច់កណ្តាល និងស្រុកល្វាឯម បញ្ជាក់ថា តាមរយៈគោលនយោបាយ ឈ្នះ ឈ្នះ គណបក្សប្រជាជនកម្ពុជា បានធ្វើឲ្យប្រទេសជាតិទាំងមូលទទួលបានសន្តិភាពពេញលេញ និងសម្រេចបានឯកភាពជាតិ ឯករាជ្ភាពទឹកដីទាំងស្រុង ព្រមទាំងបានបញ្ចប់សង្គ្រាមរុំារ៉ៃជិត៣០ឆ្នាំមកនេះ។

ខេត្តកំពង់ឆ្នាំង៖ ក្រុមហ៊ុន Smart Axiata ដែលជាប្រតិបត្តិករទូរសព្ទចល័តឈានមុខគេក្នុងប្រទេស រួមជាមួយក្រសួងប្រៃសណីយ៍ និងទូរគមនាគមន៍ បានប្រកាសចាប់ផ្តើមបើកការដ្ឋានសាងសង់ហេដ្ឋារចនាសម្ព័ន្ធបណ្តាញទូរសព្ទចល័តថ្មី នៃមូលនិធិកាតព្វកិច្ចសេវាសកលទូរគមនាគមន៍ចំនួន៣១កន្លែង ដែលពិធីនេះ រៀបចំឡើងនៅខេត្តកំពង់ឆ្នាំង។

គិតត្រឹមម៉ោង២:៣០ នាទីរសៀលថ្ងៃទី ២៣ ខែកក្កដា ឆ្នាំ២០១៨ នេះ ទឹកជំនន់ស្ទឹងសំរោង ត្រង់ចំណុចស្ពានសំរោង គីឡូម៉ែត្រលេខ១១៦ ភូមិស្ទឹងសំរោង ឃុំអូរបាក់រទេះ ស្រុកកំពង់សិលា ខេត្តព្រះសីហនុ បានចាប់ផ្តើមស្រកចុះវិញហើយ។ សូមជម្រាបថា នៅវេលាថ្ងៃត្រង់ថ្ងៃនេះ ទឹកស្ទឹងសំរោង ចំណុចស្ពានសំរោង គីឡូម៉ែត្រលេខ១១៦ បានហក់ឡើងជាថ្មី ព្រៀបនឹងចិញ្ចើមផ្លូវជាតិលេខ៤។ ប៉ុន្តែ មកដល់រសៀលថ្ងៃនេះ ទឹកបានចាប់ផ្តើមស្រកចុះវិញជាបណ្តើរៗហើយ៕ម.ន

ទឹកទន្លេសេសាន បានហក់ឡើងដល់កម្រិតកម្ពស់ប្រកាសឱ្យប្រុងប្រយ័ត្នហើយ គិតត្រឹមម៉ោង ២ រសៀលថ្ងៃទី ២៣ ខែកក្កដា ឆ្នាំ២០១៨ នេះ ទឹកទន្លេសេសាន ក្នុងខេត្តរតនគិរី បានបន្តជន់ឡើងដល់កម្ពស់ ៨ម៉ែត្រ ដែលជាកម្រិតកម្ពស់ប្រកាសឱ្យប្រុងប្រយ័ត្នហើយ។ ពេលនេះ ទឹកបានលិចចូលតំបន់ទំនាបមួយចំនួននៅតាមដងទន្លេ។

ឯកឧត្តម សាយ សំអាល់ ប្រធានក្រុមការងារថ្នាក់កណ្តាលចុះជួយស្រុកអូររាំងឪ និងជាបេក្ខជនតំណាងរាស្រ្តមណ្ឌលត្បូងឃ្មុំ បានជួបសំណេះសំណាលជាមួយកម្មករ កម្មការនី ប្រមាណជាង១ពាន់នាក់ នាព្រឹកថ្ងៃទី២៣ ខែកក្កដា ឆ្នាំ២០១៨។ ឯកឧត្តម សាយ សំអាល់ បានលើកឡើងអំពីស្ថានភាពនយោបាយ និងស្ថានការណ៍បច្ចុប្បន្នរបស់ប្រទេសកម្ពុជា ដល់កម្មករ កម្មការនី ឱ្យបានដឹងកាន់តែច្បាស់ពីប្រវត្តិសាស្រ្តដ៏ជូរចត់របស់កម្ពុជា រហូតក្លាយទៅជាប្រទេសមានការអភិវឌ្ឍរីកចម្រើន ក្រោមការដឹកនាំរបស់គណបក្សប្រជាជនកម្ពុជា។