អភិបាលខេត្តព្រះសីហនុ អំពាវនាវឲ្យប្រជាពលរដ្ឋ មន្ត្រីរាជការ កងកម្លាំងប្រដាប់អាវុធទាំងអស់ ត្រូវនាំគ្នាដាំ និងថែរក្សាដើមឈើឲ្យបានគង់វង្ស ព្រោះដើមឈើមានប្រយោជន៏ខ្លាំងណាស់ដល់បរិស្ថាននិងជីវិតមនុស្សសត្វ។ ឯកឧត្តមយន្ត មីន ថ្លែងបែបនេះ ក្នុងឱកាសដែលឯកឧត្តម បានអញ្ជើញដឹកនាំមន្ត្រីរាជការ សិស្សានុសិស្ស ដាំកូនឈើ.២២០០.ដើម ក្នុងឱកាសការប្រាព្ធពិធីបុណ្យរុក្ខទិវា៩ កក្កដា នៅភូមិព្រែកក្រាញ់ឃុំសាមគ្គី ស្រុកព្រៃនប់ខេត្តព្រះសីហនុ នាថ្ងៃសុក្រ ថ្ងៃទី១៣ ខែកក្កដា ឆ្នាំ២០១៨។

ភ្នំពេញ៖ ធនាគារជាតិនៃកម្ពុជា សហការជាមួយគណៈកម្មការមូលបត្រកម្ពុជា និងអគ្គស្នងការដ្ឋាននគរបាលជាតិ បានចេញសេចក្តីថ្លៃការណ៍រួមគ្នាមួយ ដោយព្រមានផ្ដន្ទាទោសតាមច្បាប់ ចំពោះបុគ្គល ឬក្រុមហ៊ុនណា ហ៊ានប្រតិបត្តិការជួញដូរលុយអេឡិចត្រូនិក។ យោងតាមសេចក្ដីប្រកាសព័ត៌មានរបស់ធនាគារជាតិនៃកម្ពុជាបានឲ្យដឹងថា ការចេញសេចក្តីថ្លែងការណ៍រួមនេះ ធ្វើឡើងបន្ទាប់ពីថ្មីៗនេះ អាជ្ញាធរមានសមត្ថកិច្ចបានសង្កេតឃើញថា មានការផ្សព្វផ្សាយចរាចរទិញ-លក់ ជួញដូរ ទូទាត់កាសអេឡិចត្រូនិក ដូចជា KH Coin, Suncoin, K coin, One-coin, Forex coin និងលុយអេឡិចត្រូនិក ប្រហាក់ប្រហែលគ្នានេះ យ៉ាងសកម្មក្នុងប្រទេសកម្ពុជា។ អាជ្ញាធរមានសមត្ថកិច្ចបញ្ជាក់ថា ការផ្សព្វផ្សាយចរាចរទិញ-លក់ ជួញដូរ ទូទាត់ កាសអេឡិចត្រូនិក ដោយមិនមានអាជ្ញាប័ណ្ណពីអាជ្ញាធរមានសមត្ថកិច្ច ជាសកម្មភាពខុសច្បាប់ ព្រមទាំងបង្កហានិភ័យធ្ងន់ដល់សាធារណជន និងសង្គមទាំងមូល ដូចជាប្រឈមនឹងឧក្រិដ្ឋកម្មបច្ចេកវិទ្យា និងធ្វើឲ្យបាត់បង់មូលនិធិ ដោយសារការលួចចូលទៅក្នុងប្រព័ន្ធ ពុំមានយន្ដការការពារផលប្រយោជន៍អតិថិជន អ្នកប្រើប្រាស់កាសអេឡិចត្រូនិក ជាជនអនាមិក ពុំមានការសម្គាល់អត្តសញ្ញាណ ឬសាវតាររបស់អ្នកប្រើប្រាស់បានច្បាស់លាស់ គឺជាហានិភ័យក្នុងការសម្អាតប្រាក់ និងហិរញ្ញប្បទានភេរវកម្ម។ ស្ថាប័នទាំង៣បានបញ្ជាក់ថា «សូមអំពាវនាវដល់សាធារណជនទាំងអស់ ប្រុងប្រយ័ត្ន ចំពោះការឃោសនាផ្សព្វផ្សាយ កៀរគរប្រមូលមូលនិធិ…

នៅព្រឹកថ្ងៃទី១៣ ខែកក្កដា ឆ្នាំ២០១៨នេះ ឯកឧត្តមបណ្ឌិត ឃឹម ប៊ុនសុង អភិបាលនៃគណៈអភិបាលខេត្តសៀមរាប បានដឹកនាំកិច្ចប្រជុំពិភាក្សាការងាររវាងថ្នាក់ដឹកនាំខេត្ត និងប្រតិភូក្រុមហ៊ុនវិនិយោគអាកាសយានដ្ឋានអន្តរជាតិ អង្គរ ដឹកនាំដោយលោក Zou Yuhui  អគ្គនាយករងក្រុមហ៊ុនវិនិយោគអាកាសយានដ្ឋានអន្តរជាតិអង្គរ ទទួលខុសត្រូវលើការរៀបចំប្លង់គម្រោង។   អាកាសយានដ្ឋានអន្តរជាតិអង្គរនេះ ត្រូវបានសាងសង់នៅក្នុងភូមិសាស្ត្រ ឃុំតាយ៉ែក ស្រុកសូទ្រនិគម ខេត្តសៀមរាប។

សៀមរាប៖ ពិធីបិទវគ្គបណ្តុះបណ្តាលគ្រូបឋមសិក្សា (១២+២) ជំនាន់ទី៣៥ នៃសាលាគរុកោសល្យ និងវិក្រឹត្យការខេត្តសៀមរាប នាព្រឹកថ្ងៃទី១៣ ខែកក្កដា ឆ្នាំ២០១៨នេះ ស្ថិតក្នុងសាលាគរុកោសល្យ និងវិក្រឹត្យការខេត្តសៀមរាប ដោយមានការអញ្ជើញចូលរួមពីសំណាក់លោក ពៅ ពិសិដ្ឋ អភិបាលរងខេត្តសៀមរាប និងមន្ត្រីរាជការ លោកគ្រូ អ្នកគ្រូ សិស្សានុសិស្សជាច្រើននាក់ផងដែរ។

ខេត្តកំពង់ឆ្នាំង ៖ នៅព្រឹកថ្ងៃទី១៣ ខែកក្កដា ឆ្នាំ២០១៨នេះ លោក ហ៊ុន លី អនុប្រធានការិយាល័យផលិតកម្ម និងបសុព្យាបាលខេត្តកំពង់ឆ្នាំង រួមទាំងមន្រ្តីជំនាញការិយាល័យខេត្ត ស្រុក និងភ្នាក់ងារពេទ្យសត្វភូមិ បានចុះចាក់វ៉ាក់សាំងសារទឹក និងអុតក្តាម ការពារសត្វគោ ក្របី និងបាញ់ថ្នាំងសម្លាប់មេរោគនៅកន្លែងចិញ្ចឹមសត្វ ព្រមទាំងចែកថ្នាំវ៉ាក់សាំងសម្ភារផ្សេងៗដល់ពេទ្យសត្វភូមិ ស្ថិតនៅក្នុងភូមិដំណាក់កី ឃុំជើងគ្រាវ ស្រុករលាប្អៀរ ខេត្តកំពង់ឆ្នាំង។