ហ៊្សេរុយសាឡឹម ៖ កងទ័ពអ៊ីស្រាអែលមានគម្រោងរំសាយទាហានបម្រុងរហូតដល់ ១០,០០០ នាក់ នៅត្រឹមចុងខែ កក្កដា ខាងមុខ ។ នេះបើតាម Anadolu ចេញផ្សាយនៅថ្ងៃ អាទិត្យ ម្សិលមិញ ។ វិធានការកាត់បន្ថយទ័ពបម្រុង កើតឡើងចំពេលដែលក្រសួងការពារជាតិអ៊ីស្រាអែល កំពុងប្រឈមមុខនឹងវិបត្តិហិរញ្ញវត្ថុយ៉ាងធ្ងន់ធ្ងរ និងឱនភាពថវិកាដ៏ធំសម្បើម បន្ទាប់ពីការចំណាយលើវិស័យយោធាបានស្ទុះឡើងខ្ពស់មិនធ្លាប់មានពីមុនមក ។ បើតាមប្រព័ន្ធផ្សព្វផ្សាយអ៊ីស្រាអែល Hayom, ចំនួនទាហានបម្រុងដែលកំពុងបំពេញកាតព្វកិច្ចសកម្ម ត្រូវបានរំពឹងថា នឹងត្រូវកាត់បន្ថយពីប្រហែល ៦០,០០0 នាក់ មកនៅត្រឹមប្រមាណ ៥០,០០០ នាក់វិញ ដែលនេះស្តែងឱ្យឃើញពីកង្វះកញ្ចប់ថវិកាឧបត្ថម្ភដល់កងទ័ព ។ យ៉ាងណាមិញ ការសម្រេចចិត្តចុងក្រោយ មិនទាន់ត្រូវបានធ្វើឡើងនៅឡើយទេ ប៉ុន្តែវាត្រូវបានគេរំពឹងថា នឹងលេចចេញជារូបរាងនៅក្នុងរយៈពេលប៉ុន្មានថ្ងៃខាងមុខនេះ ។ ការកាត់បន្ថយនេះ នឹងជះឥទ្ធិពលដល់កងទ័ពបម្រុង ដែលបម្រើការក្នុង “ប្រព័ន្ធការពារតំបន់” រួមទាំងបុគ្គលិកដែលចាត់តាំងឱ្យការពារសហគមន៍ និងទីលំនៅជុំវិញតំបន់ Gaza Strip និងតំបន់ West Bank ព្រមទាំងបុគ្គលិកនៅតាមទីបញ្ជាការយោធាផងដែរ ។ អ្វីដែលគួរឱ្យកត់សម្គាល់ ផែនការនេះលេចឡើងស្របពេលមានការខ្វែងគំនិតគ្នាខ្លាំង រវាងក្រសួងការពារជាតិ…

កៀវ ៖ ការវាយប្រហារមីស៊ីលរបស់ប្រទេសរុស្ស៊ី ទៅលើទីក្រុងកៀវ របស់អ៊ុយក្រែន បានសម្លាប់មនុស្ស ចំនួន៨នាក់ ពោលគឺនៅមុនពេលមានកិច្ចប្រជុំកំពូល របស់អង្គការណាតូ ក្នុងសប្តាហ៍នេះ។ អាជ្ញាធរនិយាយថា នៅថ្ងៃចន្ទនេះ អគារលំនៅដ្ឋានមួយកន្លែង ស្ថិតក្នុងរដ្ឋធានីកៀវ ប្រទេសអ៊ុយក្រែន ត្រូវបានបំផ្លាញទៅជាគំនរបាក់បែក បន្ទាប់ពីរងការវាយប្រហារ ពីសំណាក់រុស្ស៊ី។ ប្រភពបញ្ជាក់ថា ការវាយប្រហារ ដោយមីស៊ីលបាលីស្ទិក បានសម្លាប់មនុស្ស យ៉ាងហោចណាស់ ៨ នាក់ និង រាប់សិបនាក់ទៀត រងរបួស ខណៈដែលក្រុមអ្នកជួយសង្គ្រោះកំពុងស្វែងរកអ្នកនៅរស់រានមានជីវិត នៅក្នុងគំនរបាក់បែក នៃ អគារលំនៅដ្ឋាន កម្ពស់៩ជាន់។ ការវាយប្រហារនេះធ្វើឡើង ចំពេលដែល សេតវិមាន បាននិយាយថា លោក Trump ប្រធានាធិបតីអាមេរិក គ្រោងនឹងជួបជាមួយ លោក Zelensky ប្រធានាធិបតីប្រទេសអ៊ុយក្រែន នៅថ្ងៃពុធនេះ អំឡុងពេលកិច្ចប្រជុំកំពូល របស់ អង្គការយោធាអន្តរជាតិ ណាតូ (NATO)៕ ប្រភព ៖ AFP ប្រែសម្រួល ៖…

តេហេរ៉ង់, ដូហា ៖ ប្រព័ន្ធផ្សព្វផ្សាយរដ្ឋ អ៊ីរ៉ង់ បានប្រកាស កាលពីថ្ងៃអាទិត្យថា ពាណិជ្ជកម្មតាមសមុទ្រ រវាងទីក្រុងតេហេរ៉ង់ និង ប្រទេស កាតា បានបន្តឡើងវិញ បន្ទាប់ពីការផ្អាក ប្រហែលរយៈពេល ៥ខែ អំឡុងសង្គ្រាម។ អនុព័ន្ធពាណិជ្ជកម្ម អ៊ីរ៉ង់លោក Abbas Abdolkhani បាននិយាយប្រាប់អ្នកសារព័ត៌មានថា ការដឹកជញ្ជូន រវាងកំពង់ផែ Dayyer របស់អ៊ីរ៉ង់ និងកំពង់ផែ Al Ruwais របស់កាតា បានបន្តឡើងវិញ បន្ទាប់ពីការសម្របសម្រួល រវាងស្ថានទូតអ៊ីរ៉ង់ប្រចាំទីក្រុងដូហា និង អាជ្ញាធរកាតា។ បើតាម CNA, កំពង់ផែទាំងពីរ ភាគច្រើនបម្រើដល់ពាណិជ្ជកម្មក្នុងតំបន់។ ជាការកត់សម្គាល់ កំពង់ផែ Dayyer ត្រូវបានវាយប្រហារច្រើនដង ក្នុងអំឡុងពេលផ្ទុះសង្គ្រាម។ ការធ្វើពាណិជ្ជកម្មឡើងវិញ កើតមាន បន្ទាប់ពីមានកិច្ចព្រមព្រៀងបណ្តោះអាសន្ន រវាងទីក្រុងតេហេរ៉ង់ និងទីក្រុងវ៉ាស៊ីនតោន ដែលបានចុះហត្ថលេខា កាលពីខែមុន ហើយបានប្រកាសពីការបញ្ចប់នៃអរិភាព បន្ទាប់ពីជម្លោះរយៈពេលជាង បួន ខែ។…

ហ៊្សេរុយសាឡឹម ៖ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ នៅថ្ងៃ អាទិត្យ ម្សិលមិញ បានប្រកាសច្រានចោលរបាយការណ៍ ដែលថា ប្រធានាធិបតីសហរដ្ឋអាមេរិក លោក ដូណាល់ ត្រាំ បានដាក់កំហិតលើប្រតិបត្តិការយោធារបស់អ៊ីស្រាអែលនៅក្នុងប្រទេសលីបង់ ។ មេដឹកនាំអ៊ីស្រាអែលរូបនេះ បានប្រាប់កិច្ចប្រជុំគណៈរដ្ឋមន្ត្រីប្រចាំសប្តាហ៍ យ៉ាងដូច្នេះថា រូបលោកបានលឺប្រព័ន្ធផ្សព្វផ្សាយនិយាយថា លោកប្រធានាធិបតី ត្រាំ បានស្នើសុំមិនឱ្យមានសកម្មភាពប្រឆាំងនឹងរូងក្រោមដីរបស់ពួកភេរវករហេសបូឡានៅលីបង់ ។ លោកថា នេះគ្រាន់តែជារឿងប្រឌិត និងជាព័ត៌មានក្លែងក្លាយតែប៉ុណ្ណោះ ពីព្រោះលោក ត្រាំ មិនបាននិយាយអ្វីជាមួយលោកទាល់តែសោះ ហើយលោកក៏មិនបានសួរនាំអ្វីពីលោក ត្រាំ ដែរ ពោលគឺយើងធ្វើប្រតិបត្តិការទៅតាមការពិចារណារបស់យើង ។ ការអត្ថាធិប្បាយរបស់លោក ណេតាន់យ៉ាហ៊ូ កើតឡើងបន្ទាប់ពីប្រព័ន្ធផ្សព្វផ្សាយអ៊ីស្រាអែល KAN កាលពីចុងខែមុន បានទម្លាយថា អ៊ីស្រាអែលបានផ្តល់ព័ត៌មានសម្ងាត់លម្អិតទៅឱ្យមន្ត្រីអាមេរិក អំពីរូងក្រោមដីរបស់ពួកហេសបូឡានៅតំបន់ខ្ពង់រាប អាលី អាល់តាហឺ ភាគខាងត្បូងប្រទេសលីបង់ ដើម្បីស្នើសុំការអនុញ្ញាតពីសហរដ្ឋអាមេរិក ដើម្បីបើកប្រតិបត្តិការយោធានៅតំបន់នោះ ។ បើតាម Anadolu, ក្រុមហេសបូឡាបានអូសទាញប្រទេសលីបង់ធ្លាក់ចូលទៅក្នុងសង្គ្រាមជាមួយអ៊ីស្រាអែល កាលពីថ្ងៃទី២ ខែមីនា…

តេហេរ៉ង់ ៖ ប្រធានាធិបតីអ៊ីរ៉ង់ លោក Masoud Pezeshkian កាលពីថ្ងៃ សៅរ៍ សប្តាហ៍មុន បានបោះពាក្យរិះគន់ធ្ងន់ៗលើស្ថាប័នអន្តរជាតិនានា ដែលបរាជ័យ ក្នុងការទប់ស្កាត់សកម្មភាពយោធាដ៏ឃោរឃៅរបស់អ៊ីស្រាអែល ដែលបានបង្កជាវិបត្តិ និងអស្ថិរភាពនៅក្នុងតំបន់ ។ បន្ថែមលើនេះ លោក Pezeshkian បានសង្កត់ធ្ងន់ថា អង្គការសកលលោកទាំងនោះ នៅតែរក្សាភាពស្ងៀមស្ងាត់ បើទោះបីជាអ៊ីស្រាអែលបានប្រកាសដោយបើកចំហ អំពីការកំណត់គោលដៅសម្លាប់ និងការប៉ន់ប៉ង់ធ្វើឃាតដោយចេតនាក៏ដោយ ។ ប្រធានាធិបតីអ៊ីរ៉ង់រូបនេះបន្ថែមថា អង្គការអន្តរជាតិ និងអ្នកការពារសិទ្ធិមនុស្សនានា ត្រូវបានគេរំពឹងថា នឹងជួយការពារកុំឱ្យមានសកម្មភាពបែបនេះកើតឡើង ប៉ុន្តែផ្ទុយទៅវិញ ពួកគេបែរជាផ្តល់ការគាំទ្រផ្នែកនយោបាយ និងភស្តុភារទៅវិញ ។ លោក Pezeshkian ដែលមានវ័យ៧១ឆ្នាំរូបនេះ បានអះអាងទៀតថា អ៊ីស្រាអែលបានវាយប្រហារលើបណ្តាប្រទេសជាច្រើននៅក្នុងតំបន់ និងជាអ្នកទទួលខុសត្រូវ ចំពោះការបង្កវិបត្តិ និងអស្ថិរភាពនៅទូទាំងមជ្ឈិមបូព៌ា ដោយលោកបានសង្កត់ធ្ងន់ថា បណ្តាប្រទេសមូស្លីម មិនធ្លាប់បានផ្តួចផ្តើមការឈ្លានពានបែបនេះមុននោះទេ ។ ការរិះគន់ធ្ងន់ៗរបស់ប្រធានាធិបតីអ៊ីរ៉ង់រូបនេះ ត្រូវបានធ្វើឡើងចំពេលដែលពិធីបុណ្យសពផ្លូវការរបស់អតីតមេដឹកនាំកំពូលអ៊ីរ៉ង់ លោក អាយ៉ាតុលា អាលី ខាមេណៃ បានចាប់ផ្តើមឡើងនៅក្នុងទីក្រុងតេហេរ៉ង់ ដែលមានប្រជាជនកាន់ទុក្ខរាប់ម៉ឺននាក់ បានជួបជុំគ្នានៅឯវិហារ…

ប៉េកាំង ៖ នាវាចម្បាំងរុស្ស៊ី ត្រូវបានបញ្ជូនមកដល់ប្រទេសចិន កាលពីថ្ងៃអាទិត្យ ដើម្បីចូលរួមធ្វើសមយុទ្ធកងទ័ពជើងទឹកជាមួយគ្នា ចាប់ពីថ្ងៃចន្ទនេះ ដល់ថ្ងៃទី១៣ ខែកក្កដា។ រូបភាពដែលចេញផ្សាយដោយក្រសួងការពារជាតិរុស្ស៊ី បង្ហាញពីនាវាចម្បាំង Varyag បានមកដល់ និងចូលចត នៅទីក្រុងកំពង់ផែ Qingdao របស់ប្រទេសចិន មុនពេលធ្វើសមយុទ្ធយោធា Joint Sea-2026 រួមគ្នា។ សេចក្តីថ្លែងការណ៍ ដែលចុះផ្សាយដោយទីភ្នាក់ងារសារព័ត៌មានរុស្ស៊ី បានរៀបរាប់ថា សមយុទ្ធនេះ នឹងរួមបញ្ចូលប្រតិបត្តិការជួយសង្គ្រោះរួមគ្នា, បេសកកម្មសង្គ្រាម ប្រឆាំងនាវាមុជទឹក និងការពារដែនអាកាស ក៏ដូចជា សមយុទ្ធកាំភ្លើងធំផងដែរ។ ថ្លែងអំឡុងពិធីមួយ នៅក្នុងទីក្រុង Qingdao, ឧត្តមនាវីឯក រុស្ស៊ី លោក Sergei Sinko បានមានប្រសាសន៍ថា សមយុទ្ធ Joint Sea-2026 មានគោលបំណងពង្រឹងភាពជាដៃគូយុទ្ធសាស្ត្រ រវាងប្រទេសទាំងពីរ ព្រមទាំង ធានាសន្តិភាព និងស្ថិរភាព នៅក្នុងតំបន់ នេះបើយោងតាមទីភ្នាក់ងារសារព័ត៌មាន TASS៕ ប្រភព ៖ AFP ប្រែសម្រួល…

តេហេរ៉ង់ ៖ មេដឹកនាំកំពូលថ្មីរបស់អ៊ីរ៉ង់ នៅតែបន្តអវត្តមាន មិនបង្ហាញមុខ ខណៈដែលកូនប្រុសបីនាក់ផ្សេងៗទៀតរបស់ លោក Ali Khamenei បានបង្ហាញខ្លួនជាសាធារណៈដ៏កម្រ នៅក្នុងពិធីបុណ្យសពឪពុក ដើម្បីគោរពវិញ្ញាណក្ខន្ធ។ បើតាម AFP, កូនប្រុសច្បង របស់លោក Ali Khamenei គឺលោក Mostafa និង បងប្អូនបង្កើត ពីរនាក់ទៀត ឈ្មោះ Masoud និង ឈ្មោះ Meysam ដែលសុទ្ធតែជាបូជាចារ្យ។ កូនៗទាំងបីរូបនេះ បានចូលរួមពិធីលាចុងក្រោយ កាលពីថ្ងៃអាទិត្យ ប៉ុន្តែ នៅតែមិនទាន់ឃើញវត្តមាន លោក Mojtaba Khamenei ដែលជាកូនប្រុស ឡើងកាន់តំណែងជំនួសរូបលោក នៅឡើយនោះទេ។ មនុស្សរាប់ពាន់នាក់បានទៅជួបជុំគ្នា នៅបរិវេណសាសនា Grand Mosalla ស្ថិតក្នុងទីក្រុងតេហេរ៉ង់ ដែលជាថ្ងៃទីពីរ នៃពិធីបុណ្យសព របស់លោក Khamenei និង សមាជិកគ្រួសារ ៤នាក់ ដែលត្រូវបានសម្លាប់ កាលពីថ្ងៃទី២៨ ខែកុម្ភៈ…