ព្រុចសែល ៖ ប្រទេសបែលហ្ស៊ិកមានគម្រោងចំណាយលុយរហូតដល់ ៣,៥ ពាន់លានដុល្លារ ដើម្បីទិញប្រព័ន្ធការពារដែនអាកាស NASAMS និង Skyranger ក្នុងគោលបំណងពង្រឹងសមត្ថភាពយោធារបស់ខ្លួន ។ បើតាម Strait times, បែលហ្ស៊ិកគ្រោងនឹងទិញប្រព័ន្ធបាញ់បង្ហោះមីស៊ីលការពារដែនអាកាសធុនកម្រិតខ្ពស់ NASAMS ចំនួន ១០ គ្រឿង ពីក្រុមហ៊ុន Kongsberg របស់ប្រទេសន័រវេស ។ បន្ថែមលើនេះ បែលហ្ស៊ិកក៏នឹងទិញប្រព័ន្ធការពារដែនអាកាសរយៈចម្ងាយខ្លី Skyranger ចំនួន ២០ គ្រឿង ពីក្រុមហ៊ុន Rheinmetall របស់ប្រទេសអាល្លឺម៉ង់ផងដែរ ។ ការវិនិយោគដ៏ធំនេះ ធ្វើឡើងក្នុងគោលបំណងបំពេញចន្លោះប្រហោង នៃប្រព័ន្ធការពារដែនអាកាសរបស់បែលហ្ស៊ិក និងដើម្បីការពារហេដ្ឋារចនាសម្ព័ន្ធសំខាន់ៗ រួមទាំងទីស្នាក់ការកណ្តាលរបស់អង្គការ NATO នៅក្នុងទីក្រុងព្រុចសែល ។ យោងតាមការលើកឡើងរបស់មន្ត្រីបែលហ្ស៊ិក, ប្រទេសខ្លួននឹងប្រើប្រាស់កិច្ចសន្យាក្របខណ្ឌរួមគ្នាជាមួយប្រទេសហូឡង់ ដើម្បីពន្លឿនដំណើរការទិញប្រព័ន្ធការពារដែនអាកាសទាំងនេះឱ្យបានលឿន ។ យ៉ាងណា គម្រោងខ្នាតធំនេះ ទាមទារការឆ្លងកាត់ការអនុម័តពីក្រុមប្រឹក្សារដ្ឋមន្ត្រីរបស់បែលហ្ស៊ិកជាមុនសិន ហើយត្រូវបានរំពឹងថា នឹងប្រកាសជាផ្លូវការនៅក្នុងកិច្ចប្រជុំកំពូលរបស់អង្គការ NATO នៅក្នុងរដ្ឋធានីអង់ការ៉ា ប្រទេសតួកគី នាសប្តាហ៍ក្រោយ ៕…

បរទេស ៖ សហរដ្ឋអាមេរិកផ្តល់ជូនអ៊ីរ៉ង់ នូវសិទ្ធិទទួលបានមូលនិធិ ដែលត្រូវបានបង្កក ដោះដូរនឹងការឆ្លងកាត់ច្រកសមុទ្រ Hormuz ដោយឥតគិតថ្លៃ។ នេះបើតាមការចេញផ្សាយរបស់ Tass នៅថ្ងៃសុក្រនេះ។ យោងតាមប្រភព, សហរដ្ឋអាមេរិកបានផ្តល់ជូន ដើម្បីដោះលែងទ្រព្យសម្បត្តិរបស់អ៊ីរ៉ង់ ក្នុងកិច្ចខិតខំប្រឹងប្រែងដើម្បីបញ្ចុះបញ្ចូល ទីក្រុងតេហេរ៉ង់ ឱ្យបោះបង់ចោលផែនការដាក់ថ្លៃសេវា លើកប៉ាល់ ដែលឆ្លងកាត់ច្រកសមុទ្រ Hormuz នេះបើតាមតាមរបាយការណ៍របស់ The Wall Street Journal ដែលបានដកស្រង់ពីប្រភព។ បើតាមកាសែតនេះ, បេសកជនពិសេស របស់ប្រធានាធិបតីអាមេរិក គឺលោក Steve Witkoff និងកូនប្រសាររបស់ប្រធានាធិបតីអាមេរិក Donald Trump គឺលោក Jared Kushner បានពិភាក្សាអំពីវិធីដើម្បីបំបែកភាពជាប់គាំង ក្នុងការចរចា អំឡុងពេលដំណើរទស្សនកិច្ច ទៅកាន់ទីក្រុងដូហា កាលពីដើមសប្តាហ៍។ កាសែតនេះ បានបន្ថែមថា ទីក្រុងវ៉ាស៊ីនតោនបានស្នើឱ្យទីក្រុងតេហេរ៉ង់ គួរតែបោះបង់ចោលការទាមទារដើម្បីគ្រប់គ្រងផ្លូវទឹក និង គិតថ្លៃឆ្លងកាត់ ជាថ្នូរនឹងការចូលទៅកាន់ផ្នែកមួយនៃទ្រព្យសម្បត្តិ ដែលត្រូវបានបង្កករបស់ខ្លួន មានតម្លៃប្រហែល ១០០ ពាន់លានដុល្លារ។ ទោះជាយ៉ាងណាក៏ដោយ…

តេហេរ៉ង់ ៖ កងទ័ពអ៊ីរ៉ង់ នៅថ្ងៃ ព្រហស្បតិ៍ បានព្រមានធ្ងន់ៗថា ការបន្តមាន​វត្តមាននៃយន្តហោះយោធា ទាំង​មាន​មនុស្សបើក និងគ្មានមនុស្សបើករបស់សហរដ្ឋអាមេរិកនៅច្រកសមុទ្រ Hormuz គំរាមកំហែងដល់សន្តិសុខក្នុងតំបន់ ។ បន្ថែមពីលើការព្រមាន កងទ័ពអ៊ីរ៉ង់ថែមទាំងបានសន្យាថា នឹងធ្វើការឆ្លើយតបយ៉ាង​ឆាប់រហ័ស និងម៉ឺងម៉ាត់បំផុត ចំពោះការជ្រៀតជ្រែកណាមួយរបស់សហរដ្ឋអាមេរិក នៅក្នុងផ្លូវទឹកយុទ្ធសាស្ត្រនេះ ​។ ការព្រមានរបស់អ៊ីរ៉ង់នេះ ធ្វើឡើងបន្ទាប់ពីបញ្ជាការដ្ឋានកណ្តាលអាមេរិក ហៅកាត់ (CENTCOM) បានដឹកនាំកិច្ចសន្ទនាសន្តិសុខមួយនៅប្រទេសបារ៉ែន ជាមួយប្រទេសចំនួន ១២ ។ កិច្ចប្រជុំនោះ បានសង្កត់ធ្ងន់លើការប្តេជ្ញាចិត្តរក្សាសេរីភាពនៃការធ្វើពាណិជ្ជកម្មតាមច្រកសមុទ្រ Hormuz ដែលធ្វើឱ្យអ៊ីរ៉ង់ខឹងសម្បារយ៉ាងខ្លាំង ។ បើតាម Anadolu, ទីស្នាក់ការកណ្តាលអ៊ីរ៉ង់ Khatam al-Anbiya បានព្រមានទុកមុនថា អ៊ីរ៉ង់នឹងមិនស្ទាក់ស្ទើរឡើយ ក្នុងការចាត់វិធានការទប់ស្កាត់ការឈ្លានពាន និងការរំលោភបំពានណាមួយដោយយោធាអាមេរិក និងអ្នកគាំទ្ររបស់ខ្លួន ដើម្បី​ការពារអធិបតេយ្យភាពរបស់ខ្លួននៅ​ច្រកសមុទ្រ Hormuz ។ ទីស្នាក់ការកណ្តាលនេះ​ បានពិពណ៌នាច្រកសមុទ្រ Hormuz ថា ជា “ទឹកដីអធិបតេយ្យរបស់សាធារណរដ្ឋអ៊ីស្លាមអ៊ីរ៉ង់” ហើយថា សន្តិសុខ និងស្ថិរភាពរបស់​ផ្លូវទឹកយុទ្ធសាស្ត្រនេះ​ បង្កើតបានជា “ខ្សែបន្ទាត់​ក្រហម” សម្រាប់កងកម្លាំងប្រដាប់អាវុធរបស់អ៊ីរ៉ង់ ៕ ប្រភព ៖ Anadolu…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រកាសព្រមានធ្ងន់ៗថា ទីក្រុងវ៉ាស៊ីនតោននឹងមិនអនុញ្ញាតឱ្យប្រទេសចិន អាចគ្រប់គ្រងផ្តាច់មុខ ឬពង្រីកឥទ្ធិពលលើព្រែកជីក Panama ដែលជាផ្លូវទឹកយុទ្ធសាស្ត្រមួយរបស់ពិភពលោកបានជាដាច់ខាត ។ លោក ត្រាំ ថែមទាំងបានសម្តែងការសោកស្តាយ ដែលសហរដ្ឋអាមេរិកប្រគល់សិទ្ធិគ្រប់គ្រងព្រែកជីក Panama ទៅឱ្យប្រទេសប៉ាណាម៉ា ដោយលោកបានចោទប្រកាន់ប្រទេសនេះថា បានដំឡើងថ្លៃសេវាឆ្លងកាត់យ៉ាងគំហុក បន្ទាប់ពីការផ្ទេរសិទ្ធិ ។ ការលើកឡើងរបស់លោក ត្រាំ គឺសំដៅលើសន្ធិសញ្ញា Torrijos-Carter ឆ្នាំ១៩៧៧ ដែលកាលនោះ សហរដ្ឋអាមេរិកបានយល់ព្រមផ្ទេរសិទ្ធិគ្រប់គ្រងព្រែកជីកប៉ាណាម៉ា ។ ការប្រគល់នេះ ត្រូវបានបិទបញ្ចប់ជាស្ថាពរនៅក្នុងឆ្នាំ១៩៩៩ បន្ទាប់ពីសហរដ្ឋអាមេរិក ដែលជាអ្នកកសាងព្រែកជីកនេះឡើងក្នុងឆ្នាំ១៩១៤ បានផ្ទេរការគ្រប់គ្រងទាំងស្រុង នៃផ្លូវទឹកយុទ្ធសាស្ត្រនេះទៅឱ្យប្រទេសប៉ាណាម៉ា ។ បើតាម Wio News, ព្រែកជីក Panama គឺជាផ្លូវនាវាចរណ៍ដ៏មមាញឹកបំផុតមួយ និងមានសារៈសំខាន់ជាយុទ្ធសាស្ត្របំផុតនៅលើពិភពលោក ។ ជារៀងរាល់ឆ្នាំ ទំហំពាណិជ្ជកម្មតាមច្រកសមុទ្រជាសកលប្រមាណ ៥% ត្រូវឆ្លងកាត់ព្រែកជីកនេះ ជាមួយនឹងការដឹកជញ្ជូនទំនិញមានតម្លៃសរុបប្រហែល ២៧០ពាន់លានដុល្លារ ។ លើសពីនេះ ព្រែកជីក…

វ៉ាស៊ីនតោន ៖ ប្រធានាធិបតីនៃសហរដ្ឋអាមេរិក លោក ដូណាល់ ត្រាំ ចង់បានកិច្ចព្រមព្រៀងសន្តិភាពមួយ ដើម្បីបញ្ចប់ការសម្លាប់រង្គាលដោយគ្មានន័យ នៅក្នុងប្រទេសអ៊ុយក្រែន នេះបើតាមការបញ្ជាក់របស់មន្រ្តីជាន់ខ្ពស់អាមេរិកមួយរូបកាលពីថ្ងៃ ព្រហស្បតិ៍ ។ បំណងប្រាថ្នារបស់លោក ត្រាំ កើតឡើងបន្ទាប់ពីរុស្ស៊ីបានធ្វើការវាយប្រហារយ៉ាងចាស់ដៃលើរដ្ឋធានីកៀវ ដែលជាបេះដូងរបស់ប្រទេសអ៊ុយក្រែន បានបណ្តាលឱ្យមនុស្សចំនួន ២១នាក់បាត់បង់ជីវិត ។ បើតាម AFP, មន្រ្តីជាន់ខ្ពស់អាមេរិកម្នាក់សុំមិនបញ្ចេញឈ្មោះបានប្រាប់អ្នកកាសែតថា លោកប្រធានាធិបតី ត្រាំ មានបេះដូងមនុស្សធម៌ និងចង់ឃើញសង្គ្រាមរុស្ស៊ី-អ៊ុយក្រែនបិទបញ្ចប់ ដើម្បីកុំឱ្យមានការសម្លាប់រង្គាលដោយគ្មានន័យបែបនេះបន្តទៀត ។ មន្ត្រីដដែលបន្ថែមថា លោកប្រធានាធិបតី និងក្រុមការងាររបស់គាត់ បានខិតខំប្រឹងប្រែងយ៉ាងខ្លាំង ក្នុងការបញ្ចប់សង្គ្រាមដ៏ធំនៅអឺរ៉ុបមួយនេះ ហើយលោកនៅតែមានសុទិដ្ឋិនិយមថា យើងនឹងអាចសម្រេចបាននូវកិច្ចព្រមព្រៀងសន្តិភាពមួយនៅទីបំផុត ។ គួរបញ្ជាក់ថា ភ្លើងសង្គ្រាមរវាងទីក្រុងមូស្គូ និងទីក្រុងកៀវ បានចាប់ផ្តើមឆាបឆេះឡើង តាមរយៈការឈ្លានពានទ្រង់ទ្រាយធំរបស់រុស្ស៊ីប្រឆាំងនឹងអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២ គិតមកដល់ឆ្នាំ ២០២៦នេះ គឺមានរយៈពេលជាង ៤ ឆ្នាំហើយ ។ អំពើហិង្សាប្រដាប់អាវុធនេះ ត្រូវបានគេចាត់ទុកថា ជាជម្លោះយោធាដ៏ធំបំផុតនៅក្នុងទ្វីបអឺរ៉ុប ចាប់តាំងពីការបញ្ចប់សង្គ្រាមលោកលើកទីពីរមក ៕…

កៀវ ៖ ប្រធានាធិបតីអ៊ុយក្រែន លោក Volodymyr Zelensky កាលពីថ្ងៃព្រហស្បតិ៍ បានជំរុញការមានសម្រេចចិត្តបង្កើនល្បឿនជំនួយការពារដែនអាកាស សម្រាប់ទីក្រុងកៀវ នៅឯកិច្ចប្រជុំកំពូល របស់អង្គការយោធាណាតូ នាពេលខាងមុខ។ ការអំពាវនាវ របស់មេដឹកនាំអ៊ុយក្រែន ដល់សម្ព័ន្ធមិត្ត ឱ្យពិភាក្សាអំពីការបង្កើនល្បឿនជំនួយការពារដែនអាកាស សម្រាប់ប្រទេសដែលរងការបំផ្លិចបំផ្លាញដោយសង្គ្រាមមួយនេះ ស្របពេល កិច្ចប្រជុំកំពូលណាតូ នឹងត្រូវរៀបចំឡើង នៅប្រទេសតួកគី នាសប្តាហ៍ក្រោយ ហើយ ក៏ជាការជំរុញ បន្ទាប់ពីការវាយប្រហាររបស់រុស្ស៊ី ដែលបានសម្លាប់មនុស្ស ២១នាក់ នៅទីក្រុងកៀវ។ លោក Zelensky បានមានប្រសាសន៍ នៅក្នុងសុន្ទរកថាប្រចាំថ្ងៃ របស់លោកថា «ក្នុងរយៈពេលប៉ុន្មានថ្ងៃ ខាងមុខនេះ នឹងមានកិច្ចប្រជុំកំពូលណាតូ និងកិច្ចប្រជុំផ្សេងទៀត ហើយការការពារដែនអាកាស និង មីស៊ីល ត្រូវតែជាលទ្ធផលសំខាន់មួយ»។ ជាមួយនឹង រយៈពេលជាងបួនឆ្នាំ បន្ទាប់ពីការចាប់ផ្តើមនៃការឈ្លានពានរបស់រុស្ស៊ី លើអ៊ុយក្រែន, ការវាយប្រហារ ពីភាគីទាំងពីរ កើតឡើង ជារៀងរាល់ថ្ងៃ ហើយបន្តឆក់យកចំនួនជនរងគ្រោះស៊ីវិល កាន់តែច្រើនឡើងៗ។ កិច្ចខិតខំប្រឹងប្រែងផ្នែកការទូត ដែលសម្របសម្រួលដោយសហរដ្ឋអាមេរិក បានជាប់គាំង ចាប់តាំងពីចុងខែកុម្ភៈ…

បរទេស ៖ នៅទីបំផុត តម្លៃប្រេងអន្តរជាតិបានធ្លាក់ចុះ មកដល់កម្រិតធម្មតា មុនពេលមានសង្គ្រាមអ៊ីរ៉ង់វិញហើយ ពោលគឺចំពេលដែលមានក្តីសង្ឃឹម កាន់តែខ្លាំងឡើង សម្រាប់ការទម្លាយភាពទាល់ច្រក ក្នុងការចរចាដែលមានគោលបំណងសម្រេចជាស្ថាពរ នូវកិច្ចព្រមព្រៀងសន្តិភាពអចិន្ត្រៃយ៍។ នេះបើតាមការចេញផ្សាយ របស់ Al Jazeera។ តម្លៃប្រេងឆៅប្រភេទ Brent បានបន្តធ្លាក់ចុះជាង ១ ភាគរយ បន្ថែមទៀត នៅថ្ងៃព្រហស្បតិ៍នេះ ពោលគឺ នៅតម្លៃ ៧០.៨២ដុល្លារ ក្នុងមួយបារ៉ែល ដែលធ្វើឲ្យតម្លៃស្តង់ដារអន្តរជាតិ ត្រឡប់ទៅរកដូចកម្រិត មុនពេលកើតមានសង្គ្រាមមជ្ឈិមបូព៌ា។ បន្ទាប់ពីការធ្លាក់ចុះ ចុងក្រោយនេះ, តម្លៃប្រេងប្រភេទ Brent បានធ្លាក់ចុះជាង ៣៨ ភាគរយ ពីកម្រិតកំពូលអំឡុងសង្គ្រាម ដែលធ្លាប់ហក់ឡើងដល់ តម្លៃជាង ១២៦ ដុល្លារ ក្នុងមួយបារ៉ែល កាលពីថ្ងៃទី៣០ ខែមេសា។ ការចុះទាបជាងពេលណាៗទាំងអស់ ចាប់តាំងពីថ្ងៃទី២៧ ខែកុម្ភៈ លើកនេះ បានកើតមានឡើង បន្ទាប់ពីប្រទេសកាតា ដែលជាអ្នកសម្របសម្រួលដ៏សំខាន់ រវាងទីក្រុងវ៉ាស៊ីនតោន និងទីក្រុងតេហេរ៉ង់ បាននិយាយថា មន្ត្រីអាមេរិក…

មូស្គូ ៖ ប្រទេសរុស្ស៊ីត្រៀមដាក់ដំណើរការឡើងវិញ នូវនាវាចម្បាំងដើរដោយថាមពលនុយក្លេអ៊ែរ មានទម្ងន់ដល់ទៅ ២៨,០០០ តោន ។ នាវានេះមានឈ្មោះថា Admiral Nakhimov ជានាវាចម្បាំងដ៏មានឥទ្ធិពលបំផុតរបស់រុស្ស៊ី ។ បច្ចុប្បន្ន វាកំពុងស្ថិតក្រោមការសាកល្បងដំណាក់កាលចុងក្រោយនៅលើផ្ទៃសមុទ្រ បន្ទាប់ពីបានឆ្លងកាត់ជួសជុល និងកែច្នៃឡើងវិញនៅក្នុងរោងចក្រផលិតនាវា Sevmash ។ ក្នុងការជួសជុល និងកែច្នៃឡើងវិញនេះ រុស្ស៊ីបានចំណាយពេលជិត ៣ ទសវត្សរ៍ និងថវិកាប្រហែល ៥ ពាន់លានដុល្លារ ។ ការកែលម្អនេះ ត្រូវបានគេចាត់ទុកថា ជាការធ្វើទំនើបកម្មដ៏ធំបំផុតមិនធ្លាប់មានសម្រាប់នាវាចម្បាំងរបស់រុស្ស៊ី ដោយវាត្រូវបានបំពាក់ជាមួយប្រព័ន្ធប្រយុទ្ធ និង censor ដ៏ទំនើប ជាពិសេសគ្រាប់មីស៊ីលជំនាន់ថ្មី ក្នុងគោលបំណងបង្កើនអាយុកាលបម្រើការងារបានរាប់ទសវត្សរ៍ទៅមុខទៀត ។ បើតាម Interesting engineering, នាវាចម្បាំង Admiral Nakhimov អាចរត់លើផ្ទៃទឹកក្នុងល្បឿនប្រហែល ៥៩ គីឡូម៉ែត្រក្នុងមួយម៉ោង ដែលធ្វើឱ្យវាក្លាយជានាវាពិឃាតខ្នាតធំ មានល្បឿនលឿនបំផុតមួយក្នុងពិភពលោក ។ បំពាក់ដោយម៉ាស៊ីនប្រតិកម្មនុយក្លេអ៊ែរ KN-3 ចំនួនពីរ ជំរុញឱ្យវាអាចរត់លឿនជាងនាវាពិឃាត នាវាផ្ទុកយន្តហោះ…