ន្ត្រីជំនាញព្រំដែនកម្ពុជាបានថ្លែងថា កងទ័ពភូមិន្ទថៃកំពុងព្យាយាមបង្កើតផែនទីថ្មីមួយ ក្នុងគោលបំណងបញ្ចូលតំបន់ដែលខ្លួនបានឈ្លានពាន និងកំពុងកាន់កាប់ដោយខុសច្បាប់ ឱ្យទៅជាទឹកដីរបស់ថៃ។ ទោះបីជាប្រទេសថៃ ខំប្រឹងកែប្រែឯកសារព្រំដែនប្រវត្តិសាស្ត្រ និងសូម្បីតែផែនទីផ្ទាល់ខ្លួនរបស់ថៃខ្លួនឯង ក៏បានបង្ហាញយ៉ាងច្បាស់ថា ប្រាសាទខ្នារ និងប្រាសាទបុរាណដទៃទៀតនៅតាមបណ្តោយជួរភ្នំដងរែក គឺស្ថិតនៅក្នុងទឹកដីកម្ពុជា។ នេះជាការគូសបញ្ជាក់របស់មន្រ្តីជំនាញព្រំដែនកម្ពុជា។ ឯកឧត្តម អ៊ិត សុត្ថា រដ្ឋលេខាធិការដ្ឋានកិច្ចការព្រំដែនកម្ពុជា  បានលើកឡើងនៅក្នុងកិច្ចសម្ភាសរបស់ទូរទស្សន៍ជាតិថ្មីៗនេះថា ខ្សែបន្ទាត់ព្រំដែនកម្ពុជា-ថៃ ត្រូវបានបង្កើតឡើងដោយស្របច្បាប់រួចរាល់ហើយ តាមរយៈសន្ធិសញ្ញា អនុសញ្ញា ផែនទី និងបង្គោលព្រំដែន តាំងពីដើមសតវត្សរ៍ទី២០ មកម៉្លេះ។ ឯកឧត្តម បានសង្កត់ធ្ងន់ថា ព្រំដែនកម្ពុជា-ថៃ គឺជាព្រំដែនអន្តរជាតិ ដែលត្រូវបានកំណត់ឡើងនៅដើមសតវត្សរ៍ទី២០ តាមរយៈការខណ្ឌសីមា និងការបោះបង្គោលព្រំដែនចំនួន ៧៤បង្គោល។ ដំណើរការនេះគឺផ្អែកលើអនុសញ្ញា សន្ធិសញ្ញា ផែនទី កំណត់ហេតុបង្គោលព្រំដែន និងឯកសារពាក់ព័ន្ធផ្សេងៗទៀត រួមទាំងការខណ្ឌសីមាជាក់ស្តែងនៅលើដី។ អ្នកជំនាញដដែលបានលើកពីប្រាសាទខ្នារ គឺស្ថិតនៅក្នុងទឹកដីកម្ពុជា ដោយយោងតាមផែនទីផ្លូវការខ្នាត ១ លើ ២០០ពាន់ ដែលផលិតឡើងដោយគណៈកម្មការចម្រុះខណ្ឌសីមាព្រំដែន បារាំង-សៀម។ ការដកស្រង់រូបភាពពីផ្កាយរណបបង្ហាញថា ទាំងការបកស្រាយខ្សែបន្ទាត់ព្រំដែនរបស់កម្ពុជា និងផែនទីខ្នាត ១ លើ ៥០ពាន់ ដែលថៃផលិតឡើងជាឯកតោភាគី សុទ្ធតែបានបង្ហាញថាប្រាសាទនេះស្ថិតនៅក្នុងដីកម្ពុជាដូចគ្នា។ មន្រ្តីជំនាញកិច្ចការព្រំដែនកម្ពុជា អះអាងថា ទោះបីថៃព្យាយាមគូសផែនទីថ្មីប្រភេទណាក៏ដោយ ក៏ផែនទីទាំងនោះគ្មានតម្លៃ ឬអនុភាពតាមផ្លូវច្បាប់នោះឡើយ៕…

នៅក្នុងជំនួបជាមួយឯកឧត្តម លឿង តាមក្វាង រដ្ឋមន្ត្រីក្រសួងនគរបាលវៀតណាម នៅវិមានសាមគ្គីភាព នៃព្រឹទ្ធសភា កាលពីរសៀលថ្ងៃទី៣០ ខែមិថុនា ​សម្ដេចតេជោ ហ៊ុន សែន ប្រមុខរដ្ឋស្ដីទី បានជំរុញឱ្យកម្ពុជា និងវៀតណាម ជាពិសេសអាជ្ញាធរនៅតាមមូលដ្ឋាន ត្រូវសហការគ្នាជាប្រចាំ ដើម្បីធានាសន្តិសុខនៅតាមបណ្តោយ​ព្រំដែន។ យោងតាមឯកឧត្តម ជា ធីរិទ្ធ អ្នកនាំពាក្យព្រឹទ្ធសភា សម្ដេចតេជោ បានជំរុញឱ្យប្រទេសទាំងពីរ សហការគ្នាថែរក្សា ការពារខ្សែបន្ទាត់ព្រំដែនមិត្តភាព សន្តិភាព ស្ថិរភាព សហប្រតិបត្តិការ និងការអភិវឌ្ឍ ដែលជាលក្ខខណ្ឌគ្រឹះមិនអាចខ្វះបានក្នុងការបង្កលក្ខណៈងាយស្រួលដល់ការដោះដូរពាណិជ្ជកម្ម និងលើកកម្ពស់ជីវភាពប្រជាជននៃប្រទេសទាំងពីរ។ នៅក្នុងជំនួបនេះ ឯកឧត្តម លឿង តាមក្វាង រដ្ឋមន្ត្រីក្រសួងនគរបាលវៀតណាម បានលើកឡើងពីចំណងមិត្តភាពរវាងប្រទេសកម្ពុជា ឡាវ និងវៀតណាម ជាពិសេសរវាងកម្ពុជា និងវៀតណាម ដែលមានទំនាក់ទំនងប្រពៃណីជាយូរលង់មកហើយ។ ឯកឧត្តម​បញ្ជាក់ថា ដើម្បីធានាភាពសុខសាន្តនៃប្រជាជាតិទាំងពីរ កម្ពុជា និងវៀតណាមត្រូវតែជួយជ្រោមជ្រែងគ្នាទៅវិញទៅមក និងត្រូវហាមឃាត់ដាច់ខាតមិនឱ្យកម្លាំងអរិភាពណាមួយ ប្រើប្រាស់ទឹកដីនៃប្រទេសមួយ ដើម្បីបំផ្លិចបំផ្លាញសន្តិសុខនៃប្រទេសមួយទៀតឡើយ។ ត្រង់ចំណុចនេះ សម្ដេចតេជោ ហ៊ុន សែន បានគាំទ្រការលើកឡើងរបស់ភាគីវៀតណាម ដោយសម្តេចបញ្ជាក់បន្ថែមថា ចំណុចដែលត្រូវចៀសវាងឱ្យខាងតែបាន គឺការការពារកុំឱ្យមានការប្រើប្រាស់កម្លាំងលើទឹកដីវៀតណាមដើម្បីប្រឆាំងកម្ពុជា ឬប្រើប្រាស់ទឹកដីកម្ពុជាដើម្បីប្រឆាំងវៀតណាម។ សម្តេចតេជោក៏បានសង្កត់ធ្ងន់លើការរួមគ្នាប្រឆាំងទៅនឹងព័ត៌មានក្លែងក្លាយ…

រាជរដ្ឋាភិបាលកម្ពុជាប្រកាសផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅតាមដងទន្លេសាប មុខព្រះបរមរាជវាំង ដែលគ្រោងប្រព្រឹត្តទៅចាប់ពីថ្ងៃទី២៣ ដល់ថ្ងៃទី២៥ ខែវិច្ឆិកា ឆ្នាំ២០២៦ខាងមុខ។ យោងតាមសារាចរណែនាំ ដែលចុះហត្ថលេខានៅថ្ងៃទី២៥មិថុនា ដោយសម្តេចមហាបវរធិបតី ហ៊ុន ម៉ាណែត មូលហេតុចម្បងនៃការសម្រេចផ្អាកនេះ គឺដោយសាររាជរដ្ឋាភិបាលត្រូវបន្តយកចិត្តទុកដាក់ខ្ពស់លើស្ថានការណ៍ចំពោះមុខនៅតាមព្រំដែន និងការដោះស្រាយបញ្ហានានាជូនប្រជាពលរដ្ឋភៀសសឹក រួមទាំងការងារអាទិភាពចាំបាច់មួយចំនួនទៀត។ ទោះជាយ៉ាងណា​ ការរៀបចំពិធីបុណ្យអុំទូកនៅតាមបណ្តាខេត្តនានា អាចប្រព្រឹត្តទៅបានជាធម្មតា តាមទំនៀមទម្លាប់ប្រពៃណី និងតាមលទ្ធភាពជាក់ស្តែងរបស់អាជ្ញាធរ និងប្រជាពលរដ្ឋ។ ក្រៅពីនេះ ថ្ងៃឈប់សម្រាកចំនួន ៣ ថ្ងៃ សម្រាប់មន្ត្រីរាជការ និយោជិត និងកម្មករ គឺនៅរក្សាទុកដដែល ទៅតាមប្រតិទិនឈប់សម្រាកប្រចាំឆ្នាំ២០២៦។ ម៉្យាងទៀត រាជរដ្ឋាភិបាលបានណែនាំដល់ក្រុមការងារចុះមូលដ្ឋានរាជធានី ខេត្ត និងរដ្ឋបាលរាជធានី ខេត្ត ត្រូវបន្តយកចិត្តទុកដាក់ខ្ពស់ចំពោះសុខទុក្ខ និងសហការដោះស្រាយបញ្ហានានាជូនប្រជាពលរដ្ឋភៀសសឹក ក៏ដូចជាយុទ្ធជននិងគ្រួសារយុទ្ធជន ដែលរងរបួស ពលី ហើយកំពុងឈរជើងការពារទឹកដី ព្រមទាំងអតីតយុទ្ធជន នៅតាមមូលដ្ឋានរៀងៗខ្លួន។ ដោយឡែក ក្រសួងការងារនិងបណ្តុះបណ្តាលវិជ្ជាជីវៈ ត្រូវបន្តជួយស្វែងរកឱកាសការងារជូនពលករខ្មែរដែលបានវិលត្រឡប់មកពីប្រទេសថៃវិញ និងសហការជាមួយស្ថាប័នពាក់ព័ន្ធ ដើម្បីផ្សព្វផ្សាយឱកាសការងារដល់ប្រជាពលរដ្ឋ ជាពិសេសពលករខ្មែរនៅតាមមូលដ្ឋាននីមួយៗ។ លើសពីនេះទៅទៀត គ្រប់ក្រសួង និងស្ថាប័នពាក់ព័ន្ធ ត្រូវយកចិត្តទុកដាក់ចំពោះជីវភាពរស់នៅប្រចាំថ្ងៃរបស់ប្រជាពលរដ្ឋ និងត្រូវបន្តខិតខំជំរុញសេដ្ឋកិច្ចមូលដ្ឋាន ធានាស្ថិរភាពតម្លៃ ខ្សែច្រវាក់ផលិតកម្ម…

ភ្នំពេញ៖ ក្រសួងប្រៃសណីយ៍និងទូរគមនាគមន៍ បានឱ្យដឹងថា ដើម្បីចូលរួមកាត់បន្ថយនិងទប់ស្កាត់ការនាំចូល ទូរសព្ទចល័ត ឬឧបករណ៍ទូរគមនាគមន៍ដែលប្រើស៊ីម (“ឧបករណ៍ប្រើស៊ីម”) ក្រៅផ្លូវការ សំដៅការពារផលប្រយោជន៍និងសុវត្ថិភាពអ្នកប្រើប្រាស់ ពង្រឹងគុណភាពសេវាទូរគមនាគមន៍ លើកកម្ពស់ការប្រកួតប្រជែងដោយស្មោះត្រង់ និងកំណត់អត្តសញ្ញាណនៃទូរសព្ទចល័ត ឬឧបករណ៍ប្រើស៊ីម ក.ប.ទ. នឹងដាក់ឱ្យដំណើរការ ប្រព័ន្ធចុះបញ្ជីអត្តសញ្ញាណឧបករណ៍ទូរគមនាគមន៍ប្រើស៊ីម (Equipment Identity Registration System – EIRS) ចាប់ពី ថ្ងៃទី១ ខែកក្កដា ឆ្នាំ២០២៦ នេះតទៅ។ នៅក្នុង ជំហានដំបូង នៃការដាក់ឱ្យដំណើរការនេះ ប្រព័ន្ធ EIRS នឹងបើកឱ្យសាធារណជនប្រើប្រាស់ “មុខងារពិនិត្យស្ថានភាពលេខអាយម៉ី (International Mobile Equipment Identity – IMEI)” ដោយឥតគិតថ្លៃ ក្នុងនោះ ១) អាចត្រួតពិនិត្យអំពីទូរសព្ទចល័ត ឬឧបករណ៍ប្រើស៊ីមនៅលើទីផ្សារ ពិតជាមានស្តង់ដានិងមានគុណភាព មុននឹងសម្រេចចិត្តទិញប្រើប្រាស់ និង ២) អាចត្រួតពិនិត្យអំពីស្ថានភាពទូរសព្ទចល័ត ឬឧបករណ៍ប្រើស៊ីមដែលខ្លួនកំពុងប្រើប្រាស់។ ការពិនិត្យស្ថានភាពលេខអាយម៉ី អាចធ្វើតាមវិធីសាស្ត្រដូចខាងក្រោម៖ ក. ការស្វែងរកលេខអាយម៉ីដែលមានចំនួន…