ខេត្តព្រះសីហនុ៖កាលពីថ្ងៃទី២៦ ខែមិថុនា ឆ្នាំ២០២៦ លោក អ៊ុក វណ្ណឌី អគ្គនាយករងនៃអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន ក្រសួងប្រៃសណីយ៍និងទូរគមនាគមន៍ និង លោក មីន កុម្ភៈ អភិបាលរងនៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងវគ្គបណ្ដុះបណ្ដាលស្ដីពី “ការគ្រប់គ្រងសុវត្ថិភាពឌីជីថល និងការបង្ការការឆបោកតាមប្រព័ន្ធអនឡាញ” នៅសណ្ឋាគារឆ្នេរថ្មី ខេត្តព្រះសីហនុ ដែលមានការអញ្ជើញចូលរួមពីមន្ត្រី និងបុគ្គលិកសរុបប្រមាណ ៦០រូប មកពីមន្ទីរ រដ្ឋបាលថ្នាក់មូលដ្ឋាន និងកងរាជអាវុធហត្ថខេត្តព្រះសីហនុ។ វគ្គបណ្ដុះបណ្ដាលនេះ រៀបចំឡើងក្នុងគោលបំណងពង្រឹងការយល់ដឹង និងលើកកម្ពស់ការអនុវត្តអនាម័យសាយប័រ (cybersecurity hygiene) ដល់សិក្ខាកាម ដើម្បីបង្កើតទម្លាប់ប្រើប្រាស់បច្ចេកវិទ្យាឌីជីថលប្រកបដោយសុវត្ថិភាព កាត់បន្ថយហានិភ័យពីឧក្រិដ្ឋកម្មសាយប័រ និងការឆបោកតាមប្រព័ន្ធអនឡាញ ព្រមទាំងពង្រឹងសមត្ថភាពក្នុងការការពារខ្លួន និងការពារព័ត៌មានសំខាន់របស់ស្ថាប័ន។ លើសពីនេះ វគ្គបណ្ដុះបណ្ដាលក៏មានគោលបំណងជំរុញឱ្យសិក្ខាកាមក្លាយជាអ្នកផ្សព្វផ្សាយចំណេះដឹង និងរួមចំណែកបង្កើតវប្បធម៌សុវត្ថិភាពសាយប័រនៅក្នុងស្ថាប័នផងដែរ។ បន្ថែមលើនេះ វគ្គបណ្ដុះបណ្ដាលបានផ្ដោតលើការបង្កើតទម្លាប់ល្អលើប្រព័ន្ធអនឡាញ ការការពារគណនី និងឧបករណ៍ឌីជីថល ដោយរួមមានការបង្កើតពាក្យសម្ងាត់រឹងមាំ ការប្រើប្រាស់ប្រព័ន្ធផ្ទៀងផ្ទាត់ពីរជំហាន (2FA) ការរៀបចំសុវត្ថិភាពលើកម្មវិធី Telegram ការប្រើប្រាស់បណ្ដាញ WiFi ប្រកបដោយសុវត្ថិភាព និងការការពារគណនី Mobile Banking។ លើសពីនេះ សិក្ខាកាមក៏បានសិក្សាអំពីល្បិចកល…

ភ្នំពេញ៖ កាលពីថ្ងៃទី២៤ ខែមិថុនា ឆ្នាំ២០២៦ ឯកឧត្តម ខូវ មករា រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីបិទវគ្គបណ្ដុះបណ្ដាលលើកទី៣ ស្ដីពី “ការណែនាំសម្រាប់ការបង្កើតក្រុម CSIRT និងការដោះស្រាយឧប្បត្តិហេតុ” នៅសណ្ឋាគារ ត្រែបភ្នំពេញ រាជធានីភ្នំពេញ ដែលមានការអញ្ជើញចូលរួមពីមន្ត្រីរាជការ និងបុគ្គលិកបច្ចេកទេសសន្តិសុខសាយប័រសរុបប្រមាណ ៤៥រូប មកពីបណ្ដាក្រសួង-ស្ថាប័នរដ្ឋពាក់ព័ន្ធ ប្រតិបត្តិករហេដ្ឋារចនាសម្ព័ន្ធព័ត៌មានសំខាន់ៗ និងគ្រឹះស្ថានអប់រំចំនួន ២២ស្ថាប័ន។ វគ្គបណ្ដុះបណ្ដាលនេះរៀបចំឡើងក្នុងគោលបំណងផ្ដល់ជូនសិក្ខាកាមនូវចំណេះដឹង និងជំនាញចាំបាច់សម្រាប់ការបង្កើត និងការដំណើរការក្រុមឆ្លើយតបឧប្បត្តិហេតុសន្តិសុខកុំព្យូទ័រ (CSIRT) ប្រកបដោយប្រសិទ្ធភាព។ តាមរយៈកម្មវិធីសិក្សា សិក្ខាកាមនឹងស្វែងយល់អំពីគោលការណ៍សំខាន់ៗនៃការរៀបចំក្រុម CSIRT ការរៀបចំតួនាទី និងការទទួលខុសត្រូវ ការបង្កើតនីតិវិធីប្រតិបត្តិការស្តង់ដារ (Standard Operating Procedures: SOPs) ព្រមទាំងគោលការណ៍ និងដំណាក់កាលនៃការឆ្លើយតបឧប្បត្តិហេតុសាយប័រ ដើម្បីពង្រឹងសមត្ថភាពរបស់ស្ថាប័នក្នុងការគ្រប់គ្រង និងកាត់បន្ថយផលប៉ះពាល់ពីការវាយប្រហារសាយប័រ។ *សូមជម្រាបជូនថា វគ្គបណ្ដុះបណ្ដាលនេះ រៀបចំឡើងនៅក្រោមគម្រោងលើកកម្ពស់ភាពធន់នៃសន្តិសុខសាយប័រនៃព្រះរាជាណាចក្រកម្ពុជា ដែលជាគម្រោងទទួលបានជំនួយបច្ចេកទេស និងការគាំទ្រពីរដ្ឋាភិបាលជប៉ុនតាមរយៈភ្នាក់ងារសហប្រតិបត្តិការអន្តរជាតិជប៉ុនប្រចាំកម្ពុជា និងជាការចូលរួមចំណែកដល់ការអនុវត្តគោលនយោបាយជាតិផ្តោតលើការលើកកម្ពស់ការអភិវឌ្ឍសមត្ថភាពដល់មន្ត្រីរាជការជំនាញនៅតាមក្រសួង-ស្ថាប័នរដ្ឋ លើជំនាញផ្នែកសន្តិសុខសាយប័រផងដែរ៕ ដោយ៖ង៉ាន់ ទិត្យ

កណ្ដាល៖សារមន្ទីរព្រះវិហារអដ្ឋរស្ស ត្រូវបានសម្ពោធ​អមជាមួយពិធី​ពុទ្ធាភិសេកព្រះបដិមាព្រះសម្មាសម្ពុទ្ធអង្គធំ ស្ថិត​ក្នុង​រមណីយ​ដ្ឋាន​ភ្នំព្រះរាជទ្រព្យ ឃុំផ្សារដែក ស្រុក​ពញាឮ​ ខេត្តកណ្ដាល នៅថ្ងៃ​ចន្ទទី២៩ ខែមិថុនា ឆ្នាំ២០២៦នេះ​ក្រោម​វត្តមានចូលរួមពី​លោកជំទាវ​បណ្ឌិត ពេជ ចន្ទមុន្នី ហ៊ុន ម៉ាណែត តំណាងដ៏ខ្ពង់ខ្ពស់សម្ដេចធិបតី ហ៊ុន ម៉ាណែត នាយករដ្ឋមន្ត្រី​កម្ពុជា ។ ព្រះវិហារជា​ទី​សក្ការៈបូជាដ៏មានវ័យចំណាស់មួយនេះ ត្រូវ​បានសាង​សង់​ឡើង​ដំបូង​នៅ​ស.វ​ទី​១៧​ នាសម័យឧដុង្គ ដោយ​សង់​លើគ្រឹះប្រាសាទចាស់នាស.វទី១១ សម័យអង្គរ ក្នុង​រចនា​បថ​ឃ្លាំង​ ។ព្រះវិហារដ៏ធំស្កឹមស្កៃមានបណ្តោយ ៣៩.២ម៉ែត្រ, ទទឹង ២២.៣​ម៉ែត្រ និង​កម្ពស់​២៣.៦ម៉ែត្រ ។នៅខាងក្នុងព្រះវិហារ មានព្រះពុទ្ធរូប​មួយអង្គធំកម្ពស់ ១៨ហត្ថ (១៦.៧៩​ម៉ែត្រ​រាប់​ទាំង​កម្ពស់បល្ល័ង្គ)ដែល​មានន័យថា អដ្ឋរស្សទើបព្រះវិហារនេះត្រូវបានហៅថា ព្រះវិហារ​អដ្ឋរស្ស​។ ប្រធានយកដ្ឋានសារមន្ទីរ នៃក្រសួងវប្បធម៌ និងវិចិត្រសិល្បៈ លោក ឆាយ វិសុទ្ធ បានអធិប្បាយថា ​ដោយសារមើលឃើញថា ទីតាំងនេះ​មានសារសំខាន់ ក្រសួងវប្បធម៌ និងវិចិត្រិសិល្បៈ បានរៀប​ចំ​ជា​កន្លែងផ្សព្វផ្សាយពីប្រវត្តិអតីតរដ្ឋធានីឧដុង្គ ជាពិសេស ប្រវត្តិសាស្ត្រ​ភ្នំឧដុង្គ ដែលមា​ន​សល់​សំណល់​ជា​ច្រើនពាក់ព័ន្ធនឹងព្រះចេតិយ ។ លោកបានបន្តថា ក្រោយពីទុកចោលជាច្រើនឆ្នាំ ក្រសួងបានរៀបចំ​ប្រែក្លាយ​ព្រះវិហារនេះ ទៅជាសារមន្ទីរព្រះវិហារអដ្ឋរស្ស ឱ្យមានជីវិត​ឡើងវិញ ទុកជាទីកន្លែងសក្ការបូជាសម្រាប់ពុទ្ធបរិស័ទ ។គោលបំណង​មួយទៀត…

កម្ពុជា លើកទឹកចិត្តឲ្យវិនិយោគិនចិន បន្តស្វែងរកឱកាសវិនិយោគផ្ទាល់ និងពង្រីកការវិនិយោគនៅក្នុងប្រទេសកម្ពុជា ពិសេសលើគម្រោងបច្ចេកវិទ្យាបៃតង នវានុវត្តន៍ឌីជីថល បញ្ញាសិប្បនិម្មិត(AI) រួមទាំងបច្ចេកវិទ្យាយានអាកាសគ្មានមនុស្សបើក (Drone) ដើម្បីរួមចំណែកជំរុញការធ្វើទំនើបកម្មសេដ្ឋកិច្ចរបស់កម្ពុជា។ ការជំរុញខាងលើនេះ បានធ្វើឡើងក្នុងជំនួបរវាងឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា(CDC) ជាមួយបណ្ដាវិនិយោគិនចិនធំៗមួយចំនួន នៅទីក្រុងប៉េកាំង ប្រទេសចិន កាលពីពេលថ្មីៗនេះ។ ក្នុងឱកាសនោះ ឯកឧត្តម ស៊ុន ចាន់ថុល បានប្រាប់ក្រុមអ្នកវិនិយោគចិន ឱ្យបន្តសិក្សាស្វែងយល់ និងពង្រីកការវិនិយោគផ្ទាល់នៅកម្ពុជា ជាពិសេសលើគម្រោងបច្ចេកវិទ្យាបៃតង និងនវានុវត្តន៍ឌីជីថល ដើម្បីរួមចំណែកជំរុញការធ្វើទំនើបកម្មសេដ្ឋកិច្ចរបស់កម្ពុជា។ឯកឧត្តមបានបញ្ជាក់ថា ការវិនិយោគលើគម្រោងបច្ចេកវិទ្យាបៃតង និងនវានុវត្តន៍ឌីជីថល មិនត្រឹមតែគាំទ្រដល់ផែនការអន្តរកាលថាមពលស្អាតរបស់កម្ពុជាប៉ុណ្ណោះទេ ថែមទាំងជួយលើកកម្ពស់ខ្សែច្រវាក់តម្លៃឧស្សាហកម្ម និងអភិវឌ្ឍសមត្ថភាពបច្ចេកទេសក្នុងស្រុក ដើម្បីជំរុញ «របៀងអភិវឌ្ឍន៍ឧស្សាហកម្ម និងបច្ចេកវិទ្យា កម្ពុជា-ចិន» ឱ្យកាន់តែរឹងមាំ ប្រកបដោយបរិយាបន្ន និងចីរភាពថែមទៀតផង។ យោងតាមក្រុមប្រឹក្សាអភិវឌ្ឍន៍កម្ពុជា វិស័យសំខាន់ៗ ដែលឯកឧត្តម ស៊ុន ចាន់ថុល ជំរុញឲ្យវិនិយោគិនចិន បន្តបណ្ដាក់ទុននៅកម្ពុជា រួមមាន ការអភិវឌ្ឍថាមពលស្អាត ដូចជា វារីអគ្គិសនី ថាមពលខ្យល់…

រដ្ឋាភិបាលថៃ បានប្រកាសរក្សាទុកអនុស្សរណៈនៃការយោគយល់គ្នា ឆ្នាំ២០០០ ស្តីពីការវាស់វែង និងខណ្ឌសីមាព្រំដែនគោកជាមួយកម្ពុជា ដោយមិនលុបចោលនោះទេ​ ប៉ុន្តែថៃចង់ដោះស្រាយបញ្ហាព្រំដែនសមុទ្រជាមួយកម្ពុជាឲ្យចប់ជាមុនសិន តាមរយៈយន្តការផ្សះផ្សាដោយបង្ខំក្រោមអនុសញ្ញា UNCLOS​ មុននឹងវិលត្រឡប់មកដោះស្រាយបញ្ហាព្រំដែនគោកវិញតាមក្រោយ។ សារព័ត៌មានថៃបានដកស្រង់សម្តីលោក ស៊ីហាសាក់ ភុកកេតកែវ រដ្ឋមន្ត្រីក្រសួងការបរទេសថៃ ដែលនិយាយកាលពីថ្ងៃទី២៦ ខែមិថុនា ឆ្នាំ២០២៦ ថា ថៃគ្មានហេតុផលត្រូវលុបចោល MOU ឆ្នាំ២០០០ នោះទេ ហើយនឹងត្រឡប់មកដោះស្រាយព្រំដែនគោកវិញ ក្រោយបញ្ហាព្រំដែនសមុទ្រត្រូវបានដោះស្រាយរួចរាល់។ ការបញ្ជាក់នេះ ធ្វើឡើងបន្ទាប់ពីកងទ័ពថៃបានដឹកនាំក្រុមអ្នកសង្កេតការណ៍អាស៊ានចំនួន១៣រូប ចុះត្រួតពិនិត្យតំបន់តាមបណ្តាញព្រំដែនថៃ​ និងកម្ពុជា និងតំបន់ដែលរងផលប៉ះពាល់ដោយសារមីន។ កាលពីខែឧសភា សមាជិកព្រឹទ្ធសភាថៃម្នាក់បានស្នើឱ្យរដ្ឋាភិបាលលុបចោល MOU នេះ ហើយបានទាមទារមិនឱ្យប្រគល់ដី ដែលយោធាថៃទន្រ្ទានគ្រប់គ្រង ទៅឱ្យកម្ពុជាវិញទេ។ ​ លោកបណ្ឌិត ញិល រដ្ឋា អ្នកជំនាញភូមិសាស្ត្រនយោបាយ និងសេដ្ឋកិច្ចអន្តរជាតិ យល់ឃើញថា ការណ៍ដែលភាគីថៃមិនលុប MOU ឆ្នាំ២០០០ ស្តីពីព្រំដែនគោកជាមួយកម្ពុជា គឺដើម្បីកុំឱ្យកម្ពុជាមានលេសរុញបញ្ហានេះទៅដល់តុលាការយុត្តធម៌អន្តរជាតិ។  រដ្ឋលេខាធិការដ្ឋានកិច្ចការព្រំដែន បានព្រមានទុកមុនថា ការលុប MOU ឆ្នាំ២០០០ គឺជាអំពើរំលោភច្បាប់អន្តរជាតិ និងបង្កើតជាឧបសគ្គដល់ការដោះស្រាយបញ្ហាព្រំដែនរវាងប្រទេសទាំងពីរដោយសន្តិវិធី និងមិនអាចឈានទៅកសាងព្រំដែនមួយដែលមានស្ថិរភាព សន្តិភាព និងអភិវឌ្ឍន៍បានឡើយ។ សម្តេចធិបតីនាយករដ្ឋមន្ត្រី…

ធនាគារពិភពលោក (WB) បានអនុម័តកញ្ចប់ហិរញ្ញប្បទាន ចំនួន ១១៥លានដុល្លារអាមេរិក ដើម្បីគាំទ្រដល់ការផ្លាស់ប្តូររបស់កម្ពុជាទៅប្រើប្រាស់ថាមពលកកើតឡើងវិញ ដែលនឹងជួយពង្រឹងហេដ្ឋារចនាសម្ព័ន្ធថាមពល បង្កើនសមត្ថភាពប្រកួតប្រជែងរបស់វិស័យឧស្សាហកម្ម និងបង្កើតឱកាសថ្មីៗសម្រាប់អាជីវកម្ម និងការងារកម្ពុជា។ យោងតាមសេចក្តីប្រកាសព័ត៌មានរបស់ធនាគារពិភពលោក ដែលចេញផ្សាយកាលពីថ្ងៃទី២៧ ខែមិថុនា កញ្ចប់ហិរញ្ញប្បទាននេះ រួមមាន ឥណទានសម្បទានចំនួន ១១០លានដុល្លារ ពីសមាគម International Development Association របស់ធនាគារពិភពលោក និងជំនួយឥតសំណងចំនួន ៥លានដុល្លារ ពីកម្មវិធី Energy Sector Management Assistance Program។ ការវិនិយោគនេះនឹងផ្តល់អត្ថប្រយោជន៍ដល់អ្នកប្រើប្រាស់អគ្គិសនី ស្ថាប័នសាធារណៈ សហគ្រាសឧស្សាហកម្ម អ្នកអភិវឌ្ឍថាមពលកកើតឡើងវិញ ក្រុមហ៊ុនផ្តល់សេវាកម្ម និងអ្នកផ្គត់ផ្គង់បរិក្ខារសន្សំសំចៃថាមពល ព្រមទាំងបង្កើតការងារកាន់តែច្រើន និងមានគុណភាពនៅក្នុងវិស័យនេះ។ធនាគារពិភពលោក បញ្ជាក់ទៀតថា គម្រោងនេះមានគោលបំណងពន្លឿនការផ្លាស់ប្តូររបស់កម្ពុជាទៅកាន់សេដ្ឋកិច្ចបៃតង ដោយជួយឱ្យអាជីវកម្មទទួលបានអគ្គិសនីប្រកបដោយការជឿជាក់ តម្លៃសមរម្យ និងប្រសិទ្ធភាពកាន់តែខ្ពស់។ លោកស្រី Tania Meyer អ្នកគ្រប់គ្រងធនាគារពិភពលោកប្រចាំកម្ពុជា បានមានប្រសាសន៍ថា កម្ពុជាទទួលបានជោគជ័យគួរឲ្យកត់សម្គាល់ក្នុងការពង្រីកការទទួលបានអគ្គីសនី។ លោកស្រី បញ្ជាក់ថា គម្រោងនេះនឹងគាំទ្រដល់ការផ្លាស់ប្តូរទៅកាន់ថាមពលស្អាត ដែលជួយការពារសេដ្ឋកិច្ចពីភាពប្រែប្រួលនៃថាមពលសកល ជំរុញកំណើនសេដ្ឋកិច្ច បង្កើនសមត្ថភាពប្រកួតប្រជែង…

បន្ទាប់ពីគង់ប្រថាប់នៅប្រទេសចិនអស់រយៈពេលជាង៤ខែ ព្រះករុណា ព្រះបាទសម្តេច ព្រះមបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ នឹងយាងមាតុភូមិនិវត្តន៍មកកាន់កម្ពុជាវិញនៅថ្ងៃសុក្រ ទី០៣ ខែកក្កដា ឆ្នាំ២០២៦ខាងមុខនេះ។នេះបើតាមការបញ្ជាក់ពីឯកឧត្ដម ជា ធីរិទ្ធ អ្នកនាំពាក្យព្រឹទ្ធសភា នៅក្នុងសន្និសីទស្តីទីលទ្ធផលដំណើរទស្សនកិច្ចផ្លូវការរបស់សម្តេចតេជោ ហ៊ុន សែន ប្រធានព្រឹទ្ធសភា នៅសាធារណរដ្ឋប្រជាមានិតចិន កាលពីថ្ងៃទី២៧ ខែមិថុនា ឆ្នាំ២០២៦។ ក្នុងដំណើរទស្សនកិច្ចទៅប្រទេសចិន នៅថ្ងៃទី២៥ ខែមិថុនា សម្តេចតេជោ ហ៊ុន សែន អមដំណើរដោយឯកឧត្តម ហ៊ុន ម៉ានី និងឯកឧត្តម ហ៊ុន ម៉ានិត បានចូលក្រាបថ្វាយបង្គំគាល់ព្រះមហាក្សត្រ និងសម្តេចព្រះមហាក្សត្រី នៅព្រះរាជដំណាក់រដ្ឋធានីប៉េកាំង ប្រទេសចិន។ ការយាងត្រឡប់មកមាតុប្រទេសវិញរបស់ព្រះអង្គទាំងទ្វេ ធ្វើឡើងបន្ទាប់ពីព្រះមហាក្សត្រកម្ពុជាបានធូរស្បើយពីព្រះរោគ ក្រោយទទួលការព្យាបាលនៅប្រទេសចិនអស់រយៈពេល២ខែកន្លងមក។ ឯកឧត្ដម ជា ធីរិទ្ធ បាន​លើកឡើងថា មកដល់ពេលនេះព្រះរាជសុខភាពរបស់ព្រះមហាក្សត្របានវិលមករកភាពប្រក្រតី និងល្អប្រសើរឡើងវិញហើយ។អ្នកនាំពាក្យព្រឹទ្ធសភា បានបញ្ជាក់បន្ថែមថា​ ចាប់តាំងពីព្រះមហាក្សត្រទទួលការវះកាត់នៅក្នុងមន្ទីរពេទ្យរដ្ឋធានីប៉េកាំងនៅខែមេសា ឆ្នាំ២០២៦ រហូតបានធូរស្បើយពីព្រះរោគឡើងវិញ សម្តេចតេជោ ប្រមុខរដ្ឋស្តីទី…

ស្របពេលតម្រូវការគ្រាប់កាហ្វេមានការកើនឡើងខ្ពស់ ហើយកាហ្វេកម្ពុជាមានភាពល្បីល្បាញផងនោះ វិនិយោគិនខ្មែរម្នាក់បានដាក់ចេញមហិច្ឆតានាំចេញគ្រាប់កាហ្វេរបស់កម្ពុជា ទៅកាន់ទីផ្សារអន្តរជាតិ ដោយជំហានដំបូងលោកបានបោះទុនវិនិយោគជាង ១លានដុល្លារ លើឧស្សាហកម្មកាហ្វេនៅកម្ពុជា។ លោក ជិន ជ័យាបុត្រ ប្រធានក្រុមហ៊ុន គីរីកាហ្វេ បានប្រាប់បណ្ដាញព័ត៌មាន AMS ថា មូលហេតុដែលលោកសម្រេចចិត្តបោះទុនជាច្រើនលើឧស្សាហកម្មកាហ្វេនេះ មិនត្រឹមតែក្នុងគោលបំណងលើកកម្ពស់កាហ្វេក្នុងស្រុកប៉ុណ្ណោះទេ ប៉ុន្តែលោកមានផែនការនាំចេញគ្រាប់កាហ្វេកម្ពុជាទៅកាន់ទីផ្សារអន្តរជាតិ។ កន្លងមក កម្ពុជាបាននាំចេញគ្រាប់កាហ្វេដែរ ប៉ុន្តែក្នុងបរិមាណតិចតួចប៉ុណ្ណោះ។ លោក ជិន ជ័យាបុត្រ បានបញ្ជាក់ថា ចាប់តាំងពីដើមឆ្នាំ២០២៦ ក្រុមហ៊ុនលោកបានប្រមូលទិញគ្រាប់កាហ្វេពីប្រជាកសិករជាជនជាតិដើមភាគតិចនៅក្នុងខេត្តមណ្ឌលគិរី បានជិត ១ពាន់តោនហើយ ដែលគិតជាទឹកប្រាក់ប្រហែល ១លានដុល្លារ ដើម្បីពង្រីកផលិតកម្មកាហ្វេក្នុងស្រុក និងកាត់បន្ថយការនាំចូល។ ក្រៅពីការប្រមូលទិញគ្រាប់កាហ្វេពីកសិករ បច្ចុប្បន្ន ក្រុមហ៊ុន គីរីកាហ្វេ កំពុងសាងសង់រោងចក្រសម្ងួតគ្រាប់កាហ្វេ ដែលគ្រោងដាក់ឲ្យដំណើរការនៅអំឡុងខែតុលា ខាងមុខ ដែលមានសមត្ថភាពសម្ងួតគ្រាប់កាហ្វេចំនួន ២០តោន ក្នុង១ថ្ងៃ នៅដំណាក់កាលដំបូង។វិនិយោគិនរូបនេះបានលើកទឹកចិត្តដល់បងប្អូនប្រជាកសិករក្នុងខេត្តមណ្ឌលគិរី ងាកមកដាំដុះដំណាំកាហ្វេឲ្យបានច្រើន ជៀសវាងទុកដីទំនេរចោល ឬដាំដំណាំ ដែលមិនសូវមានទីផ្សារល្អ។ លោក ឌុក ពិសិដ្ឋ ប្រធានសមាគមកាហ្វេកម្ពុជា កត់សម្គាល់ឃើញថា ការដាំដុះដំណាំការហ្វេនៅកម្ពុជា មានការរីកចម្រើនយ៉ាងឆាប់រហ័ស…

វិស័យឯកជនថៃបានដាក់សំណើជាថ្មីទៅកាន់រដ្ឋាភិបាលថៃ ដើម្បីជួយអន្តរាគមដោះស្រាយវិបត្តិខ្វះ​កម្លាំងពលកម្ម ដោយអំពាវនាវឲ្យមានការចុះបញ្ជីពលករខ្មែរ ដែលកំពុងស្នាក់នៅក្នុងប្រទេសថៃ ឱ្យបានស្របច្បាប់ជាបន្ទា​ន់ ទោះបីជាច្រកព្រំដែនមិនទាន់បើកក៏ដោយ។ លោក រ័ត្នថាវីត តាំងគៀតឆារ៉ា ប្រធានសមាគមពាណិជ្ជកម្ម និងទេសចរណ៍នៅព្រំដែនថៃ-កម្ពុជា បានគូសបញ្ជាក់ថា ពលករខ្មែរមានជំនាញច្បាស់លាស់ និងបទពិសោធន៍ខ្ពស់ ដែលពលករមកពីប្រទេសដទៃមិនអាចជំនួសបានឡើយ។  លោកបានបញ្ជាក់ថា ការចុះបញ្ជីស្របច្បាប់ដល់ពលករខ្មែរ នឹងជួយឱ្យអាជីវកម្មថៃអាចបន្តដំណើរការទៅមុខ ហើយខាងផ្នែកសន្តិសុខក៏ងាយស្រួលគ្រប់គ្រងទិន្នន័យពលករ និងនិយោជកផងដែរ។ បើរដ្ឋាភិបាលថៃនៅតែមិនអើពើទេនោះ រដូវកាលប្រមូលផលផ្លែឈើ ដែលផ្តល់ចំណូលសេដ្ឋកិច្ចខ្ពស់នៅភាគខាងកើតសម្រាប់ឆ្នាំក្រោយ នឹងត្រូវរងការខូចខាតធ្ងន់ធ្ងរ ជាពិសេសគឺ ផ្លែតាង៉ែន ដែលមានតម្លៃសេដ្ឋកិច្ចរហូតដល់ ២៦៥ លានដុល្លារអាមេរិក។ ប្រធានសមាគមពាណិជ្ជកម្ម និងទេសចរណ៍នៅព្រំដែនថៃ-កម្ពុជាដដែលនេះ បានសន្និដ្ឋានថា ការរឹតបន្តឹងសន្តិសុខតាមព្រំដែន គួរតែដើរទន្ទឹមគ្នានឹងការគិតគូរពីដង្ហើមសេដ្ឋកិច្ច និងជីវភាពរបស់ប្រជាពលរដ្ឋ ទើបអាចបង្កើតតុល្យភាពឈ្នះ-ឈ្នះទាំងសងខាង។ វិស័យ​ឯកជនថៃបានដាក់សំណើជាច្រើនលើកមកហើយ ពាក់ព័ន្ធ​វិបត្តិខ្វះកម្លាំងពលកម្មនេះ។ ​ប៉ុន្តែ រដ្ឋាភិបាលថៃមិនទាន់បង្ហាញពីផែនការភ្លាមៗដើម្បីពិចារណាលើបញ្ហានេះនៅឡើយទេ។ ភាពតានតឹងរវាងប្រទេសថៃ និងកម្ពុជា នាំឱ្យពលករខ្មែរជាង៩០ម៉ឺននាក់បានចាកចេញពីប្រទេសថៃ ធ្វើឱ្យ​វិស័យឧស្សាហកម្ម និងកសិកម្ម ជាច្រើនត្រូវប្រឈមមុខនឹងកង្វះខាតកម្លាំងពលកម្ម ដែលអាចប៉ះពាល់ដល់ផលិតកម្ម ការនាំចេញ និងការប្រកួតប្រជែង។ យោងតាមរបាយការណ៍របស់ថៃ មុនជម្លោះព្រំដែន​ មានកម្មករ​កម្ពុជា​៥៥ម៉ឺននាក់ធ្វើការស្របច្បាប់ ក្នុង​វិស័យ នេសាទ កសិកម្ម និង​សំណង់​នៅ​ប្រទេសថៃ។ ប៉ុន្តែ បច្ចុប្បន្ន នៅសល់ពលករតែជាង១៩ម៉ឺននាក់ប៉ុណ្ណោះដែលបន្តធ្វើការស្របច្បាប់​ក្នុងប្រទេសថៃ៕…

តំណាងបញ្ជាការដ្ឋានកងទ័ពជើងគោកអាមេរិកប្រចាំតំបន់ប៉ាស៊ីហ្វិក និងកងឆ្មាំជាតិរដ្ឋអៃដាហូ បានជួបពិភាក្សាជាមួយថ្នាក់ដឹកនាំកងយោធពលខេមរភូមិន្ទ និងមជ្ឈមណ្ឌលជាតិរក្សាសន្តិភាព ដើម្បីរៀបចំសមយុទ្ធ «ឆ្មាំអង្គរ ២០២៧ »។ សមយុទ្ធយោធាទ្វេភាគីនេះត្រូវបានផ្អាកតាំងពីឆ្នាំ២០១៧មកម៉្លេះ ដោយសារកាលនោះ ប្រទេសទាំងពីរមានការខ្វែងគំនិតគ្នាលើបញ្ហាមួយចំនួន។ ស្ថានទូតអាមេរិកប្រចាំកម្ពុជាបានគូសបញ្ជាក់ថា ការស្តារកិច្ចសហប្រតិបត្តិការយោធានេះឡើងវិញបង្ហាញពីការប្តេជ្ញាចិត្តរួមគ្នារវាងអាមេរិក និងកម្ពុជា ក្នុងការរឹតចំណងមិត្តភាពយោធា ព្រមទាំងលើកកម្ពស់សន្តិភាព ស្ថិរភាព និងការត្រៀមលក្ខណៈជាស្រេចនៅក្នុងតំបន់ឥណ្ឌូ-ប៉ាស៊ីហ្វិក។ កាលពីខែកុម្ភៈ ក្នុងជំនួបរវាងសម្តេចនាយករដ្ឋមន្ត្រីកម្ពុជា ជាមួយអនុរដ្ឋមន្ត្រីក្រសួងសង្គ្រាមអាម៉េរិក ភាគីទាំងពីរបានជជែកពិភាក្សារិះរកមធ្យោបាយក្នុងការពង្រីកកិច្ចសហប្រតិបត្តិការលើវិស័យការពារជាតិ ជាពិសេសការរៀបចំសមយុទ្ធឆ្មាំអង្គរឡើងវិញនៅចុងឆ្នាំ២០២៦ នេះ ឬដើមឆ្នាំ២០២៧។   ឯកឧត្តម ចាន់ រតនា អ្នកនាំពាក្យស្តីទីក្រសួងការបរទេសកម្ពុជា បានបញ្ជាក់ប្រាប់បណ្តាញព័ត៌មាន AMS នៅថ្ងៃនេះថា ការចាប់ផ្តើមសមយុទ្ធរួមគ្នាឡើងវិញនេះ គឺជាសញ្ញាវិជ្ជមានមួយនៃកិច្ចសហប្រតិបត្តិការរវាងកម្ពុជា និងអាមេរិក ព្រមទាំងបង្ហាញពីការបោះជំហានទៅមុខរួមគ្នារបស់ប្រទេសទាំងពីរផងដែរ។ ក្នុងរយៈពេលចុងក្រោយនេះ ទំនាក់ទំនងកម្ពុជា-អាមេរិក បានបង្ហាញពីការវិវឌ្ឍយ៉ាងវិជ្ជមាន ជាមួយការបង្កើនកិច្ចសហប្រតិបត្តិការលើវិស័យសំខាន់ៗ រួមទាំងវិស័យការពារជាតិផងដែរ ដែលស្តែងឡើងតាមរយៈដំណើរទស្សនកិច្ចរបស់មេបញ្ជាការកងទ័ពអាមេរិកប្រចាំតំបន់ឥណ្ឌូ-ប៉ាស៊ីហ្វិក ការចូលចតរបស់នាវាជើងទឹកអាមេរិកនៅក្រុងព្រះសីហនុ ហើយជាពិសេស គឺការសម្រេចដកបម្រាមលើការទិញអាវុធរបស់អាមេរិក។​ សូមរំលឹកថា សហរដ្ឋអាមេរិក និងកម្ពុជា បានចាប់ដៃគ្នារៀបចំសមយុទ្ធ «ឆ្មាំអង្គរ» ជាលើកដំបូងនៅក្នុងប្រវត្តិសាស្ត្រនៃវិស័យការពារជាតិទ្វេភាគី កាលពីឆ្នាំ២០១០ ​ចំពេលដែលទំនាក់ទំនងការទូតរវាងប្រទេសទាំងពីរឈានដល់ខួប៦០ឆ្នាំ។ បន្ទាប់ពីការចាប់ផ្តើមដ៏ជោគជ័យនោះ ភាគីទាំងពីរបានបន្តធ្វើសមយុទ្ធរួមគ្នានេះជារៀងរាល់ឆ្នាំបានចំនួន៧លើកជាប់ៗគ្នា ដោយផ្តោតសំខាន់លើប្រធានបទប្រតិបត្តិការរក្សាសន្តិភាព ជំនួយមនុស្សធម៌ និងការឆ្លើយតបគ្រោះមហន្តរាយ៕ ទួន សុផល