ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងជាប្រធានក្រុមការងារអន្តរក្រសួង ដើម្បីសម្របសម្រួល និងគាំទ្រវិស័យទេសចរណ៍ភាពយន្ត និងការទស្សនាប្រាសាទនាពេលរាត្រីនៅកម្ពុជា បានគូសបញ្ជាក់ថា កម្ពុជាមានសក្តានុពលខ្ពស់ក្នុងការប្រែក្លាយខ្លួនជាគោលដៅទេសចរណ៍ភាពយន្ត (Film Destination) ទាំងកម្រិតជាតិ និងអន្តរជាតិ។ ថ្លែងក្នុងពិធីបើកសិក្ខាសាលាថ្នាក់ជាតិស្តីពី «ការជំរុញទេសចរណ៍ភាពយន្តនៅកម្ពុជា» ឯកឧត្តមរដ្ឋមន្ត្រី បានមានប្រសាសន៍ថា៖ «កម្ពុជាមិនមែនមានតែប្រាសាទអង្គរវត្តនោះទេ។ យើងនៅមាន “ស្ទូឌីយូធម្មជាតិ” ដ៏សម្បូរបែប និងស្រស់ស្អាតជាច្រើន ដូចជា តំបន់ឆ្នេរសមុទ្រ ព្រៃភ្នំ និងទឹកជ្រោះនៅភាគឦសាន ប្រាសាទកោះកេរ តំបន់ប្រាសាទសំបូរព្រៃគុក ព្រមទាំងស្ថាបត្យកម្ម និងទីតាំងប្រវត្តិសាស្ត្រជាច្រើនទៀត ដែលកំពុងរង់ចាំផលិតករជាតិ និងអន្តរជាតិ មកផ្តិតយករូបភាព និងនាំយកសម្រស់កម្ពុជា ទៅបង្ហាញជូនពិភពលោក»។ សិក្ខាសាលាថ្នាក់ជាតិ ដែលរៀបចំនៅថ្ងៃទី២០សីហានៅខេត្តសៀមរាបនេះ គឺជាវេទិកាដ៏មានសារៈសំខាន់សម្រាប់ធ្វើជាស្ពានតភ្ជាប់ និងបង្កើតកិច្ចសន្ទនារវាងស្ថាប័នរដ្ឋ ប្រតិបត្តិករក្នុងឧស្សាហកម្មភាពយន្ត និងឧស្សាហកម្មទេសចរណ៍ ដើម្បីរួមគ្នាស្វែងរកកាលានុវត្តភាព ដោះស្រាយបញ្ហាប្រឈម និងកំណត់វិធានការគន្លឹះ សំដៅជំរុញការអភិវឌ្ឍទេសចរណ៍ភាពយន្តនៅកម្ពុជាឱ្យកាន់តែមានភាពប្រកួតប្រជែង។ ឯកឧត្តមរដ្ឋមន្ត្រី បានគូសរំលេចថា ក្នុងបរិបទដែលទីផ្សារទេសចរណ៍សកលកំពុងមានការប្រកួតប្រជែងកាន់តែខ្លាំង កម្ពុជាមិនអាចបន្តផ្សព្វផ្សាយគោលដៅទេសចរណ៍ ដោយពឹងផ្អែកលើផលិតផលតែមួយ ឬត្រឹមតែធនធានវប្បធម៌ និងប្រវត្តិសាស្ត្រតាមបែបប្រពៃណីតែមួយមុខនោះទៀតឡើយ។ ផ្ទុយទៅវិញ កម្ពុជាត្រូវបម្លែងពីការលក់…

នាវាល្បាតសមុទ្ររបស់កងទ័ពជើងទឹកអង់គ្លេស HMS Tamar បានចូលចតលើកដំបូងនៅមូលដ្ឋានកងទ័ពជើងទឹករាម ខេត្តព្រះសីហនុ។ នេះបើយោងតាមសេចក្ដីប្រកាសព័ត៌មានរបស់ស្ថានទូតអង់គ្លេសប្រចាំកម្ពុជា នៅថ្ងៃទី២០ ខែសីហា ឆ្នាំ២០២៦។ នេះគឺជាដំណើរទស្សនកិច្ចលើកទី៣របស់កងទ័ពជើងទឹកអង់គ្លេសមកកាន់ប្រទេសកម្ពុជា ចាប់តាំងពីឆ្នាំ ២០២៣ តែកន្លងមក នាវាបានចូលចតនៅកំពង់ផែក្រុងព្រះសីហនុ។ ការមកដល់នៃនាវាល្បាត HMS Tamar នេះ បង្ហាញពីជំហានថ្មីមួយទៀតនៅក្នុងការរឹតចំណងទំនាក់ទំនងលើវិស័យការពារជាតិកាន់តែរីកចម្រើនរវាងចក្រភពអង់គ្លេស និងប្រទេសកម្ពុជា។ លោក Dominic Williams ឯកអគ្គរាជទូតព្រឹតថេនប្រចាំនៅកម្ពុជា បានបញ្ជាក់ថា ការចូលចតនៅមូលដ្ឋានទ័ពជើងទឹករាមជាលើកដំបូងនេះ បង្ហាញពីការរីកចម្រើននៃទំនាក់ទំនងកងទ័ពជើងទឹករវាងកម្ពុជា និងចក្រភពអង់គ្លេស។  លោកបណ្ឌិត ថុង ម៉េងដេវីត អ្នកវិភាគភូមិសាស្រ្តនយោបាយ និងសន្តិសុខអន្តរជាតិ យល់ឃើញថា ដំណើរទស្សនកិច្ចរបស់នាវាអង់គ្លេសមកកម្ពុជា​ គឺជាសញ្ញាវិជ្ជមាននៃការពង្រីកទំនាក់ទំនង និងកិច្ចសហប្រតិបត្តិការរបស់កងទ័ពជើងទឹកនៃប្រទេសទាំងពីរ។ អ្នកវិភាគរូបនេះ បញ្ជាក់ទៀតថា ការមកដល់នៃនាវាល្បាត HMS Tamar ក៏បានបង្ហាញអន្តរជាតិថា មូលដ្ឋានកងទ័ពរាមរបស់កម្ពុជា​ គឺបើកចំហរសម្រាប់ដៃគូនានា ពិសេសដំណើរទស្សនកិច្ចនេះក៏អាចជួយដល់ការបន្ធូបន្ថយការភ័ណ្ឌច្រឡំរបស់អន្តរជាតិកន្លងមក ដែលថាកម្ពុជាអនុញ្ញាតឱ្យកងទ័ពចិនប្រើប្រាស់មូលដ្ឋានកងទ័ពជើងទឹករាមផ្តាច់មុខ។ ចំណែកលោកបណ្ឌិត ញិល រដ្ឋា អ្នកជំនាញវិទ្យាសាស្ត្រនយោបាយ និងសេដ្ឋកិច្ច ចាត់ទុកដំណើរទស្សនកិច្ចរបស់នាវា HMS Tamar គឺជាភាពជោគជ័យផ្នែកកាទូតរបស់កម្ពុជា ក្នុងការបង្ហាញទៅកាន់ពិភពលោកថាកម្ពុជា មានការបើកចំហរដោយស្មើភាពសម្រាប់ដៃគូអន្តរជាតិនានា។ យោងតាមស្ថានទូតអង់គ្លេសប្រចាំកម្ពុជា ក្នុងអំឡុងពេលដំណើរទស្សនកិច្ចនេះ នាវា…

ចិន បានបង្ហាញឆន្ទៈរៀបចំកិច្ចសន្ទនាការទូតក្រោយ ឬក្រៅផ្លូវការ (Track II Diplomacy)  ដើម្បីគាំទ្រដល់ការដោះស្រាយបញ្ហាវិបត្តិព្រំដែនកម្ពុជា-ថៃ ដោយសន្តិវិធី។ នេះបើតាមការបញ្ជាក់របស់ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា។ ការបង្ហាញគំនិតផ្តួចផ្តើមរបស់ភាគីចិនដូច្នេះ បានធ្វើឡើងអំឡុងពេលលោកសាស្ត្រាចារ្យ កាវ ហ្វៃ (Gao Fei) នាយកសាកលវិទ្យាល័យការបរទេសចិន (CFAU) បានចូលជួបសម្ដែងការគួរសម និងពិភាក្សាការងារ ជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា នៅថ្ងៃទី២០ ខែសីហា ឆ្នាំ២០២៦នេះ។ បើតាមអ្នកនាំពាក្យព្រឹទ្ធសភាកម្ពុជា នៅក្នុងជំនួបជាមួយសម្ដេច ហ៊ុន សែន លោក កាវ ហ្វៃ បានលើកឡើងគោលបំណងសំខាន់នៃដំណើរទស្សនកិច្ចរបស់ប្រតិភូសាកលវិទ្យាល័យកិច្ចការប្រទេសចិន នៅពេលនេះ គឺដើម្បីរៀបចំនូវកិច្ចសន្ទនាការទូតក្រៅផ្លូវការ ដែលជាកិច្ចសន្ទនាមួយចូលរួមចំណែកដ៏សំខាន់នៅក្នុងការផ្លាស់ប្ដូរយោបល់គ្នា ជាពិសេសគឺការគាំទ្រដល់ការដោះស្រាយបញ្ហាវិបត្តិព្រំដែន កម្ពុជា-ថៃ ដោយសន្តិវិធី។ សម្ដេចតេជោ ហ៊ុន សែន បានស្វាគមន៍ចំពោះការលើកឡើងរបស់លោកសាស្ត្រាចារ្យសាកលវិទ្យាល័យកិច្ចការបរទេស ហើយបង្ហាញការពេញចិត្តចំពោះការមើលឃើញរបស់លោកពីការអភិវឌ្ឍ និងរីកចម្រើនរបស់កម្ពុជា។ សម្ដេចក៏បានវាយតម្លៃខ្ពស់ចំពោះទំនាក់ទំនងរវាងកម្ពុជា និងចិន នៅពេលបច្ចុប្បន្ននេះ ដែលជាទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ ហើយជាសហគមន៍ជោគវាសនារួម គ្រប់រដូវកាលក្នុងយុគសម័យថ្មី។ បន្ថែមពីលើនេះ សម្ដេចតេជោ ហ៊ុន សែន…

ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជានាព្រឹកថ្ងៃទី២០ ខែសីហានេះ បាននាំក្រុមអ្នកសង្កេតការណ៍អាស៊ានប្រចាំនៅកម្ពុជា ចុះទៅត្រួតពិនិត្យនៅចំណុចច្រកទា្វរព្រំដែនអន្តរជាតិប៉ោយប៉ែត និងតំបន់ទីប្រជុំស៊ីវិលកម្ពុជា ដែលរងការខូចខាតពីការទម្លាក់គ្រាប់បែករបស់ភាគីថៃកាលពីខែធ្នូ ឆ្នាំ២០២៥។ យោងតាមការប្រកាសរបស់ក្រសួងការពារជាតិ ​ ក្រុមអ្នកសង្កេតការណ៍អាស៊ានបានចុះទៅសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចច្រកទា្វរព្រំដែនអន្តរជាតិប៉ោយប៉ែត ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។  ក្រុមអ្នកសង្កេតការណ៍អាស៊ាន ក៏បានចុះពិនិត្យនៅតំបន់ទីប្រជុំស៊ីវិលកម្ពុជា ដែលស្ថិតនៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត​ ដែលបានរងការខូចខាតដោយសារការទម្លាក់គ្រាប់បែកពីយន្តហោះ​ចម្បាំង F-16 របស់ភាគីថៃ។ ទីតាំងនោះត្រូវបានយោធាថៃទម្លាក់គ្រាប់បែកចំនួន៣គ្រាប់ បណ្តាលឱ្យខូចខាតអគារ១ខ្នង ដំបូលឃ្លាំងរថយន្តមួយចំនួន និងមានអ្នករងរបួសស្រាល២នាក់កាលពីថ្ងៃទី១៨​ ខែធ្នូ ឆ្នាំ២០២៥។  បើតាមក្រសួងការពារជាតិ បច្ចុប្បន្ន ទីតាំងនេះ​ពុំទាន់អាចជួសជួល និងស្តារឡើងវិញដើម្បី​ប្រកបអាជីវកម្មចិញ្ចឹមជីវិតបានឡើយ។ ទីតាំងនេះមានចម្ងាយជាង ៨គីឡូម៉ែត្រ ពីច្រកអន្តរជាតិប៉ោយប៉ែត ខេត្តបន្ទាយមានជ័យ។ របាយការណ៍របស់ក្រសួងមហាផ្ទៃបានឱ្យដឹងថា ការវាយប្រហាររ​បស់ភាគីថៃមកលើប្រទេសកម្ពុជាកាលពីខែធ្នូ ឆ្នាំ២០២៥ បានបណ្តាលឱ្យខូចខាតទ្រព្យសម្បតិ្តសាធារណៈ និងឯកជនជាច្រើន ក្នុងនោះមានផ្ទះប្រជាពលរដ្ឋខ្មែរចំនួន ១ ៥៥៨ខ្នង អគារស៊ីវិល៧ សណ្ឋាគារ/អគារស្នាក់នៅ១០ បង្គោលអង់តែនទូរស័ព្ទ៣៩ ប្រព័ន្ធទឹកស្អាត៦កន្លែង ព្រមទាំងសាលារៀនចំនួន២៦ មន្ទីរពេទ្យ/មណ្ឌលសុខភាព១៤ អគាររដ្ឋបាល៧៤ វត្តអារាម១៩ និងប្រាសាទបុរាណចំនួន៤កន្លែងផងដែរ៕ សៅ សុខអេង

លោកជំទាវ កឹម មនោវិទ្យា ដែលជាកូនស្រីរបស់លោក កឹម សុខា អតីតប្រមុខបក្សប្រឆាំង បានចាប់ផ្ដើមធ្វើការងាររបស់ខ្លួនក្នុងតួនាទីជាប្រេសិតពិសេសរបស់សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ជាលើកដំបូងដោយជួបជាមួយទូតសហភាពអឺរ៉ុបប្រ​ចាំ​កម្ពុជា។ តាមរយៈទំព័រហ្វេសប៊ុករបស់ខ្លួននៅថ្ងៃទី២០ ខែសីហា ឆ្នាំ២០២៦នេះ លោកជំទាវ កឹម មនោវិទ្យា បានបញ្ជាក់យ៉ាងដូច្នេះថា៖ «ថ្ងៃនេះខ្ញុំបានជួបពិភាក្សាការងារជាមួយឯកឧត្តមឯកអគ្គរដ្ឋទូតសហភាពអឺរ៉ុបប្រ​ចាំ​កម្ពុជា អំពីជម្លោះកម្ពុជា-ថៃ និងអំពីសក្តានុពលរបស់កម្ពុជាក្នុងការទាក់ទាញការវិនិយោគពីអឺរ៉ុប។» ចំណែកស្ថានទូតសហភាពអឺរ៉ុបប្រចាំកម្ពុជា ក៏បានបញ្ជាក់នៅពីជំនួបរវាងឯកអគ្គរដ្ឋទូតសហភាពអឺរ៉ុប លោក Igor Driesmans ជាមួយលោកជំទាវ កឹម មនោវិទ្យា ផងដែរ ដោយស្ថានទូតបានអះអាងថា ក្នុងជំនួបនេះភាគីទាំងពីរបានផ្លាស់ប្តូរទស្សនៈលើការវិវត្តន៍ថ្មីៗទាក់ទងនឹងស្ថានការណ៍ព្រំដែនកម្ពុជា-ថៃ ព្រមទាំងកិច្ចការវិនិយោគ។ សូមបញ្ជាក់ថា លោកជំទាវ កឹម មនោវិទ្យា ត្រូវបានព្រះមហាក្សត្រចេញព្រះរាជក្រឹត្យតែងតាំង ជាប្រេសិតពិសេសរបស់សម្តេចធិបតីនាយករដ្ឋមន្ត្រី នៅថ្ងៃទី១៧ ខែសីហា ឆ្នាំ២០២៦ ដែលមានឋានៈស្មើ រដ្ឋមន្រ្តី។ សម្តេចមហាបវរធិបតី បានបញ្ជាក់ថា ការផ្ដល់តួនាទីជាប្រេសិតពិសេសដល់អ្នកនាង កឹម មនោវិទ្យា គឺដោយសារគាត់អាចធ្វើការងារទាក់ទាញការវិនិយោគ និងកិច្ចការព្រំដែន ដើម្បីរួមចំណែកជួយដល់រាជរដ្ឋាភិបាល និងប្រទេសជាតិ៕ សេង បារាំង AMS

កិច្ចសហប្រតិបត្តិការថ្មីៗនេះរវាងរដ្ឋបាលអនុវត្តច្បាប់ប្រឆាំងគ្រឿងញៀនរបស់សហរដ្ឋអាមេរិក(DEA) និងនគរបាលប្រឆាំងគ្រឿងញៀនកម្ពុជា (ADP) បាននាំទៅដល់ការចាប់ខ្លួនជនបរទេសជាច្រើននាក់ពាក់ព័ន្ធនឹងគ្រឿងញៀន ព្រមទាំងការរឹបអូសទ្រព្យសម្បត្តិ មន្ទីរពិសោធន៍ផលិតគ្រឿងញៀន ទីតាំងស្តុកទុកជាច្រើន និងសារធាតុគីមីដើមសម្រាប់ផលិតគ្រឿងញៀនច្រើនជាងមួយតោន រួមទាំងគ្រឿងញៀនខុសច្បាប់ជាង ២០០គីឡូក្រាមផងដែរ។ នេះបើយោងតាមការប្រកាសរបស់ស្ថានទូតអាមេរិកប្រចាំកម្ពុជា នៅថ្ងៃទី២០ ខែសីហា ឆ្នាំ២០២៦នេះ។ ស្ថានទូតអាមេរិកបញ្ជាក់ថា តាមរយៈការពង្រឹងការចែករំលែកព័ត៌មានស៊ើបការណ៍ និងការសម្របសម្រួលប្រតិបត្តិការយ៉ាងជិតស្និទ្ធ សហរដ្ឋអាមេរិក និងសមត្ថកិច្ចអនុវត្តច្បាប់កម្ពុជា កំពុងចូលរួមយ៉ាងសកម្មក្នុងការប្រយុទ្ធប្រឆាំងនឹងការជួញដូរគ្រឿងញៀនឆ្លងដែន និងឧក្រិដ្ឋកម្ម ដែលមានអង្គការចាត់តាំង។ ជាងនេះទៅទៀត កិច្ចខិតខំប្រឹងប្រែងសហការ ដែលពាក់ព័ន្ធនឹងការិយាល័យប្រឆាំងគ្រឿងញៀនអាមេរិកនៅ ភ្នំពេញ និងរដ្ឋ New Jersey បានជួយឲ្យរកឃើញបណ្តាញក្នុងស្រុកមួយ ដែលធ្វើការលាងលុយតាមរូបិយប័ណ្ណគ្រីបតូ (cryptocurrency) ក្នុងនាមឱ្យក្រុម Sinaloa Cartel។ ស្ថានទូតអាមេរិកលើកឡើងថា ប្រតិបត្តិការកម្រិតខ្ពស់ទាំងនេះបង្ហាញពីតួនាទីដ៏សំខាន់នៃកិច្ចសហប្រតិបត្តិការអន្តរជាតិក្នុងកម្ចាត់បណ្តាញឧក្រិដ្ឋកម្មសកល និងការការពារប្រជាពលរដ្ឋអាមេរិក និងកម្ពុជា។ លោក ទូច សុខៈ អ្នកនាំពាក្យរងក្រសួងមហាផ្ទៃ បានរំលឹកពីកិច្ចសហការរវាងកម្ពុជា និងសហរដ្ឋអាមេរិក ដែលបានធ្វើការជាមួយគ្នាជាច្រើនឆ្នាំមកហើយ បូករួមទាំងការបង្រ្កាបគ្រឿងញៀននេះផងដែរ។ លោកថ្លែងដូច្នេះថា ៖ យើងបានធ្វើការងារជាមួយគ្នាជាច្រើនទស្សវត្តន៍មកហើយទៅលើការប្រយុទ្ធប្រឆាំងបទល្មើសឆ្លងដែន គ្រាន់តែមកដល់ពេលនេះគឺយើងចាប់ផ្ដើមពង្រីកបង្កើននូវសកម្មភាពថ្មីៗជាច្រើនទៀត ដើម្បីដើរឲ្យនូវការវិវត្តបទល្មើសសកលឬក៏បទល្មើសឆ្លងដែន ជាពិសេសគឺបញ្ហាគ្រឿងញៀនតែម្ដង។ សូមបញ្ជាក់ថា ក្នុងឆមាសទី១ ឆ្នាំ២០២៦ សមត្ថកិច្ចអនុវត្តច្បាប់ទូទាំងប្រទេសបានសហការគ្នាបង្ក្រាបបទល្មើសគ្រឿងញៀនបានចំនួន ៤ ៧៥៩ ករណី…

កំពង់ឆ្នាំង៖ ក្រសួងព័ត៌មានបានបន្តបេសកកម្មយុទ្ធនាការ «និយាយ​ថាទេចំពោះព័ត៌មានក្លែងក្លាយ» ជំហានទី២ នៅវិទ្យាល័យ​មិត្តភាព​ខ្មែរ-ជប៉ុន សាមគ្គីមានជ័យ ខេត្តកំពង់ឆ្នាំងដោយផ្តោតលើការបន្សាប​ព័ត៌មាន​ក្លែងក្លាយទាន់ពេលវេលា។ ក្រុមការងារយុទ្ធនាការដឹកនាំដោយ ឯកឧត្តម ទេព អស្នារិទ្ធ អនុរដ្ឋ​លេខាធិការ និងជាប្រធានលេខាធិការដ្ឋាននៃក្រុម​ការងារ​រៀបចំ​យុទ្ធនាការក្រសួងព័ត៌មាន និងជាអ្នកនាំពាក្យក្រសួងព័ត៌មាន បានបន្តចុះអប់រំ និងផ្សព្វផ្សាយផ្ទាល់ដល់​សិស្សានុសិស្ស​អំពីសារៈ​សំខាន់នៃការបន្សាបព័ត៌មានក្លែងក្លាយទាន់ពេលវេលា តាមរយៈការផ្សាយ និងចែករំលែកព័ត៌មានពិត មានប្រភពច្បាស់​លាស់ដែលជាកាតាលីករដ៏ចាំបាច់មួយក្នុងការរួមចំណែកលុបបំបាត់ការផ្សាយបែបបំពុល និងព័ត៌មានក្លែងក្លាយ ព្រមទាំងចូល​រួមលើកកម្ពស់សន្តិសុខព័ត៌មាន និងសុវត្ថិភាពសង្គមឌីជីថល។ កម្មវិធីយុទ្ធនាការនេះត្រូវបានសម្របសម្រួលរៀបចំឡើងដោយ មន្ទីរព័ត៌មានខេត្តកំពង់ឆ្នាំង ដោយមានកិច្ចសហការ និងការចូល​រួមយ៉ាងសកម្មពីសំណាក់អាជ្ញាធរដែនដីខេត្ត-ស្រុក មន្ទីរអប់រំ យុវជន និងកីឡា លោកគ្រូ-អ្នកគ្រូ និងសិស្សានុសិស្សសរុប​ចំនួន៦០០នាក់។ មានប្រសាសន៍ទៅកាន់យុវសិស្សវិទ្យាល័យ អនុវិទ្យាល័យសាមគ្គី​មានជ័យនាឱកាសនោះ ឯកឧត្តមអនុរដ្ឋលេខាធិការ បាន​សង្កត់ធ្ងន់​លើភាពចាំបាច់នៃការទទួលព័ត៌មានប្រចាំថ្ងៃពីប្រភពផ្លូវការរបស់រដ្ឋ និងឯកជន និងបានជំរុញឱ្យយុវជន​បង្កើនការ​ប្រុងប្រយ័ត្ន ចេះផ្ទៀង​ផ្ទាត់ និងចូលរួមបន្សាបព័ត៌មានក្លែងក្លាយ។ ឯកឧត្តម ទេព អស្នារិទ្ធ បានមានប្រសាសន៍យ៉ាងដូច្នេះថា៖ «យុទ្ធនាការ​និយាយថាទេចំពោះព័ត៌មានក្លែងក្លាយដែលដឹកនាំ​ដោយក្រសួងព័ត៌មាន និងអនុវត្តដោយមន្ទីរព័ត៌មាន បានប្រែក្លាយយុវ​សិស្សប្រមាណ ៦ម៉ឺននាក់ ពីវិទ្យាល័យចំនួន ៤២ ក្នុង១៤រាជធានី-ខេត្ត ឱ្យដើរតួនាទីជា«ភ្នាក់ងារសុវត្ថិភាពព័ត៌មាន»សកម្មដើម្បីការពារសហគមន៍របស់ពួកគេពីគ្រោះថ្នាក់​នៃព័ត៌មានក្លែងក្លាយ» ។ ឯកឧត្តមបានបន្តថា៖ «តាមរយៈយុទ្ធនាការជាតិនេះ យុវវ័យយើងបាន​ទទួលការបំពាក់អក្ខរកម្មព័ត៌មាននិងប្រព័ន្ធផ្សព្វផ្សាយ​យ៉ាងរឹងមាំ…