ព្យុងយ៉ាង ៖ លោកស្រី គីម យ៉ូជុង ទីប្រឹក្សាជាន់ខ្ពស់ និងជាប្អូនស្រីដ៏មានឥទ្ធិពលរបស់មេដឹកនាំកំពូលកូរ៉េខាងជើង ទទួលស្គាល់ថា ទំនាក់ទំនងរវាងលោក គីម ជុងអ៊ុន ជាមួយប្រធានាធិបតីអាមេរិក លោក ដូណាល់ ត្រាំ គឺ “ល្អឥតខ្ចោះ” ប៉ុន្តែលោកស្រីថា គោលនយោបាយអរិភាពរបស់ទីក្រុងវ៉ាស៊ីនតោនចំពោះទីក្រុងព្យុងយ៉ាងគ្មានការផ្លាស់ប្តូរនៅឡើយទេ ។ បើតាម KCNA, លោកស្រី គីម យ៉ូជុង បានអះអាងកាលពីថ្ងៃ ពុធ ថា លោកស្រីមិនបានដឹងទាល់តែសោះ អំពីទំនាក់ទំនង ឬការពិភាក្សាជាសម្ងាត់ណាមួយ រវាងបងប្រុសរបស់លោកស្រី និងលោកប្រធានាធិបតី ត្រាំ ។ លោកស្រីបាននិយាយបែបឌឺដងថា រឿងនេះប្រហែលជាបញ្ហាតែមួយគត់ ទាក់ទងនឹងគោលនយោបាយការបរទេសរបស់ថ្នាក់ដឹកនាំកំពូលរបស់យើង ដែលលោកស្រីមិនបានដឹង ។ ប៉ុន្តែលោកស្រីទទួលស្គាល់ថា ទំនាក់ទំនងផ្ទាល់ខ្លួនរវាងបងប្រុសរបស់លោកស្រី និងលោក ត្រាំ នៅតែមានភាព “ល្អប្រសើរដដែល” ពីព្រោះលោក គីម ជុងអ៊ុន នៅតែមានការចងចាំ និងអារម្មណ៍ល្អៗចំពោះលោក ត្រាំ ។ យ៉ាងណាមិញ ប្អូនស្រីដ៏មានឥទ្ធិពលរបស់មេដឹកនាំកំពូលកូរ៉េខាងជើងរូបនេះ…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃពុធ បានគំរាមថា នឹងដាក់ទណ្ឌកម្មធ្ងន់ធ្ងរបំផុតមិនធ្លាប់មាន ទៅលើប្រទេសណាដែលជួយ ឬ ធ្វើពាណិជ្ជកម្មជាមួយប្រទេសអ៊ីរ៉ង់។ បើតាម CNA, យុទ្ធនាការបង្កើនសម្ពាធសេដ្ឋកិច្ចនេះ កើតឡើងនៅពេលដែលសង្គ្រាមឈានចូលដល់ខែទី៦ ហើយមិនទាន់មានដំណោះស្រាយផ្នែកការទូត ឬ យោធាណាមួយ ដែលអាចមើលឃើញនៅឡើយទេ។ លោក Trump ក៏កំពុងប្រឈមមុខនឹងការត្រួតពិនិត្យឡើងវិញ ពីសំណាក់មតិសាធារណៈក្នុងស្រុក ជុំវិញបញ្ហាសង្គ្រាមនេះ ខណៈដែលការបោះឆ្នោត ខែវិច្ឆិកា កំពុងខិតជិតមកដល់យ៉ាងឆាប់រហ័ស។ លោក Trump បានសរសេរ នៅលើបណ្តាញសង្គម Truth Social ថា «ថ្ងៃនេះ ខ្ញុំសូមប្រកាសពីប្រតិបត្តិការសេដ្ឋកិច្ចដ៏ខ្លាំងក្លាបំផុត ដែលមិនធ្លាប់មានពីមុនមក ប្រឆាំងនឹងប្រទេសណាមួយ! នេះនឹងក្លាយជាសង្គ្រាមសេដ្ឋកិច្ច និង ការដាក់ឱ្យនៅឯកោក្នុងកម្រិតមួយ ដែលមិនធ្លាប់មានពីមុនមក»។ លោកបានមានប្រសាសន៍ថា «ខ្ញុំក៏សូមប្រកាសផងដែរថា ប្រទេសណាក៏ដោយដែលអនុញ្ញាតឱ្យស្ថាប័នហិរញ្ញវត្ថុ អាជីវកម្ម អាកាសយានដ្ឋាន ឬស្ថាប័នរដ្ឋាភិបាលរបស់ខ្លួនផ្តល់ជំនួយទ្រទ្រង់គ្រប់ទម្រង់ទាំងអស់ដល់អ៊ីរ៉ង់ នឹងត្រូវប្រឈមមុខនឹងផលវិបាកផ្នែកសេដ្ឋកិច្ចដ៏ធ្ងន់ធ្ងរបំផុត»។ លោកមិនបានបញ្ជាក់លម្អិតថា តើប្រទេសទាំងនោះនឹងត្រូវប្រឈមមុខនឹងទណ្ឌកម្មអ្វីខ្លះនោះទេ ហើយក៏មិនបានលើកឡើងឈ្មោះប្រទេសណាមួយឡើយ។ ការលើកឡើងរបស់ប្រធានាធិបតីរូបនេះ បានធ្វើឡើង…

ព្រុចសែល ៖ អង្គការណាតូប្រកាសត្រៀមខ្លួនរួចជាស្រេច ដើម្បីឆ្លើយតបការគំរាមកំហែងណាមួយ ដែលអាចកើតមាន ប្រសិនបើប្រទេសអ៊ីរ៉ង់ហ៊ានវាយប្រហារគោលដៅយោធាអាមេរិកនៅក្នុងទឹកដីរបស់អឺរ៉ុប ។ នេះបើតាម Times of Israel ចេញផ្សាយកាលពីថ្ងៃ ពុធ ។ មន្ត្រីអង្គការណាតូម្នាក់ បានអះអាងបែបនេះ បន្ទាប់ពីប្រទេសអ៊ីរ៉ង់ត្រូវបានគេចោទប្រកាន់ថា កំពុងថ្លឹងថ្លែងជម្រើសវាយប្រហារគោលដៅយោធាអាមេរិកនៅអឺរ៉ុប ក្នុងករណីលោកប្រធានាធិបតី ដូណាល់ ត្រាំ ដុតបញ្ឆេះភ្លើងសង្គ្រាមកាន់តែរីកធំឡើង ។ យោងតាមកាសែត Financial Times, អ៊ីរ៉ង់បានរៀបចំផែនការវាយលុកកំណត់គោលដៅលើទ្រព្យសម្បត្តិយោធាអាមេរិកនៅអឺរ៉ុប ប្រសិនបើលោកប្រធានាធិបតី ត្រាំ ធ្វើឱ្យជម្លោះកាន់តែមានភាពធ្ងន់ធ្ងរថែមទៀត ខណៈមេដឹកនាំអាមេរិករូបនេះបានបញ្ចេញរូបភាព និងអះអាងថា ច្រកសមុទ្រហ័រមូស ជាដែនដីសហរដ្ឋអាមេរិក ។ ផ្អែកតាមប្រភពពីមន្រ្តីអ៊ីរ៉ង់ពីរនាក់, របបដឹកនាំទីក្រុងតេហេរ៉ងបានពិចារណាវាយប្រហារលើទ្រព្យសម្បត្តិយោធាអាមេរិក នៅភាគអាគ្នេយ៍នៃទ្វីបអឺរ៉ុប រួមទាំងប៊ុលហ្គារី ព្រោះកាលពីខែមុន ប្រទេសនេះបានបើកដៃឱ្យយន្តហោះចាក់សាំងរបស់អាមេរិក ចូលប្រើប្រាស់មូលដ្ឋានទ័ពអាកាស Bezmer របស់ខ្លួន ។ ប្រភពបានទម្លាយឱ្យដឹងទៀតថា កងកម្លាំងអ៊ីរ៉ង់ក៏បានពិចារណាអំពីលទ្ធភាពវាយប្រហារកំណត់គោលដៅលើខ្សែកាបអុបទិកក្រោមសមុទ្រនៅច្រកសមុទ្រហ័រមូស ប្រសិនបើជម្លោះកាន់តែធ្ងន់ធ្ងរឡើងផងដែរ ៕ ប្រភព ៖ Times of Israel និង…

មូស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន ទទួលស្គាល់ថា ការវាយប្រហាររបស់អ៊ុយក្រែន លើប្រព័ន្ធហេដ្ឋារចនាសម្ព័ន្ធនៅក្នុងទឹកដីរុស្ស៊ី ពិតជាបានបង្កការខូចខាត ប៉ុន្តែបញ្ហានេះមិនអាចបង្កព្យុះភ្លៀង ឬផលវិបាកធ្ងន់ធ្ងរ ដែលអាចបង្កការរង្គោះរង្គើដល់សេដ្ឋកិច្ចរបស់ទីក្រុងមូស្គូឡើយ ។ បើតាម Anadolu, ក្នុងកិច្ចប្រជុំក្រុមប្រឹក្សាអភិវឌ្ឍន៍យុទ្ធសាស្ត្រ និងគម្រោងជាតិក្នុងទីក្រុងមូស្គូ កាលពីថ្ងៃ ពុធ មេដឹកនាំរុស្ស៊ីរូបនេះ សង្កត់ធ្ងន់ថា ការវាយប្រហារដោយយន្តហោះដ្រូនរបស់អ៊ុយក្រែនទាំងនោះ ពិតជាបង្កគ្រោះថ្នាក់ដល់យើង… វាជារឿងច្បាស់ណាស់… ហើយយើងយល់ច្បាស់ពីបញ្ហានេះ ។ លោក ពូទីន អះអាងថា ការខូចខាតភាគច្រើនបានកើតឡើងលើក្រុមហ៊ុនពាណិជ្ជកម្មអេឡិចត្រូនិកយក្សរបស់រុស្ស៊ី Wildberries និងរោងចក្រចម្រាញ់ប្រេងមួយចំនួន ។ ដើម្បីឆ្លើយតបនឹងបញ្ហានេះ លោក ពូទីន បានបញ្ជាឱ្យរដ្ឋាភិបាលរៀបចំកម្មវិធីជាតិមួយ ដើម្បីរៀបចំ និងសាងសង់ហេដ្ឋារចនាសម្ព័ន្ធដែលខូចខាតទាំងនោះឡើងវិញ ក្នុងកម្រិតគុណភាពថ្មីមួយដែលល្អជាងមុន ។ ទន្ទឹមគ្នា ប្រធានាធិបតីរុស្ស៊ីមានវ័យ ៧៣ឆ្នាំរូបនេះ ថែមទាំងបានអំពាវនាវឱ្យបង្កើនការការពារដែនអាកាស ពង្រឹងអធិបតេយ្យភាពជាតិ និងបង្កើនប្រសិទ្ធភាពទាំងក្នុងវិស័យការពារជាតិ និងសន្តិសុខ ក៏ដូចជាវិស័យសង្គមកិច្ច និងសេដ្ឋកិច្ច ។ យោងតាមលោក ពូទីន, កំណើនសេដ្ឋកិច្ចរបស់រុស្ស៊ីនៅតែមានកម្រិតមធ្យម…

តេហ្គូស៊ីហ្គាប៉ា ៖ ប្រទេស ហុងឌូរ៉ាស ដែលស្ថិតនៅតំបន់អាមេរិកកណ្តាល កាលពីថ្ងៃពុធ បានប្រកាស ដាក់ ៨០% នៃទឹកដីប្រទេសទាំងមូល ឱ្យស្ថិតក្នុងស្ថានភាពអាសន្ន ដោយសារគ្រោះរាំងស្ងួត អែល នីណូ។ រដ្ឋាភិបាលបានដាក់ ៨០% នៃប្រទេស រួមទាំង រដ្ឋធានីតេហ្គូស៊ីហ្គាប៉ាផងដែរ ឱ្យស្ថិតក្នុងស្ថានភាពអាសន្នដោយសារគ្រោះរាំងស្ងួត ខណៈដែលអែលនីណូ (El Niño) បានដុតបំផ្លាញដំណាំ និងបណ្តាលឱ្យសត្វពាហនៈងាប់ ដោយសារការស្រេកទឹក។ គំរូអាកាសធាតុ អែលនីណូ ធ្វើឱ្យសីតុណ្ហភាពផ្ទៃទឹកនៅមហាសមុទ្រប៉ាស៊ីហ្វិកកណ្តាល និងខាងកើតឡើងកម្តៅ ដែលបង្កឱ្យមានការប្រែប្រួលខ្យល់, សម្ពាធបរិយាកាស និងគំរូទឹកភ្លៀងទូទាំងពិភពលោក ព្រមទាំង បណ្តាលឱ្យសីតុណ្ហភាពសកលកាន់តែក្តៅ។ អែលនីណូនៅឆ្នាំនេះត្រូវបានគេព្យាករណ៍ថា ជាបាតុភូតដ៏ខ្លាំងបំផុតមួយក្នុងកំណត់ត្រា។ ថ្មីៗនេះ កម្មវិធីស្បៀងអាហារពិភពលោករបស់អង្គការសហប្រជាជាតិ បានប៉ាន់ប្រមាណថា តំបន់អាមេរិកកណ្តាលនឹងក្លាយជាតំបន់ដែលរងផលប៉ះពាល់ធ្ងន់ធ្ងរបំផុតពីបញ្ហាអត់ឃ្លាន ដែលកាន់តែធ្ងន់ធ្ងរឡើងដោយសារបាតុភូត El Niño។ ប្រទេស El Salvador, Nicaragua និង Honduras បានបំបែកកំណត់ត្រាសីតុណ្ហភាពប្រចាំខែទាំងនៅក្នុងខែមិថុនា និងខែកក្កដា ដែលធ្វើឱ្យមានការព្រួយបារម្ភកាន់តែខ្លាំងឡើងអំពីហានិភ័យនៃការអត់ឃ្លាន៕ ប្រភព ៖…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ អះអាងកាលពីថ្ងៃពុធថា កូរ៉េខាងជើងមានក្បាលគ្រាប់នុយក្លេអ៊ែរដ៏មានឥទ្ធិពល ចំនួន៥៧គ្រាប់។ លោក Trump និយាយបានប្រាប់អ្នកសារព័ត៌មាន នៅសេតវិមាន សំដៅលើលោក គីម ជុងអ៊ុន មេដឹកនាំកូរ៉េខាងជើង ថា «គាត់មានអាវុធនុយក្លេអ៊ែរដ៏មានឥទ្ធិពលខ្លាំងចំនួន ៥៧ គ្រាប់។ មិនគួរអនុញ្ញាតឱ្យរឿងនេះកើតឡើងទាល់តែសោះ… ប្រសិនបើខ្ញុំជាប្រធានាធិបតី ខ្ញុំនឹងមិនអនុញ្ញាតឱ្យវាកើតឡើងនោះទេ»។ លោកបន្ថែមទៀតថា «ប៉ុន្តែគាត់មានអាវុធទាំងនោះហើយ… ខ្ញុំចុះសម្រុងជាមួយគាត់បានយ៉ាងល្អ… ខ្ញុំមិនអាចអនុញ្ញាតឱ្យអ៊ីរ៉ង់មានអាវុធនុយក្លេអ៊ែរបានទេ…ហើយខ្ញុំស្គាល់លោក Kim Jong Un ច្បាស់ណាស់ ហើយគាត់នឹងមិនអីទេ»។ មេដឹកនាំរូបនេះថែមទាំងអះអាងថា លោកគ្រោងនឹងជួប លោក គីម ជុងអ៊ុន ក្នុងឆ្នាំនេះទៀតផង នៅពេលដែលបានឆ្លើយតបនឹងសំណួរពីអ្នកកាសែត។ បើតាម CNA, ការងាកមកចាប់អារម្មណ៍ភ្លាមៗ របស់លោក Trump ទៅលើលោក Kim ជាមួយនឹងការកាត់បន្ថយសមយុទ្ធយោធារួមគ្នារវាងអាមេរិក និងកូរ៉េខាងត្បូង បានធ្វើឱ្យសម្ព័ន្ធមិត្តនៅអាស៊ីមានការព្រួយបារម្ភ ខណៈពេលដែលវាបានបង្កឱ្យមានការសង្ស័យថា លោកកំពុងស្វែងរកជោគជ័យផ្នែកគោលនយោបាយការបរទេស នៅពេលដែលសង្គ្រាមជាមួយអ៊ីរ៉ង់របស់លោកកំពុងជាប់គាំង៕ ប្រភព ៖…