ភ្នំពេញ៖សម្តេចរដ្ឋសភាធិបតី ឃួន សុដារី បានលើកទឹកចិត្តប្រតិភូចលនាស្ត្រីខេត្តតាកែវឱ្យបន្តបម្រើប្រជាពលរដ្ឋដោយ​បេះដូង ផ្សារភ្ជាប់សុខទុក្ខ និងដោះស្រាយរាល់សំណូមពររបស់ប្រជាពលរដ្ឋឱ្យបានជាប់ជាប្រចាំ ។ មានប្រសាសន៍ទៅកាន់ក្រុមការងារស្ត្រីខេត្តតាកែវដែលអញ្ជើញមកទស្សនកិច្ចស្វែងយល់រដ្ឋសភា សម្តេចមហារដ្ឋសភាធិ​ការ​ធិបតី ឃួន សុដារី ប្រធានរដ្ឋសភាបានវាយតម្លៃខ្ពស់ចំពោះការងាររបស់ក្រុមចលនាស្ត្រីខេត្តតាកែវ ដែលសម្រេចលទ្ធផលជា​ទីគាប់ចិត្តនៅក្នុងការបំពេញការងារទាំងការងាររដ្ឋបាលតាមស្ថាប័ន មន្ទីរ ក៏ដូចជាការចុះជួយប្រជាពលរដ្ឋ ,ផ្សារភ្ជាប់សុខទុក្ខ​ជាមួយពលរដ្ឋជាប់ជាប្រចាំ ។ សម្តេចប្រធានរដ្ឋសភាបានរំលឹកថា ស្ត្រីនៅកម្ពុជាត្រូវបានលើកកម្ពស់តាំងពីក្រោយថ្ងៃរំដោះឆ្នាំ១៩៧៩មកម៉្លេះ។ សម្តេចតេជោ ហ៊ុន សែន ដែលជាបិតាយេនឌ័រនៅកម្ពុជាបានចាត់ទុកស្ត្រីជាតួអង្គសំខាន់មិនអាចរំលងបានឡើយ។ស្ត្រីជាឆ្អឹងខ្នងសេដ្ឋកិច្ច ហើយថា ជួយស្ត្រីដូចជាជួយខ្លួនឯង។ការលើកកម្ពស់សមភាពយេនឌ័រ ត្រូវបានផ្តល់អាទិភាពនៅក្នុងនីតិកាលទី៧បច្ចុប្បន្ន។ ដោយសារតួនាទីស្ត្រីសំខាន់នៅក្នុងសង្គម សម្តេចប្រធានរដ្ឋសភា សំណូមពរដល់ប្រតិភូស្ត្រី ខេត្តតាកែវ ត្រូវបន្តពង្រឹងសកម្មភាព​មនុស្សធម៌ក្នុងការជួយសង្គម ផ្សារភ្ជាប់សុខទុក្ខ ជាប់ជានិច្ចជាមួយពលរដ្ឋ ចូលរួមដោះស្រាយរាល់សំណូមពររបស់ប្រជាពលរដ្ឋ ពិសេស បន្តយកចិត្តទុកដាក់ចំពោះគ្រួសារវីរយុទ្ធជនពលី និងគ្រួសារវីរយុទ្ធជន ដែលកំពុងបំពេញបេសកកម្មដ៏ថ្លៃថ្លា​ក្នុងសមរ​ភូមិជួរមុខ ក្នុងកិច្ចការពារបូរណភាពទឹកដី និងពលរដ្ឋភៀសសឹកជាដើម ។ ចំណុចសំខាន់មួយទៀតដែលសម្ដេចប្រធានរដ្ឋសភាផ្តោតការយកចិត្តទុកដាក់រំលឹកគឺការរក្សាឱ្យបានដាច់ខាតនូវសាមគ្គីភាពផ្ទៃក្នុង។ កម្លាំងសាមគ្គីភាពរបស់យើង គឺជាខឿនការពារជាតិដ៏រឹងមាំបំផុត មានសាមគ្គីរស់ បែកបាក់សាមគ្គីស្លាប់ ។ សម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត បាននិងកំពុងយកចិត្តទុកដាក់ទប់ទល់ជាមួយសត្រូវឈ្លានពានតាមរយៈសមរភូមិ​ការទូត និងយោធាគ្រប់រូបភាព…

មូស្គូ ៖ អ្នកនាំពាក្យ វិមានក្រឹមឡាំង លោក Dmitry Peskov បាននិយាយ កាលពីថ្ងៃពុធថា សក្តានុពលទាំងមូលសម្រាប់ជម្លោះក្នុងតំបន់ និងពិភពលោក កំពុងកើនឡើង ហើយការទប់ស្កាត់នុយក្លេអ៊ែរ នៅតែជាកម្លាំងទប់ស្កាត់ តែមួយគត់។ នេះបើតាមសារព័ត៌មាន Xinhua។ លោក Peskov បាននិយាយ នៅឯវេទិកាអន្តរជាតិមួយ នៅក្រុងមូស្គូ ថា «តាមពិតទៅ ក្រៅពីការទប់ស្កាត់នុយក្លេអ៊ែរ គ្មានអ្វីនៅសេសសល់ ក្នុងពិភពលោកទេ»។ លោក បន្ថែមថា «វាគឺជាកម្លាំងតែមួយគត់ ដែលការពារកុំឲ្យកើតមានសង្គ្រាមពិភពលោក និង មិនធានាការការពារប្រឆាំងនឹងជម្លោះក្នុងតំបន់ ដែលអាចកើនឡើងជាអកុសល»។ បើតាម AFP, សន្ធិសញ្ញាគ្រប់គ្រងអាវុធនុយក្លេអ៊ែរចុងក្រោយរវាងរុស្ស៊ី និងសហរដ្ឋអាមេរិក «New START» បានផុតកំណត់ ក្នុងខែកុម្ភៈ ឆ្នាំ២០២៦ ដោយបានបន្ធូរបន្ថយការរឹតបន្តឹង លើមហាអំណាចនុយក្លេអ៊ែរធំជាងគេទាំងពីរ របស់ពិភពលោក។ រហូតមកដល់ពេលនេះ មិនទាន់មានសញ្ញា ដែលភាគីណាមួយ សម្រេចចិត្តបន្ត ឬ ជំនួសកិច្ចព្រមព្រៀងនោះទេ ទោះបីជាភាគីទាំងពីរ បានយល់ព្រមបង្កើតកិច្ចចរចាយោធាកម្រិតខ្ពស់ឡើងវិញក៏ដោយ។ គិតត្រឹមឆ្នាំ…

កូវ៉ែត ៖ អាមេរិកបានសម្រេចបើកស្ថានទូតរបស់ខ្លួន ក្នុងប្រទេសកូវ៉ែត ឡើងវិញ កាលពីថ្ងៃអង្គារ ពោលគឺបន្ទាប់ពីបិទទ្វារ អស់រយៈពេលប៉ុន្មានខែ ព្រោះតែការវាយប្រហារសងសឹក របស់អ៊ីរ៉ង់។ ការបើកឡើងវិញនេះ ចំពេលដែលមានទស្សនកិច្ច របស់រដ្ឋមន្ត្រីការបរទេសអាមេរិក លោក Marco Rubio នៅក្នុងប្រទេសឈូងសមុទ្រមួយនេះ។ អ្នកនាំពាក្យក្រសួងការបរទេស បាននិយាយថា ស្ថានទូត នឹងចាប់ផ្តើមឡើងវិញភ្លាមៗ នូវសេវាសង្គ្រោះបន្ទាន់ សម្រាប់ពលរដ្ឋអាមេរិក ខណៈដែលសេវាកម្មផ្សេងទៀត នឹងត្រូវដំណើរការ ជាដំណាក់កាល។ ក្រសួងការបរទេស បានបិទប្រតិបត្តិការស្ថានទូត នៅក្នុងប្រទេសកូវ៉ែត និង អារ៉ាប៊ី សាអូឌីត ក្នុងខែមីនា បន្ទាប់ពីយន្តហោះគ្មានមនុស្សបើក របស់អ៊ីរ៉ង់ បានបាញ់ប្រហារនៅទីនោះ ពោលគឺបន្ទាប់ពីការវាយប្រហាររួមគ្នា របស់អាមេរិក-អ៊ីស្រាអែល ប្រឆាំងទៅលើអ៊ីរ៉ង់ កាលពីថ្ងៃទី២៨ ខែកុម្ភៈ។ លោក Marco Rubio បានចូលរួម ក្នុងពិធីលើកទង់ជាតិ នៅស្ថានទូត ដែលស្ថិតក្នុងទីក្រុងកូវ៉ែត មុនពេលដែលលោកត្រូវបន្តពិភាក្សាការងារ ជាមួយមន្ត្រី នៃប្រទេសសម្ព័ន្ធមិត្តអាមេរិកមួយនេះ ស្តីពីការបញ្ចប់សង្រ្គាម នៅក្នុងប្រទេសអ៊ីរ៉ង់។ តាមរយៈការបង្ហោះសារ នៅលើប្រព័ន្ធផ្សព្វផ្សាយសង្គម,…

ការ៉ាកាស់ ៖ គ្រោះមហន្តរាយរញ្ជួយដីដ៏ខ្លាំងក្លាជាបន្តបន្ទាប់មិនធ្លាប់មានក្នុងរយៈពេល ១២៥ឆ្នាំ បានវាយប្រហារប្រទេសវេណេស៊ុយអេឡា កាលពីរសៀលថ្ងៃ ពុធ ដែលបណ្តាលឱ្យមានការព្រមាន និងការជូនដំណឹងអំពីរលកយក្សស៊ូណាមិនៅទូទាំងតំបន់ ។ អ្នកជំនាញរញ្ជួយដីបានបញ្ជាក់ថា គ្រោះរញ្ជួយដីក្នុងកម្រិត ៧,២ រ៉ិកទ័រ បានវាយប្រហារលើកដំបូងនៅជិតក្រុង San Felipe ដែលជាក្រុងធំនៃរដ្ឋ Yaracuy ។ ត្រឹមតែ ៤០ វិនាទីក្រោយមក ការរញ្ជួយដីដ៏ធំមួយទៀតក្នុងកម្រិត ៧,៥ រ៉ិកទ័រក៏បានកើតឡើងនៅភាគអាគ្នេយ៍នៃទីក្រុង Yumare ។ បើតាមទីភ្នាក់ងារស្ទាបស្ទង់ភូមិសាស្ត្រសហរដ្ឋអាមេរិក (USGS), ព្រឹត្តិការណ៍រញ្ជួយដីនេះ បានកើតឡើងនៅជម្រៅប្រហែល ១០ គីឡូម៉ែត្រ ដោយចំណុចកណ្តាលរបស់វាស្ថិតនៅភាគខាងលិចនៃសហគមន៍ឆ្នេរសមុទ្រ Moron ។ បើតាម Anadolu, ការរញ្ជួយដីដ៏ខ្លាំងក្លានោះ បានអង្រួនរដ្ឋធានី Caracas យ៉ាងខ្លាំងផងដែរ ដែលបណ្តាលឱ្យមានអគារជាច្រើនរងការបំផ្លិចបំផ្លាញ ខណៈនៅពុំទាន់មានសេចក្តីរាយការណ៍អំពីមនុស្សស្លាប់ ឬរងរបួសនៅឡើយទេ ។ ភ្លាមៗ អាជ្ញាធរការពារជនស៊ីវិល កំពុងត្រូវបានដាក់ពង្រាយទៅកាន់តំបន់ ដែលរងផលប៉ះពាល់ខ្លាំងបំផុត នៅជិតចំណុចកណ្តាលនៃការញ័ររញ្ជួយ ដើម្បីវាយតម្លៃការខូចខាតហេដ្ឋារចនាសម្ព័ន្ធ និងជួយសង្គ្រោះអាយុជីវិតមនុស្ស ។…

តេហេរ៉ង់ ៖ ប្រធានក្រុមចរចាអ៊ីរ៉ង់ លោក Mohammad Bagher Ghalibaf នៅថ្ងៃពុធ បាននិយាយចំអកចំៗថា កិច្ចព្រមព្រៀងរវាងអ៊ីរ៉ង់ និងសហរដ្ឋអាមេរិក ដើម្បីបញ្ចប់សង្គ្រាមមជ្ឈិមបូព៌ា គឺជាការប្រកាសពីភាពបរាជ័យរបស់ទីក្រុងវ៉ាស៊ីនតោន ។ ថ្លែងចេញពីរដ្ឋធានីបាគូ ប្រទេសអាស៊ែបៃហ្សង លោក Ghalibaf និយាយថា កិច្ចព្រមព្រៀងនៅទីក្រុងអ៊ីស្លាម៉ាបាដ មិនមែនជាលទ្ធផលកើតចេញពីសម្ពាធ និងការបង្ខិតបង្ខំនោះទេ ប៉ុន្តែជាលទ្ធផលនៃការតស៊ូ និងសិទ្ធិអំណាចរបស់ប្រជាជាតិអ៊ីរ៉ង់ដ៏ក្លាហាន ។ ប្រធានក្រុមចរចាអ៊ីរ៉ង់រូបនេះ បានសង្កត់ធ្ងន់ថា នោះហើយជាមូលហេតុដែលអនុស្សរណៈយោគយល់គ្នានៅទីក្រុងអ៊ីស្លាម៉ាបាដ បានក្លាយជាសេចក្តីប្រកាសពីភាពបរាជ័យរបស់សហរដ្ឋអាមេរិក ។ លោកថា សន្តិសុខមជ្ឈិមបូព៌ា ត្រូវតែធានាដោយប្រទេសនានានៅក្នុងតំបន់នេះ ។ លោក Ghalibaf ដែលជាប្រធានសភាអ៊ីរ៉ង់មានវ័យ៦៤ឆ្នាំរូបនេះ បានអះអាងថា អីរ៉ង់ចាត់ទុកការដកកងកម្លាំងយោធាបរទេសចេញពីតំបន់នេះ ជាគោលដៅយុទ្ធសាស្ត្រ ពីព្រោះពួកគេមិនត្រឹមតែមិនបង្កើតសន្តិសុខប្រកបដោយចីរភាពប៉ុណ្ណោះទេ ប៉ុន្តែពួកគេក៏ជាប្រភពនៃអស្ថិរភាពផងដែរ ។ បើតាម Straits Times, សង្គ្រាមដែលចាប់ផ្តើមជាមួយនឹងយុទ្ធនាការវាយប្រហារដ៏ធំសម្បើមរវាងសហរដ្ឋអាមេរិក និងអ៊ីស្រាអែលប្រឆាំងអ៊ីរ៉ង់នៅថ្ងៃទី២៨ ខែកុម្ភៈ ត្រូវបានបញ្ចប់ ដោយទីក្រុងតេហេរ៉ង់បានឈានដល់កិច្ចព្រមព្រៀងសន្តិភាពមួយ ដែលមេដឹកនាំរបស់ខ្លួនបានស្វែងរក ដើម្បីពណ៌នាថា ជាជ័យជម្នះ ។…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក Donald Trump បានព្រមានធ្ងន់ៗកាលពីថ្ងៃ ពុធ ថា ការចរចាការទូតជាមួយអ៊ីរ៉ង់ នឹងបញ្ចប់ភ្លាមៗ ប្រសិនបើទីក្រុងតេហេរ៉ង់ព្យាយាមប្រមូលថ្លៃសេវាឆ្លងកាត់ពីនាវា ដែលធ្វើចរាចរណ៍តាមផ្លូវទឹកនៅច្រកសមុទ្រ Hormuz ។ ប៉ុន្តែលោក Trump បានអះអាងថា មន្ត្រីអ៊ីរ៉ង់បានធានាដល់សហរដ្ឋអាមេរិកថា នឹងមិនមានការយកថ្លៃឆ្លងកាត់ គ្មានការចំណាយធានារ៉ាប់រង និងគ្មានការគិតថ្លៃផ្សេងទៀតឡើយ ពីនាវាដឹកទំនិញនានាឆ្លងកាត់ផ្លូវទឹកយុទ្ធសាស្ត្រមួយនេះ ។ ប្រធានាធិបតីអាមេរិករូបនេះ បានបង្ហោះសារលើ Truth Social ថា ប្រសិនបើនេះជាព័ត៌មានមិនពិត នោះការចរចា នឹងបញ្ចប់ភ្លាមមួយរំពេច ។ ជាមួយគ្នានេះ លោក Trump ថែមទាំងបានបញ្ជាក់ម្តងទៀតថា គ្មានសាច់ប្រាក់ណាមួយ នឹងត្រូវបានផ្តល់ដោយផ្ទាល់ទៅឲ្យទីក្រុងតេអេរ៉ង់នោះទេ ។ បើតាម Anadolu, ច្រកសមុទ្រ Hormuz ដែលជាសរសៃឈាមនៃការផ្គត់ផ្គង់ប្រេង និងឧស្ម័នធម្មជាតិរាវប្រមាណ ២០ ភាគរយរបស់ពិភពលោក ត្រូវបានអ៊ីរ៉ង់បិទខ្ទប់ស្ទើរតែទាំងស្រុង ចាប់តាំងពីសហរដ្ឋអាមេរិក និងអ៊ីស្រាអែលព្រួតដៃគ្នាវាយប្រហារមកលើអ៊ីរ៉ង់កាលពីចុងខែកុម្ភៈ ។ ការបិទខ្ទប់នេះ បានបង្កការរំខានដល់ផ្លូវដឹកជញ្ជូនសំខាន់ៗ និងហេដ្ឋារចនាសម្ព័ន្ធថាមពល…