-
សម្តេច យ៉ន សេងយៀត ជំរុញឱ្យមេដឹកនាំសាសនាពិភពលោកបង្កើនតួនាទីសកម្មក្នុងការជួយសង្គមមនុស្សជាតិ
ភ្នំពេញ៖សម្តេចព្រះមហាអរិយវង្ស អគ្គលេខាធិការនៃក្រុមប្រឹក្សាអន្តរសាសនាកម្ពុជាបាននិមន្តតំណាងឱ្យកម្ពុជាថ្លែងសុន្ទរកថានៅក្នុងមហាសន្និបាតអន្តរសាសនាដើម្បីសន្តិភាពអន្តរជាតិដ៏ធំមួយ ដែលកំពុងប្រារព្ធនៅសាធារណរដ្ឋម៉ូរីស (Mauritius) នៃទ្វីបអាហ្វ្រិក។ ក្នុងមហាសន្និបាតអន្តរសាសនាដើម្បីសន្តិភាពអន្តរជាតិ សម្តេចព្រះមហាអរិយវង្ស បណ្ឌិត យ៉ន សេង យៀត អគ្គលេខាធិការនៃ ក្រុមប្រឹក្សាអន្តរសាសនាកម្ពុជា និងជាព្រះចៅអធិការវត្តឧណ្ណាលោម និងជាតំណាងឱ្យកម្ពុជា បានអំពាវនាវដល់មេដឹកនាំ សាសនាទាំងអស់ ត្រូវតែចូលរួមជួយសង្គមមនុស្សដែលកំពុងប្រឈមមុខនឹងការបែងចែកគ្នាដោយហេតុផលនានា។ សម្ដេចបាន ចង្អុលទៅរកគោលបំណងសំខាន់នៃវត្តមានរបស់សាសនាទាំងអស់ ដែលកំពុងស្ថិតនៅលើភពផែនដីនាពេលនេះថា គឺដើម្បីជួយ សង្គមនៅពេលដែលសង្គមជួបនូវសេចក្ដីទុក្ខ គឺមិនមែនដើម្បីពួនសំងំនៅក្នុងអាស្រមសាសនារបស់ខ្លួនដោយមិនធ្វើអ្វីឡើយ។ មហាសន្និបាតដែលប្រារព្ធឡើងរយៈពេល ៣ថ្ងៃ ចាប់ពីថ្ងៃទី២៣ ដល់ថ្ងៃទី២៥ ខែមិថុនា ឆ្នាំ២០២៦ ត្រូវបានរៀបចំឡើងដោយ អង្គការសាសនាដើម្បីសន្តិភាពអន្តរជាតិ (Religions for Peace International) ដែលមានទីស្នាក់ការនៅបុរីញូយ៉ក សហរដ្ឋអាម៉េរិក និងជាស្ថាប័នអន្តរសាសនាធំបំផុតក្នុងលោកដែលមានសមាជិករហូតដល់ ៩០ប្រទេស ដោយសហការជាមួយក្រុមប្រឹក្សាសាសនានៃប្រទេសម៉ូរីស។ ព្រឹត្តិការណ៍ជាប្រវត្តិសាស្ត្រនេះ ធ្វើឡើងក្រោមប្រធានបទ «ការស្វែងរកផ្លូវឆ្ពោះទៅរកការរីកចម្រើនរួមគ្នានៃសាសនាដ៏ពិសិដ្ឋ» ដោយមានការអញ្ជើញចូលរួមពីថ្នាក់ដឹកនាំសាសនាជាន់ខ្ពស់ អ្នកប្រកាសសាសនា និងប្រតិភូជាង ២០០អង្គនិងនាក់ មកពី ៤៥ប្រទេសជុំវិញពិភពលោក ក្រោមអធិបតីភាពរបស់លោក ដារ៉ាម ហ្គូហូល(Dharam Gokhool )ប្រធានាធិបតីនៃសាធារណរដ្ឋម៉ូរីស។…
-
លោក ណេតាន់យ៉ាហ៊ូ ៖ អ៊ីស្រាអែល គួរផ្ដាច់ខ្លួនចេញពីជំនួយយោធា អាមេរិក
ហ៊្សេរុយសាឡឹម ៖ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ មបានអំពាវនាវសាជាថ្មីឱ្យប្រទេសរបស់លោក បង្កើនស្វ័យភាពយោធារបស់ខ្លួន ហើយកាត់បន្ថយការពឹងផ្អែកលើការគាំទ្រពីសហរដ្ឋអាមេរិក ។ ការជំរុញបែបនេះ ត្រូវបានធ្វើឡើងបន្ទាប់ពីសហរដ្ឋអាមេរិក និងអ៊ីរ៉ង់បានយល់ព្រមលើកិច្ចព្រមព្រៀងដំបូង ដើម្បីបញ្ចប់សង្គ្រាមមជ្ឈិមបូព៌ា ដែលត្រូវបានជំទាស់យ៉ាងខ្លាំងនៅក្នុងប្រទេសអ៊ីស្រាអែល ។ លោក ណេតាន់យ៉ាហ៊ូ បានប្រាប់មន្ត្រីបម្រុងនៃវគ្គបណ្តុះបណ្តាលមួយនៅតំបន់ West Bank ដែលអ៊ីស្រាអែលកាន់កាប់ថា ខ្ញុំសូមកោតសរសើរយ៉ាងខ្លាំង ចំពោះការគាំទ្រដែលយើងទទួលបានពីមិត្តភក្តិអាមេរិករបស់យើង ។ ប៉ុន្តែលោកបានសង្កត់ធ្ងន់ថា អ៊ីស្រាអែលក៏ត្រូវតែរំដោះខ្លួនចេញពីការពឹងផ្អែកលើជំនួយយោធារបស់សហរដ្ឋអាមេរិក ហើយកសាងបណ្តាញអាវុធឯករាជ្យរបស់យើងផងដែរ ។ នាយករដ្ឋមន្រ្តីអ៊ីស្រាអែលមានវ័យ៧៦ឆ្នាំរូបនេះ បានអះអាងយ៉ាងដូច្នេះថា ថ្ងៃនេះ លោកចង់ប្រកាសថា យើងត្រូវការបណ្តាញអាវុធឯករាជ្យរបស់យើង ហើយយើងត្រូវតែផលិតអាវុធផ្ទាល់ខ្លួនរបស់យើង ដើម្បីទប់ទល់នឹងសត្រូវ ។ បើតាម AFP, ចាប់តាំងពីការបង្កើតប្រទេសនៅឆ្នាំ ១៩៤៨មក អ៊ីស្រាអែលបានទទួលជំនួយផ្នែកសេដ្ឋកិច្ច និងយោធាជាង ៣០០ ពាន់លានដុល្លារពីសហរដ្ឋអាមេរិក ។ ទឹកប្រាក់នេះច្រើនជាងប្រទេសដទៃទៀតដែលទទួលបានចាប់តាំងពីឆ្នាំ ១៩៤៦ នេះបើយោងតាមតួលេខពីក្រុមប្រឹក្សាទំនាក់ទំនងការបរទេស ។ យ៉ាងណា ទោះបីជាសហរដ្ឋអាមេរិកគឺជាសម្ព័ន្ធមិត្តជិតស្និទ្ធបំផុតរបស់អ៊ីស្រាអែលក៏ដោយ ប៉ុន្តែទំនាក់ទំនងរវាងប្រទេសទាំងពីរបានជួបភាពរង្គោះរង្គើខ្លាំង ដោយសារសង្គ្រាមរបស់អ៊ីស្រាអែលនៅតំបន់ហ្គាហ្សា ចាប់តាំងពីការវាយប្រហាររបស់ក្រុមហាម៉ាសនៅថ្ងៃទី៧…
-
លោក ពូទីន ៖ NATO កំពុងត្រៀមខ្លួនធ្វើសង្គ្រាមប្រឆាំងនឹងរុស្ស៊ី
មូស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រាប់មន្រ្តីទាហានថ្មីរាប់រយនាក់ កាលពីថ្ងៃ អង្គារ ថា ប្រទេសលោកខាងលិច ដែលដឹកនាំដោយអង្គការណាតូ កំពុងរៀបចំខ្លួនយ៉ាងសកម្ម សម្រាប់សង្គ្រាមប្រឆាំងនឹងប្រទេសរុស្ស៊ី ។ មេដឹកនាំរុស្ស៊ីរួបនេះ បានប្រាប់ក្រុមនិស្សិតទើបបញ្ចប់ការសិក្សាចេញពីសាលាយោធារុស្ស៊ី ដែលប្រមូលផ្តុំគ្នានៅវិមានក្រឹមឡាំងថា សមាជិកនៃសម្ព័ន្ធមិត្តលោកខាងលិច រហូតមកទល់ពេលនេះ បានកំណត់ខ្លួនឯង គឺជាអ្នកគាំទ្រដល់អ៊ុយក្រែន ។ ហើយឥឡូវនេះ មានការពិភាក្សាដោយបើកចំហនៅលោកខាងលិចថា ពួកគេកំពុងរៀបចំខ្លួនសម្រាប់សង្គ្រាមប្រឆាំងនឹងរុស្ស៊ី ក៏ដូចជាការបង្កើនកញ្ចប់ថវិកាយោធា និងការរៀបចំយុទ្ធសាស្រ្តវាយលុករបស់ពួកគេ ។ លោក ពូទីន បានសង្កត់ធ្ងន់ថា ដើម្បីបង្ហាញអំពីភាពត្រឹមត្រូវ នៃយោធាភាវូបនីយកម្មនេះ រដ្ឋណាតូ និងអឺរ៉ុប កំពុងប្រើប្រាស់ការអះអាងមិនពិតអំពីការគំរាមកំហែងយោធាពីរុស្ស៊ី ។ លោក ពូទីន ដែលមានវ័យ៧៣ឆ្នាំរូបនេះ ក៏បានព្រមានផងដែរថា ក្នុងពេលជាមួយគ្នានេះ រុស្ស៊ីក៏ត្រៀមខ្លួនរួចជាស្រេច ដើម្បីឆ្លើយតបទៅនឹងការគំរាមកំហែងពីកងកម្លាំងខាងក្រៅ និងផ្ទៃក្នុងទាំងអស់ ។ បើតាម Anadolu, ទំនាក់ទំនងរវាងរុស្ស៊ី និងសម្ព័ន្ធមិត្តលោកខាងលិច នៅតែមានភាពរង្គោះរង្គើយ៉ាងខ្លាំង ដោយសារតែសង្គ្រាមនៅអ៊ុយក្រែន ។ តួយ៉ាង…
-
មូលនិធិអាស៊ី Asian Foundation នៅកម្ពុជាផ្តល់ជំនួយបច្ចេកទេសដ៏សំខាន់ដល់ក្រសួងទេសចេណ៍ក្នុងការអភិវឌ្ឍវិស័យទេសចរណ៍
ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនលោកស្រី Meloney C. Lindberg នាយិកាមូលនិធិអាស៊ីប្រចាំកម្ពុជា និងសហការីជាន់ខ្ពស់ ចូលជួបសម្តែងការគួរសម និងពិភាក្សាការងារស្តីពីវឌ្ឍនភាពនៃកិច្ចសហប្រតិបត្តិការរវាងក្រសួងទេសចរណ៍ និងមូលនិធិអាស៊ី ព្រមទាំងការផ្តល់នូវជំនួយបច្ចេកទេសដ៏សំខាន់លើឈ្មោះថា «Cambodia International Visitors’ Survey (CIVS)» នាទីស្តីការក្រសួងទេសចរណ៍។ ក្នុងជំនួបដ៏សំខាន់នេះ លោកស្រី Meloney C. Lindberg បានគោរពជម្រាបជូនឯកឧត្តមរដ្ឋមន្ត្រី អំពីសកម្មភាព និងកិច្ចសហប្រតិបត្តិការរវាងមូលនិធិអាស៊ី និងក្រសួងទេសចរណ៍នាពេលកន្លងមក ជាពិសេសការគាំទ្រលើការស្រាវជ្រាវ ការកសាងសមត្ថភាព និងការអភិវឌ្ឍវិស័យទេសចរណ៍ប្រកបដោយចីរភាព ព្រមទាំងបានធ្វើបទបង្ហាញអំពីគម្រោង «Cambodia International Visitors’ Survey (CIVS)» ដែលមានគោលបំណងសិក្សា និងស្វែងយល់អំពីបទពិសោធន៍ និងកម្រិតនៃការពេញចិត្តរបស់ភ្ញៀវទេសចរអន្តរជាតិ ជាពិសេសទីផ្សារទេសចរណ៍សំខាន់ៗ របស់កម្ពុជា។ តាមរយៈការស្ទង់មតិដោយប្រើប្រាស់បច្ចេកវិទ្យាឌីជីថល នឹងជួយផ្តល់នូវទិន្នន័យសំខាន់ៗ ដូចជារយៈពេលស្នាក់នៅ សកម្មភាពដែលភ្ញៀវទេសចរចូលចិត្តការចំណាយ ។ល។ ជាមួយគ្នានេះ លោកស្រីបានបន្ថែមថា ទិន្នន័យដែលទទួលបាននឹងជួយឱ្យក្រសួងទេសចរណ៍ និងភាគីពាក់ព័ន្ធអាចតាមដាននិន្នាការទីផ្សារ កំណត់អត្តសញ្ញាណផលិតផល និងសកម្មភាពដែលភ្ញៀវទេសចរពេញនិយម ព្រមទាំងរៀបចំគោលនយោបាយ…
-
តំបន់ភ្នំចំនួនប្រាំបួននៅខេត្តបន្ទាយមានជ័យ នឹងដាក់បញ្ចូលជាតំបន់ការពារធម្មជាតិ
ភ្នំពេញ៖ តំបន់ភ្នំចំនួន៩ក្នុងខេត្តបន្ទាយមានជ័យ នឹងរៀបចំដាក់បញ្ចូលជាតំបន់ការពារធម្មជាតិនាពេលខាងមុខ ដើម្បីអភិរក្សវប្បធម៌ ប្រវត្តិសាស្រ្ត ធម្មជាតិ ព្រៃឈើ ប្រព័ន្ធអេកូឡូស៊ី និងលើកកម្ពស់សក្ដានុពលទេសចរណ៍នៅខេត្តដែលមានព្រំប្រទល់ជាប់ប្រទេសថៃមួយនេះ ។ កាលពីថ្ងៃទី២៣ ខែមិថុនា ឆ្នាំ២០២៦ នៅទីស្តីការក្រសួងបរិស្ថាន ក្រសួងបរិស្ថានបានរៀបចំពិនិត្យការស្នើសុំគាំទ្រដំណើរការ រៀបចំបង្កើតតំបន់ការពារទេសភាព ឬតំបន់បេតិកភណ្ឌវប្បធម៌និងធម្មជាតិចំពោះតំបន់ភ្នំចំនួន៩ភ្នំ (តំបន់)របស់រដ្ឋបាលខេត្តបន្ទាយមានជ័យ ក្រោមអធិបតីភាព លោកជំទាវ ម៉ុម ថានី រដ្ឋលេខាធិការក្រសួងបរិស្ថាន។ យោងតាមសំណើររបស់រដ្ឋបាលខេត្តបន្ទាយមានជ័យបានស្នើបង្កើតភ្នំចំនួន ៤ ជាតំបន់បេតិកភណ្ឌធម្មជាតិ រួមមាន៖ ភ្នំកងវ៉ាមានផ្ទៃដីទំហំ ៥០ហិកតា, ភ្នំជ្រាប់ មានផ្ទៃដីទំហំ ៥៨,៥១ហិកតា, ភ្នំតូច មានផ្ទៃដីទំហំ ៥២,៨០ហិកតា និងភ្នំស្រេះ មានផ្ទៃដីទំហំ ២២ហិកតា។ ជាមួយគ្នានេះរដ្ឋបាលខេត្តស្នើតំបន់ភ្នំ ចំនួន ៥ ជាតំបន់ការពារទេសភាព គឺ៖ ភ្នំវែង មានផ្ទៃដីទំហំ ២៧០ហិកតា, ភ្នំម៉ាឡៃ មានផ្ទៃដី ទំហំ ១០៨ហិកតា, ភ្នំទឹកចេញ មានផ្ទៃដីទំហំ ២៦២,៣១៦ហិកតា, ភ្នំខ្លាកូន មានផ្ទៃដីទំហំ…
-
ប៉ាគីស្ថាន ថា មីស៊ីលផ្លោង គ្មានចែងក្នុងកិច្ចព្រមព្រៀងអ៊ីរ៉ង់
អ៊ីស្លាម៉ាបាដ ៖ នាយករដ្ឋមន្ត្រី ប៉ាគីស្ថាន លោក Shehbaz Sharif បាននិយាយថា «មីស៊ីលផ្លោង» មិនមែនជាផ្នែកនៃកិច្ចព្រមព្រៀងអ៊ីរ៉ង់នោះទេ។ នាយករដ្ឋមន្ត្រី នៃប្រទេសប៉ាគីស្ថាន លោក Shehbaz Sharif ដែលជាអ្នកសម្រុះសម្រួល ក្នុងកិច្ចពិភាក្សានេះ បាននិយាយ អំឡុងសន្និសីទសារព័ត៌មាន កាលពីថ្ងៃអង្គារថា កម្មវិធីមីស៊ីលផ្លោងរបស់អ៊ីរ៉ង់ មិនមែនជាផ្នែកនៃកិច្ចព្រមព្រៀង រវាងទីក្រុងវ៉ាស៊ីនតោន និងទីក្រុងតេហេរ៉ង់ ដើម្បីបញ្ចប់សង្គ្រាម នៅមជ្ឈិមបូព៌ានោះទេ។ អំឡុងកម្មវិធី ធ្វើឡើង នៅទីក្រុងអ៊ីស្លាម៉ាបាដ ជាមួយប្រធានាធិបតីអ៊ីរ៉ង់ លោក Masoud Pezeshkian នាពេលនោះ, លោក Sharif រៀបរាប់ថា «ខ្ញុំសូមនិយាយ ដោយគ្មានការភ័យខ្លាចពីភាពផ្ទុយគ្នាណាមួយថា មីស៊ីលផ្លោង មិនមែនជាប្រធានបទនៃការពិភាក្សា រវាងអ៊ីរ៉ង់ និងសហរដ្ឋអាមេរិកឡើយ»។ យ៉ាងណា ទាំង អាមេរិក និង អ៊ីស្រាអែល ធ្លាប់និយាយថា ទីក្រុងតេហេរ៉ង់ ជិតនឹងផលិតបាន នូវកាំជ្រួចមីស៊ីលផ្លោង ដែលអាចបាញ់ដល់ដីអាមេរិក ហើយនេះក៏ជាហេតុផលចម្បងមួយ ដែលប្រទេសទាំងពីរ…
-
លោក គីម ជុងអ៊ុន ដាក់ផែនការផលិតអាវុធនុយក្លេអ៊ែរ វ៉ាដាច់គេលើលោក
ព្យុងយ៉ាង ៖ លោក គីម ជុងអ៊ុន មេដឹកនាំកូរ៉េខាងជើង បានអំពាវនាវ ឲ្យប្រទេសរបស់ខ្លួន ខិតខំប្រឹងប្រែងបង្កើនឃ្លាំងសព្វាវុធនុយក្លេអ៊ែរ ដោយបញ្ជាក់ពីគោលដៅប្រកបដោយមហិច្ឆតា អួតអាងថា នឹងបង្កើនបរិមាណ ឲ្យវ៉ាដាច់ប្រទេសទាំងអស់ នៅលើពិភពលោក។ ការលើកឡើងយ៉ាងដូច្នេះ របស់លោក គីម ជុងអ៊ុន បានធ្វើឡើង ក្នុងពេលដែលរូបលោកដឹកនាំកិច្ចប្រជុំពេញអង្គ របស់គណបក្សពលករកូរ៉េ WPK ដែលជាបក្សកំពុងកាន់អំណាច រៀបចំធ្វើឡើង រយៈពេល ៣ ថ្ងៃ ពោលគឺ ចាប់ពីថ្ងៃទី២០ ដល់ ២២ ខែមិថុនា។ ទីភ្នាក់ងារសារព័ត៌មានមជ្ឈិមកូរ៉េ KCNA រៀបរាប់ថា «ជាមួយនឹងបច្ចេកវិទ្យានុយក្លេអ៊ែរ ជាមូលដ្ឋាន, ផែនការកាន់តែទូលំទូលាយ, ការច្នៃប្រឌិត ព្រមទាំង ការលើកទឹកចិត្ត នឹងត្រូវបានអនុវត្ត ជាមួយនឹងល្បឿននៃការផលិតអាវុធនុយក្លេអ៊ែរ កាន់តែកើនឡើង។ លោក Kim បានដាក់ចេញនូវភារកិច្ច ដើម្បីអនុវត្តការងារនេះ ប្រកបដោយថាមពល ដើម្បីបង្កើនទ្រព្យសម្បត្តិការពារ ដ៏មានអានុភាពប្រភេទនេះ ដោយមិនបន្ធូរដៃ ជាមួយនឹងគោលដៅ វ៉ាដាច់គេទាំងអស់ នៅលើពិភពលោក»។…
-
អាមេរិក ប្រគល់យានក្រោមទឹកសមត្ថភាពខ្ពស់ ទៅហ្វីលីពីន ទប់ទល់ឥទ្ធិពលចិន
ម៉ានីល ៖ សហរដ្ឋអាមេរិកបានប្រគល់យានក្រោមទឹកដើរដោយស្វ័យប្រវត្តិចំនួន ៤ គ្រឿង ទៅឱ្យយោធាហ្វីលីពីន ស្ថិតក្រោមកិច្ចព្រមព្រៀងមានតម្លៃ ១៣លានដុល្លារ នេះបើតាមការបញ្ជាក់របស់ស្ថានទូតអាមេរិកប្រចាំទីក្រុងម៉ានីល នៅថ្ងៃទី២៣ ខែមិថុនា ។ ការប្រគល់នេះ ធ្វើឡើងចំពេលដែលសហរដ្ឋអាមេរិកកំពុងបង្កើនសមត្ថភាពសម្ព័ន្ធមិត្តចាស់វស្សារបស់ខ្លួនមួយនេះ ក្នុងការទប់ទល់នឹងសកម្មភាពរបស់មហាយក្សចិននៅសមុទ្រចិនខាងត្បូង ។ បើតាម Straits Times, យានក្រោមទឹកបើកដោយស្វ័យប្រវត្តិនេះ មានឈ្មោះថា Ocean Aero Triton ដំណើរការដោយថាមពលពន្លឺព្រះអាទិត្យ ។ ពួកវាមានសមត្ថភាពបើកកាត់រលកតូចធំនៅលើផ្ទៃទឹក និងមុជចុះក្រោមបាតសមុទ្រ បានរហូតដល់ទៅ ៣០ថ្ងៃជាប់ៗគ្នា ដើម្បីប្រមូលទិន្នន័យសន្តិសុខ និងបញ្ជូនត្រឡប់មកបញ្ជាការដ្ឋានវិញ ។ សមត្ថភាពពិសេសរបស់យានក្រោមទឹក Triton នេះ គឺវាអាចរុករក និងប្រមូលទិន្នន័យបានទាំងនៅលើផ្ទៃទឹក និងជ្រមុជចុះទៅក្រោមបាតសមុទ្រជ្រៅៗ ប្រៀបដូចជាភ្នែកទិព្វដ៏សំខាន់របស់ហ្វីលីពីន ក្នុងការប្រជែងឥទ្ធិពលដែនទឹកជាមួយប្រទេសចិន ។ យោងតាម The Star, ស្ថានទូតអាមេរិកបានបញ្ជាក់ថា ការប្រគល់យានក្រោមទឹក Triton នេះ បង្ហាញពីការប្តេជ្ញាចិត្តរបស់សហរដ្ឋអាមេរិក ចំពោះសម្ព័ន្ធមិត្តដ៏យូរអង្វែងរបស់ខ្លួន ហើយក៏ជាការជួយបង្កើនសមត្ថភាពរបស់ហ្វីលីពីន ក្នុងការស្វែងរក និងឃ្លាំមើល ជាពិសេសឆ្លើយតបរាល់ការប្រឈមមុខនានានៅលើដែនសមុទ្រ…
-
សង្គ្រាម អ៊ីស្រាអែល-ក្រុមហេសបូឡា បំផ្លាញលុយ លីបង់ អស់ជិត ១,៤០០ លានដុល្លារ
បេរូត ៖ ភ្លើងសង្គ្រាមដុតបញ្ឆេះដោយអ៊ីស្រាអែល និងក្រុមហេសបូឡា បានបំផ្លាញលុយរបស់ប្រទេសលីបង់ រហូតដល់ជិត ១,៤០០ លានដុល្លារ ដោយសារអគាររាប់ម៉ឹនខ្នងស្ថិតនៅភាគខាងត្បូងប្រទេសមជ្ឈិមបូព៌ាមួយនេះ ត្រូវរងការបំផ្លិចបំផ្លាញស្ទើរទាំងស្រុង ។ កម្មវិធីអភិវឌ្ឍន៍អង្គការសហប្រជាជាតិ ហៅកាត់ UNDP និងក្រុមប្រឹក្សាជាតិសម្រាប់ការស្រាវជ្រាវវិទ្យាសាស្ត្រ ហៅកាត់ CNRS បានទម្លាយឲ្យដឹងកាលពីថ្ងៃចន្ទថា សរុបជាទឹកប្រាក់ លីបង់ខាតអស់ ១,៣៨០ លានដុល្លារ ខណៈអគារជាង ១ ម៉ឺន ១ ពាន់ខ្នងត្រូវបំផ្លាញខ្ទេចខ្ទី ។ ក្រៅពីបំផ្លាញអគារ, សង្គ្រាមរវាងអ៊ីស្រាអែល និងក្រុមហេសបូឡា ក៏បានបង្កផលប៉ះពាល់ដល់ផ្ទះសម្បែងរបស់ប្រជាជនលីបង់អស់ជិត ១ ម៉ឺន ៨ ពាន់ខ្នងផងដែរ ។ បើតាម CNA, ក្រុមហេសបូឡាបានអូសទាញប្រទេសលីបង់ ឲ្យធ្លាក់ចូលទៅក្នុងជម្លោះតំបន់មជ្ឈិមបូព៌ា កាលពីថ្ងៃទី២ ខែមីនាកន្លងទៅ តាមរយៈការបាញ់ស្រោចរ៉ុក្តែតជាច្រើនគ្រាប់លើអ៊ីស្រាអែល ដើម្បីគាំទ្រដល់អ៊ីរ៉ង់ ដែលជាខ្នងបង្អែកដ៏រឹងមាំរបស់ខ្លួន ។ យ៉ាងណា អ៊ីស្រាអែលបានសងសឹកវិញ ដោយការវាយប្រហារតាមផ្លូវអាកាសយ៉ាងខ្លាំងក្លា និងបានឈ្លានពានតាមដីគោក ។ ជម្លោះនេះកាន់តែពុះកញ្ជ្រោល ដោយភាគីទាំងពីរមិនបានគោរពបទឈប់បាញ់ថ្ងៃទី១៧ ខែមេសាទេ…
-
ឯកឧត្ដមរដ្ឋមន្ត្រី ជា វ៉ាន់ដេត អញ្ជើញចូលរួមវេទិកាសេវាសាធារណៈអង្គការសហប្រជាជាតិ
ប៊ីលីស៊ី៖ តបតាមការអញ្ជើញរបស់ ឯកឧត្ដម Li Junhua អគ្គលេខាធិការរងអង្គការសហប្រជាជាតិ និង ឯកឧត្ដម Paata Salia រដ្ឋមន្ត្រីក្រសួងយុត្តិធម៌នៃប្រទេសហ្ស៊កហ្ស៊ីជាម្ចាស់ផ្ទះ ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជើញចូលរួមវេទិកាសេវាសាធារណៈអង្គការសហប្រជាជាតិ (UN Public Service Forum) នៅក្រុងប៊ីលីស៊ី ប្រទេសហ្ស៊កហ្ស៊ី ក្រោមអធិបតីភាព ឯកឧត្ដម Irakli Kobakhidze នាយករដ្ឋមន្ត្រីនៃប្រទេសហ្ស៊កហ្ស៊ី។ កម្មវិធីនេះមានការចូលរួមពីរដ្ឋមន្ត្រីមកពីជាង២០ប្រទេស និងតំណាងជាអនុរដ្ឋមន្ត្រីនិងថ្នាក់ដឹកនាំមកពីសមាជិកអង្គការសហប្រជាជាតិជាង១០០ប្រទេស និងអង្គការអន្តរជាតិផ្សេងៗ។ ពិធីបើកវេទិកានេះ រៀបចំនៅថ្ងៃទី២៣ ខែមិថុនា ដែលត្រូវនឹង “ទិវាសេវាសាធារណៈ” របស់អង្គការសហប្រជាជាតិ។ ទិវានេះរៀបចំឡើងជារៀងរាល់ឆ្នាំតាំងពីឆ្នាំ២០០៣មក ដើម្បីទទួលស្គាល់តម្លៃនៃការបម្រើសេវាសាធារណៈជូនប្រជាពលរដ្ឋ ដែលជាមូលដ្ឋានដ៏សំខាន់នៃការអភិវឌ្ឍនៅគ្រប់ប្រទេសលើសាកលលោក។ រីឯវេទិកាសេវាសាធារណៈអង្គការសហប្រជាជាតិ ត្រូវបានចាប់ផ្ដើមរៀបចំអមទិវានេះ ចាប់ពីឆ្នាំ២០០៩មក ដើម្បីឱ្យបណ្ដាប្រទេសរៀនសូត្រពីបទពិសោធគ្នាទៅវិញទៅមកក្នុងការផ្ដល់សេវាសាធារណៈឱ្យបានល្អប្រសើរ។ ឆ្នាំនេះ ប្រទេសហ្ស៊កហ្ស៊ីត្រូវបានជ្រើសរើសជាម្ចាស់ផ្ទះ ដោយសារវឌ្ឍនភាពដ៏គួរឱ្យកត់សម្គាល់ក្នុងប្រទេសហ្ស៊កហ្ស៊ីលើផ្នែកសេវាសាធារណៈ ជាលទ្ធផលនៃកំណែទម្រង់ក្នុងរយៈពេលប្រមាណ៤ឆ្នាំចុងក្រោយនេះ។ ក្នុងពិធីនេះ ថ្នាល verify.gov.kh កម្ពុជាក៏បានចូលរួមតាំងបង្ហាញជូនអ្នកចូលរួមពីគ្រប់ប្រទេសបានស្គាល់ផងដែរ៕ ដោយ៖ង៉ាន់ ទិត្យ