-
លោក Trump អះអាងថា មេដឹកនាំកំពូលអ៊ីរ៉ង់នៅមានជីវិត តែរងរបួសធ្ងន់ធ្ងរ
វ៉ាស៊ីនតោន ៖ ប្រធានាធិបតីអាមេរិក លោក Donald Trump បានទទួលស្គាល់កាលពីថ្ងៃ ពុធ ថា មេដឹកនាំកំពូលអ៊ីរ៉ង់ លោក Mojtaba Khamenei នៅរស់រានមានជីវិតនៅឡើយ ប៉ុន្តែបានរងរបួសធ្ងន់ធ្ងរនៅចំហៀងខ្លួនខាងឆ្វេងនៃរាងកាយរបស់លោក ។ បើតាម Anadolu, លោក Trump អះអាងថា មេដឹកនាំកំពូលអ៊ីរ៉ង់បានរងរបួសធ្ងន់ធ្ងរខ្លាំងណាស់ ជាពិសេសនៅចំហៀងខ្លួនខាងឆ្វេងនៃរាងកាយរបស់លោក ព្រមទាំងដៃ ជើង និងគ្រប់រាងកាយទាំងមូល ។ លោក Trump ដែលមានវ័យ៨០ឆ្នាំរូបនេះ បានសង្កត់ធ្ងន់ថា ប្រសិនបើលោក Mojtaba Khamenei ស្លាប់មែននោះ ដូច្នេះរដ្ឋាភិបាលអ៊ីរ៉ង់កំពុងសម្តែងបានយ៉ាងល្អ ពីព្រោះពួកគេតែងតែអះអាងថា បានជួបពិភាក្សា និងសុំពរជ័យពីមេដឹកនាំកំពូលខ្លួនជាប្រចាំ ។ ទន្ទឹមគ្នា ប្រធានាធិបតីអាមេរិករូបនេះ បានរំពឹងថា ភ្លើងសង្គ្រាមរវាងអាមេរិក និងអ៊ីស្រាអែលជាមួយអ៊ីរ៉ង់ ដែលឆាបឆេះឡើងនៅថ្ងៃទី២៨ ខែកុម្ភៈ នឹងរលត់ទៅវិញក្នុងពេលឆាប់ៗនេះ ហើយបន្ទាប់មកសហរដ្ឋអាមេរិកនឹងបើកច្រកសមុទ្រ Hormuz ឡើងវិញដោយទាំងស្រុង ។ គួរបញ្ជាក់ថា ចាប់តាំងពីត្រូវបានតែងតាំងជាមេដឹកនាំកំពូលទី៣របស់អ៊ីរ៉ង់ បន្តពីឪពុករបស់ខ្លួន,…
-
អាមេរិកបន្តទម្លាក់គ្រាប់កម្ទេចទូកសង្ស័យដឹកគ្រឿងញៀន ស្លាប់មនុស្ស៤នាក់
បរទេស ៖ ការទម្លាក់គ្រាប់របស់សហរដ្ឋអាមេរិកលើទូកដែលសង្ស័យថា ពាក់ព័ន្ធនឹងការជួញដូរគ្រឿងញៀន បណ្តាលឱ្យមនុស្ស ៤ នាក់ស្លាប់ នៅក្នុងតំបន់សមុទ្រការីបៀន កាលពីថ្ងៃអង្គារ។ បញ្ជាការដ្ឋានភាគខាងត្បូងរបស់សហរដ្ឋអាមេរិក ហៅកាត់ SOUTHCOM បានបញ្ជាក់ នៅក្នុងការបង្ហោះមួយលើបណ្តាញសង្គម X ថា ការវាយប្រហារនោះបានកំណត់គោលដៅលើនាវាដែល «កំពុងធ្វើសកម្មភាពតាមបណ្តោយផ្លូវជួញដូរគ្រឿងញៀនដែលមានស្រាប់នៅក្នុងតំបន់សមុទ្រការីបៀន»។ ស្ថាប័ននេះបានបន្ថែមថា «ព័ត៌មានសម្ងាត់ដែលបានផ្ទៀងផ្ទាត់បានបង្ហាញពីការចូលរួមយ៉ាងសកម្មរបស់នាវានោះនៅក្នុងសកម្មភាពជួញដូរគ្រឿងញៀន»។ យោធាអាមេរិកបានចាប់ផ្តើមប្រតិបត្តិការដែលមានឈ្មោះថា «Southern Spear» នៅដើមខែកញ្ញា ដោយប្រធានាធិបតី ដូណាល់ ត្រាំ បានអះអាងថា ទីក្រុងវ៉ាស៊ីនតោនកំពុងស្ថិតក្នុងស្ថានភាពសង្គ្រាមជាក់ស្តែង ជាមួយបណ្តាញជួញដូរគ្រឿងញៀន ដែលប្រតិបត្តិការចេញពីតំបន់អាមេរិកឡាទីន។ យោងតាមទិន្នន័យរបស់ទីភ្នាក់ងារព័ត៌មាន AFP, ចាប់តាំងពីពេលនោះមក មនុស្សជាង ២០០ នាក់ត្រូវបានសម្លាប់នៅក្នុងការវាយប្រហារនានា នៅក្នុងសមុទ្រការីបៀន និង មហាសមុទ្រប៉ាស៊ីហ្វិកខាងកើត។ រដ្ឋបាលរបស់លោក ត្រាំ មិនបានផ្តល់ភស្តុតាងច្បាស់លាស់ណាមួយ ដែលបញ្ជាក់ថា នាវាដែលខ្លួនបានវាយប្រហារនោះពិតជាពាក់ព័ន្ធនឹងការជួញដូរគ្រឿងញៀនឡើយ។ អ្នកជំនាញផ្នែកច្បាប់ និងក្រុមសិទ្ធិមនុស្សនិយាយថា ការវាយប្រហារទាំងនេះអាចចាត់ទុកថា ជាការសម្លាប់មនុស្សក្រៅប្រព័ន្ធតុលាការ៕ ប្រភព ៖ AFP ប្រែសម្រួល ៖ សារ៉ាត
-
នាយករដ្ឋមន្ត្រីកាតា បំពេញទស្សនកិច្ចនៅអ៊ីរ៉ង់ ក្នុងថ្ងៃព្រហស្បតិ៍នេះ
ដូហា ៖ នាយករដ្ឋមន្ត្រីកាតានឹងទៅបំពេញទស្សនកិច្ចនៅអ៊ីរ៉ង់ នៅក្នុងថ្ងៃព្រហស្បតិ៍នេះ ដើម្បីពិភាក្សាអំពីកិច្ចខិតខំប្រឹងប្រែងកាត់បន្ថយភាពតានតឹង ជាពិសេស ផ្តោត លើច្រកសមុទ្រ Hormuz។ នេះបើតាម លោក Majed Al Ansari អ្នកនាំពាក្យក្រសួងការបរទេសកាតា ប្រកាស នៅលើបណ្តាញសង្គម X។ បើតាមប្រភព , នាយករដ្ឋមន្ត្រី និង ជារដ្ឋមន្ត្រីការបរទេសកាតា លោក Sheikh Mohammed bin Abdulrahman bin Jassim Al Thani នឹងអញ្ជើញទៅកាន់រដ្ឋធានីរបស់អ៊ីរ៉ង់ នៅថ្ងៃទី២៧ ខែសីហានេះ ដើម្បីពិភាក្សាអំពីកិច្ចខិតខំប្រឹងប្រែងកាត់បន្ថយភាពតានតឹង។ លោក Sheikh Mohammed គ្រោងជួបជាមួយមន្ត្រីអ៊ីរ៉ង់មួយចំនួន ដើម្បីពិភាក្សាអំពីវិធីសាស្ត្រក្នុងការកាត់បន្ថយភាពតានតឹង និងបង្កើតលក្ខខណ្ឌអំណោយផលសម្រាប់ការសន្ទនា ហើយ ការពិភាក្សានឹងគ្របដណ្តប់លើបញ្ហាសេរីភាពនៃការធ្វើនាវាចរណ៍ នៅក្នុងច្រកសមុទ្រ Hormuz និងតម្រូវការក្នុងការស្តារផ្លូវទឹកនេះឱ្យត្រឡប់ទៅរកស្ថានភាពដើមវិញ ដូចដែលធ្លាប់មានមុនថ្ងៃទី ២៨ ខែកុម្ភៈ។ បើតាម anadolu , នេះនឹងក្លាយជាដំណើរទស្សនកិច្ចលើកដំបូង របស់នាយករដ្ឋមន្ត្រីកាតា…
-
SpaceX គ្រោងចាយទុន ១០០ ពាន់លានដុល្លារ សង់មជ្ឈមណ្ឌលបាញ់បង្ហោះរ៉ុក្តែត និងផ្កាយរណប AI ធំបំផុតនៅ អាមេរិក
វ៉ាស៊ីនតោន ៖ SpaceX ដែលជាក្រុមហ៊ុនអវកាសឯកជនរបស់បុរសមានទ្រព្យសម្បត្តិស្តុកស្តម្ភជាងគេលើពិភពលោក គឺលោក Elon Musk បានបញ្ចេញផែនការចាយទុនរហូតដល់ ១០០ ពាន់លានដុល្លារ ដើម្បីសាងសង់មជ្ឈមណ្ឌលបាញ់បង្ហោះរ៉ុក្កែតដ៏ធំបំផុតនៅរដ្ឋ Louisiana សហរដ្ឋអាមេរិក ។ បើតាម CNA, មជ្ឈមណ្ឌលបាញ់បង្ហោះរ៉ុក្តែតថ្មីនេះមានឈ្មោះថា Starbase Louisiana មានទំហំជាង ៥ ម៉ឺនហិកតា ស្ថិតនៅលើកោះ Pecan ភាគខាងត្បូងនៃរដ្ឋ Louisiana ។ នៅទីនោះ SpaceX នឹងកែប្រែតំបន់ដីសើមឆ្នេរសមុទ្រនៅភាគខាងត្បូងនៃរដ្ឋ Louisiana ឲ្យទៅជាមូលដ្ឋានដ៏សំខាន់សម្រាប់បាញ់បង្ហោះរ៉ុក្កែត Starship ជំនាន់ថ្មី និងផ្កាយរណបបំពាក់បច្ចេកវិទ្យា AI ទៅកាន់គន្លងតារាវិថី ព្រមទាំងគាំទ្រដល់បេសកកម្មទៅកាន់ព្រះចន្ទ និងភពអង្គារ ។ គម្រោងនេះនឹងបង្កើតការងារផ្ទាល់ជាង ៣ ពាន់កន្លែង ជាមួយនឹងប្រាក់បៀវត្សរ៍ជាមធ្យមជាង ៩ ម៉ឺនដុល្លារ ឬខ្ពស់ជាងប្រាក់ខែក្នុងតំបន់រហូតដល់ ១៩២% និងបង្កើតការងារមិនផ្ទាល់ជាង ៨,១០០ កន្លែងទៀតផងដែរ ។ ផ្អែកតាមប្រភពពីក្រុមហ៊ុន SpaceX, មជ្ឈមណ្ឌលបាញ់បង្ហោះរ៉ុក្តែតនេះ…
-
ឆ្នាំនេះ រំហូរទឹកទន្លេមេគង្គមានការប្រែប្រួលខ្លាំងខុសពីធម្មតា
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញចុះពិនិត្យជាក់ស្ដែងស្ថានភាពទឹកជំនន់ទន្លេមេគង្គ និងផលប៉ះពាល់ដល់ប្រជាពលរដ្ឋ នៅក្នុងខេត្តត្បូងឃ្មុំ និងខេត្តកំពង់ចាម នាព្រឹកថ្ងៃពុធទី២៦ ខែសីហា ឆ្នាំ២០២៦នេះ ដោយមានវត្តមានចូលរួមពីសំណាក់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងអាជ្ញាធរមូលដ្ឋានជាច្រើនរូបផងដែរ។ ក្នុងរយៈពេលប៉ុន្មានថ្ងៃកន្លងមកនេះ ឥទ្ធិពលព្យុះ និងប្រព័ន្ធសម្ពាធទាបដែលកើតមាននៅភាគខាងលើអាងទន្លេមេគង្គ បានបណ្តាលឱ្យតំបន់ផ្ទៃរងទឹកភ្លៀងនៃទន្លេមេគង្គក្នុងប្រទេសថៃ ឡាវ វៀតណាម និងប្រទេសកម្ពុជាមានភ្លៀងធ្លាក់ច្រើននៅក្នុងអាងទន្លេមេគង្គ។ ស្ថានភាពនេះធ្វើឱ្យកម្ពស់ទឹកទន្លេមេគង្គមានការហក់ឡើងខ្លាំង បណ្តាលឱ្យជន់លិចតំបន់មួយចំនួននៅតាមដងទន្លេមេគង្គផ្នែកខាងលើ ក្នុងខេត្តស្ទឹងត្រែង ខេត្តក្រចេះ ខេត្តត្បូងឃ្មុំ និងខេត្តកំពង់ចាម។ ឯកឧត្តមរដ្ឋមន្ត្រី បានបញ្ជាក់ឱ្យដឹងថា នៅប្រទេសកម្ពុជា តាមស្ថិតិរបស់ក្រសួងចាប់ពីឆ្នាំ២០០០ ដល់ឆ្នាំ២០១៩ ទឹកទន្លេមេគង្គតែងតែឡើងខ្ពស់រហូត ប៉ុន្តែក្នុងរយៈពេល៥ឆ្នាំចុងក្រោយចាប់ពីឆ្នាំ២០២០ ដល់ឆ្នាំ២០២៥ ទឹកទន្លេមេគង្គមានកម្ពស់ទាប មិនបណ្តាលឱ្យលិចលង់ដល់ភូមិឋានប្រជាពលរដ្ឋ និងមិនប៉ះពាល់ដល់ហេដ្ឋារចនាសម្ព័ន្ធ។ ដោយឡែក នៅឆ្នាំ២០២៦ រំហូរទឹកទន្លេមេគង្គមានការប្រែប្រួលខ្លាំងខុសពីធម្មតា កម្ពស់ទឹកហក់ឡើងខ្ពស់នៅផ្នែកខាងលើរហូតដល់កម្រិតប្រកាសប្រុងប្រយ័ត្ន និងបណ្តាលឱ្យមានការជន់លិចនៅតំបន់មួយចំនួនតាមដងទន្លេមេគង្គ។ ឯកឧត្តមរដ្ឋមន្ត្រី ក៏បានបញ្ជាក់បន្ថែមថា ឥទ្ធិពលនៃបាតុភូតអែលនីញ៉ូ បានធ្វើឱ្យអាកាសធាតុមានការប្រែប្រួលខ្លាំង ជាក់ស្តែងនៅឆ្នាំនេះមានព្យុះរហូតដល់ ២១រួចហើយគិតត្រឹមចុងខែសីហា ដែលជាធម្មតារៀងរាល់ឆ្នាំចំនួននេះគឺកើតឡើងនៅខែកញ្ញាឬខែតុលា។ មួយវិញទៀតកម្ដៅកាន់តែឡើងខ្លាំង កន្លែងខ្លះភ្លៀងខ្លាំង…
-
អាមេរិក ស្នើសុំ អ៊ុយក្រែន ផ្អាកបាញ់មីស៊ីល និងដ្រូនដាក់ រុស្ស៊ី ខ្លាចប៉ះចំប្រមុខ CIA ទៅមូស្គូ
មូស្គូ៖ សហរដ្ឋអាមេរិកកាលពីថ្ងៃអង្គារបានស្នើសុំឲ្យអ៊ុយក្រែនផ្អាកបាញ់មីស៊ីល និងយន្តហោះដ្រូនរយៈពេល ៣ ថ្ងៃទៅលើទីក្រុងមូស្គូ និងទីក្រុង St. Petersburg របស់ប្រទេសរុស្ស៊ី ដោយសារតែខ្លាចប៉ះចំប្រមុខទីភ្នាក់ងារស៊ើបការណ៍ CIA ដែលកំពុងធ្វើទស្សនកិច្ចយ៉ាងសម្ងាត់នៅទីនោះ ។ បើតាមកាសែត Washington Post, ប្រមុខ CIA លោក John Ratcliffe បានអញ្ជើញទៅដល់ទីក្រុងមូស្គូកាលពីថ្ងៃទី២៥ ខែសីហា ដើម្បីជួបពិភាក្សាជាមួយមន្ត្រីរុស្ស៊ី ហើយនេះក៏ជាដំណើរទស្សនកិច្ចដ៏កម្រមួយរបស់ប្រមុខ CIA ទៅកាន់ប្រទេសរុស្ស៊ីផងដែរ ចាប់តាំងពីផ្ទុះសង្គ្រាមរវាងរុស្ស៊ី និងអ៊ុយក្រែនមក ។ ប្រភពដដែលបញ្ជាក់ថា បន្ទាប់ពីទទួលបានដំណឹងនេះ រដ្ឋាភិបាលទីក្រុងបានយល់ព្រមផ្អាកការវាយប្រហារជាបណ្តោះអាសន្នលើទីក្រុងទាំងពីរនេះ រយៈពេល ៣ ថ្ងៃ ចាប់ពីថ្ងៃទី២៤ ដល់ថ្ងៃទី២៦ ខែសីហា ។ បើតាម Kyiv Post, ការស្នើសុំនេះគឺដោយសារតែសហរដ្ឋអាមេរិកមិនទុកចិត្តលើសមត្ថភាពនៃប្រព័ន្ធខែលការពារដែនអាកាសរបស់រុស្ស៊ី ។ ចំណែក គោលបំណងនៃដំណើរទស្សនកិច្ចរបស់លោក Ratcliffe នៅតែមិនទាន់ច្បាស់លាស់នៅឡើយ ខណៈខ្លឹមសារនៃជំនួប ឬមន្ត្រីរុស្ស៊ីរូបណាដែលនឹងត្រូវជួបរូបលោកក៏មិនទាន់ត្រូវបានបង្ហើបឲ្យដឹងនៅឡើយផងដែរ ។ យ៉ាងណា លោក Dmitry…
-
ភេរវករនៅ ស៊ីរី រំលាយក្រុមចោល ក្រោយ អាមេរិក លែងចាត់ទុកប្រទេសនេះជារដ្ឋគាំទ្រភេរវកម្ម
ដាម៉ាស ៖ ក្រុមបណ្តាញភេរវករ YPG នៅប្រទេសស៊ីរី ឬកងកម្លាំងប្រជាធិបតេយ្យស៊ីរី SDF ដែលដឹកនាំដោយជនជាតិឃឺដ បានប្រកាសកាលពីថ្ងៃអង្គារថា រដ្ឋបាលស្វយ័តរបស់ខ្លួន រួមទាំង រចនាសម្ព័ន្ធយោធា និង ស៊ីវិលទាំងអស់ ត្រូវបានរំលាយចោល ហើយប្រកាសចុះចូលជាមួយរដ្ឋាភិបាលទីក្រុងដាម៉ាសផងដែរ ។ បើតាម Yahoo, ការប្រកាសរំលាយក្រុមខ្លួនឯងចោលនេះកើតមានឡើងមួយថ្ងៃប៉ុណ្ណោះ បន្ទាប់ពីសហរដ្ឋអាមេរិកបានដកប្រទេសស៊ីរីចេញពីបញ្ជី «រដ្ឋគាំទ្រអំពើភេរវកម្ម» ដែលធ្លាប់បានដាក់ក្នុងបញ្ជីខ្មៅបែបនេះ អស់រយៈពេលជាច្រើនទសវត្សរ៍ ។ ព្រឹត្តិការណ៍នេះគឺជាជំហានមួយទៀតឆ្ពោះទៅរកទំនាក់ទំនងកាន់តែជិតស្និទ្ធ រវាងប្រទេសទាំងពីរ បន្ទាប់ពីការដក លោក Bashar al-Assad ចេញពីអំណាច និងតែងតាំងលោក Ahmed al-Sharaa ប្រធានាធិបតីថ្មីរបស់ស៊ីរី ។ លោក Ferhat Abdi Sahin មេដឹកនាំរបស់ក្រុមប្រដាប់អាវុធ YPG និយាយថា បន្ទាប់ពីមានកិច្ចព្រមព្រៀង ជាមួយប្រធានាធិបតីស៊ីរី Ahmed al-Sharaa និង ក្រោយពេលបញ្ចប់ដំណើរការនៃការបញ្ចូលកងកម្លាំងរបស់យើងទៅក្នុងកងពលតូចនានានៃកងទ័ពស៊ីរី យើងសូមប្រកាសជាមួយនឹងស្មារតីទទួលខុសត្រូវខ្ពស់ថា យើងកំពុងរំលាយខ្លួនឯង ក្នុងនាមជាកងកម្លាំងយោធាឯករាជ្យមួយ»។ ជាមួយគ្នានេះ ការប្រកាសនេះ…
-
អ៊ុយក្រែន ជំរុញ ចិន ប្រើឥទ្ធិពលការទូតឱ្យខ្លាំងក្លា ដើម្បីបញ្ចប់សង្គ្រាម រុស្ស៊ី
កៀវ ៖ លោក Volodymyr Zelensky ប្រធានាធិបតីអ៊ុយក្រែន បានអះអាងកាលពីថ្ងៃអង្គារ ថា ទីក្រុងកៀវកំពុងពឹងផ្អែកលើចិន ដែលជាប្រទេសមហាយក្សនៅអាស៊ី ប្រើប្រាស់ឥទ្ធិពលការទូតឱ្យកាន់តែខ្លាំងក្លាថែមទៀត ដើម្បីជួយបញ្ចប់សង្គ្រាមរបស់រុស្ស៊ីមកលើអ៊ុយក្រែន ។ បើតាម Anadolu, លោក Zelensky បានធ្វើការអត្ថាធិប្បាយបែបនេះ បន្ទាប់ពីលោក Xi Jinping ប្រធានាធិបតីចិន បានផ្ញើសារលិខិតអបអរសាទរអ៊ុយក្រែន ក្នុងឱកាសបុណ្យឯករាជ្យជាតិគម្រប់ខួប ៣៥ឆ្នាំ ចាប់តាំងពីប្រទេសនេះបានប្រកាសឯករាជ្យពីសហភាពសូវៀត ។ លោក Zelensky បញ្ជាក់ច្បាស់ៗតាមបណ្តាញសង្គម X ថា យើងពឹងផ្អែកលើចិន ក្នុងការដើរតួនាទីការទូតឱ្យកាន់តែសកម្ម ដើម្បីនាំយកសង្គ្រាមរបស់រុស្ស៊ីប្រឆាំងនឹងអ៊ុយក្រែនទៅរកទីបញ្ចប់ ពីព្រោះសន្តិភាពអាចជាសមិទ្ធផលរួមរបស់ពួកយើង ។ ការអំពាវនាវរបស់លោក Zelensky នេះទៀតសោតក៏ធ្វើឡើង ស្របពេលដែលអ៊ុយក្រែនបន្តស្វែងរកសម្ពាធការទូតពីសហគមន៍អន្តរជាតិលើប្រទេសរុស្ស៊ី និងការគាំទ្រដល់កិច្ចខិតខំប្រឹងប្រែង ដើម្បីសម្រេចបានសន្តិភាពយូរអង្វែង ។ ភ្លើងសង្គ្រាមរវាងរុស្ស៊ី និងអ៊ុយក្រែន ដែលឆាបឆេះឡើងបណ្តាលមកពីការលើកទ័ពរបស់ទីក្រុងមូស្គូចូលលុកលុយទៅក្នុងទីក្រុងកៀវ កាលពីខែកុម្ភៈ ឆ្នាំ២០២២ នៅមិនទាន់មានសញ្ញារលត់ទៅវិញ ឬលទ្ធផលចាញ់ឈ្នះច្បាស់លាស់នៅឡើយនោះទេ ។ ជាមួយគ្នា សង្គ្រាមខ្នាតធំដែលអូសបន្លាយពេលជាង ៤…
-
ក្រសួងមហាផ្ទៃប្រើធម៌ក្តៅ ៖ មន្រ្តីផឹកស្រវឹង បើកបរហើយបង្កគ្រោះថ្នាក់ ប្រឈមបណ្តេញចេញពីក្របខណ្ឌ
ចាប់ពីពេលនេះតទៅ មន្ត្រីក្របខណ្ឌក្រសួងមហាផ្ទៃទាំងអស់ ទាំងស៊ីវិល ទាំងមន្ត្រីនគរបាលជាតិ និងមន្ត្រីពន្ធនាគារ ប្រសិនរកឃើញថាបានបើកបរទាំងស្រវឹង ហើយបង្កគ្រោះថ្នាក់ចរាចរណ៍នៅតាមដងផ្លូវ គឺមិនត្រឹមតែប្រឈមមុខច្បាប់ប៉ុណ្ណោះទេ ប៉ុន្តែក៏នឹងត្រូវប្រឈមការបណ្តេញចេញពីក្របខណ្ឌផងដែរ។ នេះបើតាមការលើកឡើងរបស់លោក ទូច សុខៈ អ្នកនាំពាក្យរងនៃក្រសួងមហាផ្ទៃ ដែលបញ្ជាក់ថា គោលការណ៍នេះត្រូវបានដាក់ចេញដោយឯកឧត្តម ស សុខា រដ្ឋមន្ត្រីក្រសួងមហាផ្ទៃ នៅថ្ងៃពុធ ទី២៦ ខែសីហា ឆ្នាំ២០២៦នេះ។ ជាងនេះទៅទៀត វិធានការក្តៅនេះមិនមែនអនុវត្តតែក្នុងរឿងគ្រោះថ្នាក់ចរាចរណ៍ឡើយ។ លោក ទូច សុខៈ បញ្ជាក់បន្ថែមថា មន្ត្រីទាំង៣ប្រភេទនេះ បើសិនជាទទួលទានគ្រឿងស្រវឹងហើយ ទៅរករឿងអ្នកដទៃ ដែលបង្កសកម្មភាពអសីលធម៌ក្នុងសង្គមតាមទីសាធារណៈនានា ក៏នឹងត្រូវប្រឈមមុខនឹងការបណ្ដេញចេញពីក្របខ័ណ្ឌដូចគ្នាផងដែរ។ ការដាក់ចេញវិធានការដ៏តឹងរ៉ឹងនេះ ធ្វើឡើងស្របពេលដែលកន្លងមក មានមន្រ្តីនគរបាលខ្លះ បន្ទាប់ពីស្រាចូលខ្លួន បានប្តូរអត្តចរិត ហើយប្រព្រឹត្តិល្មើសតួនាទី ដោយបង្កហិង្សាលើជនស៊ីវិល។ វាក៏ស្របពេលជាមួយការរឹតបន្តឹងច្បាប់ចរាចរណ៍ផ្លូវគោក ដែលនឹងចាប់ផ្តើមអនុវត្តឡើងវិញនៅថ្ងៃទី០១ ខែកញ្ញា ខាងមុខនេះ។ ក្នុងរយៈពេល៧ខែឆ្នាំ២០២៦នេះ គ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន ១ ៥៩០លើក មានអ្នកស្លាប់ជិត ១ពាន់នាក់ និងរងរបួសជាង ២ ៣០០នាក់៕ សៅ សុខអេង
-
កម្ពុជា-វៀតណា-ឡាវ គ្រោងបង្កើតកញ្ចប់ទស្សនកិច្ចថ្មី ដើម្បីទាក់ទាញទេសចរពិភពលោក
ក្រុមហ៊ុនវៀតណាមមួយបានផ្តួចផ្តើមបង្កើតកញ្ចប់ទេសចរណ៍ “ទីក្រុងបុរាណ ៣ ក្នុងប្រទេស ៣” រវាងកម្ពុជា វៀតណាម និងឡាវ ដើម្បីជំរុញការទាក់ទាញភ្ញៀវទេសចរ។ កញ្ចប់ទស្សនកិច្ចថ្មីនេះត្រូវបានរំពឹងថា អាចជំរុញកំណើនភ្ញៀវទេសចររវាងប្រទេសទាំង៣ ប្រទេសទី៣ និងពីគ្រប់ទិសទីនៃពិភពលោក។ លោក Nguyễn Quốc Kỳ ប្រធានក្រុមហ៊ុន Vietravel Corporation ដែលជាក្រុមហ៊ុនទេសចរណ៍នាំមុខគេជាង៣ទសវត្សនៅវៀតណាម បានលើកយកគំនិតផ្តួចផ្តើមនេះមកពិភាក្សាជាមួយឯកឧត្តម ហួត ហាក់ រដ្ឋមន្រ្តីក្រសួងទេសចរណ៍កម្ពុជា ក្នុងពេលដែលឯកឧត្តមបំពេញទស្សនកិច្ចការងារ នៅទីក្រុងហូជីមិញ ប្រទេសវៀតណាម កាលពីថ្ងៃទី២៥ ខែសីហា។ កញ្ចប់ទេសចរណ៍ថ្មីនេះនឹងភ្ជាប់ទីក្រុងវេ (Huế) របស់វៀតណាម ទីក្រុងសៀមរាបរបស់កម្ពុជា និងទីក្រុងហ្លួងព្រះបាងរបស់ឡាវ ដើម្បីបង្កើតជាផលិតផលទេសចរណ៍ឆ្លងប្រទេស ប្រកបដោយភាពទាក់ទាញ និងច្នៃប្រឌិតជាមួយជើងហោះហើរថ្មីសម្រាប់ទីក្រុងបុរាណទាំង៣។ ទន្ទឹមនេះ ក្រុមហ៊ុនទេសចរណ៍វៀតណាម បានបង្ហាញការចាប់អារម្មណ៍ចំពោះសក្តានុពល និងភាពសម្បូរបែបនៃវិស័យទេសចរណ៍កម្ពុជា ដែលបានជំរុញឱ្យក្រុមហ៊ុនបង្កើតកិច្ចសហការជាមួយក្រសួងទេសចរណ៍ និងវិស័យឯកជនកម្ពុជា ដើម្បីជំរុញការផ្លាស់ប្តូរភ្ញៀវទេសចរ ការផ្សព្វផ្សាយគោលដៅទេសចរណ៍ និងការអភិវឌ្ឍផលិតផលទេសចរណ៍រួមរវាងប្រទេសទាំងពីរ។ សូមបញ្ជាក់ថា ក្នុងជំនួបខាងលើ ភាគីទាំងពីរក៏បានឯកភាពជំរុញកិច្ចសហប្រតិបត្តិការជាក់ស្តែង ដោយគ្រោងចុះ អនុស្សរណៈនៃការយោគយល់គ្នា (MoU) ស្តីកិច្ចសហប្រតិបត្តិការក្នុងវិស័យទេសចរណ៍ ដោយថ្នាក់ដឹកនាំជាន់ខ្ពស់របស់ក្រុមហ៊ុននឹងមកស្វែងយល់ពីសក្តានុពលទេសចរណ៍ក្នុងខេត្តសៀមរាប…