តេហេរ៉ង់ ៖ កងទ័ពជើងទឹកនៃកងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ ហៅកាត់ IRGC បានឱ្យដឹង នៅថ្ងៃព្រហស្បតិ៍នេះថា មាននាវាចំនួន ៧ គ្រឿងត្រូវបានវាយប្រហារ ហើយឆ្លៀតព្រមានសហរដ្ឋអាមេរិកថា អាចនឹងមានការឆ្លើយតប ក្នុងទ្រង់ទ្រាយធំជាងនេះ។ នេះបើតាមការចេញផ្សាយរបស់ Reuters។ កងកម្លាំងឆ្មាំបដិវត្តន៍ IRGC បានប្រកាស ថា នាវាចំនួន ៤ គ្រឿង ដែលពាក់ព័ន្ធនឹងការផ្ទេរប្រេងដោយខុសច្បាប់នៅភាគខាងជើងនៃឈូងសមុទ្រពែរ្ស ត្រូវបានវាយប្រហារក្នុងពេលដំណាលគ្នា និងឆាបឆេះឡើង បន្ទាប់ពីត្រូវបានកងកម្លាំងរបស់ខ្លួនតាមដាន កាលពីថ្ងៃពុធ។ កងកម្លាំង IRGC បានបន្ថែមថា មាននាវាចំនួន ៣ គ្រឿងទៀតបានប៉ះជាមួយមីនសមុទ្រ នៅភាគខាងលិចនៃច្រកសមុទ្រហ័រមូស ហើយបានព្រមានយោធាសហរដ្ឋអាមេរិកថា ប្រសិនបើនៅតែបន្តមានសកម្មភាពបង្កហេតុទៀតនោះ វាអាចនឹងនាំឱ្យមានការឆ្លើយតបក្នុងទ្រង់ទ្រាយធំជាងនេះ ប្រឆាំងនឹងមូលដ្ឋានទ័ពរបស់សហរដ្ឋអាមេរិកនៅក្នុងតំបន់។ សង្គ្រាមអ៊ីរ៉ង់ បានបន្តអស់រយៈពេលជាង ៧ខែមកហើយ ដែលជំរុញឱ្យតម្លៃថាមពលសកលកើនឡើងយ៉ាងគំហុក ខណៈចរាចរណ៍ប្រេងពាណិជ្ជកម្មតាមរយៈផ្លូវទឹកយុទ្ធសាស្ត្រត្រូវបានបញ្ឈប់ ។ យ៉ាងណា សហរដ្ឋអាមេរិក និងអ៊ីរ៉ង់បានចុះហត្ថលេខាលើកិច្ចព្រមព្រៀងក្របខ័ណ្ឌមួយកាលពីខែមិថុនា បន្ទាប់ពីមានកិច្ចខិតខំប្រឹងប្រែងសម្របសម្រួលដោយប៉ាគីស្ថាន និងកាតា ដើម្បីបញ្ឈប់អរិភាព និងបើកផ្លូវសម្រាប់ការចរចា ។ ប៉ុន្តែ ការអនុវត្តកិច្ចព្រមព្រៀងនេះ បានជាប់គាំងចាប់តាំងពីពេលនោះមក…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ កាលពីថ្ងៃពុធ បានជេរប្រមាថដល់អ្នកសារព័ត៌មានមកពី ស្ថាប័ន CNN និង ABC News នៅឯសេតវិមាន។ ខណៈពេលកំពុងឆ្លើយសំណួរ នៅខាងក្រៅសេតវិមាន, លោក ត្រាំ បានរិះគន់យ៉ាងចាស់ដៃ ទៅលើអ្នកស្រី Kaitlan Collins ដែលជាអ្នកយកព័ត៌មានជាន់ខ្ពស់ របស់ CNN ហើយ ក៏ជាបុគ្គលម្នាក់ដែលលោក ត្រាំ តែងតែវាយប្រហារជាញឹកញាប់។ ការរិះគន់នេះបានកើតឡើង នៅពេលដែលអ្នកស្រីព្យាយាមសួរអំពីការសម្រេចចិត្ត របស់លោក ត្រាំ ក្នុងការលើកលែងទណ្ឌកម្មលើប្រទេសរុស្ស៊ី។ លោក ត្រាំ ឆ្លើយថា «ខ្ញុំមានសិទ្ធិអនុវត្តវិធានការទាំងនោះ នៅថ្ងៃណាក៏បានដែរ»។ ពេលលោកប្រធានាធិបតីបានចាប់ផ្តើមថ្លែងបកស្រាយបន្ថែម ក៏ត្រូវបានលោកស្រី Collins និយាយកាត់។ ក្រោយមក លោកបាននិយាយទៅកាន់អ្នកស្រី Collins ថា «អ្នកជាមនុស្សដែលមានកម្រិតបញ្ញាទាប អ្នកជាមនុស្សល្ងង់ ហើយអ្នកធ្វើការឱ្យ CNN»។ បន្ទាប់មកទៀត, លោក Trump ក៏សំដៅទៅលើអ្នកយកព័ត៌មានម្នាក់ទៀត…

ព្យុងយ៉ាង ៖ ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង គឺ លោកស្រី គីម យ៉ូជុង កាលពីថ្ងៃពុធ បានប្រាប់ឲ្យកងទ័ពទីក្រុងព្យុងយ៉ាង ប្រុងជើងការនៅតាមបណ្តោយព្រំដែន ត្រៀមប្រឆាំងទប់ទល់នឹងកូរ៉េខាងត្បូង។ បន្ទាប់ពីបានចុះពិនិត្យទីតាំងការពារព្រំដែន ជាមួយមន្ត្រីយោធាជាន់ខ្ពស់, ប្អូនស្រីរបស់លោក គីម ជុងអ៊ុន រូបនេះ អះអាងថា កូរ៉េខាងជើងនឹងដាក់ឧបករណ៍បំពងសំឡេងសម្រាប់ប្រឆាំងនឹងកូរ៉េខាងត្បូងឱ្យស្ថិតក្នុងស្ថានភាពត្រៀមខ្លួន នៅតាមបណ្តោយព្រំដែនទាំងមូល ក្នុងរយៈពេលប៉ុន្មានថ្ងៃខាងមុខនេះ។ លោកស្រីក៏បានដាក់វិធានការតបតថ្មីៗ ឱ្យស្ថិតក្នុងកម្រិតត្រៀមប្រុងជើងការផងដែរ ដោយព្រមានទីក្រុងសេអ៊ូលថា នឹងជួបប្រទះនូវ ស្ថានភាពដ៏អាក្រក់បំផុត និងគួរឱ្យឈឺចាប់បំផុត ប្រសិនបើនៅតែបន្តអ្វីដែលទីក្រុងព្យុងយ៉ាងចាត់ទុកថាជា ការជ្រៀតជ្រែក។ លោកស្រី គីម យ៉ូជុង រៀបរាប់ថា «វិធានការតបតថ្មីរបស់យើងមានន័យថា កងកម្លាំងនឹងត្រៀមខ្លួនបំពេញភារកិច្ចនៅតាមបណ្តោយព្រំដែនភាគខាងត្បូងទាំងមូល ហើយឧបករណ៍បំពងសំឡេងដែលប្រើប្រាស់ប្រឆាំងនឹងសាធារណរដ្ឋកូរ៉េ នឹងត្រូវដាក់ឱ្យត្រៀមដំណើរការក្នុងរយៈពេលប៉ុន្មានថ្ងៃខាងមុខនេះ»។ បើតាម CNA, ភាពតានតឹង បានកើតឡើង ក្រោយពេលកូរ៉េខាងត្បូងបានចោទប្រកាន់កូរ៉េខាងជើងថា បានដាក់មីនបណ្តាលឱ្យទាហានកូរ៉េខាងត្បូងរងរបួស និងបានស្នើកុំឱ្យបង្កើនភាពតានតឹងតាមរយៈការផ្សាយសំឡេងតាមឧបករណ៍បំពងសំឡេង។ កូរ៉េខាងត្បូងអះអាងថា មីនរបស់កូរ៉េខាងជើងគឺជាមូលហេតុនៃហេតុការណ៍ផ្ទុះមួយ នៅតាមព្រំដែន កាលពីខែមុន ដែលបណ្តាលឱ្យទាហានពីរនាក់រងរបួសធ្ងន់។ យ៉ាងណាមិញ ទីក្រុងព្យុងយ៉ាងបានបដិសេធការទទួលខុសត្រូវ ដោយចាត់ទុកហេតុការណ៍នោះថា ជាការប្រឌិតឡើងដោយទីក្រុងសេអ៊ូល ដើម្បីចោទប្រកាន់មកកូរ៉េខាងជើង៕ ប្រភព…

មូស្គូ ៖ រុស្ស៊ីនឹងបញ្ជូននាវាដឹកប្រេងម៉ាស៊ូតលើកដំបូងរបស់ខ្លួនទៅកាន់សហរដ្ឋអាមេរិក នៅថ្ងៃព្រហស្បតិ៍ទី២២ ខែតុលានេះ បន្ទាប់ពីមានកិច្ចព្រមព្រៀងជួញដូរ ជាមួយប្រធានាធិបតីអាមេរិក លោក ដូណាល់ ត្រាំ។ នេះបើតាមការបញ្ជាក់របស់ឧបនាយករដ្ឋមន្ត្រីរុស្ស៊ី លោក Alexander Novak និង ចេញផ្សាយដោយសារព័ត៌មាន Vedomosti ។ លោក Novak បាននិយាយ កាលពីថ្ងៃពុធថា នាវានេះនឹងដឹកប្រេងចំនួន៤ម៉ឺនតោន។ ទោះជាយ៉ាងណាក៏ដោយ លោកមិនបានបញ្ជាក់ឈ្មោះកំពង់ផែ ដែលនឹងត្រូវដឹកជញ្ជូនចេញនោះទេ។ លោករៀបរាប់ទៀតថា នឹងមានការដឹកជញ្ជូនបន្ថែមទៀត ហើយ តាមកិច្ចព្រមព្រៀងដែលសម្រេចបានរវាងមេដឹកនាំទាំងពីរ, រុស្ស៊ីនឹងបំពេញតម្រូវការរបស់សហរដ្ឋអាមេរិក តាមលទ្ធភាពដែលយើងអាចធ្វើបាន។ លោក ត្រាំ បាននិយាយថា រុស្ស៊ីនឹងនាំចេញប្រេងចំនួន ៣០ម៉ឺនតោន ឬ ២,២៥ លានបារ៉ែល ភ្លាមៗ។ បន្ទាប់មក នឹងមានការនាំចេញចំនួន ៥០ម៉ឺនតោនទៀត នៅក្នុងខែវិច្ឆិកា និង ១ លានតោនទៀត ភ្លាមៗបន្ទាប់ពីនោះ។ បើតាម CNA, រុស្ស៊ីបានដកចេញនូវការហាមឃាត់ការនាំចេញប្រេងម៉ាស៊ូតដែលខ្លួនបានដាក់ចេញ កាលពីថ្ងៃទី៩ ខែតុលា។ ការហាមឃាត់នេះ…

មូស្គូ ៖ ពលករកូរ៉េខាងជើងរហូតដល់ ១២.០០០ នាក់ ដែលបញ្ជូនទៅធ្វើការនៅរោងចក្រផលិតយន្តហោះដ្រូន Yelabuga របស់ប្រទេសរុស្ស៊ី ត្រូវបានរាយកាណ៍ថា កំពុងក្លាយជាជនរងគ្រោះនៃការរំលោភសិទ្ធិមនុស្សយ៉ាងធ្ងន់ធ្ងរ និងការជួញដូរមនុស្ស ជាពិសេសការកេងប្រវ័ញ្ចកម្លាំងពលកម្មប្រៀបដូចទាសករដាច់ថ្លៃ ។ របាយការណ៍ថ្មីមួយរបស់មជ្ឈមណ្ឌលសិក្សាយុទ្ធសាស្ត្រ និងអន្តរជាតិ (CSIS) និងវិទ្យាស្ថាន George W. Bush ចេញផ្សាយថ្ងៃទី១៤ ខែតុលា បានចោទថា របបដឹកនាំកូរ៉េខាងជើងបានដកហូតយកប្រាក់ឈ្នួលរបស់កម្មករ ១២,០០០ នាក់ ពី ៧០ ទៅ ៩០ ភាគរយ ដើម្បីយកទៅប្រើប្រាស់ក្នុងកម្មវិធីអាវុធនុយក្លេអ៊ែរ និងមីស៊ីលរបស់ខ្លួន ។ ពលករទាំងនោះ បានធ្វើការក្នុងលក្ខខណ្ឌការងារធ្ងន់ធ្ងរ និងគ្មានសេរីភាពក្នុងការដើរហើរ ពីព្រោះត្រូវស្ថិតក្រោមការត្រួតពិនិត្យយ៉ាងតឹងរ៉ឹងពីភ្នាក់ងារសន្តិសុខកូរ៉េខាងជើង ជាពិសេសប្រឈមមុខនឹងការធ្វើទុក្ខបុកម្នេញលើក្រុមគ្រួសារនៅស្រុកកំណើត ប្រសិនបើពួកគេព្យាយាមរត់គេចខ្លួន ។ របាយការណ៍ដដែលបានចោទប្រកាន់ទៀតថា ទាំងរុស្ស៊ី និងកូរ៉េខាងជើង កំពុងរំលោភលើសេចក្តីសម្រេចចិត្តលេខ ២៣៩៧ របស់ក្រុមប្រឹក្សាសន្តិសុខអង្គការសហប្រជាជាតិ ដែលតម្រូវឱ្យបញ្ជូនពលករកូរ៉េខាងជើងទាំងអស់ត្រឡប់ទៅមាតុភូមិវិញ ។ ប៉ុន្តែដើម្បីគេចវេះពីទណ្ឌកម្មនេះ ភាគីទាំងពីរបានប្រើប្រាស់ទិដ្ឋាការប្រភេទជានិស្សិត ជំនួសឱ្យទិដ្ឋាការការងារ ។ បើតាមសារព័ត៌មាន DW,…

អាតែន ៖ ប្រជាជនក្រិករាប់ពាន់នាក់ រួមមាន និស្សិត គ្រូបង្រៀន មន្ត្រីរាជការ និងអ្នកចូលនិវត្តន៍ បានប្រមូលគ្នាធ្វើបាតុកម្មឈុតធំទូទាំងប្រទេសក្រិក កាលពីថ្ងៃពុធ ដើម្បីទាមទារឱ្យរដ្ឋាភិបាលយកចិត្តទុកលើវិស័យអប់រំ សុខភាព និងការកើនឡើងតម្លៃនៃការរស់នៅ ។ យោងតាមស្ថានីយទូរទស្សន៍ជាតិ ERT របស់ក្រិក, បាតុករប្រមាណ ១០.០០០ នាក់បាននាំគ្នាដើរដង្ហែតវ៉ាក្នុងរដ្ឋធានីអាថែន ឆ្ពោះទៅកាន់អគារសភា ដោយកាន់បដា និងស្រែកពាក្យស្លោកទាមទារឱ្យមានការកែលម្អសេវាសាធារណៈ ។ បាតុកម្មខ្នាតធំនេះ ធ្វើឡើងក្នុងគោលបំណងទាមទារឱ្យរដ្ឋាភិបាលបង្កើនមូលនិធិទ្រទ្រង់ដល់វិស័យអប់រំសាធារណៈ និងការថែទាំសុខភាព ក៏ដូចជាដំឡើងប្រាក់ឈ្នួល និងប្រាក់សោធននិវត្តន៍ ព្រមទាំងចាត់វិធានការបន្ធូរបន្ថយការកើនឡើងតម្លៃនៃការរស់នៅ ។ ទន្ទឹមគ្នា សហព័ន្ធសហជីពមន្ត្រីរាជការក្រិក ហៅកាត់ ADEDY បានអំពាវនាវឱ្យមានបាតុកម្មទូទាំងប្រទេសកាលពីថ្ងៃពុធ និងបានបង្ហាញសាមគ្គីភាពជាមួយបាតុកម្មស្រដៀងគ្នានៅប្រទេសបារាំង ។ រីឯនិសិត្សក្រិកក៏បានបង្ហាញការគាំទ្រ ចំពោះចលនាតវ៉ានៅប្រទេសបារាំង ដោយស្រែកពាក្យស្លោកថា «ពីក្រិកដល់បារាំង យើងតស៊ូដើម្បីការអប់រំសាធារណៈដោយឥតគិតថ្លៃ» ។ ចំណែកបាតុករមួយចំនួនទៀតស្រែកថា «ផ្តល់ថវិកាដល់សាលារៀន មិនមែនដល់សង្គ្រាមទេ» ។ ជាមួយគ្នានេះ ក្រុមបាតុករបានទាមទារឱ្យរដ្ឋាភិបាលចាត់វិធានការបន្ទាន់ ដើម្បីដោះស្រាយកំណើនចំណាយលើការអប់រំ កង្វះកន្លែងស្នាក់នៅសម្រាប់និស្សិត ហេដ្ឋារចនាសម្ព័ន្ធមិនគ្រប់គ្រាន់ និងការខ្វះថវិកាសម្រាប់សេវាសាធារណៈ ជាពិសេសទាមទារឱ្យដំឡើងប្រាក់ឈ្នួល…