វ៉ាស៊ីនតោន ៖ ក្រសួងការបរទេសអាមេរិក កាលពីថ្ងៃពុធ បានបញ្ជាឱ្យបុគ្គលិករដ្ឋាភិបាលដែលមិនបំពេញភារកិច្ចចាំបាច់ ព្រមទាំងសមាជិកគ្រួសាររបស់ពួកគេ ចាកចេញពីប្រទេសអារ៉ាប៊ីសាអូឌីតជាបន្ទាន់ ខណៈដែលក្រុមប្រដាប់អាវុធហ៊ូធីបង្កើនការវាយប្រហារកាន់តែខ្លាំងឡើង ។ បើតាមស៊ីនហួរ, អ្នកនាំពាក្យក្រសួងការបរទេសអាមេរិក លោក Tommy Pigott បានបញ្ជាក់តាមបណ្តាញសង្គម X ថា ការបញ្ជាឱ្យចាកចេញនេះ អនុវត្តតែចំពោះបុគ្គលិករដ្ឋាភិបាលអាមេរិកនៅអារ៉ាប៊ីសាអូឌីតប៉ុណ្ណោះ មិនមែនប្រទេសផ្សេងទៀតនៅក្នុងតំបន់មជ្ឈិមបូព៌ានោះទេ ។ ការបញ្ជានេះកើតឡើង ចំពេលដែលស្ថានទូតអាមេរិកប្រចាំទីក្រុងរីយ៉ាដ ក៏បានចេញសេចក្តីជូនដំណឹងស្តីពីបញ្ហាសន្តិសុខកាលពីថ្ងៃ ពុធ ផងដែរ ដោយព្រមានធ្ងន់ៗអំពីលទ្ធភាពកើតមានការវាយប្រហារបន្ថែមទៀត ។ វិធានការនេះត្រូវបានធ្វើឡើង ចំពេលក្រុមឧទ្ទាមហ៊ូធីដែលមានអ៊ីរ៉ង់ជាខ្នងបង្អែកបានបង្កើនការវាយប្រហារឥតដកដៃប្រឆាំងនឹងអារ៉ាប៊ីសាអូឌីត មានដូចជាការវាយប្រហារលើព្រលានយន្តហោះស៊ីវិល និងហេដ្ឋារចនាសម្ព័ន្ធសំខាន់ៗផ្សេងទៀត ដែលបណ្តាលឱ្យមានជនស៊ីវិលស្លាប់ និងរងគ្រោះ ក៏ដូចជាបង្កការរំខានយ៉ាងធ្ងន់ធ្ងរដល់ការធ្វើដំណើរ ។ បច្ចុប្បន្ន អារ៉ាប៊ីសាអូឌីតស្ថិតក្រោមការណែនាំស្តីពីការធ្វើដំណើររបស់សហរដ្ឋអាមេរិកក្នុងកម្រិតទី៣ ដែលជាកម្រិតជំរុញឱ្យពលរដ្ឋអាមេរិកពិចារណាឡើងវិញមុនធ្វើដំណើរទៅកាន់ប្រទេសស្តេងប្រេងមួយនេះ ដោយសារហានិភ័យនានា រួមមានការវាយប្រហារដោយយន្តហោះដ្រូន និងមីស៊ីល ជម្លោះប្រដាប់អាវុធ និងអំពើភេរវកម្ម ៕ ប្រភព ៖ ស៊ីនហួរ ប្រែសម្រួល ៖ ឈឹម ទីណា

ក្រសួងបរិស្ថានបានចុះអនុស្សរណៈនៃការយោគយល់គ្នាជាមួយក្រសួងអប់រំ ក្នុងគោលបំណងបណ្តុះស្មារតីស្រឡាញ់បរិស្ថានដល់សិស្សានុសិស្ស និងបង្កើតទម្លាប់រស់នៅស្អាត ដោយចាប់ផ្តើមចេញពីសាលារៀន។ ក្រសួងបរិស្ថាន និងក្រសួងអប់រំ យុវជន និងកីឡា បានចុះអនុស្សរណៈនៃការយោគយល់គ្នា ស្តីពី «ការទុកដាក់ និងញែកសំណល់ប្លាស្ទិកនៅតាមគ្រឹះស្ថានសិក្សា» ក្រោមអធិបតីភាពឯកឧត្តម ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា និងឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន នៅសាលប្រជុំនៃវិទ្យាស្ថានជាតិអប់រំ នារសៀលថ្ងៃទី២១ ខែតុលា ឆ្នាំ២០២៦។ ឯកឧត្តម អ៊ាង សុផល្លែត បានថ្លែងថា ការចុះអនុស្សរណៈនាពេលនេះមានសារៈសំខាន់ក្នុងការបណ្តុះស្មារតីស្រឡាញ់បរិស្ថានដល់សិស្សានុសិស្ស និងបង្កើតទម្លាប់រស់នៅស្អាត ដោយចាប់ផ្តើមពីសាលារៀន ដើម្បីរួមចំណែកនាំកម្ពុជាឆ្ពោះទៅរកប្រទេសដែលមានសំណល់សូន្យ (Zero Waste)។   ឯកឧត្តមរដ្ឋមន្ត្រីបានបញ្ជាក់ថា កម្ពុជាសម្រេចបានលទ្ធផលជាបណ្តើរៗ តាមរយៈការអនុវត្តយុទ្ធនាការបរិស្ថាននានា ក្នុងនោះ យុទ្ធនាការ «ថ្ងៃនេះ ខ្ញុំមិនប្រើថង់ប្លាស្ទិកទេ» មានប្រជាពលរដ្ឋជាង១៤លាននាក់បានចូលរួម ដែលធ្វើឱ្យការប្រើប្រាស់ថង់ប្លាស្ទិកធ្លាក់ចុះដល់ ៨៤,៥% នៅឆ្នាំ២០២៤។ ចំណែកយុទ្ធនាការបន្ទាប់ គឺ«កម្ពុជាស្អាត ខ្មែរធ្វើបាន» មានអ្នកចូលរួមជាង៨លាននាក់ ក្នុងសកម្មភាពសម្អាតនៅតាមមូលដ្ឋាន។ រដ្ឋមន្ត្រីក្រសួងបរិស្ថានបានបន្ថែមថា យុទ្ធនាការទាំងនេះកំពុងវិវត្តពីការប្តេជ្ញាចិត្ត និងសកម្មភាពជាក់ស្តែងទៅជាចលនាដែលមានការចូលរួមពីអាជ្ញាធរមូលដ្ឋាន សាលារៀន លោកគ្រូ…

ក្នុងពិធីសម្ពោធអគារស្នាក់នៅថ្មីនៃប៉ុស្តិ៍នគរបាលច្រកទ្វារព្រំដែនអន្តរជាតិបាវិត នាព្រឹកថ្ងៃទី២១ ខែតុលា ឆ្នាំ២០២៦ ឯកឧត្តម ស សុខា បានណែនាំដល់មន្ត្រីប្រចាំការនៅតាមច្រកទ្វារព្រំដែនទាំងអស់ ឱ្យប្រកាន់ខ្ជាប់នូវឥរិយាបថទន់ភ្លន់ ក្រមសីលធម៌ និងវិជ្ជាជីវៈខ្ពស់ ក្នុងការបម្រើសេវាជូនប្រជាពលរដ្ឋ និងភ្ញៀវអន្តរជាតិ។ ឯកឧត្តម ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានជំរុញឱ្យមន្ត្រីនគរបាលអន្តោប្រវេសន៍នៅតាមច្រកទ្វារព្រំដែនទាំងអស់ បង្ហាញស្នាមញញឹម មានភាពរួសរាយរាក់ទាក់ និងសម្រួលនីតិវិធីឱ្យបានឆាប់រហ័ស និងត្រឹមត្រូវតាមច្បាប់ ដោយហេតុថា មន្ត្រីជួរមុខគឺជាអ្នកតំណាងឱ្យមុខមាត់ប្រទេសជាតិ ក្នុងការទទួលស្វាគមន៍ភ្ញៀវអន្តរជាតិ អ្នកវិនិយោគ និងភ្ញៀវទេសចរ។ ការណែនាំនេះ ត្រូវបានធ្វើឡើងក្នុងពិធីសម្ពោធអគារស្នាក់នៅកម្ពស់៥ជាន់ នៃប៉ុស្តិ៍នគរបាលច្រកទ្វារព្រំដែនអន្តរជាតិបាវិត ស្ថិតក្នុងក្រុងបាវិត ខេត្តស្វាយរៀង។ ឯកឧត្តមបានគូសបញ្ជាក់ថា ការបង្ហាញស្នាមញញឹម ភាពរួសរាយរាក់ទាក់ និងការសម្រួលនីតិវិធីប្រកបដោយប្រសិទ្ធភាព និងស្របតាមច្បាប់ មិនត្រឹមតែជួយបង្កើតបរិយាកាសកក់ក្តៅ និងផ្តល់ចំណាប់អារម្មណ៍ល្អដល់ភ្ញៀវបរទេសប៉ុណ្ណោះទេ ប៉ុន្តែថែមទាំងរួមចំណែកលើកកម្ពស់កិត្តិយស និងកិត្យានុភាពជាតិ ព្រមទាំងជំរុញការអភិវឌ្ឍវិស័យទេសចរណ៍ និងការវិនិយោគនៅកម្ពុជាផងដែរ។ បើតាមឯកឧត្តមអភិសន្តិបណ្ឌិត អគារស្នាក់នៅដែលមានតម្លៃសាងសង់ជាង១លាន ២៣ម៉ឺនដុល្លារអាម៉េរិកនេះ មានគោលបំណងលើកកម្ពស់សុខុមាលភាព និងផ្តល់ភាពងាយស្រួលដល់មន្ត្រីនគរបាលដែលត្រូវបំពេញភារកិច្ចឆ្ងាយពីស្រុកកំណើត ដោយផ្តល់កន្លែងស្នាក់នៅសមរម្យ និងបង្កលក្ខណៈងាយស្រួលដល់ការប្រចាំការបំពេញភារកិច្ច ២៤ម៉ោងលើ២៤ម៉ោង។ ឯកឧត្តមក៏បានរំឭកពីប្រវត្តិនៃច្រកទ្វារព្រំដែនបាវិតផងដែរ ដោយលើកឡើងថា កាលពីដើមឡើយ…

វិធានការស្ដារទំនុកចិត្តរវាងកម្ពុជា-ថៃ ដែលដាក់ចេញដោយគណៈកម្មការផ្សះផ្សា គឺជាជំហានវិជ្ជមានឆ្ពោះទៅរកការដោះស្រាយជម្លោះព្រំដែនសមុទ្រដោយសន្តិវិធី ប៉ុន្តែវាទាមទារឱ្យភាគីទាំងពីរមានឆន្ទៈរួម។ ក្រោមការសម្រុះសម្រួលចំនួនពីរលើករបស់គណៈកម្មការផ្សះផ្សា ភាគីកម្ពុជា និងថៃ បានឯកភាពគ្នាលើសំណុំវិធានការដើម្បីស្តារទំនុកចិត្ត និងភាពជឿជាក់លើគ្នាទៅវិញទៅមក ដើម្បីបង្កើតបរិយាកាសអំណោយផលសម្រាប់ការស្វែងរកដំណោះស្រាយដោយសមហេតុផល និងមិត្តភាព។ ក្រុមអ្នកវិភាគសាទរចំពោះការវិវឌ្ឍនៃដំណើរការផ្សះផ្សារនេះ។ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា យល់ឃើញថា ការស្ដារទំនុកចិត្តឡើងវិញ ទាំងក្នុងវិស័យការទូត សេដ្ឋកិច្ច និងពាណិជ្ជកម្ម គឺអាចធ្វើទៅបាន ប្រសិនបើភាគីទាំងពីរមានឆន្ទៈរួមគ្នា ហើយប្រជាជននៃប្រទេសទាំងពីរមានការយោគយល់គ្នា និងមើលឃើញពីសារៈសំខាន់នៃការរស់នៅជាអ្នកជិតខាងល្អ ព្រមទាំងអត្ថប្រយោជន៍នៃការបន្តធ្វើពាណិជ្ជកម្ម និងវិនិយោគជាមួយគ្នាឡើងវិញ។ ចំណែកលោកបណ្ឌិត ថុង ម៉េងដេវីត អ្នកជំនាញភូមិសាស្រ្តនយោបាយ និងសេដ្ឋកិច្ចអន្តរជាតិ បានកត់សម្គាល់ឃើញថា ជំនួបលើកទី២ នៃគណៈកម្មការផ្សះផ្សារដោយបង្ខំក្រោមអនុសញ្ញា UNCLOS នៅទីក្រុងឡាអេ គឺជាជំហានការទូតដ៏មានសារៈសំខាន់ក្នុងការកាត់បន្ថយភាពតានតឹង និងពង្រឹងទំនុកចិត្តរវាងកម្ពុជា និងថៃ។ សមិទ្ធផលគន្លឹះដ៏ធំបំផុតនៃជំនួបនេះ គឺការឈានទៅដល់កិច្ចព្រមព្រៀងលើវិធានការកសាងទំនុកចិត្ត ដោយបានបញ្ចូលនូវសំណើរបស់កម្ពុជា ដើម្បីបង្កើតបរិយាកាសអំណោយផលដល់ការស្វែងរកដំណោះស្រាយ និងបង្ការការឡើងកម្តៅស្ថានការណ៍។ សម្រាប់បណ្ឌិត ថុង ម៉េងដេវីត ការជ្រើសរើសផ្លូវច្បាប់អន្តរជាតិ និងយន្តការផ្សះផ្សាបង្ហាញយ៉ាងច្បាស់ពីឆន្ទៈ នយោបាយ និងការប្តេជ្ញាចិត្តខ្ពស់របស់កម្ពុជា ក្នុងការដោះស្រាយវិវាទព្រំដែនសមុទ្រដោយសន្តិវិធី តម្លាភាព និងផ្អែកលើច្បាប់អន្តរជាតិ…

រដ្ឋបាលខេត្តតាកែវ កំពុងពន្លឿនការជួសជុល និងកែលម្អហេដ្ឋារចនាសម្ព័ន្ធសួនច្បារ និងតំបន់មាត់បឹងតាកែវ ក្នុងក្រុងដូនកែវ ដើម្បី​លើកកម្ពស់សោភណភាពបរិស្ថាន និងប្រែក្លាយទីតាំងនេះឱ្យទៅជាកន្លែងកម្សាន្ត និងហាត់ប្រាណដ៏ទាក់ទាញ។ ជាមួយគ្នានេះ រដ្ឋបាល​ខេត្ត​ក៏​មានគម្រោងសាងសង់ «ប្រាសាទសិរីវិជ័យ» នៅកណ្តាលបឹង ដើម្បីរំឭកដល់ប្រវត្តិសាស្ត្រ និងបង្កើនសក្តានុពលទេស​ចរណ៍​វប្បធម៌ផងដែរ។ ខណៈនេះគម្រោងជួសជុល និងកែលម្អហេដ្ឋារចនាសម្ព័ន្ធសួនច្បារ ព្រមទាំងតំបន់មាត់បឹងតាកែវ ក្នុងក្រុងដូនកែវ កំពុងដំណើរការ​យ៉ាងសកម្ម ដើម្បីប្រែក្លាយទីតាំងនេះឱ្យទៅជាកន្លែងកម្សាន្ត ហាត់ប្រាណ និងសម្រាកលម្ហែកាយដ៏ទាក់ទាញសម្រាប់ប្រជាពលរដ្ឋ និង​ភ្ញៀវទេសចរ។ ប្រាប់បណ្តាញសារព័ត៌មាន AMS តាមប្រព័ន្ធតេឡេក្រាមកាលព្រឹកថ្ងៃទី២១ ខែតុលា ឆ្នាំ២០២៦ នេះ លោក ឈូក ប៊ុនថន ប្រធានមន្ទីរ​ទេសចរណ៍ខេត្តតាកែវបានឱ្យដឹងថា ស្របតាមណែនាំរបស់ឯកឧត្តម វ៉ី សំណាង អភិបាលខេត្តតាកែវ គម្រោងនេះមិន​ត្រឹមតែផ្តោត​លើការ​រៀបចំហេដ្ឋារចនាសម្ព័ន្ធសួនច្បារប៉ុណ្ណោះទេ ប៉ុន្តែថែមទាំងរួមបញ្ចូលការស្តារផ្ទៃបឹង និងការសាងសង់វេទិកាសម្រាប់​ប្រារព្ធពិធី​ប្រណាំង​ទូកផងដែរ។បន្ថែមពីនេះ អាជ្ញាធរខេត្តក៏បានរៀបចំគម្រោងសាងសង់ «ប្រាសាទសិរីពិជ័យ» នៅផ្នែកខាងត្បូងនៃទីទួលប្រាសាទចាស់ ដោយរក្សា​ប្រាសាទចាស់ទុកជាទីតាំងអភិរក្ស។លោកបានបញ្ជាក់យ៉ាងដូច្នេះថា៖ លោកប្រធានមន្ទីរទេសចរណ៍ បានឱ្យដឹងទៀតថា គម្រោងសាងសង់ប្រាសាទថ្មីនេះ គ្រោងចំណាយថវិកាប្រមាណជាង ១លានដុល្លារ​អាម៉េរិក ដែលទទួលបានពីការចូលរួមរបស់សប្បុរសជន ហើយការដ្ឋានគ្រោងនឹងចាប់ផ្តើមបុកគ្រឹះនៅអំឡុងខែកុម្ភៈ ឆ្នាំ២០២៧ ខាងមុខ។ ប្រាសាទសិរីវិជ័យ នឹងត្រូវសាងសង់ឡើងអំពីបេតុងអាមេ…

គម្រោងអភិវឌ្ឍន៍ទំនប់ដូនទ្រី ស្ថិតក្នុងស្រុករុក្ខគិរី ខេត្តបាត់ដំបង ត្រូវបានសាងសង់បញ្ចប់​ហើយគ្រោងរៀបចំពិធី​សម្ពោធដាក់​ឱ្យប្រើប្រាស់ជាផ្លូវការនាពេលឆាប់ៗខាងមុខ ដើម្បីឆ្លើយតបតម្រូវការទឹកស្រោចស្រព និងប្រើប្រាស់របស់ប្រជាពលរដ្ឋ។ អាងស្តុកទឹកដ៏ធំនៃគម្រោងអភិវឌ្ឍន៍ទំនប់ដូនទ្រី សាងសង់រួចរាល់ជាស្ថាពរ និងត្រៀមសម្ពោធដាក់ឱ្យប្រើប្រាស់ផ្លូវការក្នុងពេលឆាប់ៗ ដែលនឹងផ្តល់ប្រភពទឹកស្រោចស្រពលើផ្ទៃដីកសិកម្មរាប់ម៉ឺនហិកតា និងបម្រើដល់ការប្រើប្រាស់របស់ប្រជាពលរដ្ឋជាង ៨ ៥០០គ្រួសារ។ នេះបើតាមការបញ្ជាក់របស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម កាលពីពេលថ្មីៗនេះ។ទោះយ៉ាង​ណា ឯកឧត្តម មិនទាន់ប្រាប់ពីពេលវេលាច្បាស់លាស់នៅឡើយ នូវដាក់ឱ្យដំណើរការអាងស្តុកទឹកនេះ។ គម្រោងទំនប់អាងស្តុកទឹកដ៏ធំមួយនេះ សាងសង់ឡើងក្រោមហិរញ្ញប្បទានសម្បទានពីសាធារណរដ្ឋកូរ៉េ ដោយមានទីតាំងស្ថិតនៅចម្ងាយ​ប្រមាណ ៩០គីឡូម៉ែត្រ ភាគពាយព្យពីក្រុងបាត់ដំបង។ទំនប់នេះមានសមត្ថភាពស្តុកទឹកបានរហូតដល់ប្រមាណ ១៦៣លានម៉ែត្រគូប និងមានសក្តានុពលខ្ពស់ក្នុងការផ្គត់ផ្គង់ទឹកស្រោចស្រពលើផ្ទៃដីបង្កបង្កើនផលកសិកម្មបានប្រមាណ ៣៣ ពាន់ហិកតានៅក្នុងរដូវវស្សា និងប្រមាណ ៤ ៥០០ហិកតា នៅក្នុងរដូវប្រាំង។ ប្រភពទឹកពីទំនប់ដូនទ្រី នឹងផ្តល់ផលប្រយោជន៍យ៉ាងគ្របដណ្តប់លើឃុំចំនួន ១៥ ក្នុងស្រុកចំនួន៣ រួមមាន៖ស្រុកមោងឫស្សី និងស្រុក​រុក្ខគិរី នៃខេត្តបាត់ដំបង ព្រមទាំងស្រុកបាកាន នៃខេត្តពោធិ៍សាត់ ដោយមានការប៉ាន់ស្មានថា ប្រជាពលរដ្ឋទទួលបាន​ផលប្រយោជន៍ផ្ទាល់​ប្រមាណ ៨ ៥០០គ្រួសារ។ បន្ថែមពីលើកិច្ចការកសិកម្ម គម្រោងនេះក៏ជាប្រភពផ្គត់ផ្គង់ទឹកដ៏សំខាន់សម្រាប់គ្រប់វិស័យ ជាពិសេសការផលិតទឹកស្អាតបម្រើឱ្យ​ការប្រើ​ប្រាស់ក្នុងជីវភាពរស់នៅប្រចាំថ្ងៃរបស់ប្រជាពលរដ្ឋ ព្រមទាំងចូលរួមចំណែកយ៉ាងសកម្មក្នុងការកាត់បន្ថយគ្រោះទឹកជំនន់នៅ​តំបន់ផ្នែក​ខាងក្រោមផងដែរ៕ទួន សុផល