-
កម្ពុជា ជាប្រទេសកិត្តិយសក្នុងមហោស្រពភាពយន្តនិយាយភាសាបារាំងអង់ហ្គូលែម នៅប្រទេសបារាំង
ប្រទេសកម្ពុជា ត្រូវបានជ្រើសរើសជា «ប្រទេសកិត្តិយស» នៅក្នុងមហោស្រពភាពយន្តនិយាយភាសាបារាំង អង់ហ្គូលែម លើកទី១៩ ដែលប្រព្រឹត្តទៅចាប់ពីថ្ងៃទី២៤ ដល់ថ្ងៃទី២៩ ខែសីហា ឆ្នាំ២០២៦ នៅទីក្រុងអង់ហ្គូលែម ប្រទេសបារាំង។ ការផ្តល់កិត្តិយសនេះការបង្ហាញពីចំណងមិត្តភាព និងវប្បធម៌ដ៏យូរអង្វែងរវាងកម្ពុជា និងសហគមន៍ហ្វ្រង់កូហ្វូនី។ ទង់ជាតិនៃព្រះរាជាណាចក្រកម្ពុជាបានបក់រវិកៗ នៅលើអគារសាលាក្រុង អង់ហ្គូលែម ប្រទេសបារាំង ដោយហេតុថា នៅឆ្នាំនេះ កម្ពុជាត្រូវបានជ្រើសរើសជាប្រទេសកិត្តិយសក្នុងមហោស្រពភាពយន្តនិយាយភាសាបារាំងអង់ហ្គូលែមលើកទី១៩ ដែលប្រព្រឹត្តទៅចាប់ពីថ្ងៃទី២៤ ដល់ថ្ងៃទី២៩ ខែសីហា ឆ្នាំ២០២៦។ ពិធីបើកមហោស្រពភាពយន្តដ៏ល្បីល្បាញនេះ បានប្រព្រឹត្តទៅនៅថ្ងៃទី២៤ ខែសីហា នៅទីក្រុងអង់ហ្គូលែម ក្រោមព្រះវត្តមានរបស់សម្តេចរាជបុត្រី ព្រះអនុជ នរោត្តម អរុណរស្មី ឧត្តមប្រឹក្សាផ្ទាល់ព្រះមហាក្សត្រ និងជាសមាជិកព្រឹទ្ធសភាកម្ពុជា និងការចូលរួមពីឯកឧត្តម Xavier Bonnefont អភិបាលក្រុងអង់ហ្គូលែម ឯកឧត្តម នួន ផារ័ត្ន អភិបាលខេត្តកំពង់ធំ ព្រមទាំងឥស្សរជនពាក់ព័ន្ធជាច្រើននាក់ទៀត។ ក្នុងកម្មវិធីពិសេសនេះ ភាពយន្តខ្មែរចំនួន៩រឿង ត្រូវបានជ្រើសរើសមកបញ្ចាំងនៅក្រៅការប្រកួតប្រជែង ក្នុងនោះមាន រឿង «រស់ដោយសប្បាយ» ដែលជាស្នាព្រះហស្តរបស់ព្រះករុណា ព្រះបាទសម្តេចព្រះ នរោត្តម សីហនុ,…
-
ក្រុមហ៊ុន Herbalife ប្រចាំប្រទេសកម្ពុជាបានចែករំលែកព័ត៌មានពីកាបូអ៊ីដ្រាត និងលំហាត់ប្រាណ៖ ហេតុអ្វីបានជាអ្នកត្រូវការកាបូអ៊ីដ្រាត ប្រសិនបើអ្នកសកម្ម
(ភ្នំពេញ)៖ ក្រុមហ៊ុន Herbalife កម្ពុជា ដែលជាក្រុមហ៊ុនសុខភាព និងសុខុមាលភាពលំដាប់ថ្នាក់ពិភពលោក រួមជាមួយនឹងលោកស្រី Susan Bowerman, នាយិកាជាន់ខ្ពស់ ផ្នែកការអប់រំ និងបណ្តុះបណ្តាលអាហារូបត្ថម្ភទូទាំងពិភពលោកនៅ Herbalife បានរួមគ្នាចែករំលែកពី កាបូអ៊ីដ្រាត និងលំហាត់ប្រាណ៖ ហេតុអ្វីបានជាអ្នកត្រូវការកាបូអ៊ីដ្រាត ប្រសិនបើអ្នកសកម្ម។ អាហារូបត្ថម្ភមានតុល្យភាពមានសារៈសំខាន់សម្រាប់ការធ្វើលំហាត់ប្រាណ ប៉ុន្តែកាបូអ៊ីដ្រាតគឺជាគន្លឹះពិសេសសម្រាប់រក្សាបាននូវប្រសិទ្ធិភាពខ្ពស់បំផុតអំឡុងពេលហាត់ប្រាណ។ តាមពិតកាបូអ៊ីដ្រាតគឺជាប្រភពសំខាន់នៅក្នុងរបបអាហាររបស់អត្តពលិក! ទោះជាយ៉ាងណាក៏ដោយ នៅតែមានការយល់ខុសជាទូទៅថា កាបូអ៊ីដ្រាតទាំងអស់មិនល្អ ទោះបីជាមានកាបូអ៊ីដ្រាតដែលមានសុខភាពល្អជាច្រើនដែលត្រូវជ្រើសរើសក៏ដោយ។ នេះជាហេតុផលទាំងបួនដែលអ្នកមិនគួរកាត់បន្ថយកាបូអ៊ីដ្រាត។ 1. កាបូអ៊ីដ្រាត ជំរុញខួរក្បាល និងសាច់ដុំ កាបូអ៊ីដ្រាតគឺជាប្រភពថាមពលដ៏សំខាន់សម្រាប់ខួរក្បាល និងរាងកាយរបស់យើងដំណើរការបានត្រឹមត្រូវ។ ពួកវាជំរុញប្រព័ន្ធសរសៃប្រសាទកណ្តាល និងសាច់ដុំរបស់យើង។ រាងកាយរបស់យើងផ្ទុកកាបូអ៊ីដ្រាតនៅក្នុងសាច់ដុំដូចជា glycogen ដែលបន្ទាប់មកត្រូវបានបំលែងទៅជាគ្លុយកូសនៅពេលដែលអ្នកត្រូវការវា។ នេះជារបៀបដែលកាបូអ៊ីដ្រាតជួយពន្យារភាពនឿយហត់ ទ្រទ្រង់អ្នកតាមរយៈការហាត់ប្រាណយូរ ឬកីឡាដែលមានការប្រកួតប្រជែង។ 2. កាបូអ៊ីដ្រាតការពារការបំបែកសាច់ដុំ ការទទួលទានកាបូអ៊ីដ្រាតគ្រប់គ្រាន់អាចការពារការបំបែកសាច់ដុំពីការថយចុះ glycogen ដោយការបញ្ចេញប្រូតេអ៊ីនដើម្បីធ្វើការងារចម្បងរបស់វា៖ ជួសជុល និងបង្កើតជាលិកាសាច់ដុំឡើងវិញ។ ប្រសិនបើយើងកំណត់កាបូអ៊ីដ្រាត ប្រូតេអ៊ីននឹងត្រូវបានប្រើសម្រាប់ថាមពល ជាជាងការកសាងសាច់ដុំគ្មានខ្លាញ់។ នៅក្នុងការងាររបស់ខ្ញុំជាមួយអត្តពលិកអាជីព ខ្ញុំតែងតែណែនាំរបបអាហារដែលមានជាតិកាបូអ៊ីដ្រាតខ្ពស់សម្រាប់អ្នកដែលត្រូវការការស៊ូទ្រាំ និងកម្លាំងច្រើន ដើម្បីទ្រទ្រង់តម្រូវការប្រចាំថ្ងៃនៃការហ្វឹកហាត់ និងការហាត់ប្រាណ។ ជាការពិតណាស់…
-
រុស្ស៊ី ចោទ អង់គ្លេស រារាំងសន្តិភាព ក្រោយបើកដៃឱ្យ អ៊ុយក្រែន ផលិតមីស៊ីលចម្ងាយឆ្ងាយ
មូស្គូ ៖ វិមានក្រឹមឡាំង នៅថ្ងៃ ចន្ទ បានចោទប្រកាន់ចក្រភពអង់គ្លេសចំៗថា កំពុងរារាំងដំណើរការសន្តិភាព និងចាក់សាំងលើភ្លើង តាមរយៈការផ្តល់ព័ត៌មានដែលទីក្រុងកៀវត្រូវការ ដើម្បីយកផលិតមីស៊ីលវាយលុកចម្ងាយឆ្ងាយ SCALP ឬ Storm Shadow ។ ការចោទប្រកាន់នេះកើតឡើងភ្លាមៗ បន្ទាប់ពីនាយករដ្ឋមន្ត្រីអង់គ្លេស លោក Andy Burnham បានសន្យាថា នឹងបន្តគាំទ្រផ្នែកយោធាដល់អ៊ុយក្រែន ក្នុងអំឡុងពេលបំពេញទស្សនកិច្ចលើកដំបូងមកកាន់រដ្ឋធានីកៀវ ចាប់តាំងពីឡើងកាន់តំណែងជាផ្លូវការ ។ បើតាម AFP, ទីក្រុងឡុងដ៍នឹងអនុញ្ញាតឱ្យក្រុមហ៊ុនការពារជាតិ MBDA ផ្ទេរទិន្នន័យសម្ងាត់ស្តីអំពីសមាសធាតុ ដែលត្រូវប្រើក្នុងមីស៊ីល SCALP ដែលផលិតរួមគ្នារវាងបារាំង និងអង់គ្លេសទៅឱ្យអ៊ុយក្រែន ដើម្បីអនុញ្ញាតឱ្យទីក្រុងកៀវអាចបង្កើតខ្សែសង្វាក់ដំឡើង និងផលិតអាវុធយុទ្ធសាស្រ្តនេះដោយខ្លួននៅក្នុងស្រុកបាន ។ ជាការឆ្លើយតប អ្នកនាំពាក្យវិមានក្រឹមឡាំង លោក Dmitry Peskov បានរិះគន់ពេញៗមាត់ថា អង់គ្លេសកំពុងចាក់សាំងលើភ្លើង និងកំពុងរៀបចំផែនការជាប្រព័ន្ធដើម្បីរារាំងសន្តិភាពនៅអ៊ុយក្រែន ទោះបីជាមានភាពរីកចម្រើនបន្តិចបន្តួចក្នុងដំណើរការចរចាបញ្ចប់សង្គ្រាមក៏ដោយ ។ ក្រៅពីរិះគន់ លោក Peskov ក៏បានព្រមានធ្ងន់ៗផងដែរថា កងទ័ពរុស្ស៊ីកំពុងប្រមូលទិន្នន័យការណ៍សម្ងាត់ ដើម្បីស្វែងរកទីតាំងរោងចក្រផលិតមីស៊ីលទាំងនោះនៅអ៊ុយក្រែន ហើយនឹងធ្វើការវាយប្រហារបំផ្លាញចោលទាំងស្រុងតែម្តង ។…
-
លោក Trump ថា សេដ្ឋកិច្ច អ៊ីរ៉ង់ កំពុងដួលរលំ មុនទណ្ឌកម្មធំបំផុតមកដល់
វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ នៅថ្ងៃ ចន្ទ ប្រកាសថា សេដ្ឋកិច្ចរបស់ប្រទេសអ៊ីរ៉ង់កំពុង “ដួលរលំ” ទាំងស្រុង មុនពេលកញ្ចប់ទណ្ឌកម្មដ៏ធំបំផុតមិនធ្លាប់មានរបស់សហរដ្ឋអាមេរិកមកដល់ ។ មេដឹកនាំអាមេរិករូបនេះ បានបញ្ជាក់ច្បាស់ៗតាមបណ្តាញសង្គម Truth Social ថា សេដ្ឋកិច្ចអ៊ីរ៉ង់កំពុងដួលរលំទាំងស្រុងហើយ ខណៈការអះអាងនេះ ធ្វើឡើងប៉ុន្មានម៉ោងប៉ុណ្ណោះ មុនពេលសហរដ្ឋអាមេរិកចាប់ផ្តើមបញ្ចេញកញ្ចប់ទណ្ឌកម្មដ៏ធំបំផុតមិនធ្លាប់មានប្រឆាំងនឹងអ៊ីរ៉ង់ គឺ “economic D-Day” ។ បើតាម AFP, រដ្ឋមន្ត្រីរតនាគារអាមេរិក លោក Scott Bessent ថែមទាំងបានបោះសម្តីព្រមានធ្ងន់ៗថា ប្រទេសណាក៏ដោយ ដែលហ៊ានបន្តជួយជ្រោមជ្រែងដល់សាធារណរដ្ឋឥស្លាមមួយនេះ នឹងក្លាយជារដ្ឋដែលត្រូវបានគេកាត់ចេញពីសហគមន៍អន្តរជាតិ ។ បន្ថែមលើនេះ លោក Bessent ក៏បានអះអាងតាមបណ្តាញសង្គម X ដែរថា ក្រៅពីចាប់ផ្តើមកញ្ចប់ទណ្ឌកម្មសេដ្ឋកិច្ចខ្នាតយក្ស សហរដ្ឋអាមេរិកក៏បានកម្ទេចសមត្ថភាពយោធារបស់អ៊ីរ៉ង់ និងបំផ្លាញរោងចក្រយោធារបស់ពួកគេជិត ១០០ ភាគរយផងដែរ ជាពិសេសយោធាអាមេរិកក៏បានកប់ក្នុងក្តាមមឈូសនូវកម្មវិធីនុយក្លេអ៊ែររបស់អ៊ីរ៉ង់ទាំងស្រុងផងដែរ ។ យ៉ាងណាមិញ ភាគីអ៊ីរ៉ង់បានសើចចំអកចំពោះការអះអាងនេះ ដោយនិយាយថា វិធានការចុងក្រោយបង្អស់របស់អាមេរិក…
-
អ៊ីស្រាអែល គំរាមបាញ់ផ្លោងគ្រាប់យ៉ាងសន្ធាប់ចូលហ្គាហ្សា ឆ្លើយតបនឹងការបង្ហោះខ្លែងរបស់កុមារ
ហ្គាហ្សា ៖ «ប្រសិនបើជាខ្លែងរបស់កុមារនៅហ្គាហ្សា ហោះធ្លាក់ចូលក្នុងតំបន់តាំងទីលំនៅ អ៊ីស្រាអែល មិនត្រូវបានបញ្ឈប់ទេនោះ កងទ័ពអ៊ីស្រាអែលនឹងបើកការវាយប្រហារយ៉ាងខ្លាំងក្លា ទៅលើតំបន់ដែលខ្លែងទាំងនោះត្រូវបានបង្ហោះចេញ និង ធ្វើការបណ្តេញប្រជាជនចេញដោយបង្ខំទៀងផង»។ នេះបើតាមសេចក្តីថ្លែងការណ៍ របស់ការិយាល័យ លោក នាយករដ្ឋមន្ត្រីអ៊ីស្រាអែល Benjamin Netanyahu ចេញផ្សាយ កាលពីថ្ងៃអាទិត្យ។ បើតាម anadolu, ការប្រកាសគំរាមនេះ ត្រូវបានធ្វើឡើង បន្ទាប់ពីលោក Benjamin Netanyahu បានដឹកនាំកិច្ចប្រជុំ ពិភាក្សាអំពីការគំរាមកំហែងបង្កឡើងដោយខ្លែង ដែលត្រូវបានបង្ហោះចេញពីតំបន់ Gaza ហើយធ្លាក់ចូលទៅក្នុងតំបន់តាំងទីលំនៅរបស់អ៊ីស្រាអែល រួមទាំង ការគំរាមកំហែងពីយន្តហោះគ្មានមនុស្សបើក និង ការបង្ហោះប៉េងប៉ោង ផងដែរ។ ប្រព័ន្ធផ្សព្វផ្សាយអ៊ីស្រាអែលនានាបានរាយការណ៍ថា ខ្លែងដែលត្រូវបានបង្ហោះដោយកុមារ Gaza បង្កឱ្យមានការព្រួយបារម្ភក្នុងចំណោមប្រជាជនអ៊ីស្រាអែល នៅក្នុងតំបន់នោះ។ ការណ៍នេះ នាំឲ្យរដ្ឋមន្ត្រីការពារជាតិអ៊ីស្រាអែល លោក Yisrael Katz បានណែនាំឱ្យកងទ័ពចាត់វិធានការយ៉ាងតឹងរ៉ឹងលើបញ្ហានេះ បើទោះបីជា ទាហានរបស់ខ្លួនប្រចាំការនៅទីនោះបានប្រកាសថា គ្មានអ្វីគួរឱ្យសង្ស័យ អំពីខ្លែងទាំងនោះ ក៏ដោយ។ ឆ្លើយតបនឹងការគំរាមបាញ់ផ្លោងគ្រាប់យ៉ាងសន្ធាប់ចូលតំបន់ហ្គាហ្សា ព្រោះតែសកម្មភាពរបស់កុមារបែបនេះ, អ្នកនាំពាក្យក្រុម Hamas…
-
អាមេរិកព្រមានវាយប្រហារអ៊ីរ៉ង់បន្ថែមទៀត ទោះងាកមកប្រើវិធីដាក់ទណ្ឌកម្មសេដ្ឋកិច្ច
វ៉ាស៊ីនតោន ៖ សហរដ្ឋអាមេរិកអាចនឹងធ្វើការវាយប្រហារបន្ថែមទៀត លើប្រទេសអ៊ីរ៉ង់ ប្រសិនបើជាចាំបាច់ ទោះបីជាទីក្រុងវ៉ាស៊ីនតោន ងាកមកប្រើវិធីដាក់ទណ្ឌកម្មសេដ្ឋកិច្ចវិញក៏ដោយ។ នេះបើតាមការព្រមានរបស់ រដ្ឋមន្ត្រីសង្គ្រាមអាមេរិក លោក Pete Hegseth កាលពីថ្ងៃចន្ទ។ រដ្ឋមន្ត្រីសង្គ្រាមអាមេរិក លោក Pete Hegseth បានថ្លែងថា ទីក្រុងវ៉ាស៊ីនតោនមិនបានបដិសេធលទ្ធភាពនៃការវាយប្រហារផ្នែកយោធាបន្ថែមទៀត លើប្រទេសអ៊ីរ៉ង់នោះទេ ទោះបីជារដ្ឋបាលរបស់លោក Trump កំពុងបង្កើនសម្ពាធសេដ្ឋកិច្ចលើទីក្រុងតេហេរ៉ង់ក៏ដោយ។ នៅពេលត្រូវបានសួរថា តើការវាយប្រហារដោយកម្លាំងយោធា ត្រូវបានផ្អាកនៅពេលនេះឬយ៉ាងណា, លោក Hegseth បានឆ្លើយតបថា «អត់ទេ ប្រសិនបើយើងចាំបាច់ត្រូវប្រើប្រាស់ការវាយប្រហារដោយកម្លាំងយោធា យើងនឹងធ្វើវា»។ លោកបានប្រាប់អ្នកសារព័ត៌មាន បន្ទាប់ពីថ្លែងសុន្ទរកថា ទៅកាន់បុគ្គលិកក្នុងវិស័យឧស្សាហកម្មការពារជាតិ នៅទីក្រុង Oshkosh រដ្ឋ Wisconsin ថា «ប្រសិនបើអ៊ីរ៉ង់មានភាពល្ងង់ខ្លៅគ្រប់គ្រាន់ក្នុងការធ្វើសកម្មភាពហួសហេតុ ឬ បង្កបញ្ហាដល់កងទ័ពអាមេរិក យើងនឹងធ្វើអ្វីដែលចាំបាច់ត្រូវធ្វើ»។ នៅទីនោះ លោកបានជំរុញឱ្យក្រុមហ៊ុនម៉ៅការផ្នែកការពារជាតិរបស់អាមេរិក «ផ្លាស់ប្តូរទៅរកស្ថានភាពត្រៀមខ្លួនសម្រាប់សង្គ្រាម»។ យ៉ាងណា លោក Hegseth បានបដិសេធ មិនលើកឡើងអំពីរបាយការណ៍ដែលថា ស្តុកមីស៊ីលរយៈចម្ងាយឆ្ងាយប្រភេទ ATACMS របស់អាមេរិកត្រូវបានប្រើប្រាស់អស់យ៉ាងច្រើននៅក្នុងជម្លោះដែលកំពុងបន្តនោះទេ…
-
កូរ៉េខាងជើង បង្អួតមីស៊ីល KN-30 អាចពាំក្បាលគ្រាប់ទម្ងន់ ២,៥០០ គីឡូក្រាម, អ៊ុយក្រែន ថា រុស្ស៊ី បានទទួលមីស៊ីលនេះរួចហើយ
ព្យុងយ៉ាង ៖ ប្រទេសកូរ៉េខាងជើងបានបង្អួតមីស៊ីលត្រកូល KN ជំនាន់ថ្មីរបស់ខ្លួនគឺ KN-30 ជាមួយនឹងសមត្ថភាពអាចពាំក្បាលមានទម្ងន់រហូតដល់ ២,៥០០ គីឡូក្រាម ។ បើតាម The New Voice of Ukraine, មីស៊ីល KN-30 មានប្រវែងប្រហែល ១០ ម៉ែត្រ ហើយអាចវាយប្រហារគោលដៅសត្រូវក្នុងចម្ងាយប្រមាណ ៩០០ គីឡូម៉ែត្រ ជាមួយនឹងកម្លាំងបំផ្លិចបំផ្លាញខ្លាំងជាងមីស៊ីលផ្លោង Iskander-M របស់រុស្ស៊ី រហូតដល់ទៅ ៥ ដង ។ ជាងនេះទៅទៀត មីស៊ីល KN-30 ក៏ត្រូវបានរចនាឡើងបំពាក់ដោយបច្ចេកវិទ្យាល្បឿនលឿនជាងសំឡេងពី ៥ ទៅ ៦ ដងផងដែរ ។ ជាមួយនឹងល្បឿនដ៏លឿនបែបនេះ មីស៊ីល KN-30 នឹងធ្វើឱ្យសំណាញ់មេឃរបស់លោកខាងលិចមានពេលតិចតួចបំផុតដើម្បីបាញ់ទម្លាក់ ។ យោងតាមចារកម្មអ៊ុយក្រែន, កូរ៉េខាងជើងបានលួចបញ្ជូនមីស៊ីល KN-30 កញ្ចប់ដំបូងទៅកាន់ប្រទេសរុស្ស៊ីរួចរាល់ហើយ ដើម្បីដាក់បញ្ចូលបន្ថែមទៅក្នុងស្តុកមីស៊ីលផ្លោងថ្មី និងធុនធ្ងន់របស់ខ្លួន ។ វិទ្យាស្ថានសិក្សាពីសង្គ្រាម ហៅកាត់ ISW…
-
ចិន យកយន្តហោះចម្បាំង J-16 ទៅធ្វើសមយុទ្ធនៅអាហ្វ្រិកលើកដំបូង
ប៉េកាំង ៖ កងយន្តហោះចម្បាំងឈានមុខគេ នៃកងទ័ពអាកាសចិន បានចុះចតនៅប្រទេសអេហ្ស៊ីប កាលពីថ្ងៃទី២១ ខែសីហា ដើម្បីចូលរួមសមយុទ្ធយោធាឈុតធំរួមគ្នា ដែលមានឈ្មោះថា «Eagles of Civilization 2026» ។ បើតាម China Daily, នេះជាព្រឹត្តិការណ៍ប្រវត្តិសាស្ត្រមួយ ដោយសារតែមហាយក្សចិនបានបញ្ជូនយន្តហោះចម្បាំងធុនធ្ងន់ប្រភេទ J-16 មកកាន់ទ្វីបអាហ្វ្រិកជាលើកដំបូងបំផុត ។ នៅតាមផ្លូវឆ្ពោះទៅកាន់ប្រទេសអេហ្ស៊ីប យន្តហោះចាក់ប្រេងតាមអាកាស YY-20A បានធ្វើការចាក់សាំងតាមអាកាសដល់យន្តហោះចម្បាំង J-16 ខណៈពួកវាព្យាយាមជម្នះបញ្ហាប្រឈមនានា ក្នុងនោះរួមមានការហោះហើរផ្លូវឆ្ងាយ និងលក្ខខណ្ឌអាកាសធាតុមិនអំណោយផល ។ សេចក្តីថ្លែងការណ៍របស់កងទ័ពអាកាសចិន អោយដឹងថា កងយន្តហោះចម្បាំងចិនបានហោះហើរឆ្លងកាត់ទ្វីបចំនួន២ និងប្រទេសចំនួន៤ ក្នុងចម្ងាយផ្លូវជាង ៦,០០០ គីឡូម៉ែត្រ ដោយប្រើពេលជិត ៩ ម៉ោងប៉ុណ្ណោះ ។ សេចក្តីថ្លែងការណ៍សង្កត់ធ្ងន់ថា ការដាក់ពង្រាយកងយន្តហោះចម្បាំងឆ្លងដែននេះ បានបង្ហាញពីសមត្ថភាពរបស់កងទ័ពអាកាសចិន ក្នុងការបញ្ជូនកងទ័ព និងយន្តហោះចម្បាំងទៅកាន់សមរភូមិចម្ងាយឆ្ងាយ ជាពិសេសការពង្រាយកងកម្លាំងរហ័ស និងប្រតិបត្តិការប្រយុទ្ធឆ្លងដែនពីប្រទេសមួយទៅប្រទេសមួយ ។ ល្បែងសង្គ្រាម “Eagles of Civilization 2026”…
-
ក្នុងថ្ងៃបុណ្យឯករាជ្យ, អ៊ុយក្រែន បានលុយពីអឺរ៉ុប ៧ ពាន់លានដុល្លារ ទុកទិញអាវុធច្បាំងជាមួយ រុស្ស៊ី
កៀវ ៖ សហភាពអឺរ៉ុប នៅថ្ងៃចន្ទនេះ បានប្រកាសផ្តល់ថវិកាចំនួន ៧ ពាន់ ១០០ លានដុល្លារបន្ថែមទៀត ដល់ប្រទេសអ៊ុយក្រែន សម្រាប់ទិញប្រព័ន្ធខែលការពារដែនអាកាស ប្រឆាំងនឹងការវាយប្រហារដោយមីស៊ីលរបស់រុស្ស៊ី ។ ការប្រកាសនេះធ្វើឡើង ស្របពេលដែលមេដឹកនាំអឺរ៉ុបមួយចំនួនបានទៅបំពេញទស្សនកិច្ច នៅប្រទេសអ៊ុយក្រែន ដើម្បីបង្ហាញពីការគាំទ្រដល់ទិវាឯករាជ្យរបស់ប្រទេសមួយនេះ ។ លោកស្រី Ursula von der Leyen ប្រធានគណៈកម្មការអឺរ៉ុបបានសរសេរ នៅលើបណ្តាញសង្គម X ថា «នៅថ្ងៃបុណ្យឯករាជ្យជាតិរបស់អ៊ុយក្រែន យើងបង្ហាញពីការគាំទ្រដ៏មុតមាំរបស់យើង ដោយអនុម័តថវិកា ចំនួន ៧ ពាន់ ១០០ លានដុល្លារ ផ្ដល់ទៅឲ្យអ៊ុយក្រែនសម្រាប់ទិញប្រព័ន្ធខែលការពារដែនអាកាស និង ការពារប្រឆាំងមីស៊ីល, កាំជ្រួចផ្លោង, គ្រាប់រំសេវ និង ប្រព័ន្ធរ៉ាដា ដែលទីក្រុងកៀវកំពុងត្រូវការជាចាំបាច់»។ បើតាម timesofisrael, ថវិកានេះគឺជាផ្នែកមួយនៃកញ្ចប់ប្រាក់កម្ចី សរុបចំនួន ៩០ ពាន់លានអឺរ៉ូ ដែលក្នុងនោះ មានជំនួយយោធាចំនួន ៦០ ពាន់លានអឺរ៉ូ ដែលសហភាពអឺរ៉ុបបានប្រកាសថា នឹងផ្តល់ជូនអ៊ុយក្រែន។…
-
អ្នកឃ្លាំមើលសង្គមចង់ឲ្យដាក់ទោសតឹងរ៉ឹងលើជនល្មើសដែលអាងអំណាចទឹកប្រាក់ និងបុណ្យសក្តិ
អ្នកឃ្លាំមើលសង្គមអំពាវនាវឲ្យមានការដាក់ទោសធ្ងន់ធ្ងរលើបុគ្គលទាំងឡាយណា ដែលអាងអំណាចបុណ្យសក្តិ ឬទ្រព្យសម្បត្តិ ហើយដើរបង្កបញ្ហានៅក្នុងសង្គម ដូចជាករណីប្រើអំពើហិង្សា ឬបង្កគ្រោះថ្នាក់ចរាចរណ៍បុកគេស្លាប់ហើយរត់គេចខ្លួនជាដើម។ លោកបណ្ឌិត ឈត ប៊ុនថង អ្នកជំនាញទស្សនវិជ្ជានៃរាជបណ្ឌិត្យសភាកម្ពុជា យល់ឃើញថា មនុស្សមួយចំនួននៅបំពានច្បាប់ ដោយសារតែការអនុវត្តច្បាប់នៅធូរលុងនៅឡើយ។ លោកបានពន្យល់ថា ៖ មនុស្សក្អេងក្អាងបាននឹង ក្អេងក្អាងបែបធម្មជាតិក្អេងក្អាងដោយសារមានលុយមានអំណាចនឹងគឺដោយសារតែការអនុវត្តច្បាប់យើងនឹងមិនទាន់បានតឹងរឹង ក្រៅពីមិនទាន់តឹងរឹងនឹង មានការលើកឡើងថាអាចនឹងមានភាពមិនប្រក្រតី មានន័យថាការអនុវត្តច្បាប់នឹងលម្អៀងទៅអ្នកមានប្រាក់មានអំណាចចឹងទៀតទៅ ចឹងហើយធ្វើឲ្យភាពក្អេក្អាង បុគ្គលក្អេងក្អាងចេះតែមានសកម្មភាពធ្វើទុក្ខបុកម្និញទៅដល់ជនរងគ្រោះទាំងឡាយដែលពាក់ព័ន្ធឬក៏ទាក់ទងជាមួយគាត់នឹង។ ដោយឡែក លោក សេក សុជាតិ អ្នកប្រឹក្សាយោបល់ផ្នែកផ្នត់គំនិតក្នុងសង្គមខ្មែរវិញ យល់ឃើញថា សកម្មភាពក្អេងក្អាងបង្កហិង្សា ឬសកម្មភាពល្មើសផ្សេងៗដោយអាងអំណាចមាសប្រាក់នេះ មិនគួរទុកឲ្យបន្តស្រាបព្រួសនៅក្នុងសង្គមខ្មែរទៀតនោះទេ។ បើតាមលោក សុជាតិ រដ្ឋាភិបាលឬក៏ថ្នាក់ដឹកនាំជាន់ខ្ពស់គួរចាត់វិធានការតាមវិន័យរដ្ឋបាលរបស់រដ្ឋដើម្បីធ្វើយ៉ាងម៉េចកុំឲ្យបញ្ហាទាំងអស់វាកើតមានជាបន្តបន្ទាប់ទៅលើអ្នកដទៃផ្សេងទៀត ហើយក៏ជាគំរូមួយដែលបង្ហាញអំពីបេះដូងនិងឆន្ទៈពិតប្រាកដរបស់ថ្នាក់ដឹកនាំនៅក្នុងការបោសសម្អាតអំពើទាំងឡាយណាដែលបំផ្លាញផលប្រយោជន៍រួមរបស់រដ្ឋហើយនឹងរាស្រ្តរបស់យើង។ សូមបញ្ជាក់ថា អ្នកតាមដានសង្គមបានកត់សម្គាល់បែបនេះ ក្រោយពេលថ្មីៗនេះ ជនសង្ស័យម្នាក់ រួមទាំងបក្សពួក បានយកដបស្រាវាយក្បាលគូជម្លោះម្នាក់ឲ្យរងរបួសធ្ងន់ ដោយសារអាងខ្សែអ្នកធំ។ កន្លងមក ក៏មានករណីកូនអ្នកមានទ្រព្យស្តុកស្តម្ភបើករថយន្តទំនើបបុកគេស្លាប់ហើយរត់ផងដែរ។ តែទោះជាយ៉ាងណា ជនល្មើសត្រូវបាននាំយកមកទទួលទោសចំពោះមុខច្បាប់៕ សេង បារាំង AMS