ក្នុងរយៈពេល ៩ខែ ដើមឆ្នាំ២០២៦នេះ ការដឹកជញ្ជូនទំនិញតាមផ្លូវអាកាសនៅកម្ពុជា បានកើនឡើងរហូតដល់ ១៨% បើធៀបនឹងរយៈពេលដូចគ្នាក្នុងឆ្នាំ២០២៥ ខណៈដែលចំនួនជើងហោះហើរ និងអ្នកដំណើរចេញ-ចូល តាមអាកាសយានដ្ឋានអន្តរជាតិទាំង៣ មានការថយចុះបន្តិចបន្តួច។ យោងតាមរបាយការណ៍របស់អាកាសចរណ៍ស៊ីវិល អាកាសយានដ្ឋានអន្តរជាតិទាំង៣របស់កម្ពុជា រួមមាន អាកាសយានដ្ឋានអន្តរជាតិតេជោ អាកាសយានដ្ឋានសៀមរាបអង្គរ និងព្រលានយន្តហោះអន្តរជាតិព្រះសីហនុ បានដឹកជញ្ជូនទំនិញតាមផ្លូវអាកាសសរុបសរុបចំនួន ៧ម៉ឺន ៦ពាន់ តោន ចាប់ពីខែមករា ដល់ខែកញ្ញា ឆ្នាំ ២០២៦ គឺកើនឡើង ១៨%បើធៀបនឹងរយៈពេលដូចគ្នាកាលពីឆ្នាំមុន។ ក្នុងរយៈពេលនេះដែរ អាកាសយានដ្ឋានអន្តរជាតិទាំង៣ ទទួលបានជើងហោះហើរចេញ-ចូលសរុបចំនួនជាង ៤ម៉ឺន ៦ពាន់ជើង ពោលគឺថយចុះបន្តិចបន្ទួចប្រមាណ ២% រីឯចំនួនអ្នកដំណើរចេញ-ចូលតាមផ្លូវអាកាសមានចំនួនជាង ៤លាន ៥សែននាក់ តិចជាងឆ្នាំមុន ១១%។ ឯកឧត្តម ស៊ីន ចាន់សិរីវុត្ថា អ្នកនាំពាក្យអាកាសចរណ៍ស៊ីវិល បានប្រាប់បណ្តាញសារព័ត៌មាន AMS ថា បច្ចុប្បន្ន មានក្រុមហ៊ុនអាកាសចរណ៍ចំនួន ៣៥ កំពុងប្រតិបត្តិការហោះហើរ ក្នុងនោះក្រុមហ៊ុនក្នុងស្រុក ៤ និងអន្តរជាតិ ៣១ ដោយមានជើងហោះហើរសរុបជាមធ្យម…

ជាថ្មីម្តទៀត អង្គការសហប្រជាជាតិបានកោតសរសើកម្ពុជា ដែលបានប្រែក្លាយពីប្រទេសដែលធ្លាប់ទទួលកងរក្សាសន្តិភាព មកជាប្រទេសដែលបញ្ជូនកងរក្សាសន្តិភាពវិញម្តង។ នៅថ្ងៃទី២០តុលានេះ អង្គការសហប្រជាជាតិប្រចាំនៅកម្ពុជា​បានរំលឹកលើបណ្តាញសង្គមថា ពីឆ្នាំ១៩៩១ដល់ឆ្នាំ១៩៩៣ កម្ពុជាបានទទួលការគាំទ្រពីបេសកកម្មរក្សាសន្តិភាពរបស់អង្គការសហប្រជាជាតិ ហៅកាត់ថាអ៊ុនតាក់ ដែលជាបេសកកម្មរក្សាសន្តិភាពធំបំផុតមួយក្នុងប្រវត្តិសាស្រ្តអង្គការសហប្រជាជាតិ។ ប៉ុន្តែសព្វថ្ងៃនេះ កម្ពុជាបានបន្តតួនាទីរបស់ខ្លួនក្នុងការរួមចំណែករក្សាសន្តិភាពក្នុងពិភពលោក។ ចាប់តាំងពីឆ្នាំ២០០៦មក កម្ពុជាបានបញ្ជូនកងកម្លាំងរក្សាសន្តិភាពចំនួនជាង ១ម៉ឺននាក់ ក្នុងនោះមានស្រ្តីជាង១ពាន់នាក់ ទៅបំពេញបេសកកម្មសម្រាប់សន្តិភាពនៅតាមបណ្តាប្រ​ទេសនានាក្នុងទ្វីបអាហ្វ្រិក និងតំបន់មជ្ឈិមបូព៌ា។ ប្រទេសទាំងនោះមាន៖ សាធារណរដ្ឋស៊ូដង់, ស៊ូដង់ខាងត្បូង, ឆាដ, អាហ្វ្រិកកណ្តាល, លីបង់, ម៉ាលី, ស៊ីរី, សាយប្រឺស, យេមែន និងប្រទេសកុងហ្គោ។ កងទ័ពមួកខៀវកម្ពុជាបំពេញបេសកកម្មចំនួន១២ លើជំនាញបោសសម្អាតមីន វិស្វកម្មពហុជំនាញ អាវុធហត្ថ មន្ទីរពេទ្យកម្រិត២ វិស្វកម្មព្រលានយន្តហោះ កម្ទេចគ្រាប់មិនទាន់ផ្ទុះ នាយទាហានសេនាធិការ និងសង្កេតការណ៍យោធា។ បច្ចុប្បន្ន កងកម្លាំងយោធា និងនគរបាលកម្ពុជាជាង ៤៥០នាក់ កំពុងចូលរួមក្នុងបេសកកម្មថែរក្សាសន្តិភាពចំនួន ៥ របស់អង្គការសហប្រជាជាតិ នៅជុំវិញពិភពលោក ដោយត្រូវឃ្លាតឆ្ងាយពីក្រុមគ្រួសារ ដើម្បីការពារប្រជាជនដែលងាយរងគ្រោះបំផុត។ កាលពីថ្ងៃទីទី៨តុលាកន្លងទៅ អង្គការសហប្រជាជាតិក៏បានថ្លែងអំណរគុណជាសាធារណៈដល់កងកម្លាំងមួកខៀវកម្ពុជាដ៏ក្លាហាន ទាំងស្ត្រី និងបុរស ដែលបានធ្វើការលះបង់ និងចូលរួមបំពេញបេសកកម្មរក្សាសន្តិភាពអង្គការសហប្រជាជាតិ។ នៅខែធ្នូឆ្នាំនេះ…

ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានទទួលជួបសម្ដែងការគួរសមជាមួយឯកឧត្តម នាយឧត្តមសេនីយ៍ អង់តូនីញ៉ូ ជីណាហ្វារ៉េត (Antonio G. Nafarrete) នាយសេនាធិការកងទ័ពហ្វីលីពីន ក្នុងឱកាសដែលឯកឧត្តមដឹកនាំគណៈប្រតិភូមកបំពេញទស្សនកិច្ចនៅព្រះរាជាណាចក្រកម្ពុជា នៅថ្ងៃទី២០ ខែតុលា ឆ្នាំ២០២៦។ ក្នុងជំនួបនេះ ឯកឧត្តម នាយឧត្តមសេនីយ៍ វង្ស ពិសេន បានអបអរសាទរចំពោះឯកឧត្តម នាយឧត្តមសេនីយ៍ អង់តូនីញ៉ូ ជីណាហ្វារ៉េត ដែលត្រូវបានតែងតាំងជានាយសេនាធិការកងទ័ពហ្វីលីពីនថ្មីៗនេះ ដោយចាត់ទុកការតែងតាំងនេះថាជាការទទួលស្គាល់ចំពោះភាពជាអ្នកដឹកនាំ និងការខិតខំរបស់ឯកឧត្តមក្នុងបុព្វហេតុការពារជាតិហ្វីលីពីន។ ជាមួយគ្នានេះ ឯកឧត្តមអគ្គមេបញ្ជាការបានវាយតម្លៃខ្ពស់ចំពោះទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការរវាងកងទ័ពកម្ពុជា និងហ្វីលីពីន ដែលមានការរីកចម្រើនជាបន្តបន្ទាប់ តាមរយៈការផ្លាស់ប្តូរទស្សនកិច្ច ការបណ្តុះបណ្តាលធនធានមនុស្ស ការបញ្ជូនយោធាចារ្យ និងការធ្វើលំហាត់ហ្វឹកហ្វឺនរួម។ ឯកឧត្តមក៏បានបង្ហាញជំនឿថា កងទ័ពទាំងពីរនឹងបន្តពង្រឹង និងពង្រីកកិច្ចសហប្រតិបត្តិការលើវិស័យសន្តិសុខ ការផ្លាស់ប្តូរព័ត៌មាន ការប្រយុទ្ធប្រឆាំងអំពើភេរវកម្ម ឧក្រិដ្ឋកម្មឆ្លងដែន សន្តិសុខសាយប័រ ព្រមទាំងការងារមនុស្សធម៌ និងការសង្គ្រោះគ្រោះមហន្តរាយ។ តាមគម្រោងនៃដំណើរបំពេញទស្សនកិច្ចនេះ ឯកឧត្តម នាយឧត្តមសេនីយ៍ អង់តូនីញ៉ូ ជីណាហ្វារ៉េត នឹងអញ្ជើញចុះសួរសុខទុក្ខកងកម្លាំងក្រុមអ្នកសង្កេតការណ៍អាស៊ាន (AOT)…

រូបចម្លាក់ទេពធីតាមួយអង្គ ដែលមានសភាពបែកបាក់ ត្រូវបានគ្រួសារមួយរកឃើញដោយចៃដន្យនៅខាងក្រោយផ្ទះរបស់ខ្លួន ក្នុង​អំឡុងពេល​​ជីកដីដើម្បីចាក់បំពេញផ្ទះ នៅក្នុងភូមិអង្គរក្រៅ សង្កាត់គោកចក ក្រុងសៀមរាប កាលពីថ្ងៃទី១៨ ខែតុលា ឆ្នាំ២០២៦។ រូបចម្លាក់ក្នុងទម្រង់ឈរនេះត្រូវបានជីករកឃើញក្នុងជម្រៅដី​​៣០សង់ទីម៉ែត្រ។ លោក មាស ឫទ្ធីរ៉ាថេត អនុប្រធានការិយាល័យបេតិកភណ្ឌ នៃមន្ទីរវប្បធម៌ និងវិចិត្រសិល្បៈខេត្តសៀមរាប បានបញ្ជាក់ប្រាប់បណ្តាញព័ត៌មាន AMS ថា​ ក្រោយចុះពិនិត្យផ្ទាល់ មន្ត្រីជំនាញបានសន្និដ្ឋានជាបឋមថា រូបចម្លាក់នេះ គឺជារូបទេវរូបភេទស្រី ដែលមានដៃកាន់ផ្កាឈូក និងមានលក្ខណៈសិល្បៈក្នុងរចនាបថឃ្លាំង ឬរចនាបថអង្គរ ក្នុងសតវត្សទី១១។ រូបចម្លាក់នេះអាចជារូបព្រះនាងលក្ស្មី ដែលមានកម្ពស់ ៧០សង់ទីម៉ែត្រ។ បើតាម លោក មាស ឫទ្ធីរ៉ាថេត ទីតាំងដែលរកឃើញរូបចម្លាក់នេះ គឺមិន​ជាប់ពាក់ព័ន្ធនឹង​​បុរាណដ្ឋាននោះទេ។ លោកបញ្ជាក់ថា រូបចម្លាក់​ព្រះនាងលក្ស្មីនេះ គឺប្រហែលជាមានការចល័តពីកន្លែងផ្សេង យកមកកប់នៅកន្លែង​នេះ​។ លោកអនុប្រធានការិយាល័យបេតិកភណ្ឌបានលើកឡើងថា ការរកឃើញរូបចម្លាក់បុរាណនេះ មានសារសំខាន់យ៉ាងខ្លាំងចំពោះប្រវត្តិសាស្ត្រខ្មែរ និងជាសម្បត្តិបេតិកភណ្ឌជាតិដ៏មានតម្លៃ ដែលឆ្លុះបញ្ចាំងពីការវិវត្តនៃអរិយធម៌ខ្មែរ។ លោកបន្តថា ៖ ការរកឃើញរូបបដិមា គឺមានតម្លៃសំខាន់ណាស់ក្នុងការបំពេញចន្លោះប្រហោង ដើម្បីសិក្សាផ្នែកប្រវត្តិសាស្ត្រ ប្រវត្តិសិល្បៈ ហើយជាភស្តុតាងមួយបង្ហាញ​វប្បធម៌ដូនតាខ្មែរ។ ការរកឃើញនេះអនុញ្ញាតឱ្យយើងអាចស្វែងយល់បច្ចេកទេសក្នុងការផលិត សិប្បកម្មនៅសម័យអង្គរ…