-
ក្រសួងសង្គមកិច្ចណែនាំកុំបោះបង់កូនចោល បើគ្មានលទ្ធភាពចិញ្ចឹមកូន សូមប្រាប់សមត្ថកិច្ច
ក្រសួងសង្គមកិច្ច អតីតយុទ្ធជន និងយុវនីតិសម្បទា បានអំពាវនាវឱ្យឪពុកម្តាយ ឬអ្នកអាណាព្យាបាលទាំងអស់ សូមកុំបោះបង់ទារក ឬកុមារចោល ព្រោះនេះជាអំពើអមនុស្សធម៌ និងខុសច្បាប់។ ក្នុងករណីជួបការលំបាកខ្លាំងគ្មានលទ្ធភាពចិញ្ចឹមបីបាច់ ក្រសួងលើកទឹកចិត្តឱ្យរាយការណ៍ជូនសមត្ថកិច្ចមូលដ្ឋាន ដើម្បីទទួលបានការគាំទ្រសេវាសង្គមសមស្របពីរាជរដ្ឋាភិបាល និងអង្គការមិនមែនរដ្ឋាភិបាលជាដៃគូ។ ការអំពាវនាវនេះ ធ្វើឡើងបន្ទាប់ពីរយៈពេលចុងក្រោយនេះ មានករណីទារកមួយចំនួនត្រូវបានឪពុកម្តាយយកទៅប្លុងចោលនៅតាមទីសាធារណៈ ហើយត្រូវបានសប្បុរសជនរើសយកទៅចិញ្ចឹមបីបាច់ទុកដូចជាកូនបង្កើត។ ក្រសួងសង្គមកិច្ចបានចាត់ទុកសកម្មភាពបោះបង់កូន គឺជាអំពើអមនុស្សធម៌ ឃោរឃៅ រំលោភលើសិទ្ធិកុមារធ្ងន់ធ្ងរ និងខុសច្បាប់។ យោងតាមមាត្រា ៣២១ នៃក្រមព្រហ្មទណ្ឌ ជនណាដែលបោះបង់អនីតិជនអាយុក្រោម ១៥ ឆ្នាំ ត្រូវផ្តន្ទាទោសដាក់ពន្ធនាគារពី ១ឆ្នាំ ទៅ ៥ឆ្នាំ និងពិន័យជាប្រាក់ពី ២ លាន ទៅ ១០ លានរៀល ប្រសិនបើអំពើនោះបង្កគ្រោះថ្នាក់ដល់សុខភាព ឬសន្តិសុខរបស់កុមារ។ ជុំវិញបញ្ហានេះ លោក យង់ គឹមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព (PDP) បានលើកឡើងថា កត្តាដែលនាំឱ្យមានការបោះបង់កូន ភាគច្រើនបណ្តាលមកពីយុវជនមានកូនមុនរៀបការដោយខ្លាចបាត់បង់កិត្តិយស និងកត្តាជីវភាព។ លោកបានដាស់តឿនដល់យុវវ័យឱ្យចេះស្រឡាញ់គ្នាដោយមានការទទួលខុសត្រូវ និងកសាងគ្រួសារឱ្យបានច្បាស់លាស់។ ដោយឡែក លោក…
-
តម្លៃកង្កែបឡើងថ្លៃបន្តិច តែអ្នកចិញ្ចឹមមិនទាន់ចំណេញ
អ្នកចិញ្ចឹមកង្កែបមានទឹកមាត់លេបបន្តិចមកវិញ ខណៈគិតមក ដល់ ជិតចុងខែសីហា ឆ្នាំ២០២៦នេះ វារីវប្បករ ឬអ្នកចិញ្ចឹមសត្វទឹកភាគច្រើនមានត្រីជាដើមអាចអាចរកផលចំណេញបានស្ទើរទាំងអស់ លើកលែងតែអ្នកចិញ្ចឹមកង្កែបដែលនៅតែប្រឈមមុខនឹងការខាតបង់បន្តិចបន្តួច បើទោះបីជាតម្លៃលើទីផ្សារចាប់ផ្តើមហក់ឡើងវិញបន្តិចក្តី។សមាគមវារីវប្បករនៅកម្ពុជាបានអះអាងថា បញ្ហាប្រឈមនេះបណ្តាលមកពីការនាំចូលកង្កែបលើសតម្រូវការ និងការលួចនាំចូលដោយគេចពន្ធពីប្រទេសជិតខាង។ លោក ឡែមផូរ សុថាវរិទ្ធិ ប្រធានសមាគមវារីវប្បករនៅកម្ពុជា បានឱ្យដឹងថា បច្ចុប្បន្ន តម្លៃកង្កែបរស់បានហក់ឡើងពី ៥ពាន់ទៅ ៥.៥០០រៀល ក្នុងមួយគីឡូក្រាម។ តម្លៃនេះបានជួយកាត់បន្ថយការខាតបង់មកត្រឹម ៥០០ ទៅ ១ពាន់រៀលប៉ុណ្ណោះ ប៉ុន្តែដើម្បីឱ្យអ្នកចិញ្ចឹមអាចរកប្រាក់ចំណេញបាន លុះត្រាតែកង្កែបមានតម្លៃចាប់ពី ៦ពាន់រៀលក្នុងមួយគីឡូក្រាមឡើងទៅ។ ប្រធានសមាគមរូបនេះបានបន្ថែមថា តម្រូវការសាច់កង្កែបក្នុងស្រុកមានរហូតដល់២០តោនក្នុងមួយថ្ងៃ ប៉ុន្តែការផ្គត់ផ្គង់របស់កសិករក្នុងស្រុកធ្វើបានត្រឹមតែ ១០តោន។ ចំពោះកសិករ ចិញ្ចឹមកង្កែបមាននៅខេត្តសៀមរាប ព្រៃវែង និងខេត្តដទៃទៀត។អ្នកចិញ្ចឹមភាគច្រើនតាមលក្ខណៈគ្រួសារ និងកម្រិតមធ្យមដែលត្រឹមតែ២ទៅ ៣ពាន់ក្បាល ចំណែកការចិញ្ចឹមបែបធំដូចជាកសិដ្ឋាននៅមានកម្រិតតិចតួចនៅឡើយ។ប៉ុន្តែកត្តាដែលធ្វើឱ្យអ្នកចិញ្ចឹមខាតបង់កន្លងមក គឺដោយសារការនាំចូលលើសតម្រូវការ និងការលួចនាំចូលខុសច្បាប់ ដែលបានធ្វើឱ្យតម្លៃធ្លាក់ចុះយ៉ាងខ្លាំងកាលពីខែមេសា។ ដោយឡែកសម្រាប់តម្លៃផលវារីវប្បកម្មផ្សេងទៀត ដូចជា ត្រីរ៉ស់ និងត្រីឆ្តោ ឃើញថាមានការកើនឡើងចន្លោះពី ២០០ ទៅ ៦០០រៀល ក្នុងមួយគីឡូក្រាម ដែលធ្វើឱ្យអ្នកចិញ្ចឹមត្រីភាគច្រើនអាចរកប្រាក់ចំណេញបានល្អ។ ដើម្បីជួយសង្គ្រោះអ្នកចិញ្ចឹមកង្កែបក្នុងស្រុក សមាគមវារីវប្បករនៅកម្ពុជា បានបន្តអំពាវនាវដល់អាជ្ញាធរមានសមត្ថកិច្ច…
-
ប្អូនស្រី លោក គីម ជុងអ៊ុន ថា បងប្រុសនាងនៅតែរក្សាទុក ការចងចាំដ៏ល្អ ចំពោះលោក ត្រាំ
ព្យុងយ៉ាង ៖ «លោក គីម ជុងអ៊ុន នៅតែរក្សាទុក ការចងចាំដ៏ល្អ និងអារម្មណ៍កក់ក្តៅ ចំពោះប្រធានាធិបតីអាមេរិក លោក ដូណាល់ ត្រាំ ហើយ ទំនាក់ទំនងរវាងមេដឹកនាំទាំងពីរ នៅតែមានភាពល្អូកល្អឺន»។ នេះគឺជាការគូសបញ្ជាក់ របស់នាង Kim Yo Jong ដែលជាប្អូនស្រីរបស់លោក គីម ជុងអ៊ុន មេដឹកនាំកូរ៉េខាងជើង។ បើតាម Tass, នាង Kim Yo Jong ប្អូនស្រី បានលើកឡើងយ៉ាងដូច្នេះ កាលពីថ្ងៃពុធ ទុកជាការឆ្លើយតបជាលើកដំបូង លើសេចក្តីរាយការណ៍របស់ទីក្រុងវ៉ាស៊ីនតោន ជុំវិញការទាក់ទងគ្នា រវាងមេដឹកនាំកូរ៉េខាងជើង និងសហរដ្ឋអាមេរិក នាពេលថ្មីៗនេះ ។ ការទទួលស្គាល់នេះ ធ្វើឡើង នៅ១ថ្ងៃ បន្ទាប់ពីលោក ត្រាំ អះអាងថា លោកគ្រោងនឹងជួប លោក គីម ជុងអ៊ុន ជាថ្មី នៅក្នុងឆ្នាំនេះ។ មេដឹកនាំទាំងពីរធ្លាប់ជួបគ្នា ៣លើក អំឡុងអាណត្តិប្រធានាធិបតីដំបូង…
-
កូរ៉េខាងជើង បាញ់មីស៊ីលផ្លោងជាង ១០គ្រាប់ ផ្គើនសមយុទ្ធ កូរ៉េខាងត្បូង-អាមេរិក
ព្យុងយ៉ាង ៖ ប្រទេសកូរ៉េខាងជើងបានបញ្ចេញសាច់ដុំយោធាឌឺដងចំពោះការធ្វើសមយុទ្ធយោធាឈុតធំប្រចាំឆ្នាំរួមគ្នា រវាងកូរ៉េខាងត្បូង និងអាមេរិក តាមរយៈការបាញ់មីស៊ីលបាលីស្ទិកចម្ងាយខ្លីច្រើនជាង ១០គ្រាប់ផ្ទួនៗ កាលពីថ្ងៃ ព្រហស្បតិ៍ ។ មិនបង្អង់យូរ ការិយាការិយាល័យប្រធានាធិបតីកូរ៉េខាងត្បូង បានប្រកាសថ្កោលទោសកូរ៉េខាងជើងភ្លាមៗ និងកោះប្រជុំសន្តិសុខបន្ទាន់មួយ ហើយថែមទាំងបញ្ជាឱ្យយោធាបង្កើនការប្រុងជើងការឱ្យបានពេញលេញ ។ បើតាម CNA, មន្រ្តីយោធាកូរ៉េខាងត្បូងរាយការណ៍ថា កូរ៉េខាងជើងបានបាញ់មីស៊ីលបាលីស្ទិកចម្ងាយខ្លីជាង ១០គ្រាប់ ដោយបាញ់ចេញពីទីក្រុងព្យុងយ៉ាង សំដៅទៅសមុទ្រចម្ងាយប្រហែល ៣០០គីឡូម៉ែត្រ ។ យោងតាមសេចក្តីថ្លែងការណ៍របស់ការិយាការិយាល័យប្រធានាធិបតីកូរ៉េខាងត្បូង, ការបាញ់មីស៊ីលបាលីស្ទិកនេះ គឺជាបំពានយ៉ាងធ្ងន់ធ្ងរមួយដែលរំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដូច្នេះ ទីក្រុងសេអ៊ូលអំពាវនាវឱ្យទីក្រុងព្យុងយ៉ាងបញ្ឈប់សកម្មភាពបែបនេះជាបន្ទាន់ ។ ការបាញ់មីស៊ីលនេះ ធ្វើឡើងចំពេលដែលកូរ៉េខាងត្បូង និងអាមេរិកធ្វើសមយុទ្ធយោធាទ្រង់ទ្រាយធំប្រចាំឆ្នាំរួមគ្នា ដែលគ្រោងបិទបញ្ចប់នៅថ្ងៃទី២១ ខែសីហានេះ ។ ដំបូងឡើយ ល្បែងសង្គ្រាមនេះ នឹងដំណើរការរហូតដល់ថ្ងៃទី២៧ ខែសីហា ប៉ុន្តែលោកប្រធានាធិបតី ដូណាល់ ត្រាំ បានបញ្ជាឱ្យកាត់បន្ថយ ពីព្រោះលោកចង់ស្តារទំនាក់ទំនងការទូតឡើងវិញជាមួយមេដឹកនាំកំពូលកូរ៉េខាងជើង លោក គីម ជុងងអ៊ុន ៕ ប្រភព ៖ CNA ប្រែសម្រួល ៖…
-
រដ្ឋមន្រ្តីក្រសួងទេសចរណ៍លើកទឹកចិត្តដល់ក្រុមការងារផលិតកម្មអន្តរជាតិដែលបានជ្រើសរើសកម្ពុជាជាទីតាំងថតកម្មវិធី
ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញចុះសំណេះសំណាល និងលើកទឹកចិត្តដល់ក្រុមការងារផលិតកម្ម និងក្រុមអ្នកចូលរួមក្នុងកម្មវិធី «Race Across the World» មានសមាជិកចំនួន ៤២រូប ដឹកនាំដោយ លោក JAVIER LLANOS SANCHEZ ប្រធានក្រុមកម្មវិធី «Race Across the World» ក្នុងឱកាសរៀបចំការថតកម្មវិធីនៅប្រាសាទតាព្រហ្ម ខេត្តសៀមរាប នាថ្ងៃទី២០ ខែសីហា ឆ្នាំ២០២៦។ ការចុះសំណេះសំណាលនេះ មានគោលបំណងស្វាគមន៍ និងលើកទឹកចិត្តដល់ក្រុមការងារផលិតកម្មអន្តរជាតិដែលបានជ្រើសរើសកម្ពុជាជាទីតាំងថតកម្មវិធី ព្រមទាំងបង្ហាញពីការយកចិត្តទុកដាក់ និងការគាំទ្ររបស់ក្រសួងទេសចរណ៍ចំពោះការផលិតកម្មវិធី និងភាពយន្តអន្តរជាតិនៅកម្ពុជា។ ជាមួយគ្នានេះ ក្រសួងក៏មានគោលបំណងជំរុញការប្រើប្រាស់វិស័យភាពយន្ត និងកម្មវិធីកម្សាន្តអន្តរជាតិ ជាមធ្យោបាយដ៏មានប្រសិទ្ធភាពក្នុងការផ្សព្វផ្សាយសក្តានុពលទេសចរណ៍ បេតិកភណ្ឌវប្បធម៌ ប្រវត្តិសាស្ត្រ អរិយធម៌ ធនធានធម្មជាតិ និងភាពសម្បូរបែបនៃគោលដៅទេសចរណ៍កម្ពុជា ទៅកាន់ទស្សនិកជនអន្តរជាតិ។ ឯកឧត្តមរដ្ឋមន្ត្រី បានគូសបញ្ជាក់បន្ថែមថា ការជ្រើសរើសប្រាសាទតាព្រហ្មជាទីតាំងថតកម្មវិធីនាពេលនេះ ក៏ជាឱកាសដ៏ល្អក្នុងការបង្ហាញទៅកាន់ពិភពលោកនូវមន្តស្នេហ៍នៃតំបន់អង្គរ ដែលមានការរួមបញ្ចូលគ្នាយ៉ាងអស្ចារ្យរវាងស្ថាបត្យកម្មបុរាណ បេតិកភណ្ឌវប្បធម៌ និងធម្មជាតិដ៏ស្រស់ត្រកាល ព្រមទាំងរួមចំណែកលើកកម្ពស់កិត្យានុភាពកម្ពុជាជាគោលដៅទេសចរណ៍ប្រកបដោយភាពទាក់ទាញ និងភាពកក់ក្តៅសម្រាប់ភ្ញៀវទេសចរ និងផលិតកម្មអន្តរជាតិ។ សូមជម្រាបជូនថា…
-
គម្រោងអភិវឌ្ឍន៍ធនធានទឹកស្ទឹងឃ្លៀច ក្នុងភូមិសាស្ត្រខេត្តកំពង់ស្ពឺ ដែលសម្រេចបានប្រមាណ ២២% ហើយ
កំពង់ស្ពឺ៖ គម្រោងអភិវឌ្ឍន៍ធនធានទឹកស្ទឹងឃ្លៀច ដែលស្ថិតក្នុងភូមិសាស្ត្រខេត្តកំពង់ស្ពឺ កំពុងដំណើរការសាងសង់យ៉ាងសកម្ម ដោយគិតមកដល់ពេលនេះ ក្រុមការងារបច្ចេកទេសសម្រេចបានលទ្ធផលការងារប្រមាណ ២២% នៃផែនការសរុប។ គម្រោងដ៏មានសារៈសំខាន់នេះ គឺជាផ្នែកមួយនៃយុទ្ធសាស្ត្ររបស់ក្រសួងធនធានទឹក និងឧតុនិយម ក្នុងការគ្រប់គ្រងធនធានទឹកឱ្យមានប្រសិទ្ធភាព ដើម្បីឆ្លើយតបទៅនឹងតម្រូវការប្រើប្រាស់របស់ប្រជាពលរដ្ឋ និងការបង្កបង្កើនផលកសិកម្មក្នុងតំបន់។ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ដែលបានអញ្ជើញចុះពិនិត្យជាក់ស្តែងវឌ្ឍនភាពគម្រោងអភិវឌ្ឍន៍ធនធានទឹកស្ទឹងឃ្លៀចជាក់ស្តែង ស្ថិតក្នុងភូមិត្រពាំងថ្មៀរ ឃុំតាសាល និងភូមិសាមគ្គី ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺនាថ្ងៃទី១៩ ខែសីហា ឆ្នាំ២០២៦អោយដឹងថា ការអភិវឌ្ឍហេដ្ឋារចនាសម្ព័ន្ធធារាសាស្ត្រក្នុងខេត្តកំពង់ស្ពឺនេះ គឺជាការឆ្លើយតបទៅនឹងគោលនយោបាយរបស់រាជរដ្ឋាភិបាល ក្នុងការកសាងមូលដ្ឋានសេដ្ឋកិច្ចកសិកម្មឱ្យកាន់តែរឹងមាំ ដើម្បីធានាសន្តិសុខស្បៀង និងការអភិវឌ្ឍសេដ្ឋកិច្ចមូលដ្ឋានប្រកបដោយចីរភាព។ គម្រោងអភិវឌ្ឍន៍ធនធានទឹកស្ទឹងឃ្លៀច ស្ថិតនៅចម្ងាយប្រមាណ ៨២គីឡូម៉ែត្រ ពីក្រុងច្បារមន នៃខេត្តកំពង់ស្ពឺ។ គម្រោងនេះបានចាប់ផ្តើមអនុវត្តនៅខែធ្នូ ឆ្នាំ២០២៥ គិតត្រឹមពាក់កណ្តាលខែសីហា ឆ្នាំ២០២៦ នេះ វឌ្ឍនភាពការងារសម្រេចបានប្រមាណ ២២%។ ការងារសំខាន់ៗរបស់គម្រោងរួមមាន៖ សាងសង់តួទំនប់មេ ១កន្លែង ទំនប់បង្ហៀរ ១កន្លែង ទ្វារទឹក ១កន្លែង អគារគ្រប់គ្រងទំនប់ ១កន្លែង ផ្លូវចូលទីតាំងគម្រោង…
-
ឯកឧត្តម ខៀវ កាញារីទ្ធ ប្រដូចចំណាត់ការរបស់ ACU ទៅនឹងទម្លាប់ក្នុងប្រទេសផ្តាច់ការ បន្ទាប់ពីប្អូនជីដូនមួយរបស់លោកត្រូវបានឃាត់ខ្លួនក្នុងរឿងពុករលួយ
ឯកឧត្តម ខៀវ កាញារីទ្ធ បានប្រៀបប្រដូចរូបភាពនៃការឃាត់ខ្លួនសាច់ញាតិខាងម្តាយរបស់លោកម្នាក់ ដោយអង្គភាពប្រឆាំងអំពើពុករលួយ ថា ជាទង្វើដែលធ្លាប់តែកើតមាននៅក្នុងប្រទេសផ្តាច់ការប៉ុណ្ណោះ ព្រោះមិនមានការជូនដំណឹងដល់ក្រុមគ្រួសារ។ ឯកឧត្តម ខៀវ កាញារីទ្ធ អតីតរដ្ឋមន្ត្រីក្រសួងព័ត៌មាន បច្ចុប្បន្នជាតំណាងរាស្រ្ត និងឧត្តមប្រឹក្សាផ្ទាល់ព្រះមហាក្សត្រ បានសម្តែងការមិនពេញចិត្តជាសាធារណៈចំពោះការឃាត់ខ្លួនលោក ថូ សំណាង មន្ត្រីក្រសួងការបរទេស ដោយអង្គភាពប្រឆាំងអំពើពុករលួយ ACU។ លោក ថូ សំណាង អតីតអគ្គនាយកនៃអគ្គនាយកដ្ឋានកិច្ចការច្បាប់ កុងស៊ុល និងព្រំដែននៃក្រសួងការបរទេស និងសហប្រតិបត្តិការអន្តរជាតិ ហើយដែលត្រូវជាប្អូនជីដូនមួយខាងម្តាយរបស់ឯកឧត្តម ខៀវ កាញារីទ្ធ ត្រូវបាន ACU នាំទៅសួរចម្លើយ ពាក់ព័ន្ធនឹងបទល្មើសអនឡាញស្កែម។ បើតាមឯកឧត្តម ខៀវ កាញារីទ្ធ អាជ្ញាធរមិនបានជូនដំណឹងដល់ក្រុមគ្រួសារអំពីការឃាត់ខ្លួននេះទេ ដែលជាហេតុធ្វើឲ្យគ្រួសារមានការព្រួយបារម្ភ ហើយយល់ថាជាការបាត់ខ្លួនដោយមិនដឹងមូលហេតុ។ ក្រោយពេលទទួលដំណឹងពីការចាប់ខ្លួនលោក ថូ សំណាង ពាក់ព័ន្ធនឹងរឿង Scam ឯកឧត្តម ខៀវ កាញារីទ្ធ បានបង្ហោះសារលើទំព័រហ្វេសប៊ុកនៅវេលាទៀបភ្លឺថ្ងៃទី២១សីហានេះថា បើតាមមតិរបស់ឯកឧត្តម នៅក្នុងសង្គមប្រជាធិបតេយ្យ និងក្នុងនីតិរដ្ឋ អ្នកប្រព្រឹត្តខុសត្រូវទទួលទោស តែការចាប់បាត់ខ្លួន ពីដើមមានតែនៅក្នុងប្រទេសផ្តាច់ការទេ…
-
រុស្ស៊ីប្រកាសមិនដាក់សម្ពាធលើអ៊ីរ៉ង់ឱ្យបន្តកិច្ចចរចាតែ បន្ទោសអាមេរិក ចំពោះសង្គ្រាមនេះ
អ.ស.ប ៖ ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ បានថ្លែងកាលពីថ្ងៃព្រហស្បតិ៍ថា រុស្ស៊ីមិនបានដាក់សម្ពាធលើអ៊ីរ៉ង់ឱ្យបន្តកិច្ចចរចាដើម្បីបញ្ចប់ជម្លោះជាមួយសហរដ្ឋអាមេរិកនោះទេ ហើយថែមទាំងស្តីបន្ទោសដល់ទីក្រុងវ៉ាស៊ីនតោន ចំពោះសង្គ្រាមនេះ ទៀតផង។ លោក Vasily Nebenzya ឯកអគ្គរដ្ឋទូតរុស្ស៊ីប្រចាំ UN បានលើកឡើងថា ទីក្រុងតេហេរ៉ង់គួរតែធ្វើការសម្រេចចិត្តដោយខ្លួនឯង ក្នុងនាមជារដ្ឋដែលមានអធិបតេយ្យភាព។ បើតាម anadolu, មន្ត្រីរុស្ស៊ីរូបនេះ បានថ្លែងដូច្នេះ នៅពេលត្រូវបានសួរក្នុងសន្និសីទសារព័ត៌មានមួយ នៅទីស្នាក់ការកណ្តាលអង្គការសហប្រជាជាតិ ក្នុងទីក្រុងញូវយ៉ក ថាតើទីក្រុងមូស្គូកំពុងប្រើប្រាស់ទំនាក់ទំនងរបស់ខ្លួនជាមួយអ៊ីរ៉ង់ ដើម្បីជំរុញឱ្យរដ្ឋាភិបាលអ៊ីរ៉ង់ត្រឡប់ទៅរកកិច្ចចរចាជាមួយសហរដ្ឋអាមេរិកដែរឬទេនោះ។ លោក Nebenzya បានឆ្លើយតបថា «រុស្ស៊ីមិនដាក់សម្ពាធលើនរណាម្នាក់ឡើយ ទោះបីជាអ៊ីរ៉ង់ ឬ ប្រទេសផ្សេងទៀតក៏ដោយ»។ លោក Nebenzya បានមានប្រសាសន៍បន្តថា «អ៊ីរ៉ង់គឺជាប្រទេសដែលមានអធិបតេយ្យភាព ហើយពួកគេសម្រេចចិត្តដោយខ្លួនឯង»។ ជាមួយគ្នានេះ លោក Nebenzya បានបន្ទោសសហរដ្ឋអាមេរិកចំពោះ អ្វីដែលលោកហៅថា ការឈ្លានពានដោយមិនគិតគូរ និងគ្មានការបង្កហេតុ ប្រឆាំងនឹងអ៊ីរ៉ង់៕ ប្រភព ៖ anadolu, ប្រែសម្រួល ៖ សារ៉ាត
-
ស្វីស ស្នើថវិកាបន្ថែមពីសភាចំនួន ១,២ ពាន់លានដុល្លារ ដើម្បីពង្រឹងសំណាញ់មេឃ
ហ្សឺណែវ ៖ រដ្ឋាភិបាលស្វីសកំពុងស្វែងរកការអនុម័តពីសភា លើសំណើសុំថវិកាបន្ថែមប្រមាណ ១,២ ពាន់លានដុល្លារ ក្នុងកញ្ចប់ថវិកាការពារជាតិឆ្នាំ២០២៦ ដើម្បីយកទៅពង្រឹងសំណាញ់មេឃ ឬបង្កើនសមត្ថភាពប្រព័ន្ធខែលការពារដែនអាកាស ។ ការស្នើសុំកញ្ចប់ថវិកាបន្ថែមបន្ទាន់នេះ ធ្វើឡើងក្នុងគោលបំណងបង់លុយមុនដល់ក្រុមហ៊ុនផលិត និងពន្លឿនការដឹកជញ្ជូនប្រព័ន្ធខែលការពារដែនអាកាស ចំពេលដែលទីផ្សារសព្វាវុធអន្តរជាតិកំពុងមានតម្រូវការខ្ពស់ និងការគំរាមកំហែងសន្តិសុខកាន់តែខ្លាំងឡើង ។ បើតាម Defense news, ក្នុងចំណោមថវិកាដែលស្នើសុំ ក្នុងនោះជាង ៣០០លានដុល្លារសម្រាប់បង់ប្រាក់មុនទិញសំណាញ់មេឃរយៈចម្ងាយខ្លី, ៨០០លានដុល្លារសម្រាប់សំណាញ់មេឃរយៈចម្ងាយមធ្យម, ៧៥លានដុល្លារសម្រាប់ប្រព័ន្ធរ៉ាដារយៈចម្ងាយមធ្យម និង ១២ លានដុល្លារទៀតសម្រាប់ប្រព័ន្ធប្រឆាំងយន្តហោះដ្រូន ។ ទន្ទឹមគ្នា ស្វីសក៏គ្រោងចំណាយលុយប្រមាណ ១,២៥ ពាន់លានដុល្លារលើសំណាញ់មេឃ IRIS-T SLM របស់ក្រុមហ៊ុន Diehl ដើម្បីពង្រឹងការការពារដែនអាកាសរយៈចម្ងាយមធ្យម និងជាង ១ពាន់លានដុល្លារទៀតលើសំណាញ់មេឃ Oerlikon Skynex របស់ក្រុមហ៊ុន Rheinmetall សម្រាប់បង្កើនការការពាររយៈចម្ងាយជិត ។ បន្ថែមលើនេះ ស្វីសក៏កំពុងស្វែងរកសំណាញ់មេឃរយៈចម្ងាយឆ្ងាយទីពីរ បន្ទាប់ពីការដឹកជញ្ជូនប្រព័ន្ធខែលការពារដែនអាកាស Patriot ដែលបានបញ្ជាទិញពីអាមេរិក អាចនឹងពន្យារពេលរហូតដល់ ៤ទៅ៥ឆ្នាំទៀត ។ ហើយក្នុងចំណោមជម្រើសផ្សេងៗ សំណាញ់មេឃ…
-
កម្ពុជា បន្តធ្វើជាស្ពានចម្លងរវាងមីយ៉ាន់ម៉ា និងអាស៊ាន
ប្រធានាធិបតីមីយ៉ាន់ម៉ា លោក មីន អ៊ុងឡាំង គ្រោងមកបំពេញទស្សនកិច្ចនៅកម្ពុជានៅដើមខែក្រោយ។ តាមរយៈដំណើរទស្សនកិច្ចនេះ អ្នកជំនាញវាយតម្លៃថា កម្ពុជាអាចនឹងបន្តធ្វើជាស្ពានចម្លងសន្តិភាពរវាងមីយ៉ាន់ម៉ា និងអាស៊ាន។ អ្នកជំនាញ និងអ្នកវិភាគភូមិសាស្ត្រនយោបាយ បានលើកឡើងថា ដំណើរទស្សនកិច្ច និងទំនាក់ទំនងការទូតរវាងកម្ពុជា និងមីយ៉ាន់ម៉ា បានស្តែងឱ្យឃើញយ៉ាងច្បាស់ពីនយោបាយការទូតបុរេសកម្មរបស់កម្ពុជា ដែលជៀសវាងការប្រកាន់ប្លុក ឬការបង្កើតជម្លោះ ដោយជំនួសមកវិញនូវតួនាទីជាតួអង្គសម្របសម្រួល និងជាស្ពានចម្លងក្នុងតំបន់អាស៊ាន ដើម្បីធានាសន្តិសុខតំបន់ ព្រមទាំងការពារផលប្រយោជន៍សេដ្ឋកិច្ច និងពាណិជ្ជកម្ម។ យោងតាមឯកឧត្តម ជា ធីរិទ្ធ អ្នកនាំពាក្យព្រឹទ្ធសភាកម្ពុជា លោក មីន អ៊ុងឡាំង នឹងដឹកនាំប្រតិភូមកបំពេញទស្សនកិច្ចនៅកម្ពុជានានាដើមខែកញ្ញា។ ក្នុងដំណើរទស្សនកិច្ចនេះ លោកគ្រោងនឹងជួបសម្តែងការគួរសម និងពិភាក្សាការងារជាមួយថ្នាក់ដឹកនាំកំពូលៗរបស់កម្ពុជា ដើម្បីរឹតចំណងមិត្តភាព និងកិច្ចសហប្រតិបត្តិការរវាងកម្ពុជា និងមីយ៉ាន់ម៉ាឱ្យកាន់តែស៊ីជម្រៅ។ លោកបណ្ឌិត ញិល រដ្ឋា អ្នកជំនាញភូមិសាស្រ្តនយោបាយ និងសេដ្ឋកិច្ចអន្តរជាតិ បានលើកឡើងថា ដំណើរទស្សនកិច្ចនេះស្តែងឱ្យឃើញពីនយោបាយការទូតបុរេសកម្មរបស់កម្ពុជា ដែលជៀសវាងការប្រកាន់ប្លុក ឬការបង្កើតជម្លោះ។ ផ្ទុយទៅវិញ វាបានឆ្លុះបញ្ចាំងពីតួនាទីជាតួអង្គកណ្តាលដែលចេះបត់បែន និងជាស្ពានចម្លងក្នុងតំបន់អាស៊ាន ដើម្បីធានាសន្តិសុខតំបន់។ អ្នកជំនាញរូបនេះបន្ថែមថា ជំនួបនេះត្រូវបានធ្វើឡើងស្របតាម «កិច្ចព្រមព្រៀងឯកច្ឆន្ទ ៥ ចំណុច» របស់អាស៊ាន ក្រោមជ្រុងមនុស្សធម៌ ដើម្បីចៀសវាងការចោទប្រកាន់ថា កម្ពុជាផ្តល់ភាពស្របច្បាប់ដល់របបយោធាមីយ៉ាន់ម៉ា។ ទន្ទឹមនឹងនេះ…