បរទេស ៖ នៅថ្ងៃចន្ទនេះ តម្លៃប្រេងបានធ្លាក់ចុះពីកម្រិតខ្ពស់បំផុត ក្នុងរយៈពេល ៥ ខែ បន្ទាប់ពីប្រធានាធិបតីអាមេរិក លោក ដូណាល់ ត្រាំ បានសម្រេចលើកលែងទណ្ឌកម្ម និងពន្ធគយមួយចំនួនលើប្រទេសរុស្ស៊ី ដែលអាចនាំឱ្យមានការនាំចេញប្រេងឥន្ធនៈពីប្រទេសរុស្ស៊ី កាន់តែច្រើន។ បើតាម Straits Times, តម្លៃប្រេងឆៅប្រភេទ Brent បានធ្លាក់ចុះ ១,៩៨ ដុល្លារ ឬ ១,៨០% មកនៅត្រឹម ១០៧,៨៨ ដុល្លារក្នុងមួយបារ៉ែល។ ចំណែកឯតម្លៃប្រេងឆៅប្រភេទ West Texas Intermediate ហៅកាត់ WTI របស់សហរដ្ឋអាមេរិកវិញ បានធ្លាក់ចុះ ១,១៦ ដុល្លារ ឬ ១,១៤% មកនៅត្រឹម ១០០,២៥ ដុល្លារក្នុងមួយបារ៉ែល។ លោក ត្រាំ បានចុះហត្ថលេខាលើបទបញ្ជាប្រតិបត្តិមួយ កាលពីថ្ងៃសុក្រ ដើម្បីលើកលែងទណ្ឌកម្ម និងពន្ធគយសំខាន់ៗ ក្រោមច្បាប់មួយ ដែលគេស្គាល់ថា ជាច្បាប់ Graham Act ។…

តូក្យូ ៖ ការនាំចេញបន្ទះស្រូបថាមពលពន្លឺព្រះអាទិត្យ ដើម្បីផលិតជាអគ្គិសនី ដែលហៅថា បន្ទះសូឡា របស់ប្រទេសចិន បានធ្លាក់ចុះប្រហែល ៦,៤ ភាគរយក្នុងខែកញ្ញា ឆ្នាំ២០២៦ បើធៀបនឹងរយៈពេលដូចគ្នាកាលពីឆ្នាំមុន ប៉ុន្តែតម្លៃនាំចេញសរុបបានកើនឡើង ។ បើតាម Market Screener, ការធ្លាក់ចុះជាបន្តបន្ទាប់នៃការនាំចេញបន្ទះសូឡារបស់ចិនកើតឡើង ចំពេលទីផ្សារបន្ទះស្រូបថាមពលពន្លឺព្រះអាទិត្យកំពុងប្រឈមមុខនឹងបញ្ហាផ្សេងៗ ដូចជា សមត្ថភាពផលិតលើសតម្រូវការ ការប្រកួតប្រជែងតម្លៃ និងការផ្លាស់ប្តូរគោលនយោបាយពាណិជ្ជកម្ម ។ យោងតាមទិន្នន័យគយ, ចិនដែលជាប្រទេសផលិតបន្ទះសូឡាធំជាងគេរបស់ពិភពលោក បាននាំចេញកោសិកាសូឡា និងបន្ទះសូឡាមានទម្ងន់ប្រហែល ១,២១ លានតោន ក្នុងខែកញ្ញា ។ តួលេខនេះ បានដាំក្បាលចុះយ៉ាងគំហុករហូតដល់ ៦,៤% បើធៀបនឹងរយៈពេលដូចគ្នាខែកញ្ញា ឆ្នាំ២០២៥ ប៉ុន្តែកើនឡើងពី ៨៤០.០០០ តោនក្នុងខែសីហា ឆ្នាំ២០២៦ ។ ប្រភពដដែលឱ្យដឹងថា គិតចាប់ពីខែមករា ដល់ខែកញ្ញា ឆ្នាំ២០២៦ ចិនបាននាំចេញកោសិកាសូឡា និងបន្ទះសូឡាសរុបមានទម្ងន់ប្រហែល ៩,៣៧ លានតោន ។ តួលេខនេះធ្លាក់ចុះប្រមាណ ៩,៥ ភាគរយ បើធៀបនឹងរយៈពេលដូចគ្នាកាលពីឆ្នាំមុន…

សូហ្វ៊ីយ៉ា ៖ ការគំរាមកំហែងបំផ្ទុះគ្រាប់បែក កាលពីយប់ថ្ងៃអាទិត្យ បានបង្ខំឱ្យយន្តហោះ១គ្រឿង របស់ក្រុមហ៊ុន Austrian Airlines ដែលចាកចេញពីអ៊ីស្រាអែល ចុះចតនៅប្រទេសប៊ុលហ្គារីជាបន្ទាន់ ដោយមានយន្តហោះចម្បាំងអមដំណើរ។ នេះបើតាមការការចេញផ្សាយរបស់ព័ត៌មានអ៊ីស្រាអែល Ynet។ ក្រុមហ៊ុនបញ្ជាក់ថា ជើងហោះហើរ OS82 លើយន្តហោះប្រភេទ Airbus A320 ដែលចាកចេញពីទីក្រុង Tel Aviv បានចុះចតដោយសុវត្ថិភាព នៅរដ្ឋធានី សូហ្វ៊ីយ៉ា (Sofia) ដោយមានអ្នកដំណើរចំនួន ៥១ នាក់ និងបុគ្គលិកយន្តហោះចំនួន ៦ នាក់។ បើតាម Ynet, ក្រុមហ៊ុន Austrian Airlines បានទទួលការព្រមានពីពលរដ្ឋអូទ្រីសម្នាក់ ដែលអះអាងថា មានគ្រាប់បែកនៅលើលើយន្តហោះ ហើយ អ្នកដំណើរបានប្រាប់ Ynet ថា ពួកគេត្រូវបានជូនដំណឹងអំពីការគំរាមកំហែងនេះ ដែលជាហេតុធ្វើឱ្យជើងហោះហើរ ត្រូវផ្លាស់ប្តូរទិសដៅ។ ក្រោយដឹងដំណឹងនេះ, ក្រសួងការពារជាតិប៊ុលហ្គារីបញ្ជាក់ថា យន្តហោះចម្បាំងប្រភេទ MiG-29 ត្រូវបានបញ្ជូនឱ្យទៅអមដំណើរយន្តហោះនោះ ទៅកាន់អាកាសយានដ្ឋាន នៅក្នុងប្រតិបត្តិការ ដែលសម្របសម្រួលជាមួយមជ្ឈមណ្ឌលប្រតិបត្តិការផ្លូវអាកាសរួមរបស់អង្គការណាតូ…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអាទិត្យ បានរិះគន់ធ្ងន់ៗលើមេដឹកនាំអ៊ុយក្រែន លោក វ៉ូឡូឌីមៀ ហ្សេលេនស្គី ដោយចោទប្រកាន់ចំៗថា មិនចង់បញ្ចប់សង្គ្រាមនេះទេ ហើយក៏ប្រហែលជាមិនដែលចង់តាំងពីដំបូងឡើង ។ ការរិះគន់នេះកើតឡើង ចំពេលទំនាក់ទំនងរវាងលោក ត្រាំ និងលោក ហ្សេលេនស្គី កាន់តែរកាំរកូសខ្លាំងឡើង ជុំវិញយុទ្ធសាស្ត្របញ្ចប់សង្គ្រាម និងការគាំទ្ររបស់សហរដ្ឋអាមេរិកចំពោះអ៊ុយក្រែន ។ តាមរយៈបណ្តាញសង្គម Truth Social, លោក ត្រាំ បានបញ្ជាក់ថា លោកកំពុងខិតខំចរចាដើម្បីបញ្ចប់សង្គ្រាមរវាងរុស្ស៊ី និងអ៊ុយក្រែន ហើយបានចោទលោក ហ្សេលេនស្គី ថា មិនចង់បញ្ឈប់ការបង្ហូរឈាមនេះទេ ដោយសារអឺរ៉ុបបានផ្តល់ជំនួយហិរញ្ញវត្ថុយ៉ាងច្រើនដល់ទីក្រុងកៀវ ។ លោក ត្រាំ អះអាងថា តាមពិតទៅ លោក ហ្សេលេនស្គី អាចឈានទៅរកកិច្ចព្រមព្រៀងដ៏ល្អប្រសើរជាងនេះកាលពីពីរឆ្នាំមុន ជាជាងអ្វីដែលរូបគេ អាចធ្វើបាននាពេលនេះ ។ លោកថា អ៊ុយក្រែនកំពុងស្ថិតក្នុងភាពវឹកវរ និងខ្ទេចខ្ទាំ ខណៈចំនួនប្រជាជនបុរសនៅក្នុងប្រទេសអ៊ុយក្រែនថា កាន់តែខើច ព្រោះរងរបួស ឬស្លាប់ច្រើន…

តេហេរ៉ង់ ៖ សភាអ៊ីរ៉ង់បានអនុម័តតែងតាំងលោក Mehrdad Akhlaghi Ketabchi ដែលមានបទពិសោធន៍ជាង ៤០ ឆ្នាំក្នុងជំនាញផលិតមីស៊ីល ជារដ្ឋមន្ត្រីការពារជាតិថ្មី កាលពីថ្ងៃអាទិត្យ ។ ការតែងតាំងនេះកើតឡើង ចំពេលដែលអ៊ីរ៉ង់កំពុងប្រឈមមុខនឹងភាពតានតឹងផ្នែកយោធាក្នុងតំបន់ឈូងសមុទ្រ និងកំពុងពង្រឹងសមត្ថភាពការពារជាតិ ដើម្បីត្រៀមខ្លួនចំពោះលទ្ធភាពផ្ទុះសង្គ្រាមជុំថ្មីជាមួយសហរដ្ឋអាមេរិក ឬអ៊ីស្រាអែល ។ លោក Ketabchi នឹងជំនួសលោក Majid Ebn al-Reza ដែលបានកាន់តំណែងជាបណ្ដោះអាសន្ន បន្ទាប់ពីរដ្ឋមន្ត្រីការពារជាតិមុន លោក Aziz Nasirzadeh ដែលត្រូវបានសម្លាប់ក្នុងការវាយប្រហារតាមអាកាសរួមគ្នារវាងអាមេរិក និងអ៊ីស្រាអែល កាលពីខែកុម្ភៈ ។ បើតាម Jerusalem Post, លោក Ketabchi បានចូលបម្រើការងារក្នុងឧស្សាហកម្មការពារជាតិអ៊ីរ៉ង់នៅដើមទសវត្សរ៍ឆ្នាំ ១៩៨០ ហើយបានកាន់តួនាទីផ្នែកបច្ចេកទេស និងឧស្សាហកម្ម ជាពិសេសវិស័យអភិវឌ្ឍន៍មីស៊ីល និងបច្ចេកវិទ្យាអវកាសអស់រយៈពេលជាង ៤ ទសវត្សរ៍ ។ ទន្ទឹមគ្នា លោក Ketabchi ក៏ធ្លាប់ត្រូវបានដាក់ទណ្ឌកម្មដោយអង្គការសហប្រជាជាតិក្នុងឆ្នាំ ២០០៧ ដោយសារតួនាទីរបស់លោកក្នុងកម្មវិធីមីស៊ីលរបស់អ៊ីរ៉ង់ផងដែរ ។ យ៉ាងណា…

មូស្គូ ៖ វិមានក្រឹមឡាំងបានអះអាងកាលពីថ្ងៃ អាទិត្យ ថា ទោះបីអ៊ុយក្រែនប្រឹងវាយប្រហារឈុតធំលើទីក្រុងជាច្រើនរបស់រុស្ស៊ីយ៉ាងណា ក៏នឹងមិនអាចបញ្ឈប់សង្គ្រាមបានដោយងាយស្រួលឡើយ ។ ការអះអាងនេះកើតឡើង ចំពេលដែលអ៊ុយក្រែនបានបើកការវាយប្រហារដោយយន្តហោះដ្រូនឈុតធំបំផុតមួយមិនធ្លាប់មាន ចាប់តាំងពីសង្គ្រាមផ្ទុះឡើងឆ្នាំ ២០២២ ទៅលើទីក្រុង Saint Petersburg ដែលជាស្រុកកំណើតរបស់លោកប្រធានាធិបតី វ្ល៉ាឌីមៀ ពូទីន ។ បើតាម Straits Times, ការវាយប្រហារនេះ បានបណ្តាលឱ្យមានភ្លើងឆេះយ៉ាងសន្ធោសន្ធៅនៅស្ថានីយប្រេងកាត Petersburg Oil Terminal, ឃ្លាំងផ្ទុកប្រេង Ruchyi និងឃ្លាំងឧស្សាហកម្មមួយចំនួនទៀត ។ លើសពីនេះ ស្ថានីយអគ្គិសនីចំនួន ២ កន្លែងត្រូវបានបំផ្លាញ បង្កឱ្យប្រជាជនប្រហែល ២០,០០០ នាក់ដាច់ចរន្តអគ្គិសនី ហើយជើងហោះហើរនៅព្រលានយន្តហោះ Pulkovo ត្រូវបានរឹតត្បិតជាបណ្តោះអាសន្ន ។ បើតាមអភិបាលក្រុង Saint Petersburg លោក Alexander Beglov, មនុស្សម្នាក់បានស្លាប់ និង ៥ នាក់ទៀតត្រូវបានបញ្ជូនទៅមន្ទីរពេទ្យ ខណៈមជ្ឈមណ្ឌលទិន្នន័យរបស់បណ្តាញសង្គមរុស្ស៊ី VKontakte និងមជ្ឈមណ្ឌលភស្តុភាររបស់ក្រុមហ៊ុនលក់រាយ Ozon ក៏រងការវាយប្រហារផងដែរ ។ យ៉ាងណា អ្នកនាំពាក្យវិមានក្រឹមឡាំង…

ហាណូយ ៖ វៀតណាម និងប្រទេសអឺរ៉ុបចំនួន៤ ដែលមិនមែនជាសមាជិកសហភាពអឺរ៉ុប​ បានចុះហត្ថលេខាលើកិច្ចព្រមព្រៀងពាណិជ្ជកម្មសេរីមួយ នៅទីក្រុងហាណូយ កាលពីថ្ងៃអាទិត្យ ដោយមានគោលបំណងពង្រីកទីផ្សាររបស់ខ្លួនឱ្យកាន់តែសម្បូរបែប ខណៈដែលការដំឡើងពន្ធរបស់សហរដ្ឋអាមេរិកកំពុងបង្កការរំខានដល់ពាណិជ្ជកម្មសកល។ កិច្ចព្រមព្រៀងរវាងវៀតណាម និង សមាគមពាណិជ្ជកម្មសេរីអឺរ៉ុប ហៅកាត់ EFTA ដែលរួមមានប្រទេសអ៊ីស្លង់, លីចតិនស្តាញ, ន័រវែស និងស្វីស នឹងលុបបំបាត់ ឬកាត់បន្ថយពន្ធគយ រួមទាំងពន្ធលើការនាំចូលផលិតផលឧស្សាហកម្ម ផលិតផលជលផល និងផលិតផលកសិកម្ម។ សមាគម EFTA ត្រូវបានបង្កើតឡើងក្នុងនាមជាដៃគូប្រៀបធៀបនឹងសហគមន៍សេដ្ឋកិច្ចអឺរ៉ុប ឬ European Economic Community​ ដែលជាស្ថាប័នមុននឹងក្លាយទៅជាសហភាពអឺរ៉ុប។ ប្រទេសសមាជិកទាំងបួនរបស់ EFTA មានទំនាក់ទំនងជិតស្និទ្ធជាមួយសហភាពអឺរ៉ុប ប៉ុន្តែ ពួកគេមិនបានចូលជាសមាជិកនៃសហភាពនេះទេ។ យោងតាមសមាគមនេះ, ពាណិជ្ជកម្មទ្វេភាគីរវាង EFTA និងវៀតណាមកាលពីឆ្នាំមុន មានតម្លៃ ៤,៨ ពាន់លានអឺរ៉ូ ឬ ៥,៤ ពាន់លានដុល្លារអាមេរិក​។ សេចក្តីថ្លែងការណ៍របស់រដ្ឋាភិបាលវៀតណាមបានលើកឡើងថា ​កិច្ចព្រមព្រៀង​នេះ នឹងជួយឱ្យវៀតណាម ​ពង្រីកទីផ្សារនាំចូល និងនាំចេញរបស់ខ្លួនឱ្យកាន់តែសម្បូរបែប​ និង ​ធ្វើសមាហរណកម្មកាន់តែស៊ីជម្រៅទៅក្នុងខ្សែច្រវាក់តម្លៃសកល​ ផងដែរ។ កិច្ចព្រមព្រៀងនេះកើតឡើងបន្ទាប់ពីសហរដ្ឋអាមេរិក ក្រោមការដឹកនាំរបស់លោកប្រធានាធិបតី ​Donald Trump​ បានដាក់ចេញនូវវិធានការដំឡើងពន្ធជាបន្តបន្ទាប់…