ភ្នំពេញ៖ រដ្ឋបាលរាជធានីភ្នំពេញ បានខិតខំប្រឹងប្រែងបំពេញ តួនាទីភារកិច្ចរបស់ខ្លួន ក្នុងការរួមចំណែកថែរក្សា ស្ថេរភាពនយោបាយ សន្តិសុខ សណ្តាប់ធ្នាប់សាធារណៈ ប្រកបដោយស្មារតីទទួលខុសត្រូវខ្ពស់ ។ បានចាត់តាំងអនុវត្តយ៉ាងម៉ឹងម៉ាត់នូវគោលនយោបាយ ភូមិ-ឃុំ-សង្កាត់មានសុវត្ថិភាព តាមគោលការណ៍ណែនាំរបស់ក្រសួងមហាផ្ទៃ ដោយរក្សាបាននូវសន្តិសុខ សណ្តាប់ធ្នាប់សាធារណៈបានយ៉ាងល្អប្រសើរ ទប់ស្កាត់បានទាំងស្រុងនូវបដិវត្តពណ៌ ធានាប្រក្រតីភាពសង្គម ជីវភាពសង្គមលើគ្រប់វិស័យ រក្សាប្រក្រតីភាពមីក្រូសេដ្ឋកិច្ច បង្កើនជំនឿទុកចិត្ត ដល់អ្នកវិនិយោគគិន ពានិជ្ជករ ភ្ញៀវទេសចរណ៍និងប្រជាពលរដ្ឋរស់នៅដោយភាពសុខដុមរមនា។ នេះជាការលើកឡើងរបស់ ឯកឧត្តម ឃួង ស្រេង អភិបាលរាជធានីភ្នំពេញ ក្នុងកិច្ចប្រជុំ ផ្សព្វផ្សាយផែនការយុទ្ធសាស្ត្រស្តីពីការអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព” របស់ក្រសួងមហាផ្ទៃ ឆ្នាំ២០២៤-២០២៨ នៅរាជធានីភ្នំពេញ ក្រោមអធិបតីភាព ឯកឧត្តម សន្តិបណ្ឌិត ខៀវ សុភ័គ រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារទី១ ដោយមានការចូលរួមពីអាជ្ញាធរខណ្ឌទាំង១៤ និងកងកម្លាំងប្រដាប់អាវុធចំណុះអោយគណៈបញ្ជាការឯកភាពរាជធានីភ្នំពេញ នារសៀលថ្ងៃទី២៤តុលានេះ នៅសាលារាជធានីភ្នំពេញ ។ ឯកឧត្តម សន្តិបណ្ឌិត ខៀវ សុភ័គ លើកឡើងថា៖ ការផ្សព្វផ្សាយផែនការយុទ្ធសាស្ត្រស្តីពីការអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព” របស់ក្រសួងមហាផ្ទៃ…

ភ្នំពេញ៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួង​មហាផ្ទៃ និងឯកឧត្តម អនុធីន ឆានវីរគូន ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានបង្ហាញការប្ដេជ្ញាចិត្តប្រកបដោយភាតរភាពដូចៗគ្នា ក្នុងការពូនជ្រំជំរុញ និងគាំ​ទ្រ​គ្រប់បែបយ៉ាង ដើម្បីឱ្យអាជ្ញាធរខេត្តជាប់ព្រំដែននៃប្រទេសទាំងពីរ កម្ពុជា-ថៃ កាន់តែមានកិច្ចសហប្រតិបត្តិការល្អជាមួយគ្នា ជាពិសេសការបង្ការ ទប់ស្កាត់ និង​បង្ក្រាបបទល្មើសឆ្លងដែន និងកិច្ចសហប្រតិបត្តិការផ្សេងទៀត ដែលផ្ដល់បរិយាកាស​អំណោយផលដល់វិស័យសេដ្ឋកិច្ច និងពាណិជ្ជកម្ម នៃធុរជន និងប្រជាជន នៃប្រទេសទាំងពីរ ។ ការប្ដេជ្ញាចិត្តជាវិជ្ជមាននេះ បានធ្វើឡើងក្នុងឱកាសប្រមុខក្រសួងមហាផ្ទៃទាំងពីរ អញ្ជើញជាសហប្រធានដឹកនាំកិច្ចប្រជុំអភិបាលខេត្តជាប់ព្រំដែន កម្ពុជា-ថៃ ដែលភាគីកម្ពុជាទទួលធ្វើជាម្ចាស់ផ្ទះ នាថ្ងៃទី២៤ ខែតុលា ឆ្នាំ២០២៤ នៅ​សណ្ឋាគារសុខាភ្នំពេញ ។ ឯកឧត្តមអភិសន្តិបណ្ឌិត ស សុខា និងសមភាគីថៃ ក៏បានថ្លែងនូវការកោត​សរសើរ​ចំពោះថ្នាក់ដឹកនាំខេត្តជាប់ព្រំដែននៃប្រទេសទាំងពីរ កម្ពុជា-ថៃ ដែលបានខិតខំ​អនុវត្តស្មារតីនៃកិច្ចប្រជុំកាលពីឆ្នាំ២០២២ ធ្វើឱ្យទំនាក់​ទំនងខេត្តនិងខេត្ត និងជា​រួមប្រទេសនិងប្រទេស បន្តមានភាពល្អប្រសើរ ដោយ​ទប់ស្កាត់បាននូវបាតុភាព​អវិជ្ជមាននានា តាមរយៈការផ្លាស់ប្ដូរព័ត៌មាន ការផ្លាស់​ប្ដូរទស្សនកិច្ច និង​ជំនួបដោះស្រាយបញ្ហាជាក់ស្ដែងនានា ។ ភាគីទាំងពីរ ក៏បានបន្តផ្លាស់ប្ដូរយោបល់គ្នា លើប្រធានបទសំខាន់ៗ…

កំពង់ធំ៖ លោក ហ៊ឹម លីម៉េង ត្រូវបានតែងតាំងនិងប្រកាសចូលកាន់​តំណែងជាអភិបាលរងខេត្តកំពង់ធំ ជំនួសលោក ចាន់ តារា ជាផ្លូវការ​កាលពីព្រឹកថ្ងៃទី២៤ ខែតុលា នៅសាលាខេត្តកំពង់ធំក្រោម​អធិបតីភាពឯកឧត្តម ផាន់ ចាន់ធុល រដ្ឋលេខាធិការ ក្រសួង​មហាផ្ទៃ ។ ក្នុងឱកាសនេះឯកឧត្តម នួន ផារ័ត្ន អភិបាលខេត្តកំពង់ធំ បានស្វាគមន៍​យ៉ាងកក់ក្តៅចំពោះលោក ហ៊ឹម លីម៉េង ដែលទើបទទួល​តំណែងថ្មី និងបានលើកទឹកចិត្តឱ្យប្រើប្រាស់សមត្ថភាព និងបទពិសោធន៍ដើម្បី​ចូលរួមអភិវឌ្ឍន៍សេដ្ឋកិច្ច និងជីវភាពរបស់ប្រជាជន​ក្នុងខេត្តកំពង់ធំ៕ដោយ៖​ប៊ុន​រដ្ឋា

ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាអនុប្រធានប្រចាំការ នៃ គ.វ.រ. និងឯកឧត្តម វង្សី វិស្សុត ឧបនាយករដ្ឋមន្ត្រី​ប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី កំពុងដឹកនាំ កិច្ចប្រជុំស្តីពី ការងារពិនិត្យឡើងវិញ ការវិភាគមុខងារ និងរចនាសម្ព័ន្ធ នៃទីស្តីការគណៈរដ្ឋមន្រ្តី នៅវិមានមិត្តភាពនៃទីស្តីការគណៈរដ្ឋមន្ត្រី។ កិច្ចប្រជុំនេះ រៀបចំឡើងដើម្បីផ្តល់ជូនវឌ្ឍនភាពការងារ និងការពង្រីកវិសាលភាព​ព័ត៌មាន ស្តីពីការអនុវត្តការងារ និងដំណាក់កាលនានានៃការពិនិត្យឡើងវិញ និងការ​វិភាគមុខងារ និងរចនាសម្ព័ន្ធ ដល់ថ្នាក់ដឹកនាំនិងមន្ត្រីរាជការស៊ីវិលតាម​បណ្តា​ក្រសួង ស្ថាប័ននានា បានជ្រាបបន្ថែម ជាពិសេស ពង្រឹងកិច្ចសហប្រតិបត្តិការ​នៃភាពប្រទាក់ក្រឡាគ្នាបានកាន់តែល្អប្រសើររវាងក្រសួងមុខងារសាធារណៈ និងទីស្តីការគណៈរដ្ឋមន្ត្រី។ ក្នុងមតិស្វាគមន៍ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួល​បន្ទុកទីស្តីការគណៈរដ្ឋមន្ត្រី បានលើកឡើងថា ឯកឧត្តម ចង់ស្តាប់វឌ្ឍនភាព នៃការអនុវត្តការងារកែទម្រង់រដ្ឋបាលសាធារណៈ និងបានត្រៀមចែករំលែកស្ថាន​ភាពនៅទីស្តីការគណៈរដ្ឋមន្ត្រី និងចក្ខុវិស័យឆ្ពោះទៅមុខ។ ឯកឧត្តមឧបនាយករដ្ឋមន្ត្រីប្រចាំការ បានបន្ថែមថា “ការងារដែលកំពុងធ្វើនាពេល​នេះជា​ការងារធំ ហើយតែងតែមានការពិភាក្សាជាប្រចាំកន្លងមក។ សម្រាប់ពេលនេះ ការងារវិភាគមុខងារ បាន និងកំពុងបន្តអនុវត្តកាន់តែសកម្ម និងកាន់តែមាន​ប្រសិទ្ធ​ភាព​ខ្ពស់…

ភ្នំពេញ៖ នាព្រឹកថ្ងៃទី២៤ ខែតុលា ឆ្នាំ២០២៤នេះ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានី អាណត្តិទី៤ ឆ្នាំ២០២៤ នៅមជ្ឈមណ្ឌលសហប្រតិបត្តិការកម្ពុជា កូរ៉េ ក្នុងសាកលវិទ្យាល័យភូមិន្ទភ្នំពេញ ខណ្ឌទួលគោក ក្រោមវត្តមាន ឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញ ឯកឧត្ដម សុខ ពេញវុធ អភិបាលរងរាជធានីតំណាងឯកឧត្ដម ឃួង ស្រេង អភិបាលរាជធានីភ្នំពេញ និង ឯកឧត្ដម ទូច ស៊ុនណារី អនុប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌទួលគោក។ នៅក្នុងវេទិកានាព្រឹកនេះ មានពលរដ្ឋមួយចំនួន បានលើកឡើង ជាសំណើរនិងសំណូមពរចំនួន ៤បញ្ហា ក្នុងនោះរួមមាន៖ ស្នើសុំស្តារអាងស្តុបទឹក ដែលបានព្រៃ និងស្មៅដុះ ស៊ុបទ្រុប នៅតាមបណ្តោយផ្លូវរថភ្លើង ក្នុងសង្កាត់បឹងកក់ទី២ ដែលបង្កការអោយលិចលំនៅដ្ឋាននិងបណ្តាលអោយសត្វ ធាតុចូលក្នុងផ្ទះពួកគាត់។ ប្រជាជាននៅសង្កាត់ទឹក៣ ស្នើសុំ ដូរអំពូលភ្លើងចំនួន ៧៨អំពូល,ស្នើកុំឱ្យរដ្ឋាករទឹកស្វយ័តក្រុងភ្នំពេញ កុំជីកខូចផ្លូវលេខ១៩២ ហើយទុកចោល និងការស្នើសុំការសាងសង់អគារសង្កាត់ ដែលមានលក្ខណៈចាស់ទ្រុឌទ្រោមនៅសង្កាត់ទឹកល្អក់ទី៣ ដែលអាចអាចបង្កគ្រោះថ្នាក់ចំពោះ អ្នកមកបំពេញការងារនៅក្នុងអគារនេះ។ ឆ្លើយតបក្នុងការស្នើសុំពីសំណាក់ពលរដ្ឋនេះបានធ្វើឡើងក្នុងវេទិកានេះ ឯកឧត្ដម…