វ៉ាស៊ីនតោន ៖ យានរុករក Perseverance របស់ទីភ្នាក់ងារអវកាស NASA របស់សហរដ្ឋអាមេរិក បានបំបែកកំណត់ត្រាថ្មីរបស់ពិភពលោក សម្រាប់យានអវកាសធ្វើដំណើរបានឆ្ងាយជាងគេបំផុតលើផ្ទៃភពអង្គារ ក្នុងចម្ងាយសរុបជាង ៤៥,២ គីឡូម៉ែត្រ ។ នេះបើតាមអង្គការ NASA ប្រកាសកាលពីថ្ងៃអង្គារ ។ យានរុករក Perseverance បានបំបែកកំណត់ត្រាចាស់របស់យានរុករក Opportunity របស់ទីភ្នាក់ងារអវកាស NASA ដែលធ្វើដំណើរបានចម្ងាយជាង ៤៥,១ គីឡូម៉ែត្រ ក្នុងអំឡុងបេសកកម្មរបស់ខ្លួន ចាប់ពីឆ្នាំ ២០០៤ ដល់ឆ្នាំ ២០១៨ ។ ក្រៅពីចម្ងាយ យានរុករក Perseverance ថែមទាំងបំបែកកំណត់ត្រាពេលវេលាផងដែរ ដោយចំណាយពេលប្រហែល ៥ ឆ្នាំកន្លះប៉ុណ្ណោះ ដើម្បីធ្វើដំណើរបានចម្ងាយ ដែលយានរុករកចាស់ Opportunity ត្រូវការពេលជិត ១៥ ឆ្នាំទើបសម្រេចបាន ។ ការបំបែកកំណត់ត្រាថ្មីនេះ មិនត្រឹមតែបង្ហាញពីភាពរីកចម្រើននៃបច្ចេកវិទ្យារុករកនៅទីអវកាសប៉ុណ្ណោះទេ ប៉ុន្តែថែមទាំងជួយពង្រីកលទ្ធភាពសិក្សាភូមិសាស្ត្រ និងប្រវត្តិវិវត្តន៍របស់ភពអង្គារ ដែលអាចផ្តល់តម្រុយសំខាន់ៗអំពីលក្ខខណ្ឌដែលអាចទ្រទ្រង់ជីវិតនៅក្រៅភពផែនដី ។ បើតាម Anadolu, យាន…

វ៉ាស៊ីនតោន ៖ មេដឹកនាំអាមេរិក និងអ៊ីស្រាអែល បានពិភាក្សាគ្នាអំពីលទ្ធភាពបំផ្ទុះសង្គ្រាមឈុតធំសាជាថ្មី ដើម្បីប្រឆាំងនឹងប្រទេសអ៊ីរ៉ង់ មុនពេលការបោះឆ្នោតសកលនៅអ៊ីស្រាអែល ធ្វើឡើងនៅចុងខែតុលាខាងមុខ ។ នេះបើតាមសារព័ត៌មាន Axios ចេញផ្សាយថ្ងៃ អង្គារ ។ ព័ត៌មានរសើបនេះកើតឡើង បន្ទាប់ពីនាយករដ្ឋមន្រ្តីអ៊ីស្រាអែល លោក បេនចាមីន ណេតាន់យ៉ាហ៊ូ បាននិយាយទូរស័ព្ទជាមួយប្រធានាធិបតីអាមេរិក លោក ដូណាល់ ត្រាំ កាលពីសប្តាហ៍មុន ។ បើតាមមន្រ្តីជាន់ខ្ពស់អាមេរិក, មូលហេតុដែលអាមេរិក និងអ៊ីស្រាអែលពិចារណាវាយប្រហារឈុតធំលើអ៊ីរ៉ង់ម្តងទៀត គឺដោយសារតែលោកនាយករដ្ឋមន្រ្តី ណេតាន់យ៉ាហ៊ូ បានចោទប្រកាន់ថា អ៊ីរ៉ង់កំពុងព្យាយាមស្តារសមត្ថភាពផលិតអាវុធនុយក្លេអ៊ែររបស់ខ្លួនឡើងវិញ ដើម្បីធ្វើជាហេតុផលបំផ្ទុះសង្គ្រាមសាជាថ្មី ។ យោងតាម Jerusalem Post, ប្រសិនបើប្រតិបត្តិការយោធាប្រឆាំងនឹងអ៊ីរ៉ង់កើតឡើងមែននោះ វាអាចជះឥទ្ធិពលដល់ទាំងការបោះឆ្នោតនៅអ៊ីស្រាអែល និងការបោះឆ្នោតពាក់កណ្តាលអាណត្តិរបស់សហរដ្ឋអាមេរិក ដែលគ្រោងធ្វើឡើងនៅដើមខែវិច្ឆិកា ។ ប្រភពបានទម្លាយឱ្យដឹងថា ប្រតិបត្តិការយោធារួមគ្នាដែលអាចធ្វើឡើងដោយសហរដ្ឋអាមេរិក និងអ៊ីស្រាអែល ត្រូវបានរំពឹងថា អាចនឹងកំណត់គោលដៅលើទីតាំងនុយក្លេអ៊ែរ និងទីតាំងយោធារបស់អ៊ីរ៉ង់ ។ ជាមួយគ្នានេះ ក៏មានរបាយការណ៍ដែរថា កងកម្លាំងអ៊ីស្រាអែល និងបញ្ជាការកណ្តាលអាមេរិក (CENTCOM) កំពុងស្ថិតក្រោមស្ថានភាពប្រុងជើងការ…

អ៊ីស្លាម៉ាបាដ ៖ កងទ័ពប៉ាគីស្ថានបានប្រកាសកាលពីថ្ងៃ អង្គារ ថា ខ្លួនបានបាញ់សាកល្បងមីស៊ីលផ្លោងល្បឿនលឿនជាងសំឡេងរយៈចម្ងាយឆ្ងាយប្រភេទ Fatah-2 Extended Range (ER) មានភាពជាក់លាក់ ដោយជោគជ័យ ។ កងទ័ពប៉ាគីស្ថានបានបញ្ជាក់ក្នុងសេចក្តីថ្លែងការណ៍ថា មីស៊ីលផ្លោង Fatah-2 ER នេះ រចនាឡើងបំពាក់ដោយបច្ចេកវិទ្យារុករកដ៏ទំនើប ជាមួយនឹងសមត្ថភាពវាយប្រហារគោលដៅដោយភាពជាក់លាក់កម្រិតខ្ពស់ ។ កងទ័ពប៉ាគីស្ថានអះអាងថា គន្លងហោះហើរពិសេស និងសមត្ថភាពបត់បែនទិសដៅរបស់មីស៊ីលនេះ អាចជួយឱ្យវាគេចផុតពីប្រព័ន្ធខែលការពារដែនអាកាសរបស់សត្រូវ ។ កងទ័ពប៉ាគីស្ថានបន្ថែមថា ការបង្កើនរយៈចម្ងាយរបស់មីស៊ីល Fatah-2 ER នឹងជួយពង្រីកវិសាលភាពប្រតិបត្តិការរបស់កងទ័ព និងបង្កើនសមត្ថភាពវាយប្រហារគោលដៅ ដែលស្ថិតនៅជ្រៅក្នុងទឹកដីសត្រូវ ។ ការបាញ់សាកល្បងនេះ កើតឡើងបន្ទាប់ពីប៉ាគីស្ថានបានធ្វើតេស្តបង្កើនរយៈចម្ងាយនៃមីស៊ីលនាំផ្លូវបាញ់ចេញពីដីគោកប្រភេទ Fatah-IV កាលពីសប្តាហ៍មុន ។ ការធ្វើតេស្តជាបន្តបន្ទាប់នេះ បង្ហាញពីកិច្ចខិតខំប្រឹងប្រែងរបស់ប៉ាគីស្ថាន ក្នុងការអភិវឌ្ឍប្រព័ន្ធមីស៊ីលក្នុងស្រុក និងបង្កើនសមត្ថភាពវាយប្រហាររយៈចម្ងាយឆ្ងាយ ។ យ៉ាងណា សេចក្តីប្រកាសរបស់យោធាប៉ាគីស្ថានមិនបានបញ្ជាក់ពីរយៈចម្ងាយអតិបរមា ល្បឿនជាក់លាក់ ឬទីតាំងនៃការបាញ់សាកល្បងមីស៊ីល Fatah-2 ER នេះទេ ៕ ប្រភព ៖ Economic…

សាណាអា ៖ សម្ព័ន្ធយោធាដឹកនាំដោយប្រទេសអារ៉ាប៊ីសាអូឌីត ដែលគាំទ្ររដ្ឋាភិបាលយេម៉ែន បានអំពាវនាវឱ្យជនស៊ីវិលជម្លៀសខ្លួនចេញពីរោងចក្រប្រេងមួយកន្លែងក្នុងរដ្ឋធានីសាណាអា របស់ប្រទេសយេម៉ែន ដែលគ្រប់គ្រងដោយពួកឧទ្ទាមហ៊ូធីជាបន្ទាន់ មុនពេលប្រតិបត្តិការយោធាដែលបានគ្រោងទុក ។ នៅក្នុងសេចក្តីថ្លែងការណ៍, អ្នកនាំពាក្យសម្ព័ន្ធយោធាចម្រុះ លោកឧត្តមសេនីយ៍ឯក Turki al-Maliki បានជំរុញឱ្យជនស៊ីវិលចាកចេញពីស្ថានីយ៍កណ្តាល Al-Sabaha ដែលជាទីតាំងផលិតប្រេងរបស់ក្រុមហ៊ុនប្រេង Yemen Petroleum Co. ដើម្បីសុវត្ថិភាពរបស់ពួកគេ ។ ទន្ទឹមគ្នា សម្ព័ន្ធយោធានេះក៏បានចេញផ្សាយផែនទីមួយ ដែលកំណត់អត្តសញ្ញាណជាក់លាក់នៃទីតាំងរោងចក្រនោះផងដែរ ។ ការព្រមានជម្លៀសខ្លួននេះកើតឡើងភ្លាមៗ បន្ទាប់ពីលោក al-Maliki បានប្រកាសតាមបណ្តាញសង្គម X ថា សម្ព័ន្ធយោធាចម្រុះ នឹងចេញសេចក្តីជូនដំណឹងដល់ជនស៊ីវិល មុនពេលប្រតិបត្តិការជាក់លាក់ ។ ការប្រកាសនេះ កើតឡើងចំពេលមានភាពតានតឹងឡើងវិញ រវាងសម្ព័ន្ធយោធាដឹកនាំដោយប្រទេសអារ៉ាប៊ីសាអូឌីត ដែលគាំទ្ររដ្ឋាភិបាលយេម៉ែន និងក្រុមឧទ្ទាមហ៊ូធី ។ សម្ព័ន្ធយោធានេះ បានផ្តល់ការគាំទ្រផ្នែកយោធាដល់រដ្ឋាភិបាលយេម៉ែន ចាប់តាំងពីឆ្នាំ ២០១៥ ក្នុងសង្គ្រាមស៊ីវិលដ៏អូសបន្លាយប្រឆាំងនឹងក្រុមឧទ្ទាមដែលមានអ៊ីរ៉ង់ជាខ្នងបង្អែកមួយនេះ ។ ជម្លោះនេះបានបង្កឱ្យមានវិបត្តិមនុស្សធម៌ដ៏អាក្រក់បំផុត និងអូសបន្លាយទូទាំងប្រទេសយេម៉ែន ដែលជាប្រទេសក្រីក្រមួយនៅតំបន់មជ្ឈិមបូព៌ា ៕ ប្រភព ៖ Anadolu…

តេហេរ៉ង់ ៖ លោក Mohsen Rezaei អគ្គលេខាធិការនៃក្រុមប្រឹក្សាសន្តិសុខជាតិជាន់ខ្ពស់របស់សាធារណរដ្ឋឥស្លាមអ៊ីរ៉ង់ បានព្រមានថា ប្រសិនបើមានការផ្ទុះឡើងវិញ នូវជម្លោះយោធាទ្រង់ទ្រាយធំ, ប្រទេសរបស់លោកនឹងកំណត់គោលដៅលើហេដ្ឋារចនាសម្ព័ន្ធឌីជីថលក្នុងតំបន់មជ្ឈិមបូព៌ា រួមមានទាំង មជ្ឈមណ្ឌលទិន្នន័យ, ខ្សែបណ្តាញទំនាក់ទំនង និង កន្លែងបច្ចេកវិទ្យាបញ្ញាសិប្បនិម្មិត ហៅកាត់ AI។ នេះបើតាមការចេញផ្សាយ របស់ Iran International កាលពីថ្ងៃចន្ទ។ លោក Rezaei ដែលក៏ជាអតីតមេបញ្ជាការកងឆ្មាំបដិវត្តន៍ឥស្លាម IRGC បានលើកឡើងទៀតថា ទ្រព្យសម្បត្តិដ៏មានតម្លៃរបស់សហរដ្ឋអាមេរិក នៅក្នុងប្រទេស អេមីរ៉ាត់ អារ៉ាប់រួម និងនៅជុំវិញច្រកសមុទ្រហ័រមូស មិនទាន់ត្រូវបានដាក់បញ្ចូលក្នុងបញ្ជីគោលដៅវាយប្រហាររបស់អ៊ីរ៉ង់នៅឡើយទេ ប៉ុន្តែ ទីក្រុងតេហេរ៉ង់បានត្រៀមខ្លួនរួចជាស្រេច ដើម្បីបង្ហាញពីសមត្ថភាពថ្មីៗ ក្នុងការវាយប្រហារលើគោលដៅទាំងនោះ។ លោកបានអះអាងថា ទ្រព្យសម្បត្តិទាំងនោះ និងហេដ្ឋារចនាសម្ព័ន្ធឌីជីថលក្នុងតំបន់ មានតម្លៃសរុបជាង ២ ពាន់ពាន់លានដុល្លារ។ លោក Rezaei បានសរសេរ នៅលើបណ្តាញសង្គម X ទៀតថា «រាល់ការគណនាខុសរបស់សត្រូវចំពោះអ៊ីរ៉ង់ បាននាំឱ្យពួកគេទទួលបរាជ័យយ៉ាងធ្ងន់ធ្ងរ ហើយកំហុសលើកក្រោយនឹងនាំមកនូវសមរភូមិថ្មីៗ និងការភ្ញាក់ផ្អើលកាន់តែខ្លាំង»។ បើតាមទីភ្នាក់ងារព័ត៌មាន Associated…

ស៊ូហ្វ៊ីយ៉ា ៖ នាវាពាណិជ្ជកម្មចំនួនពីរគ្រឿង កាលពីថ្ងៃអង្គារ ត្រូវបានវាយប្រហារដោយយន្តហោះគ្មានមនុស្សបើក នៅឯឆ្នេរសមុទ្រខ្មៅរបស់ប្រទេសប៊ុលហ្គារី ហើយ នាវាមួយគ្រឿង ក្នុងចំណោមនោះ បានលិចបាត់ចូលទៅក្នុងសមុទ្រ។ នេះបើតាមការបញ្ជាក់របស់នាយករដ្ឋមន្ត្រីប៊ុលហ្គារី លោក Rumen Radev ។ នាយករដ្ឋមន្ត្រីប៊ុលហ្គារី លោក Rumen Radev បានឱ្យដឹងថា នាវាឈ្មោះ “Chelsea 3” ដែលជាកម្មសិទ្ធិរបស់អ៊ុយក្រែន ត្រូវបានវាយប្រហារដោយដ្រូន ចំនួន ៣ គ្រឿង និង រងការខូចខាត នៅចម្ងាយប្រហែល ៣៣ គីឡូម៉ែត្រ ពីឆ្នេរសមុទ្រប៊ុលហ្គារី។ លោក Radev ក៏បានរាយការណ៍អំពីនាវា១គ្រឿងទៀត ដែលត្រូវបានដ្រូនបាញ់ពន្លិច ចូលសមុទ្រខ្មៅផងដែរ។ ប៉ុន្តែ បុគ្គលិកនាវាទាំងពីរគ្រឿង ត្រូវសង្គ្រោះជីវិត ខណៈដែលមានអ្នករងរបួសមួយចំនួន។ បើតាមប្រភពដដែល, នេះគឺជាហេតុការណ៍វាយប្រហារលើនាវាពាណិជ្ជកម្ម នៅក្នុងសមុទ្រខ្មៅ របស់ប្រទេសប៊ុលហ្គារី ជាលើកទី២ ត្រឹមរយៈពេល ១សប្តាហ៍។ ដោយដាក់ការសង្ស័យលើទីក្រុងមូស្គូ, លោក Radev បានបញ្ជាក់ថា លោកនឹងកោះហៅឯកអគ្គរដ្ឋទូតរុស្ស៊ី…