ប៉េកាំង ៖ មីស៊ីលរបស់ប្រទេសចិន អាចមានសមត្ថភាពចាប់សញ្ញាកម្តៅរបស់យន្តហោះចម្បាំងបំបាំងកាយ F-22 និង F-35 ផលិតដោយសហរដ្ឋអាមេរិក បានដោយស្វ័យប្រវត្តិ ជាមួយកម្រិតច្បាស់លាស់រហូតដល់ ៩០ភាគរយ ។ យន្តហោះ F-22 និង F-35 គឺជាយន្តហោះចម្បាំងបំបាំងកាយជំនាន់ទី៥ ដ៏ទំនើបរបស់សហរដ្ឋអាមេរិក ប៉ុន្តែពួកវាមានតួនាទី និងលក្ខណៈសម្បត្តិខុសគ្នាដាច់ ។ តួនាទីរបស់ F-22 គឺកម្ទេចយន្តហោះចម្បាំងសត្រូវ ខណៈ F-35 មានតួនាទីពហុមុខងារ គឺអាចវាយប្រហារទាំងលើអាកាស ដីគោក និងស៊ើបការណ៍ ។ បើតាម Interesting engineering, ក្រុមអ្នកស្រាវជ្រាវយោធាចិនបានអះអាងពីការអភិវឌ្ឍបច្ចេកវិទ្យាប្រព័ន្ធស្វែងរកកម្ដៅប្រភេទថ្មី សម្រាប់បំពាក់លើគ្រាប់មីស៊ីល ដែលមានសមត្ថភាពអាចចាប់ និងកំណត់អត្តសញ្ញាណសញ្ញាកម្ដៅរបស់យន្តហោះចម្បាំងបំបាំងកាយអាមេរិក F-22 Raptor និង F-35 Lightning II បានដោយស្វ័យប្រវត្តិ ជាមួយកម្រិតត្រឹមត្រូវរហូតដល់ ៩០ភាគរយ ។ យោងតាមសារព័ត៌មានបច្ចេកវិទ្យាយោធាចិន, ដើម្បីអាចចាប់សញ្ញាកម្តៅរបស់យន្តហោះ F-22 និង F-35, ចិនបានប្រើប្រាស់ប្រព័ន្ធស្កែន infrared…

វ៉ាស៊ីនតោន ៖ ក្រុមហ៊ុន Northrop Grumman បានសម្រេចបោះទុនផ្ទាល់ខ្លួនទំហំ ២,៥ ពាន់លានដុល្លារ ដើម្បីពន្លឿនសមត្ថភាពផលិតកម្មផលិតយន្តហោះទម្លាក់គ្រាប់បែកបំបាំងកាយជំនាន់ទី៦ B-21 Raider ។ បើតាម Defence industry Europe, ការបោះទុនវិនិយោគបន្ថែមនេះ កើតឡើងចំពេលដែលកងទ័ពអាកាសអាមេរិកកំពុងវាយតម្លៃលើលទ្ធភាពបង្កើនល្បឿនផលិត និងពង្រីកចំនួនបញ្ជាទិញយន្តហោះទម្លាក់គ្រាប់បែកបំបាំងកាយ B-21 Raider ឱ្យលើសពី ១០០គ្រឿង ។ តាមរយៈកិច្ចព្រមព្រៀងតម្លៃ ៤,៥ ពាន់លានដុល្លារ ដែលធ្វើឡើងកាលពីខែកុម្ភៈ ឆ្នាំ២០២៦ ក្រុមហ៊ុន Northrop Grumman នឹងបង្កើនសមត្ថភាពផលិតប្រចាំឆ្នាំ ២៥% ដើម្បីកាត់បន្ថយពេលវេលាផលិត និងដាក់យន្តហោះ B-21 Raider ចូលបំពេញបេសកកម្មឱ្យបានលឿនជាងមុន ។ យន្តហោះ B-21 កំពុងស្ថិតក្នុងដំណាក់កាលហោះហើរសាកល្បង និងផលិតកម្មក្នុងកម្រិតទាប ដោយយន្តហោះដំបូងត្រូវបានគ្រោងនឹងបញ្ជូនទៅកាន់មូលដ្ឋានទ័ពអាកាស Ellsworth ក្នុងរដ្ឋ South Dakota នៅអំឡុងឆ្នាំ២០២៧ ។ B-21 Raider គឺជាយន្តហោះដែលមានសមត្ថភាពទាំងផ្ទុកអាវុធធម្មតា និងអាវុធនុយក្លេអ៊ែរ ជាមួយនឹងការបំពាក់នូវបច្ចេកវិទ្យាបំបាំងកាយជំនាន់ចុងក្រោយ ដែលធ្វើឱ្យសត្រូវពិបាកចាប់សញ្ញា ។ វាមានតម្លៃជិត…

ញូវយ៉ក ៖ យន្តហោះដើរថាមដោយអគ្គិសនីសុទ្ធធំបំផុតលើពិភពលោក បានបង្កើតកំណត់ត្រាប្រវត្តិសាស្ត្រថ្មីមួយទៀត ក្រោយបញ្ចប់ការហោះហើរពិសោធន៍លើកដំបូងដោយជោគជ័យ ក្នុងរយៈកម្ពស់រហូតដល់ ៣៣៥ម៉ែត្រ ។ យន្តហោះគំរូ Heart Aerospace X1 បានទទួលជោគជ័យកាលពីថ្ងៃទី១២ ខែសីហា នៅក្នុងការសាកល្បងហោះហើរ ការបត់បែនខ្លួនលើអាកាស និងការចុះចត នៅឯអាកាសយានដ្ឋានអន្តរជាតិ Plattsburgh រដ្ឋ New York រយៈពេល ២៧ នាទី ក្រោមការត្រួតពិនិត្យពីរដ្ឋបាលអាកាសចរណ៍សហព័ន្ធអាមេរិក (FAA) ។ អ្វីដែលគួរឱ្យភ្ញាក់ផ្អើលនោះ ការហោះហើរនេះប្រើប្រាស់ថាមពលអគ្គិសនីសុទ្ធ ដែលចំណាយលុយអស់ត្រឹមតែ ៥ ដុល្លារប៉ុណ្ណោះសម្រាប់ការសាកភ្លើង ។ បើតាម New Atlas, យន្តហោះគំរូ Heart Aerospace X1 រចនាឡើងបំពាក់ដោយប្រព័ន្ធកម្លាំងរុញច្រានអគ្គិសនីសុទ្ធ ដែលអាចបញ្ចេញថាមពលជាង ១មេហ្គាវ៉ាត់ ។ ដងខ្លួនរបស់វាមានប្រវែង ២៣ម៉ែត្រ ស្លាបប្រវែង ៣២ម៉ែត្រ និងមានទម្ងន់សរុបពេលហោះហើរផុតពីដីប្រហែល ១១,៣៤០គីឡូក្រាម ខណៈដែលទំហំរបស់វាប្រហាក់ប្រហែលនឹងយន្តហោះពាណិជ្ជកម្មទូទៅ ។ យន្តហោះគំរូ Heart Aerospace X1 គឺជាសមិទ្ធផលដ៏សំខាន់មួយ ដោយមានប្រវែងស្លាប ១០៦…

តេហេរ៉ង់ ៖ ប្រធានាធិបតីអ៊ីរ៉ង់ លោក Masoud Pezeshkian បានអះអាងកាលពីថ្ងៃ សៅរ៍ ថា សេដ្ឋកិច្ចអ៊ីរ៉ង់បានដាំក្បាលចុះយ៉ាងខ្លាំង ដោយសារតែការធ្លាក់ចុះប្រាក់ចំណូលពីការលក់ប្រេង និងការបំផ្លិចបំផ្លាញរោងចក្រឧស្សាហកម្មជាច្រើន ។ លោក Pezeshkian បានទទួលស្គាល់ជាសាធារណៈអំពីវិបត្តិសេដ្ឋកិច្ចអ៊ីរ៉ង់ បន្ទាប់ពីសាធារណរដ្ឋឥស្លាមមួយនេះ បានរងផលប៉ះពាល់យ៉ាងធ្ងន់ធ្ងរពីសង្គ្រាមជាមួយអាមេរិក និងអ៊ីស្រាអែល ដែលផ្ទុះឡើងកាលពីចុងខែកុម្ភៈ ។ បើតាម Anadolu, មេដឹកនាំអ៊ីរ៉ង់រូបនេះ បានរៀបរាប់ថា ការកើនឡើងនៃតម្លៃទំនិញ គឺបណ្តាលមកពីថ្លៃចំណាយខ្ពស់ និងការធ្លាក់ចុះប្រាក់ចំណូលរដ្ឋ ដែលជាផលវិបាកនៃការធ្លាក់ចុះបរិមាណលក់ប្រេង ។ លោក Pezeshkian បញ្ជាក់ថា កាលពីមុន យើងធ្លាប់លក់ប្រេងបាន ប៉ុន្តែពេលនេះ យើងមិនអាចលក់វាបានទៀតទេ ដោយសារការបិទខ្ទប់ផ្លូវទឹក និងទណ្ឌកម្មសេដ្ឋកិច្ច ។ លោកបន្ថែមថា ការខូចខាតរោងចក្រឧស្សាហកម្មរបស់អ៊ីរ៉ង់ អំឡុងសង្គ្រាមជាមួយអាមេរិក និងអ៊ីស្រាអែល ក៏បានអូសទាញស្ថានភាពសេដ្ឋកិច្ចអ៊ីរ៉ង់ធ្លាក់ចូលជ្រៅទៅក្នុងវិបត្តិ ពីព្រោះគូរសត្រូវទាំងពីរបានព្រួតគ្នាវាយប្រហារតម្រង់គោលដៅ និងបំផ្លាញរោងចក្រជាច្រើន ។ លោកបានសង្កត់ធ្ងន់ថា ការខូចខាតទាំងនេះ បានប៉ះពាល់ដល់ប្រាក់ចំណូលពន្ធរបស់រដ្ឋយ៉ាងធ្ងន់ធ្ងរ ដោយសារតែរដ្ឋមិនអាចប្រមូលពន្ធពីរោងចក្រឧស្សាហកម្មបានទៀតទេ ផ្ទុយទៅវិញ រដ្ឋាភិបាលត្រូវចំណាយទុនជាតិ ដើម្បីជួយឧបត្ថម្ភដល់រោងចក្រទាំងនោះ…

សេអ៊ូល ៖ ប្រធានាធិបតីកូរ៉េខាងត្បូង លោក Lee Jae Myung កាលពីថ្ងៃ សៅរ៍ បានស្នើចង់ឱ្យមានកិច្ចចរចាជាមួយកូរ៉េខាងជើង ដើម្បីបិទបញ្ចប់ជាផ្លូវការសង្គ្រាមកូរ៉េ ។ លោក Lee បានស្នើបែបនេះ នៅក្នុងសុន្ទរកថារបស់លោក អំឡុងពិធីរំលឹកខួប នៃការរំដោះឧបទ្វីបកូរ៉េចេញពីការគ្រប់គ្រងអាណានិគមរបស់ជប៉ុន កាលពីឆ្នាំ១៩១០-១៩៤៥ ។ ហើយសំណើនេះ ក៏កើតឡើងចំពេលដែលកូរ៉េខាងជើងកំពុងពង្រឹងទំនាក់ទំនងជាមួយរុស្ស៊ី ព្រមទាំងអះអាងពីឋានៈរបស់ខ្លួនជា “មហាអំណាចនុយក្លេអ៊ែរ” ដែលមិនអាចបកត្រឡប់ក្រោយវិញដាច់ខាត ។ បើតាម AFP, លោកប្រធានាធិបតី Lee និយាយថា ចូរយើងបោះបង់ចោលចេតនាគំរាមកំហែងគ្នាទៅវិញទៅមក ហើយចាប់ផ្តើមការពិភាក្សា ដើម្បីបញ្ចប់សង្គ្រាមដែលអូសបន្លាយនេះ ក្នុងនាមជាភាគីពាក់ព័ន្ធដោយផ្ទាល់ ។ មេដឹកនាំកូរ៉េខាងត្បូងមានវ័យ៦២ឆ្នាំរូបនេះ បានសង្កត់ធ្ងន់ថា តាមរយៈនេះ ក៏អាចមានការពិភាក្សាផងដែរ អំពីវិធានការប្រកបដោយប្រសិទ្ធភាព ដើម្បីបញ្ឈប់ការអភិវឌ្ឍសមត្ថភាពនុយក្លេអ៊ែររបស់កូរ៉េខាងជើង ។ ចាប់តាំងពីឡើងកាន់អំណាចកាលពីខែមិថុនា ឆ្នាំ២០២៥ លោកប្រធានាធិបតី Lee ត្រូវបានមើលឃើញថា ជាប្រធានាធិបតីប្រកាន់ជំហរទន់ភ្លន់ចំពោះកូរ៉េខាងជើង ដោយលោកបានផ្តល់សំណើបើកកិច្ចចរចា ដោយគ្មានលក្ខខណ្ឌដល់ទីក្រុងព្យុងយ៉ាង ដែលជាប្រទេសជិតខាងមានអាវុធនុយក្លេអ៊ែរ ។ បើតាមបច្ចេកទេស, ប្រទេសកូរ៉េទាំងពីរ…

វ៉ាស៊ីនតោន ៖ មន្រ្តីជាន់ខ្ពស់សេតវិមាននិយាយថា ប្រធានាធិបតីអាមេរិក លោក ដូណាល់ ត្រាំ គ្រាន់តែនិយាយលេងសើចប៉ុណ្ណោះ ពាក់ព័ន្ធនឹងការប្រកាសថា នឹងដាក់ច្រកសមុទ្រ ហ័រមូស ជាដែនដីរបស់សហរដ្ឋអាមេរិក បន្ទាប់ពីបញ្ចប់សង្គ្រាមជាមួយអ៊ីរ៉ង់ ។ បើតាមប្រភពពីមន្រ្តីជាន់ខ្ពស់សេតវិមាន, លោក Brian Schwartz អ្នកយកព័ត៌មានរបស់ Wall Street Journal បានបញ្ជាក់តាមបណ្តាញសង្គម X ថា លោកប្រធានាធិបតី ត្រាំ មិនដែលបានជួបប្រជុំជាមួយក្រុមទីប្រឹក្សា ដើម្បីពិភាក្សាអំពីចំណាត់ការនេះឡើយ ។ លោក Schwartz និយាយថា លោកប្រធានាធិបតី ត្រាំ មិនបានប្រជុំជាមួយក្រុមទីប្រឹក្សាអំពីការប្រកាសដាក់ច្រកសមុទ្រ ហ័រមូស ជាដែនដីរបស់សហរដ្ឋអាមេរិក ក្រោយបញ្ចប់សង្គ្រាមនោះទេ ហើយលោកគ្រាន់តែនិយាយលេងសើចប៉ុណ្ណោះ ក្នុងអំឡុងពេលថ្លែងសុន្ទរកថានៅទីក្រុងញូវយ៉ក ។ យ៉ាងណា មន្ត្រីយោធាអ៊ីរ៉ង់បានប្រកាសតវ៉ាប្រឆាំងនឹងការអះអាងរបស់លោកប្រធានាធិបតី ត្រាំ ហើយទីបញ្ជាការយោធាកណ្តាលរបស់អ៊ីរ៉ង់ បានហៅការអះអាងអំពីការគ្រប់គ្រងរបស់សហរដ្ឋអាមេរិកលើផ្លូវទឹកយុទ្ធសាស្រ្តនេះថា ជា “ការភូតកុហក និងការប្រឌិតដែលគ្មានមូលដ្ឋាន” ។ ច្រកសមុទ្រ ហ័រមូស ដែលជាផ្លូវដឹកជញ្ជូនប្រេងយុទ្ធសាស្ត្រប្រហែល ២០…

អាប៊ូដាប៊ី ៖ សហរដ្ឋអាមេរិកបានអនុម័តកិច្ចសន្យាផលិត និងផ្គត់ផ្គង់ជើងទម្របាញ់មីស៊ីលរបស់សំណាញ់មេឃ THAAD ថ្មី ទៅឱ្យប្រទេសអេមីរ៉ាតអារ៉ាប់រួម ក្នុងតម្លៃប្រមាណ ២១១,៤ លានដុល្លារ ។ បើតាម RBC-Ukraine, កិច្ចព្រមព្រៀងនេះ ត្រូវបានប្រកាសជាផ្លូវការដោយក្រសួងសង្គ្រាមអាមេរិក តាមរយៈកម្មវិធីលក់សម្ភារៈយោធាទៅបរទេស ខណៈក្រុមហ៊ុន Lockheed Martin Space នឹងដើរតួជាអ្នកផលិតផ្ទាល់ ។ ក្រោមការបញ្ជាទិញបន្ថែមនេះ ការផលិត និងការដឹកជញ្ជូនជើងទម្របាញ់មីស៊ីលរបស់សំណាញ់មេឃ THAAD ថ្មី នឹងចាប់ផ្តើមដំណើរការចាប់ពីខែសីហា ឆ្នាំ២០២៦ រហូតដល់ចុងខែមករាឆ្នាំ២០៣១ ។ ការបញ្ជាទិញថ្មីចុងក្រោយនេះទៀតសោត ធ្វើឱ្យតម្លៃសរុបនៃកិច្ចព្រមព្រៀងផលិតប្រព័ន្ធខែលការពារដែនអាកាស THAAD សម្រាប់អេមីរ៉ាតអារ៉ាប់រួម បានកើនឡើងលើសពី ១ពាន់លានដុល្លារ ។ កាលពីឆ្នាំ២០២២ សំណាញ់មេឃ THAAD របស់អេមីរ៉ាតអារ៉ាប់រួម ត្រូវបានប្រើប្រាស់ប្រយុទ្ធលើកដំបូង ដោយបានស្ទាក់ចាប់មីស៊ីលបាលីស្ទិក ដែលបាញ់ដោយក្រុមឧទ្ទាមហ៊ូធីយេម៉ែន និងការវាយប្រហារដោយកាំជ្រួចផ្លោងរបស់អ៊ីរ៉ង់ក្នុងឆ្នាំ២០២៦ នេះ ។ THAAD គឺជាប្រព័ន្ធខែលការពារមីស៊ីលរយៈកម្ពស់ខ្ពស់ដ៏ទំនើបបំផុតរបស់សហរដ្ឋអាមេរិក ដែលរចនាឡើងដើម្បីស្ទាក់ចាប់ និងកម្ទេចមីស៊ីលបាលីស្ទិករបស់សត្រូវ ទាំងក្នុងបរិយាកាស និងក្រៅបរិយាកាសផែនដី ។…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានអះអាងក្តែងៗកាលពីថ្ងៃ សុក្រ ថា ឆាប់ៗនេះ រូបលោកនឹងប្រកាសដាក់ច្រកសមុទ្រ ហ័រមូស ជាដែនដីផ្លូវការរបស់សហរដ្ឋអាមេរិក ក្រោយទទួលបានជ័យជម្នះក្នុងសង្គ្រាមប្រឆាំងអ៊ីរ៉ង់ ។ អំឡុងពិធីបំពាក់ជ័យលាភីនៅសាលាប៉ូលិសនៃរដ្ឋញូវយ៉ក មេដឹកនាំអាមេរិករូបនេះ បានបញ្ជាក់ច្បាស់ៗថា បន្ទាប់ពីយើងឈ្នះសង្គ្រាមប្រឆាំងអ៊ីរ៉ង់ទាំងស្រុង… ក្នុងពេលឆាប់ៗ លោកនឹងប្រកាសដាក់ច្រកសមុទ្រ ហ័រមូស ជាដែនដីរបស់សហរដ្ឋអាមេរិក ។ លោកប្រធានាធិបតី ត្រាំ ដែលមានវ័យ៨០ឆ្នាំរូបនេះ បានសង្កត់ធ្ងន់ថា រឿងនេះជាការពិត… អាមេរិកបានចាត់វិធានការបិទខ្ទប់ច្រកសមុទ្រ ហ័រមូស រួចរាល់ហើយ ហើយគ្មាននាវាណាមួយអាចឆ្លងកាត់បានឡើយ ប្រសិនបើគ្មានការអនុញ្ញាតពីអាមេរិក ។ ច្រកសមុទ្រ ហ័រមូស ដែលជាផ្លូវដឹកជញ្ជូនប្រេងយុទ្ធសាស្ត្រប្រហែល ២០ ភាគរយនៃប្រេងសកលលោក ត្រូវបានកងទ័ពជើងទឹកអ៊ីរ៉ង់ប្រកាសបិទម្ដងជាពីរដង បន្ទាប់ពីអាមេរិក និងអ៊ីស្រាអែលបន្តការវាយប្រហារមកលើអ៊ីរ៉ង់ ។ ហ័រមូស គឺជាច្រកសមុទ្រមួយស្ថិតនៅចន្លោះអ៊ីរ៉ង់ និងអូម៉ង់ ដែលមានប្រវែង ១៦១ គីឡូម៉ែត្រ ។ ច្រកសមុទ្រមួយនេះស្ទើរតែត្រូវបានបិទខ្ទប់ស្ទើរតែទាំងស្រុង ចាប់តាំងពីផ្ទុះសង្គ្រាមរវាងអាមេរិក និងអ៊ីរ៉ង់ ។…

វ៉ាស៊ីនតោន ៖ ក្រសួងសង្គ្រាមអាមេរិក ដែលកំពុងចាប់ដៃគូសហការជាមួយក្រុមហ៊ុនការពារជាតិយក្ស Boeing និង RTX បានប្រកាសពីកិច្ចព្រមព្រៀងចំនួនពីរ កាលពីថ្ងៃ សុក្រ ដើម្បីពន្លឿនការផលិតគ្រាប់មីស៊ីលសំណាញ់មេឃ SM-3 Block IB និង Block IIA ។ បើតាម Anadolu, កិច្ចព្រមព្រៀងទាំងនេះ ត្រូវបានធ្វើឡើងក្នុងគោលបំណងជំរុញបង្កើនការផលិតស៊េរីគ្រាប់មីស៊ីលស្ទាក់ចាប់ ដែលបំពាក់លើនាវាចម្បាំងសំខាន់ៗរបស់អាមេរិក ស្របពេលដែលស្តុកគ្រាប់មីស៊ីលសំណាញ់មេឃបានធ្លាក់ចុះយ៉ាងគំហុក ដោយសារការធ្វើសង្គ្រាមជាមួយអ៊ីរ៉ង់ ។ យោងតាមក្រសួងសង្គ្រាមអាមេរិក, នៅក្រោមក្របខ័ណ្ឌថ្មីនេះ ការផលិតសមាសធាតុសម្រាប់ទាំងមីស៊ីល SM-3 Block IIA និងមីស៊ីល Block IB នឹងត្រូវធ្វើឡើងយ៉ាងប្រញាប់ប្រញាល់ ដោយក្រុមហ៊ុន Boeing ដែលនឹងដើរតួនាទីឈានមុខគេ ។ មីស៊ីល SM-3 Block IB និង Block IIA គឺជាអាវុធសំខាន់សម្រាប់ប្រព័ន្ធខែលការពារមីស៊ីលបាលីស្ទិក Aegis ហើយក៏ជាអាវុធយុទ្ធសាស្រ្តជួយពង្រឹងសមត្ថភាពការពារកាំជ្រួចផ្លោងតាមសមុទ្ររបស់កងទ័ពជើងទឹកអាមេរិក ។ ជាមួយគ្នានេះ លោក Michael P.…