-
មនុស្ស ២៦នាក់បាត់បង់ជីវិតក្នុងគ្រោះថ្នាក់ចរាចរណ៍រយៈពេល ៣ថ្ងៃនៃពិធីបុណ្យភ្ជុំបិណ្ឌ
គ្រោះថ្នាក់ចរាចរណ៍រយៈពេល ៣ថ្ងៃ នៃពិធីបុណ្យភ្ជុំបិណ្ឌ ឆ្នាំ២០២៦នេះ បានបណ្តាលឱ្យមនុស្សស្លាប់ចំនួន ២៦នាក់ និងរងរបួស ១០១នាក់ នៅទូទាំងប្រទេស។ នេះបើយោងតាមរបាយការណ៍របស់ក្រុមអ្នកនាំពាក្យក្រសួងមហាផ្ទៃ។ ក្រុមអ្នកនាំពាក្យក្រសួងមហាផ្ទៃ បានគូសបញ្ជាក់ក្នុងរបាយការណ៍ថា រយៈពេល ៣ថ្ងៃ នៃពិធីបុណ្យភ្ជុំបិណ្ឌ ឆ្នាំ២០២៦នេះ នៅទូទាំងប្រទេសមានគ្រោះថ្នាក់ចរាចរណ៍កើតឡើងសរុបចំនួន ៣៤ករណី បណ្តាលឱ្យមនុស្សស្លាប់ចំនួន ២៦នាក់ និងរងរបួសចំនួន ១០១នាក់។ តួលេខនេះ បើប្រៀបធៀបនឹងរយៈពេលដូចគ្នាក្នុងពិធីបុណ្យភ្ជុំបិណ្ឌ កាលពីឆ្នាំ២០២៥ កន្លងទៅ ឃើញថាមានការកើនឡើង។ ក្នុងនោះ ករណីគ្រោះថ្នាក់កើនឡើង ១៤ករណី អ្នកស្លាប់កើនឡើង ១៦នាក់ និងអ្នករងរបួសកើនឡើង ៧១នាក់។ បើតាមក្រសួងមហាផ្ទៃ នៅថ្ងៃទី១០ ត្រូវនឹងថ្ងៃទី ១នៃពិធីបុណ្យភ្ជុំបិណ្ឌ មានគ្រោះថ្នាក់កើតឡើង ១៤ករណី បណ្តាលឱ្យស្លាប់ ១២នាក់ និងរបួស ២៣នាក់។ ចំណែកនៅថ្ងៃទី១១ មាន ១០ករណី ស្លាប់ ៦នាក់ និងរបួស ៥១នាក់ និងនៅថ្ងៃទី១២ មាន ១០ករណី ស្លាប់…
-
អ្នកនាំពាក្យរាជរដ្ឋាភិបាលទាមទារឲ្យលោក សម រង្ស៊ី បញ្ជាក់ការពិតជុំវិញការចោទប្រកាន់លើកងកម្លាំងកម្ពុជា
អង្គភាពអ្នកនាំពាក្យរាជរដ្ឋាភិបាលកម្ពុជា បានទាមទារឲ្យលោក សម រង្ស៊ី បញ្ជាក់ការពិតជុំវិញការចោទប្រកាន់ថាកងកម្លាំងកម្ពុជាជាអ្នកបាញ់លើកងទ័ពថៃមុន ហើយសម្តីនេះត្រូវបានសារព័ត៌មាន និងអ្នកលេងបណ្តាញសង្គមថៃលើកយកមកផ្សាយ និងធ្វើអត្ថាធិប្បាយយ៉ាងច្រើន។ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល បានច្រានចោលទាំងស្រុងចំពោះការលើកឡើងរបស់អតីតមេបក្សប្រឆាំង ដែលត្រូវបានសារព័ត៌មានថៃមួយលើកយកមកផ្សាយបន្តកាលពីថ្ងៃទី១០ ខែតុលា ឆ្នាំ២០២៦។ លោក សម រង្ស៊ី ត្រូវបានអតីតលេខារដ្ឋមន្ត្រីក្រសួងការបរទេសថៃម្នាក់ ដកស្រង់សម្តីថា៖ «កាលពី ២-៣ថ្ងៃមុន លោក សម រង្ស៊ី មេដឹកនាំប្រឆាំងកម្ពុជា បានចេញមកអះអាងថា កងកម្លាំងកម្ពុជាជាភាគីបាញ់ប្រហារថៃមុន ហើយដែលនាំឱ្យថៃតបតវិញ»។ អ្នកនាំពាក្យរាជរដ្ឋាភិបាល បញ្ជាក់ជាថ្មីថា ការលើកឡើងនេះជាព័ត៌មានមិនពិត និងជាការភូតកុហកទាំងស្រុង។ បញ្ហានេះ ទាំងសម្តេចធិបតី ហ៊ុន ម៉ាណែត នាយករដ្ឋមន្ត្រី ក៏ដូជាក្រសួងការពារជាតិ និងក្រសួងការបរទេស និងសហប្រតិបត្តិការអន្តរជាតិនៃកម្ពុជា សុទ្ធតែបានបកស្រាយ និងបញ្ជាក់ច្បាស់លាស់រួចហើយ។ ក្នុងន័យនេះ អ្នកនាំពាក្យរាជរដ្ឋាភិបាលបានទាមទារឲ្យលោក សម រង្ស៊ី ចេញមុខមកបញ្ជាក់ការពិត ដើម្បីជម្រះមន្ទិលជូនសាធារណជន។ ក្នុងករណីដែលលោក សម រង្ស៊ី មិនបាននិយាយដូច្នេះទេ លោក…
-
កម្ពុជា-អាស៊ែបៃហ្សង់ ប្ដេជ្ញាជំរុញកិច្ចសហប្រតិបត្តិការទ្វេភាគីឱ្យកាន់តែរឹងមាំ និងរីកចម្រើន
ថ្នាក់ដឹកនាំកម្ពុជា និងអាស៊ែបៃហ្សង់បានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ព្រមទាំងបានបង្ហាញអំពីការប្ដេជ្ញាបន្តពូនជ្រំ និងជំរុញទំនាក់ទំនង និងកិច្ចសហប្រតិបត្តិការ ឱ្យកាន់តែរឹងមាំ និងរីកចម្រើន។ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Ilham Aliyev ប្រធានាធិបតី នៃសាធារណរដ្ឋអាស៊ែបៃហ្សង់ នាថ្ងៃទី១២ ខែតុលា ឆ្នាំ២០២៦ ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល នៃសន្និសីទស្តីពីអន្តរសកម្មភាព និងវិធានការកសាងទំនុកចិត្តនៅអាស៊ី (CICA) លើកទី៧ នៅរដ្ឋធានីបាគូ នៃសាធារណរដ្ឋអាស៊ែបៃហ្សង់ ពីថ្ងៃទី១១ ដល់ ថ្ងៃទី១៥ ខែតុលា ឆ្នាំ២០២៦។ ក្នុងឱកាសនៃជំនួប ឯកឧត្តមប្រធានាធិបតីអាស៊ែបៃហ្សង់ បានសម្ដែងនូវការស្វាគមន៍យ៉ាងកក់ក្ដៅចំពោះវត្តមានរបស់សម្ដេចធិបតី ក្នុងឱកាសនៃការអញ្ជើញបំពេញទស្សនកិច្ចផ្លូវការនៅប្រទេសអាស៊ែបៃហ្សង់ ព្រមទាំងថ្លែងអំណរគុណដល់សម្ដេចធិបតី ដែលបានទទួលការអញ្ជើញចូលរួមកិច្ចប្រជុំកំពូល CICA លើកទី៧ នាពេលនេះ ក៏ដូចជាការផ្ដល់ការគាំទ្ររបស់កម្ពុជាចំពោះបេសកកម្មរបស់ CICA នាពេលកន្លងមក។ ឯកឧត្តមប្រធានាធិបតីបានបន្ថែមថា វត្តមានរបស់សម្ដេចធិបតីបានគូសបញ្ជាក់អំពីសារៈសំខាន់នៃកិច្ចប្រជុំកំពូលនេះ ក៏ដូចជាការពង្រឹង និងពង្រីកទំនាក់ទំនងការទូតរវាងប្រទេសទាំងពីរ។ ឯកឧត្តមប្រធានាធិបតីក៏បានវាយតម្លៃខ្ពស់អំពីលទ្ធផលប្រកបដោយផ្លែផ្កានៃកិច្ចសហប្រតិបត្តិការ និងទំនាក់ទំនងដ៏ល្អប្រសើររវាងប្រទេសទាំងពីរនាពេលកន្លងមក។ ជាការឆ្លើយតប សម្ដេចធិបតីបានអរគុណយ៉ាងជ្រាលជ្រៅចំពោះការទទួលស្វាគមន៍ និងការបដិសណ្ឋារកិច្ចយ៉ាងកក់ក្ដៅពីសំណាក់រដ្ឋាភិបាល…
-
កូរ៉េខាងជើង បាញ់សាកល្បងមីស៊ីលផ្លោងយុទ្ធសាស្រ្ត ក្រោយ កូរ៉េខាងត្បូង ទើបធ្វើតេស្តអាវុធល្បឿនលឿនជាងសំឡេង
ព្យុងយ៉ាង ៖ ប្រទេសកូរ៉េខាងជើងបានបាញ់សាកល្បងមីស៊ីលផ្លោងយុទ្ធសាស្រ្តមួយគ្រាប់ កាលពីថ្ងៃ ចន្ទ ដើម្បីធ្វើតេស្តការធ្វើឱ្យប្រសើរឡើងផ្នែកបច្ចេកទេស នៃសមាធាតុស្នូលសំខាន់មួយរបស់មីស៊ីល ។ នេះបើតាមទីភ្នាក់ងារសារព័ត៌មាន KCNA ចេញផ្សាយនៅថ្ងៃ អង្គារ នេះ ។ ការបាញ់សាកល្បងមីស៊ីលរបស់កូរ៉េខាងជើងនេះ គឺជាលើកទី ៤ ហើយក្នុងរយៈពេលមួយខែ ពោលគឺបន្ទាប់ពីកូរ៉េខាងត្បូងបានធ្វើតេស្តអាវុធល្បឿនលឿនជាងសំឡេងកាលពីសប្តាហ៍កន្លងទៅ ។ យោងតាម KCNA, ការបាញ់សាកល្បងនេះ បានបញ្ជាក់ពីភាពជោគជ័យនៃការកែលម្អបច្ចេកទេស ប៉ុន្តែមិនបានបញ្ជាក់លម្អិតអំពីប្រភេទសមាសធាតុដែលត្រូវបានកែលម្អ ឬសមត្ថភាពជាក់លាក់របស់មីស៊ីលនោះទេ ។ ប៉ុន្តែកាសែតកូរ៉េខាងជើងមួយនេះ អះអាងថា ការធ្វើឱ្យប្រសើរឡើងនោះ គឺជាជំហានដ៏សំខាន់មួយ ក្នុងការលើកកម្ពស់ប្រសិទ្ធភាព និងភាពទំនើបនៃប្រព័ន្ធអាវុធវាយលុករបស់ប្រទេសមានអាវុធនុយក្លេអ៊ែរមួយនេះ ។ ការបាញ់សាកល្បងនេះដែរ ធ្វើឡើងមួយថ្ងៃបន្ទាប់ពីយោធាកូរ៉េខាងត្បូងរាយការណ៍ថា កូរ៉េខាងជើងបានបាញ់មីស៊ីលផ្លោងជាច្រើនគ្រាប់ ឆ្ពោះទៅកាន់ដែនសមុទ្រនៅឆ្នេរខាងកើតរបស់ខ្លួន ។ ទន្ទឹមនឹងធ្វើតេស្តមីស៊ីលជាបន្តបន្ទាប់ មេដឹកនាំដឹកនាំកំពូលកូរ៉េខាងជើង លោក គីម ជុងអ៊ុន បានប្រកាសក្តែងៗថា អាវុធទំនើបៗដែលជួយលើកតម្កើងមុខមាត់ប្រទេស នឹងត្រូវបន្តធ្វើទំនើបកម្មថែមទៀត ក៏ដូចជាបញ្ចប់ជាមួយនឹងការបង្កើនសមត្ថភាពកាន់តែខ្លាំងក្លា ៕ ប្រភព ៖ The Straits Times ប្រែសម្រួល…
-
ក្រុមហ៊ូធី គំរាមវាយ សហរដ្ឋអាមេរិក យ៉ាងចាស់ដៃ បើហ៊ានលូកដៃក្នុងសង្គ្រាមយេម៉ែន
សាណាអា ៖ មន្រ្តីពួកឧទ្ទាមហ៊ូធីបានបោះសម្តីគំរាមធ្ងន់ៗកាលពីថ្ងៃ ចន្ទ ថា សហរដ្ឋអាមេរិកនឹងប្រឈមមុខនូវការវាយប្រហារយ៉ាងឆាប់រហ័ស និងចាស់ដៃបំផុត ប្រសិនបើមហាអំណាចពិភពលោកមួយនេះ ហ៊ានលូកដៃចូលក្នុងសង្គ្រាមនៅយេម៉ែន តាមរយៈការគាំទ្រប្រតិបត្តិការយោធារបស់អារ៉ាប៊ីសាអូឌីតប្រឆាំងនឹងក្រុមខ្លួន ។ ការព្រមាននេះធ្វើឡើង បន្ទាប់ពីមានសេចក្តីរាយការណ៍ថា អារ៉ាប៊ីសាអ៊ូឌីតបានស្នើសុំជំនួយយោធាពីសហរដ្ឋអាមេរិក ដើម្បីទប់ទល់នឹងការវាយប្រហារដ៏ខ្លាំងក្លាពីសំណាក់ក្រុមឧទ្ទាមហ៊ូធី ដែលមានអ៊ីរ៉ង់ជាខ្នងបង្អែកដ៏ធំ ។ ទន្ទឹមគ្នា លោកប្រធានាធិបតី ដូណាល់ ត្រាំ បានបង្ហើបថា លោកកំពុងពិចារណាលើលទ្ធភាពចូលរួមជាមួយអារ៉ាប៊ីសាអ៊ូឌីត ដើម្បីបើកការវាយប្រហារតាមអាកាសប្រឆាំងនឹងក្រុមឧទ្ទាមហ៊ូធី ។ មុនពេលសហរដ្ឋអាមេរិកចេញមុខជួយអារ៉ាប៊ីសាអូឌីត សមាជិកការិយាល័យនយោបាយក្រុមឧទ្ទាមហ៊ូធី លោក Mohammed Al Bukhaiti បានគំរាមទុកថា ប្រសិនបើមហាអំណាចពិភពលោកមួយនេះ ហ៊ានចូលរួមវាយប្រហារក្រុមខ្លួន នោះពួកគេនឹងមិនស្ទាក់ស្ទើរ ក្នុងការសងសឹកវិញភ្លាមៗ ដើម្បីបំផ្លាញផលប្រយោជន៍ និងមូលដ្ឋានយោធាទាំងអស់របស់អាមេរិកនៅតំបន់មជ្ឈិមបូព៌ានោះឡើយ ។ បន្ថែមពីលើការគំរាម ក្រុមឧទ្ទាមហ៊ូធីក៏បានព្រមានដល់បុគ្គលិក និងកម្មករទាំងអស់ឱ្យចាកចេញពីទីតាំងប្រេង និងព្រលានយន្តហោះនានាក្នុងប្រទេសអារ៉ាប៊ីសាអ៊ូឌីត ព្រោះទីតាំងទាំងនោះ ត្រូវបានចាត់ទុកជា “”គោលដៅស្របច្បាប់” នៃការវាយប្រហាររបស់ខ្លួន ៕ ប្រភព ៖ The Straits Times ប្រែសម្រួល ៖…
-
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ ខាងមុខនេះ។ ខ្សែភាពយន្តឯកសាររយៈពេល ៨៧នាទីនេះ បានបង្ហាញពីការពិតដ៏រន្ធត់នៃអតីតកាល ដែលបណ្ដាញឧក្រិដ្ឋជនបានកេងប្រវ័ញ្ច និងប្រើប្រាស់ទាហានកុមារដើម្បីវាយឆ្មក់ប្លន់យករតនសម្បត្តិបុរាណពីប្រាសាទនានាក្នុងប្រទេសកម្ពុជា។ «បុរាណវត្ថុប្រឡាក់ឈាម» ទាំងនោះត្រូវបានលួចរត់ពន្ធឆ្លងដែនទៅកាន់គេហដ្ឋានរបស់មហាសេដ្ឋី និងសារមន្ទីរល្បីៗនៅបស្ចិមប្រទេស ដែលពាក់ព័ន្ធនឹងបណ្ដាញរបស់ Douglas Latchford។ ភាពយន្តឯកសារដែលមានលក្ខណៈស៊ើបអង្កេតនេះ គឺជាស្នាដៃផលិតរបស់ក្រុមហ៊ុន New Theory Pictures និងដឹកនាំរឿងដោយលោក Don Millar ដោយមានកិច្ចសហការយ៉ាងជិតស្និទ្ធជាមួយក្រុមការងារបច្ចេកទេស និងផលិតករខ្មែរក្នុងស្រុក។ ភាពយន្តនេះបង្កប់នូវអត្ថន័យ និងតម្លៃជាប្រវត្តិសាស្ត្រដ៏ធំធេងសម្រាប់ជាតិកម្ពុជា ព្រោះវាបានលាតត្រដាងពីការពិតនៃការលួចប្លន់ និងការជួញដូរវត្ថុបុរាណខ្មែររាប់មិនអស់ទៅក្រៅប្រទេសដោយខុសច្បាប់ ក្នុងអំឡុងពេលដែលកម្ពុជាធ្លាក់ចូលក្នុងភ្នក់ភ្លើងសង្គ្រាមស៊ីវិល និងរបបប្រល័យពូជសាសន៍។ ភាពយន្តនេះមិនត្រឹមតែជាការកត់ត្រា ប្រវត្តិសាស្ត្រប៉ុណ្ណោះទេ ប៉ុន្តែថែមទាំងជាសក្ខីកម្មដ៏រឹងមាំមួយក្នុងការគាំទ្រដល់ដំណើរការទាមទារ និងនាំយកដួងព្រលឹងដូនតា និងសម្បត្តិបេតិកភណ្ឌជាតិត្រឡប់មកមាតុភូមិវិញ។ ភាពយន្តនេះក៏ទទួលបានការទទួលស្គាល់ និងជ្រើសរើសចាក់បញ្ចាំងក្នុងមហោស្រពភាពយន្តអន្តរជាតិជាច្រើនដូចជា NHK (Japan Prize,…
-
កាណាដា ថា មីស៊ីលល្បឿនលឿនជាងសំឡេងរបស់ ចិន និងរុស្ស៊ី កំពុងជំរុញតម្រូវការប្រព័ន្ធការពារលើលំហរអវកាស
មេធំក្រុមហ៊ុនផលិតផ្កាយរណបរបស់កាណាដា បានអះអាងថា ការគំរាមកំហែងនៃមីស៊ីលល្បឿនលឿនជាងសំឡេងរបស់ប្រទេសរុស្ស៊ី និងចិន កំពុងជំរុញឱ្យមានតម្រូវការខ្ពស់ជាងពេលណាៗទាំងអស់ ក្នុងការបង្កើតប្រព័ន្ធការពារមីស៊ីលមានមូលដ្ឋាននៅលើលំហរអាកាស ។ មីស៊ីលល្បឿនលឿនជាងសំឡេង ត្រូវបានរាយការណ៍ថា អាចហោះជ្រែកមេឃក្នុងល្បឿនលឿនជាងសំឡេងលើសពី ៥ ដង និងអាចបត់បែនគន្លងហោះហើររបស់វា ដែលធ្វើឱ្យការរកឃើញ និងការស្ទាក់ចាប់របស់សំណាញ់មេឃទនើបៗ ដែលដាក់ពង្រាយនៅលើដីគោកកាន់តែពិបាកបាញ់កម្ទេច ។ ជុំវិញបញ្ហានេះ លោក Mike Greenley ដែលជានាយកប្រតិបត្តិក្រុមហ៊ុនបច្ចេកវិទ្យាផ្កាយរណប MDA Space របស់កាណាដា និយាយថា ប្រព័ន្ធការពារមីស៊ីលមានមូលដ្ឋានលើលំហរអាកាស កំពុងក្លាយជាជម្រើសដ៏មានសក្តានុពល ដើម្បីឆ្លើយតបនឹងការគំរាមកំហែងពីអាវុធទំនើបៗរបស់ប្រទេសមហាអំណាចពិភពលោក ។ លោក Greenley បានពន្យល់ក្នុងបទសម្ភាសន៍ជាមួយ CNBC News កាលពីពេលថ្មីៗនេះថា បណ្តាញផ្កាយរណបលើលំហរអាកាស អាចជួយរកឃើញ និងតាមដានមីស៊ីលល្បឿនលឿនជាងសំឡេង ដែលកំពុងហោះសំដៅមករកគោលដៅ ហើយផ្តល់ទិន្នន័យចាំបាច់ សម្រាប់ការស្ទាក់ចាប់មីស៊ីល ទាំងនៅលើដី និងក្នុងលំហអវកាស ។ អ្វីដែលសំខាន់នោះ លោកថា ការវិនិយោគលើប្រព័ន្ធការពារ និងស្ទាក់ចាប់មានមូលដ្ឋានលើលំហអាកាសនេះ មិនមានតម្លៃថ្លៃជាងប្រព័ន្ធអាវុធ ឬប្រព័ន្ធការពារមីស៊ីលកម្រិតខ្ពស់ដទៃទៀតនោះទេ ។ ការអះអាងនេះត្រូវបានធ្វើឡើង ស្របពេលដែលសហរដ្ឋអាមេរិកបានប្រកាសទទួលស្គាល់ជាលើកដំបូង អំពីការដាក់ពង្រាយសព្វាវុធនៅលើលំហរអាកាស…
-
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ និងទស្សនកិច្ចការងារ នៅសាធារណរដ្ឋអាស៊ែបៃហ្សង់ សាធារណរដ្ឋតួកគីយ៉េ និងសាធារណរដ្ឋកាហ្សាក់ស្ថាន ព្រមទាំងចូលរួមកិច្ចប្រជុំកំពូល លើកទី៧ នៃសន្និសីទស្តីពីអន្តរសកម្មភាព និងវិធានការកសាងទំនុកចិត្តនៅអាស៊ី
កណ្តាល៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អមដោយ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត នៅព្រឹកថ្ងៃទី១១ ខែតុលា ឆ្នាំ២០២៦ បានដឹកនាំគណៈប្រតិភូជាន់ខ្ពស់ អញ្ជើញបំពេញទស្សនកិច្ចផ្លូវការ និងទស្សនកិច្ច ការងារនៅសាធារណរដ្ឋអាស៊ែបៃហ្សង់ សាធារណរដ្ឋតួកគីយ៉េ និងសាធារណរដ្ឋកាហ្សាក់ស្ថាន ចាប់ពីថ្ងៃទី១២ ដល់ថ្ងៃទី១៧ ខែតុលា ឆ្នាំ២០២៦ តបតាមការអញ្ជើញរបស់ លោក Ilham Aliyev ប្រធានាធិបតីនៃសាធារណរដ្ឋ អាស៊ែបៃហ្សង់ លោក Recep Tayyip Erdoğan ប្រធានាធិបតីនៃសាធារណរដ្ឋតួកគីយ៉េ និងលោក Kassym-Jomart Tokayev ប្រធានាធិបតីនៃសាធារណរដ្ឋកាហ្សាក់ស្ថាន។ គណៈប្រតិភូអមដំណើរសម្តេចធិបតី មានលោកបណ្ឌិត ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ព្រមទាំងរដ្ឋមន្ត្រី និងមន្ត្រីជាន់ខ្ពស់រាជរដ្ឋាភិបាលមួយចំនួន។ សមាជិកនៃសភាពាណិជ្ជកម្មកម្ពុជា ដឹកនាំដោយអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា…
-
កូរ៉េខាងត្បូង ធ្វើតេស្តហោះហើរអាវុធល្បឿនលឿនផលិតផ្ទាល់ដៃជាលើកដំបូង
សេអ៊ូល ៖ ប្រទេសកូរ៉េខាងត្បូងកាលពីថ្ងៃព្រហស្បតិ៍បានធ្វើតេស្តការហោះហើរអាវុធល្បឿនលឿនជាងសំឡេងដែលផលិតដោយផ្ទាល់ដៃខ្លួនេឯងជាលើកដំបូង ។ បើតាម New York Post, អាវុធយុទ្ធសាស្រ្តនេះ មានឈ្មោះ HGV មានសមត្ថភាពហោះជ្រែកមេឃក្នុងល្បឿនលឿនជាងសំឡេងដល់ទៅ ៥ ដង និងអាចទម្លុះប្រព័ន្ធខែលការពារដែនអាកាសរបស់សត្រូវផងដែរ ។ អំឡុងពេលធ្វើតេស្តហោះហើរ អាវុធល្បឿនលឿនជាងសំឡេងនេះ បានផ្ដាច់ចេញពីរ៉ុក្កែតនៅរយៈកម្ពស់ដែលបានគ្រោងទុក ហើយហោះធ្លាក់ចុះជាមួយភាពបត់បែនទាំងបញ្ឈរ និងផ្ដេក មុនធ្លាក់ចំគោលដៅដែលបានកំណត់ ។ អាវុធដែលនឹងចូលខ្លួនមកផ្លាស់ប្តូរមុខមាត់សង្គ្រាមនៅលើឧបទ្វីបកូរ៉េមួយនេះ ត្រូវបានកូរ៉េខាងត្បូងអះអាងថា នៅពេលត្រូវបានអភិវឌ្ឍរួចរាល់ វានឹងមានសមត្ថភាពវាយប្រហារលើគោលដៅសំខាន់ៗ ដោយមិនឱ្យសត្រូវដឹងខ្លួនជាមុនឡើយ ។ ការសាកល្បងអាវុធល្បឿនលឿនជាងសំឡេងនេះ មានគោលបំណងផ្ទៀងផ្ទាត់បច្ចេកវិទ្យាសំខាន់ៗ រួមមាន សម្ភារៈការពារកម្ដៅខ្ពស់ ប្រព័ន្ធណែនាំ និងគ្រប់គ្រងការហោះហើរ ព្រមទាំងសមត្ថភាពបត់បែនគន្លងហោះក្នុងរយៈកម្ពស់ទាប ។ ប្រធានាធិបតីកូរ៉េខាងត្បូងលោក Lee Jae Myung និយាយថា ការសាកល្បងនេះ គឺជាការបោះជំហានដ៏សំខាន់ក្នុងការពង្រឹងសមត្ថភាពអាវុធទូទៅមិនមែននុយក្លេអ៊ែររបស់កូរ៉េខាងត្បូង ។ ជាមួយគ្នានេះ ការធ្វើតេស្តហោះហើរនៃអាវុធល្បឿនលឿនជាងសំលេង HGV របស់កូរ៉េខាងត្បូង កើតឡើង ប៉ុន្មានថ្ងៃប៉ុណ្ណោះ បន្ទាប់ពីគូប្រជែងកូរ៉េខាងជើងបានអះអាងពីការបាញ់សាកល្បងមីស៊ីលល្បឿនលឿនជាងសំឡេង ដែលមានសមត្ថភាពហោះជ្រែកមេឃក្នុងចម្ងាយប្រហែល ១ ពាន់គីឡូម៉ែត្រ…
-
លោក ត្រាំ បំភ្លឺថា សម្តីដែលលោកឲ្យ អ៊ីរ៉ង់ កម្ទេចទីក្រុង អាមេរិក និយាយកុំឲ្យតម្លៃប្រេងឡើងថ្លៃកាន់តែខ្ពស់
វ៉ាស៊ីនតោន ៖ ប្រធានាធិបតីអាមេរិក លោក Donald Trump បានចេញមកបំភ្លឺកាលពីថ្ងៃព្រហស្បតិ៍ថា ពាក្យសម្ដីដែលលោកប្រាប់ឲ្យអ៊ីរ៉ង់ចូលមកកម្ទេចទីក្រុង Los Angeles និងទីក្រុង San Diego គឺដើម្បីទប់ស្កាត់កុំឲ្យតម្លៃប្រេងហក់ឡើងថ្លៃកាន់តែខ្ពស់ប៉ុណ្ណោះ ។ តាមរយៈសំណេរនៅលើបណ្តាញសង្គម Truth Social, លោក ត្រាំ រៀបរាប់ថា សម្ដីរបស់លោកត្រូវបានគេយល់ច្រឡំ ។ លោកថា តាមពិតលោកចង់សំដៅលើប្រជាជនថា នឹងទទួលយកតម្លៃប្រេងឥន្ធនៈខ្ពស់ជាងមុន ប្រសិនបើអ៊ីរ៉ង់ឈានទៅមានអាវុធនុយក្លេអ៊ែរក្នុងដៃ ហើយចូលមកកម្ទេចទីក្រុងទាំងពីរនេះ ។ លោក ត្រាំ បញ្ជាក់ថា អ្វីដែលលោកចង់និយាយនោះគឺថា ការឡើងថ្លៃប្រេងឥន្ធនៈជាបណ្តោះអាសន្ន គឺ ជាតម្លៃដ៏តូចតាចមួយ ដែលត្រូវស៊ូទ្រាំ ដើម្បីកុំឱ្យ អ៊ីរ៉ង់ មានអាវុធនុយក្លេអ៊ែរ ។ បើតាម Reuters, លោក ត្រាំ បាននិយាយក្នុងអំឡុងពេលយុទ្ធនាការឃោសនាបោះឆ្នោតនៅឯរដ្ឋ Nebraska កាលពីថ្ងៃចន្ទថា ដើម្បីរក្សាសុវត្ថិភាពពិភពលោក និងសហរដ្ឋអាមេរិកផងនោះ ការអនុញ្ញាតឲ្យអ៊ីរ៉ង់កម្ទេចទីក្រុង Los Angeles និងទីក្រុង San…