ភ្នំពេញ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម ឡេ មិញហ៊ឹង (Le Minh Hung) នាយករដ្ឋមន្រ្តី នៃសាធារណរដ្ឋសង្គមនិយមវៀតណាម បានអញ្ជើញជាអធិបតីដ៏ខ្ពង់ខ្ពស់ ក្នុងពិធីចុះហត្ថលេខាលើ​អនុស្សរណៈនៃការ​យោគយល់គ្នា និងកិច្ចព្រមព្រៀងសហប្រតិបត្តិការចំនួន ៦ ឯកសារ នៅវិមានសន្តិភាព នារសៀលថ្ងៃសុក្រ ទី៩ ខែតុលា ឆ្នាំ២០២៦ នេះ។ ឯកសារកិច្ចសហប្រតិបត្តិការដ៏មានសារសំខាន់ទាំង ៦ រួមមាន៖១-អនុស្សរណៈនៃការយោគយល់គ្នារវាងអាជ្ញាធរជាតិប្រយុទ្ធប្រឆាំងគ្រឿងញៀននៃព្រះរាជាណាចក្រកម្ពុជា និងក្រសួងសន្តិសុខ​សាធារណៈ​នៃសាធារណរដ្ឋសង្គមនិយមវៀតណាម ស្តីពីកិច្ចសហប្រតិបត្តិការសាងសង់ មជ្ឈមណ្ឌលជាតិព្យាបាល និងស្តារនីតិសម្បទា​អ្នកញៀនគ្រឿងញៀន ស្វាយរៀង។ ២-កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋសង្គមនិយមវៀតណាមស្តីពីកិច្ច​សហ​ប្រតិបត្តិការលើ វិស័យអប់រំសម្រាប់រយៈពេល ២០២៦-២០៣០។ ៣-អនុស្សរណៈនៃការយោគយល់គ្នាស្តីពីការអភិរក្ស និងការផ្សព្វផ្សាយស្តូប មិត្តភាពកម្ពុជា-វៀតណាម នៅព្រះរាជាណាចក្រកម្ពុជា​រវាងរាជរដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម។ ៤-អនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការសន្តិសុខ រវាងមជ្ឈមណ្ឌលជាតិបច្ចេកវិទ្យាព័ត៌មាន នៃព្រះរាជាណាចក្រ​កម្ពុជា និងក្រសួងសន្តិសុខសាធារណៈ នៃសាធារណរដ្ឋសង្គមនិយមវៀតណាម។ ៥-អនុស្សរណៈនៃការយោគយល់គ្នា ស្តីពីការបង្កើតគណៈកម្មាធិការ ពាណិជ្ជកម្មចម្រុះរវាងរាជរដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម និងទី៦-កិច្ចសម្របសម្រួលជំរុញពាណិជ្ជកម្មទ្វេភាគីរវាងរាជរដ្ឋាភិបាលនៃ​ព្រះរាជាណាចក្រកម្ពុជា…

ភ្នំពេញ៖ក្នុងរយៈពេលពេញមួយខែកញ្ញា ឆ្នាំ២០២៦ កម្លាំង​នគរបាលជាតិនៃក្រសួងមហាផ្ទៃ បានបន្តប្រតិបត្តិ​ការ​បង្ក្រាបបទល្មើស​ព្រហ្មទណ្ឌយ៉ាងសកម្ម ដោយទប់​ស្កាត់ បង្ក្រាបទាន់ពេល និងបំបែកសំណុំរឿងបាន​រហូតដល់ ២០៥ករណី ព្រមទាំងឃាត់ខ្លួនជនសង្ស័យ​សរុប ៣១៥នាក់ និងកសាងសំណុំរឿងបញ្ជូនទៅ​តុលាការ​ចាត់ការតាមនីតិវិធីច្បាប់។ យោងតាមរបាយការណ៍ក្រសួងមហាផ្ទៃ បទល្មើស​ព្រហ្មទណ្ឌដែលសមត្ថកិច្ចបង្ក្រាបបានក្នុងរយៈពេលមួយខែនោះ រួមមានបទល្មើសហិង្សា ឆបោក លួច ឆក់ ប្លន់ រំលោភសេពសន្ថវៈ ឃាតកម្ម ការប្រើប្រាស់អាវុធខុស​ច្បាប់ និងមនុស្សឃាតអចេតនា។ ក្នុងនោះបទល្មើស​ដែល​​កើត​ឡើង ហើយសមត្ថកិច្ចបង្ក្រាបបាន​ច្រើន​ជាងគេ គឺបទល្មើសលួចចំនួន ៩១ករណី និងបទល្មើស​ហិង្សាចំនួន ៦៤ករណី។ ប្រភពដដែលបានបន្ថែមថា បទល្មើសទាំងនេះបាន​កើតឡើងក្នុងរាជធានីភ្នំពេញ និងបណ្តាខេត្តចំនួន ២០ទៀត រួមមាន ខេត្តសៀមរាប ស្វាយរៀង ត្បូងឃ្មុំ តាកែវ ពោធិ៍សាត់ ព្រះវិហារ កណ្ដាល ក្រចេះ មណ្ឌលគិរី ព្រះសីហនុ ឧត្តរមានជ័យ កំពត ប៉ៃលិន បាត់ដំបង ស្ទឹងត្រែង ព្រៃវែង បន្ទាយមានជ័យ កំពង់ស្ពឺ កំពង់ឆ្នាំង និងខេត្តកំពង់ធំ។ ចំពោះទោសទណ្ឌនៃបទល្មើសនីមួយៗ ផ្អែកតាមក្រម​ព្រហ្មទណ្ឌនៃព្រះរាជាណាចក្រកម្ពុជា…

ប្រជាពលរដ្ឋ ជាពិសេសកម្មករ កម្មការិនី ដែលធ្វើការនៅរាជធានីភ្នំពេញ បាននាំគ្នាធ្វើដំណើរទៅស្រុកកំណើតតាមរយៈសេវារថយន្តក្រុងសាធារណៈដោយមិនគិតថ្លៃ ចាប់ពីថ្ងៃទី៩ ខែតុលា ឆ្នាំ២០២៦ ដើម្បីជួបជុំក្រុមគ្រួសារក្នុងឱកាសបុណ្យភ្ជុំបិណ្ឌប្រពៃណីជាតិខ្មែរ។ ពួកគាត់បានបង្ហាញក្តីរីករាយក្នុងការប្រើប្រាស់សេវាដឹកជញ្ជូនសាធារណៈនេះ ដែលជួយកាត់បន្ថយការចំណាយ និងផ្តល់ការធ្វើដំណើរដោយផាសុកភាព។ នៅព្រឹកថ្ងៃទី៩ ខែតុលា ដែលជាថ្ងៃដំបូងនៃការផ្តល់សេវាដឹកជញ្ជូនដោយមិនគិតថ្លៃ ឯកឧត្តម​ ឃួង​ ស្រេង អភិបាល​នៃគណៈអភិបាលរាជធានីភ្នំពេញ និងឯកឧត្តម​ ហេង​ សួរ​ រដ្ឋមន្រ្តីក្រសួងការងារ​ និងបណ្ដុះបណ្ដាល​វិជ្ជាជីវៈ​ បានអញ្ជើញ​ចូលរួមជូនដំណើរបងប្អូនប្រជាពលរដ្ឋ ដែលមកឡើងជិះរថយន្តក្រុងនៅទីលានប្រជាធិបតេយ្យ មុខឃ្លាំងសាំង ក្នុងខណ្ឌឬស្សីកែវ។ ក្នុងឱកាសនោះ ឯកឧត្តម ឃួង ស្រេង បានបញ្ជាក់ថា រដ្ឋបាលរាជធានីភ្នំពេញបានសហការជាមួយក្រសួងការងារ ដើម្បីរៀបចំសេវាដឹកជញ្ជូនប្រជាពលរដ្ឋ និងកម្មករ កម្មការិនី ដែលកំពុងធ្វើការ និងប្រកបមុខរបរនៅរាជធានីភ្នំពេញ ទៅកាន់បណ្តាខេត្តទាំង២៤ ដោយមិនគិតថ្លៃ ក្នុងគោលបំណងជួយសម្រួលការធ្វើដំណើរ និងឱ្យពួកគាត់បានជួបជុំក្រុមគ្រួសារក្នុងឱកាសបុណ្យភ្ជុំបិណ្ឌ។ ឯកឧត្តមបានបន្ថែមថា ជារៀងរាល់ឆ្នាំ រដ្ឋបាលរាជធានីភ្នំពេញបានរៀបចំរថយន្តក្រុងចំនួន ៦០០គ្រឿងដើម្បីបម្រើសេវាប្រជាពលរដ្ឋ។ ឆ្នាំនេះ ឯកឧត្តមសង្កេតឃើញថា បងប្អូនពលករ និងប្រជាពលរដ្ឋ ដែលមកធ្វើកិច្ចការងារ ប្រកបមុខរបរអាជីវកម្មនៅភ្នំពេញ បាននាំគ្នាមកប្រើប្រាស់សេវានេះកាន់តែច្រើន។ ឯកឧត្តមយល់ថា…

ក្នុងឱកាសថ្ងៃឈប់សម្រាកពិធីបុណ្យភ្ជុំបិណ្ឌនេះ ក្រសួងមហាផ្ទៃ បានត្រៀមកម្លាំងសមត្ថកិច្ច និងមន្ត្រីនគរបាលនៅទូទាំងប្រទេស ដើម្បីត្រៀមការពារសន្តិសុខ សុវត្ថិភាព និងរក្សាសណ្តាប់ធ្នាប់សាធារណៈ ជូនប្រជាពលរដ្ឋ អ្នកធ្វើដំណើរ ដែលទៅជួបជុំក្រុមគ្រួសារនៅស្រុកកំណើត និងទៅកម្សាន្តលេងនៅតំបន់ទេសចរណ៍នានា។ លោក ទូច សុឃៈ អ្នកនាំពាក្យរងនៃក្រសួងមហាផ្ទៃ បានបញ្ជាក់ប្រាប់បណ្តាញព័ត៌មាន AMS នៅថ្ងៃសុក្រនេះថា មន្ត្រីនគរបាលចរាចរណ៍ បាន និងកំពុងសម្រួលចរាចរណ៍នៅតាមបណ្តាផ្លូវសំខាន់ៗដែលមានភាពមាមាញឹក ដើម្បីកាត់បន្ថយការកកស្ទះចរាចរណ៍សម្រាប់ពលរដ្ឋដែលធ្វើដំណើរទៅជួបជុំក្រុមគ្រួសារនៅតាមបណ្តាខេត្ត។​ ជាក់ស្តែង នៅថ្ងៃសុក្រនេះ ប្រជាពលរដ្ឋបានចាប់ផ្តើមធ្វើដំណើរទៅស្រុកកំណើត។ ក្នុងនោះ មន្ត្រីនគរបាលបានសម្របសម្រួលចរាចរណ៍តាមផ្លូវច្រកចេញពីរាជធានីភ្នំពេញឆ្ពោះទៅកាន់បណ្តាខេត្ត ជាពិសេសខេត្តព្រៃវែង និងខេត្តស្វាយរៀង ដើម្បីធានាសុវត្ថិភាព និងកាត់បន្ថយការកកស្ទះចរាចរណ៍ជូនប្រជាពលរដ្ឋ។ ជាមួយគ្នានេះ អាជ្ញាធរមូលដ្ឋាន​ក៏បានត្រៀមកម្លាំងដាក់វេនប្រចាំការ​ចល័តនៅតាមបណ្តា​ភូមិឃុំសង្កាត់នានា និងតំបន់ទេសចរណ៍នៅទូទាំងប្រទេស ដើម្បីការពារសុវត្ថិភាព និងសន្តិសុខសម្រាប់ប្រជាពលរដ្ឋផងដែរ។ អ្នកនាំពាក្យរងនៃក្រសួងមហាផ្ទៃ បានណែនាំឱ្យអ្នកបើកបរទាំងឡាយ អនុវត្តនូវច្បាប់ចរាចរណ៍ឱ្យបានត្រឹមត្រូវ ដោយ កុំវ៉ាជែង កុំឈប់យានជាប់នៅចិញ្ចើមផ្លូវ មិនត្រូវបើកបរក្រោមឥទ្ធិពលស្រវឹង មិនត្រូវបើកបរលើសល្បឿនកំណត់ ត្រូវបើកបរដោយពាក់មួកសុវត្ថិភាព និងពាក់ខ្សែក្រវ៉ាត់។ ថ្ងៃឈប់សម្រាកភ្ជុំបិណ្ឌមានរយៈពេល៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែតុលា ឆ្នាំ២០២៦។ ថ្ងៃកាន់បិណ្ឌ១២ថ្ងៃកន្លងទៅនេះ មានគ្រោះថ្នាក់ចរាចរណ៍កើតឡើងចំនួន៩៨ករណី បណ្តាលឱ្យស្លាប់មនុស្សចំនួន៥២នាក់ និងរងរបួសធ្ងន់ស្រាលចំនួន១៤២នាក់៕…

អាជ្ញាធរទន្លេសាប បានក្រើនរម្លឹកឲ្យប្រជាពលរដ្ឋមានការប្រុងប្រយ័ត្ន ចំពោះស្ថានភាពកម្រិតទឹកស្ទឹងសិរីសោភ័ណ និងស្ទឹងស្រែង ខណៈកម្រិតកម្ពស់ទឹកស្ទឹងទាំងពីរនេះ នៅខ្ពស់នៅឡើយ។ យោងតាមសេចក្ដីជូនដំណឹងរបស់អាជ្ញាធរទន្លេសាប នៅថ្ងៃទី៩ ខែតុលា ឆ្នាំ២០២៦ ទឹកស្ទឹងសិរីសោភ័ណ ដែលបានហូរកាត់ក្រុងសិរីសោភ័ណ ខេត្តបន្ទាយមានជ័យ មានកម្ពស់ ៧ម៉ែត្រ ៧៨ ពោលគឺខ្ពស់ជាងកម្រិតប្រកាសប្រុងប្រយ័ត្ន ៧ម៉ែត្រ៥០ ចំណែកស្ទឹងស្រែង ហូរកាត់ស្រុកក្រឡាញ់ខេត្តបន្ទាយមានជ័យ មានកម្ពស់ទឹក ៨ម៉ែត្រ៤៥ ខណៈកម្រិតប្រកាសប្រុងប្រយ័ត្នត្រឹមតែ ៨ម៉ែត្រ។ អាជ្ញាធរទន្លេសាប បានគូសបញ្ជាក់ថា ថ្វីបើស្ថានភាពជាទូទៅ កម្រិតកម្ពស់ទឹកនៅតាមស្ទឹងសំខាន់ៗ ដែលហូរចាក់ទៅបឹងនិងទន្លេសាបបានស្រកចុះ ប៉ុន្តែមានស្ទឹងចំនួន៣ នៅតែមានកម្រិតកម្ពស់ទឹកនៅក្បែរៗកម្រិតប្រកាសឲ្យប្រុងប្រយ័ត្ននៅឡើយដូចជា ស្ទឹងដូនទ្រី នៅក្នុងភូមិសាស្ត្រខេត្តបាត់ដំបង ស្ទឹងមង្គលបូរីនៅក្នុងខេត្តបន្ទាយមានជ័យ និងស្ទឹងសែននៅក្នុងខេត្តកំពង់ធំ។ សូមបញ្ជាក់ថា ភូមិសាស្ត្រប្រទេសកម្ពុជា មានស្ទឹងធំៗចំនួន១១ ដែលមានតួនាទីជួយរំដោះទឹកជំនន់ តាមរយៈហូរនាំទឹកភ្លៀងហូរចាក់ទៅទន្លេសាប និងបឹងទន្លេសាប។ ទឹកភ្លៀងរដូវវស្សាឆ្នាំនេះ បាននាំឲ្យមានការជន់លិចនៅភូមិសាស្ត្រខេត្តបាត់ដំបង ពោធិ៍សាត់ កំពង់ធំ សៀមរាប និងបន្ទាយមានជ័យ។ ឯកឧត្តមទេសរដ្ឋមន្រ្តី គន់ គីម អនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ បានណែនាំដល់រដ្ឋបាលខេត្ត ក្រុង-ស្រុក ឃុំ និងមន្ទីរជំនាញពាក់ព័ន្ធឱ្យបន្តចុះវាយតម្លៃ…