សម្តេចធិបតី ហ៊ុន ម៉ាណែត បានបញ្ជាក់ថា ថវិកាជាតិឆ្នាំ២០២៧ សម្រាប់វិស័យអប់រំ និងសុខាភិបាល នៅតែបន្តកើនឡើង ដោយវិស័យអប់រំកើន ៤.៧% និងសុខាភិបាលកើន ១.៥% ដោយមិនមានការកាត់បន្ថយឡើយ ទោះជាមានការដំឡើងថវិកាក្នុងវិស័យការពារជាតិក៏ដោយ។ អាន ៖ សម្តេចនាយករដ្ឋមន្ត្រីកម្ពុជា បានអះអាងថា ការបង្កើនថវិកាការពារជាតិមិនបានធ្វើឱ្យប៉ះពាល់ ឬកាត់បន្ថយកញ្ចប់ថវិកាជាតិឆ្នាំ២០២៧ លើវិស័យអាទិភាពផ្សេងទៀតនោះឡើយ។ បើធៀបនឹងឆ្នាំ២០២៦ ថវិកាសម្រាប់វិស័យអប់រំត្រូវបានបង្កើនប្រមាណ ៤.៧% ឬស្មើនឹងជាង ៥០លានដុល្លារ ដែលសរុបជាង ១ពាន់ ១រយនលានដុល្លារក្នុងមួយឆ្នាំ រីឯវិស័យសុខាភិបាលកើនឡើង ១.៥% ឬប្រហែលជាង ១០លានដុល្លារ ដែលធ្វើឱ្យថវិកាសរុបកើនដល់ជាង ៦៨០លានដុល្លារក្នុងមួយឆ្នាំ។ ថ្លែងក្នុងពិធីប្រគល់សញ្ញាបត្រនាព្រឹកថ្ងៃទី២ ខែតុលា ឆ្នាំ២០២៦ ក្នុងរាជធានីភ្នំពេញ សម្តេចធិបតី ហ៊ុន ម៉ាណែត បានគូសបញ្ជាក់យ៉ាងច្បាស់ថា កំណើនថវិកាក្នុងវិស័យការពារជាតិ ពុំបានធ្វើឱ្យប៉ះពាល់ដល់ថវិការបស់ក្រសួងស្ថាប័នផ្សេងៗឡើយ ជាពិសេសក្រសួងអប់រំ និងក្រសួងសុខាភិបាល។ សម្តេចធិបតីបានលើកឡើងថា រាជរដ្ឋាភិបាលមានថវិកាគ្រប់គ្រាន់ដោយមិនចាំបាច់វះកាត់ចេញពីក្រសួងណាមួយនោះទេ ហើយប្រសិនបើមានករណីចាំបាច់ត្រូវកាត់បន្ថយថវិកា ក៏ក្រសួងសុខាភិបាល និងក្រសួងអប់រំជាក្រសួងចុងក្រោយគេដែរ ប៉ុន្តែជាក់ស្តែងពុំមានករណីបែបនេះកើតឡើងឡើយ។ ការបញ្ជាក់យ៉ាងម៉ឺងម៉ាត់របស់សម្តេចធិបតីធ្វើឡើង ដើម្បីបកស្រាយ…

អាជ្ញាធរអគ្គិសនីកម្ពុជាបានចេញសេចក្តីសម្រេចជាផ្លូវការ កំណត់បរិមាណថាមពលប៉ាន់ស្មានតាមបទដ្ឋានលើប្រព័ន្ធថាមពលពន្លឺព្រះអាទិត្យលើដំបូល សម្រាប់គណនាថ្លៃប៉ះប៉ូវចំពោះករណីដែលមិនទាន់មាននាឡិកាស្ទង់ ដោយចាប់ផ្តើមអនុវត្តចាប់ពីថ្ងៃទី២០ ខែតុលា ឆ្នាំ២០២៦ តទៅ។ អាជ្ញាធរអគ្គិសនីកម្ពុជា បានផ្សព្វផ្សាយសេចក្តីសម្រេចចុះថ្ងៃទី២៩កញ្ញា២០២៦ ស្តីពីការកំណត់បរិមាណថាមពលប៉ាន់ស្មានតាមបទដ្ឋានកំណត់លើប្រព័ន្ធថាមពលពន្លឺព្រះអាទិត្យលើដំបូល គឺដើម្បីប្រើប្រាស់ជាមូលដ្ឋានក្នុងការគណនាថ្លៃប៉ះប៉ូវជូនអ្នកផ្គត់ផ្គង់អគ្គិសនី។ ការសម្រេចនេះធ្វើឡើងដោយមានការពិគ្រោះយោបល់យ៉ាងល្អិតល្អន់ជាមួយក្រសួងរ៉ែ និងថាមពល ព្រមទាំងអគ្គិសនីកម្ពុជា។ ផ្អែកតាមការសង្កេតរបស់អាជ្ញាធរអគ្គិសនីកម្ពុជា កន្លងមកមានអ្នកប្រើប្រាស់មួយចំនួនបានដំឡើងប្រព័ន្ធថាមពលពន្លឺព្រះអាទិត្យលើដំបូល និងមានកាតព្វកិច្ចត្រូវបង់ថ្លៃប៉ះប៉ូវ ប៉ុន្តែពុំទាន់បានដំឡើងប្រព័ន្ធនាឡិកាស្ទង់សម្រាប់កត់ត្រាបរិមាណថាមពល ឬពុំមានឧបករណ៍អាំងវែរទ័រដែលអាចបង្ហាញទិន្នន័យជាក់ស្តែង។ កត្តានេះបានធ្វើភាគីអ្នកផ្គត់ផ្គង់អគ្គិសនីជួបការលំបាក និងមិនអាចចេញវិក្កយបត្រថ្លៃប៉ះប៉ូវបាន តាមបទប្បញ្ញត្តិស្តីពីការដំឡើង និងប្រើប្រាស់ប្រព័ន្ធថាមពលពន្លឺព្រះអាទិត្យលើដំបូលនៅកម្ពុជា។ អាជ្ញាធរអគ្គិសនីកម្ពុជា បានកំណត់រូបមន្តប៉ាន់ស្មានថាមពលជាបទដ្ឋានបណ្តោះអាសន្ន ដើម្បីដោះស្រាយ និងផ្តល់មូលដ្ឋានច្បាស់លាស់ដល់អ្នកផ្គត់ផ្គង់ក្នុងការចេញវិក្កយបត្រ។ សម្រាប់ថាមពលអគ្គិសនីផលិតចេញពីប្រព័ន្ធពន្លឺព្រះអាទិត្យលើដំបូលក្នុងមួយខែ គឺត្រូវគណនាដោយយកអានុភាពរបស់អាំងវែរទ័រ គុណនឹង ៥ម៉ោង និងគុណនឹង ៣០ថ្ងៃ។ ដោយឡែកចំពោះបរិមាណថាមពលបញ្ចេញពីប្រព័ន្ធអាគុយផ្ទុកថាមពលក្នុងមួយខែ គឺត្រូវយកទំហំអាគុយផ្ទុកថាមពល គុណនឹង ៨០ភាគរយ គុណនឹង ៩០ភាគរយ និងគុណនឹង ៣០ថ្ងៃ។ អាជ្ញាធរអគ្គិសនីកម្ពុជា បានបញ្ជាក់យ៉ាងច្បាស់ថា ការប៉ាន់ស្មានតាមរូបមន្តខាងលើនេះ នឹងអនុវត្តតែក្នុងករណីដែលពុំទាន់មាននាឡិកាស្ទង់ ឬទិន្នន័យវាស់ដែលអាចផ្ទៀងផ្ទាត់បានប៉ុណ្ណោះ។ នៅពេលដែលអ្នកប្រើប្រាស់បានដំឡើងនាឡិកាស្ទង់ ឬមានទិន្នន័យវាស់ជាក់ស្តែងដែលអាចផ្ទៀងផ្ទាត់បាន ការទូទាត់ត្រូវផ្លាស់ប្តូរមកប្រើប្រាស់ទិន្នន័យជាក់ស្តែងជំនួសការប៉ាន់ស្មាននេះភ្លាមៗ។ តាមសេចក្តីសម្រេចនេះ អ្នកផ្គត់ផ្គង់អគ្គិសនីអាចចាប់ផ្តើមចេញវិក្កយបត្រថ្លៃប៉ះប៉ូវ ស្របតាមលក្ខខណ្ឌ និងរូបមន្តដែលបានកំណត់ចាប់ពីថ្ងៃទី២០ ខែតុលា ឆ្នាំ២០២៦…

ពិធីអញ្ជើញព្រលឹងដូនតាត្រឡប់មកទីតាំងដើមវិញ ត្រូវបានអាជ្ញាធរជាតិអប្សរារៀបចំឡើងយ៉ាងអធិកអធម​នៅខ្លោងទ្វារជ័យនៃក្រុងអង្គរធំ ដែលជាទីតាំងប្រវត្តិសាស្ត្រដ៏សំខាន់សម្រាប់ព្រះមហាក្សត្រខ្មែរ ប្រារព្ធពិធីគ្រងរាជ្យ និងពិធីយាងទៅសមរភូមិ។ អាជ្ញាធរជាតិអប្សរា បានប្រារព្ធពិធីប្រោះព្រំភ្ជាប់ព្រះសិរ និងបើកព្រះនេត្រចម្លាក់ទេពចំនួន ២ ក្រោមយុទ្ធនាការ «ព្រលឹងត្រឡប់មកទីតាំងដើមវិញ» នៅខ្លោងទ្វារជ័យនៃក្រុងអង្គរធំ កាលពីថ្ងៃទី១ ខែតុលា ឆ្នាំ២០២៦។   លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ​បានថ្លែងថា ពិធីភ្ជាប់ព្រះសិរ និងបើកព្រះនេត្រចម្លាក់ទេពនាពេលនេះ មានអត្ថន័យយ៉ាងជ្រាលជ្រៅសម្រាប់មហានគរខ្មែរ ដោយបាននាំព្រលឹងដូនតាមកជួយថែរក្សាអង្គរ និងថែរក្សាសន្តិភាពឡើងវិញ។ ខ្លោងទ្វារជ័យជាទីតាំងប្រវត្តិសាស្ត្រសំខាន់ដែលព្រះមហាក្សត្រខ្មែររមែងប្រារព្ធពិធីគ្រងរាជ្យ និងពិធីយាងទៅសមរភូមិ។ ការរៀបចំឡើងវិញនូវព្រះសិរទេព និងអសុរៈទាំងនេះ មិនត្រឹមតែបន្ថែមសោភ័ណភាព និងបង្កើតជាផលិតផលទេសចរណ៍ថ្មីសម្រាប់ទាក់ទាញភ្ញៀវជាតិ-អន្តរជាតិប៉ុណ្ណោះទេ ប៉ុន្តែថែមទាំងអនុញ្ញាតឱ្យប្រជាពលរដ្ឋខ្មែរបានធ្វើសក្ការបូជាផងដែរ។ លោកជំទាវបានគូសបញ្ជាក់ថា ចម្លាក់ទេវៈ និងអសុរៈដែលនៅអមខ្លោងទ្វារជ័យ បានឆ្លងកាត់ប្រវត្តិសាស្ត្រទាំងគ្រាលំបាក និងគ្រារុងរឿង ព្រមទាំងឆ្លងកាត់សង្គ្រាមជាច្រើនជំនាន់ ដោយនៅតែបន្តរួមសុខរួមទុក្ខជាមួយប្រជាជនខ្មែរគ្រប់កាលៈទេសៈ ទោះបីជាចម្លាក់ជាច្រើនត្រូវបាត់បង់ផ្នែកខ្លះនៃរាងកាយយ៉ាងណាក៏ដោយ។ នៅអមខ្លោងទ្វារជ័យនៃក្រុងអង្គរធំ មានចម្លាក់ទេវៈ និងអសុរៈទាញព្រ័ត្រសរុបចំនួន ១០៨។ ដោយសារសង្គ្រាមបំផ្លិចបំផ្លាញ ព្រះសិរចម្លាក់ធ្វើអំពីថ្មភក់ទាំងនេះបានបាត់បង់ស្ទើរទាំងស្រុង ដោយបែកខ្ញែកទៅកាន់ទីតាំងនានាក្នុងប្រទេស និងមួយចំនួនទៀតនៅក្រៅប្រទេស។ យ៉ាងណាមិញ ក្នុងរយៈពេលជាច្រើនឆ្នាំមកនេះ អាជ្ញាធរជាតិអប្សរា និងក្រសួងវប្បធម៌ និងវិចិត្រសិល្បៈ…