(ឡាវ)៖ សម្តេចមហាបវរធិបតីត ហ៊ុន ម៉ាណែត នាយករដ្ឋមន្ត្រីនៃព្រះរាជាណាច​ក្រកម្ពុជា បានអនុញ្ញាតឱ្យឯកឧត្តម Xavier Bettel ឧបនាយករដ្ឋមន្ត្រី រដ្ឋមន្ត្រីការបរទេស និងពាណិជ្ជកម្មក្រៅប្រទេស និងជារដ្ឋមន្ត្រី​សម្រាប់កិច្ច​សហប្រតិបត្តិការ និងសកម្មភាពមនុស្សធម៌ នៃប្រទេសលុចសំបួ ចូលជួប​សម្ដែងការគួរសម និងពិភាក្សាការងារ ក្នុងឱកាសនៃការចូល​រួមកិច្ចប្រជុំកំពូល​អាស៊ាន លើកទី៤៤ និង ៤៥ និងកិច្ចប្រជុំកំពូលពាក់ព័ន្ធ ពីថ្ងៃទី៩ ដល់ថ្ងៃទី ១១ ខែតុលា ឆ្នាំ២០២៤ នៅរដ្ឋធានីវៀងចន្ទន៍ នៃសាធារណរដ្ឋប្រជាធិបតេយ្យ​ប្រជាមានិតឡាវ នាព្រឹកថ្ងៃទី១១ ខែតុលា ឆ្នាំ២០២៤ ។ ជាកិច្ចចាប់ផ្ដើមសម្ដេចធិបតីបានសម្ដែងនូវការស្វាគមន៍ និងក្ដីរីករាយដែលបានជួបពិភាក្សាការងារជាមួយឯកឧត្តមឧបនាយករដ្ឋមន្ត្រី និងបានលើកឡើងពីទំនាក់ទំនងការទូតកន្លងមក រវាងកម្ពុជា-លុចសំបួ ដោយសម្ដេច បានសង្កត់ធ្ងន់ថា ប្រទេសទាំងពីរនៅមានសក្ដានុពលច្រើនដើម្បី​ពង្រឹង និងពង្រីកទំនាក់ទំនង និងកិច្ចសហប្រតិបត្តិការ កម្ពុជា-លុចសំបួ។ ក្នុងន័យនេះ ប្រទេសទាំងពីរ គប្បីបង្កើតយន្តការពិគ្រោះយោបល់រវាងក្រសួងការ​បរទេសនៃប្រទេសទាំងពីរ ដើម្បីពិនិត្យ និងកំណត់អំពីវិស័យសក្តានុពល នៃកិច្ចសហប្រតិបត្តិការ។ ឯកឧត្តម ឧបនាយករដ្ឋមន្ត្រី បានជម្រាបជូនសម្តេចបវរធិបតីអំពីបំណង​របស់លុចសំបួ ក្នុងការជ្រើសរើសប្រទេសមួយចំនួន រួមទាំងកម្ពុជា ជាប្រទេសដៃគូ ដើម្បីជំរុញកិច្ចសហប្រតិបត្តិការក្នុងវិស័យសំខាន់ៗ…

(ភ្នំពេញ)៖ កម្ពុជា ត្រូវការធនធានមនុស្សដែលមានជំនាញ ដើម្បីអាចទាក់ទាញការ​វិនិយោគបន្ថែមទៀត ដូចនេះ កម្ពុជា បានដាក់ចេញនូវគោលនយោបាយ​ក្នុងការ​បណ្តុះបណ្តាលវិជ្ជាជីវៈសម្រាប់ប្រជាជនក្រីក្រប្រមាណ ១លាន៥សែននាក់ ។ នេះជាការលើកឡើងរបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ក្នុងឱកាសអនុញ្ញាតឱ្យ ឯកឧត្តម Katsuhiro SHINOHARA ប្រធានតំណាងមូលនិធិគាំទ្រការអប់រំអន្តរជាតិកម្ពុជា ចូលជួបសម្តែងការគួរសមនិងពិភាក្សាការងារ នាព្រឹកថ្ងៃទី១១ ខែតុលា ឆ្នាំ២០២៤ នៅវិមានព្រឹទ្ធសភា។ ក្នុងជំនួបនេះ ឯកឧត្តម SHINOHARA បានចាត់ទុកជាឱកាសថ្លែងអំណរគុណចំពោះសម្ដេចតេជោ និងជម្រាបលា ទៅកាន់ប្រទេសជប៉ុនវិញ ដោយត្រូវចូលនិវត្តន៍ ក្រោយពីឯកឧត្តម បានមកបំពេញការងារការទូតចំនួន ៤លើកផ្សេងៗគ្នានៅប្រទេសកម្ពុជា ដោយលើកដំបូង នៅឆ្នាំ១៩៦៧ ក្នុងពេលដែលប្រទេសកម្ពុជាស្ថិតក្នុងសង្គ្រាមនៅឡើយ បន្ទាប់មក ក្នុងអំឡុងពេលអនុវត្តកិច្ចព្រមព្រៀងសន្តិភាពទីក្រុងប៉ារីស នៅឆ្នាំ១៩៩១-១៩៩៣ និងនៅឆ្នាំ២០០១ ឯកឧត្តមគឺជាទីប្រឹក្សានៃស្ថានទូតជប៉ុនប្រចាំកម្ពុជា និងចុងក្រោយ ជាឯកអគ្គរាជទូតរបស់ប្រទេសជប៉ុនប្រចាំកម្ពុជានៅឆ្នាំ២០០៧។ ឯកឧត្តម ក៏បានរំលឹកពីជំនួបលើកទី១ ជាមួយសម្តេចនៅប្រទេសបារាំងនៅឆ្នាំ១៩៨៩ និងបានសម្តែងការកោតសរសើរស្ញប់ស្ញែងយ៉ាងខ្លាំងចំពោះសម្តេចដែលអាចធ្វើការសម្រេចចិត្តភ្លាមៗ ច្បាស់លាស់ និងត្រឹមត្រូវ។ ប្រមាណ១៥ឆ្នាំចុងក្រោយនេះ បន្ទាប់ពីចប់អាណត្តិបេសកកម្មជាឯកអគ្គរដ្ឋទូតនៅឆ្នាំ២០០៩ ឯកឧត្តម បានក្លាយជាតំណាងមូលនិធិគាំទ្រការអប់រំអន្តរជាតិកម្ពុជា។ ឯកឧត្តម មានសេចក្តីរីករាយដែលបានបន្តកិច្ចការនៅប្រទេសកម្ពុជា…

(ភ្នំពេញ)៖ ឯកឧត្តម ឈួន វ៉ន់ បានជំរុញទៅដល់បងប្អូន អ្នកប្រកបរបរដឹកជញ្ជូន​គ្រប់​ប្រភេទពិសេស អ្នករត់កង់បី បញ្ចប់នូវពាក្យរិះគន់ពីសំណាក់បងប្អូនប្រជាពលរដ្ឋ ទៅលើការតាមដងផ្លូវ ដែលមានការលើកឡើងនាពេលកន្លងមក ក្នុងនោះមានការ​បើកបរ​ដោយមិនគោពគន្លងផ្លូវ ការវ៉ាជែងក្នុងស្ថានភាពគ្រោះថ្នាក់ និងបំពានភ្លើងស្តុប និងផ្លាកសញ្ញាជាដើម។ ការលើកឡើងរបស់ ឯកឧត្តម ឈួន វ៉ន់ អគ្គនាយកនៃអគ្គនាយកដ្ឋាន​ដឹកជញ្ជូន​ផ្លូវគោក នៃក្រសួងសារធារណៈការនិងដឹកជញ្ជូន នៅព្រឹកថ្ងៃទី១១ ខែតុលា ឆ្នាំ២០២៤នេះ ក្នុងឱកាសអញ្ជើញជាអធិបតីភាព ពិធីបិទ “យុទ្ធនាការ​បណ្តុះ​បណ្តាល និងប្រឡងយកបណ្ណបើកបរយានយន្ត” ដល់អ្នកបើកបរម៉ូតូកង់បី ដែលជាសមាជិកដៃគូបើកបររបស់ក្រុមហ៊ុនហ្គ្រេប (ខេមបូឌា) ។ ឯកឧត្តម បន្តថា តាមរយៈកម្មវិធីបណ្តុះបណ្តាលផ្សព្វផ្សាយនេះ នឹងបានជាប្រយោជ​ន៍​ក្នុងការ​ផ្តល់​នូវពុទ្ធិ ឆន្ទៈ ស្មារតី និងការយល់ដឹងឱ្យកាន់តែស៊ីជម្រៅបន្ថែមទៀតអំពី​ការ​អនុវត្ត​ច្បាប់​ស្តីពីចរាចរណ៍ផ្លូវគោក និងវិធានដែលអ្នកប្រើប្រាស់ផ្លូវ និងអ្នកបើកបរ​គ្រប់រូបត្រូវប្រកាន់ខ្ជាប់ប្រកបដោយស្មារតីម្ចាស់ការ និងការទទួលខុសត្រូវខ្ពស់ ដើម្បី​រក្សា​ឱ្យបាននូវសុវត្ថិភាពក្នុងការធ្វើដំណើរនៅលើដងផ្លូវ និងស្នាមញញឹមរបស់​ប្រជា​ពល​រដ្ឋគ្រប់រូប។ លោក ហុក សុគន្ធ ប្រកបរបររត់កង់បីចាប់តាំងពីឆ្នាំ២០១៦ បានលើកឡើងថា បន្ទាប់ពីទទួលបានការបណ្តុះបណ្តាលច្បាប់ចរាចរណ៍ពីក្រសួងសារធារណៈការ និងដឹកជញ្ជូន ធ្វើឱ្យលោកដឹងច្បាស់ពីគន្លងផ្លូវរបស់ខ្លួនដែលត្រូវបើកបរ ខណៈពីមុន​មកការបើកបរមិនច្បាស់គន្លងផ្លូវ។ ជាមួយគ្នានេះលោក ក៏បានអំពាវនាវដល់អ្នកប្រើ​ប្រាស់​ដងផ្លូវពិសេសអ្នកប្រករបររត់កង់បីសូមគោរពច្បាប់ ក៏ដូចជាគន្លងចរាចរណ៍…