-
គ្រូពេទ្យដែលបៀតបៀនស្រ្តីអ្នកជំងឺ កំពុងត្រូវបានកសាងសំណុំរឿងបន្តតាមនីតិវិធីច្បាប់
បន្ទាប់ពីត្រូវបានដកចេញពីដំណែងជាប្រធានមណ្ឌលសុខភាពសិត្បូ និងផ្អាកអាជ្ញាប័ណ្ណប្រកបវិជ្ជាជីវៈរយៈពេល២ឆ្នាំ លោក ឈុន ផល្លី ត្រូវបានសមត្ថកិច្ចកសាងសំណុំរឿងបន្តតាមនីតិវិធីច្បាប់ផងដែរ។ នេះបើតាមការបញ្ជាក់ឱ្យដឹងពីលោកវរសេនីយ៍ត្រី ស៊ាង រិទ្ធី នាយប៉ុស្តិ៍នគរបាលរដ្ឋបាលសិត្បូ។ ក្នុងនាមជាអ្នកច្បាប់ម្នាក់ លោកស្រីមេធាវី លឹម ច័ន្ទលីដា បានបញ្ជាក់ប្រាប់បណ្តាញព័ត៌មាន AMS ថា ទង្វើរបស់លោកគ្រូពទ្យនោះពិតជាបានធ្វើឱ្យប៉ះពាល់ដល់សិទ្ធិស្ត្រី និងសេចក្តីថ្លៃថ្លូររបស់ស្ត្រី ហើយទង្វើនេះអាចប្រឈមពីបទប្រទូសកេរ្តិ៍ខ្មាស់ តាមមាត្រា ២៤៦ មាត្រា២៤៧ និងមាត្រា២៤៨ នៃក្រមព្រហ្មទណ្ឌ។ តាមច្បាប់ អំពើប្រទូសកេរ្តិ៍ខ្មាស់ត្រូវផ្តន្ទាទោសដាក់ពន្ធនាគារពី ១ឆ្នាំ ទៅ ៣ឆ្នាំ និង ពិន័យជាប្រាក់ពី ២លានរៀល ទៅ ៦លានរៀល។ ប៉ុន្តែក្នុងករណីប្រព្រឹត្តមានស្ថានទម្ងន់ទោស ដូចជាការប្រព្រឹត្តិទៅលើបុគ្គលទន់ខ្សោយដាយសារជំងឺជាដើម បទល្មើសនេះត្រូវផ្តន្ទាទោសដាក់ពន្ធនាគារ ពី ២ ឆ្នាំ ទៅ ៥ ឆ្នាំ និងពិន័យជាប្រាក់ពី៤លានរៀល ទៅ១០លានរៀល។ លោក ឈុន ផល្លី ត្រូវបានបញ្ចប់តំណែងពីប្រធានមណ្ឌលសុខភាពសិត្បូ មកជាមន្ត្រីវិញ និងត្រូវបានផ្អាកអាជ្ញាបណ្ណប្រកបវិជ្ជាជីវៈរយៈពេល២ឆ្នាំផងដែរ បន្ទាប់ពីគ្រូពេទ្យរូបនេះត្រូវបានរកឃើញថា បានបន្លំបៀតបៀនរាងកាយស្រ្តីអ្នកជំងឺពេលកំពុងជួយសង្គ្រោះបឋម។ លោកវេជ្ជបណ្ឌិត លី រតនា ឯកទេសព្យាបាលជំងឺទូទៅ…
-
អាមេរិក បំផ្លាញឃ្លាំងស្តុកមីស៊ីលស្ទាក់ចាប់ជិត ៨០% ចំពេលមានសង្គ្រាមជាមួយ អ៊ីរ៉ង់
វ៉ាស៊ីនតោន ៖ យោធាអាមេរិកបានប្រើប្រាស់អស់ជិត ៨០% នៃឃ្លាំងស្តុកមីស៊ីលស្ទាក់ចាប់សំខាន់ៗ និងជិតពាក់កណ្តាលនៃមីស៊ីលរបស់សំណាញ់មេឃ Patriot របស់ខ្លួន ចាប់តាំងពីសង្គ្រាមជាមួយអ៊ីរ៉ង់បានផ្ទុះឡើង ។ នេះបើតាមរបាយការណ៍របស់ CNN កាលពីថ្ងៃ អង្គារ ។ មីស៊ីលដែលសហរដ្ឋអាមេរិកប្រើប្រាស់យ៉ាងច្រើនសន្ធឹកសន្ធាប់នោះ រួមមានមីស៊ីលផ្លោង ATACMS និងមីស៊ីលជំនាន់ថ្មី PrSM ខណៈដែលមីស៊ីលនាំផ្លូវ Tomahawk ត្រូវបានប្រើអស់ជិតពាក់កណ្តាលនៃស្តុកសរុប ។ មីស៊ីលដ៏ទំនើបដែលមានតម្លៃចាប់ពី ១ លានដុល្លារក្នុងមួយគ្រាប់ទាំងនេះ គឺជាអាវុធយុទ្ធសាស្ត្រដ៏សំខាន់បំផុតរបស់សហរដ្ឋអាមេរិក ដែលអនុញ្ញាតឱ្យវាយប្រហារគោលដៅពីចម្ងាយដោយសុវត្ថិភាព ។ យ៉ាងណា ការបំពេញឃ្លាំងស្តុកមីស៊ីលឡើងវិញនៅតែយឺត ដោយមន្ទីរបញ្ចកោណទទួលបានមីស៊ីល Tomahawk ថ្មីប្រហែល ១៥ គ្រាប់ និងមីស៊ីលរបស់សំណាញ់មេឃ Patriot ថ្មីចំនួន ២០ គ្រាប់ប៉ុណ្ណោះក្នុងមួយខែ ។ ទន្ទឹមគ្នា អ្នកវិភាគបានប៉ាន់ប្រមាណថា សហរដ្ឋអាមេរិកអាចនឹងចំណាយពេល៣ឆ្នាំ ឬច្រើនជាងនេះ ដើម្បីស្តារឃ្លាំងស្តុកមីស៊ីលរបស់ប្រព័ន្ធខែលការពារដែនអាកាស THAAD ឡើងវិញឱ្យដល់កម្រិតមុនផ្ទុះសង្គ្រាមជាមួយអ៊ីរ៉ង់ ។ ប្រភពបានបង្ហើបឱ្យ CNN ដឹងថា ស្តុកមីស៊ីលដែលអស់ពីឃ្លាំងនេះ…
-
កូរ៉េខាងជើងថា ជប៉ុនកំពុងប្រែក្លាយខ្លួនឯងទៅជា «រដ្ឋនៃសង្គ្រាម»
ព្យុងយ៉ាង ៖ កូរ៉េខាងជើងអះអាង នៅថ្ងៃពុធនេះថា ជប៉ុនប្រែក្លាយខ្លួនទៅជា «រដ្ឋនៃសង្គ្រាម» ខណៈដែលទីក្រុងតូក្យូកំពុងពង្រឹងជំហរយោធារបស់ខ្លួន នៅក្នុងតំបន់ប៉ាស៊ីហ្វិក។ ស្ត្រីដែលមានឥទ្ធិពល និងជាប្អូនស្រីរបស់មេដឹកនាំកូរ៉េខាងជើង លោក គីម ជុងអ៊ុន គឺ នាង គីម យ៉ូជុង បាននិយាយថា ថ្នាក់ដឹកនាំរបស់ទីក្រុងព្យុងយ៉ាង នឹងរៀបចំជម្រើសផ្នែកយោធាបន្ថែមទៀត ដោយសារតែការផ្លាស់ប្តូររបស់ជប៉ុន។ សេចក្តីថ្លែងការណ៍របស់នាង គីម យ៉ូជុង ដែលត្រូវបានចុះផ្សាយដោយទីភ្នាក់ងារសារព័ត៌មានកូរ៉េខាងជើង KCNA លើកឡើងបន្ថែមថា «ប្រទេសជប៉ុន ដែលជារដ្ឋឧក្រិដ្ឋជនសង្គ្រាម កំពុងពន្លឿនការផ្លាស់ប្តូរខ្លួនឯងទៅជារដ្ឋនៃសង្គ្រាម»។ ការអះអាងនេះ ធ្វើឡើង បន្ទាប់ពី ជប៉ុនកំពុងផ្លាស់ប្តូរជាបណ្តើរៗ ចេញពីស្ថានភាពជាប្រទេសដែលប្រកាន់ខ្ជាប់នូវគោលនយោបាយសន្តិភាពនិយម ក្រោយសង្គ្រាមលោកលើកទី ២ ដោយបង្កើនការចំណាយលើវិស័យយោធា ពង្រឹងកិច្ចព្រមព្រៀងការពារជាតិ និងដាក់ពង្រាយប្រព័ន្ធបាញ់មីស៊ីលទៅកាន់កោះដាច់ស្រយាលនានារបស់ខ្លួន។ រដ្ឋមន្ត្រីការពារជាតិរបស់ជប៉ុនបានថ្លែង កាលពីថ្ងៃអង្គារថា វិស័យយោធាចាំបាច់ត្រូវពង្រឹងដោយមាន «ស្មារតីនៃភាពបន្ទាន់ និងវិបត្តិ» ខណៈដែលការវាយតម្លៃថ្មីរបស់រដ្ឋាភិបាលបានព្រមានអំពីការកើនឡើងនៃហានិភ័យពីប្រទេសចិន រុស្ស៊ី និង កូរ៉េខាងជើង។ នាង គីម យ៉ូជុង ក៏បានលើកឡើងពីការសាកល្បងបាញ់មីស៊ីលប្រភេទ Tomahawk ដែលមានរយៈចម្ងាយឆ្ងាយរបស់ជប៉ុន…
-
វិស័យឯកជនលើកឡើងសំណូមពរចំនួន១១ ក្នុងកិច្ចប្រជុំក្រុមការងារផ្នែកទេសចរណ៍
ភ្នំពេញ៖ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍កាលពីថ្ងៃទី៤ ខែសីហា បានដឹកនាំកិច្ចប្រជុំត្រួតពិនិត្យវឌ្ឍនភាពការងាររបស់ក្រុមការងារផ្នែកទេសចរណ៍ (ក្រុម «ខ») ។កិច្ចប្រជុំបានពិនិត្យពិភាក្សាលើសំណូមពរទាំង១១របស់វិស័យឯកជនក្នុងន័យពង្រឹងវិស័យទេសចរណ៍ និងការផ្សព្វផ្សាយសក្ដានុពលទេសចរណ៍កម្ពុជាទៅកាន់ឆាកអន្តរជាតិ។ ក្រសួងទេសចរណ៍បានបញ្ជាក់ថា កិច្ចប្រជុំត្រួតពិនិត្យវឌ្ឍនភាពការងាររបស់ក្រុមការងារផ្នែកទេសចរណ៍(ក្រុម «ខ») នៃវេទិការាជរដ្ឋាភិបាល-ផ្នែកឯកជន គឺជាយន្តការដ៏មានសារៈសំខាន់ក្នុងការពង្រឹងភាពជាដៃគូរវាងរាជរដ្ឋាភិបាល និងវិស័យឯកជនដើម្បីរួមគ្នាពិនិត្យវឌ្ឍនភាពការងារ ដោះស្រាយបញ្ហាប្រឈម ឆ្លើយតបសំណូមពររបស់វិស័យឯកជន និងកំណត់វិធានការគន្លឹះសម្រាប់ស្តារ និងពង្រឹងភាពធន់នៃវិស័យទេសចរណ៍កម្ពុជា ។ អង្គប្រជុំដែលដឹកនាំឯកឧត្តម ហួត ហាក់ រដ្ឋមន្ត្រីក្រសួងទេសចរណ៍បានពិនិត្យពិភាក្សាលើសំណូមពរទាំង១១របស់វិស័យឯកជនដែលមានជាអាទិ៍៖ ការស្នើសុំលើកលែងទិដ្ឋាការសម្រាប់ទីផ្សារគោលដៅ, មូលនិធិអភិវឌ្ឍន៍ទេសចរណ៍ដើម្បីកសាងម៉ាកសញ្ញា និងជំរុញការផ្សព្វផ្សាយទេសចរណ៍ទៅក្រៅប្រទេស (Branding, marketing and promotion),ការដំឡើងកម្រិតព្រឹត្តិការណ៍ជាតិធំៗ ទៅកម្រិតអន្តរជាតិ និងការផ្សព្វផ្សាយឱ្យបានទូលទំលាយ, ការតភ្ជាប់ផ្លូវហោះហើរក្នុងស្រុកឱ្យកាន់តែងាយស្រួលពីគោលដៅទេសចរណ៍១ ទៅ ១ ទៀត, ការបង្កបរិយាកាសអនុគ្រោះបន្ថែមទៀតដល់ការវិនិយោគ និងធុរកិច្ចក្នុងវិស័យទេសចរណ៍, ព្រមទាំងសំណូមពរផ្សេងៗទៀត។កិច្ចពិភាក្សាក៏បានផ្តោតលើសំណើក្នុងការជំរុញផ្លូវហោះហើរត្រង់ឱ្យបានច្រើនពីទីផ្សារគោលដៅសំខាន់ៗ ដែលទាមទារឱ្យមានការពិភាក្សាស៊ីជម្រៅរវាងទេសចរណ៍ អាកាសចរណ៍ស៊ីវិល ក្រុមហ៊ុនអាកាសចរណ៍ និង ផ្នែកឯកជន។ អង្គប្រជុំបានស្នើដាក់ចេញនូវវិធានការចាំបាច់បន្ទាន់ និងវិធានការគន្លឹះជាក់លាក់ ប្រកបដោយភាពជាក់ស្តែង និងប្រាកដនិយម ដោយផ្តោតលើការស្តារកិត្តិនាម និងរូបភាពវិជ្ជមានរបស់កម្ពុជាលើឆាកអន្តរជាតិ, ពង្រឹងទំនុកចិត្តរបស់ភ្ញៀវទេសចរអន្តរជាតិ, ជំរុញការផ្សព្វផ្សាយទីផ្សារទេសចរណ៍ឱ្យកាន់តែសកម្ម, ទាក់ទាញ…
-
អាមេរិក ថា កិច្ចព្រមព្រៀងច្រកសមុទ្រហ័រមូស អាចសម្រេច នៅថ្ងៃនេះ
វ៉ាស៊ីនតោន ៖ សហរដ្ឋអាមេរិកសង្ឃឹមថា នឹងសម្រេចបានកិច្ចព្រមព្រៀងស្តីពីច្រកសមុទ្រ ហ័រមូស ដ៏ចម្រូងចម្រាស់ នៅថ្ងៃពុធនេះ ឬ ថ្ងៃស្អែក។ រដ្ឋមន្ត្រីក្រសួងរតនាគារអាមេរិក លោក Scott Bessent បានប្រាប់ទូរទស្សន៍ CNBC កាលពីថ្ងៃអង្គារ ថា «មានលទ្ធភាពដែលយើងអាចនឹងសម្រេចបានកិច្ចព្រមព្រៀងមួយក្នុងរយៈពេលប៉ុន្មានម៉ោងខាងមុខនេះ»។ ច្រកសមុទ្រ Hormuz ដែលជាផ្លូវដឹកជញ្ជូនដ៏សំខាន់សម្រាប់ផ្គត់ផ្គង់ប្រេង និងឧស្ម័នទូទាំងពិភពលោក បានក្លាយជាចំណុចចាប់ផ្តើមនៃការផ្ទុះឡើង នូវការប្រយុទ្ធគ្នាម្តងទៀត។ អ៊ីរ៉ង់ចង់គ្រប់គ្រងច្រកសមុទ្រនេះ និង ដាក់កម្រិតយកថ្លៃឆ្លងកាត់ ខណៈដែលវាគឺជាអំណាចមួយ ដែលអ៊ីរ៉ង់មិនធ្លាប់បានអនុវត្ត ពីមុនពេលមានសង្គ្រាម ហើយការវិវត្តទាំងនេះត្រូវបានសហរដ្ឋអាមេរិកប្រឆាំងយ៉ាងខ្លាំងក្លា។ ទីក្រុងតេអេហេរ៉ង់ និងទីក្រុងវ៉ាស៊ីនតោន បានស្ថិតក្នុងស្ថានភាពសង្គ្រាមជាមួយគ្នា ចាប់តាំងពីថ្ងៃទី២៨ ខែកុម្ភៈមក នៅពេលដែលសហរដ្ឋអាមេរិក និងអ៊ីស្រាអែលបានបើកការវាយប្រហារដោយភ្ញាក់ផ្អើល ទៅលើប្រទេសអ៊ីរ៉ង់។ ទោះបីជាមានបទឈប់បាញ់ និងកិច្ចព្រមព្រៀងបឋម ក្នុងរយៈពេលប៉ុន្មានខែមកនេះក៏ដោយ ក៏កិច្ចខិតខំប្រឹងប្រែងផ្នែកការទូតមិនអាចបញ្ចប់ជម្លោះនេះបានឡើយ៕ ប្រភព ៖ AFP ប្រែសម្រួល ៖ សារ៉ាត
-
លោក ណេតាន់យ៉ាហ៊ូ ៖ អ៊ីស្រាអែលនឹងមិនដកទ័ពចេញពីហ្គាហ្សាឡើយ លុះត្រាតែក្រុមហាម៉ាសព្រមទម្លាក់អាវុធទាំងស្រុង
ហ៊្សេរុយសាឡឹម ៖ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ កាលពីថ្ងៃ អង្គារ បានបញ្ជាក់ច្បាស់ៗថា កងទ័ពអ៊ីស្រាអែលនឹងមិនដកថយពីតំបន់ដែលខ្លួនកំពុងកាន់កាប់នៅក្នុងតំបន់ហ្គាហ្សាស្ទ្រីបឡើយ រហូតទាល់តែក្រុមហាម៉ាសប៉ាឡេស្ទីន ត្រូវបានដកហូតអាវុធទាំងស្រុងមុនសិន ។ មេដឹកនាំអ៊ីស្រាអែលរូបនេះ បានអះអាងតាមវីដេអូបង្ហោះលើបណ្តាញសង្គម Facebook ថា លោកនៅតែបន្តប្តេជ្ញាចិត្តការពារផលប្រយោជន៍សន្តិសុខរបស់យើង ហើយអ៊ីស្រាអែលនឹងមិនដកថយពីទីតាំងបច្ចុប្បន្នរបស់យើងឡើយ លុះត្រាតែក្រុមហាម៉ាសត្រូវបានដកហូតអាវុធទាំងស្រុង ។ ការអត្ថាធិប្បាយរបស់លោក ណេតាន់យ៉ាហ៊ូ កើតឡើងចំពេលមានការខ្វែងគំនិតគ្នាលើផែនទីបញ្ហាផ្លូវ ដែលក្រុមប្រឹក្សាសន្តិភាពរបស់លោកប្រធានាធិបតី ដូណាល់ ត្រាំ បានដាក់ចេញ ដើម្បីដកហូតអាវុធរបស់ក្រុមហាម៉ាស និងការដកកងទ័ពរបស់អ៊ីស្រាអែលចេញពីតំបន់ហ្គាហ្សា នៅក្រោមកិច្ចព្រមព្រៀងឈប់បាញ់ ។ បើតាម Anadolu, អ៊ីស្រាអែលបានបន្តរំលោភលើបទឈប់បាញ់ដែលបានចូលជាធរមានចាប់តាំងពីថ្ងៃទី១០ ខែតុលា ឆ្នាំ២០២៥ ដោយបានសម្លាប់ជនជាតិប៉ាឡេស្ទីនប្រហែល ១,២៥២នាក់ និង៤,១២០នាកទៀតរងរបួស ។ បច្ចុប្បន្ន កងទ័ពអ៊ីស្រាអែលកំពុងកាន់កាប់ទឹកដីប្រហែល ៧០% នៃតំបន់ហ្គាហ្សា បន្ទាប់ពីសង្គ្រាមប្រល័យពូជសាសន៍ដែលបានសម្លាប់ជនជាតិប៉ាឡេស្ទីនជាង ៧៣,០០០នាក់ និងរបួសជាង ១៧៤,០០០នាក់ ចាប់តាំងពីខែតុលា ឆ្នាំ២០២៣ នេះបើយោងតាមតួលេខរបស់ភាគីប៉ាឡេស្ទីន ៕ ប្រភព ៖…
-
លោក ហ្សេលេនស្គី ៖ ដ្រូន អ៊ុយក្រែន ធ្វើឱ្យទាហាន រុស្ស៊ី ស្លាប់ និងរបួសជាង ៣ម៉ឺននាក់ ក្នុងខែកក្កដា
កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កាលពីថ្ងៃ អង្គារ បានប្រកាសថា យន្តហោះគ្មានមនុស្សបើកពិឃាតរបស់អ៊ុយក្រែន បានសម្លាប់ ឬធ្វើឱ្យទាហានរុស្ស៊ីជាង ៣០,០០០នាក់រងរបួស នៅទូទាំងសមរភូមិជួរមុខ ក្នុងខែកក្កដា ។ បើតាម Anadolu, លោក ហ្សេលេនស្គី បានអះអាងថា ប្រទេសរុស្ស៊ីកំពុងបាត់បង់កងទ័ពរបស់ខ្លួនប្រហែល ៣០,០០០នាក់ជារៀងរាល់ខែ នៅទូទាំងសមរភូមិជួរមុខ ។ មេដឹកនាំអ៊ុយក្រែនរូបនេះ បានសង្កត់ធ្ងន់ថា សរុបមក ក្នុងអំឡុងខែកក្កដានេះ អង្គភាពទាំងអស់របស់អ៊ុយក្រែននៅសមរភូមិជួរមុខ បានវាយប្រហារដោយយន្តហោះដ្រូនលើទាហានរុស្ស៊ីរហូតដល់ ៣០,២៧២នាក់ ។ លោក ហ្សេលេនស្គី បញ្ជាក់ថា តួលេខដ៏ច្រើននេះ រាប់បញ្ចូលតែករណីដែលមានការបញ្ជាក់តាមរយៈវីដេអូថតជាប់ជាក់ស្តែងពីយន្តហោះដ្រូនប៉ុណ្ណោះ ។ អង្គភាព “Alpha” នៃទីភ្នាក់ងារសន្តិសុខជាតិអ៊ុយក្រែន ហៅកាត់ SBU គឺជាក្រុមដែលទទួលបានជោគជ័យ និងវាយប្រហារចំគោលដៅបានច្រើនជាងគេបំផុត ។ គួរបញ្ជាក់ថា យន្តហោះគ្មានមនុស្សបើក ឬដ្រូន បានក្លាយជាអាវុធយុទ្ធសាស្ត្រដ៏សំខាន់បំផុតមួយនៅក្នុងសង្គ្រាមសម័យទំនើបរវាងរុស្ស៊ី-អ៊ុយក្រែន ដោយសារតែវាមានតម្លៃថោក ងាយស្រួលផលិត និងមានប្រសិទ្ធភាពខ្ពស់ ក្នុងការវាយប្រហារ…
-
តំណាងរដ្ឋាភិបាលលើកទឹកចិត្តដល់អង្គការសង្គមស៊ីវិលបន្តអនុវត្ត បេសកកម្មរបស់ខ្លួនដោយស្មោះត្រង់ និងគោរពច្បាប់
ភ្នំពេញ៖តំណាងរាជរដ្ឋាភិបាលកម្ពុជាបានលើកទឹកចិត្តដល់អង្គការ សង្គមស៊ីវិល ឱ្យបន្តអនុវត្តបេសកកម្មរបស់ខ្លួនដោយស្មោះត្រង់ និងគោរពតាមច្បាប់ជាធរមាន ដើម្បីចូលរួមអភិវឌ្ឍប្រទេសជាតិ ដោយផ្តោតលើអាទិភាព «មនុស្ស ផ្លូវ ទឹក ភ្លើង និងបច្ចេកវិទ្យា» ខណៈអង្គការសង្គមស៊ីវិលក្នុងរាជធានីភ្នំពេញ ប្តេជ្ញាបន្តចូលរួម ជាមួយរាជរដ្ឋាភិបាល ក្នុងការលើកកម្ពស់ការអភិវឌ្ឍសេដ្ឋកិច្ច សង្គម និងជំរុញបរិវត្តកម្មឌីជីថលឱ្យកាន់តែទូលំទូលាយក្នុងសហគមន៍ ។ វេទិកាសម្ព័ន្ធសង្គមស៊ីវិល(វ.ស.ស.)នៃទីស្តីការគណៈរដ្ឋមន្រ្តី សហការជាមួយរដ្ឋបាលរាជធានីភ្នំពេញ រៀបចំវេទិកាសន្ទនា ក្រោម ប្រធានបទស្ដីពី «ការពង្រឹងសមត្ថភាពអង្គការសង្គមស៊ីវិលក្នុងយុគ សម័យឌីជីថល» នៅរាជបណ្ឌិត្យសភាកម្ពុជា កាលពីថ្ងៃទី៤ ខែសីហា ឆ្នាំ២០២៦លោក ប៉ៃ សំបូរ អគ្គលេខាធិការនៃអគ្គលេខាធិការដ្ឋានវ.ស.ស. តំណាងឯកឧត្តម កឹមរ័ត្ន វិសិដ្ឋ នាយករងខុទ្ទកាល័យ សម្តេចនាយករដ្ឋមន្រ្តី ហ៊ុន ម៉ាណែត បានជម្រាបជូនអង្គវេទិកា អំពីការយកចិត្តទុកដាក់ខ្ពស់របស់រាជរដ្ឋាភិបាលចំពោះអង្គការ សង្គម ស៊ីវិលដែលជាដៃគូមិនអាចខ្វះបានសម្រាប់ការអភិវឌ្ឍសង្គមជាតិ និងការលើកកម្ពស់សុខុមាលភាពរបស់ប្រជាពលរដ្ឋនៅថ្នាក់មូលដ្ឋាន។ លោកបានលើកទឹកចិត្តឱ្យអង្គការសង្គមស៊ីវិលបន្តអនុវត្តបេសកកម្ម របស់ខ្លួនដោយស្មោះត្រង់ និងគោរពតាមច្បាប់ជាធរមាន ដើម្បីចូលរួមអភិវឌ្ឍប្រទេសជាតិ ដោយផ្តោតលើអាទិភាព «មនុស្ស ផ្លូវ ទឹក ភ្លើង និងបច្ចេកវិទ្យា» ស្របតាម…
-
កាតា ចោទអ៊ីស្រាអែលថា រារាំងផែនការសន្តិភាពនៅតំបន់ហ្គាហ្សា
ដូហា ៖ ប្រទេសកាតាបានចោទប្រកាន់អ៊ីស្រាអែលថា ជាអ្នកបង្កឱ្យមានការពន្យារពេលក្នុងការអនុវត្តផែនការសន្តិភាពសម្រាប់តំបន់ហ្គាហ្សា។ លោក Majed Al Ansari អ្នកនាំពាក្យក្រសួងការបរទេសកាតា បានប្រាប់អ្នកសារព័ត៌មាន កាលពីថ្ងៃអង្គារថា «វាច្បាស់ណាស់សម្រាប់សហគមន៍អន្តរជាតិថា តើភាគីណាជាអ្នករារាំងការអនុវត្តកិច្ចព្រមព្រៀងនេះ»។ លោកបានបន្ថែមថា «ការទទួលខុសត្រូវទាំងស្រុងគឺស្ថិតនៅលើភាគីអ៊ីស្រាអែល»។ ការចោទប្រកាន់នេះបានកើតឡើង បន្ទាប់ពីប្រធានាធិបតីអាមេរិក លោក ដូណាល់ ត្រាំ បានលើកឡើងថា ក្រុមហាម៉ាស (Hamas) បានយល់ព្រមដាក់អាវុធចុះ ប៉ុន្តែអ៊ីស្រាអែលនៅតែបដិសេធមិនព្រមដកកងកម្លាំងចេញពីតំបន់នោះ។ គួររម្លឹកថា នៅក្នុងខែមករា ឆ្នាំ២០២៥ អ៊ីស្រាអែល និងក្រុមហាម៉ាសបានសម្រេចកិច្ចព្រមព្រៀងបទឈប់បាញ់មួយ ក្រោមការសម្របសម្រួលពីអាមេរិក អេហ្ស៊ីប និងកាតា។ ប៉ុន្តែ ក្រុមប៉ាឡេស្ទីនថា អ៊ីស្រាអែលនៅតែបន្តវាយប្រហារ។ ជាក់ស្តែង នៅថ្ងៃទី១ និងទី២ ខែសីហា អ៊ីស្រាអែលបន្តការវាយប្រហារ បណ្តាលឲ្យ ស្លាប់ជនជាតិប៉ាឡេស្ទីន ១៩នាក់ នេះបើតាមប្រភពពីមន្ទីរពេទ្យ ក្នុងតំបន់ គ្រប់គ្រងដោយហាម៉ាស់៕ ប្រភព ៖ AFP ប្រែសម្រួល ៖ សារ៉ាត
-
កូរ៉េខាងជើង ចោទ អាមេរិក ជប៉ុន និងកូរ៉េខាងត្បូង រួមគ្នាបង្កើត “វិបត្តិសន្តិសុខថ្មី” នៅអាស៊ីប៉ាស៊ីហ្វិក
ព្យុងយ៉ាង ៖ ប្រទេសកូរ៉េខាងជើងបានចោទប្រកាន់សហរដ្ឋអាមេរិក ជប៉ុន និងកូរ៉េខាងត្បូង ថាបានរួមគ្នាបង្កើត “វិបត្តិសន្តិសុខថ្មី” មួយនៅក្នុងតំបន់អាស៊ីប៉ាស៊ីហ្វិក ហើយថា ការពង្រីកកិច្ចសហប្រតិបត្តិការយោធារបស់ប្រទេសទាំង ៣ កំពុងបង្កការគំរាមកំហែងដល់ស្ថិរភាពតំបន់ទាំងមូល ។ តាមរយៈបទអត្ថាធិប្បាយយោធា ដែលចេញផ្សាយដោយទីភ្នាក់ងារសារព័ត៌មាន KCNA នៅថ្ងៃអង្គារនេះ, កូរ៉េខាងជើងបានរិះគន់មិនសំចៃមាត់ថា សម្ព័ន្ធមិត្តទាំង ៣ កំពុងពង្រឹងសមត្ថភាពធ្វើសង្គ្រាមរួមគ្នា តាមរយៈការធ្វើសមយុទ្ធយោធាទ្រង់ទ្រាយធំជាមួយអាមេរិក ។ តួយ៉ាង សមយុទ្ធជើងទឹក Rim of the Pacific ដែលដឹកនាំដោយសហរដ្ឋអាមេរិកនាពេលថ្មីៗនេះ គឺជាការហាត់សមធ្វើសង្គ្រាមជើងទឹក និងជាការបញ្ចេញសាច់ដុំយោធាជើងទឹកអន្តរជាតិរួមគ្នាដ៏ធំបំផុតក្នុងពិភពលោក ។ KCNA រាយការណ៍ថា សមយុទ្ធ Rim of the Pacific ឆ្នាំនេះ មានការចូលរួមពីបុគ្គលិកយោធាជាង ៣ម៉ឺននាក់ នាវាចម្បាំងជាង ៣០គ្រឿង នាវាមុជទឹក ៥គ្រឿង និងយន្តហោះជាតិ ១៩០គ្រឿង ។ កាសែតកូរ៉េខាងជើងមួយនេះពិពណ៌នាសមយុទ្ធនោះថា ជា “ការហាត់សមសម្រាប់ការឈ្លានពាន” និងបានចោទប្រកាន់សហរដ្ឋអាមេរិកថា កំពុងស្វែងរកការត្រួតត្រាផ្លូវយោធានៅក្នុងតំបន់…