ក្រសួងបរិស្ថាន និងអង្គការអភិរក្សអន្តរជាតិកម្ពុជា (CI) បានចុះហត្ថលេខាលើអនុស្សរណៈនៃការយោគយល់គ្នា ដើម្បីពង្រឹងកិច្ចសហប្រតិបត្តិការលើការគ្រប់គ្រង និងអភិរក្សធនធានធម្មជាតិនៅកម្ពុជា រយៈពេល ៥ឆ្នាំ ចាប់ពីឆ្នាំ២០២៦ដល់២០៣១។ កិច្ចសហការនេះផ្តោតលើការការពារ និងអភិរក្សធនធានធម្មជាតិ ការស្រាវជ្រាវ និងបច្ចេកវិទ្យា ព្រមទាំងការអភិវឌ្ឍសហគមន៍ ការកសាងសមត្ថភាព និងនិរន្តរភាពហិរញ្ញវត្ថុ។ អង្គការ CI បញ្ជាក់ថា អនុស្សរណៈនេះក៏មានគោលបំណងធ្វើឱ្យយុទ្ធសាស្ត្ររបស់អង្គការ CI ស្របគ្នាយ៉ា​ង​ពេញលេញជាមួយគោលនយោបាយរបស់រាជរដ្ឋាភិបាលកម្ពុជា និង «យុទ្ធសាស្ត្រចក្រាវិស័យបរិស្ថាន ឆ្នាំ២០២៣-២០២៨» របស់ក្រសួងបរិស្ថាន។ តាមរយៈកិច្ចសហប្រតិបត្តិការនេះ ភាគីទាំងពីរនឹងរួមចំ​ណែកយ៉ាងសំខាន់ដល់ការគ្រប់គ្រងធនធានធម្មជាតិប្រកបដោយនិរន្តរភាព ការអភិរក្សជីវៈចម្រុះ ការឆ្លើយតបនឹងការប្រែប្រួលអាកាសធាតុ និងការលើកកម្ពស់ជីវភាពសហគមន៍មូលដ្ឋាននៅក្នុងតំបន់ការពារធម្មជាតិផងដែរ។ ឯកឧត្តម ខ្វៃ​ អាទិត្យា អ្នកនាំពាក្យក្រសួងបរិស្ថាន បានប្រាប់បណ្ដាញព័ត៌មាន AMS ថា កិច្ចសហការរវាងក្រសួងបរិស្ថាន និងអង្គការអភិរក្សអន្តរជាតិកម្ពុជា គឺមានសារៈសំខាន់ជាយុទ្ធសាស្ត្រក្នុងការបង្កើនគម្របបៃតងនៅកម្ពុជា តាមរយៈការពង្រឹងគ្រប់គ្រងធនធានធម្មជាតិ និងការអភិរក្សធជីវៈចម្រុះ និងការអភិវឌ្ឍសហគមន៍ប្រកបដោយចីរភាព។ អ្នកនាំពាក្យក្រសួងបរិស្ថានបានឲ្យដឹងទៀតថា កន្លងមក​ ភាពដៃគូរវាងក្រសួងបរិស្ថាន និងអង្គការ CI បានចូលរួមគ្រប់គ្រងតំបន់ការពារធម្មជាតិចំនួន ៤ នៅកម្ពុជា រួមមាន តំបន់បឹងទន្លេសាប នៅឧទ្យានជាតិតំបន់ទេសភាពជួរភ្នំក្រវាញកណ្តាល ដែនជម្រកសត្វព្រៃព្រៃឡង់ និងឧទ្យានជាតិវើនសៃ-សៀមប៉ាង ដែលមានផ្ទៃដីសរុបប្រមាណជាងមួយលានហិកតា៕…

ការពង្រីកវិសាលភាពហោះហើរ៖ ភាពជាដៃគូសហការថ្មីនេះនឹងត្រួសត្រាយផ្លូវសម្រាប់ពង្រីកផ្លូវហោះហើរបន្ថែមជាង ១០០ ខ្សែទៀត ក្នុងរយៈពេលខ្លី និងរយៈពេលវែង។ ការពង្រឹងទំនាក់ទំនងរវាងអាស៊ី – អឺរ៉ុប៖ ក្រុមហ៊ុនអាកាសចរណ៍ AirAsia នឹងបង្កើនការតភ្ជាប់ជើងហោះហើរ ទៅកាន់ទីក្រុងអ៊ីស្តង់ប៊ុល រហូតដល់ចំនួន ៧ ជើងហោះហើរក្នុងមួយសប្តាហ៍។ កូឡាឡាំពួរទៅកាន់អឺរ៉ុប៖ ក្រុមហ៊ុនអាកាសចរណ៍ AirAsia បើកផ្លូវហោះហើរទៅកាន់​ Stansted (ទីក្រុងឡុងដ៍), Vnukovo (ទីក្រុងម៉ូស្គូ), Esenboga (ទីក្រុងអង់ការ៉ា), Zurich (ប្រទេសស្វីស) និង ទីក្រុង​ Athens (ប្រទេសក្រិក) តាមរយៈទីក្រុងអ៊ីស្តង់ប៊ុល ជាមួយនឹងតម្លៃសំបុត្រពិសេសចាប់ពី ៧៩៩* រីងហ្គីតម៉ាឡេស៊ីសម្រាប់ការហោះហើរមួយជើង។ នៅទីក្រុងសេប៉ាំង (Sepang) ថ្ងៃទី២ ខែកញ្ញា ឆ្នាំ២០២៦៖ ក្រុមហ៊ុនអាកាសចរណ៍ AirAsia កំពុងបោះជំហានដ៏សំខាន់មួយទៀតក្នុងការពង្រីកការតភ្ជាប់ជើងហោះហើរអន្តរជាតិរបស់ខ្លួន ជាមួយនឹង​ការ​ដាក់ឱ្យដំណើរការប្រើប្រាស់ជើងហោះហើររួមតែមួយ (Codeshare) ជាលើកដំបូងបង្អស់ ក្រោមរូបភាពជាដៃគូប្រើប្រាស់ជើងហោះហើររួមតែមួយ​ជាមួយនឹងក្រុមហ៊ុនអាកាសចរណ៍តម្លៃសមរម្យ (LCC) ដ៏ធំបំផុតរបស់ប្រទេសទួរគី ក្រុមហ៊ុនអាកាសចរណ៍ Pegasus ដែលបើកផ្លូវតភ្ជាប់ជើងហោះហើរឱ្យរលូនរវាងអាស៊ីអាគ្នេយ៍ និងអឺរ៉ុប តាមរយៈទីក្រុងអ៊ីស្តង់ប៊ុល។             ភាពជាដៃគូ​នេះបានប្រមូលផ្តុំ​ក្រុមហ៊ុនអាកាសចរណ៍តម្លៃសមរម្យ (LCC) ដ៏មានសក្តានុពលចំនួនពីរមកពីអាស៊ាន​ និងអឺរ៉ុប ដោយភ្ជាប់បណ្តាញហោះហើរដ៏ទូលំទូលាយរបស់ក្រុមហ៊ុនអាកាសចរណ៍…

ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានរំលេចពីមូលហេតុចម្បងចំនួន ៤ ដែលនាំឱ្យមានកំណើនបទល្មើសឆបោកតាមប្រព័ន្ធបច្ចេកវិទ្យា (Online Scams) នៅលើពិភពលោក រួមទាំងប្រទេសកម្ពុជា។ នេះបើតាមការថ្លែងពីប្រមុខក្រសួងមហាផ្ទៃ ក្នុងវេទិកាកម្រិតខ្ពស់នៃសន្និសីទអន្តរជាតិស្ដីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នាព្រឹកថ្ងៃទី២៣ ខែកញ្ញា ឆ្នាំ២០២៦ ដែលប្រារព្ធពិធីបើកក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ បើតាមឯកឧត្តមអភិសន្តិបណ្ឌិត មូលហេតុចម្បងនោះ រួមមាន ១-មធ្យោបាយនៃការប្រព្រឹត្តបទល្មើសមានភាពងាយស្រួល ដោយគ្រាន់តែមានប្រព័ន្ធអ៊ីនធឺណិតនិងឧបករណ៍អេឡិចត្រូនិចមួយ ២-ភាពចន្លោះប្រហោងនៃច្បាប់និងយុត្តាធិការរវាងប្រទេសនីមួយៗ ៣-ការចំណាយដើមទុនតិចទទួលបានផលច្រើន និង៤-ការផ្លាស់ប្តូរទម្លាប់នៃការរស់នៅរបស់ប្រជាពលរដ្ឋនិងការធ្វើពាណិជ្ជកម្មដោយផ្ទាល់ទៅជាការទំនាក់ទំនងនិងទូទាត់ប្រាក់តាមប្រព័ន្ធឌីជីថល និងរូបិយប័ណ្ណគ្រីបតូ។ ប្រឈមមុខនឹងបញ្ហានេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី បានគូសបញ្ជាក់ថា រាជរដ្ឋាភិបាលកម្ពុជា ក្រោមការដឹកនាំ របស់សម្ដេចធិបតី ហ៊ុន ម៉ាណែត នាយករដ្ឋមន្ត្រី បានចាត់ទុកការប្រយុទ្ធប្រឆាំងបទល្មើស Online scams ជារបៀបវារៈអាទិភាពបំផុត ដោយបានដាក់ឱ្យអនុវត្តច្បាប់ស្ដីពី «ការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» ជាពិសេសក៏បានដាក់ចេញនូវយន្តការជាបន្តបន្ទាប់ដែលក្នុងនោះមានជាអាទិ៍ ការបង្កើតគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ការដាក់ចេញនូវក្របខ័ណ្ឌច្បាប់ និងលិខិតបទដ្ឋានគតិយុត្តិពាក់ព័ន្ធក្នុងការឆ្លើយតបនឹងបទល្មើសនេះ។ ឯកឧត្តមអភិសន្តិបណ្ឌិត ស…

នាឱកាសចូលរួមថ្លែងសុន្ទរកថា លើប្រធានបទ «ការឆ្លើយតបក្នុងតំបន់និងសាកលលោកចំពោះការឆបោកតាមប្រព័ន្ធបច្ចេកវិទ្យា» ឯកឧត្តម កែវ វណ្ណថន រដ្ឋលេខាធិការក្រសួងមហាផ្ទៃ បានថ្លែងថា ឆ្លើយតបនឹងការវិវឌ្ឍន៍យ៉ាងឆាប់រហ័សនៃឧក្រិដ្ឋកម្មឆបោកតាមប្រព័ន្ធបច្ចេកវិទ្យា បណ្តាប្រទេសជាច្រើន និងអង្គការអន្តរជាតិ បានខិតខំប្រឹងប្រែងដាក់ចេញនូវក្របខណ្ឌច្បាប់ និងយន្តការកិច្ចសហប្រតិបត្តិការជាបន្តបន្ទាប់ និងថា ការឆ្លើយតបក្នុងតំបន់និងសាកលលោក រួមទាំងកម្លាំងអនុវត្តច្បាប់កម្ពុជាក៏មានការវិវឌ្ឍន៍ទៅតាមបទល្មើសនេះដូចគ្នាដែរ។ បើតាមឯកឧត្តមរដ្ឋលេខាធិការក្រសួងមហាផ្ទៃ ការឆ្លើយតបបញ្ហានេះ ដំបូងឡើយផ្តោតលើការការពារជនរងគ្រោះពីការឆបោក តាមរយៈការលើកកម្ពស់ការយល់ដឹង និងវិធានការបង្ការដទៃទៀត ប៉ុន្តែវិធានការទាំងនេះ មិនអាចទប់ស្កាត់ឧក្រិដ្ឋកម្មឆបោកនេះមិនឱ្យរីកធំធាត់បាននោះឡើយ ដូច្នេះបានជាមានការផ្លាស់ប្តូរពីការការពារប្រជាពលរដ្ឋរៀងៗខ្លួន ទៅជាការធ្វើសកម្មភាព រួមគ្នាដើម្បីបំផ្លាញបណ្តាញឧក្រិដ្ឋកម្មទាំងនេះ ទើបអាចធានានូវសន្តិសុខ-សុវត្ថិភាពសម្រាប់ប្រជាជន និងសង្គម។ «ប្រទេសកម្ពុជា ក្នុងនាមជាប្រទេសហត្ថលេខីនៃអនុសញ្ញាខាងលើ បានឈានមួយជំហាន ដែលបានទៅមុខ ក្នុងការរៀបចំក្របខណ្ឌច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា ប្រកាសដាក់ឱ្យប្រើប្រាស់កាលពីខែមេសា ឆ្នាំ២០២៦កន្លងទៅ»។ ឯកឧត្តមរដ្ឋលេខាធិការ បានថ្លែងបន្ថែមយ៉ាងដូច្នេះ ដោយបានបន្តទៀតថា ការបង្កើតច្បាប់ថ្មីនេះ បានបំពេញនូវចន្លោះប្រហោងនៃច្បាប់កន្លងមក និងលើកកម្ពស់ប្រសិទ្ធភាព នៃការធ្វើកិច្ចសហប្រតិបត្តិការជាមួយបណ្តាប្រទេស ក៏ដូចជាប្រសិទ្ធភាពនៃការប្រឆាំងការសម្អាតប្រាក់ ដែលពាក់ព័ន្ធនឹងការឆបោកតាមប្រព័ន្ធបច្ចេកវិទ្យា។ នៅចំពោះមុខ អង្គវេទិកាមានការចូលរួមថ្លែងសុន្ទរកថា និងវាគ្មិនពីតំណាងលេខាធិការដ្ឋានមេគង្គ ឡានឆាង ទីភ្នាក់ងារស៊ើបអង្កេតសហព័ន្ធ FBI នគរបាលសហព័ន្ធអូស្រ្តាលី អគ្គលេខាធិការអាស៊ាន មូលនិធិរូបិយវត្ថុអន្តរជាតិ IMF និងអង្គការនគរបាលព្រហ្មទណ្ឌអន្តរជាតិ…

ប្រតិភូនៃក្រុមហ៊ុនអន្តរជាតិដែលរកស៊ីលើវិស័យទេស ចរណ៍ប្រមាណជាង៧០០នាក់ មកពី១៧០ប្រទេស បាន​មក ចូលរួមមហាសន្និបាតពិភពលោកឆ្នាំ២០២៦(GX Conference)ដែលកម្ពុជាទទួលធ្វើជាម្ចាស់ផ្ទះ ចាប់ពីថ្ងៃ​ទី២៣ ដល់ថ្ងៃទី២៨ ខែកញ្ញា ឆ្នាំ២០២៦នៅរាជធានីភ្នំពេញ និងខេត្តសៀមរាប។ លោកជំទាវ ឆាយ ស៊ីវលីន ប្រធានសមាគមទេសចរណ៍ កម្ពុជា បានប្រាប់បណ្តាញព័ត៌មាន AMS កាលពី​ព្រឹក​ថ្ងៃទី២២ ខែកញ្ញា ឆ្នាំ២០២៦ថា វត្តមានរបស់អ្នកវិនិយោគ និងតំណាង ក្រុមហ៊ុនទេសចរណ៍អន្តរជាតិ​ពីបណ្តា​ប្រទេស​ជាច្រើនមកចូល រួមមហាសន្និបាតពិភពលោកឆ្នាំ២០២៦ គឺជាឱកាសរបស់កម្ពុជា ក្នុង ការបង្ហាញពីសក្តានុពលទេស​ចរណ៍ និងផលិតផល ទេសចរណ៍របស់ខ្លួនទៅកាន់ទីផ្សារអន្តរជាតិ ដើម្បីបញ្រ្ជាប ការយល់ដឹងរបស់ភ្ញៀវ និង​ដៃគូ​អន្តរជាតិ​​អំពីកម្ពុជា លោកជំទាវបានបញ្ជាក់ថា ក្រៅពីក្រុមហ៊ុនទេសចរណ៍ជំនាញ ក៏មានអ្នកសារព័ត៌មាន អ្នកផលិតមាតិកា និង Influencers អន្តរជាតិចូលរួមផងដែរ។ វត្តមានរបស់ក្រុមអ្នកផលិតព័ត៌មាន និងមាតិកាទាំងនេះ អាចជួយផ្សព្វផ្សាយ​អំពីគោលដៅ ទេសចរណ៍ វប្បធម៌ ប្រវត្តិសាស្ត្រ បេតិកភណ្ឌ ធម្មជាតិ និង ផលិតផលទេសចរណ៍របស់កម្ពុជា​ទៅកាន់​អ្នកទស្សនានៅ តាមទីផ្សារអន្តរជាតិ។ លោកជំទាវបានឱ្យដឹងទៀតថា ក្នុងនាមជាម្ចាស់ផ្ទះ​ក៏មានការ​រៀបចំជាដំណើរទស្សនកិច្ច​ពិរព័ណ៍ម្ហូប​អាហារខ្មែរ​នៅវត្តភ្នំ,ការលេងល្បែងប្រជាប្រិយខ្មែរជាដើម។ក្រៅពីនោះ ក៏មានការដំណើរទស្សនាសារមន្ទីរជាតិ ,…

សហភាពអឺរ៉ុបផ្តល់ជំនួយឥតសំណងចំនួន ១លាន ៨សែនដុល្លារ ដល់កម្ពុជា ដើម្បីគាំទ្រសកម្មភាពបោសសម្អាតមីននៅនៅខេត្តព្រះវិហារ និងឧត្តរមានជ័យ។ សហភាពអឺរ៉ុបបានអនុម័តផ្តល់ហិរញ្ញប្បទានឥតសំណងចំនួន ១លាន ៨សែនដុល្លារអាមេរិក ដើម្បីគាំទ្រសកម្មភាពបោសសម្អាតមីនរបស់អង្គភាព CMAC សហការជាមួយអង្គការ APOPO សម្រាប់រយ:ពេល១៨ខែ ចាប់ពីខែតុលា ឆ្នាំ២០២៦នេះតទៅ។ ការប្រកាសផ្តល់ជំនួយនេះធ្វើឡើងក្នុងជំនួបពិភាក្សារវាងឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់ ជាមួយគណៈប្រតិភូសហភាពអឺរ៉ុបប្រចាំតំបន់ ដឹកនាំដោយលោក Andreas Roettger ប្រធានក្រុមការងារគោលនយោបាយការបរទេស (FPI) នៅសារមន្ទីរតេជោសន្តិភាព ក្នុងខេត្តសៀមរាប កាលពីរសៀលថ្ងៃទី ២២ ខែកញ្ញា ឆ្នាំ២០២៦។ អគ្គនាយកស៊ីម៉ាក់បានបញ្ជាក់ថា គម្រោងនេះត្រូវប្រតិបតិ្តការនៅខេត្តព្រះវិហារ និងឧត្តរមានជ័យ។ ជំនួយនេះនឹងត្រូវប្រើប្រាស់សម្រាប់បោសសម្អាតផ្ទៃរងផលប៉ះពាល់ប្រមាណជាង ៦ពាន់ហិកតា ការអប់រំពលរដ្ឋឲ្យយល់ដឹងពីគ្រោះថ្នាក់ដោយសារមីន និងការងារស្រាវជ្រាវព័ត៌មានកាត់ផ្ទៃដីរងផលប៉ះពាល់ដោយសារសំណល់យុទ្ធភណ្ឌ”។ ឯកឧត្តម ហេង រតនា បានថ្លែងអំណរគុណចំពោះការកោតសរសើរ និងការគាំទ្ររបស់សហភាពអឺរ៉ុប និងបានបញ្ជាក់ពីការប្តេជ្ញាចិត្តរបស់អង្គភាព CMAC ក្នុងការបន្តពង្រឹងភាពជាដៃគូ និងកិច្ចសហប្រតិបត្តិការជាមួយAPOPO និងសហគមន៍អឺរ៉ប ដើម្បីកម្ចាត់ភាពគំរាមកំហែងដោយសារសំណល់យុទ្ធភណ្ឌសង្គ្រាម កសាងក្តីសង្ឃឹម និងអនាគតរុងរឿងសម្រាប់ប្រជាជនខ្មែរ៕ ដោយ៖ម៉ាដេប៉ូ