បរទេស៖ រូបសំណាកអាក្រាតកាយ បេក្ខភាពប្រធានាធិបតីអាមេរិក Donald Trump ដែលដាក់ស្លាកថា «គួរឲ្យអាណិត» កម្ពស់១៣ម៉ែត្រ ត្រូវបានសាងសង់ នៅលើដីមួយកន្លែង ក្បែរផ្លូវហាយវេ នៅក្នុងរដ្ឋ Nevada នាពេលថ្មីៗនេះ នេះបើតាមការចេញផ្សាយរបស់កាសែត Sky News។ យ៉ាងណាមិញ មិនមានការបញ្ជាក់ច្បាស់ថា អ្នកណានៅពីក្រោយរូបចម្លាក់នេះនោះទេ ប៉ុន្តែ គណបក្សសាធារណរដ្ឋ ប្រចាំនៅ Nevada បាននិយាយថា ខ្លួន«ថ្កោលទោសយ៉ាងខ្លាំងចំពោះរូបចម្លាក់ដ៏គួរឱ្យសោកស្ដាយ» ដោយបន្ថែមថា «វាជាការប្រមាថ មើលងាយ»។ អ្នកនាំពាក្យរបស់សិល្បករអនាមិក ដែលនៅពីក្រោយការងារនេះ បាននិយាយថា ការដំឡើងនេះមានឈ្មោះថា «ឃោរឃៅ និងអាសអាភាស»។ គេបានប្រាប់ស្ថានីយទូរទស្សន៍ក្នុងស្រុក ឈ្មោះ KSNV ថារូបសំណាកនេះ ត្រូវបានធ្វើពីស្នោ នៅលើរបារដែក ដោយមានបំណង «បញ្ឆេះការសន្ទនា» នេះបើតាម Sky News ដដែល។ យ៉ាងណាមិញ រូបសំណាកនេះ ត្រូវដកចេញវិញ នៅយប់ថ្ងៃច័ន្ទ សប្តាហ៍នេះ។ គួរឲ្យដឹងថា រដ្ឋ Nevada…

បាងកក៖ រដ្ឋាភិបាលថៃនឹងបង់ប្រាក់សំណង ១លានបាត ឬ ជាង៣ម៉ឺនដុល្លារ ដល់ក្រុមគ្រួសារសពសិស្សនិងគ្រូជាង២០នាក់ ដែលបានស្លាប់ ក្នុងសោកនាដកម្មឆេះរថយន្តក្រុង តាមរយៈមូលនិធិសង្គ្រោះគ្រោះមហន្តរាយ នៃការិយាល័យនាយករដ្ឋមន្ត្រី នេះបើតាម The Nation បានចេញផ្សាយ កាលពីថ្ងៃពុធ។ ការសម្រេចនេះបានធ្វើឡើង ក្នុងជំនួបរវាងរដ្ឋមន្ត្រីក្រសួងដឹកជញ្ជូន លោក Suriya និង មូលនិធិមួយនេះ កាលពីថ្ងៃពុធ។ បន្ទាប់ពីបញ្ចប់កិច្ចប្រជុំ លោក Suriya បាននិយាយថា មូលនិធិបានសម្រេចបង់ប្រាក់ចំនួន ១លានបាតសម្រាប់ជីវិតដែលបាត់បង់ ម្នាក់ៗ។ រីឯអ្នកដែលរួចផុតពីការស្លាប់ ទទួលបានសំណងចន្លោះពី១០ម៉ឺន ទៅ ៧០ម៉ឺនបាត អាស្រ័យលើស្ថានភាពរបួស។ លោក Suriya បាននិយាយថា លោកស្រី នាយករដ្ឋមន្ត្រី Paetongtarn បានណែនាំដល់ទីភ្នាក់ងាររដ្ឋាភិបាល ពាក់ព័ន្ធទាំងអស់ ឱ្យពន្លឿនជំនួយ និងសំណងសម្រាប់គ្រួសារជនរងគ្រោះ។ លោកថា ក្រៅពីសំណងពីមូលនិធិនេះ ក្រសួងយុត្តិធម៌ក៏នឹងផ្តល់សំណងចំនួន២០ម៉ឺនបាត ដល់គ្រួសារអ្នកស្លាប់ ក្នុងគ្រោះអគ្គិភ័យ និង៤ម៉ឺនបាត ដល់អ្នករបួស។ លោក Suriya បន្ថែមថា ក្រសួងអភិវឌ្ឍន៍សង្គម…

បរទេស៖ សហរដ្ឋអាមេរិកគឺជាប្រទេសដែលមានអ្នកទោសច្រើនជាងគេ នៅលើពិភពលោក នេះបើតាមទីភ្នាក់ងារ Seasia Stats ចេញផ្សាយ នាពេលថ្មីៗនេះ។ មនុស្សប្រហែល ១១លាន៥សែននាក់ ត្រូវបានឃុំខ្លួន នៅក្នុងស្ថាប័នព្រហ្មទណ្ឌ ទូទាំងពិភពលោក នេះបើយោងតាមការចេញផ្សាយចុងក្រោយបំផុត នៃបញ្ជីមនុស្សនៅក្នុងពន្ធនាគារពិភពលោក ដែលចងក្រងដោយវិទ្យាស្ថានស្រាវជ្រាវគោលនយោបាយឧក្រិដ្ឋកម្ម និងយុត្តិធម៌ ហៅកាត់ ICPR នៅសាកលវិទ្យាល័យ Birkbeck, University of London ចក្រភពអង់គ្លេស។ ប្រភពពី Seasia Stats បានបញ្ជាក់ថា មកដល់ឆ្នាំ២០២៤នេះ អាមេរិកមានអ្នកទោស ចំនួន១លាន៨សែននាក់ ដោយគេដឹងថា ក្នុងចំណោមអ្នកទោសសកល១០ម៉ឺននាក់ មានអាមេរិក ៥៣១នាក់។ បន្ទាប់មក ប្រទេសចិន មានអ្នកទោសសរុប១លាន៦៩ម៉ឺននាក់។ ប្រទេសប្រេស៊ីល ជាប់ចំណាត់ថ្នាក់លេខ៣ មានអ្នកទោសសរុប ជាង៨៥ម៉ឺននាក់, ឥណ្ឌា លេខបួន មានជាង៥៧ម៉ឺននាក់, លេខ៥ គឺប្រទេសរុស្ស៊ីដែលមានអ្នកទោសចំនួនជាង៤៣ម៉ឺននាក់។ ប្រទេសថៃ និងឥណ្ឌូណេស៊ី ក៏បានជាប់ក្នុងចំណោមប្រទេសទាំង១០ ដែលមានអ្នកទោសច្រើនជាងគេ លើពិភពលោកផងដែរ នេះបើតាម Seasia…

តូក្យូ : ទីភ្នាក់ងារឧតុនិយមបាននិយាយកាល ពីថ្ងៃអង្គារសប្តាហ៍នេះថា ប្រទេសជប៉ុនបានកត់ត្រាអាកាសធាតុក្តៅបំផុតជាលើកទីពីរក្នុងខែកញ្ញា នៅក្នុងតំបន់មួយចំនួន។ ទីភ្នាក់ងារឧតុនិយមបាននិយាយថា ប្រទេសជប៉ុនបានកត់ត្រាអាកាសធាតុក្តៅបំផុតជាលើកទីពីរក្នុងខែកញ្ញាឆ្នាំនេះ ហើយវាត្រូវបានគេចាត់ទុកថា ទំនងជាខែក្តៅបំផុតក្នុងប្រវត្តិសាស្ត្រមនុស្សជាតិ។ ទីភ្នាក់ងារឧតុនិយមជប៉ុនបាននិយាយថា នៅទូទាំងប្រជុំកោះមួយចំនួន សីតុណ្ហភាពជាមធ្យមប្រចាំខែគឺ ២.៥២អង្សាសេ ខ្ពស់ជាងធម្មតា។ បើតាមសេចក្តីថ្លែងការណ៍ នេះគឺជាតួលេខខ្ពស់បំផុតលើកទីពីរ ចាប់តាំងពីការចាប់ផ្តើមស្ថិតិក្នុងឆ្នាំ ១៨៩៨ បន្ទាប់ពីលើកដំបូងកើតឡើងកាលពីឆ្នាំមុន។ ទីភ្នាក់ងារនេះបន្ថែមថា សីតុណ្ហភាពនៃផ្ទៃមហាសមុទ្រនៅជិតប្រទេសជប៉ុន ហក់ឡើងខ្ពស់គួរឱ្យកត់សម្គាល់ ដែលវាអាចរួមចំណែកដល់ការកើនឡើងសីតុណ្ហភាពខ្ពស់នៅលើដីគោក ដោយលើកឡើងពីឥទ្ធិពលរយៈពេលវែងនៃការឡើងកំដៅផែនដី។ សីតុណ្ហភាពសកលជាមធ្យមនៅលើផ្ទៃផែនដី គឺ 16.82C ១៦.៨២អង្សាសេនៅក្នុងខែសីហា នេះបើយោងតាមអ្នកត្រួតពិនិត្យឧតុនិយមរបស់សហភាពអឺរ៉ុប Copernicus។ សីតុណ្ហភាពសកលខែមិថុនា និងខែសីហា បានហក់ដល់កម្រិត ១.៥អង្សាសេ លើសពីមធ្យមភាគមុនឧស្សាហកម្ម ដែលជាកម្រិតសំខាន់សម្រាប់កំណត់ផលប៉ះពាល់ដ៏អាក្រក់បំផុតនៃការប្រែប្រួលអាកាសធាតុ។ ការបំភាយឧស្ម័នផ្ទះកញ្ចក់ដែលបង្កឡើងដោយមនុស្សក៏កំពុងធ្វើឱ្យភពផែនដីឡើងកំដៅផងដែរ ដោយបង្កើនលទ្ធភាព និងអាំងតង់ស៊ីតេនៃគ្រោះមហន្តរាយអាកាសធាតុ ដូចជាគ្រោះរាំងស្ងួត ភ្លើងឆេះព្រៃ និងទឹកជំនន់៕ ប្រភព : AFP ប្រែសម្រួលដោយ : ឈឹម ទីណា