លោក យ៉ូស៊ីហ៊ីសា កៃនូម៉ា (Yoshihisa KAINUMA) អគ្គនាយកក្រុមហ៊ុន Minebea Mitsumi Co., Ltd បានបញ្ជាក់ថា ជម្លោះព្រំដែនកម្ពុជា-ថៃ បានប៉ះពាល់ខ្លះដល់ការដឹកជញ្ជូនឆ្លងកាត់ព្រំដែន ប៉ុន្តែវាមិនបានប៉ះពាល់ដល់ដំណើររបស់ក្រុមហ៊ុន Minebea នៅកម្ពុជានោះទេ ពោលគឺក្រុមហ៊ុននៅតែដំណើរការដោយរលូនជាធម្មតា ដែលបង្ហាញពីភាពធន់មួយរបស់​កម្ពុជាក្នុងការថែរក្សាអ្នកវិនិយោគ។ ការបញ្ជាក់នេះធ្វើឡើងក្នុងពេលលោកអគ្គនាយកក្រុមហ៊ុនយក្សជប៉ុនចូលជួបសម្ដែងការគួរសម និងពិភាក្សាការងារជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា នៅវិមានសាមគ្គីភាពនៃព្រឹទ្ធសភា នាព្រឹកថ្ងៃទី២៨ ខែកក្កដានេះ។ យោងតាមឯកឧត្តម ជា ធីរិទ្ធ អ្នកនាំពាក្យព្រឹទ្ធសភាកម្ពុជា លោកអគ្គនាយកក្រុមហ៊ុន Minebea បានជម្រាបជូនសម្ដេចតេជោថា ក្រុមហ៊ុន Minebea បានបើករោងចក្រ​ពីរកន្លែងនៅតំបន់សេដ្ឋកិច្ចពិសេសភ្នំពេញ និងនៅខេត្តពោធិ៍សាត់ ដែលបានចូលរួមចំណែកក្នុងការបង្កើតការងារដល់ប្រជាពលរដ្ឋកម្ពុជាជាច្រើននាក់។​ នៅខេត្តពោធិ៍សាត់ ក្រុមហ៊ុនក៏កំពុងតែបង្កើតរោងចក្រថាមពលអគ្គិសនីដើរដោយពន្លឺព្រះអាទិត្យផងដែរ។ ប្រធានក្រុមហ៊ុនរូបនេះបានបន្ថែមថា ការវិនិយោគនៅក្នុងប្រទេសកម្ពុជា គឺជាការវិនិយោគដ៏ទុកចិត្ត គ្មានការបារម្ភអ្វីនោះឡើយ។ នៅក្នុងជំនួបនោះដែរ សម្តេចតេជោ ហ៊ុន សែន បានសម្តែងភាព​រីករាយចំពោះការរីកចម្រើនរបស់ក្រុមហ៊ុន ដែលបង្ហាញពីភាពធុនរបស់ក្រុមហ៊ុននៅក្នុងប្រទេសកម្ពុជា ទោះបីជាមានឧបសគ្គខ្លះ ក៏ប៉ុន្តែមិនបានឲ្យក្រុមហ៊ុនជួបនូវផលប៉ះពាល់ឡើយ។ ជាមួយគ្នានេះ សម្ដេចតេជោក៏បានបញ្ជាក់ទៅកាន់អ្នកវិនិយោគជប៉ុនថា សូមបន្តជឿជាក់លើរដ្ឋាភិបាលកម្ពុជា ដែលនឹងធ្វើឲ្យបរិយាកាសវិនិយោគកាន់តែមានភាពល្អប្រសើរបន្ថែមទៀត។ ក្រៅពីជំនួបជាមួយសម្ដេចតេជោ អគ្គនាយកក្រុមហ៊ុន…

ភ្នំពេញ ៖ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ បានអំពាវនាវដល់ម្ចាស់ និងអ្នកបើកបរនាវាទាំងអស់ ឱ្យបង្កើន​ការ​ប្រុងប្រយ័ត្ន និងរឹតបន្តឹងវិធានការសុវត្ថិភាព ក្រោយពេលមានករណីនាវាចម្លងមួយគ្រឿងបានប៉ះទង្គិចជាមួយនាវាដឹកខ្សាច់ កាលពីពេលថ្មីៗនេះ។ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែនៅថ្ងៃទី២៨ ខែកក្កដា ឆ្នាំ២០២៦ បានចេញសេចក្តីជូនដំណឹង​ជាសាធារណៈដល់ម្ចាស់នាវា ប្រតិបត្តិករ អ្នកបើកបរនាវា និងក្រុមហ៊ុនដឹកជញ្ជូនតាមផ្លូវទឹកទាំងអស់ ឱ្យបង្កើនការប្រុង​ប្រយ័ត្ន​ខ្ពស់ និងចូលរួមអនុវត្តវិធានការសុវត្ថិភាពឱ្យបានខ្ជាប់ខ្ជួន ដើម្បីធានានូវសុវត្ថិភាព និរន្តរភាពនៃការធ្វើនាវាចរណ៍ ជាពិសេស​ការពារ​ទ្រព្យសម្បត្តិ ក៏ដូចជាអាយុជីវិតរបស់អ្នកធ្វើដំណើរ។ ការអំពាវនាវនេះបានធ្វើឡើង៣ថ្ងៃ បន្ទាប់ពីមានករណីគ្រោះថ្នាក់នាវាចរណ៍មួយបានកើតឡើងកាលពីថ្ងៃទី២៦ ខែកក្កដា ដោយនាវាចម្លងមួយគ្រឿងបានជួបបញ្ហាបច្ចេកទេស ហើយបានទៅប៉ះទង្គិចជាមួយនាវាដឹកខ្សាច់មួយគ្រឿងទៀត នៅត្រង់​ចំណុច​ឆ្លងកាត់កំពង់ចម្លងជ្រោយចង្វារ-ស្វាយជ្រុំ ប៉ុន្តែក្នុងហេតុការណ៍នេះ​ពុំ​បណ្តាលឱ្យមានគ្រោះថ្នាក់ដល់អាយុជីវិតមនុស្សទេ។ ដើម្បីបង្ការ និងទប់ស្កាត់គ្រោះថ្នាក់កុំឱ្យកើតមានបន្តទៀត អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ដាក់ចេញ​នូវវិធានការសំខាន់ៗមួយចំនួន ដូចជា រាល់ការធ្វើនាវាចរណ៍ក្នុងដែនដីកម្ពុជា ត្រូវគោរពតាមបទប្បញ្ញត្តិនាវាចរណ៍ ដូចមានចែង​ក្នុងជំពូកទី៦ នៃច្បាប់ស្តីពីការដឹកជញ្ជូនតាមផ្លូវទឹក ដែលបានប្រកាសឱ្យប្រើប្រាស់កាលពីខែមីនា ឆ្នាំ២០២៤ និងត្រូវបង្កើនការ​ប្រុងប្រយ័ត្ននៅពេលឆ្លងកាត់តំបន់កំពង់ចម្លង ឬតំបន់ដែលមាននាវាចម្លងឆ្លងកាត់ ដើម្បីទុកពេល និងចម្ងាយល្មមគ្រប់គ្រាន់​សម្រាប់សុវត្ថិភាព។ ទន្ទឹមគ្នានេះ អ្នកបើកបរត្រូវបើកបរក្នុងល្បឿនសុវត្ថិភាព និងរក្សាចម្ងាយជានិច្ច ដើម្បីបញ្ចៀសការប៉ះទង្គិច និងអាចបញ្ឈប់​ចលនានាវាបានទាន់ពេលវេលាទៅតាមស្ថានភាពជាក់ស្តែង ទាំងការបើកបរតាមបណ្តោយប្រឡាយ ការប្តូរទិសដៅ ល្បឿន ឬ​ការបើកបរឆ្លងកាត់ទទឹងផ្លូវទឹក។…

ឯកឧត្តម ចាន់ រតនា អ្នកនាំពាក្យក្រសួងការបរទេសកម្ពុជា បានប្រាប់បណ្ដាញព័ត៌មាន AMS នៅថ្ងៃអង្គារ៍ទី២៨កក្កដានេះថា ភាគីថៃគ្រោងដោះលែងអ្នកនេសាទខ្មែរចំនួន ៣នាក់នៅថ្ងៃទី៣០ ខែកក្កដាខាងមុខ។ ប៉ុន្តែអ្នកនាំពាក្យក្រសួងការបរទេសកម្ពុជាបញ្ជាក់ថា ការដោះលែងនេះ មិនមែនភាគីថៃយល់ព្រមតាមការទាមទារពីភាគីកម្ពុជានោះទេ គឺក្រោយអ្នកសាទខ្មែរទាំង ៣នាក់ទទួលបានការលើកលែងទោស។ ឯកឧត្តមបន្តដូច្នេះថា ៖ ដោះលែងនឹងដោយសារកន្លងមកមានចូលឆ្នាំ មានចូលឆ្នាំខ្មែរចូលឆ្នាំថៃអីនឹង ចឹងជាទូទៅតាមនីតិវិធីរបស់គេរាល់ពេលដែលចូលឆ្នាំ ឬក៏ចម្រើនព្រះជនស្ដេចគេនឹង​គេតែងតែសុំការលើកលែងទោស​អ្នកទោសទូទៅ ដូច្នេះ៣នាក់ខ្មែរយើងនឹងក៏នៅក្នុងបញ្ជីដែលគេលើកលែងទោស​ បានន័យថាគេកាត់ចំនួនទោសដែលត្រូវបានលើកលែងនឹង ចឹងគាត់ត្រូវរួចត្រឹមថ្ងៃតី៣០ ខែ៧នេះ។ តុលាការខេត្តត្រាត ប្រទេសថៃ បានកាត់ទោសអ្នកនេសាទចំនួន ២នាក់ឱ្យជាប់ពន្ធនាគារចំនួន ៤ខែ និងពិន័យជាប្រាក់ក្នុងម្នាក់ ៩ម៉ឺនបាត ឬស្មើប្រមាណ ១០លានរៀល និងអ្នកបើកទូកនេសាទម្នាក់ទៀត ត្រូវបានតុលាការកាត់ទោសឱ្យជាប់ពន្ធនាគារចំនួន ១ឆ្នាំ៤ខែ និងពិន័យជាប្រាក់ជាង ១២ម៉ឺនបាត ឬស្មើប្រមាណ ១៤លានរៀល។ ពលរដ្ឋខ្មែរទាំងនេះត្រូវចោទប្រកាន់ពីបទ​ «ចូលដែនទឹកថៃ និងនេសាទខុសច្បាប់»។ ឯកឧត្តម ចាន់ រតនា បានគូសបញ្ជាក់ថា អគ្គកុងស៊ុលកម្ពុជាប្រចាំខេត្តស្រះកែវ ប្រទេសថៃ ដែលចុះសួរសុខទុក្ខពលរដ្ឋខ្មែរអ្នកនេសាទទាំង៣នាក់ បានផ្ដល់ព័ត៌មានមកថា ភាគីថៃនឹងដោះលែងពួកគេតាមច្រកព្រំដែនគោកអន្តរជាតិប៉ោយប៉ែត-ខ្លងលឹក។ សូមបញ្ជាក់ថា កម្មករនេសាទចំនួន ៣នាក់ត្រូវទាហានជើងទឹកថៃ ចាប់នៅក្បែរកោះយ៉រ ក្នុងខេត្តកោះកុង កាលពីថ្ងៃទី២២ ខែកុម្ភៈ…

ភ្នំពេញ៖សកម្មភាពបានប្តូរទិស បន្ទាប់ពីបានបញ្ចប់បេសកកម្មជិះកង់ជុំវិញពិភពលោកដើម្បីមនុស្សធម៌ប្រកបដោយជោគជ័យ លោក ទីវ តារារិទ្ធ ទូតសុឆន្ទៈទេសចរណ៍កម្ពុជាបានប្រកាសពីគម្រោងថ្មីមួយទៀត គឺការធ្វើដំណើររយៈពេល ៦ខែ ជុំវិញប្រទេសកម្ពុជា ដើម្បីផ្សព្វផ្សាយពីតំបន់ទេសចរណ៍ធម្មជាតិដ៏ស្រស់ស្អាតរបស់ខ្មែរទៅកាន់ពិភពលោក។ ក្នុងសន្និសីទសារព័ត៌មានបិទបញ្ចប់បេសកកម្មជិះកង់ឆ្លងប្រទេស និងទ្វីបកាលពីរសៀលថ្ងៃទី២៧ ខែកក្កដា ឆ្នាំ២០២៦ ដោយមានវត្តមានឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ,តំណាងវិស័យឯកជន ព្រមទាំងតំណាងមូលនិធិគន្ធបុប្ផា និងតំណាងមន្ទីរពេទ្យកុមារអង្គរចូលរួមផងលោក ទីវ តារារិទ្ធ បានឱ្យដឹងថា លោកបានជួបពិភាក្សាជាមួយក្រសួងទេសចរណ៍ រួចរាល់ហើយលើគម្រោងថ្មីនេះ ដោយលោកនឹងចំណាយពេល ៦ខែ ធ្វើដំណើរសារជាថ្មី តាមរយៈការជិះកង់ និងជិះម៉ូតូ ដើម្បីផ្តិតយករូបភាព និងទេសភាពធម្ម​ជាតិដ៏អស្ចារ្យ មកបង្ហាញពិភពលោក។ ទន្ទឹមនឹងការប្រូម៉ូតតំបន់ទេសចរណ៍ លោកក៏នឹងចូលរួមផ្សព្វផ្សាយពីសារៈសំខាន់នៃការថែរក្សាបរិស្ថាន និងការអភិរក្សធនធាន​ធម្មជាតិ ដើម្បីធានានូវនិរន្តរភាពនៃវិស័យទេសចរណ៍សម្រាប់មនុស្សជំនាន់ក្រោយផងដែរ។ ក្នុងឱកាសនោះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានកោតសរសើរលោក ទីវ តារារិទ្ធ ដែលបានប្រែក្លាយកង់មួយ​គ្រឿងទៅជាយាននៃក្តីសង្ឃឹម និងប្រែក្លាយឆន្ទៈបុគ្គលទៅជាមោទនភាពរបស់ប្រជាជាតិទាំងមូល។ ឯកឧត្តមរដ្ឋមន្ត្រី បានប្រាប់ទៅលោក ទីវ តារារិទ្ធ ថា ក្រសួងព័ត៌មាននឹងបន្តគាំទ្រ និងលើកទឹកចិត្តដល់គំនិតផ្តួចផ្តើម…

​​ប្រទេសកម្ពុជា​ និងឡាវ គ្រោងធ្វើ​ទំនើបកម្មច្រក​ទ្វារអន្តរជាតិត្រពាំងគ្រៀល ខេត្តស្ទឹងត្រែង ប្រទេសកម្ពុជា ទល់នឹង​ច្រកទ្វារអន្តរជាតិ ណងណុកខៀន ក្នុងខេត្តចំប៉ាសាក់ ប្រទេសឡាវ ដើម្បីពង្រឹងសន្តិសុខ សម្រួលការធ្វើដំណើរ និងជំរុញពាណិជ្ជកម្មឆ្លងដែននៃប្រទេសទាំងពីរ។ លោក ម៉ែន គុង អ្នកនាំពាក្យសាលាខេត្តស្ទឹងត្រែង បានបញ្ជាក់ប្រាប់បណ្តាញព័ត៌មាន AMS ថា កន្លងមកអភិបាលខេត្តនៃប្រទេសទាំងពីរ បានជជែកគ្នាអំពីការអភិវឌ្ឍ និងកែលម្អប្រព័ន្ធនៃដំណើរការគ្រប់គ្រងច្រកទ្វារអន្តរជាតិ  ដើម្បីបង្កលក្ខណៈងាយស្រួលទៅដល់ការធ្វើដំណើរចេញចូល និងការដឹកជញ្ជូនផលិតផល និងទំនិញចេញចូលឆ្លងកាត់ព្រំដែនអន្តរជាតិ។​ អ្នកនាំពាក្យសាលាខេត្តស្ទឹងត្រែង បានលើកឡើងថា ការកែលម្អ និងធ្វើទំនើបកម្មច្រកទ្វារអន្តរជាតិត្រពាំងគ្រៀល-ណងណុកខៀន ជាសញ្ញាវិជ្ជមានដែលបង្ហាញពីឆន្ទៈរួមរបស់រដ្ឋាភិបាលកម្ពុជា និងឡាវ ក្នុងការពង្រឹងកិច្ចសហប្រតិបត្តិការ និងជំរុញទំនាក់ទំនងសេដ្ឋកិច្ចរវាងប្រទេសទាំងពីរ។  លោក ម៉ែន គុង បានបញ្ជាក់ថា ប្រទេសទាំងពីរបានឯកភាពគ្នាកែសម្រួលហេដ្ឋារចនាសម្ព័ន្ធផ្លូវខូចខាតប្រវែង១៩៧ម៉ែត្រ ជាផ្លូវបេតុងវិញផងដែរ​។ អភិបាលខេត្តស្ទឹងត្រែងទើបតែចាប់ផ្តើមរៀបចំផែនការ​ធ្វើទំនើបកម្មច្រកអន្តរជាតិនេះ ខណៈខាងភាគីឡាវ បានចាប់ផ្តើមដំឡើងម៉ាស៊ីនស្កេន កាមេរ៉ាសុវត្ថិភាព (CCTV) និងប្រព័ន្ធស្វ័យប្រវត្តិដើម្បីត្រួតពិនិត្យ ពង្រឹងសន្តិសុខ។ ​ ពេលចុះត្រួតពិនិត្យការងារកាលពីថ្ងៃសៅរ៍សប្តាហ៍មុន លោកនាយករដ្ឋមន្ត្រីឡាវ សនសៃ ស៊ីផាន់ដន (Sonexay Siphandone) បានណែនាំឱ្យអាជ្ញាធរពាក់ព័ន្ធពន្លើនការធ្វើទំនើបកម្មច្រកទ្វារអន្តរជាតិ ណងណុកខៀន-ត្រពាំងគ្រៀល ដើម្បីសម្រួលដល់ការធ្វើដំណើរ និងការដឹកជញ្ជូនឆ្លងកាត់ព្រំដែន។ នេះបើតាមការផ្សាយរបស់កាសែតឡាវ Vientiane…

មេឧក្រិដ្ឋជនអនឡាញដ៏ធំដែលកម្ពុជាចាប់បញ្ជូនទៅចិន កាលពី ៦ខែមុន គឺលោក ចេន ហ្ស៊ី អាចប្រឈមនឹងទោសប្រហារជីវិត ខណៈរដ្ឋអាជ្ញានៃប្រទេសចិនបានបន្ថែមបទចោទ «បង្ករបួសស្នាមដោយចេតនា» ទៅក្នុងសំណុំរឿងរបស់លោក។ នេះបើតាមការផ្សាយរបស់សារព័ត៌មានសិង្ហបុរី CNA កាលពីថ្ងៃទី២៧ ខែកក្កដា ឆ្នាំ២០២៦។ លោកស្ថាបនិកក្រុមហ៊ុន Prince Group ត្រូវបានអាជ្ញាធរចិនសង្ស័យថា មានជាប់ពាក់ព័ន្ធនឹងបណ្ដាញឆបោកតាមអនឡាញដ៏ធំ។ កាលពីថ្ងៃទី១៤ ខែតុលា ឆ្នាំ២០២៥ សហរដ្ឋអាមេរិក និងអង់គ្លេស បានប្រកាសដាក់ទណ្ឌកម្មធ្ងន់ធ្ងរលើក្រុមហ៊ុន Prince Group និងអង្គភាពចំនួន ១៤៦ផ្សេងទៀត ដែលសង្ស័យពាក់ព័ន្ធនឹងឧស្សាហកម្មឆបោកអនឡាញ។ លោក ចេន ហ្ស៊ី និងបក្សពួក ២នាក់​ ឈ្មោះ ជូ ជីលៀន និងឈ្មោះ សាវ ជី ហួរ ត្រូវបានចាប់ខ្លួន កាលពីថ្ងៃទី៦ ខែមករា ឆ្នាំ២០២៦ ហើយត្រូវបញ្ជូនទៅកាន់ប្រទេសចិនវិញ ដើម្បីទទួលទោស។ ​ សារព័ត៌មានចិន Caixin រាយការណ៍ថា អយ្យការចិនបានទម្លាក់បទចោទពីមុនលើលោក ចេន ហ្ស៊ី ពាក់ព័ន្ធនឹងការលាក់បាំងទ្រព្យសម្បត្តិបានមកពីបទល្មើស ប៉ុន្តែបានបន្ថែមបទចោទថ្មីពីបទរំលោភសិទ្ធិបញ្ញា និងបទបង្ករបួសស្នាមដោយចេតនា។ ក្រៅពីនេះ លោក…

ស្ថានទូតឥណ្ឌាប្រចាំកម្ពុជា និងអាជ្ញាធរកម្ពុជាគ្រប់គ្រងសកម្មភាពកម្ទេចមីន និងសង្គ្រោះជនពិការដោយសារមីន បានចុះហត្ថលេខាលើអនុស្សរណៈនៃការយោគយល់គ្នា (MoU) លើគម្រោងផ្តល់ផលរហ័ស សម្រាប់ការបោសសម្អាតមីន ស្ថិតក្នុងភូមិម៉ុល ខេត្តពោធិ៍សាត់។ អនុស្សរណៈនៃការយោគយល់គ្នានេះ ត្រូវបានចុះហត្ថលេខាដោយឯកឧត្តម លី ធុជ ទេសរដ្ឋមន្ត្រី និងជាអនុប្រធានទី១ នៃអាជ្ញាធរមីន និង ឯកឧត្តម Vanlalvawna Bawitlung ឯកអគ្គរដ្ឋទូតឥណ្ឌាប្រចាំកម្ពុជា កាលពីថ្ងៃទី២៧ ខែកក្កដា ឆ្នាំ២០២៦។ ថ្លែងក្នុងពិធីចុះហត្ថលេខា ឯកឧត្តមបណ្ឌិត លី ធុជ បានមានប្រសាសន៍ថា គម្រោងបោសសម្អាតមីននៅខេត្តពោធី៍សាត់នេះ នឹងប្រគល់ដីមានសុវត្ថិភាពជាង ១៦ហិកតា ជូនប្រជាពលរដ្ឋ ដើម្បីអាចប្រើប្រាស់ដីធ្លីសម្រាប់ប្រកបរបរចិញ្ចឹមជីវិត និងជំរុញការអភិវឌ្ឍសេដ្ឋកិច្ចមូលដ្ឋាន។ ឯកឧត្តមបានលើកឡើងថា ចំណងមិត្តភាពរវាងកម្ពុជា និងឥណ្ឌា មានប្រវត្តិយូរអង្វែង និងត្រូវបានបន្តពង្រឹងតាមរយៈកិច្ចសហប្រតិបត្តិការជាក់ស្តែង ក្នុងនោះរួមទាំងវិស័យសកម្មភាពមីនមនុស្សធម៌ ដើម្បីប្រែក្លាយដីដែលធ្លាប់មានគ្រោះថ្នាក់ឱ្យទៅជាដីមានសុវត្ថិភាពសម្រាប់ប្រជាពលរដ្ឋ។ ឯកឧត្តមបានថ្លែងអំណរគុណដល់រដ្ឋាភិបាលឥណ្ឌា ដែលបានបន្តគាំទ្រការបោសសម្អាតមីននៅកម្ពុជា ចាប់ពីខេត្តកោះកុង រហូតដល់ខេត្តពោធិ៍សាត់។ ការគាំទ្ររបស់ឥណ្ឌាមិនត្រឹមតែផ្តោតលើការបោសសម្អាតមីនប៉ុណ្ណោះទេ ប៉ុន្តែថែមទាំងបានជួយជនរងគ្រោះដោយសារមីនតាមរយៈគំនិតផ្តួចផ្តើម India for Humanity ដែលបានផ្តល់ជើងសិប្បនិម្មិតដល់ពលរដ្ឋកម្ពុជាចំនួន ៦៥០នាក់ផងដែរ។ ការអនុវត្តគម្រោងនេះគឺស្របតាមគោលនយោបាយរបស់រាជរដ្ឋាភិបាល ក្នុងការជំរុញឱ្យកម្ពុជាសម្រេចបានគោលដៅក្លាយជាប្រទេសគ្មានផលប៉ះពាល់ដោយសារមីនត្រឹមឆ្នាំ២០៣០…

លោក វ៉ាង វិនពីង (WANG Wenbin) ឯកអគ្គរដ្ឋទូតចិនប្រចាំកម្ពុជា បានបញ្ជាក់ថា ចំណងមិត្តភាពដែកថែបរវាងយោធាចិន និងកម្ពុជា ក៏ដូចជារវាងប្រទេសចិន និងកម្ពុជា គឺមិនអាចបំបែកបានឡើយ។ មន្រ្តីទូតជាន់ខ្ពស់ចិន បានលើកឡើងដូច្នេះ នៅក្នុងពិធីអបអរសាទរខួបលើកទី ៩៩ នៃការបង្កើតកងទ័ពរំដោះប្រជាជនចិន កាលពីថ្ងៃទី២៧ ខែកក្កដា ឆ្នាំ២០២៦ ដោយមានការចូលរួមពីសម្តេច ទៀ បាញ់ ឧត្តមប្រឹក្សាផ្ទាល់ព្រះមហាក្សត្រកម្ពុជា​ ព្រមទាំងតំណាងកងទ័ពកម្ពុជា និងចិនជាច្រើននាក់ទៀត។ ក្នុងឱកាសនោះសម្តេច ទៀ បាញ់ បានគូសបញ្ជាក់ថា កិច្ចសហប្រតិបត្តិការត្បូងពេជ្រនេះ ក៏បានផ្តល់ផលប្រយោជន៍ជាក់ស្តែងបន្ថែមទៀតដល់កងទ័ព និងប្រជាជនទាំងពីរ កម្ពុជា-ចិន។ លោកបណ្ឌិត​ គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជ្យបណ្ឌិតសភាកម្ពុជា បានកត់សម្គាល់ពីទំនាក់ទំនងកម្ពុជា-ចិន ដែលនៅតែរឹងមាំស្ថិតស្ថេរ និងបន្តរីកបន្តឥតឈប់ឈរ បើទោះបីជា បរិបទអន្តរជាតិ និងតំបន់កំពុងតែមានការប្រែប្រួល ក៏ដោយ។  អ្នកតាមដានភូមិសាស្រ្តនយោបាយរូបនេះ បានបញ្ជាក់ទៀតថា ប្រទេសចិន មិនតែមានទំនាក់ទំនងកាទូតក៏ជិតស្និទជាមួយកម្ពុជា ប៉ុណ្ណោះទេ ចិនក៏បានរួមចំណែកយ៉ាងសំខាន់ក្នុងការអភិវឌ្ឍន៍សេដ្ឋកិច្ច សង្គម និងវិស័យជាច្រើននៅកម្ពុជា។ លោកបណ្ឌិត​ គិន ភា បន្តថា «សមិទ្ធផលនូវកិច្ចសហប្រតិបត្តិការប្រទេសទាំងពីរនេះ តាមរយៈគម្រោងហេដ្ឋារចនាសម្ព័ន្ធធំៗ ដូចជាផ្លូវល្បឿនលឿនភ្នំពេញ-ក្រុងព្រះសីហនុ…