វ៉ាស៊ីនតោន ៖ កងទ័ពជើងទឹកអាមេរិក បានផ្តល់កិច្ចសន្យាតម្លៃ ៥៦២ លានដុល្លារ ដល់ក្រុមហ៊ុន Boeing សម្រាប់ការផលិតដំណាក់កាលដំបូងកម្រិតទាប នៃយន្តហោះគ្មានមនុស្សបើក ឬដ្រូន MQ-25A Stingray ដែលមានតួនាទីសំខាន់ ក្នុងការចាក់បំពេញសាំងឱ្យយន្តហោះចម្បាំងនៅលើអាកាស។ បើតាម Naval News, កិច្ចសន្យានេះ នឹងគាំទ្រដល់ការផលិតដ្រូន MQ-25A ចំនួន ៣ គ្រឿងក្នុងដំណាក់កាលដំបូង។ ចំណែកថវិកាមួយផ្នែកទៀត នឹងត្រូវវប្រើសម្រាប់បញ្ជាទិញគ្រឿងបន្លាស់សំខាន់ៗទុកមុន ដើម្បីត្រៀមផលិតយន្តហោះដ្រូនចំនួន ៣ គ្រឿងទៀតក្នុងដំណាក់កាលទី២។ ប្រភពបង្ហើបថា ការប្រគល់យន្តហោះដ្រូន MQ-25A នៅក្នុងដំណាក់កាលដំបូង ត្រូវបានរំពឹងថា នឹងចាប់ផ្តើមនៅឆ្នាំ ២០២៩ខាងមុខ។ ការឈានដល់កិច្ចសន្យាផលិតកម្មនេះ ធ្វើឡើងបន្ទាប់ពីកម្មវិធីយន្តហោះដ្រូន MQ-25A ទទួលបានការអនុម័តកាលពីដើមឆ្នាំ ២០២៦ ដែលអនុញ្ញាតឱ្យផ្លាស់ប្តូរពីដំណាក់កាលអភិវឌ្ឍន៍ និងសាកល្បង ឈានចូលទៅកាន់ដំណាក់កាលផលិតកម្ម និងដាក់ពង្រាយជាផ្លូវការ។ ដ្រូន MQ-25A Stingray គឺជាយន្តហោះគ្មានមនុស្សបើកដំបូងគេនៅលើពិភពលោក ដែលត្រូវបានរចនាឡើងសម្រាប់ប្រតិបត្តិការចេញពីនាវាផ្ទុកយន្តហោះ។ យន្តហោះដ្រូននេះ មានដងខ្លួនប្រវែង ១៥ ម៉ែត្រកន្លះ និងស្លាបប្រវែងជិត…

តូក្យូ ៖ ព្យុះទីហ្វុង Dujuan ដែលកំពុងហោះបោះពួយសំដៅទៅវាយប្រហារទីក្រុងតូក្យូ ត្រូវបានរំពឹងថា នឹងបង្កជាហានិភ័យភ្លៀងធ្លាក់ខ្លាំងដល់កម្រិតកំណត់ត្រា ខណៈជើងហោះហើររាប់រយត្រូវបានលុបចោល ហើយមនុស្សជាង ១ លាននាក់ក៏ត្រូវបានណែនាំឱ្យត្រៀមជម្លៀសខ្លួនជាបន្ទាន់ កាលពីថ្ងៃ ចន្ទ។ បើតាម Japan Today, ទីភ្នាក់ងារឧតុនិយមជប៉ុន និយាយថា ព្យុះទីហ្វុង Dujuan ត្រូវបានរំពឹងថា នឹងធ្វើដំណើរទៅដល់តំបន់ Kanto-Koshin នៅយប់ថ្ងៃ ចន្ទ ម្សិលមិញ (ម៉ោងក្នុងតំបន់)។ ជាមួយគ្នានេះ អាជ្ញាធរជប៉ុនថែមទាំងបានព្រមានផងដែរថា តំបន់ Kanto-Koshin និងប្រជុំកោះ Izu អាចប្រឈមមុខនឹងភ្លៀងធ្លាក់ខ្លាំងដល់កម្រិតកំណត់ត្រា។ ចំណែកប្រភពពី Kyodo News, ព្យុះទីហ្វុង Dujuan ត្រូវបានព្យាករថា នឹងពាំនាំមកនូវភ្លៀងធ្លាក់ខ្លាំង និងបង្កឱ្យមានការបាក់ដីនៅក្នុងតំបន់ជិតខាងទីក្រុងតូក្យូ ក្នុងគ្រាដែលខ្យល់ព្យុះដ៏កំណាចនេះ កំពុងហោះបោះពួយឆ្ពោះទៅកាន់ឆ្នេរសមុទ្រប៉ាស៊ីហ្វិក នៃភាគខាងកើតប្រទេសជប៉ុន។ ទន្ទឹមគ្នា ទីភ្នាក់ងារឧតុនិយមជប៉ុនក៏បានចេញការព្រមានកម្រិតខ្ពស់បំផុត ពោលគឺកម្រិតទី៥ អំពីគ្រោះថ្នាក់រអិលបាក់ដី នៅភាគខាងជើងនៃប្រជុំកោះ Izu និងកម្រិតទី៤ សម្រាប់តំបន់មួយចំនួនទៀត នៃទីក្រុងTokyo, Chiba,…

ញូវយ៉ក ៖ លោកស្រី Kaja Kallas ប្រធានផ្នែកគោលនយោបាយការបរទេសរបស់សហភាពអឺរ៉ុបកាលពីថ្ងៃចន្ទ បានអំពាវនាវឱ្យរក្សាការដាក់ទណ្ឌកម្មលើរុស្ស៊ី ជុំវិញសង្គ្រាមនៅអ៊ុយក្រែន ខណៈដែលប្លុកមួយនេះកំពុងខិតខំប្រឹងប្រែងដើម្បីពន្យារពេលអនុវត្តទណ្ឌកម្ម ប៉ុន្តែ មានការខ្វែងគំនិតគ្នាខ្លះៗ ក្នុងចំណោមសមាជិកទាំង២៧ប្រទេស។ បន្ទាប់ពីកិច្ចប្រជុំរដ្ឋមន្ត្រីការបរទេស EU , លោកស្រី Kaja Kallas បានប្រាប់អ្នកសារព័ត៌មាន នៅទីក្រុងញូវយ៉កថា «ទណ្ឌកម្មគឺជាសសរស្តម្ភដ៏សំខាន់នៃការឆ្លើយតបរបស់យើងចំពោះសង្គ្រាមរបស់រុស្ស៊ី ដើម្បីកាត់ផ្តាច់ប្រភពហិរញ្ញវត្ថុរបស់ទីក្រុងមូស្គូ»។ លោកស្រីបានបន្ថែមថា មន្ត្រីនានាកំពុងមានគោលបំណងបញ្ចប់ការចរចាលើការបន្តអនុវត្តទណ្ឌកម្មលើរុស្ស៊ី ក្នុងពេលឆាប់ៗនេះ និងចង់ឱ្យការបន្តនោះកើតឡើងយ៉ាងឆាប់រហ័ស។ ប៉ុន្តែ ការពិភាក្សាលើបញ្ហានេះនៅតែបន្ត ខណៈដែលប្រទេសសមាជិកមួយចំនួនបានព្យាយាមដកបុគ្គលខ្លះចេញពីបញ្ជីខ្មៅរបស់សហភាពអឺរ៉ុប។ ជាក់ស្តែង នៅថ្ងៃទី២១ ខែកញ្ញា បណ្តាប្រទេសសហភាពអឺរ៉ុបមិនអាចសម្រេចបាននូវកិច្ចព្រមព្រៀងចុងក្រោយមួយ ដែលពាក់ព័ន្ធនឹងការដកទណ្ឌកម្មលើមហាសេដ្ឋីរុស្ស៊ី គឺ លោក Alisher Usmanov និងលោក Mikhail Fridman នោះទេ។ ប្រទេសបារាំង និងស្លូវ៉ាគី បានជំរុញឱ្យដកមហាសេដ្ឋីរុស្ស៊ី-អ៊ូសបេគីស្ថាន គឺលោក Usmanov ចេញពីបញ្ជីខ្មៅ។ ប្រទេសលុចហ្សំបួរបានឆ្លៀតយកសំណើរបស់ទីក្រុងប៉ារីសមកធ្វើជាមូលដ្ឋាន ដោយទទូចថា ប្រសិនបើទណ្ឌកម្មលើលោក Usmanov ត្រូវបានដកចេញ នោះទណ្ឌកម្មលើលោក Fridman…

ហ្គ្រីនឡែន ៖ សហរដ្ឋអាមេរិកមានផែនការបើកដំណើរការ មូលដ្ឋានយោធាថ្មីៗ ចំនួន២នៅតំបន់អាក់តិច ហ្គ្រីនឡែន ខណៈដែលលោកប្រធានាធិបតី ដូណាល់ ត្រាំ មិនទាន់បោះបង់ការទាមទារគ្រប់គ្រង។ អំឡុងសម័យសង្គ្រាមត្រជាក់ ទីក្រុងវ៉ាស៊ីនតោនធ្លាប់មានមូលដ្ឋានយោធាចំនួន ១៧ កន្លែង និង កងកម្លាំងជាង ១ម៉ឺននាក់ នៅក្នុងដែនដីស្វយ័ត នៅប្រទេសដាណឺម៉ាកមួយនេះ ហើយ បច្ចុប្បន្ន នៅសល់តែមូលដ្ឋានអវកាស Pituffik ប៉ុណ្ណោះ ដែលមានកងកម្លាំងយោធាអាមេរិកប្រហែល ១៥០នាក់។ នេះបើតាមការចេញផ្សាយរបស់ straitstimes នៅថ្ងៃអង្គារនេះ។ យោងតាមបុគ្គលចំនួន៣នាក់ ដែលដឹងពីបញ្ហានេះ និងផ្អែកលើកិច្ចព្រមព្រៀងមួយដែលនឹងត្រូវចុះហត្ថលេខាដោយសហរដ្ឋអាមេរិក ដាណឺម៉ាក និងហ្គ្រីនឡែន នាថ្ងៃទី ២២ ខែកញ្ញានេះ នៅឯមហាសន្និបាតអង្គការសហប្រជាជាតិ ស្ថិតក្នុងទីក្រុងញូវយ៉ក។ បុគ្គលពីរនាក់ក្នុងចំណោមនោះបានឱ្យដឹងថា ទីតាំងទាំងនោះរួមមាន Narsarsuaq ដែលចំនួនប្រជាជនបានធ្លាក់ចុះមកនៅត្រឹមតែប៉ុន្មានសិបនាក់ប៉ុណ្ណោះ ចាប់តាំងពីសហរដ្ឋអាមេរិកបានបិទមូលដ្ឋានយោធា Bluie West One របស់ខ្លួន នៅទសវត្សរ៍ឆ្នាំ ១៩៥០ និង ទីតាំង Mestersvig ដែលជាប៉ុស្តិ៍យោធាមួយ បច្ចុប្បន្ន…

តេហេរ៉ង់ ៖ កងកម្លាំងប្រដាប់អាវុធអ៊ីរ៉ង់ បានបោះសម្តីគំរាមធ្ងន់ៗ កាលពីថ្ងៃ ចន្ទ ថា ខ្លួននឹងបញ្ចេញអាវុធថ្មីៗ ដែលមានសមត្ថភាពថ្មីវាយប្រហារសហរដ្ឋអាមេរិក ដើម្បីឱ្យពិភពលោកភ្ញាក់ផ្អើល ប្រសិនបើទីក្រុងវ៉ាស៊ីនតោនហ៊ានបើកការវាយប្រហារម្តងទៀតប្រឆាំងនឹងប្រទេសខ្លួន។ បើតាម NBC News, អ្នកនាំពាក្យកងឆ្មាំបដិវត្តន៍ឥស្លាម (IRGC) លោក Hossein Mohebbi អះអាងថា ទីក្រុងតេហេរ៉ង់លែងកំណត់គោលដៅដដែលៗទៀតហើយ ពោលគឺខ្លួននឹងកំណត់លើគោលដៅថ្មី ដែលមិនធ្លាប់វាយប្រហារ។ លោកសង្កត់ធ្ងន់ថា ការផ្លាស់ប្តូរយុទ្ធសាស្រ្តថ្មីនេះ នឹងជះឥទ្ធិពលខ្លាំងដល់ភូមិសាស្ត្រសង្គ្រាម ដោយអ៊ីរ៉ង់នឹងនាំយកអាវុធថ្មីៗ ដែលមានសមត្ថភាពខ្ពស់មកប្រើក្នុងសមរភូមិថ្មី ហើយពិភពលោកច្បាស់ជាមានការភ្ញាក់ផ្អើលខ្លាំងជាក់ជាមិនខានឡើយ។ យ៉ាងណា អ្នកនាំពាក្យរូបនេះ មិនបានបញ្ជាក់លំអិតថាតើអាវុធថ្មីៗទាំងនោះ គឺជាអាវុធប្រភេទអ្វីទេ។ ការព្រមាននេះកើតឡើង បន្ទាប់ពីប្រធានាធិបតីអាមេរិក លោក Donald Trump ក៏បានគំរាមអ៊ីរ៉ង់ផងដែរថា លោកអាចនឹងបំផ្ទុះកម្ទេចសាធារណរដ្ឋអ៊ីស្លាមមួយនេះចោលតែម្តង។ ប៉ុន្តែលោកថា បច្ចុប្បន្ន លោកកំពុងសម្រេចចិត្តពីរបៀបបន្តសង្គ្រាម និងគិតគូរអំពីវិធានការនានា រួមមាន ការទុកឱ្យសេដ្ឋកិច្ចអ៊ីរ៉ង់ដួលរលំដោយខ្លួនឯង ឬក៏ត្រូវឈានទៅរកការចរចាធ្វើកិច្ចព្រមព្រៀង៕ ប្រភព ៖ NBC News ប្រែសម្រួល ៖ ឈឹម ទីណា