តេហេរ៉ង់ ៖ ចំពេលមានភាពតានតឹងឡើងវិញ នៅច្រកសមុទ្រហ័រមូស, អ៊ីរ៉ង់អះអាងថា អ៊ុយក្រែនវាយប្រហារនាវាពាណិជ្ជកម្មរបស់ខ្លួន ដោយបានលើកបញ្ហានេះ មកជជែកជាមួយមន្ត្រីជាន់ខ្ពស់អឺរ៉ុប កាលពីថ្ងៃសៅរ៍។ បើតាមសារព័ត៌មាន anadolu, រដ្ឋមន្ត្រីការបរទេសអ៊ីរ៉ង់ លោក Abbas Araghchi និងអ្នកស្រី Kaja Kallas ប្រមុខគោលនយោបាយការបរទេសរបស់សហភាពអឺរ៉ុប បានពិភាក្សា តាមទូរស័ព្ទ អំពីស្ថានការណ៍វិវត្តក្នុងតំបន់ និងអន្តរជាតិ រួមទាំងអ្វីដែលទីក្រុងតេហេរ៉ង់អះអាងថា ជាការវាយប្រហាររបស់អ៊ុយក្រែន ទៅលើនាវាពាណិជ្ជកម្មអ៊ីរ៉ង់មួយគ្រឿង នៅក្នុងសមុទ្រកាសព្យែន។ យោងតាមសេចក្តីថ្លែងការណ៍របស់ក្រសួងការបរទេសអ៊ីរ៉ង់, លោក Araghchi បានថ្កោលទោសយ៉ាងខ្លាំងចំពោះការវាយប្រហារនេះ ដែលបណ្តាលឱ្យនាវិកម្នាក់ស្លាប់ និងម្នាក់ទៀតរងរបួស។ លោកបានជំរុញឱ្យមានការឆ្លើយតបយ៉ាងម៉ឺងម៉ាត់ពីក្រុមប្រឹក្សាសន្តិសុខអង្គការសហប្រជាជាតិ សហភាពអឺរ៉ុប និងសហគមន៍អន្តរជាតិទាំងមូល ដោយស្នើឱ្យពួកគេចាត់វិធានការទទួលខុសត្រូវចំពោះអ្នកដែលបានបង្ក និងគាំទ្រដល់ការវាយប្រហារដែលត្រូវបានចាត់ទុកថាជា «អំពើឧក្រិដ្ឋ» នោះ។ ប្រធានាធិបតីអ៊ុយក្រែន លោក Volodymyr Zelenskyy បានលើកឡើង នៅលើបណ្តាញសង្គម X ថា អ៊ុយក្រែនទទួលបាន «លទ្ធផលដ៏ល្អប្រសើរ» តាមរយៈការវាយប្រហាររយៈចម្ងាយឆ្ងាយ នៅក្នុងសមុទ្រកាសព្យែន រួមទាំងការវាយប្រហារទៅលើ «នាវាដែលត្រូវបានប្រើប្រាស់សម្រាប់ការដឹកជញ្ជូនទំនិញយោធាពាក់ព័ន្ធនឹងអ៊ីរ៉ង់ ក៏ដូចជា…

កៀវ,មូស្គូ ៖ មនុស្សយ៉ាងតិច ចំនួន២១នាក់បានស្លាប់ នៅក្នុងការវាយប្រហារ ដ្រូន និង មីស៊ីល រយៈចម្ងាយឆ្ងាយ ទៅវិញទៅមក រវាងរុស្ស៊ី និង អ៊ុយក្រែន កាលពីថ្ងៃសុក្រ។ បើតាម CNA, ការវាយប្រហាររយៈចម្ងាយឆ្ងាយ រវាងគូជម្លោះទាំងពីរ រួមទាំងការវាយប្រហារទៅលើកិច្ចប្រជុំមួយ របស់វិស័យឧស្សាហកម្មការពារជាតិអ៊ុយក្រែន នៅក្បែរទីក្រុងកៀវ និង កើតមាននៅឯរោងចក្រមួយកន្លែង ទិសខាងកើត នៃទីក្រុងមូស្គូ។ រដ្ឋអាជ្ញារបស់អ៊ុយក្រែនបានឱ្យដឹងថា នៅក្នុងការវាយប្រហារដ៏សាហាវបំផុតមួយ ពីសំណាក់មីស៊ីលរបស់រុស្ស៊ី នៅខាងក្រៅរដ្ឋធានី របស់អ៊ុយក្រែន បានសម្លាប់មនុស្សយ៉ាងហោចណាស់ ១០ នាក់ និងធ្វើឱ្យមនុស្សប្រហែល ១០០ នាក់ផ្សេងទៀតរងរបួស។ កងទ័ពអ៊ុយក្រែនបានបើកការវាយប្រហារជាបន្តបន្ទាប់ ដោយប្រើដ្រូន និងមីស៊ីល រយៈចម្ងាយឆ្ងាយ ទៅលើប្រទេសរុស្ស៊ី វិញ។ ទីក្រុងមូស្គូបានឱ្យដឹងថា រួមមានទាំងការវាយប្រហារ ទៅលើរោងចក្រមួយកន្លែង ក្នុងទីក្រុង Kirov ដែលមានចម្ងាយជាង ១.០០០ គីឡូម៉ែត្រ ពីសមរភូមិមុខ ស្លាប់មនុស្ស ៦នាក់។ ភាគីទាំងពីរបានបង្កើនការវាយប្រហារដោយប្រើដ្រូន និងមីស៊ីល…

វ៉ាស៊ីនតោន ៖ ប្រធានាធិបតីអាមេរិក លោក Donald Trump និយាយកាលពីថ្ងៃសុក្រថា លោកមិនទាន់សម្រេចចិត្តលើការវាយប្រហារទ្រង់ទ្រាយធំទៅលើអ៊ីរ៉ង់ទេ ខណៈទីក្រុងតេហេរ៉ង់ កំពុងបង្ហាញភាពម៉ត់ចត់ ក្នុងការចរចាជាមួយទីក្រុងវ៉ាស៊ីនតោន។ ការលើកឡើងរបស់លោកបានធ្វើឡើងបន្ទាប់ពីមានសេចក្តីរាយការណ៍ថា លោក Trump ដែលកាន់តែមានការខឹងសម្បារ បានជួបជាមួយទីប្រឹក្សាជាន់ខ្ពស់ ដើម្បីពិភាក្សាអំពីការបើកប្រតិបត្តិការយោធាទ្រង់ទ្រាយធំ ប្រឆាំងនឹងអ៊ីរ៉ង់។ លោកបានប្រាប់អ្នកសារព័ត៌មាន នៅក្នុងការិយាល័យរាងពងក្រពើឲ្យដឹងថា «ទេ ខ្ញុំមិនទាន់សម្រេចចិត្តទេ… យើងកំពុងចរចាជាមួយពួកគេ នៅពេលនេះ។ ខ្ញុំគិតថា ពួកគេកាន់តែមានភាពម៉ត់ចត់ឡើងៗ ពីមួយថ្ងៃទៅមួយថ្ងៃ ប្រហែលជាដោយសារហេតុផលច្បាស់លាស់ណាមួយ»។ លោក Trump បាននិយាយថា អ៊ីរ៉ង់មានជម្រើសរវាងការឈានដល់កិច្ចព្រមព្រៀង ឬការប្រឈមមុខនឹងការវាយប្រហារ ក្នុងកម្រិតធ្ងន់ធ្ងរជាងមុនឆ្ងាយ បន្ទាប់ពីការវាយប្រហាររបស់សហរដ្ឋអាមេរិកអស់រយៈពេលជិតពីរសប្តាហ៍ ដែលបានធ្វើឱ្យកិច្ចព្រមព្រៀងឈប់បាញ់ត្រូវបរាជ័យទាំងស្រុង។ លោក Trump បញ្ជាក់ឡើងវិញនូវជំហររបស់លោកថា «ខ្សែបន្ទាត់ក្រហម» ឬដែនកំណត់របស់លោក គឺប្រសិនបើអ៊ីរ៉ង់ខិតជិតដល់ការផលិតអាវុធនុយក្លេអ៊ែរ។ សហរដ្ឋអាមេរិកនិយាយថា ខ្លួនកំពុងធ្វើការវាយប្រហារទាំងនេះដើម្បីទប់ស្កាត់កុំឱ្យអ៊ីរ៉ង់បិទច្រកសមុទ្រ Hormuz ដែលមានសារៈសំខាន់ខ្លាំង។ អ៊ីរ៉ង់បានឆ្លើយតបវិញដោយការវាយប្រហារទៅលើមូលដ្ឋានទ័ពអាមេរិក ដែលបានសម្លាប់យោធាអាមេរិកចំនួន ៤ នាក់។ សង្គ្រាមដែលលោក Trump ធ្លាប់បានព្យាករណ៍ថា នឹងមានរយៈពេល ៤…

បរទេស ៖ នាយករដ្ឋមន្ត្រីអ៊ីស្រាអែល លោក Benjamin Netanyahu នឹងជួបជាមួយប្រធានាធិបតីអាមេរិក លោក Donald Trump នៅសេតវិមាន នាថ្ងៃអង្គារ សប្តាហ៍ក្រោយ។ យោងតាមសារព័ត៌មាន Xinhua, សេចក្តីថ្លែងការណ៍របស់ការិយាល័យនាយករដ្ឋមន្ត្រីអ៊ីស្រាអែល កាលពីថ្ងៃសុក្រ បានបញ្ជាក់ថា លោក Netanyahu ក៏នឹងចូលរួមក្នុងពិធីបុណ្យសពរបស់សមាជិកព្រឹទ្ធសភា លោក Lindsey Graham នៅទីក្រុងវ៉ាស៊ីនតោនផងដែរ ដោយបន្ថែមថា លោកនឹងចេញដំណើរទៅកាន់ទីក្រុងវ៉ាស៊ីនតោន នៅថ្ងៃចន្ទ។ ដំណើរទស្សនកិច្ចនេះធ្វើឡើងចំពេលដែលមានភាពតានតឹងកាន់តែខ្លាំងឡើង រវាងសហរដ្ឋអាមេរិក និងអ៊ីរ៉ង់។ ទូរទស្សន៍រដ្ឋអ៊ីស្រាអែល Kan TV News បានដកស្រង់សម្តីមន្ត្រីអ៊ីស្រាអែលឲ្យដឹងថា ប្រសិនបើលោក Trump អនុញ្ញាតឱ្យអ៊ីស្រាអែល វាយប្រហារអ៊ីរ៉ង់, នោះអ៊ីស្រាអែលត្រៀមខ្លួនរួចរាល់ហើយក្នុងការធ្វើដូច្នេះ។ យោងតាមប្រភពព័ត៌មានរបស់អ៊ីស្រាអែល, ទីក្រុងហ្ស៊េរុយសាឡិម ចាប់អារម្មណ៍លើការទទួលបានការយល់ព្រមពីលោក Trump ដើម្បីវាយប្រហារគោលដៅនានា នៅក្នុងប្រទេសអ៊ីរ៉ង់ ដែលមិនធ្លាប់ត្រូវបានវាយប្រហារដោយកងទ័ពអាកាសអ៊ីស្រាអែល នៅក្នុងសង្គ្រាម កាលពីពេលមុនៗ ដូចជាគោលដៅផ្នែកថាមពលជាដើម៕ ប្រភព ៖ Xinhua ប្រែសម្រួល…

បរទេស ៖ សេតវិមានបានឱ្យដឹងកាលពីថ្ងៃសុក្រថា លោកប្រធានាធិបតីអាមេរិក ដូណាល់ ត្រាំ និងលោកប្រធានាធិបតីអ៊ុយក្រែន ហ្សេលែនស្គី គ្រោងនឹងជួបគ្នាជាថ្មី នៅទីក្រុងវ៉ាស៊ីនតោន នាសប្តាហ៍ក្រោយ។ មន្ត្រីសេតវិមានម្នាក់បាននិយាយថា ភាគីទាំងពីរ គ្រោងជួបគ្នា នៅថ្ងៃអង្គារ ថ្ងៃទី ២៨ ខែកក្កដា។ប្រភពព័ត៌មានពីអ៊ុយក្រែន បានឱ្យដឹងថា លោក Zelenskyy មានបំណងចង់ធ្វើដំណើរទៅកាន់សហរដ្ឋអាមេរិក ប៉ុន្តែ ក្រុមការងាររបស់លោកកំពុងរង់ចាំការបញ្ជាក់ជាផ្លូវការ អំពីកាលវិភាគរបស់លោក Trump ពីសេតវិមាន។ កាលពីថ្ងៃសុក្រ អ្នកសកម្មជនស្តាំនិយម និងជាសម្ព័ន្ធមិត្តរបស់លោក Trump គឺអ្នកស្រី Laura Loomer បានសម្ភាសលោក Zelenskyy ហើយបាននិយាយថា លោកបានប្រាប់អ្នកស្រី អំពីផែនការណាត់ជួបគ្នានេះដែរ។ តាមរយៈការបង្ហោះ នៅលើបណ្តាញសង្គម X, អ្នកស្រី Loomer បានបន្ថែមថា លោក Zelenskyy បាននិយាយថា លោកនឹងចូលរួមក្នុងពិធីបុណ្យសពរបស់សមាជិកព្រឹទ្ធសភាអាមេរិក លោក Lindsey Graham ដែលបានទទួលមរណភាព កាលពីដើមខែនេះ។ លោក…

ហ្ស៊េរុយសាឡិម ៖ អ៊ីស្រាអែល បានពិចារណាលើការហាមឃាត់ការប្រើប្រាស់យន្តហោះគ្មានមនុស្សបើក ទូទាំងប្រទេស ចំពេលមានការព្រួយបារម្ភអំពីការវាយប្រហារដ្រូន ដែលអាចកើតមាន ពីសំណាក់អ៊ីរ៉ង់។ បើតាមសារព័ត៌មាន N12 ចេញផ្សាយកាលពីថ្ងៃព្រហស្បតិ៍ , ផែនការនេះ ត្រូវបានលើកឡើង អំឡុងកិច្ចប្រជុំគណៈរដ្ឋមន្ត្រីសន្តិសុខ នាពេលថ្មីៗនេះ ដោយបានឆ្លងកាត់ការពិភាក្សា និង មតិយោបល់របស់ស្ថាប័នការពារជាតិ ហើយ ត្រូវបានបញ្ជូនទៅកាន់រដ្ឋមន្ត្រីទាំងអស់ នៅក្នុងសភា Knesset។ ប្រភពបានរាយការណ៍ថា ការពិចារណាលើការហាមឃាត់ទាំងស្រុងនេះ គឺដោយសារតែកង្វះបច្ចេកវិទ្យាដែលមានប្រសិទ្ធភាព ក្នុងការទប់ស្កាត់យន្តហោះគ្មានមនុស្សបើក នៅក្នុងប្រទេស ខណៈដែលមានការព្រួយបារម្ភកាន់តែខ្លាំង អំពីការវាយប្រហារពីសំណាក់អ៊ីរ៉ង់ ឬ ក្រុម Hezbollah នឹងពាក់ព័ន្ធនឹងការប្រើប្រាស់ដ្រូនកាន់តែច្រើន។ មួយវិញទៀត, ដោយសារតែមានការប្រើប្រាស់យន្តហោះគ្មានមនុស្សបើកជាលក្ខណៈឯកជនសម្រាប់គោលបំណងស៊ីវិល ដូចជា ការថតរូប ជាដើម ទើបតម្រូវឲ្យរដ្ឋាភិបាលកំពុងពិចារណា ដោយប្រុងប្រយ័ត្ននូវជម្រើសផ្សេងៗ មុននឹងធ្វើការសម្រេចចិត្តចុងក្រោយលើបញ្ហានេះ។ បើតាម jerusalem post, ក្នុងរយៈពេលប៉ុន្មាន សប្តាហ៍ថ្មីៗនេះ យន្តហោះគ្មានមនុស្សបើករបស់អ៊ីរ៉ង់បានបង្កការខូចខាតយ៉ាងធ្ងន់ធ្ងរ ដល់គោលដៅនានា នៅទូទាំងតំបន់មជ្ឈិមបូព៌ា ខណៈដែលជម្លោះរវាងសហរដ្ឋអាមេរិក និងអ៊ីរ៉ង់ កាន់តែមានភាពតានតឹង ហើយប្រធានាធិបតីអាមេរិក លោក…

ឡុងដ៍ ៖ អង់គ្លេស បានប្រកាសត្រៀមខ្លួនផ្ទុះសង្គ្រាម ជាមួយអ៊ីរ៉ង់ ដូច សហរដ្ឋអាមេរិក និង អ៊ីស្រាអែលផងដែរ ពោលគឺបន្ទាប់ពីទីក្រុងតេហេរ៉ង់គំរាមវាយប្រហារទ្រព្យសម្បត្តិអង់គ្លេសទាំងអស់ ប្រសិនបើទីក្រុងឡុងដ៍ ហ៊ានតែឲ្យអាមេរិកប្រើប្រាស់មូលដ្ឋានយោធា វាយប្រហារមកលើខ្លួន។ ចក្រភពអង់គ្លេសបានបញ្ជាក់ កាលពីថ្ងៃព្រហស្បតិ៍ ថា កងកម្លាំងប្រដាប់អាវុធប្រុងជើងការជានិច្ច ក្នុងការការពារប្រទេសជាតិ បន្ទាប់ពីមានការព្រមានពីអ៊ីរ៉ង់ ជុំវិញការអនុញាតឲ្យយន្តហោះទម្លាក់គ្រាប់បែករបស់សហរដ្ឋអាមេរិក ហោះចេញពីមូលដ្ឋាននានា នៅក្នុងប្រទេសអង់គ្លេស ដើម្បីបោះពួយទៅទម្លាក់គ្រាប់បែក កម្ទេចលើប្រទេសអ៊ីរ៉ង់។ អ្នកនាំពាក្យរដ្ឋាភិបាលអះអាងថា «កងកម្លាំងរបស់យើងត្រៀមជានិច្ច ២៤ម៉ោងក្នុងមួយថ្ងៃ និង ៧ថ្ងៃ ក្នុងមួយសប្តាហ៍ ក្នុងការរក្សាសុវត្ថិភាពចក្រភពអង់គ្លេស ពីការវាយប្រហារគ្រប់ទម្រង់ទាំងអស់ មិនថានៅលើទឹកដីរបស់យើង ឬ មកពីក្រៅប្រទេសនោះទេ»។ ប្រភពបានបន្ថែមថា «វិធានការនេះរួមបញ្ចូលទាំងការអនុវត្តយុទ្ធសាស្ត្រការពារដែនអាកាស និងប្រព័ន្ធបាញ់ទម្លាក់មីស៊ីល ជាដំណាក់កាលៗ ដោយប្រើប្រាស់ធនធានរបស់កងទ័ពជើងទឹក, កងទ័ពជើងគោក និង កងទ័ពអាកាស ដែលបំពាក់ដោយសមត្ថភាពទំនើបៗជាច្រើន ព្រមទាំង ធ្វើការយ៉ាងជិតស្និទ្ធជាមួយសម្ព័ន្ធមិត្ត NATO របស់យើង»។ អ្នកនាំពាក្យរូបនោះ អះអាងទៀតថា ជំហររបស់អង់គ្លេសនៅតែមិនផ្លាស់ប្តូរ ហើយប្រទេសនេះប្តេជ្ញាការពារប្រជាជន, ផលប្រយោជន៍ និងសម្ព័ន្ធមិត្តរបស់ខ្លួន ស្របតាមច្បាប់អន្តរជាតិ។…

កៀវ ៖ ប្រទេស​អ៊ុយក្រែនបានយល់ព្រមនាំចេញយន្តហោះដ្រូនទៅកាន់សហរដ្ឋអាមេរិក ដើម្បីចូលរួមក្នុងកម្មវិធីប្រកួតប្រជែង “Drone Dominance” របស់មន្ទីរបញ្ចកោណ ។ នេះបើតាមការចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី២២ ខែកក្កដា ។ កម្មវិធី “Drone Dominance” គឺជាគម្រោងប្រកួតប្រជែង ​និងអភិវឌ្ឍបច្ចេកវិទ្យាយោធា ដែលមានតម្លៃ​ប្រហែល ១,១០០ លានដុល្លារសម្រាប់ឆ្នាំ ២០២៦-២០២៧ ដែលដាក់ដំណើរការដោយក្រសួងការពារជាតិ ។ ក្នុងកម្មវិធីនោះ ក្រុមហ៊ុនអ៊ុយក្រែនចំនួន ៦ ទទួលបានការអនុញ្ញាតឱ្យនាំចេញយន្តហោះដ្រូនសរុបចូលគ្នាប្រហែល ១០០ គ្រឿង ។ បើតាម Defence24, គោលបំណងនៃកម្មវិធីនេះ គឺមន្ទីរបញ្ចកោណចង់យកយន្តហោះដ្រូនប្រយុទ្ធធុនតូចៗមកធ្វើការប្រកួតប្រជែង និងធ្វើតេស្តសាកល្បងក្នុងស្ថានភាពត្រាប់តាមសមរភូមិពិតប្រាកដ ។ ម្យ៉ាង សហរដ្ឋអាមេរិកចង់រៀនសូត្រពីបទពិសោធន៍ និងការច្នៃប្រឌិតបច្ចេកវិទ្យារបស់អ៊ុយក្រែន ដែលបានឆ្លងកាត់ការប្រើប្រាស់ជាក់ស្តែងក្នុងសមរភូមិសង្គ្រាមជាមួយរុស្ស៊ី ។ យន្ត​ហោះដ្រូនរបស់អ៊ុយក្រែន ដែលទទួលភាពជោគជ័យខ្លាំង ក្នុងអំឡុងសង្គ្រាមប្រឆាំងនឹងរុស្ស៊ី បានជំរុញឱ្យមានតម្រូវការខ្ពស់ពីបណ្តាប្រទេសនានា ដែលចង់រៀនសូត្រ​ពីបទពិសោធន៍ និងទិញដ្រូនគ្រប់ម៉ូដែលរបស់អ៊ុយក្រែន សម្រាប់ការសាកស្បង ។ ជាក់ស្ដែង អាមេរិកបានចុះកិច្ចព្រមព្រៀងទិញយន្តហោះដ្រូនរបស់អ៊ុយក្រែន បន្ទាប់ពីភាគីទាំងពីរបានចរចាលើកិច្ចព្រមព្រៀងយន្តហោះដ្រូនទ្រង់ទ្រាយធំមួយកាលពីប៉ុន្មានខែមុន ។ ក្រៅពីសហរដ្ឋអាមេរិក, អ៊ុយក្រែនក៏បានចុះកិច្ចព្រមព្រៀងយន្តហោះដ្រូនជាមួយបណ្តាប្រទេសមួយចំនួនទៀត នៅអឺរ៉ុប និងមជ្ឈិមបូព៌ាផងដែរ ដែលមានដូចជា អារ៉ាប៊ីសាអូឌីត កាតា និងអារ៉ាប់រួមជាដើម…

សេអ៊ូល ៖ ប្រទេសកូរ៉េខាងត្បូងគ្រោងបោះបង់ចោលគោលនយោបាយ “លុបបំបាត់អាវុធនុយក្លេអ៊ែរ” ដោយបង្វែរមកអនុវត្តយុទ្ធសាស្រ្ត “គិតសន្តិភាពជាធំ” វិញ ដើម្បីបើកផ្លូវចរចាជាមួយកូរ៉េខាងជើងសាជាថ្មី ក្នុងគោលបំណងធ្វើឱ្យឧបទ្វីបកូរ៉េគ្មានអាវុធប្រល័យលោក ។ នេះបើតាម NBC News ចេញផ្សាយកាលពីថ្ងៃទី២៣ ខែកក្កដា ។ រដ្ឋមន្ត្រីបង្រួបបង្រួមជាតិកូរ៉េខាងត្បូង លោក Chung Dong-young និយាយថា គោលនយោបាយ “លុបបំបាត់អាវុធនុយក្លេអ៊ែរជាធំ” អាចត្រូវបានលុបចោល ដើម្បីផ្តល់អាទិភាពដល់ការបញ្ឈប់សកម្មភាពបង្កើនការផលិតក្បាលគ្រាប់នុយក្លេអ៊ែររបស់កូរ៉េខាងជើងជាដំបូង ។ លោក Chung អះអាងថា កូរ៉េខាងត្បូងកំពុងអភិវឌ្ឍយុទ្ធសាស្ត្រមួយ ដែលដំបូងឡើយ ស្វែងរកការបង្កកកម្មវិធីនុយក្លេអ៊ែររបស់កូរ៉េខាងជើង ។ លោកព្រមានថា ការពន្យារពេលតទៀត នឹងបើកដៃឱ្យទីក្រុងព្យុងយ៉ាងកាន់តែពង្រីកឃ្លាំងអាវុធនុយក្លេអ៊ែររបស់ខ្លួន ។ រដ្ឋមន្ត្រីបង្រួបបង្រួមជាតិកូរ៉េខាងត្បូងរូបនេះសង្កត់ធ្ងន់ថា ការទាមទារឱ្យមានការលុបបំបាត់អាវុធនុយក្លេអ៊ែរជាធំ បានរារាំងដល់ការចរចា នៅពេលដែលកិច្ចសន្ទនាផ្លូវការរវាងប្រទេសកូរ៉េទាំងពីរ ត្រូវបានផ្អាកអស់រយៈពេល ៧ ឆ្នាំមកហើយ ។ យ៉ាងណាមិញ ទោះបីជាមានការបន្ទន់ឥរិយាបថរបស់លោកប្រធានាធិបតីកូរ៉េខាងត្បូង Lee Jae-myung ដូចជាការផ្អាកការចាក់ឧបករណ៍បំពងសំឡេងតាមព្រំដែនក៏ដោយ ប៉ុន្តែកូរ៉េខាងជើងនៅតែមិនទាន់បង្ហាញចំណាប់អារម្មណ៍វិលត្រឡប់ទៅរកការចរចាវិញនៅឡើយនោះទេ ។ កូរ៉េខាងជើងនិយាយថា ខ្លួនគ្មានចំណាប់អារម្មណ៍លើសំណើរបស់ទីក្រុងសេអ៊ូល ឬស្តារកិច្ចសន្ទនាឡើងវិញនោះឡើយ…