ខេត្តហ៊ូណាន ប្រទេសចិន៖ តាមការចាត់តាំងដ៏ខ្ពង់ខ្ពស់របស់សម្តេចមហាបវរធិបតីនាយករដ្ឋមន្ត្រី កាលពីថ្ងៃទី១៥-១៦ ខែកញ្ញា ឆ្នាំ២០២៦ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានដឹកនាំគណៈប្រតិភូក្រសួងចូលរួមកិច្ចប្រជុំអន្តរជាតិលើកទី៥ ស្តីពីការប្រើប្រាស់ប្រព័ន្ធផ្កាយរណបនាំផ្លូវប៉ីតូវ (BeiDou Navigation Satellite System – BDS) នៅក្រុងជូចូវ ខេត្តហ៊ូណាន សាធារណរដ្ឋប្រជាមានិតចិន។ កិច្ចប្រជុំនេះមានការអញ្ជើញចូលរួមពីថ្នាក់ដឹកនាំ និងតំណាងក្រសួង ស្ថាប័ន និងវិស័យលំហអាកាសនៃបណ្តាប្រទេស ព្រមទាំងតំណាងក្រុមហ៊ុន សាស្ត្រាចារ្យ និងយុវជនក្នុងប្រទេសចិន សរុបជាង៧០០០នាក់។ ក្នុងឱកាសនេះ ឯកឧត្តមរដ្ឋមន្ត្រីបានអញ្ជើញថ្លែងសុន្ទរកថាគន្លឹះ ស្តីពីការប្រើប្រាស់បច្ចេកវិទ្យាលំហអាកាស ដើម្បីជំរុញការអភិវឌ្ឍសេដ្ឋកិច្ច និងសង្គម។ ឯកឧត្តមក៏បានអញ្ជើញទស្សនាពិព័រណ៍ និងជួបពិភាក្សាការងារជាមួយក្រុមហ៊ុន GalaxySpace ដែលជាក្រុមហ៊ុនផលិតផ្កាយរណបមួយរបស់ប្រទេសចិនផងដែរ៕ ដោយ៖ ង៉ាន់ ទិត្យ

កម្ពុជា នឹងធ្វើជាម្ចាស់ផ្ទះរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា(ICCOS) រយៈពេល ២ថ្ងៃ ចាប់ពីថ្ងៃទី២៣ ដល់ថ្ងៃទី២៤ ខែកញ្ញា ឆ្នាំ២០២៦ ក្រោមប្រធានបទ៖ «រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា»។  ក្រុមអ្នកវិភាគយល់ឃើញថា ការធ្វើជាម្ចាស់ផ្ទះរបស់កម្ពុជាក្នុងការរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ​កំពុងជួយបង្កើនទំនុកចិត្ត និងស្ដារកេរឈ្មោះកម្ពុជាលើឆាកអន្តរជាតិ ជាពិសេសវិស័យទេសចរណ៍ និងការវិនិយោគ។  បណ្ឌិត ញិល រដ្ឋា អ្នកជំនាញវិទ្យាសាស្រ្តនយោបាយ និងសេដ្ឋកិច្ចអន្តរជាតិ បានចាត់ទុកការរៀបចំសន្និសីទអន្តរជាតិនេះ គឺជាជំហានដ៏ត្រឹមត្រូវ និងជាយុទ្ធសាស្រ្ត ក្នុងការបង្ហាញឆ្ឆន្ទៈនយោបាយរបស់រដ្ឋាភិបាលកម្ពុជា ដោយលោកបានពន្យល់ថា កម្ពុជាបានប្រែក្លាយពីជនរងគ្រោះទៅជាអ្នករកដំណោះស្រាយបញ្ហាឆបោកតាមប្រព័ន្ធបច្ចេកវិទ្យាទៅវិញ។ សម្រាប់បណ្ឌិត ញិល រដ្ឋា ការរៀបចំសន្និសីទអន្តរជាតិនេះនឹងជួយស្ដារមុខមាត់កម្ពុជាលើឆាកអន្តរជាតិ។  ស្រដៀងគ្នានេះដែរ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជា យល់ឃើញថា ការរៀបចំសន្និសីទអន្តរជាតិនេះ គឺជាការបង្ហាញឆ្ឆន្ទៈនយោបាយច្បាស់លាស់របស់រាជរដ្ឋាភិបាលកម្ពុជា។ សម្រាប់បណ្ឌិត គិន ភា ការរៀបចំសន្និសីទនេះ មិនត្រឹមជាការស្ដារមុខមាត់កម្ពុជាប៉ុណ្ណោះទេ ក៏ជាការកាត់ផ្ដាច់ឬសគល់នៃឧក្រិដ្ឋកម្មឆបោកតាមប្រព័ន្ធបច្ចេកវិទ្យាផងដែរ។ តាមគម្រោង សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នឹងប្រព្រឹត្តិទៅក្រោមអធិបតីភាពរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ សន្និសីទនេះនឹងមានការចូលរួមពីតំណាង​រដ្ឋាភិបាល អង្គការអន្តរជាតិ ស្ថាប័នអនុវត្តច្បាប់…

ភ្នំពេញ  ថ្ងៃទី ២១ ខែកញ្ញា ឆ្នាំ២០២៦ – ក្រុមហ៊ុន Smart Axiata និង ក្រសួងអប់រំ យុវជន និងកីឡា (MoEYS) បានប្រកាសជាផ្លូវការនូវភាពជាដៃគូក្នុងការគាំទ្រ «គម្រោងសាងសង់ហេដ្ឋារចនាសម្ព័ន្ធអប់រំ» នៅខេត្តឧត្តរមានជ័យ។ គម្រោងនេះមានគោលបំណងពង្រីកលទ្ធភាពទទួលបានការអប់រំ និងបង្កើនឱកាសសិក្សាសម្រាប់សិស្សានុសិស្សនៅក្នុងសហគមន៍ដែលរងផលប៉ះពាល់ដោយសារជម្លោះព្រំដែននាពេលថ្មីៗកន្លងមកនេះ។ កិច្ចសហការនេះ គឺជាការប្រកាសបើកដំណើរការ «គម្រោងសាងសង់ហេដ្ឋារចនាសម្ព័ន្ធអប់រំ» ដើម្បីសម្រួលដល់សិស្សានុសិស្សដែលបានបញ្ចប់ការសិក្សាកម្រិតបឋមភូមិ នៅសាលាបឋមសិក្សាចំនួន ៥ ដែលមានទីតាំងនៅជុំវិញទីតាំងគម្រោង រួមមាន សាលាបឋមសិក្សាស្រះកែវ សាលាបឋមសិក្សាអាតោ សាលាបឋមសិក្សាបាក់វែក សាលាបឋមសិក្សាបាត់ថ្កៅ និងសាលាបឋមសិក្សាស្រះទឹក ឱ្យមានភាពងាយស្រួល និងសុវត្ថិភាពក្នុងការបន្តការសិក្សាកម្រិតមធ្យមសិក្សាបឋមភូមិ។ ជាពិសេសនោះ គឺផ្តល់លទ្ធភាពដល់សិស្សានុសិស្សមកពីគ្រួសារដែលរងផលប៉ះពាល់ដោយជម្លោះតាមព្រំដែន និងកំពុងរស់នៅក្នុងតំបន់នៃគម្រោងបែកចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចដំណាក់កាលទី៣ (LASED III) ឱ្យទទួលបានការអប់រំនៅកម្រិតមធ្យមសិក្សាបឋមភូមិផងដែរ។តាមរយៈកិច្ចសហការជាមួយក្រសួងអប់រំ យុវជន និងកីឡា ក្រុមហ៊ុន Smart មានគោលបំណងចូលរួមពង្រីកលទ្ធភាពទទួលបានការអប់រំ និងគាំទ្រសហគមន៍ក្នុងការស្តារ និងអភិវឌ្ឍរយៈពេលវែង។ លោក Ritesh Kumar Singh នាយកប្រតិបត្តិ ក្រុមហ៊ុន Smart…

ក្រុមហ៊ុនចិនប្រមាណ ៤២ បានសម្លឹងឃើញពីឱកាស​វិនិយោគបន្ថែមនៅក្នុងប្រទេសកម្ពុជា ដោយបានបញ្ជាក់ពីគោលបំណងក្នុងការបោះទុនវិនិយោគជាមួយទំហំវិនិយោគដ៏ច្រើន នៅក្នុង​ខេត្តកំពង់ស្ពឺ។ នេះបើតាមការលើកឡើងរបស់ថ្នាក់ដឹកនាំខេត្តកំពង់ស្ពឺ។ កាលពីពេលថ្មីៗ ឯកឧត្តម ជាម ចន្ទ័សោភ័ណ អភិបាលខេត្តកំពង់ស្ពឺ បានរួមដំណើរជាមួយគណៈប្រតិភូកម្ពុជា ជាច្រើនរូបផ្សេងទៀត ដើម្បីចូលរួមកិច្ចប្រជុំផ្លាស់ប្តូរកិច្ចសហប្រតិបត្តិការសេដ្ឋកិច្ច និងពាណិជ្ជកម្មអាស៊ាន – ហួយហ្វា នៅទីក្រុងណាននីង ប្រទេសចិន។ ក្នុងអំឡុងកិច្ចប្រជុំនេះ អភិបាលខេត្តកំពង់ស្ពឺបានជួបជាមួយតំណាងក្រុមហ៊ុន សហគ្រាសប្រមាណ ៤២ នៅក្នុងវិស័យចំនួន ៩ ដែលបានសន្យាថា នឹងមកធ្វើទស្សនកិច្ចស្វែងយល់ និងបោះទុនវិនិយោគក្នុងខេត្តកំពង់ស្ពឺ ក្នុងពេលឆាប់ៗខាងមុខ។ ក្នុងចំណោមក្រុមហ៊ុន សហគ្រាស ដែលចាប់អារម្មណ៍លើខេត្តកំពង់ស្ពឺនេះ មានមួយចំនួនជាអ្នកវិនិយោគដែលមានស្រាប់ ហើយកំពុងស្វែងរកឱកាសពង្រីកប្រតិបត្តិការរបស់ខ្លួន ខណៈដែលក្រុមហ៊ុនខ្លះទៀតជាអ្នកចំណូលថ្មី ហើយគ្រោងបង្កើតរោងចក្រនៅក្នុងខេត្តនេះ។ វិស័យសំខាន់ៗដែលក្រុមហ៊ុនទាំងនេះចាប់អារម្មណ៍មានដូចជា កសិកម្ម និងកែច្នៃកសិផល, ឧស្សាហកម្ម និងផលិតកម្ម, សំណង់ និងសម្ភារៈសំណង់, ទេសចរណ៍ និងវប្បធម៌, វិនិយោគ និងពាណិជ្ជកម្ម, បច្ចេកវិទ្យា និងឌីជីថល, រ៉ែ, ឡូជីស្ទីក និងដឹកជញ្ជូន ព្រមទាំងថាមពលថ្មី និងបរិស្ថាន។ កត្តាដែលធ្វើឲ្យខេត្តកំពង់ស្ពឺ ទទួលបានក្រុមអ្នកវិនិយោគចូលមកបណ្ដាក់ទុនកាន់តែច្រើនជាបន្តបន្ទាប់ គឺដោយសារខេត្តនេះមានសក្ដានុពលជាច្រើនលើវិស័យឧស្សាហកម្ម កសិកម្ម ទេសចរណ៍…

រយៈពេល ៨ខែឆ្នាំ២០២៦នេះ មន្រ្តីអគ្គនាយកដ្ឋានរដ្ឋបាលជលផល បង្រ្កាបបទល្មើសនេសាទបានចំនួន ១ ៥១៨ករណី ដោយឃាត់ខ្លួនមនុស្សបានចំនួន ៥៤នាក់បញ្ជូនទៅតុលាការ ក្នុងនោះមាន ៤៧នាក់ត្រូវបានបញ្ជូនទៅឃុំខ្លួននៅពន្ធនាគារ។ នេះបើយោងតាមរបាយការ​ណ៍​របស់អគ្គនាយកដ្ឋានរដ្ឋបាលជលផលនៃក្រសួងការសិកម្ម រុក្ខាប្រម៉ាញ់ និងនេសាទ ផ្ដល់ជូនបណ្ដាញព័ត៌មាន AMS។ របាយការណ៍ដដែលបញ្ជាក់ថា បទល្មើសនេសាទមានការថយចុះបើធៀបនឹងរយៈពេលដូចគ្នានៅឆ្នាំមុន ខណៈបទល្មើសភាគច្រើនកើតមាននៅតំបន់ទំនាបលិចទឹកជុំវិញបឹងទន្លេសាប និងទន្លេមេគង្គ។ ឧបករណ៍នេ​សាទខុសច្បាប់ដែលត្រូវរឹបអូសបានមានស្បៃមុងចំនួនជាង ២ម៉ឺនពាន់មាត់របាំងស្បៃមុង សាច់អួនប្រវែងជាង ៤០ម៉ឺនម៉ែត្រ និងឧបករណ៍ឆក់ត្រីចំនួន ៣០៣គ្រឿងផងដែរ។ សូមបញ្ជាក់ថា នៅថ្ងៃទី២០ ខែកញ្ញា ឆ្នាំ២០២៦ មន្រ្តីក្រសួងកសិកម្មសហការជាមួយនាយខណ្ឌរដ្ឋបាលជលផលបាត់ដំបង អធិការដ្ឋានជលផល និងសហគមន៍នេសាទ បានចុះប្រតិបត្តិការត្រួតពិនិត្យ និងបង្រ្កាបបទ​ល្មើសជលផលចំនួន ២ករណី ដោយរុះរើបំផ្លាញចោលនូវឧបករណ៍ខុសច្បាប់រួមមាន របាំងស្បៃមុងប្រ​វែង ៣៥០ម៉ែត្រ លបកន្ទុយកណ្តុរ ៣៥គ្រៀង លូស្បៃមុង ៤០មាត់ បង្គោល ១៤០ដើម ព្រមទាំងចាក់លែងត្រីចម្រុះចូលបឹងធម្មជាតិវិញ ដែលស្ថិតនៅចំណុចអាងកំពីងពួយ ឃុំតាគ្រាម ស្រុកបាណន់ ខេត្តបាត់ដំបង៕ សេង បារាំង AMS

មជ្ឈមណ្ឌលពាណិជ្ជកម្មម៉ឺនជ័យ ឬ 8 Park ស្ថិតនៅឃុំក្របៅ ស្រុកកំចាយមារ ខេត្តព្រៃវែង ដែលធ្លាប់ត្រូវបានឧក្រិដ្ឋជនប្រើប្រាស់ជាទីតាំងប្រព្រឹត្តបទល្មើសឆបោកតាមអនឡាញយ៉ាងសកម្មនាពេលកន្លងមក ពេលនេះបានបិទទ្វារទាំងស្រុងហើយ។ នៅថ្ងៃទី២១ ខែកញ្ញា ឆ្នាំ២០២៦ ឯកឧត្តម សួន សុម៉ាលីន អភិបាលខេត្តព្រៃវែង បានអះអាងប្រាប់អ្នកសារព័ត៌មានជាតិ និងអន្តរជាតិមកពី ៣៩អង្គភាពថា នៅមជ្ឈមណ្ឌលពាណិជ្ជកម្មម៉ឺនជ័យ និងនៅទីតាំងផ្សេងៗទៀតទូទាំងខេត្តព្រៃវែង លែងមានការប្រព្រឹត្តបទល្មើសឆបោកតាមអនឡាញទៀតហើយ។ ឯកឧត្តម ហាយ មករា អគ្គលេខាធិការនៃអគ្គលេខាធិការដ្ឋានមជ្ឈមណ្ឌលព័ត៌មានវិទ្យា បានឱ្យដឹងថា មជ្ឈមណ្ឌលពាណិជ្ជកម្មម៉ឺនជ័យត្រូវបានសាងសង់ឡើងនៅឆ្នាំ២០២៣។ នៅឆ្នាំ២០២៤ មានជនបរទេសប្រមាណ ៧ពាន់នាក់បានចូលមកបម្រើការងារនៅទីតាំងនេះ ហើយមួយឆ្នាំក្រោយមក ចំនួននេះបានកើនឡើងដល់ជិត២ម៉ឺននាក់ ក្នុងនោះមានជនជាតិចិន ប៉ាគីស្ថាន ឥណ្ឌា និងនេប៉ាល់។ ឯកឧត្តមបានបន្ថែមថា នៅខែតុលា ឆ្នាំ២០២៥ សមត្ថកិច្ចបានបើកការស៊ើបអង្កេតលើបុគ្គល ចេន ហ្ស៊ី រហូតឈានដល់ការដកសញ្ជាតិ និងបញ្ជូនបុគ្គលរូបនេះទៅកាន់ប្រទេសចិនវិញ។ បន្ទាប់មក ជនបរទេសនៅទីតាំង 8 Park បានចាកចេញជាបន្តបន្ទាប់។ តាមរយៈការស្រាវជ្រាវ ​សមត្ថកិច្ចជំនាញបានរកឃើញថា ទីតាំង 8 Park ជាកម្មសិទ្ធិរបស់ក្រុមហ៊ុន ព្រីន គ្រុប។ ចំពោះអ្នកពាក់ព័ន្ធ…