18 September 2026 – AirAsia Group Berhad (formerly known as AirAsia X Berhad) (“AirAsia”, or the “Group”) today reaffirmed its focused and prudent approach in navigating the current operating environment, as airlines globally continue to face geopolitical uncertainty, fuel volatility, cost pressures and shifting market dynamics. While these challenges are industry-wide and not unique to…

រាជរដ្ឋាភិបាលកម្ពុជា បានបង្ហាញការទទួលខុសត្រូវខ្ពស់ ក្នុងការចូលរួមជាមួយសហគមន៍អន្តរជាតិ ដើម្បីប្រយុទ្ធប្រឆាំង និងលុបបំបាត់បទល្មើសឆបោកតាមប្រព័ន្ធបច្ចេកវិទ្យា។ ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន បានលើកឡើងនៅក្នុងសន្និសីទសារព័ត៌មាន នាថ្ងៃទី១៨ ខែកញ្ញា ថា ការដែលកម្ពុជាធ្វើជាម្ចាស់ផ្ទះរៀបចំ «សន្និសីទអន្តរជាតិនៃការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» គឺជាការបង្ហាញពីឆន្ទៈនយោបាយដ៏មុតមាំ និងការទទួលខុសត្រូវខ្ពស់របស់រាជរដ្ឋាភិបាលកម្ពុជា ដោយបើកចំហយ៉ាងទូលំទូលាយ និងអំពាវនាវឱ្យមានសកម្មភាពរួមគ្នារបស់សហគមន៍អន្តរជាតិ ក្នុងការប្រយុទ្ធប្រឆាំងនឹងបទល្មើសឆបោកតាមប្រព័ន្ធអនឡាញ ពីព្រោះបញ្ហានេះគឺជាការប្រឈមរួមទាំងនៅក្នុងតំបន់ និងលើពិភពលោក។ យោងតាមឯកឧត្តមរដ្ឋមន្រ្តី កម្ពុជាទទួលស្គាល់ថា ការឆបោកតាមអនឡាញគឺជាបញ្ហាប្រឈមធ្ងន់ធ្ងរ ហើយកម្ពុជាខ្លួនឯងក៏ជាអ្នករងគ្រោះពីឧក្រិដ្ឋកម្មឆ្លងដែននេះផងដែរ។ ទោះជាយ៉ាងណាក៏ដោយ កម្ពុជាបាន និងកំពុងចាត់វិធានការយ៉ាងម៉ឺងម៉ាត់ក្នុងការប្រឆាំង និងបង្ក្រាបបទល្មើសនេះ ព្រមទាំងសហការយ៉ាងជិតស្និទ្ធជាមួយបណ្តាប្រទេសនានាលើពិភពលោក រួមមាន ប្រទេសចិន អាមេរិក កូរ៉េខាងត្បូង ជប៉ុន អូស្ត្រាលី និងបណ្តាប្រទេសក្នុងតំបន់អាស៊ាន ដើម្បីរួមគ្នាដោះស្រាយបញ្ហានេះឱ្យមានប្រសិទ្ធភាព។  កម្ពុជានឹងធ្វើជាម្ចាស់ផ្ទះរៀបចំ «សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» ចាប់ពីថ្ងៃទី២៣ ដល់ថ្ងៃទី២៤ ខែកញ្ញា ឆ្នាំ២០២៦ ខាងមុខនេះ នៅក្នុងរាជធានីភ្នំពេញ ក្រោមប្រធានបទ «រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យាស្កែមអនឡាញ»។ ព្រឹត្តិការណ៍ជាប្រវត្តិសាស្ត្រនេះ នឹងមានការចូលរួមពីតំណាងបណ្តាប្រទេសជាង ២០ និងអង្គការអន្តរជាតិធំៗចំនួន ៣ ផងដែរ។ ឯកឧត្តម ហាយ មករា…

លោក ស៊ីហាសាក់ ភូតកេតកែវ រដ្ឋមន្ត្រីក្រសួងការបរទេសថៃ បានអះអាងនៅថ្ងៃសុក្រនេះថា រដ្ឋាភិបាលថៃនៅតែប្រកាន់ជំហរថា ត្រូវកំណត់ព្រំដែនសមុទ្រជាមួយកម្ពុជាឱ្យបានច្បាស់លាស់ជាមុនសិន មុននឹងឈានទៅពិភាក្សាអំពីការអភិវឌ្ឍធនធានរួម ឬការបែងចែកផលប្រយោជន៍ពីធនធានបាតសមុទ្រ។ ថ្លែងនៅវិមានរដ្ឋាភិបាលថៃ លោក ស៊ីហាសាក់ បានបញ្ជាក់ថា កិច្ចប្រជុំលើកដំបូងរបស់គណៈកម្មការផ្សះផ្សា​ដោយ​បង្ខំក្រោមអនុសញ្ញា UNCLOS បានប្រព្រឹត្តទៅដោយរលូន។ នេះបើយោងតាមការដកស្រង់សម្តីរបស់លោក​ពីកាសែត​ខៅសុត។ ប្រមុខការទូតថៃបានបន្ថែមថា ភាគីកម្ពុជាក៏ផ្តល់អាទិភាពលើការកំណត់ព្រំដែនសមុទ្រផងដែរ ប៉ុន្តែ ប្រសិនបើដំណើរការនេះត្រូវការពេលវេលាយូរ កម្ពុជាចង់ឱ្យមានការអភិវឌ្ឍធនធានរួមសិន ក្នុងអំឡុងពេលរង់ចាំដំណោះស្រាយ។ ទោះបីយ៉ាងណា លោក ស៊ីហាសាក់ យល់ឃើញថា ទំនាក់ទំនងកម្ពុជា-ថៃកំពុងដំណើរការទៅមុខល្អ ហើយកម្ពុជាបានបង្ហាញជំហរបត់បែន និងកាន់តែសម្របសម្រួល ដែលអាចបង្កើតលទ្ធភាពសម្រាប់ការចរចាបន្ថែមទៀត។ សូមបញ្ជាក់ថា នៅក្នុងកិច្ចប្រជុំលើកទី១នៃគណៈកម្មការផ្សះផ្សារវាងកម្ពុជា និងថៃនៅប្រទេសសិង្ហបុរី ឯកឧត្តម ប្រាក់ សុខុន ក្នុងនាមកម្ពុជា បានស្នើឲ្យគណៈកម្មការជួយជ្រោមជ្រែងប្រទេសទាំងពីរឈានទៅសម្រេចបានការចុះសន្ធិសញ្ញាមួយ ដើម្បីកំណត់ព្រំដែនសមុទ្រតែមួយ ដែលមានលក្ខណៈគ្រប់ជ្រុងជ្រោយរវាងប្រទេសទាំងពីរ។ ជាជម្រើសផ្សេងទៀត កម្ពុជាត្រៀមខ្លួនចុះកិច្ចព្រមព្រៀងជាមួយប្រទេសថៃ សម្រាប់ការអភិវឌ្ឍរួមគ្នា និងការបែងចែកធនធានដោយសមធម៌រវាងរដ្ឋទាំងពីរ ក្នុងអំឡុងពេលរង់ចាំកិច្ចព្រមព្រៀងជាស្ថាពរស្តីពីព្រំដែនសមុទ្រ។ ប៉ុន្តែ ក្នុងករណីមិនអាចសម្រេចបានកិច្ចព្រមព្រៀងជាស្ថាពរ ទាំងលើព្រំដែនសមុទ្រ និងទាំងលើការអភិវឌ្ឍរួមគ្នា កម្ពុជាសូមស្នើឱ្យគណៈកម្មការរៀបចំរបាយការណ៍ផ្តល់អនុសាសន៍ដល់ភាគីទាំងពីរ ដើម្បីប្រើប្រាស់ជាមូលដ្ឋានសម្រាប់ចរចាគ្នានៅពេលក្រោយ ដោយអនុលោកតាមអនុសញ្ញា UNCLOS ៕ សៅ សុខអេង

ឯកឧត្តម មៀវ សុខទ្រី ប្រធានសមាគមអ្នកផលិតចំណីអាហារកម្ពុជា បានប្រាប់បណ្ដាញព័ត៌មាន AMS ថា សព្វថ្ងៃនេះ ផលិតផលម្ហូបអាហាររបស់កម្ពុជាបានចូលមកទីផ្សារកូរ៉េប្រមាណ ៣០មុខ និងមានផលិត​ផលជាច្រើនទៀតកំពុងដំណើរការពិនិត្យលទ្ធភាពក្នុងការនាំចូលផងដែរ។ ប្រធានសមាគមអ្នកផលិតចំណីអាហារកម្ពុជាបញ្ជាក់ថា ផលិតផលម្ហូបអាហារនាំទៅកូរ៉េ មានជាប្រភេទគ្រឿងទេស ដូចជា ទឹកត្រី, ទឹកស៊ីអីវ, ទឹកម្ទេស, ទឹកសៀង, ម្ទេសឆា, ម្ស៉ៅស៊ុប, ព្រមទាំងអាហារមួយចំនួន ជាអាទិ៍ មីបន្លែ, គុយទាវស្ងួត, មីសួរ, នំបញ្ចុកស្ងួត និងប្រហុក ផ្អក។ ក្រៅពីនេះ កម្ពុជាក៏នាំផលិតផលភេសជ្ជៈជំនួយកម្លាំង ស្រាបៀរ, ​ទឹកដោះគោខាប់ ​​ក៏ដូចជាដំណាប់ស្វាយ, ស្វាយចន្ទី, ​ត្រីប្រឡាក់ និងខ្ទិះដូងជាដើម ទៅលក់នៅកូរ៉េផងដែរ។ ឯកឧត្តម មៀវ សុខទ្រី បានឲ្យដឹងថា ការដឹកជញ្ជូនម្ហូបអាហារទាំងនេះ គឺដឹកតាមកប៉ាល់ ជាមធ្យមពីរទូកុងតឺន័រតូចក្នុងមួយខែ ដែលមានប្រហែលចំនួន ៣ ទៅ ៤ក្រុមហ៊ុនជាអ្នកនាំចេញទៅកូរ៉េនេះ។ សម្រាប់សមា​គ​ម​វិញគឺបានជួយសម្របសម្រួល និងប្រមូលផ្តុំទំនិញទៅកូរ៉េជាមធ្យម ១ទូកុងតឺន័រក្នុងមួយខែសម្រាប់ទំនិញទូទៅ។ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ ក្នុងជំនួបជាមួយប្រធានសមាគមអ្នកផលិតចំណីអាហារកម្ពុជា នៅថ្ងៃទី១១…

នៅថ្ងៃទី១៧ ខែកញ្ញា ឆ្នាំ២០២៦ ឯកឧត្តម ហុង ណារិត អនុរដ្ឋលេខាធិការ តំណាងក្រសួងកសិកម្ម រុក្ខាប្រមាញ់ និងនេសាទ នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូកម្ពុជា ចូលរួមសន្និសីទចិន(ក្វាងស៊ី)-អាស៊ាន ស្តីពីកិច្ចសហប្រតិបត្តិការកសិកម្ម និងការកាត់បន្ថយភាពក្រីក្រ ឆ្នាំ២០២៦ ដែលបានប្រព្រឹត្តទៅនៅទីក្រុងណាននីង តំបន់ស្វយ័តក្វាងស៊ី នៃសាធារណរដ្ឋប្រជាមានិតចិន។ នាឱកាសនោះ ឯកឧត្តម បានលើកឡើងថា វិស័យកសិកម្មនៅតែជាវិស័យដ៏សំខាន់សម្រាប់សេដ្ឋកិច្ចជនបទ និងជាផ្នែកសំខាន់ក្នុងការចូលរួមកាត់បន្ថយភាពក្រីក្រ។ កម្ពុជាបានវាយតម្លៃខ្ពស់ចំពោះកិច្ចសហប្រតិបត្តិការអាស៊ាន-ចិន និងផែនការសកម្មភាពអាស៊ាន-ចិន ឆ្នាំ២០២៦-២០៣០ ដែលបានរួមចំណែកក្នុងការកសាងបណ្តាញកសិកម្មប្រកបដោយសមាហរណកម្ម និងពង្រឹងភាពធន់របស់កសិករខ្នាតតូច តាមរយៈការលើកកម្ពស់កសិកម្មបៃតង ពាណិជ្ជកម្មបៃតង និងក្របខ័ណ្ឌអនាម័យ និងភូតគាមអនាម័យ (SPS)។ សម្រាប់កិច្ចសហប្រតិបត្តិការទ្វេភាគី កម្ពុជា-ចិន កំពុងមានការរីកចម្រើនយ៉ាងសកម្ម ក្រោមភាពជាដៃគូយុទ្ធសាស្ត្រគ្រប់ជ្រុងជ្រោយ និងក្របខ័ណ្ឌ «កិច្ចសហប្រតិបត្តិការត្បូងពេជ្រ»។ ជាពិសេស គម្រោង «ច្រករបៀងមច្ឆា និងអង្ករ» ត្រូវបានជំរុញតាមរយៈផែនការកិច្ចសហប្រតិបត្តិការដែលគ្របដណ្តប់លើការផលិតដំណាំ ការចិញ្ចឹមសត្វ ជលផល ការលើកកម្ពស់ជីវភាព ពាណិជ្ជកម្ម និងការវិនិយោគក្នុងវិស័យកសិកម្ម។ ជាមួយគ្នានេះ គម្រោងសហប្រតិបត្តិការឧស្សាហកម្មអង្ករទំនើបកម្ពុជា-ចិន នៅខេត្តកំពង់ឆ្នាំង ត្រូវបានលើកឡើងជាឧទាហរណ៍ជាក់ស្តែងនៃកិច្ចសហប្រតិបត្តិការដែលបានចូលរួមលើកកម្ពស់ខ្សែច្រវាក់តម្លៃកសិ-អាហារ។ តាមរយៈការផ្ទេរបច្ចេកវិទ្យា…