អង្គការសមាគមអភិរក្សសត្វព្រៃប្រចាំកម្ពុជា(WCS)សហការជាមួយការិយាល័យសេនានុព័ន្ធស៊ើបអង្កេតសន្តិសុខមាតុភូមិ (Homeland Security Investigations-HSI) នៃស្ថានទូតអាមេរិកប្រចាំកម្ពុជា ​បានរៀបចំវគ្គបណ្តុះបណ្តាលដល់មន្ត្រីឧទ្យានុរក្ស អំពីការស៊ើបអង្កេតបទល្មើសដឹកឈើ និងការប្រើប្រាស់ឧបករណ៍កោសល្យវិច័យឈើចល័តដែលដឹកចេញពីតំបន់ការពារធម្មជាតិ។ ឧបករណ៍នេះ​មានឈ្មោះថា ArborTron។​វគ្គបណ្តុះបណ្តាលនេះ មានសិកា្ខកាមចូលរួមសរុបចំនួន ៤៩នាក់ ក្នុងនោះមានមន្ត្រីឧទ្យានុរក្សចំនួន ៣៩នាក់ មកពីតំបន់ការពារធម្មជាតិក្នុងខេត្តមណ្ឌលគិរី និងខេត្តក្រចេះ។ វគ្គបណ្តុះបណ្តាលនេះ បានរៀបចំឡើង​ពីថ្ងៃទី៩ ដល់ ថ្ងៃទី១១ ខែកញ្ញា ឆ្នាំ២០២៦ នៅទីស្នាក់ការកណ្តាលដែនជម្រកសត្វព្រៃកែវសីមា ខេត្តមណ្ឌលគិរី។ នេះជាវគ្គបណ្តុះបណ្តាលដំបូងអំពីការប្រើប្រាស់ឧបករណ៍ ArborTron សម្រាប់មន្ត្រីឧទ្យានុរក្សក្នុងប្រទេសកម្ពុជា។ ឯកឧត្តម ខ្វៃ អាទិត្យា អ្នកនាំពាក្យក្រសួងបរិស្ថាន​ បានប្រាប់បណ្តាញព័ត៌មាន AMS ថា ក្នុងវគ្គបណ្តុះបណ្តាលរយៈពេល ៣ថ្ងៃកន្លងទៅនេះ មន្ត្រីឧទ្យានុរក្សបានស្វែងយល់ពីឧបករណ៍ ArborTron ដែលជាឧបករណ៍សម្រាប់ធ្វើការកំណត់អត្តសញ្ញាណឈើតាមបែបវិទ្យាសាស្ត្រ។ ជាមួយគ្នានេះ វាជួយឱ្យមន្ត្រីជំនាញអាចវាយតម្លៃ និងបែងចែកប្រភេទឈើ ជាពិសេសប្រភេទឈើកម្រ ដើម្បីងាយស្រួលក្នុងការចងក្រងសំណុំរឿង និងចាត់វិធានការច្បាប់។ ឯកឧត្តម ខ្វៃ អាទិត្យា បានបញ្ជាក់ថា ក្រសួងបរិស្ថាន នឹងបន្តសហការជាមួយដៃគូ ដើម្បីពង្រឹងការគ្រប់គ្រងធនធានធម្មជាតិ តាមរយៈការពង្រឹងការបណ្តុះបណ្តាលសមត្ថភាពមន្រ្តីឧទ្យានុរក្ស ក្នុងការរៀបចំផែនការ ការចុះល្បាត ទប់ស្កាត់ ប្រឆាំងបទល្មើសធនធានធម្មជាតិ…

រយៈពេល៨ខែឆ្នាំ២០២៦នេះ កម្ពុជាបាននាំចេញកសិផលឆ្លងកាត់ប្រទេសឡាវទៅប្រទេសចិនបានចំនួនជាង ៦៧៤តោន។ នេះបើយោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ផ្ដល់ជូនបណ្ដាញព័ត៌មាន AMS នៅថ្ងៃអង្គារ៍ទី១៥ ខែកញ្ញា ឆ្នាំ២០២៦។ របាយការណ៍ដដែលបញ្ជាក់លម្អិតថា ផលិតផលនាំចេញឆ្លងកាត់ឡាវទៅចិននេះ មានផ្លែទុរេនស្រស់ចំនួនជាង ៥៣១តោន និងផ្លែមៀនស្រស់ចំនួនជាង ១៤៣តោន។ សូមបញ្ជាក់ថា កាលពីថ្ងៃទី២២ ខែមិថុនា ឆ្នាំ២០២៦ កម្ពុជា និងឡាវបានដាក់ឱ្យដំណើរការជាផ្លូវការនូវការដឹកជញ្ជូនកសិផលកម្ពុជាឆ្លងកាត់ប្រទេសឡាវទៅទីផ្សារចិន សម្រាប់កសិផលចំនួន ៦មុខ រួមមាន ចេក ស្វាយ អង្ករ មៀនប៉ៃលិន/មៀនស្រស់ និងទុរេនស្រស់។ ក្រសួងកសិកម្មបានគូសបញ្ជាក់ថា ផ្លូវថ្មីនេះផ្ដល់ផលប្រយោជន៍ក្នុងការកាត់បន្ថយពេលវេលាដឹកជញ្ជូនផ្លូវគោក​ អាចធ្វើឱ្យកសិផលស្រស់របស់កម្ពុជាទៅដល់ទីផ្សារចិនលឿនជាងផ្លូវសមុទ្រ។ ពេលវេលាដឹកជញ្ជូនខ្លីជួយកាត់បន្ថយការខូចខាត ការបាត់បង់ទម្ងន់ និងការធ្លាក់គុណភាព ជាពិសេសសម្រាប់ទុរេន មៀន ស្វាយ និងចេក។ បន្ថែមពីនេះ កម្ពុជាមានជម្រើសបន្ថែមក្រៅពីផ្លូវសមុទ្រ និងផ្លូវអាកាស ដែលជួយកាត់បន្ថយការពឹងផ្អែកលើច្រកដឹកជញ្ជូនតែមួយ។ វាក៏ជួយបង្កើនសក្តានុពលទីផ្សារសម្រាប់តំបន់ភាគខាងជើង និងឦសាន តំបន់ផលិតដែលមានភូមិសាស្ត្រជិតឡាវអាចទទួលអត្ថប្រយោជន៍ពីការតភ្ជាប់ផ្លូវគោក និងផ្លូវដែកចិន–ឡាវ។ កត្តាទាំងនេះជួយបង្កើនសមត្ថភាពប្រកួតប្រជែងរបស់កម្ពុជា ពង្រឹងការសម្របសម្រួលពាណិជ្ជកម្ម និងភូតគាមអនាម័យ៕ សេង បារាំង AMS

តាមរយៈការចុះកិច្ចសន្យាទិញ-លក់អង្កររវាងក្រុមហ៊ុន CITY RICE Import Export ជាមួយក្រុមហ៊ុន DILAI TRADING CO. ​របស់ហ្វីលីពីន ប្រទេសកម្ពុជានឹងពង្រីកការនាំចេញអង្ករចំនួន ១ម៉ឺនតោន ទៅកាន់ទីផ្សារហ្វីលីពីន ដោយដឹកញ្ជូនតាមសាឡង់លើកដំបូង​ ដែលចំណេញទាំងពេលវេលា និងថវិកា។ ពិធីចុះហត្ថលេខានេះត្រូវបានធ្វើឡើងនៅថ្ងៃទី១៤ ខែកញ្ញា ឆ្នាំ២០២៦ ក្រោមវត្តមានលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម, លោកស្រី Genina Marion Rafal លេខាទី៣ នៃស្ថានទូតហ្វីលីពីនប្រចាំកម្ពុជា និងតំណាងក្រុមហ៊ុនទាំងពីរខាងលើ។ រដ្ឋមន្រ្តីក្រសួងពាណិជ្ជកម្មកម្ពុជា ចាត់ទុក​កិច្ចសន្យានេះ មិនត្រឹមតែជាប្រតិបត្តិការពាណិជ្ជកម្មប៉ុណ្ណោះទេ ប៉ុន្តែក៏ជាជំហានយុទ្ធសាស្ត្រដ៏សំខាន់ក្នុងការពង្រីកទីផ្សារអង្ករកម្ពុជា ពង្រឹងសន្តិសុខស្បៀង និងលើកកម្ពស់កិច្ចសហប្រតិបត្តិការសេដ្ឋកិច្ច-ពាណិជ្ជកម្មរវាងកម្ពុជា និងហ្វីលីពីន ផងដែរ។ លោកជំទាវ ចម និម្មល ក៏បានលើកទឹកចិត្តដល់ក្រុមហ៊ុនទាំងពីរឱ្យអនុវត្តកិច្ចសន្យាឱ្យបានពេញលេញ និងប្រកបដោយប្រសិទ្ធភាព វិជ្ជាជីវៈ ការទទួលខុសត្រូវ តម្លាភាព ភាពស្មោះត្រង់ និងកិច្ចសហការជិតស្និទ្ធ ព្រមទាំងធានាឱ្យបាននូវការទូទាត់ត្រឹមត្រូវ ការដឹកជញ្ជូនទាន់ពេលវេលា គុណភាព និងស្ថិរភាពនៃការផ្គត់ផ្គង់។ ឧកញ៉ា ឡាយ ឈុនហួ អគ្គនាយកក្រុមហ៊ុន City Rice Import…

តំណាងវិស័យឯកជនវៀតណាម បានប្រាប់ភាគីកម្ពុជា អំពីគម្រោងវិនិយោគក្នុងការបង្កើតរោងចក្រកែច្នៃដើមកៅស៊ូជាគ្រឿងសង្ហារឹម គម្រោងផលិតជីសរីរាង្គ ព្រមទាំងគម្រោងវិនិយោគដាំកាហ្វេ និងបង្កើតរោងចក្រកែច្នៃនៅក្នុងប្រទេសកម្ពុជាថែមទៀត។ លោក Nguyen Minh Vu ឯកអគ្គរដ្ឋទូតវៀតណាមប្រចាំកម្ពុជា បានលើកឡើងដូច្នេះ ក្នុងឱកាសដែលលោកបានដឹកនាំសហគ្រាសវៀតណាមនៅកម្ពុជា ចូលជួបពិភាក្សាការងារជាមួយឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី១៤ ខែកញ្ញា ឆ្នាំ២០២៦។ ជាការឆ្លើយតបឯកឧត្តម ជា វុទ្ធី បានសម្តែងនូវការស្វាគមន៍និងគាំទ្រគម្រោងវិនិយោគខាងលើ ព្រមទាំងបានជំរុញលើកទឹកចិត្តឱ្យក្រុមហ៊ុនរៀបចំបែបបទដាក់ពាក្យស្នើសុំចុះបញ្ជីគម្រោងវិនិយោគមកក្រុមប្រឹក្សាអភិវឌ្ឍន៍កម្ពុជាឱ្យបានឆាប់តាមតែអាចធ្វើទៅបាន។ ​បន្ថែមលើការលើកឡើងពីបរិយាកាសវិនិយោគជារួម និងគោលនយោបាយគាំទ្រផ្សេងៗដែលរាជរដ្ឋាភិបាលបានដាក់ចេញ ឯកឧត្តម ជា វុទ្ធី បានប្រាប់ភាគីវៀតណាមថា កម្ពុជាមានសក្តានុពលធំធេងក្នុងវិស័យកសិកម្ម និងកសិ-ឧស្សាហកម្ម។ ដូច្នេះ វិនិយោគិនវៀតណាមគប្បីពិចារណាបណ្តាក់ទុនវិនិយោគក្នុងរូបភាពកែច្នៃជាផលិតផលសម្រេច ជាជាងនាំចេញក្នុងរូបភាពជាវត្ថុធាតុដើម ដូចជា ការកែច្នៃស្វាយចន្ទី ដំឡូងមី ស្រូវអង្ករ កៅស៊ូ និងវិស័យឈើដាំផងដែរ។ វៀតណាម គឺជាដៃគូពាណិជ្ជកម្មសំខាន់លំដាប់ទី៣របស់កម្ពុជា និងជាទីផ្សារនាំចេញដ៏ធំផុតរបស់កម្ពុជាផងដែរ។ ជាក់ស្ដែង នៅរយៈពេល ៨ខែ ឆ្នាំ២០២៦ កម្ពុជា ទទួលបានទឹកប្រាក់សរុបជាង ៣ពាន់លានដុល្លារ ពីការនាំចេញទំនិញទៅកាន់ប្រទេសវៀតណាម។ នេះបើយោងតាមទិន្នន័យផ្លូវការរបស់អគ្គនាយកដ្ឋានគយ និងរដ្ឋាករកម្ពុជា។ ដោយឡែក ទំហំពាណិជ្ជកម្មទ្វេភាគីរវាងកម្ពុជា-វៀតណាម នៅរយៈពេល ៨ខែ ឆ្នាំ២០២៦…

កម្ពុជាបានដាក់ពាក្យបណ្តឹងទៅកាន់អង្គការហាមឃាត់អាវុធគីមី (OPCW) ដែលមានមូលដ្ឋាននៅទីក្រុងឡាអេ ប្រទេសហូឡង់​  ពាក់ព័ន្ធនឹងយោធាថៃបានប្រើប្រាស់អាវុធគីមី និងសារធាតុគីមី នៅក្នុងអំឡុងជម្លោះព្រំដែនកាលពីឆ្នាំ២០២៥។ នេះបើតាមការបញ្ជាក់របស់ឯកឧត្តម​ ហេង រតនា នាយកមជ្ឈមណ្ឌលសកម្មភាពកំចាត់មីនកម្ពុជា(CMAC)។   ពាក្យបណ្តឹងនេះត្រូវបានដាក់កាលពីថ្ងៃទី១១ ខែកញ្ញា ឆ្នាំ២០២៦ ​ក្រោយពីអាជ្ញាធរដោះមីនកម្ពុជាបានរកឃើញ ពិនិត្យ និងវិភាគសំណាក់ពាក់ព័ន្ធនឹងអាវុធគីមី និងសារធាតុគីមីទាំងនោះ។ ឯកឧត្តម​ ហេង រតនា បានឱ្យដឹងថា  មានជនស៊ីវិល និងមន្ត្រីសន្តិសុខចំនួន ៣៩៥នាក់ បានរងផលប៉ះពាល់នៅក្នុងជម្លោះព្រំដែនឆ្នាំ ២០២៥ ខណៈភាគីថៃបានបដិសេធថាខ្លួនមិនបានប្រើប្រាស់អាវុធគីមីនោះទេ។ បើតាមឯកឧត្តម ហេង រតនា សារធាតុគីមីទាំងនោះ ត្រូវបានយោធាថៃទម្លាក់ និងបាញ់ចេញពីយន្តហោះគ្មានមនុស្សបើក (drones) និងតាមរយៈគ្រាប់កាំភ្លើងធំទំហំ ១៥៥មីលីម៉ែត្រ និង១២០មីលីម៉ែត្រ។ សំណល់សារធាតុទាំងនេះត្រូវបានរកឃើញនៅក្នុងតំបន់ដែលមានប្រជាពលរដ្ឋរស់នៅ ដូចជា ផ្សារ ភូមិ និងដីកសិកម្ម។ អង្គភាព CMAC  បានបញ្ជាក់ថា កាលពីខែសីហា ឆ្នាំ២០២៥ ​មន្ត្រីជំនាញបានធ្វើការវិភាគសំណាកគីមីចំនួន៦១ ហើយរកឃើញថា មានមួយសំណាកដែលជាអាវុធគីមីស្របតាមអនុសញ្ញាស្តីពីអាវុធគីមី ហើយសំណាក​២២ទៀត ជាសារធាតុគីមីពុល ប៉ុន្តែមិនស្ថិតក្នុងប្រភេទដែលត្រូវបានហាមឃាត់ដោយអនុសញ្ញានោះទេ។ ជុំវិញការចោទប្រកាន់នេះ ភាគីថៃក៏បានទទួលស្គាល់ហើយថា ខ្លួនពិតជាបានប្រើប្រាស់សារធាតុគីមី ផូស្វ័រពណ៌ស…