ហ៊្សេរុយសាឡឹម ៖ យោធាអាមេរិកបានបញ្ជូនយន្តហោះចាក់ប្រេងតាមអាកាសចំនួន ១៤ គ្រឿង ក្នុងចំណោម ១០០គ្រឿង ទៅដាក់ពង្រាយនៅក្នុងទឹកដីប្រទេសអ៊ីស្រាអែល កាលពីចុងសប្តាហ៍មុន ចំពេលមានការវាយប្រហារសងសឹកគ្នាកាន់តែក្តៅគគុក និងការកើនឡើងខ្លាំងភាពតានតឹងផ្នែកយោធារវាងសហរដ្ឋអាមេរិក និងអ៊ីរ៉ង់ ។ បើតាម Anadolu ចេញផ្សាយថ្ងៃទី១៩ ខែកក្កដា, កងទ័ពអាកាសអ៊ីស្រាអែល បានទម្លាយឱ្យដឹងថា យោធាអាមេរិកមានគម្រោងដាក់ពង្រាយយន្តហោះចាក់សាំងតាមអាកាសរហូតដល់ ១០០ គ្រឿងទៅកាន់មូលដ្ឋានទ័ពអ៊ីស្រាអែល និងអាកាសយានដ្ឋាន Ramon នៅភាគខាងត្បូងប្រទេសអ៊ីស្រាអែល ។ គោលបំណងចម្បងនៃការដាក់ពង្រាយយន្តហោះចាក់សាំងតាមអាកាស ដែលត្រូវបានអាមេរិកចាត់ទុកជាឆ្អឹងខ្នងដ៏សំខាន់នេះ គឺដើម្បីគាំទ្រដល់ប្រតិបត្តិការហោះហើរចម្ងាយឆ្ងាយ និងការវាយប្រហារតាមអាកាសទ្រង់ទ្រាយធំ ដែលអាចកើតមានរបស់កងយន្តហោះចម្បាំងរបស់សហរដ្ឋអាមេរិកប្រឆាំងនឹងអ៊ីរ៉ង់ ។ បច្ចុប្បន្ន យោធាអាមេរិកមានយន្តហោះចាក់សាំងតាមអាកាសប្រមាណ ៣៣ គ្រឿងរួចជាស្រេចហើយ នៅឯអាកាសយានដ្ឋាន ប៊េន ហ្គូរៀន (Ben Gurion) ដែលបង្កឱ្យមានការកកស្ទះដល់ជើងហោះហើរពាណិជ្ជកម្មនៅទីនោះ ។ យោងតាម ហ៊្សេរុយសាឡឹម ប៉ុស្តិ៍ (Jerusalem Post), សហរដ្ឋអាមេរិក ត្រូវបានគេរាយការណ៍ថា កំពុងដាក់ពង្រាយឡើងវិញ នូវកងយន្តហោះចម្បាំងទំនើបៗបន្ថែម ក្នុងនោះរួមមានយន្តហោះចម្បាំងបំបាំងកាយ F-35 និងយន្តហោះចម្បាំង…

បរទេស ៖ នៅថ្ងៃចន្ទនេះ តម្លៃប្រេងបានកើនឡើងខ្លាំង ក្រោយការវាយប្រហាររបស់អាមេរិកទៅលើអ៊ីរ៉ង់ ៩ថ្ងៃ ជាប់ៗគ្នា និង ហេតុការណ៍ឆេះនាវា នៅច្រកសមុទ្រហ័រមូស។ តម្លៃប្រេងឆៅប្រភេទ Brent បានកើនឡើង ២,៧២% ពោលគឺដល់ ៩០,៥០ ដុល្លារអាមេរិក ក្នុងមួយបារ៉ែល។ រីឯ តម្លៃប្រេងអាមេរិកប្រភេទ West Texas Intermediate ហៅកាត់ WTI បានកើនឡើង ២,៣៩% ពោលគឺដល់ ៨៤,៤៦ ដុល្លារអាមេរិក ក្នុងមួយបារ៉ែល។ បើតាម CNA, ការកើនឡើងនៃតម្លៃនេះ ឆ្លុះបញ្ចាំងពីការព្រួយបារម្ភ កាន់តែខ្លាំងឡើងថា ការផ្ទុះឡើងវិញនៃការប្រយុទ្ធគ្នានៅមជ្ឈិមបូព៌ា អាចរំខានដល់ការដឹកជញ្ជូនប្រេង ឆ្លងកាត់តាមច្រកសមុទ្រនេះ ដែលជាផ្លូវដឹកជញ្ជូនដ៏សំខាន់ សម្រាប់ថាមពលពិភពលោក។ ទីភ្នាក់ងារសន្តិសុខដែនសមុទ្ររបស់ចក្រភពអង់គ្លេស ហៅកាត់ UKMTO បានឱ្យដឹងថា មាននាវាមួយគ្រឿងបានឆេះ នៅក្នុងច្រកសមុទ្រហ័រមូស នៅថ្ងៃចន្ទនេះ នៅក្នុងដែនទឹកដែលមានចម្ងាយប្រហែល ១៥ គីឡូម៉ែត្រ ភាគពាយព្យនៃប្រទេសអូម៉ង់។ ទីភ្នាក់ងារនេះមិនបានបញ្ជាក់ពីមូលហេតុនៃការឆេះនោះទេ។ លោកប្រធានាធិបតី ដូណាល់…

មូស្គូ ៖ ប្រទេសរុស្ស៊ីបានប្រកាសថ្កោលទោសកិច្ចសហប្រតិបត្តិការផលិតយន្តហោះគ្មានមនុស្សបើក ឬដ្រូន រវាងជប៉ុន និងអ៊ុយក្រែន ដោយហៅកិច្ចសហការនេះថា ការជួយជ្រោមជ្រែងសម្លាប់ជីវិតប្រជាជនរុស្ស៊ី ។ ក្នុងបទសម្ភាសន៍ជាមួយសារព័ត៌មាន Tass កាលពីថ្ងៃ សៅរ៍ អនុរដ្ឋមន្រ្តីការបរទេសរុស្ស៊ី លោក Andrey Rudenko បានចោទប្រកាន់ប្រទេសជប៉ុន ថាបានជួយជ្រោមជ្រែងរបបទីក្រុងកៀវ ក្នុងការសម្លាប់ប្រជាជនរុស្ស៊ី តាមរយៈការធ្វើកិច្ចសហប្រតិបត្តិការជាមួយក្រុមអ្នកអភិវឌ្ឍន៍ដ្រូនរបស់អ៊ុយក្រែន ។ លោក Rudenko បានសង្កត់ធ្ងន់ថា អ៊ុយក្រែនកំពុងធ្វើសកម្មភាពភេរវកម្មជាប្រព័ន្ធ ដើម្បីប្រឆាំងនឹងគោលដៅជនស៊ីវិលនៅក្នុងទឹកដីរុស្ស៊ី ហើយកិច្ចសហប្រតិបត្តិការរវាងជប៉ុន-អ៊ុយក្រែន ត្រូវបានចាត់ទុកថា ជាទង្វើអរិភាពដោយបើកចំហ ។ លោក Rudenko ដែលមានវ័យ៦៣ឆ្នាំរូបនេះ បានអះអាងថា ដ្រូនរបស់អ៊ុយក្រែនកំពុងសម្លាប់ប្រជាពលរដ្ឋរុស្ស៊ី ហើយជប៉ុនក៏កំពុងជួយពួកគេឱ្យធ្វើបែបនោះផងដែរ ។ អនុប្រមុខការទូតចាស់វស្សារុស្ស៊ីរូបនេះ បានគូសបញ្ជាក់ថា ការចូលរួមកាន់តែខ្លាំងឡើងរបស់ទីក្រុងតូក្យូ នៅក្នុងសង្គ្រាមរុស្ស៊ី-អ៊ុយក្រែន កំពុងធ្វើឱ្យទំនាក់ទំនងរវាងរុស្ស៊ី-ជប៉ុន ដែលកំពុងមានភាពតានតឹងស្រាប់នោះ កាន់តែទ្រុឌទ្រោមថែមទៀត ។ ជាមួយគ្នានេះ លោក Rudenko ថែមទាំងបានព្រមានធ្ងន់ៗផងដែរថា គោលនយោបាយរបស់ជប៉ុន ក្នុងការគាំទ្រដល់អ៊ុយក្រែន អាចនឹងមានផលប៉ះពាល់យូរអង្វែងដល់ទំនាក់ទំនងរវាងប្រទេសទាំងពីរ ៕ ប្រភព…

មូស្គូ ៖ អភិបាលរដ្ឋធានីម៉ូស្គូ នៃប្រទេសរុស្ស៊ី អះអាង នៅថ្ងៃចន្ទនេះថា យន្តហោះគ្មានមនុស្សបើក ជាង៤០០គ្រឿងបានវាយប្រហារតំបន់នៃទីក្រុងមួយនេះ ប៉ុន្តែ ភាគច្រើនត្រូវបានស្ទាក់ចាប់ និងកម្ទេចចោល។ អភិបាលក្រុងម៉ូស្គូ លោក Sergei Sobyanin បានរៀបរាប់ នៅលើបណ្តាញសង្គម MAX ថា «ចាប់ពីម៉ោង ៨:៣០យប់ រហូតដល់ម៉ោង ៥:០០ព្រឹក មានយន្តហោះគ្មានមនុស្សបើករបស់សត្រូវ ជាង ៤០០គ្រឿងបានហោះឆ្ពោះទៅកាន់តំបន់ម៉ូស្គូ។ ភាគច្រើនត្រូវបានកងកម្លាំងការពារដែនអាកាសស្ទាក់ចាប់ និងកម្ទេចចោល នៅចម្ងាយឆ្ងាយពីគោលដៅ។ មានយន្តហោះគ្មានមនុស្សបើក UAVs ចំនួន ៨៥គ្រឿងត្រូវបានបំផ្លាញ នៅពេលហោះចូលមកជិតទីក្រុងម៉ូស្គូ»។ ទីភ្នាក់ងារព័ត៌មានរដ្ឋរុស្ស៊ី TASS បានរាយការណ៍ថា មនុស្ស ៦នាក់ រួមទាំង ជនបរទេស ៣នាក់ផងដែរ ត្រូវបានបញ្ជូនទៅកាន់មន្ទីរពេទ្យ ដោយសាររងរបួសពីការផ្ទុះនៅក្នុងតំបន់ម៉ូស្គូ។ តំបន់ Domodedovo ដែលរងការវាយប្រហារស្ថិតនៅភាគខាងត្បូង នៃទីក្រុងម៉ូស្គូ និងជាទីតាំងនៃអាកាសយានដ្ឋានអន្តរជាតិមួយ ដែលបម្រើដល់រដ្ឋធានីរបស់រុស្ស៊ី។ បើតាម AFP, ក្នុងរយៈពេលប៉ុន្មានខែ ថ្មីៗនេះ ទីក្រុងកៀវបានបង្កើនការវាយប្រហារ…

ហ៊្សេរុយសាឡឹម ៖ រដ្ឋមន្ត្រីការពារជាតិអ៊ីស្រាអែល លោក Israel Katz នៅថ្ងៃ អាទិត្យ បានបោះសម្តីគំរាមសាជាថ្មីថា ការសងសឹកយ៉ាងចាស់ដៃមិនធ្លាប់មាន នឹងកើតឡើងភ្លាមៗ ប្រសិនបើអ៊ីរ៉ង់ហ៊ានវាយប្រហារមុនលើអ៊ីស្រាអែល ។ លោក Katz បានអះអាងនៅពេលចុះទស្សនកិច្ច ZAKA ដែលជាអង្គភាពសង្គ្រោះបន្ទាន់មួយក្នុងទីក្រុង Tel Aviv ថា ប្រសិនបើអ៊ីរ៉ង់ហ៊ានវាយប្រហារលើអ៊ីស្រាអែលមុន នោះយើងនឹងសងសឹកវិញយ៉ាងចាស់ដៃ ដោយមិនខ្វល់ពីផលប៉ះពាល់អ្វីទាំងអស់ ហើយក៏គ្មានលក្ខខណ្ឌអ្វីទាំងអស់ដែរ ។ ប្រមុខការពារជាតិចាស់វស្សាអ៊ីរ៉ង់រូបនេះ បានសង្កត់ធ្ងន់ថា រឿងដំបូង ដែលអ៊ីស្រាអែលនឹងវាយបកអ៊ីរ៉ង់ នោះគឺការតម្រង់គោលដៅវាយប្រហារកម្ទេចប្រព័ន្ធបាញ់មីស៊ីលរបស់អ៊ីរ៉ង់ ។ ការព្រមានទុកមុនរបស់លោក Katz ត្រូវបានធ្វើឡើងបន្ទាប់ពីហ៊្សកដានី ដែលជាប្រទេសមានភូមិផងរបងជាប់ប្រទេសអ៊ីស្រាអែល បានរងការវាយប្រហារដោយមីស៊ីលរបស់អ៊ីរ៉ង់ ខណៈមានការព្រួយបារម្ភថា បំណែកមីស៊ីលទាំងនោះ អាចនឹងធ្លាក់ចូលទឹកដីរបស់អ៊ីស្រាអែល ។ បើតាម Anadolu, កងទ័ពហ្ស៊កដានីបានរាយការណ៍កាលពីព្រឹកថ្ងៃ អាទិត្យ ថា ពួកគេបានស្ទាក់ចាប់មីស៊ីលអ៊ីរ៉ង់ចំនួន ៣ គ្រាប់ ក្នុងចំណោម ៤ គ្រាប់ ដែលបានបាញ់សំដៅមកកាន់ប្រទេសខ្លួន ។ រីឯគ្រាប់ទី…

តេហេរ៉ង់ ៖ ប្រទេសអ៊ីរ៉ង់បានប្តេជ្ញានឹងចាត់វិធានការសងសឹកឱ្យសាកសម ដើម្បីឆ្លើយតបការវាយប្រហាររបស់សហរដ្ឋអាមេរិក លើរោងចក្រថាមពលនុយក្លេអ៊ែរមួយកន្លែង ដែលកំពុងស្ថិតក្រោមការអភិវឌ្ឍនៅក្នុងខេត្ត Khuzestan ភាគនិរតីនៃប្រទេស ។ អនុរដ្ឋមន្ត្រីការបរទេស លោក Kazem Gharibabadi បានបង្ហោះសារលើបណ្តាញសង្គម X កាលពីថ្ងៃ អាទិត្យ ថា ការវាយប្រហាររបស់សហរដ្ឋអាមេរិកលើរោងចក្រថាមពលនុយក្លេអ៊ែរ Darkhovin ដែលកំពុងស្ថិតក្រោមការសាងសង់នៅឡើយ គឺជាការវាយប្រហារដ៏គ្រោះថ្នាក់មួយ លើហេដ្ឋារចនាសម្ព័ន្ធសន្តិភាពរបស់អ៊ីរ៉ង់ ។ លោក Gharibabadi បានសង្កត់ធ្ងន់ថា សហរដ្ឋអាមេរិកត្រូវតែទទួលខុសត្រូវទាំងស្រុង ចំពោះផលវិបាកពីការកើនឡើងសកមម្មភាពបង្កអសន្តិសុខ និងអស្ថិរភាពទាំងនេះ ។ ជាមួយគ្នានោះ អនុប្រមុខការទូតកំពូលអ៊ីរ៉ង់រូបនេះ បានបញ្ជាក់ថា ទីក្រុងតេហេរ៉ង់ប្រកាសថ្កោលទោសយ៉ាងខ្លាំង ចំពោះការឈ្លានពាននេះ ហើយប្តេជ្ញានឹងចាត់វិធានការសងសឹកឱ្យសាកសម ដើម្បីការពារផលប្រយោជន៍ជាតិ និងសន្តិសុខរបស់អ៊ីរ៉ង់ ៕ ប្រភព ៖ Anadolu ប្រែសម្រួល ៖ ឈឹម ទីណា