ភ្នំពេញ៖ ដើម្បីពង្រឹងនិងរក្សាការពារសណ្ដាប់ធ្នាប់ សុវត្តិភាពជូនបងប្អូនប្រជាពលរដ្ឋនាឱកាសពិធីបុណ្យកាន់បិណ្ឌ និងភ្ជុំបិណ្ឌដែលជាប្រពៃណីជាតិខ្មែរយើង អាវុធហត្ថរាជធានីភ្នំពេញបានដាក់កម្លាំងបន្ថែម និងប្រចាំការ២៤ម៉ោងលើ២៤ម៉ោងដោយយកចិត្តទុកដាក់ខ្ពស់បំផុត នៅតាមវត្តអារាម និងទីប្រជុំជននានា។

ខេត្តកំពង់ស្ពឺ៖ អតីតពលករខ្មែរទើបចប់អាណ្តតិពីប្រទេសកូរ៉េ២នាក់ និងពលករកាន់ប្រភេទវីសាជំនាញកំពុងបំពេញការងារនៅប្រទេសកូរ៉េ២នាក់ទៀតបានសហការគ្នាបោះទុនសរុបជាទឹកប្រាក់៥០ម៉ឺនដុល្លារអាម៉េរិក ដើម្បីទិញដីនៅតំបន់ជាយក្រុងភ្នំពេញ រួចចាប់ផ្តើមពុះជាដីឡូតិ៍តូចៗលក់ជូនមហាជនទូទៅ។ ជាមួយនេះ ពួកគាត់បង្កើតជាក្រុមហ៊ុនអចលនទ្រព្យមួយ ឈ្មោះក្រុមហ៊ុនភូមិឋានសួស្តី និងបានធ្វើពិធីសម្ពោធជាផ្លូវការនៅថ្ងៃទី៣០ ខែកញ្ញា ឆ្នំា២០១៨ នៅឃុំវាលពន់ ស្រុកថ្ពង ខេត្តកំពង់ស្ពឺ ស្ថិតនៅតាមបណ្តោយផ្លូវជាតិលេខ៤៤។

នៅព្រឹកថ្ងៃទី១ ខែតុលា ឆ្នាំ២០១៨ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជាបានដឹកនាំគណៈប្រតិភូជាន់ខ្ពស់រដ្ឋសភាអញ្ជើញគោរពវិញ្ញាណក្ខន្ធសពឯកឧត្តម នៃ ប៉េណា អនុប្រធានទី១ព្រឹទ្ធសភា នៅគេហដ្ឋានសពស្ថិតនៅផ្ទះលេខ៣៩១ ផ្លូវប៉ូឡារីស បុរីប៉េងហួតបឹងស្នោ សង្កាត់និរោធន៍ ខណ្ឌច្បាអំពៅ រាជធានីភ្នំពេញ។

ភ្នំពេញ៖ បច្ចុប្បន្នប្រជាពលរដ្ឋជាច្រើនកំពុងតែមានការចាប់អារម្មណ៍ទៅលើគម្រោងដីឡូតិ៍ ស្ថិតនៅតំបន់ភ្នំរាប ដោយមានការចរាចរណ៍លក់ដីឡូតិ៍ក្នុងមួយថ្ងៃៗមិនតិចនោះទេ។ ក្រុមហ៊ុនដីឡូតិ៍ អេង លីហួ បានឲ្យដឹងថា អតិថិជនច្រើនដែលបានមកទិញដីឡូតិ៍នៅតំបន់នេះ ដោយរំពឹងគិតថា ជាទីតាំងដែលល្អ មានការអភិវឌ្ឍ និងធ្វើឲ្យដីកើនឡើងនៅប្រាក់ចំណេញច្រើនត្រឹមរយៈពេលខ្លី។ 

ភ្នំពេញ៖ លោកជំទាវកិត្តិសង្គហបណ្ឌិតម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ចបានថ្លែងនូវការគាំទ្រ និងស្វាគមន៍ចំពោះក្រុមហ៊ុនឯកជនគ្រប់ប្រភេទដែលមកវិនិយោគនៅប្រទេសកម្ពុជា។ ការថ្លែងបែបនេះ ក្នុងឱកាសដែលលោកជំទាវអញ្ជើញចូលរួមជាកិត្តិយសក្នុងកម្មវិធីសម្ពោធហាងកាហ្វេ អ៊ីនថះនីន និងសាឡន នាព្រឹកថ្ងៃច័ន្ទ ៧រោច ខែភទ្របទ ឆ្នាំ ច សំរឹទ្ធិស័ក ព.ស ២៥៦២ ត្រូវនឹងថ្ងៃទី១ ខែតុលា ឆ្នាំ២០១៨នេះ។

ភ្នំពេញ៖ អ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC អញ្ជើញចុះចែកអំណោយជូនដល់ប្រជាពលរដ្ឋជាច្រើនគ្រួសារ ដែលស្ម័គ្រចិត្តចូលមករស់នៅក្នុងបុរីរុងរឿងនៃតំបន់អភិវឌ្ឍន៍ជ្រោយចង្វារ រាជធានីភ្នំពេញ នៅថ្ងៃទី២៩ ខែកញ្ញា ឆ្នំា២០១៨ ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌប្រពៃណីជាតិខ្មែរ។

ភ្នំពេញ៖ កម្លាំងផ្នែកជំនាញប្រឆាំងគ្រឿងញៀន ផ្នែកជំនាញសន្តិសុខនៃអធិការនគរបាលខណ្ឌពោធិ៍សែនជ័យ បានសហការជាមួយកម្លាំងមូលដ្ឋានមូលប៉ុស្តិ៍ចោមចៅទី១ បានបង្ក្រាបករណីចែកចាយគ្រឿង ដោយឃាត់ខ្លួនជនសង្ស័យប្រុសស្រីចំនួន២នាក់ ដកហូតវត្ថុតាង ជាថ្នាំប្រភេទម៉ាទឹកកកចំនួន ៣១កញ្ចប់តូច។ ប្រតិបត្តិការនេះធ្វើឡើងនៅថ្ងៃទី៣០ ខែកញ្ញា ឆ្នាំ២០១៨ វេលាម៉ោង១៣និង៣០នាទី ចំណុចបន្ទប់ជួល ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ ក្នុងនោះសមត្ថកិច្ចបានឃាត់ខ្លួនជនសង្ស័យចំនួន២នាក់ ទី១)ឈ្មោះ អឹម សុផាន ហៅ អាពៅ ភេទប្រុស អាយុ២២ឆ្នាំ និងទី២)ឈ្មោះ ចោម ធី ភេទស្រី អាយុ១៩ឆ្នាំ ស្នាក់នៅបន្ទប់ជួលកន្លែងកើតហេតុខាងលើ។