ភ្នំពេញ៖ ក្នុងកិច្ចប្រជុំសាមញ្ញលើកទី៥២ របស់ក្រុមប្រឹក្សាខណ្ឌច្បារអំពៅអាណត្តិទី២ នាព្រឹកថ្ងៃទី២៨ ខែកញ្ញា នៅសាលប្រជុំសាលាខណ្ឌច្បារអំពៅ លោក ចេង មុនីរ៉ា អភិបាលខណ្ឌច្បារអំពៅ ប្តេជ្ញារៀបចំសណ្តាប់ធ្នាប់សាធារណៈឱ្យល្អប្រសើរ ព្រោះជាប្រយោជន៍រួមរបស់សង្គមជាតិទាំងមូល ទោះបីមានការប្រឈមខ្លាំងប៉ុណ្ណាក៏ដោយ។ លោកចេង មុនីរ៉ា បានថ្លែងថា ការរៀបចំសណ្តាប់ធ្នាប់នេះ គឺមិនបានចំណេញអ្វីទាល់តែសោះ ដល់គណៈអភិបាលខណ្ឌច្បារអំពៅ តែវាជាផលប្រយោជន៍រួមរបស់ប្រជាពលរដ្ឋ ទាំងអ្នកជិះរថយន្ដ ជិះម៉ូតូ និងអ្នកថ្មើរជើងជាដើម។ ពេលរៀបចំសណ្តាប់ធ្នាប់សាធារណៈ បានល្អ ការធ្វើដំណើររបស់បងប្អូនប្រជាពលរដ្ឋ ក៏រលូនទៅតាមនោះដែរ។

ភ្នំពេញ៖ ករណីជិះបញ្ច្រាស់រង្វង់មូលវិមានឯករាជ្យនៅតែមានជារៀងរាល់ថ្ងៃ ហើយជាក់ស្តែងនៅយប់ ថ្ងៃទី២៧ ខែកញ្ញា ឆ្នាំ២០១៨ សមត្ថកិច្ចចរាចរណ៍បានឃាត់បានម៉ូតូចំនួន០៤ គ្រឿង បញ្ជូនទៅស្នងការដ្ឋាននគរបាលរាជធានីភ្នំពេញ។

ភ្នំពេញ៖ មានករណីអគ្គិភយ័ឆាបឆេះ ផ្ទះសំណាក់យីហោ គ្រីស នៅសង្កាត់បឹងព្រលឹត ខណ្ឌ៧មករា រាជធានីភ្នំពេញ បណ្ដាលឲ្យឆាបឆេះពូកមួយ និងចុងគ្រែ នៅជាន់ទីបី ប៉ុន្តែមិនបណ្ដាលឲ្យរាលដាលអ្វីឡើយ  ដោយក្រុមការងារពន្លត់អគ្គិភយ័ស្នងការរាជធានីភ្នំពេញ បានចេញទៅជួយពន្លត់ទាន់ពេលវេលា៕ម.ន

ភ្នំពេញ៖ បើទោះបីជាសាលារាជធានីភ្នំពេញ បានដាក់បទបញ្ជាទៅដល់អាជ្ញាធរទាំង១២ខណ្ឌ ត្រូវត្រួតពិនិត្យ និងហាមឃាត់រថយន្តធុនធំគ្រប់ប្រភេទមិនឲ្យបើកបរឆ្លងកាត់នៅក្នុងរាជធានីភ្នំពេញ នៅពេលថ្ងៃយ៉ាងណាក៏ដោយ ក៏នៅតែឃើញមានរថយន្តដឹកទំនិញ ក៏ដូចជារថយន្តកុងទីន័រ គ្រប់ប្រភេទបើកបរចូលក្រុងយ៉ាងរំភើយ។

នាព្រឹកថ្ងៃទី២៨ ខែកញ្ញា ឆ្នាំ២០១៨នេះ សម្ដេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឱ្យលោក ស្យុង ប៉ ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ចប់អាណត្តិ ចូលជួបសម្តែងការគួរសម និងជម្រាបលា នៅវិមានរដ្ឋសភា។ ឯកអគ្គរដ្ឋទូតចិនប្រចាំនៅកម្ពុជា លោក ស្យុង ប័រ បានឈានដល់ពេលបិទបញ្ចប់អាណត្តិការងាររបស់ខ្លួនហើយនៅឆ្នាំ២០១៨នេះ បន្ទាប់ពីបានបំពេញការងារបានរយៈពេលពីរឆ្នាំ។ លោកឯកអគ្គរដ្ឋទូត បានបង្ហាញការសោកស្តាយដែលរូបលោកមានរយៈពេលខ្លីក្នុងការបំពេញភារកិច្ចនៅកម្ពុជា។ សូមជម្រាប លោក ស្យុង ប័រ ត្រូវបានរដ្ឋាភិបាលចិន ជ្រើសតាំងឲ្យមកបំពេញបេសកកម្មកាទូតនៅកម្ពុជា កាលពីអំឡុងឆ្នាំ២០១៦ ហើយមកដល់ពេលនេះ មានរយៈពេល២ឆ្នាំហើយ ដែលលោកត្រូវបានបញ្ចប់អាណត្តិកាទូតនេះ ប៉ុន្ដែទោះជាយ៉ាងណា សម្រាប់ឯកអគ្គរដ្ឋទូតថ្មី ដែលនឹងត្រូវមកបន្ដបេសកកម្មកាទូតនេះ ក្រសួងការបរទេសកម្ពុជា មិនទាន់បានបញ្ជាក់នៅឡើយ៕ម.ន