ដែនជម្រកសត្វព្រៃកែវសីមា គឺជាទីជម្រកដ៏សំខាន់សម្រាប់សត្វទោចថ្ពាល់លឿងទាំងនៅប្រទេសកម្ពុជា និងសាកលលោក។ បច្ចុប្បន្នសត្វទោចថ្ពាល់លឿងប្រមាណជាង១២០០ក្បាលកំពុងរស់នៅក្នុងតំបន់នោះ។ ក្រុមការងារស្រាវជ្រាវសត្វព្រៃរបស់អង្គការសមាគមអភិរក្សសត្វព្រៃ (WCS) បានឲ្យដឹងថាចំនួនសត្វទោចថ្ពាល់លឿងនេះមានប្រហាក់ប្រហែលគ្នាធៀបនឹងឆ្នាំមុនហើយគេរំពឹងថានឹងមានការកើនឡើងទៀតទៅថ្ងៃខាងមុខបើប្រជាសហគមន៍ចូលរួមអភិរក្ស និងការពារតំបន់នេះពីការកាប់ឈើខុសច្បាប់ ការរុករានធ្វើដីកសិកម្ម និងការបរបាញ់ខុសច្បាប់។ សត្វទោចថ្ពាល់លឿងគឺជាប្រភេទសត្វរងគ្រោះជិតផុតពូជនៅលើសកលលោកដែលស្ថិតនៅក្នុងបញ្ជីក្រហមរបស់អង្គការ IUCN។ គេប្រទះឃើញវត្ដមានរបស់ទោចថ្ពាល់លឿងរស់នៅតំបន់ភាគខាងកើតទន្លេមេគង្គដូចជានៅភាគឦសាន្ដប្រទេសកម្ពុជា ប្រទេសវៀតណាមភាគខាងត្បូង និងភាគខាងត្បូងប្រទេសឡាវ។ លោក សូត្រ វ៉ាន់ឌឿន ប្រធានក្រុមស្រាវជ្រាវសត្វព្រៃប្រចាំដែនជម្រកសត្វព្រៃកែវសីមារបស់អង្គការ WCSបាននិយាយថា “នេះជាដំណឹងល្អមួយក្រោយពីមានការតាមដានរកឃើញថាចំនួនរបស់សត្វទោចថ្ពាល់លឿងនៅដដែល។ សត្វទោចថ្ពាល់លឿងប្រមាណជាង១២០០ក្បាលកំពុងរស់នៅក្នុងដែលជម្រកសត្វព្រៃកេវសីមា។ វាពិតជាមានសារៈសំខាន់ក្នុងការបន្តការអភិរក្សពួកវាដែលជាប្រភេតសត្វរងគ្រោះជិតផុតពូជលើសាកលលោក”។ លោកបានបន្ថែមថា “ចំនួនរបស់ពួកវាបានធ្លាក់ចុះយ៉ាងឆាប់រហ័សក្នុងប៉ុន្មានទសវត្សរ៍កន្លងមកនេះដោយសារការរុករានដីធ្វើកសិកម្ម និងការកាប់ឈើខុសច្បាប់”។ សត្វទោសថ្ពាល់លឿងចូលចិត្តរស់នៅលើដើមឈើខ្ពស់ៗ ចិញ្ចឹមជីវិតដោយស៊ីស្លឹកឈើ និងផ្លែឈើជាចំណីអាហារ និងតែងតែបញ្ចេញសំឡេងឆ្លើយឆ្លងគ្នាបង្កើតជាចម្រៀងយ៉ាងគ្រលួចនាពេលព្រឹកព្រលឹម។ ភ្ញៀវទេសចរអាចមកទស្សនា និងស្តាប់សំនៀងដ៏ពីរោះរណ្តំរបស់សត្វទោចថ្ពាល់លឿងនៅជំរំ Jahoo Gibbon នៅសហគមន៍អេកូទេសចរណ៍ធម្មជាតិអណ្តូងក្រឡឹងដែលមានទីតាំងស្ថិតនៅក្នុងភូមិអណ្តូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។ សត្វទោចឈ្មោលមានរោមពណ៌ខ្មៅ ហើយថ្ពាល់ទាំងសងខាងមានពណ៌លឿង ចំណែកសត្វទោចញីមានរោមពណ៌លឿងស្លាទុំ។ ពួកវាមានដៃជើងវែងៗ ហើយគ្មានកន្ទុយនោះទេ លើសពីនេះគេកម្រឃើញសត្វទោចចុះមកដីណាស់។ សត្វទោចថ្ពាល់លឿងជាទម្លាប់តែងតែរស់នៅជាក្រុមចាប់ពី២ក្បាលទៅ៥ក្បាល។ លោក សូត្រ វ៉ាន់ឌឿន បានបញ្ជាក់ថា មេទោចត្រូវចំណាយពេលពពោះរយៈពេល២១០ថ្ងៃ។ ក្រោយពីកើតកូនហើយយ៉ាងហោចណាស់២…

ក្រោយពីបានទទួលលិទ្ធផលល្អក្នុងការប្រលងសញ្ញាបត្រមធ្យមសិក្សាទុតិយភូមិសិក្សានុសិស្សនៅក្នុងខេត្តកំពង់ចាមបាននាំគ្នា សម្រុកមកដាក់ពាក្យប្រឡងគ្រូ មានទាំងគ្រូ បឋមសិក្សា មតេ្តយ្យសិក្សា និងអនុវិទ្យាល័យផងដេរ។ ប្អូនៗសិស្សានុសិស្សបានឲ្យដឹងថា ពួកគេមកដាក់ពាក្យប្រលងគ្រូនាពេលនេះ គឺមកពីពួកគេស្រលាញ់នូវការបង្រៀន ចង់ពង្រឹងវិស័យអប់រំនៅក្នុងប្រទេសកម្ពុជា ចង់ចែករំលេកចំណេះដឹងទៅកាន់ក្មេងជំនាន់ក្រោយឲ្យមានប្រសិទ្ធភាព និងគុណភាពនៃការរៀនសូត្រ ដើម្បីជាទុនក្នុងការអភិវឌ្ឍខ្លួនឯង និងសង្គមជាតិទៅថ្ងៃអនាគត។

ភ្នំពេញ៖ នារី២នាក់ទំនងស្រវឹងទាំងថ្ងៃ បានជិះម៉ូតូPCX ឌុបគ្នារេពេញផ្លូវក្នុងល្បឿនយ៉ាងលឿន ហើយបានទៅបុកបុរសម្នាក់កំពុងជិះម៉ូតូក្នុងទិសដៅបញ្ច្រាស់គ្នា បណ្ដាលឲ្យម៉ូតូទាំងពីរគ្រឿងរងការខូចខាតយ៉ាងដំណំ ហើយនារីទាំងពីររងយ៉ាងដំណំផងដែរ។

សំដៅពង្រឹងសុវត្ថិភាពម្ហូបចំណីអាហារ ជូនប្រជាពលរដ្ឋដែលទិញយកទៅបរិភោគប្រចាំថ្ងៃ និងជាពិសេសក្នុងឱកាសបុណ្យកាន់បិណ្ឌ មន្ត្រីសាខាកាំកុងត្រូលខេត្តកណ្តាល រួមជាមួយមន្ត្រីមន្ទីរពាណិជ្ជកម្មខេត្ត និងគណៈកម្មាការផ្សារ បានចុះពិនិត្យគុណភាពមុខទំនិញដែលកំពុងចរាចរនៅក្នុងផ្សាររតាខ្មៅ ក្រុងតាខ្មៅ ខេត្តកណ្តាល។

ស្វាយរៀង៖ នាព្រឹកថ្ងៃព្រហស្បតិ៍ត ០៣រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៧ ខែកញ្ញា ឆ្នាំ២០១៨នេះ នៅសាលប្រជុំព្រៃបាសាក់ “អគារ ខ” សាលាខេត្ត មានរៀបចំកិច្ចប្រជុំពិនិត្យ ពិភាក្សា និងកែសម្រួលតម្លៃអចលនទ្រព្យសម្រាប់មូលដ្ឋាននៃការគិតពន្ធប្រថាប់ត្រា នៅក្នុងខេត្តស្វាយរៀង ក្រោមអធិបតីភាពឯកឧត្ដម ម៉ែន វិបុល អភិបាលនៃគណៈអភិបាលខេត្តស្វាយរៀង និងមានការអញ្ជើញចូលរួមពីឯកឧត្ដមអភិបាលរងខេត្ត លោកនាយករដ្ឋបាលសាលាខេត្ត លោកប្រធានសាខាពន្ធដារខេត្ត លោកអភិបាលក្រុង ស្រុកទាំង៨ និងលោកប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលក្រុងបាវិត និងក្រុងស្វាយរៀង ព្រមទាំងមន្ត្រីពាក់ព័ន្ធមួយចំនួន។