ខេត្តកណ្តាល ៖ បុរសម្នាក់បានក្រោយផ្ទុះកំហឹងជាមួយប្រពន្ធ និងដកកាំភ្លើងខ្លី១ដើមបាញ់គំរាមសម្លាប់ប្រពន្ធ អស់ចំនួន១៥គ្រាប់ ត្រូវប្រពន្ធរត់ទៅប្តឹងនគរបាលឲ្យជួយអន្តរាគមន៍ និងចាត់ការតាមផ្លូវច្បាប់។ កាលពីថ្ងៃទី២៧ ខែកញ្ញា ឆ្នាំ២០១៨ ស្ថិតនៅភូមិព្រៃព្រីងខាងជើង២ សង្កាត់ចោមចៅ៣ ខណ្ឌពោធិសែនជ័យ។ សមត្ថកិច្ចបានឲ្យដឹងថា ស្ត្រីរងគ្រោះឈ្មោះ  លី អៀង ភេទស្រី អាយុ៤៣ ឆ្នាំមេផ្ទះរស់នៅក្នុងភូមិ ឃុំកើតហេតិ ចំណែកបុរសជាប្តីឈ្មោះ អ៉ិន សារិត ភេទប្រុស អាយុ៣៤ ឆ្នាំរស់នៅក្នុងភូមិ ឃុំកើតហេតុជាមួយគ្នា ជនសង្ស័យប្រើកាំភ្លើងម៉ាកLock19 លេខ LZK271 មានគ្រាប់ចំនួន ១៥ គ្រាប់ផលិតនៅប្រទេសអូទ្រីស។ ប្រភពព័ត៌មានបានឲ្យដឹងថា នៅមុនពេលកើតហេតុបុរសជាប្តីបានផឹកសុីជាមួយមិត្តភក្តិ ស្រវឹងមកដល់ផ្ទះរួចបានស្រែកឡូឡា និងរករឿងប្រពន្ធ ក្រោយមកក៏កើតជាជម្លោះពាក្យសំដីគ្នា ទើបធ្វើឲ្យបុរស់ជាប្តីទប់ចិត្តមិនបាន ក៏ដកកាំភ្លើងខ្លីបាញ់ជាច្រើនគ្រាប់ គំរាមសម្លាប់ប្រពន្ធ ។ ដោយសារតែភិតភ័យខ្លាចប្តីសម្លាប់ ក៏រត់ទៅប្តឹងសមត្ថកិច្ចដើម្បីឲ្យជួយអន្តរាគមន៍។ លោក យឹម សារ៉ាន់ បានដឹកនាំកម្លាំចុះដល់កន្លែងកើតហេតុ រួចឃាត់ខ្លួនជនសង្ស័យនាំយកមកសាកសួរ និងកសាងសំណុំរឿងបន្ថែម ចាត់ការទៅតាមផ្លូវច្បាប់។ បច្ចុប្បន្នជនសង្ស័សរួមទាំងវត្ថុតាងត្រូវបានបញ្ជូនមកកាន់ផ្នែកជំនាញព្រហ្មទណ្ឌខណ្ឌពោធិ៍សែនជ័យចាត់ការបន្តតាមនីតិវិធី៕

ភ្នំពេញ៖ ជនសង្ស័យម្នាក់ ត្រូវបានប្រជាពលរដ្ឋនាំគ្នាព័ទ្ធចាប់ប្រគល់ជូនសមត្ថកិច្ចនៅវេលាម៉ោង១២និង៣០នាទី ថ្ងៃទី ២៧ ខែកញ្ញ ឆ្នាំ២០១៨ ពាក់ព័ន្ធករណីលួចយកដាវគាស់បង្អួចផ្ទះប្រជាពលរដ្ឋប៉ុនប៉ងលួចទ្រព្យសម្បត្តិ ដែលស្ថិតនៅផ្ទះលេខ២៧១ ភូមិជ្រោយ បាសាក់ សង្កាត់ព្រែកប្រា ខណ្ឌច្បារអំពៅ។ សមត្ថកិច្ចបានឲ្យដឹងថា ជនសង្ស័យមានឈ្មោះ ទេព សុវណ្ណារ៉ា ភេទ ប្រុស អាយុ១៩ឆ្នាំ មុខរបរមិនពិតប្រាកដ ស្នាក់នៅភូមិដើមចាន់ សង្កាត់ ច្បារអំពៅ២ ខណ្ឌច្បារអំពៅ។ ចំណែកជនរងគ្រោះមានឈ្មោះ ឡៅ សារឿន ភេទ ប្រុស អាយុ៣០ឆ្នាំ មុខរបរលក់ដូរ ស្នាក់នៅផ្ទះកើតហេតុ។ សមត្ថកិច្ចបានបន្តថា បើតាមការសាកសួរជនរងគ្រោះខាងលើគឺ មុនពេលកើតហេតុ រូបគាត់បានចាក់សោទ្វារផ្ទះ រួចក៏សម្រាកនៅក្នុងផ្ទះ រហូតដល់វេលាយប់រំលងអាធ្រាតនាពេលកើតហេតុ ស្រាប់តែជនសង្ស័យដើរ មកដល់យកដាវគាស់បង្អួចកញ្ចក់ផ្ទះជនរងគ្រោះរកលួចទ្រព្យសម្បត្តិ ពេលនោះក៏មានអ្នកជិតខាងមកពីធ្វើការឃើញក៏ស្រែក ចោរៗ ជនរងគ្រោះក៏ភ្ញាក់ដឹងខ្លួន នាំគ្នាឃាត់ខ្លួនជនសង្ស័យ រួមនឹងវត្ថុតាងដាវ០១ដើម ប្រគល់ឲ្យសមត្ថកិច្ច ចាត់ការតាមច្បាប់។ បច្ចុប្បន្ន ជនសង្ស័យខាងលើរួមទាំងវត្ថុតាងត្រូវបានបញ្ជូនទៅកាន់អធិការដ្ឋាននគរបាលខណ្ឌច្បារអំពៅ ដើម្បីឃុំខ្លួនបណ្តោះអាសន្ន និងកសាងសំណុំរឿងបញ្ជូនទៅតុលាការផ្ដន្ទាទោសតាមផ្លូវច្បាប់៕

ភ្នំពេញ៖ ជនសង្ស័យប្រុសស្រី០៩នាក់ត្រូវកម្លាំងសមត្ថកិច្ចខណ្ឌសែនសុខក្រោមការដឹកនាំរបស់លោក ហួរ ម៉េងវ៉ាង អធិការនគរបាលខណ្ឌបានចុះឆ្មក់បង្ក្រាបនិងឃាត់ខ្លួនករណីរក្សាទុក និងប្រើប្រាស់ដោយសុខច្បាប់នូវសារធាតុញៀន។ប្រត្តិបត្តការនេះធ្វើឡើងកាលពីថ្ងៃទី២៧ខែកញ្ញាឆ្នាំ២០១៨ វេលាម៉ោង០៩ និង៣០នាទី នៅចំណុចផ្ទះសំណាក់ព្រះចន្ទ័ពេញវង្ស ផ្លូវ១៥៥ ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។  សមត្ថកិច្ចបាអោយដឹងថា ជនសង្ស័យដែលឃាត់ខ្លួនទាំង០៩នាក់នោះមាន៖  ១-ឈ្មោះ ចន្ទ័ ដារ៉ា  ភេទប្រុស អាយុ២៣ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅផ្ទះលេខ២៦៧៣ សង្កាត់ច្រាំងចំរេះ២ ខណ្ឌឬស្សីកែវ ។ ២-ឈ្មោះ ឃួន គង់ហៀង ភេទប្រុស អាយុ២៤ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅភូមិពោងពាយ សង្កាត់ភ្នំពេញថ្មី ខណ្ឌសែនសុខ ។ ៣-ឈ្មោះ យ៉េង សេងធម៌ ភេទប្រុស អាយុ២៤ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅភូមិសោយ ឃុំមាន ស្រុកអូររាំងឪ ខេត្តត្បូងឃ្មុំ ។ ៤-ឈ្មោះ គីម ស្រីពេជ្យ ភេទស្រី អាយុ១៩ឆ្នាំ ជនជាតិខែ្មរ…

កំពង់ចាម៖ ពិធីអបអរសាទរ ដែលបានរៀបចំឡើងដោយរដ្ឋបាលខេត្តកំពង់ចាម ក្រោមការអញ្ជើញចូលរួមពីលោកអភិបាលខេត្ត គួច ចំរើន បានធ្វើនៅព្រឹកថ្ងៃទី២៧កញ្ញានេះ។លោកអភិបាលខេត្ត បានមានប្រសាសន៍ថា លោកយាយលោកតា ដែលមានវត្តមាននៅទីនេះ និងនៅទូទាំងប្រទេស គឺជាសាក្សីរស់ ដែលបានឆ្លងកាត់ របបដឹកនាំយ៉ាងជូរជត់ របស់ប្រទេសកម្ពុជា នាពេលកន្លងមក និងជាអ្នកប្រគៀកស្មារ រំដោះប្រទេសជាតិកម្ពុជា ចេញពីរបបប្រល័យពូជសាសន៍  និង កសាងប្រទេស ពីបាទដៃទទេររហូតមកទល់នឹងពេលនេះ។ លោកបានបន្តថា ទិវាមនុស្សចាស់១តុលា ត្រូវបានធ្វើឡើងជារៀងរាល់ឆ្នាំ ក្នុងគោលបំណង ជួបជុំជាមួយលោកយាយ លោកតា អ៊ុ មា មីង ដើម្បីរំលឹកនូវតួនាទីដ៏មានសារៈសំខាន់ របស់មនុស្សចាស់ ទាំងដែលបានបន្សល់ទុកនូវស្នាដៃយ៉ាងច្រើន អនេកប្បការ សម្រាប់មាតុភូមិ និងសង្គមជាតិ ដែលជាមរតកដ៏មានតម្លៃ ដូចជា ចំណេះដឹង វិទ្យាសាស្រ្ត បច្ចេកទេស វប្បធម៌ ប្រពៃណី ទំនៀមទំលាប់ និងបទពិសោធន៍ ល្អៗ ជាច្រើន ឥតគណនា និងជាប្រយោជន៍ និងគុណសម្បត្តិជាច្រើនទៀត ដែលបន្សល់ទុកជូនកូនចៅជំនាន់ក្រោយ។ប្រធានមន្ទីរសង្គមកិច្ច អតីតយុទ្ធជន និង យុវនិតិសម្បទាខេត្ត…

ស្ទឹងត្រែង៖ ដើម្បីកិច្ចគាំពារបរិស្ថាន ការការពារធនធានធម្មជាតិ ការអភិរក្សជីវៈចម្រុះ និងការរស់នៅប្រកបដោយចីរភាព ក្រសួងបរិស្ថានបានសហការជាមួយស្ថានីយវិទ្យុ និងទូរទស្សន៍អប្សរារៀបចំការប្រគុំតន្រ្តីបញ្ជ្រាបមេត្រីភាពបរិស្ថាន ក្រោមប្រធានបទ “រួមគ្នាដើម្បីមេត្រីភាពបរិស្ថាន” នៅទីរួមខេត្តស្ទឹងត្រែង ក្រោមវត្តមាន លោកជំទាវ ព្រំ សុភី អនុរដ្ឋលេខាធិការ តំណាងដ៏ខ្ពង់ខ្ពស់ឯកឧត្តម សាយសំអាល់ រដ្ឋមន្ត្រីក្រសួងបរិស្ថាន នាល្ងាចថ្ងៃទី២៧ ខែកញ្ញា ឆ្ន២០១៨ ។ បន្ទាប់ពីការលើកឡើងពីសក្តានុពលធម្មជាតិ សារៈសំខាន់នៃការការពារនិងអភិរក្សបរិស្ថាន និងការអភិវឌ្ឍថ្មីៗនៃខេត្តស្ទឹងត្រែងរបស់ឯកឧត្តម មុំ សារឿន អភិបាលនៃគណៈអភិបាលខេត្តស្ទឹងត្រែង រួចមក លោកជំទាវ ងិន លីណា អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន បានឱ្យដឹងថា ៖ ព្រឹត្តិការណ៏ដែលរៀបចំឡើងនៅពេលនេះ គឺមានគោលបំណងដើម្បីបញ្រ្ជាបចំណេះដឹងដល់ប្រតិបត្តិករមេត្រីភាពបរិស្ថាន ជុំរុញការចូលរួមកិច្ចគាំពារបរិស្ថាន ការប្រើប្រាស់ធនធានធម្មជាតិប្រកបដោយនិរន្តរភាព និងការអភិរក្សជីវៈចម្រុះ ។ លោកជំទាវអគ្គនាយកបន្តថា ដើម្បីមេត្រីភាពបរិស្ថាន ត្រូវចេះស្រទ្បាញ់បរិស្ថានជុំវិញខ្លួន ហើយចូលរួមទទួលខុសត្រូវលើបញ្ហាបរិស្ថាន។ជាមួយគ្នានេះ គប្បីយកចិត្តទុកដាក់សំអាតសំរាមឱ្យបានត្រឹមត្រូវ ចូលរួមការពារធនធានធម្មជាតិ និងអភិរក្សជីវៈចម្រុះ ដើម្បីឱ្យការរស់នៅប្រកបដោយចីរភាព។ ក្នុងឱកាសនោះ លោកជំទាវ ព្រំ សុភី មានប្រសាសន៍ថា…

ភ្នំពេញ៖ ការប្រកួតប្រជែងបង្កើតគម្រោងអាជីវកម្មដំបូង(Startupper) មួយនៅក្នុងប្រទេសកម្ពុជា នឹងចាប់ផ្តើមនៅខែតុលាខាងមុខនេះ ដើម្បីដណ្តើមពានរង្វាន់ជាង១ម៉ឺនដុល្លារ ជាង៨៥០០ដុល្លារ និងជាង៥៧០០ដុល្លារអាមេរិក ។ គម្រោង Startupper នេះ គឺត្រូវផ្តល់ផលប្រយោជន៍ដល់សហគមន៍និងបើកទូលាយលើគ្រប់វិស័យ មិនថា បច្ចេកវិទ្យា កសិកម្ម ឬ ពាណិជ្ជកម្មទឡើយ។កម្មវិធីប្រកួតរៀបចំឡើងដោយក្រុមហ៊ុនប្រេងឥន្ធនៈតូតាល់។

ភ្នំពេញ៖ នារសៀល ថ្ងៃព្រហស្បតិ៏ត ៣រោច ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែកញ្ញា ឆ្នាំ២០១៨ លោកជំទាវកិត្ដិសង្គហបណ្ឌិត ម៉ែន សំអន ឧបនាយករដ្ឋមន្ដ្រី រដ្ឋមន្ដ្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងមន្ដ្រីរាជការក្រោមឱវាទ បានចូលរួមក្នុងពិធីបុណ្យកាន់បិណ្ឌវេនទី៤ ជាមួយពុទ្ធបរិស័ទនៅវត្តសារាវ័ន្តតេជោ ស្ថិតក្នុងសង្កាត់ជ័យជម្នះ ខណ្ឌដូនពេញ  ដើម្បីរួមចំណែកក្នុងការជួយថែរក្សាទំនៀមទម្លាប់ ប្រពៃណីព្រះពុទ្ធសាសនាឱ្យកាន់តែរុងរឿងរីកចម្រើនបន្ថែមទៀត។