ក្រសួងការបរទេស ចេញសេចក្តីថ្លែងការណ៍ ស្វាគមន៍លទ្ធផល នៃកិច្ចប្រជុំកំពូលអន្តរកូរ៉េ ជាប្រវត្តិសាស្ត្រ និង ជោគជ័យ នៅទីក្រុងព្យុងយ៉ាង។

ភ្នំពេញ៖ អភិបាលរាជធានីភ្នំពេញ លោកឃួង ស្រេង បានជំរុញឲ្យអាជ្ញាធរ និងសមត្ថកិច្ចទាំងអស់បង្ការទប់ស្កាត់គ្រប់បទល្មើស និងគ្រោះអគ្គិភ័យ ដើម្បីភាពសុខសាន្តជូនប្រជាពលរដ្ឋ ក្នុងនាមជាអាណាព្យាបាលរបស់ប្រជាពលរដ្ឋ។ ការជំរុញបែបនេះ បានធ្វើឡើងនៅរសៀលថ្ងៃទី២៦ ខែកញ្ញាឆ្នាំ២០១៨នេះ ក្នុងពិធីសំណេះសំណាលជាមួយមន្ត្រីរាជការចំណុះរដ្ឋបាលខណ្ឌដូនពេញ នៅសាលាខណ្ឌដូនពេញ។

ផ្ទះមនុស្សធម៌១ខ្នង មានទំហំ ៥ម៉ែត្រx៦ម៉ែត្រ ធ្វើពីឈើ ប្រក់ស័ង្កសី ដែលជាអំណោយរបស់លោកជំទាវឧកញ៉ា សៀង ចាន់ហេង អគ្គនាយិការក្រុមហ៊ុនហេងអភិវឌ្ឍន៍ បានផ្តល់តាមរយៈសាខាកាកបាទក្រហមកម្ពុជាខេត្តសៀមរាប ត្រូវបានលោកជំទាវ គួយ ណាលីន ឃឹម ប៊ុនសុង អនុប្រធាន  គណៈកម្មាធិការសាខាកាកបាទក្រហមកម្ពុជាខេត្តសៀមរាប ប្រគល់ជូនប្រជាពលរដ្ឋទីទ័លក្រគ្មានទីពឹង នៅភូមិដូនហុង ឃុំដំដែក ស្រុកសូទ្រនិគម ខេត្តសៀមរាប កាលពីរសៀលថ្ងៃទី ២៦ ខែកញ្ញា ឆ្នាំ២០១៨។ ផ្ទះមនុស្សធម៌ទី៦១ ប្រគល់ជូនគ្រួសារលោកស្រី ធិក សាម៉ូន អាយុ៥២ឆ្នាំ ជាស្ត្រីមេម៉ាយមានកូន៥នាក់ក្នុងបន្ទុក បច្ចុប្បន្នដើរស៊ីឈ្នួលគេបានថវិកាខ្លះផ្គង់ផ្គង់គ្រួសារ។

នៅទីស្តីការក្រសួងបរិស្ថាន នាព្រឹកថ្ងៃពុធ ២រោច ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៦ ខែកញ្ញា ឆ្នាំ២០១៨ លោកជំទាវ ព្រំ សុភី អនុរដ្ឋលេខាធិការនៃក្រសួងបរិស្ថាន បានដឹកនាំកិច្ចប្រជុំអន្តរក្រសួងពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង (IESIA) លើគម្រោងពង្រីកប្រព័ន្ធផ្គត់ផ្គង់ទឹកស្អាតខេត្តពោធិ៍សាត់ ដែលមាន ទីតាំងស្ថិតនៅភូមិផ្សារលើ សង្កាត់លលកស ក្រុងពោធិ៍សាត់ ខេត្តពោធិ៍សាត់ របស់ក្រសួងឧស្សាហកម្ម និងសិប្បកម្ម (ម្ចាស់គម្រោង) ព្រមទាំងសិក្សា និងរៀបចំរបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង (IESIA) ដោយក្រុមហ៊ុនទីប្រឹក្សា SUSTINAT GREEN CO., LTD. សហការជាមួយក្រុមហ៊ុនទីប្រឹក្សា CTI Engineering International Co., Ltd. ក្រោមជំនួយឥតសំណងរបស់រាជរដ្ឋាភិបាលជប៉ុន។ កិច្ចប្រជុំនេះបានផ្តោតសំខាន់ទៅលើ៖ ១)ការរចនា និងការសាងសង់គម្រោងពង្រីកបណ្តាញប្រព័ន្ធទឹកស្អាតពាក់ព័ន្ធនឹងហេដ្ឋារចនាសម័្ពន្ធដែលមានស្រាប់។ ២)ការរៀបចំផែនការអប់រំពីសុខភាព និងសុវត្ថិភាពការងារដល់បុគ្គលិក-កម្មករ ដែលបម្រើការងារក្នុងគម្រោងឱ្យបានត្រឹមត្រូវ។ …

ព្រឹកថ្ងៃពុធ ២រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែកញ្ញា ឆ្នាំ២០១៨ លោក នុត ពុធដារ៉ា អភិបាលខណ្ឌដង្កោ បានធ្វើការណែនាំដល់អជ្ញាធរសង្កាត់ ភូមិ កងកម្លាំងប្រដាប់អាវុធគ្រប់ប្រភេទ ឲ្យយកចិត្តទុកដាក់ពង្រឹងការងារសន្តិសុខ សណ្តាប់ជូនប្រជាពលរដ្ឋ ឲ្យបានល្អប្រសើរ ចាប់ពីថ្ងៃកាន់បិណ្ឌទី១ ដល់ពិធីបុណ្យភ្ជុំបិណ្ឌបញ្ចប់។ លោកបានដឹកនាំមន្ត្រីក្រោមឱវាទចុះពិនិត្យការងាររក្សាសន្តិសុខ សណ្តាប់ធ្នាប់ ជូនប្រជាពលរដ្ឋ នៅក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ តាមបណ្តាវត្តទាំង២៦ ក្នុងមូលដ្ឋានខណ្ឌដង្កោ។ ក្នុងឱកាសនេះដែរ លោកអភិបាលខណ្ឌក៏បាននាំយកទេយ្យវត្ថុប្រគេនព្រះសង្ឃវត្តទីឃវ័ន ហៅវត្តព្រៃវែង ស្ថិតក្នុងសង្កាត់ព្រៃវែងផងដែរ។