ភ្នំពេញ៖ កិច្ចប្រជុំគណៈប្រឹក្សាភិបាលលើកទី៣ នៃកម្មវិធីរួមគ្នារបស់អង្គការសហប្រជាជាតិ «រួមគ្នាដើម្បីមុខរបរ និងការងាររបស់យុវជននៅកម្ពុជា» ត្រូវបានធ្វើឡើងក្រោមការសហការគ្នារវាង ក្រសួងការងារ និង អង្គការសហប្រជាជាតិ (UN) ដើម្បីបូកសរុបការងារដែលបានអនុវត្តកម្មវិធីនៅជំហានទី១ បន្ទាប់ពីគម្រោងនេះបានអនុវត្ត២ឆ្នាំមកហើយ និងអនុម័តនូវផែនការសកម្មភាពជំហានទី២ សម្រាប់ឆ្នាំបន្តទៀត។ កិច្ចប្រជុំនេះ ធ្វើឡើងក្រោមវត្តមាន ឯកឧត្តម  អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និង លោកស្រី​ Pauline Tamesis អ្នកសម្របអង្គការសហប្រជាជាតិប្រចាំកម្ពុជា​ នារសៀលថ្ងៃទី២៥ ខែកញ្ញា ឆ្នាំ២០១៨ នៅទីស្ដីការក្រសួងការងារ។ ឯកឧត្តមរដ្ឋមន្ត្រីបញ្ជាក់ថា កម្មវិធីរួមគ្នាដើម្បីមុខរបរ និងការងាររបស់យុវជននៅកម្ពុជា សម្រាប់ជំហានទី២នេះ ផ្តោតលើការអភិវឌ្ឍសហគ្រិនភាពរបស់យុវជន និងការអភិវឌ្ឍជំនាញវិជ្ជាជីវៈឱ្យទាន់សម័យកាលថ្មី និងបដិវត្តឧស្សាហកម្ម ជំនាន់ទី៤ ពង្រីកការបណ្ដុះបណ្ដាលប្រព័ន្ធព័ត៌មានវិទ្យាទៅដល់ក្រុមយុវជន ពិសេសក្រុមយុវជនគោលដៅ គឺក្រុមយុវជនងាយរងគ្រោះ និងមានជីវភាពក្រីក្រលំបាកជាដើម។  កម្មវិធីជំហានទី២នេះ ក៏ប្រមូលផ្តុំទៅរកការអភិវឌ្ឍ ការ បណ្ដុះបណ្ដាលការអប់រំនៅតាមរោងចក្រ សហគ្រាស ពិសេសជំរុញការកាត់បន្ថយអណក្ខរកម្ម ចំពោះកម្មករនិយោជិត និងបំណិនជីវិតតាមគ្រឹះស្ថានសិក្សាអបរ់រំ ក៏ដូចជានៅតាមមូលដ្ឋានបណ្ដុះបណ្ដាលវិជ្ជាជីវៈ របស់ក្រសួងការងារ…

ភ្នំពេញ៖ ក្រុមជនសង្ស័យ៣នាក់ បានធ្វើសកម្មភាពវាយប្លន់យកទូរសព្ទ៤គ្រឿង និងលុយ២លានរៀលបានសម្រេច ប៉ុន្តែរត់គេចខ្លួនមិនរួច ត្រូវកម្លាំងមត្ថកិច្ចប៉ុស្តិ៍នគរបាលចាក់អង្រែលើដេញស្ទាក់ចាប់បានម្នាក់ ចំណែក២នាក់ទៀតរត់គេចខ្លួនរួច។ហេតុការណ៍វាយប្លន់នេះបានកើតឡើងកាលពី វេលាម៉ោង១០និង២០នាទីព្រឹកថ្ងៃទី២៦ ខែកញ្ញា ឆ្នាំ២០១៨ នៅភូមិព្រែកតាគង់១សង្កាត់ ចាក់ អង្រែលើ ខណ្ឌមានជ័យ រាជធានីភ្នំពេញ។ សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនបានមានឈ្មោះ អ៊ុយ សុវណ្ណ ហៅ “ម៉ាប់” ភេទប្រុស អាយុ២៣ឆ្នាំ មានទីលំនៅភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ។ ដោយឡែកជនរងគ្រោះសុំមិនបញ្ចេញឈ្មោះ និងរងរបួសបែកក្បាល។ បច្ចុប្បន្នជនសង្ស័យត្រូវសមត្ថកិច្ចធ្វើការសាកសួរ និងកសាងសំណុំរឿងបញ្ជួនទៅអធិការខណ្ឌមានជ័យ ដើម្បីចាត់ការបន្តតាមនិតិវិធី។ ចំណែកបក្សពួក២នាក់ទៀត សមត្ថកិច្ចកំពុងធ្វើការស្រាវជ្រាវតាមចាប់យកមកផ្ដន្ទាទោសតាមផ្លូវច្បាប់ផងដែរ៕

ក្នុងឱកាសនៃការអញ្ជើញចូលរួមគោរពវិញ្ញាណក្ខន្ធសពឯកឧត្តម ត្រាន់ ដាយក្វាង ប្រធានរដ្ឋវៀតណាម សម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា បានទទួលជួបពិភាក្សាការងារទ្វេភាគីជាមួយ ឯកឧត្តម លី ណាក់យ៉ុន (Lee Nak Yeon) នាយករដ្ឋមន្រ្តី នៃសាធារណរដ្ឋកូរ៉េ។

ភ្នំពេញ៖ ជនសង្ស័យម្នាក់ត្រូវបានសមត្ថកិច្ចចាប់ខ្លួន ក្រោយពីធ្វើសកម្មភាពគាស់ផ្ទះលួចទ្រព្យសម្បត្តិ ទូរសព្ទជាច្រើនគ្រឿង កាលពីវេលាម៉ោង១និង៣០នាទីរំលងអធ្រាត្រ ចូលថ្ងៃទី២៣ ខែកញ្ញា ឆ្នាំ២០១៨ នៅភូមិតាងួន សង្កាត់កាកាប១ ខណ្ឌពោធិសែនជ័យ ព្រឹកឡើងម្ចាស់ទៅប្តឹងនគរបាល ចុះស្រាវជ្រាវកំណត់បាននូវមុខសញ្ញា ចាប់ខ្លួនបានជនសង្ស័យនៅវេលាម៉ោង៩និង៣០នាទីព្រឹក ថ្ងៃទី២៦ ខែកញ្ញា ឆ្នាំ២០១៨ នេះនៅក្នុងភូមិប៉ប្រ៉កត្បូង សង្កាត់កាកាប១ ខណ្ឌពោធិសែនជ័យ។

នៅថ្ងៃទី២៦ កញ្ញា នេះ  សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក៏ដូចជាបណ្តាមេដឹកនាំ និងគណៈប្រតិភូនៃប្រទេសជាមិត្តនានារបស់វៀតណាម ចំនួន១១ប្រទេសផ្សេងទៀត រួមមានប្រទេសឡាវ សឹង្ហបុរី ម៉ូសំប៊ិច បេឡារ៉ុស សាធារណរដ្ឋកូរ៉េ ជប៉ុន គូបា ឥណ្ឌូនេស៊ី ចិន ម៉ាឡេស៊ី និងរុស្សី បានអញ្ជើញទៅដល់ទីក្រុងហាណូយ សាធារណរដ្ឋសង្គមនិយមវៀតណាម ដើម្បីអញ្ជើញគោរពវិញ្ញាណក្ខន្ធសព ឯកឧត្តមប្រធានរដ្ឋវៀតណាម ត្រាន់ ដាយក្វាង ដែលបានទទួលមរណភាព កាលពីវេលាម៉ោង១០និង៥នាទី ព្រឹកថ្ងៃទី២១ កញ្ញាកន្លងទៅថ្មីៗនេះ ក្នុងជន្មាយុ៦១ឆ្នាំ ដោយជំងឺដ៏ធ្ងន់។ សពរបស់ឯកឧត្តម ប្រធានរដ្ឋវៀតណាម បានប្រារព្វពិធីតម្កល់ជាផ្លូវការរយៈពេល២ថ្ងៃ គឺនៅថ្ងៃទី២៦-២៧ខែកញ្ញា នៅបញ្ជាការដ្ឋានកងទ័ពប្រជាជនវៀតណាម ក្នុងទីក្រុងហាណូយ ដើម្បីអនុញ្ញាតឲ្យគណៈប្រតិភូបរទេសនានា អញ្ជើញចូលគោរពវិញ្ញាណក្ខន្ធសព។

ថ្លែងក្នុងជំនួបពិភាក្សាមួយរវាងអភិបាលខេត្តព្រះសីហនុ និងតំណាងក្រុមហ៊ុនចំនួន៦មកពីប្រទេសចិន កាលពីព្រឹកថ្ងៃពុធ ២រោច ខែភទ្របទ ឆ្នាំច ពស ២៥៦២ ត្រូវនឹងថ្ងៃទី២៦ ខែកញ្ញា ឆ្នាំ២០១៨ ទាក់ទងនឹងគម្រោងសិក្សាក្នុងការកសាងផ្លូវ និងលូ នៅក្រុងព្រះសីហនុ បន្ទាប់ពីរងការខូចខាតនាដំណាក់កាលបច្ចុប្បន្ន។ ក្រៅពីការសិក្សាលើគម្រោងសាងសង់ផ្លូវ និងលូ ខាងតំណាងក្រុមហ៊ុនចិនទាំងនោះក៏មានបំណងវិនិយោគលើគម្រោងប្រមូលសំរាម និងកែច្នៃសំរាមផងដែរ។