សៀមរាប៖ បើយោងតាមប្រសាសន៍របស់ឯកឧត្ដម គឹម សេតារា ប្រធានអាជ្ញាធរជាតិព្រះវិហារបានឲ្យដឹងថា ប្រទេសចិនដែលជាសហប្រធាននៃកិច្ចប្រជុំរបស់គណៈកម្មាធិការសម្របសម្រួលអន្ដរជាតិសម្រាប់ការអភិរក្ស និងការលើកតម្លៃព្រះវិហារ (ICC- Preah Vihear) មានគម្រោងនឹងចាប់ផ្តើមដំណើរការជួសជុលប្រាសាទព្រះវិហារនាពេលឆាប់ៗខាងមុខនេះ។ កិច្ចប្រជុំបច្ចេកទេសលើកទី៤ ICC- Preah Vihear នៅព្រឹកថ្ងៃទី២០ កញ្ញា នាស្នាក់ការអាជ្ញាធរជាតិអប្សរា ក្រោមអធិបតីភាព លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្យសិល្បៈ។ ប្រធានអាជ្ញាធរជាតិព្រះវិហារមានប្រសាសន៍ថា កិច្ចប្រជុំលើកនេះ គឺខុសគ្នាខ្លាំងជាមួយនឹងកិច្ចប្រជុំនាពេលកន្លងមក។ ឯកឧត្ដម គឹម សេតារា បានលើកឡើងថា ភាពខុសគ្នានោះគឺ សហប្រធានចិន និងឥណ្ឌា បានបង្ហាញពីលទ្ធផលសិក្សាស្រាវជ្រាវរបស់ខ្លួន ដែលបានធ្វើនៅតំបន់ប្រាសាទព្រះវិហារ។ តាមប្រធានអាជ្ញាធរជាតិព្រះវិហារ ក្រោយកិច្ចប្រជុំនេះ គឺនឹងដឹងពីពេលវេលាជាក់លាក់នៃការចាប់ផ្តើមការងារជួសជុលរបស់ប្រទេសចិន។ តាមគម្រោងចិន នឹងធ្វើការជួសជុលគោបុរៈទី១ ទី២ និងទី៣ នៃប្រាសាទព្រះវិហារ។ ដោយឡែកសម្រាប់សហប្រធានឥណ្ឌាវិញ កាលពីចុងខែ សីហាកន្លងទៅ ប្រធានអាជ្ញាធរជាតិអប្សរា និងឯកអគ្គរដ្ឋទូតឥណ្ឌាប្រចាំកម្ពុជា បានចុះអនុស្សរណៈយោគយល់គ្នា ទាក់ទងនឹងការងារជួសជុលគោបុរៈទី៥ នៃប្រាសាទព្រះវិហារ។ បើយោងតាមការបញ្ជាក់របស់ឯកឧត្តម…

ឯកឧត្តម ងួន រតនៈ អភិបាលខេត្តបាត់ដំបង បានថ្លែងសាទរ និងជំរុញដល់សិស្សសាលាបញ្ញាសាស្ត្រអន្តរជាតិខេត្ត ត្រូវបន្តខិតខំរៀនសូត្រឲ្យបានល្អបន្ថែមទៀត ដែលនេះវាគឺជាឱកាសសម្រាប់ក្មួយៗ ដើម្បីស្រូបយកឱកាសទាំងនេះក្នុងការសិក្សា និងកសាងនូវសមត្ថភាពរបស់ខ្លួន និងដើម្បីកសាងខ្លួនឲ្យក្លាយជាកូនល្អ សិស្សល្អ និង ជាពលរដ្ឋល្អ ក្នុងសង្គមជាតិយើង។

ក្នុងឱកាសដែលសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណា ចក្រកម្ពុជា បានអនុញាតិឱ្យសមាជិកសភានៃសហព័ន្ធអាល្លឺម៉ង់ ឯកឧត្តម Markkus Benjamin Koob ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។ ឯកឧត្តម អ៊ាង សុល្លែត ជំនួយការផ្ទាល់សម្ដេចតេជោ បានប្រាប់អ្នកយកព័ត៌មានថា សមាជិកសភាសហព័ន្ធអាល្លឺម៉ង់ឯកឧត្តម Markus Benjamin Koob បានបញ្ជាក់ថា សហព័ន្ធអាល្លឺម៉ង់ បានត្រៀមខ្លួនរួចជាស្រេចក្នុងការបន្តគាំទ្រកម្ពុជា ជំរុញការអភិវឌ្ឍលើកិច្ចសហប្រតិបត្តិការដែលមានស្រាប់ និងកិច្ចសហប្រតិបត្តិការដទៃទៀត ដែលប្រទេសទាំង២ អាចធ្វើទៅបាន ។ ឯកឧត្តម Markus Benjamin Koob ក៏បានសម្ដែងនូវសេចក្ដីរីករាយ ដែលមានក្រុមហ៊ុនធំៗ និងល្បីៗជាច្រើន មកបើកក្នុងប្រទេសកម្ពុជា ហើយផលិតសម្ភារៈ ជាពិសេស វាយនភណ្ឌ ដែលមានគុណភាព សម្រាប់នាំចេញទៅកាន់សហភាពអឺរ៉ុប។

តូក្យូ ៖ ក្នុងឱកាសទៅចូលរួមប្រជុំតុមូលថ្នាក់រដ្ឋមន្ត្រីទេសចរណ៍លើកទី២ និងក្នុងឱកាសចូលរួមពិព័រណ៍ JATA នៅទីក្រុងតូក្យូ លោក ថោង ខុន រដ្ឋមន្ត្រីក្រសួងទេសចរណ៍ បានជួបសម្ដែងការគួរសម និងពិភាក្សាការងារដាច់ដោយឡែកជាមួយលោក Hiroyuki Takahashi ប្រធាន និងជាគណៈប្រតិបត្តិក្រុមហ៊ុនទេសចរណ៍ជប៉ុន Japan Travel Bureau JTB ដែលជាក្រុមហ៊ុនទេសចរណ៍ដ៏ធំនៅជប៉ុន។

នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃពុធ ទី១៩ ខែកញ្ញា ឆ្នាំ២០១៨    ឯកឧត្តមរដ្ឋមន្ត្រី វេង សាខុន បានអនុញ្ញាតឲ្យលោកបណ្ឌិត Pierre-Marie Bosc មន្ត្រីជាន់ខ្ពស់នៃអង្គការស្បៀងអាហារ និងកសិកម្ម FAO ចូលជួបសម្តែងការគួរសម និងពិភាក្សាការងារស្តីពីការរៀបចំបង្កើតគម្រោងថ្នាក់តំបន់ ដែលពាក់ព័ន្ធនឹងប្រទេសចំនួនបីគឺ ព្រះរាជាណាចក្រកម្ពុជា ថៃ និងមីយ៉ាន់ម៉ា លើវិស័យកៅស៊ូ។ លោកបណ្ឌិត Bosc បានធ្វើការកោតសរសើរ និងវាយតម្លៃខ្ពស់ ចំពោះកិច្ចអភិវឌ្ឍន៍នៃសេដ្ឋកិច្ចកម្ពុជានាពេលបច្ចុប្បន្ន ក្រោមការដឹកនាំរបស់រាជរដ្ឋាភិបាល។ ចំពោះជំនួបនាថ្ងៃនេះ លោកបណ្ឌិតបានបញ្ជាក់ជូនឯកឧត្តមរដ្ឋមន្ត្រីជ្រាបថា ដោយសង្កេតឃើញកសិករកៅស៊ូគ្រួសារមានបញ្ហាប្រឈមជាខ្លាំងគួរឲ្យព្រួយបារម្ភ ជាពិសេសលើបញ្ហាតម្លៃកៅស៊ូធម្មជាតិ កំពុងធ្លាក់ថ្លៃ ការប្រែប្រួលអាកាសធាតុ និងទិន្នផលក៏បានថយចុះ អង្គការ FAO រួមជាមួយអង្គការ CIRAD បានឯកភាពរៀបចំបង្កើតគម្រោងថ្នាក់តំបន់ត្រីភាគីរវាងប្រទេសកម្ពុជា ប្រទេសថៃ និងប្រទេសមីយ៉ាន់ម៉ា ដែលគម្រោងនេះផ្តោតជាសំខាន់ទៅលើប្រព័ន្ធសង្កេតការសិក្សាស្រាវជ្រាវ និងពិភាគជាលម្អិតនៃលទ្ធផលដែលទទួលបាននៃប្រទេសនីមួយៗ ដើម្បីធ្វើការប្រៀបធៀប និងវាយតម្លៃអំពីស្ថានភាព ក៏ដូចជាប្រសិទ្ធភាពនៃការអនុវត្តដាំដុះ ការប្រមូលផលជ័រកៅស៊ូ និងធ្វើការកែសម្រួល។ ឯកឧត្តមរដ្ឋមន្ត្រីបានថ្លែងអំណរគុណដល់អង្គការ FAO ដែលបាននិងកំពុងគាំទ្រដល់រាជរដ្ឋាភិបាលកម្ពុជាក្នុងការអភិវឌ្ឍលើគ្រប់វិស័យ…

កម្លាំងសមត្ថកិច្ចនាយកដ្ឋានប្រឆាំងការជួញដូរមនុស្ស និងការពារអនីតិជន បានចុះបង្ក្រាបហាងម៉ាស្សាកោសជប់ មានលួចលាត់បង្កប់សេវាផ្លូវភេទមួយកន្លែង ឃាត់ខ្លួនមនុស្សចំនួន៧នាក់ និងវត្ថុតាងមួយចំនួន កាលពីវេលាម៉ោង១០និង២០នាទីយប់ ថ្ងៃទី១៩ខែកញ្ញា ឆ្នាំ២០១៨ នៅត្រង់ចំណុចផ្ទះលេខ៣៦០EoE តាមបណ្ដោយផ្លូវ២០១១ ភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ។ ប្រតិបត្តិការចុះបង្ក្រាបហាងម៉ាស្សាកោសជប់មានលួចលាក់បង្កប់សេវាផ្លូវភេទខាងលើនេះ ក្រោមការដឹកនាំផ្ទាល់ពីលោកឧត្ដមសេនីយ៍ទោ សំបូរ មាណ្ណារិទ្ធ អនុប្រធាននាយកដ្ឋាន លោកឧត្ដមសេនីយ៍ទោ ឯម សុជឿន អនុប្រធាននាយកដ្ឋាន និងលោក កុល បុន ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ។ ជាលទ្ធផល សមត្ថកិច្ចធ្វើការឃាត់ខ្លួនមនុស្សចំនួន៧នាក់ ក្នុងនោះឃាត់ខ្លួនប្តីប្រពន្ធដែលជាថៅកែហាងផងដែរ។ បុរសជាប្តីមានឈ្មោះ ម៉ុន ចំរើន អាយុ៤១ឆ្នាំ ស្នាក់នៅកន្លែងកើតហេតុ និងប្រពន្ធឈ្នោះ ហ៊ុ ស្រីអន អាយុ២១ឆ្នាំ ស្នាក់នៅជាមួយគ្នា និងនារីម៉ាស្សាចំនួន៥នាក់ទៀត រួមទាំងដកហូតបានវត្ថុតាងរួមមាន ឧបករណ៍ប្រើប្រាស់គ្រឿងញៀនចំនួន៤ ស្រោមប្រើប្រាស់ហើយ និងមិនទាន់ប្រើមួយចំនួន និងសម្ភារមួយចំនួនទៀត។ បច្ចុប្បន្ន ថៅកែទាំង២នាក់ប្តីប្រពន្ធ និងនារី៥នាក់ទៀត រួមនឹងវត្ថុតាង ត្រូវបានកម្លាំងសមត្ថកិច្ចនាំខ្លួនយកទៅសាកសួរនៅឯនាយកដ្ឋានប្រឆាំងការជួញដូរមនុស្ស…