ខេត្តកំពង់ឆ្នាំង៖ នៅព្រឹកថ្ងៃទី១៩ ខែកញ្ញា ឆ្នាំ២០១៨ នៅមណ្ឌលគ្រោះមហន្តរាយស្រុកបរិបូរណ៍ សាខាកាកបាទក្រហមខេត្តកំពង់ឆ្នាំង បានរៀបចំពិធីចែកអំណោយមនុស្សធម៌ដល់ប្រជាពលរដ្ឋចំនួន៥៦គ្រួសារ ដែលមកពីភូមិចំនួន២ គឺភូមិត្រពាំងពោធិ៍ និងភូមិកំពង់អួរ ឃុំខុនរ៉ង ស្រុកបរិបូរណ៍ ខេត្តកំពង់ឆ្នាំង។ ពិធីនេះ ប្រពឹត្តទៅក្រោមអធិបតីភាពឯកឧត្តម ឈួរ  ច័ន្ទឌឿន អភិបាលខេត្តកំពង់ឆ្នាំង និងជាប្រធានកិត្តិយសគណៈកម្មាធិការសាខាកាកបាទក្រហមខេត្ត និងមានការចូលរួមពីសំណាក់លោក លោកស្រីក្រុមការងារជាច្រើនរូបទៀត។ ឯកឧត្តម ឈួរ ច័ន្ទឌឿន បានមតិសំណេះសំណាល និងនាំនូវការផ្តាំផ្ញើសួរសុខទុក្ខដល់បងប្អូនប្រជាពលរដ្ឋងគ្រោះទាំងអស់ពីសំណាក់លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចតែងតែបានគិតគូរពីទុក្ខលំបាក ខ្វះខាតជីវភាពរស់នៅរបស់ប្រជាពលរដ្ឋ ដោយមិនប្រកាន់ពូជសាសន៍ ឬនិន្នាការនយោបាយឡើយ។ ទីណាមានទុក្ខលំបាក ទីនោះមានកាកបាទក្រហមកម្ពុជា ដែលមានលោកជំទាវកិត្តិព្រឹទ្ធបណ្ឌិតជាប្រធាននៅកម្ពុជា។ អំណោយមនុស្សធម៌ត្រូវចែកជូនដល់គ្រួសាររងគ្រោះដោយទឹកជំនន់នាពេលនេះ ក្នុងមួយគ្រួសារៗទទួលបាន អង្ករ៣០គីឡូក្រាម មី១កេស ត្រីខ១យួរ ឃីតមួយកញ្ចប់ (ភួយ១ ក្រមា១ សារុង១ មុង ១ និងថវិកា២០.០០០រៀល) ហើយជាមួយគ្នានេះ ឯកឧត្ដ កែវ ពៅ…

ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅរសៀសថ្ងៃទី១៨ ខែកញ្ញា ឆ្នាំ២០១៨ បានអនុញ្ញាតឲ្យប្រតិភូយុវជនកម្ពុជានៃសមាគមនាវាយុវជនអាស៊ីអាគ្នេយ៍កម្ពុជា ដឹកនាំដោយឯកឧត្តម ស៊្រាង គឹមលី ប្រធានសមាគមចូលជួបសម្តែងការគួរសម និងស្នើសុំអនុសាសន៍ និងពុទ្ធិគ្រប់ជ្រុងជ្រោយ មុនពេលចេញទៅចូលរួមកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៥ នៅប្រទេសជប៉ុន ប៊្រុយណេ ហ្វីលីពីន ថៃ និងវៀតណាមរយៈពេល ៥២ថ្ងៃ គឺចាប់ពីថ្ងៃទី២៣ ខែតុលា ដល់ថ្ងៃទី១២ ខែធ្នូ ឆ្នាំ២០១៨ ខាងមុខនេះ។ ឯកឧត្តម ស៊្រាង គឹមលី បានឲ្យដឹងថា សមាគមនាវាយុវជនអាស៊ីអាគ្នេយ៍កម្ពុជា ត្រូវបានបង្កើតឡើងដោយមហាសន្និបាតធម្មនុញ្ញកាលពីថ្ងៃទី០៧ ខែវិច្ឆិកា ឆ្នាំ២០០៤ ក្នុងគោលបំណងបណ្តុះបណ្តាលយុវជនប្រកបដោយចំណេះដឹង បទពិសោធន៍ ស្មារតី និងលក្ខណៈសម្បត្តិសមស្រប ជាតំណាងយុវជនកម្ពុជា ដើម្បីចូលរួមក្នុងកម្មវិធី SSEAYP។  សូមបញ្ជាក់ផងដែរថាកម្មវិធី SSEAYP  ត្រូវបានរៀបចំឡើងដោយរដ្ឋាភិបាលជប៉ុន រួមជាមួយនឹងការគាំទ្រយ៉ាងសកម្ម និងកិច្ចសហប្រតិបត្តិការយ៉ាងជិតស្និទ្ធពីសំណាក់សមាជិកអាស៊ានទាំង១០ប្រទេស ដើម្បីពង្រឹង និងពង្រីកចំណងមិត្តភាព សាមគ្គីភាព…

ភ្នំពេញ៖ នៅព្រឹកថ្ងៃពុធ ១០កើត ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៩ ខែកញ្ញា ឆ្នាំ២០១៨ ឯកឧត្តម នុត ពុធដារ៉ា ជំនួយការសម្តេចតេជោនាយករដ្ឋមន្ត្រី និងជាអភិបាលខណ្ឌដង្កោ បានដឹកនាំមន្ត្រីរាជការរួមជាមួយនឹងអធិការនគរបាលខណ្ឌ ចៅសង្កាត់ មេប៉ុស្តិ៍ ប្រធានភូមិ ធ្វើការប្តេជ្ញាចិត្តចំពោះមុខបងប្អូនប្រជាពលរដ្ឋដែលរស់នៅក្នុងបុរី ក្នុងសង្កាត់ដង្កោ និងសង្កាត់ព្រៃស ក្នុងការបម្រើសេវាជូនប្រជាពលរដ្ឋឲ្យបានល្អប្រសើរទ្វេដង ទាំងលើផ្តល់សេវារដ្ឋបាល និងការងារភូមិសង្កាត់មានសុវត្ថិភាព ស្របតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

ភ្នំពេញ ៖ បុរស២នាក់បានជិះម៉ូតូឌុបគ្នាទៅបុកជាមួយរថយន្តដែលកំពុងបើកឆ្លងផ្លូវបណ្ដាលឲ្យរងរបួសធ្ងន់ម្នាក់ ស្រាលម្នាក់។ ហេតុការណ៍នេះបានកើតឡើងកាលពីម៉ោង១១និង៣០នាទីព្រឹកថ្ងៃទី១៩ ខែកញ្ញា ឆ្នាំ២០១៨ នៅលើផ្លូវសម្តេចជាស៊ីម កែងផ្លូវបេតុងភូមិក្រុងថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ។ យោងតាមប្រភពព័ត៌មានបានឲ្យដឹងថា មុនកើតហេតុឃើញបុរស២នាក់ជិះម៉ូតូម៉ាកហុងដាឌ្រីមសេ១២៥ ពណ៌ខ្មៅ ពាក់ស្លាកលេខ ប.មានជ័យ1J-6140 ឌុបគ្នាក្នុងទិសដៅពីលិចទៅកើតលើផ្លូវសម្តេចជាស៊ីម លុះមកដល់ចំណុចខាងលើស្រាប់តែមានរថយន្តមួយគ្រឿងម៉ាកហ៊ីហាន់ដាយ SANTA FE ពណ៌ខ្មៅ ស្លាកលេខភ្នំពេញ2AE-3423 បើកឆ្លងផ្លូវពីជើងមកត្បូងលើផ្លូវបេតុងធ្វើឲ្យអ្នកបើកម៉ូតូជាន់ហ្វ្រាំងមិនទាន់ក៏ជ្រុលទៅបុកចំកង់មុខផ្នែកខាងស្តាំរថយន្តបណ្តាលឲ្យដួល ហើយអ្នកបើកម៉ូតូរបួសធ្ងន់ ឯអ្នករួមដំណើររងរបួសស្រាល។ ក្រោយកើតហេតុ ជនរងគ្រោះត្រូវបងប្អូនដឹកតាមម៉ូតូយកទៅសង្គ្រោះនៅឯមន្ទីពេទ្យ ដោយឡែករថយន្ត និងម៉ូតូសមត្ថកិច្ចមូលដ្ឋានចុះវាស់វែងហើយយកទៅរក្សាទុកនៅអធិការដ្ឋាននគរបាលខណ្ឌសែនសុខរង់ចាំដោះស្រាយនាពេលក្រោយ៕

ប្រតិភូសាខាកាកបាទក្រហមកម្ពុជាខេត្តកណ្តាល ដឹកនាំដោយឯកឧត្តម គង់ សោភ័ណ្ឌ ប្រធានគណៈកម្មាធិការសាខា និងក្រុមការងារបាននាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ទៅចែកជូនដោយផ្ទាល់ដល់ប្រជាពលរដ្ឋដែលរងផលប៉ះពាល់ដោយទឹកជំនន់សរុបចំនួន២០៥គ្រួសារ (សមាជិក៧៧២នាក់) ដល់លំនៅឋានប្រជាពលរដ្ឋរងគ្រោះមួយចំនួន និងរៀបចំពិធីប្រមូលផ្តុំនៅលើផ្លូវទំនប់៩៤ ក្នុងភូមិ អំពៅព្រៃ ឃុំកណ្តាក ស្រុកកណ្តាលស្ទឹង ខេត្តកណ្តាល។

អណ្តូងទឹកស្នប់អាហ្វ្រីដេស៍ចំនួន២កន្លែង ត្រូវបានប្រគល់ជូនសហគមន៍ភូមិកន្សែងលើ និងភូមិតាតោកកើត ក្នុងឃុំ ចាន់សរ ស្រុកសូទ្រនិគមន ខេត្តសៀមរាប  កាលពីព្រឹកថ្ងៃទី១៩ ខែកញ្ញា ឆ្នាំ២០១៨  ក្រោមវត្តមានរបស់លោកជំទាវ គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាតិខេត្ត និងសហការី។

ភ្នំពេញៈ  បុរសជាជនជាតិចិនម្នាក់ត្រូវកម្លាំងសមត្ថកិច្ចប៉ុស្តិ៍នគរបាលបឹងកេងកង២ សហការជាមួយនិងកម្លាំងអន្តរាគមន៍ បានចាប់វាយខ្នោះយកទៅសាកសួរនាំនៅប៉ុស្តិ៍នគរបាលបឹងកេងកង២ បន្ទាប់ពីបុរសជាជនជាតិចិនម្នាក់នោះ បានប្រើអំពើហិង្សាទៅលើស្ត្រីខ្មែរដែលជាសង្សាររបស់ខ្លួន បណ្តាលឲ្យរងរបួស។ ហេតុការណ៍នេះបានកើតឡើងកាលពីវេលាម៉ោង២និង៤០នាទី រំលងអាធ្រាត្រឈានចូល ថ្ងៃទី១៩ ខែកញ្ញា ឆ្នាំ២០១៨ នៅក្នុងសណ្ឋារគារ ឡឺមុង ផ្លូវ១៤៣ កែងនិង៣០៤ សង្កាត់បឹងកេង២ ខណ្ឌចំការមន។ ស្ត្រីរងគ្រោះមានឈ្មោះ ភោគ ផានុ  ហៅ មុំ  ភេទស្រី ស្នាក់នៅផ្ទះលេខ៣៤   ផ្លូវលេខ៩ សង្កាត់ឬស្សីកែវ ខណ្ឌឬស្សីកែវ។ ចំណែកបុរសដៃដល់ជនជាតិចិនម មិនទាន់ស្គាល់អត្តសញ្ញាណនៅឡើយទេ។